Daisypath Anniversary tickers
希臘瑞士Honeymoon蜜月之旅 - DAY 5
今天又可以訓到8:30am先起身, 遲過番工時間, 都幾好丫~ haha!! 不過今日起身個膊頭有少少痛, 一黎日日都咩住唔少住野, 二黎好似有少少曬傷左.... 今日先Day 5咋, 都有少少擔心 *0*
訓得飽飽之後, 10am就去食早餐了~ 呢間酒店既早餐就一般啦, 沒有很多選擇, 同琴日果間完全冇得比, 我都係食左少少蛋、ham、包咁.... 而且呢度既橙汁唔好飲既.... 不過呢度個景真係好令好正呀! 對住個酒店泳池、白色小屋、愛琴海、火山島..... Oia個景真係嬴曬~ 餐廳是在個洞穴入面的, 我地住係洞穴邊邊, 唔洗曬又有美景, 好正! 這就是渡假了 =p

呢間酒店既早餐就一般啦

不過個景真係好令好正呀!


Oia是個很小的小鎮 (其實Fira也是), 基本上要去的, 昨天已去過了! 所以今天我們就打算去Santorini其他地方啦, 其實旅遊書都唔係好多介紹, 因為Santorini是一個給人渡假relax的地方~ 地方也不大! 除了酒莊外, 也有很多人會去島上的海灘! 歐洲人就是喜歡陽光與海灘而島上最有名的, 就是黑海灘和紅海灘了~
行去bus station時, 他也終於買了頂草帽遮太陽 (12 euro), 實在太有用了! 雖然我都有3頂草帽, 昨天都有借他, 不過都是女生的, 不太適合他戴呢 =p

真係好鍾意Oia的景色!

大街小巷都有donkey經過~ haha!

今日仍然是陽光普照呢!


我們打算去Kamari Beach, 不過Oia是沒有車直接到其他景點的, 只有車去Fira而已.... 所以基本上在Oia (或是Santorini其他地方), 要去另一景點, 通通都是在Fira轉車呢~ Fira才是Santorini的中轉站 =p
所以去Kamari Beach, 我們先由Oia搭local bus到Fira~ 看好了time table, 10:50am到巴士站等車 (1.8 euro @), 來到Fira在同一個bus station轉車去Kamari Beach~ 之前覺得在Santorini搭巴士會好麻煩, 不過其實都唔會, 反正島上景點就那幾個, 在bus station大家都好易找到要上的車~ 而且車的班次都唔算疏丫, 我們常常很快就可以上車了~

由Oia搭巴士到Fira

再由Fira搭巴士去Kamari Beach


由Fira去Kamari Beach也是20分鐘左右, 中途都沒什麼站, 很快就到! 下了車, 沿路一直走很快就來到Kamari Beach了! 那麼大的人氣沙灘, 令我想起了澳洲Gold Coast的Surfers Paradise呢, 哈哈!
Kamari Beach是Santorini東面最受歡迎的度假海灘, 跟其他沙灘不同, Kamari Beach是由火山爆發所遺留的黑色卵石, 而形成綿延的黑色卵石灘, 而不是普通的"沙"灘呢! 第一次來這種石灘, 很特別好得意呢! 這兒的石春可不小, 都幾大粒架, 不過都是很smooth很fine很光滑, 不會吉到腳啦~
很特別的景致! 這兒跟Fira, Oia懸崖住宿風情完全不同 =p

Santorini東面的Kamari Beach

石灘上一排排的沙灘椅和太陽草傘

Kamari Beach可不是個沙灘, 而是個石灘呢!

