Daisypath Anniversary tickers
希臘瑞士Honeymoon蜜月之旅 - DAY 9
今日終於可以出發去睇雪山了!! 好興奮! 6am起床, 7am出門, 7:30am左右來到中央火車站... 準備搭8:04的火車到zurich附近的小鎮Luzern琉森~ 由zurich到luzern才45分鐘的車程, 好快就到了!
因為買了swiss travel pass, 所以搭車唔洗錢~ 瑞士是個鐵路王國, 坐下火車都係好事呢~ haha!
本來一開始我們今日是打算去Luzern一整天的, 雖然旅遊書說這小鎮很漂亮, 不過我們其實都已去過不少歐洲的地方, 所以也不覺得這兒很特別, 都是大同小異的歐洲城市.... 而我來瑞士的最大目標, 就是要來看雪山, 雖然一早已plan了去看最有名的少女峰和最漂亮的馬特洪峰, 不過仍覺得不夠, 所以還是決定去在Luzern附近, 也很出名的鐵力士山! 呵呵!! 況且, Mt. Titlis距離Luzern不遠, summer的歐洲日長夜短, 我們早點出發, 下午已經可以回到Luzern到熱門的景點拍拍照, 那就夠了 =p

zurich中央火車站

第一次搭這程inter-city train~~~


來到Luzern, 很快找了往Engelberg的火車, 又是45分鐘左右的車程就來到Engelberg了! 來到到10am左加....即是, 由zurich來這兒不用2小時, 好快啦!
今早在zurich的時候, 天色很陰暗, 心中都沒什麼寄望! 怎料越靠近engelberg時, 天色卻不錯呢! 雖然都是多雲, 不過有時候都見到陽光! 而且更令人興奮的是.... 嘩!!! 雪山呀! 在火車上已經感覺很距離地見到雪山了!! 真係好激動! 雖然周圍仍然是很多雲, 不過望到雪山已經好開心! 好希望一陣上到雪山有好天氣呢!

train to Engelberg

嘩!!!! 在車上已經目到雪山了!!! 好開心!

來到Engelberg了, 車站小小的~


engelberg其實是個小地方, 不過要去Mt. Titlis就必須在此轉乘纜車, 所以大部分來這兒的人都是要登山的啦~ 一落車, 竟然見到有一點點藍天呢! 雖然都多雲, 不過我已經很滿足了! 在車站已經見到有很多雪山了, 好excited呢! 環境真美!
沿著車站的指示, 行10分鐘左右就來到了上Mt. Titlis的纜車站..... 沿路一直行, 前方的天色越蔚藍, 還有一些草地、藍天、白色的雪山! 仲經過了一條河水很清澈的小河!! 嘩! 雖然只是在路邊, 雖然大概只是個很平凡的畫面, 不過這些元素加起來, 就是我心目中的瑞士呢! 好令呀! This is Switzerland!!! 在山腳已見到這樣的美景, 再加上好天氣, 真是始料不及呢 >w< 很想大唱"飄零燕"的主題曲... Yor Ku Lu Yor Ki Ku Li Yor Ku Ku Li Yor, 哈哈哈!

一落車就見到雪山! 好開心!

右手邊的就是engelberg車站了

草地加雪山, 正!

行多2步就出現陽光了

沿路有Titlis的標示

草地, 小橋流水, 陽光, 雪山!!!

This is Switzerland!!!

景色真係好令!!! 我心目中的瑞士呀!

雖然多雲, 不過都很清楚地看到雪上的雪呢!

好曬呀! 有陽光真係令人好興奮!

這樣的景色已叫人很驚艷! 好正!!! 不枉此行了!


