Daisypath Anniversary tickers
希臘瑞士Honeymoon蜜月之旅 - DAY 6
今日基本上都冇咩行程, 因為中午就要出發搭船去希臘另一小島Mykonos, 本來我是book了11am的船由Fira去Mykonos, 不過出發前幾天收到email說那班船cancel了! 要改到1pm出發, 即是我們在Mykonos的時間又減少了, 很無奈.... 不過今天仍有船去Mykonos都是好事, 最起碼我們今天能到達! 畢竟我在Mykonos book左2晚酒店的呢!!
因此今日都可以訓晏少少, 8:30am先起身, 好奢侈! 之後就落樓下的洞穴屋食早餐, 食物款式不多, 不過可以飲埋琴日買果支local beer YELLOW DONKEY~ 哈哈!

早餐時飲埋昨天買既local beer YELLOW DONKEY~

breakfast in the CAVE with beautiful view =]


之後就執野準備走人了~ 那麼漂亮的洞穴屋酒店、那麼漂亮的Oia景色, 再見了! 不知道還有沒有機會再來呢! 今天是在Santorini最後一天了, 都有d唔唔捨得, 畢竟呢度係我既dream place黎架! 而且仲等左咁多年...

byebye our honeymoon suite

byebye our hotel pool

byebye Oia, such a nice view from hotel...


我們叫酒店幫忙call車直接車我們去碼頭搭船, 我們把行李拎到去房門口, 之後早兩日幫我們搬行李的哥哥又出現了! 他又幫我們幫行李呢! 真係好好彩得佢幫忙, 要知道Oia間間酒店都要行一大段樓梯先上到去平地, 而且又長又斜!! 我真係唔敢想像要我地搬會點! 根本唔會搬到呢!! 個搬行李哥哥真係好勁架, 一個人拎住我地2個大gip仲行得勁快, 個太陽又曬wor, 我地跟在後面, 就算冇咩野拎但都跟得不容易呢 =p
因為快要走了, 我都忍不住在後面勁拍Oia的美景! 畢竟我覺得我都未必有機會再來了! 至少未來20年都應該唔會來吧 >.<

呢個搬行李哥哥大大隻好型!!

我地係後面, 冇咩野拎住都跟得好辛苦架!

遠看我們的酒店

byebye了, 我們的酒店~ 會永遠記得你!

話咁快就行快我地咁多!

再次穿過Oia的大街小巷...

d小巷真係好有特色呢!

byebye signature的藍教堂!


很快就行到去搭車處, 我們把一罐未開的凍啤酒給了那搬行李的哥哥~ 哈! 見他出曬汗, 就慰勞他一下啦~ haha~ 11am就搭車去碼頭了~ 其實去碼頭都唔係好耐, 40分鐘左右而已....

上車準備去碼頭...

我們的船在1pm, 我們未到12點就來到pier了... 因為船飛是在網上買的, 所以要先去counter換張飛, 換好後總算放下心來... 不過時間還很早呢, 我們在pier拍拍照~ 其實不碼頭的景色很不錯呢! 水不錯, 而且山景也漂亮, 也有不少沿山而建的白色屋子呢!

來到碼頭了!

拿到船飛了

海景山景也漂亮呢!


原本1pm的船竟然也delay了, 等上船時也有點混亂, 因為d船都幾密架, 見1pm都未有我們的船真係好d擔心! 最後我們的船在1:25pm終於來了, 隻船好大架, 好似成隻郵輪咁 =p 仲可以載埋車的呢! 汽車就在最下層~ 而我們的行李也是放在最下層呢, 之後才上上層坐, 船雖然大, 座車也很寬敞, 不過人卻不算多呢... 船完全是不滿的, 難怪上一班船要cancel呢, 汗!
由Santorini坐船去Mykonos要3個鐘呢... 途中會經過另一小島Paros.... 不算短的航程, 船上沒什麼娛樂, 手機的網絡也收得不好, 沒事做我們就睡覺了 =p

我們的船終於來了!

上去坐之前要先放下行李....

座位很寬敞, 不滿座的 =p


來到Mykonos已經4點了... 落船前拎番d行李, 好彩仲見到我地既行李, haha~ 不少車子也跟我們一起下船呢 =p 想起了小時間, HK也有渡輪給車子渡海的呢 =P (不過我的印象也已經很模糊了)
一黎到Mykonos碼頭就有酒店車接送了~ 不過這可不是free的, 是要15 euro的啊!!!! 由碼頭去酒店的車程才5分鐘, 真係好得貴!!!!! 不過不選pick-up也沒辦法, 小島沒什麼交通工具, 只能搭taxi吧....

拎番d行李落船, 好彩冇事~

Mykonos碼頭, 一黎到就有酒店車接送~~


由pier去hotel只是5分鐘的車程, 好快! 我們會在Mykonos stay 2晚 (今日已是第一晚 -__-|||) 住的酒店是Grace Mykonos, mykonos不像santorini般山勢那麼特別, 有那麼多沿山而建的小屋, 不過這兒的屋子都是白色的, 都是平房, 亦也是很有希臘風的呢! 我們住的Grace Hotel也是這樣子, 風格都是希臘風, 白色的屋子, 在充足的陽光下屋子曬得反白, 好正! 好令呀!
Grace Hotel也是間5星級酒店, 等check-in時已有sparkling drinks給我們, 正呀!!! 係歐洲好多酒飲, 好arm我呀! 好like! 呢2晚酒店都唔平架!! 價錢都唔平得Santorini既幾多! 在揀Mykonos酒店時都幾難, 因為好多d酒店都唔係幾令, 哈哈!

