Daisypath Anniversary tickers
日本關西京都兵庫縣獨遊之旅Day 1
冇去日本年幾, 我又再出發了! 今次出遊主要都係因為身痕, 而且我真係好想再次一人遊呢! 一個人的時間, 你才可以給自己更多時間靜下來了解自己, 是個很好的沈澱思緒的活動! 加上工作很忙, 身心疲累, 更想出走! 多謝老公成全, 仲資助d yen比我出遊呢~ love!
機票是用mileage換的, 乘1:45am的飛機到關西空港~ it's my time! Travel to escape from routine!
凌晨機梗係訓啦.... 中間個位冇人, 可以坐得舒服點, 正呢!

關西空港, 我來了!

6:10am就land了~ 6年後再來關西了! 久違了! 當年去了6天京阪奈良睇櫻花, 完全唔夠喉呢! 我對大阪冇乜興趣, 所以今次基本上唔會停留, 最要都係去關西和兵庫縣近郊~ 住都係住係京都和溫泉酒店 =p
拿了行李之後就立即去JR綠色窗口買Kansai Wide pass, 8500 yen已經包左大部分我會去既近郊地方, 仲包埋由機場搭Haruka去京都等等, 有pass真係好抵呀! 不過就要大排長龍先買到個pass.....

闊別6年, 關西空港我又來了!

順利登上7:27am的HARUKA由機場到新大阪直接去姬路, 諗住慳時間嘛, 反正.... 9:18am在新大阪登上Sakura去姬路, 這架車的終點是鹿兒島, 會途經岡山和廣島, 我過幾個月又會搭它去岡山了, 哈哈! 由新大阪去姬路只需一小時, 好快呢....
在大阪買左飯團和飲品上車食~ 畢竟已travel了好幾小時, 我也餓了.... 日本的鐵路車廂真乾淨, d人食野都唔會有味影響別人, 我很欣賞這一點! (成日番大陸你就會明白)

由新大阪搭新幹線到姬路....

轉眼已來到姬路, 一出站就見到EVA的poster~


一落車, 我的第一個任務就是要放低我的行李, 好彩出閘的人不多, 仲有中班locker的位置呢, 呼..... 這樣就花了700yen...
一出車站, 已遠遠的見到姬路城了~ 來姬路的目前只有一個, 就是參觀姬路城啦~ 沿住條"大手前通"就一直行就可以到達姬路城了... 沿路感覺幾冷清, d店好似冇開咁既, 又冇咩食肆咁..... 唔知一陣有冇野食呢 lol

來到姬路市了.....

終於行到了姬路城了, 之前聽講有機會有好多人, 所以我都算幾早到, 好彩都唔算好多人, 唔洗點排隊就入到去....
由於姬路城的外牆是白色的, 所以也被稱為白鷺城~ 自09年整修開始, 6年後才再重開呢~ 名列日本百大名城之一的姬路城, 既是世界遺產之一, 更是日本現存12天守的其中之一, 且保留度最為完整的城~ 姬路城既是日本的國寶史跡, 更與熊本城、松本城合稱為日本三大名城呢! 有很電視劇和電影也在這裡拍攝,作為江戶城的象徵~
雖然我都其過唔少日本的城, 大阪城、熊本城等, 其實個個都差不多, 不過姬路城真係我見過最美的一個呢, 好大好白, 好漂亮 =) 今天天氣好, 藍天白雲的, 把姬路城曬得特別雪白! 好漂亮 =)

遠遠的就已經見到姬路城了~

姬路城是日本的國寶級名城哦, 這菱之門是從三之丸到二之丸的門,還保存著安土桃山時期的樣子~

好漂亮的姬路城哦...

今天天氣難得的好!

開始進城了哦....

好像明信片一樣 =)

好喜歡日本城這樣配合埋樹的畫面~ 絕配~

進城的路好有feel哦.......

太陽把姬路城曬得特別雪白! 好漂亮 =)


雖然進城唔洗點排隊, 不過上天守都要慢慢呢... 又上天守, 真係要考下腳骨力, 因為要爬好多段很斜的木梯才上到頂! 而且人很多, 要慢慢行呢.... 行了多段樓梯, 都唔惹少架....
不過上到頂, 風景果真不錯的~ 看到整個姬路市了~ 風景不錯呢!

很斜的木樓梯呢!

天守很大風, 所以有鐵網保護

很大隻鯱哦~

看到整個姬路市了~ 風景不錯~


在姬路城買了些手信, 都是magnet和miniature啦~ 又可以增加我的收藏品了, kekee! 在姬路城待到1pm左右就閃人了~

城內一些開放了的室內部分

這是在"備前丸"的空地~

這個角度拍也很壯觀呢

臨走前的照片~


之後去左在姬路城護城河旁邊的"好古園", 見姬路城入場劵加少少錢就可以入埋去參觀, 反正今日行程不多就進去看看啦~
"好古園"是為紀念姬路市創市100周年,於1992年開園, 在封建時的西御屋敷跡上興建的日式庭園, 好古園有兩個帶有瀑布的池塘, 又有小溪, 是一座環境優雅悠靜的庭院花園, 如果秋天來看紅葉真是一流呢! 可惜我來得不是時候啦.... 不過我覺得在池邊的景色還是不錯的呢~

在姬路城旁的好古園

還不是時候, 如果11, 12月來會有很多紅葉呢....

就算沒紅葆, 風景仍然很漂亮呢!

還是配埋湖的景色最令!