因為有Swiss travel pass, 所以買纜車飛有discount, 有成50% off架! 不過折完都要每人44 CHF架! 真係好鬼貴!! 瑞士洗費貴, 最主要都係呢d登山既纜車吊車, 下下成千蚊真係好大獲, 好彩有半價咋!
我們先上架小吊車, 可以坐6個人左右~ 明明係山下仲見到有好多雲, 但上到一半, 天色越來越好!綠草如茵, 個景好令呀! 上面是雪山, 下面是草地和小屋, 真是我理想中的瑞士境色呢! 而逐著吊車越上越高, 山上似乎好好天呢! 我們心情也越來越興奮! 真係好驚喜呢!

終於來到Mt. Titlis的纜車站

準備上纜車

上到一半, 天色越來越好!

綠草如茵, 個景好令呀!

玻璃車箱看得很清晰美景呢

越上越高了, 山上似乎好好天呢!

看到好天氣, 我們都好興奮!

真係好好天!

滿滿的雪山! 有藍天真係好令呀!


小吊車把我們送到山腰, 之後我們要再轉一架大型的吊車上Mt. Titlis山頂! 可以坐幾十人的~ 纜車是可以360度旋轉的~ 在露天的地方等轉車時, 我們都feel到外面很冷呢 =p 畢竟旁邊的都是雪山!
這吊車也是全玻璃窗, 感覺更貼近到雪山呢! 很壯觀! 我們心情都很興奮!

等車中.... 周圍都是雪山!!

外面很冷啊

大吊車來了

很大的吊車, 可以坐幾十人

在吊車中!

感覺終於上到山頂了, 很壯觀


很快我們就上到Mt. Titlis的山頂了... 一出去, 嘩, 很冷呢! 果然是冰天雪地呢! 不過天氣算是挺不錯, 雖然多雲, 不過有藍天呢~ 跟山下完全是2個世界, 山下不怎麼能見到藍天呢! 在這樣的天氣下, 雪山更是漂亮呢!
Mt. Titlis的標示, 我們正身在3020米的雪山上! 之前去過日本的新穗高, Titlis比那兒高了1000米呢! d山脈真係壯觀好多呀! 而且日本那兒只有個小小的展望台, 而Titlis是可以讓我們站在雪山上的呢!! 360周圍走都得, 成個平台勁大呀!! 真正的置身在雪山之中!

上到Titlis山頂了!

這是標高3020米呢!

我們終於來到第一個雪山 - 鐵力士山了, yeah!

一邊的展望台可以180度看附近的山脈

延綿的山脈, 都是雪山, 好壯觀好amazing!

因為高, 所以山基本上是整年都會積雪的

真係好壯觀!

身後都是雪山, 好正呀!!!


其實上鐵力士山真係算好方便, 又唔洗搭登山纜車, 由Engelberg上到山頂轉2次cable car, 才45分鐘咋! 真係好值得一來!
因為我們二人都是第一次上雪山, 所以都非常興奮呢! 好high, 拍了很多好照片, 瑞士真係好正呀! 我們踩在雪地上走來走去, 好正! 不過有d位都幾斜, 在雪地上都唔易走架~ (雖然我係著有根的boot, 但其實都冇咩所謂, 反而可以抓緊d雪呢!)
我覺得我地真係好好彩, 雖然不是perfectly的天晴, 不過我們都享受到大部分放晴的時候, 如果晚點上來, 就會很多雲什麼都看不到呢! 因為山很高, 所以晚點的時候, 我們都感受到雲就在我們旁邊飄過, 感覺都好得意架 >w<

山上的一邊有不少雲

我地所在的位置仲高過d雲, haha!

剛才就是在纜車站行過來的!

好正呀!

大地在我們腳下的感覺!


180度景, 不只大地, 連雲都在我們腳下, 好正!!!!

大家都是穿著普通的鞋在雪地上走動~

山上很白呢!!! 好曬呀!


