FC2ブログ
Daisypath Anniversary tickers
Farewell Dinner with K @ 武館BUKAN
我成日都話, 係工作上認識到真心朋友真係唔易, 仲要我地team, 人人都是競爭對手, 遇到真心相待的朋友更難..... 能常有共鳴、有默契、心靈有感應的, 我在這30年來也只遇過幾個........ 好慶幸, 我係呢間公司遇到兩個! 一個去年早已離職, 而另一個就是K了.....
就快要離職,剛好我last day那天K又不在香港, 我當然屈K請我食飯仲要係食好西啦! 收工後我們就去大角咀食omakase..... 對, 我又來了啊, kaka! 近排真係好愛日本野好愛omakase!
雖然上星期先來過, 不過omakase吃的東西日日也不同, 所以無所謂~ 先開番支sake慢慢細味, 一枝唔夠喉之後仲追加呢 =p
刺身方面, 今次有新嘗試 - 白海老、伊佐目、葉血引、深海池魚.... 葉血引成舊紅色看起來感覺好腥, 不過食落魚味濃郁很有驚喜呢..... 其他上次吃過的牡丹蝦、墨烏賊、大拖羅、關池魚、赤身仍然出色非常! 件大toro真係正到爆炸, 滿口油脂, 真係好開心可以和K一起分享美食! D肥美既刺身正到令我地停止講八卦, 要口口享受一下魚油的甘香 lol

汁煮金鎗魚, 鱈魚子清湯

白海老, 汁煮帆立貝, 一枝720ml既sake都唔夠喉, 之後再追加左支300ml

刺身 - 伊佐目, 姫鯛, 墨烏賊 (仍然好好食)

刺身 - 葉血引 (第一次食第一次聽, 看似好腥, 原來魚味超濃), 深海池魚 (近來好喜歡池魚), 金目鯛

刺身 - 牡丹蝦 (超新鮮, 師傅仲多送左隻俾我食, kaka), 吞拿魚赤身 (toro既味道, 赤身既口感! 正), 北海道生蠔 (超鮮, 仲好食過上次的)

刺身 - 大拖羅 (仍然係好食到爆炸, 咁大舊都冇筋而且入口即溶, 痴線架!)

刺身 - 海菠蘿, 關池魚; 吸物 - 枝豆湯; 酢物 - 山藥/ 味噌蒜/ 魷魚


到之後既熟食和壽司, 仍然大愛 鮟鱇魚肝、海膽三文魚子海葡萄卷、中吞拿魚腩醬油熟成壽司 可以食好西真係好幸福哦!
我們今晚說了很多很多, 其實都係平時成日講架喇~ 不過每次一齊食飯都係好心靈滿足我又會諗好多......
錦上添花的人多,雪中送炭的人少, 人在有危難既時候就會知道誰對你真心.... 永遠記得當日K和T如何拯救那只進了公司4個月那醉醺醺的我, 懷念平時開會時的電波交流口賤笑人, 平時私底下的whatsapp、多少次get到大家想講咩.....
衷心感激您這4年來多次尤其在私務的”出手相救”、永遠記得這份有共鳴的感覺,慶幸這些工作日子沿路有你.... Farewell and keep ok touch!

鮟鱇魚肝慢煮 (仍然超好食!!!! 好軟好甘香, 可與鵝肝比美)

壽司 - 瀨尿蝦壽司, 帆立貝壽司, 北寄貝壽司

卷物 - 海膽三文魚子海葡萄卷 (爆曬汁, 正!), 鯖魚箱壽司 (清一下味蕾, 不錯!)

壽司 - 小肌壽司 (第一次食, 又幾清新喎), 中吞拿魚腩醬油熟成壽司 (呢件仍是驚為天人, 好滿足)

魚湯烏冬 (暖胃, 超鮮甜), 士多啤梨粟米

Farewell, thank you so much for evrerything..... miss u!
食店: 武館BUKAN
地址: 大角咀利得街46號地舖
識飲識食 | Comments:0 | Trackbacks:0 | 2018/06/14(木)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4732-2e6279d9
Trackback