池內有不少錦鯉

有一點點的紅葉~ 如果全紅了一定很漂亮!

好古園內沒什麼人, 我都是set機自拍的 =p

離開姬路城後, 雲多了不少


離開姬路前, 我要先去食個lunch呢, 我已經很餓了! 來姬路當然是要吃這兒的名物 - 穴子啦! 我出發前沒有做很多research, 所以店也是昨晚上機前才隨便在網上找的, 哈哈! 店子叫"一張羅"~
其實穴子就是星鰻啦, 味道也像鰻魚, 不過穴子的味道比鰻魚清爽許多, 肉也沒鰻魚那麼膩~ 一場來到, 我當然當了穴子二食, 有蒸的也有蒲燒的, 再加埋其他小食和啤酒, 好爽! 不過, 其實我都係愛肥美的鰻魚多一點 =p

吃穴子的小店 - "一張羅"

點了個穴子二食的set

除了穴子, 也有天婦羅, 茶碗蒸, 鳥冬等

行到咁支力, 有野食再飲埋啤酒真係好爽!


沿住條"大手前通"回車站, 拎好行李, 再搭上2:49pm的車回京都! 出閘時才知道要補錢, 1420yen, 好似話唔坐得新幹線.... anyway, 是但啦, 都唔係好多錢.... 明明車程不是很久, 不過我也累得睡著了! 好彩冇miss左落車姐~

"大手前通"...

byebye了姬路~

去locker拎番件行李再出發

我搭上了這架去東京的新幹線~


來到京都已經3:35pm了~ 久違了的京都! 闊別6年沒來過了哦! 我對這個車站和外面的塔還是很有印象呢.... 當年只來了京都一日, 覺得好正! 當然, 也是因為當年尚未去過很多日本的鄉郊地方~ 雖然今次我有2晚住京都, 不過其實都冇咩時間遊京都, 最要都係到此宿一宵而已....
今晚下塌的APA Hotel京都駅前, 由車站行過去5分鐘左右~ 好方便~ 日本市區的酒店沒什麼驚喜啦, 這APA也是集團式的, 已比我想像中大~ 當然, 它會比我平時住開的東橫INN好一點~

久違了的京都站! 跟你6年沒見過面了啊!

今晚下塌的APA Hotel京都駅前~


放下行李後, 我就立即出去了~ 今晚打算去"かに道楽"dinner, 所以要搭地鐵去"烏丸御池", 短短幾個站就已經要210yen了, 日本的交通費真不便宜!

搭地下鐵去"烏丸御池"

我先去了"かに道楽", 我冇book位, waiter話要8pm先有位呢, 想不到京都本店都一樣咁多人.... 仲有成個幾鐘, 我就自己行下街先啦~ 我是第一次來"烏丸"這一區呢~ 想不到都幾多人~ 幾多小店~ 我行了商店街, LOFT, Flying Tiger..... 不過什麼收穫都沒有.... T其實我真係唔鍾意旅行時shopping, 總覺得浪費時間 =p (我連outlet都唔鍾意去) 而且我都唔鍾意買無謂野既~ 加上近年我都唔太like日韓裝, 反而偏愛歐洲品牌 (可能人老左啦, 同埋周街都係日韓裝好悶), 連日本衫都買少左好多lu....

商店街~

有不少食肆, 也見到間賣松茸的老店~ 好得意!

來自Copenhagen的Flying Tiger~ 第一次見!


已經行到好支力, 早少少行番去"かに道楽"啦~ 嘩, 7:30pm就入到去了~ 呵呵! 咁鍾意食蟹既我, 大大話話都叫去過成10次日本啦, 但我都係第一次去"かに道楽", 真係失禮曬! 我點了個中價的set, 都要5000幾yen架.... 一場黎到就食好少少啦~ 雖然"かに道楽"咁出名hit左咁多年, 但其實我今次對佢都唔係抱有很大的期望.... 點知d蟹一道一道的上枱, 蟹刺身、蟹shabushabu、燒蟹、蟹壽司.... 嘩, 真係好食wor! 有驚喜! 我在京都的晚上不多, 能把握到時間今晚在這兒dinner呢! 非常滿足 >w<

京都的かに道楽本店~

先來6點前菜, 都是蟹啊!

蟹, 全部都係蟹!

蟹腳刺身, 好好食呀!!!!!

仲有shabushabu和燒蟹腳....

so yummy, 有驚喜呢!!

仲有蟹壽司, 蒸蛋.... 好飽呀!!


頂著大肚子回酒店, 回到去10pm左右, 今天也累壞了! 明天一早離開京都去神戶和有馬溫泉! 6年前錯失了的神戶, 我來了!

晚上的京都塔

今天的收穫 - 在姬路和3 coins買的東西~
環遊世界 | Comments:2 | Trackbacks:0 | 2016/10/07(金)
comments
竟然會寫番?!*o*

好古園紅葉真係好靚架~~姬路城襯紅葉都係~
我個陣就係紅葉季節去~

係係飛機上化左妝先落機嗎?
2017/08/29(火) 08:57:10 | URL | 小嘉 #mQop/nM.[ 編集]
小嘉

一捱完左honeymoon, 其他會restart既... 之後都唔算難寫 =p

可惜我果陣冇紅葉.... 冇咩特別~

就落機時係飛機上化妝~
2017/08/29(火) 10:31:13 | URL | 小豬* #-[ 編集]
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4264-b6a0700d
Trackback