之前以為雪山會好凍, 凍是凍, 不過沒想像中凍呢, 因為是有陽光吧! 而且在那麼高的地方, 我們都跟太陽很接近, 真係好曬, 頭頂仲有d熱呢, haha!!
我們也要走到在雪地上的Mt. Titlis的旗幟旁拍照~ haha!
我們剛上山時天氣好, 不過之後慢慢多雲, 有時候d雲一陣陣飄過, 成陣白色煙咁咩都睇唔到, 第一次經歷, 好得意!

影相位! 有寫Titlis的旗幟!

yeah~ 我們上到黎喇!

天氣仲好好

要上山, 仲要兒上去架, 都幾斜架

坐在雪地上玩雪, 好正!

突然有雲經過

突然變得白茫茫一片, 咩都睇唔到!

陽光很猛烈....

天晴中~ 正!


山頭的另一邊, 還有條吊橋~ 在2012年才開放的, 100多公尺長的懸索橋鎖住岩壁的兩邊, 望下去就是500尺深的陡峭岩壁, 真是一步一驚心呢 =p
剛上橋的時候天是晴朗的, 但之後還挺多雲的, 一片白濛濛~ 但風吹過去了, 又是一片光明了, 真係好得意~ 哈! 橋上有set camera拍照, 我們也買了張照片留念, 幾euro, 唔算貴啦!

鐵力士山~ kaka! 力士的動作 lol

準備上吊橋了~

就是這懸吊著的橋了~

上橋了~

橋底也是通透的

我們正在雲中心, 白茫茫一片

雲走了, 又是一片光明~

要下橋了

離開時走回頭路, 很多雲, 好彩黎得早~


在雪地上玩得差不多, 我們都餓了, 就進去入面室內的canteen食lunch... 選擇不多, 我們點了一個curry chicken (21.5 chf) 一個豬扒 (22 chf), 不便宜呢! 就這樣簡單的食物已經要44 chf了, 即是HKD350多元.... 貴是貴, 但說實在的, 瑞士的物價沒想像中貴.... 也沒想像中驚人!
在室內的時候, 我覺得我唔係好舒服, 頭有d暈同有少少想嘔, 這就是傳說中的高山反應嗎!? 驚! 幸好只在室內才有, 外出番就沒什麼時了....

點了2個dish~ 一個curry chicken一個pork chop

味道一般吧.....


lunch完, 最後去埋個glacier cave, 其實就是個冰洞, 這個洞穴有百幾尺長, 入面有不少冰雕, 也會打些燈光... 不過說真的, 我對冰雕興趣不大, 要上雪山梗係係出面睇雪山架啦 =p 所以我們也是勿勿看看就走了 lol

Glacier Cave @ Mt. Titlis

洞內有不少冰雕


就這樣, 我們要下山了~ 走的時候已沒什麼藍天, 還有一點點雨呢! 所以我真係覺得我們很好彩呢! 來雪山一定要配上藍天的啊! 這樣才有意義呢!
終於要離開雪山區回到城市了, 還是有點依依不捨呢.... 不過我們未來還有2天會去雪山的, 所以不至於在失落!
最後, 我們在Engelberg登上4pm的火車回Luzern~ 才45 mins的車程, 好快呢! 好彩我在出發前一星期左右最後決定在Luzern的這天加插Mt. Titlis的行程, 真是個非常正確的決定呢!

下山時已沒太陽了

下了山, 在sournevir shop時還有些雨呢!

景色跟早上來時完全不同了吧

byebye Engelberg, 我們回Luzern了!


回到Luzern還不到5pm, 歐洲日長夜短, 天還是亮的~ 不過下午的Luzern, 天色真是麻麻地, 很多雲呢!
一出到火車站就是遊船碼頭, 我們的swiss travel pass可以免費乘搭, 剛好5:12pm有船嘛, 我們就立即跑上船遊湖了, 什麼也沒想, 哈! 反正旅遊書也有介紹的~
船程一小時, 就是環繞著琉森湖 (Vierwaldstattersee) 繞一圈, 中途也有幾個站的~

Luzern train station

在車站對面的乘船處

因為有pass唔洗錢, 所以就上了船遊湖!

