FC2ブログ
Daisypath Anniversary tickers
Back from South Kyushu - Kagoshima & Miyazaki
老公1月尾生日過後, 我就立即諗下plan下自己的生日了..... 這幾年生日都去吃很好的餐廳, 實在不便宜, 便想著平平地去個短trip如bkk or tw外遊過生日啦! 最後, 貪心的我在2月中尾一個反身買了機票去鹿兒島! 反正機票價錢差不多, 反正都是去5日, 反正老公放長假, 反正也南九州沒什麼洗費成個trip算是平, 反正blah blah blah (好啦, 都是借口, 短trip我就是最想去日本! 哈! 我也想過不如快閃東京或大阪近郊, 不過check過機票原來更貴就放棄了) 就這樣, 趁著令和時代來臨之前, 平成最後倒數二十日, 我們就出發去這個"平成最後賞櫻過生日之旅"了....
之前已去過九州大部分地區, 這次就只去了鹿兒島和宮崎兩個縣~ 買機票時本打算hea遊而已~ 直至3月中才知道原來鹿兒島的櫻花季跟本州差不多呢, 所以我4月初來仍有機會見到櫻花呢! 真是很大的bonus哦! 我已經有9年沒賞櫻呢, 真係好開心好興奮~
今次快閃南九州5天, 如願的看到盛開的櫻花、渡過了生日、吃到宮崎和牛和黑豚、住了2晚溫泉酒店、遇到超好的天氣、見到好多美景、影左好多令相.... 真係好開心呀! 南九州的遊人不多, 地方很鄉下, 大部分都是看自然景觀和神社~ 不過我覺得挺不錯呢, 很適合我這次的外遊心態, 而且我真是人越大越喜歡去人少的地方旅遊, 發掘少人去的地方, 而且好喜歡看遼闊的風景, 真係好舒服好relax好治癒....

Day 1早機出發, 11am就來到鹿兒島了! 拿了車立即直駛日本櫻名所100選-伊佐市忠元公園賞櫻! 超多棵櫻花樹盛開真係好靚呀! 仲有櫻吹雪, 好浪漫! 還有不少檔攤小吃呢! 之後開車到南端的指宿, 先到砂むし会館砂楽一嚐指宿獨有的熱沙浴, 好爽! 晚上住吟松溫泉酒店和吃溫泉料理, 這晚酒店房還有私人風呂呢! 好爽!
Day 2在指宿去了日本最南端的西大山駅, 長崎鼻池田湖, 午餐就去了吃想試很久的流水麵! 好過癮呢~ 下午回鹿兒島市, 先在鴨川FC看了一會兒足球比賽, 之後才搭船到櫻島火山~ 去了湯之平展望台, 有村溶岩展望台近距離觀望火山南北岳, 晚上再到哈良市高岡公園看夜景和夜櫻~ 這晚回鹿兒島市下塌, 在附近找了家吃摩薩料理的居酒屋晚餐~
Day 3這天是我的生日, 第一次在日本渡過~ 實在令人興奮! 長征到日南海岸~ 先到在懸崖邊洞穴內的鵜戶神宮, 真係好特別好漂亮呢~ 之後再到Sun Messe日南看有趣的Moai像, 最後到青島神社鬼の洗濯板參觀~ 晚上回宮崎市吃宮崎和牛鐵板燒生日飯, 滿足! 這晚雖然住宮崎市, 不過這商務酒店都有天然溫泉浸呢! 正!
Day 4再北上往日向市日向岬的馬ケ背展望台, 感受"地球是圓的"的道理~ 之後再去日本百選瀑布之一的関之尾滝, 再去母智丘公園看季尾的櫻花.... 下午到霧島市神話の里公園, 由山頂滑落山落, 好刺激! 也趕在黃昏前去了霧島神宮參拜~ 晚上住霧島溫泉鄉的溫泉酒店, 吃黑豚shabushabu, 還浸很爽的露天風呂~
Day 5最後半天, 吃過豐富的早餐就先去了附近的丸尾滝, 再到最後一個景點高千穗牧場看看牛羊, 買番支牛奶, 之後就出發去機場了..... 中午的飛機, 下午就回到HK了....

雖然這次只有5天的行程 (嚴格來說是4天吧), 不過也算是把鹿兒島和宮崎兩個縣的景點大部分也逛了一遍 (唔, 還欠個高千穗峽吧, 不過太長車程回霧島, 3個小時左右, 我又不想skip其他景點, 所以放棄了)
這次又到日本2個縣打卡了...... 仍然又好想再去日本, 下次的目標是.... umum, 東北和四國? 不知何時才能成行呢, 想找老公以外的腳呢! 哈哈 (雖然有車真係方便好多 =p)
環遊世界 | Comments:4 | Trackbacks:0 | 2019/04/10(水)
comments
我3月去左鹿兒島4日3夜,
第一二日同你行程一樣,又係住吟松,
我住3樓,露天温泉對正海灘,好正
見到你相又再回味自己旅行時開心回憶。
2019/04/12(金) 09:53:34 | URL | Connie #-[ 編集]
connie

吟松環境真係唔錯, 私人的露天温泉對正海灘真係好正~ 比貴少少都值得~
我見唔少人話鹿兒島悶, 不過我同老公都覺得ok, 可能我地鍾意鄉下地方多d啦~ haha!
2019/04/12(金) 10:18:01 | URL | 小豬* #-[ 編集]
我話左俾老公知,有錢旅遊達人都住吟松,
佢好開心,你都揀得,証明佢自己無選擇錯。
我鐘意睇自然風景,食下野,巳很滿足了,
我自己都鐘意鹿兒島。
2019/04/12(金) 12:20:07 | URL | Connie #-[ 編集]
connie

嘩, 咩"有錢旅遊達人"呀... 真係唔敢當, haha~
我見指宿得2, 3間出名d既酒店, 都係白水館同吟松, 所以就揀呢間~ haha~
2019/04/12(金) 12:37:39 | URL | 小豬* #-[ 編集]
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4929-01c41439
Trackback