Our Hotel - Grace Mykonos~

白色的平房, 仍是很希臘風很可愛! like!

等check in時仲有welcome sparkling drinks比我地~ 好正!

hotel 1/F既swimming pool~ 正!

個view很不錯~ 白白藍藍的, 很有希臘風呢!


好快就入到我們的hotel room, 外觀白色的小屋, 入面則仍是白色的風格, 不再有洞穴式的風格lu... 不過是很新穎式的, 空間都幾大, 幾令既~~ 而且仲有個大大的balcony (我已經book左間最小既房喇), 有張大大的sofa, 同埋一望出去, 就是hotel和swimming pool + 不遠處既Agios Stefano Beach, 海灘很漂亮呢, 這就是我心目中的希臘了~ kaka!
而且酒店知道我們是honeymoon, 所以又送了支白酒和小食給我們~ kaka!! 今個trip真係收穫豐富!

our room~ 又有酒送, haha!

the balcony, 好正呀!

外面就是Agios Stefano Beach了~

係咪好希臘風呢~~ 藍白藍白色的~


今天已經晚了, check-in完都已經5點了, 雖然話希望8點幾先開始天黑姐, 不過還是待明天一整天才在Mykonons探索吧! 而且又要安排shuttle bus出city嘛.... 今天也沒什麼事做, 我們就去了在酒店不遠處的Agios Stefano Beach hea下啦~ within 5分鐘路程就到海灘的了!
Mykonos其實也是以海灘著稱, 很多旅客都是來這兒享受海灘的~ 雖然Agios Stefano Beach其實也不是什麼出名的海灘, 不過我們都是貪近先黎睇睇啦~ 雖然我們都換了泳衣, 不過好快就要dinner, 所以都係冇落水lu~ 係岸邊影下相已經好正... 灘上有不少人在游水和曬太陽 =p 在希臘, 近黃昏的陽光下游水最好了 (中午太曬了吧!)

行過呢段路, 就由酒店落到海灘了!

身後的就是我們的酒店, 很有Mykonons的風格!

Agios Stefano Beach

影下相....

看到不遠處的小鎮, 那邊就是city center了!


因為今天都沒吃什麼, 只在santorini吃過早餐而已! 我們都餓了, 所以就來個early dinner吧! 才5:30pm呢! 沒有出番市中心, 只在Agios Stefano Beach上的一家餐廳dinner而已! 5點幾, 仲有唔少陽光, 就這樣簡簡單單地對住個海dinner, 真係好relax! 今天我們餓了, 我們點了3個dishes, 豬扒 (好好食wor), 炸海鮮和牛肉, 仲有local啤酒, 埋單62.5 euro...
希臘對我黎講其實真係個天堂! plenty of sunshine, cheap wine, free wine, 全部都係我好鍾意既野呀, kakaka!! 雖然今日真係冇咩行程, 不過咁relax咁飲飲食食行下真係好正....

就在海邊的餐廳來個early dinner~

對住個海dinner, 真係好relax!

人間天堂!

豬扒 (好好食wor), 炸海鮮和牛肉

our early dinner tonight

plenty of sunshine, cheap wine, heaven!

selfie selfie

食餐飯都咁正, 真係好屈機呀!


dinner完個天仲係光架! 在海邊漫步了一下, 扮下浪漫! haha!

海灘上冇咩人lu

海灘上都有好多沙灘椅同埋太陽傘

影下我地個影, like~

番酒店lu....


趕係7pm番到酒店, 因為酒店攪左個cocktail event, 就係pool那邊, 有free cocktail和snacks任飲任食呢! 雖然我們才剛dinner完, 不過都唔執輸, 點都要去飲飲食食, hahaha!!! 我都唔知自己飲左幾多杯 + 食左幾多popcorn了, 汗! 我們找了張沙灘sofa在hea, 吹住海風望住個海真係好舒服!

free cocotail & nuts任飲任食!

好正!


勁梳乎呀!

8點鐘了, 仲係咁猛太陽的

叫staff幫我地係pool旁邊影既


飲到有d醉醺醺, 個event仲未完我地就番左房lu~ 仲帶埋杯cocktail入去飲tim, 哈哈哈! 在房的balcony睇日落, set機影下相~ 好快就天黑了~
今天沒什麼做, 而且又飲左酒, 所以要早d訓, 哈哈! 明天要在一日內chur曬Mykonos的景點呢! (應該得既, mykonos都唔係好多check-point姐 =p)

balcony看海灘, 天仲光架

日落lu

係balcony飲~

cheers!

終於天黑了~ haha
甜蜜糖月 | Comments:0 | Trackbacks:0 | 2016/06/12(日)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4252-1290fb6f
Trackback