船尾的這一邊有陽光, 好美!

一上船見到的沿岸風光好漂亮! 那signature的尖頂教堂是霍夫教堂~


一上船時天色還好, 可惜當船去到湖中心時, 真係好多雲呢, 風景立即大打折扣... 我想平時如果好天是, 應該可以見到一座座的雪山呢! 可惜!
不過我們也見到了不少綠油油的山, 山中有很多一間間的瑞士小木屋chaulet, 好可愛呢!! 好期待之後的旅程可以見到草地+雪山+小木屋的景色呀!!

湖中心的景色~ 其中一座山有瑞士國旗, 代理是瑞士的中心~

其中一個站~

天灰灰的, 看不見雪山

一間間的小木屋在山腰上, 非常可愛!

可以見到雪山的啊!

近番岸邊, 太陽光又出番來了


一落船, 碼頭有很多人在睇波.... 原來今日歐國盃賽事瑞士對Romania呢, 難得在瑞士可以看到瑞士的賽事呢~ d瑞士人都睇得好興奮好熱情.... 老公都很有興趣睇, 我們就這樣站著看著大電視直至完場呢, 哈哈! 最後1比1完場~~

睇波中, 瑞士vs Romania~

睇完波, 之後就沿路沿著河, 行了去Kapellbrucke卡貝爾木橋~ 這條橋可以說是Luzern的地標, 也是瑞士很著名的景點呢! 這條橋建於14世紀初, 本來是用作Luzern的防禦體系的一部分~ 也是歐洲現存最古老的廊橋呢~ 橋旁的八角水塔在1300年建成時, 是城牆的延伸~
我在網上見過這橋不少照片, 都蠻漂亮的! 可惜我們今天來下著雨, 而且雨勢還不少呢, 所以風景有所折扣! 我也沒心機多待很久了, 只是草草地拍了幾張照.... 希望待會兒dinner完可以停雨啦!

沿著河邊走~

Luzern最著名的景點 - Kapellbrucke卡貝爾木橋

這時正下著雨呢!!! 天很灰~

湖上有很多更鵝在悠閒地游著~

天氣慢慢地光多了~


沿著河走, 到了對面岸dinner~ 今天終於可以食到在瑞士最想吃的芝士火鍋fondue了! yeah! 我們點了個fondue, 用芝士點法包和薯仔, 正呀! d芝士好濃郁, 好有酒味呢! yummy! 另外仲點了個牛仔肉就夠了~ 芝士膩丫嘛~ 再點了white wine, 埋單要成85CHF, 都唔平架.... 不過瑞士真的都沒想像中貴就是了~

我們就在這兒dinner~

今晚終於可以吃芝士火鍋!

仲有牛仔肉~


芝士火鍋正呀! 我個樣勁為食, kaka!

yummy dinner~


Dinner完, 行番剛才經過的卡貝爾木橋~ 這時雨小了點, 可以多拍幾張照~ 而且天色終於開始有點變色了, 有晚霞的感覺! 景色不錯呢~

卡貝爾木橋

兩岸的景色

卡貝爾木橋在這邊看還不錯~

還是有不少雲呢!

終於搵到人影到張合照!

很有歐洲小鎮的味道~ 不錯!


最後, 我們回到火車站, 乘9:35pm的火車回Zurich~ 回到Zurich 10:35pm了, 回到酒店已是11pm了!!! 明天我們要暫時離開Zurich, 各少女峰地區的Interlaken出發了! 又可以睇雪山!
不過聽日睇天氣報告真係非常麻麻, 我都好擔心呢 >.< 我都好希望明天有奇蹟呀! 幸好今天在Titlis已第一次見識到雪山, 總算有少少安慰!

回到Luzern火車站了~

回Zurich了~
甜蜜糖月 | Comments:0 | Trackbacks:0 | 2016/06/15(水)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4286-a6286faf
Trackback