這兒的石春可不小, 不過都是很smooth很fine, 不會吉到腳啦~


其實Kamari Beach是挺大挺長的呢, 前日我在飛機上看降落時, 就在上空見到長長的黑色Kamari Beach呢! 太陽傘排得整整齊齊的, 好得意~ 在上空看到海邊一整條黑色的灘, 跟平時的沙灘很不同呢!
Kamari Beach上擺著一張張沙灘椅和太陽草傘, 都是兩旁餐廳和bar提供的, 不過要消費才可使用啦.... 我們沒光顧, 所以只能坐在曬得發熱的石春上 =p 我是一開始就沒想過在這兒游水的, 因為不想濕身+攪亂個妝~ 沒想到身為男生的他也不下水呢 =p 沒什麼事做的我們, 就只是用腳浸浸水而已.... 由於我們來到的時候是正午, 太陽實在太猛烈了.... 我們在灘上坐了一會兒就要走了啦, 不然會被曬成黑豬呢 *0* 我們也是志在到此一遊啦 =p
不過因為這石灘幾特別, 我們偷偷地拾了一舊石春留念 =p 當是souvenir般打算放在家中的飾櫃 =p

Kamari Beach

我地都冇游水

只在岸邊浸浸腳 =p


影下相....

一排排的沙灘椅和太陽草傘, 是餐廳提供的

望著一望無際既愛琴海真係好正!

好曬

找不到人拍合照~ 就自拍自娛

感覺好似澳洲gold coast的surfers paradise


然後在souvnier店逛了一會, 好開心買到個都幾合心意既Santotini display碟 (12 euro)和magnet (3.5 euro)~ 新居的display櫃又多了件收藏品~ kekee!
另外他買了舊海綿 (10 euro)~ 這是Santorini的特產, travel book也有介紹呢! Santorini出名的是天然海綿, 據說世界上70%以上的天然海綿都產自愛琴海~ 潛水伕在海中採集後會先在海邊把它埋在坑中, 等剩下它的骨骼, 即纖維體後, 就成了天然海綿了... 再將各種形狀的海綿一塊塊割起來,曬乾之後按照顏色、大小、形狀訂價出售~ 這些天然海綿真係有陣海水味的呢~ 我們買了這一舊, 打算放在bath room浴缸上用來沖涼, 哈哈!

在souvnier店逛了一會, 買了些擺設和海綿 =p

今天早上都沒有吃太多, 在等車由Fira時, 在一旁的小吃店又買了個kebab, 他很喜歡吃kebab呢~ 另外在那麼熱的天氣下, 當然還要多加一瓶local beer啦 =p 埋單3.7 euro~ 都幾抵 =p

上車前, 食番少少野先~

因為在Kamari beach逗留的時間比預期中短, 所以我們決定去埋Santorini另一人氣景點Red Beach, 本來我是沒什麼興趣的, 因為睇相唔覺得好令 =p 不過早上在hotel問reception時, 比起kamari beach, 大家都是比較推薦red beach的呢! 反正有時間, 我們就在下午一去吧!
由kamari beach去red beach, 要先搭車回Fira (1.8 euro @) 再轉另一架巴士去red beach (2 euro @), 由Fira去red beach其實也只是半小時左右的車程而已~
我們下車時大概是3:30pm吧~ 一落車就見到這個石灘.... 我們要pass through個石灘, 再沿著海邊的餐廳, 再行一些樓梯先到大馬路 (如果自駕的人可以停在這裡), 然後就見到這教堂了~

一落車就見到這個石灘....

感覺跟Kamari beach很像~ hahaha!

沿著石灘行, 要一段路才到Red Beach呢!

要經過d餐廳, 餐廳上的塗鴉都有red beach的指示

過了那些餐廳, 會上到大馬路, 然後就見到這教堂了~


之後我們還要爬一小段山路先到red beach呢! 沿路還有attention的語句, 真係令人有d驚, haha! 我仲要著住對有踭既人字拖, 真係步步為營 =p

attention please *0*

看好風景一定要爬


終於登到上最高點, 一望, 嘩!!!! 好令呀! 好amazing, 之前都沒對red beach做d咩research, 見過d相, 只知道個beach紅紅地, 睇相又唔覺得好令, 所以基本上完全冇expectation, 點知上到呢個view point, 成個beach望曬真係好令呢! d水好清, 好似玻璃咁! 而周圍既石都是紅色的, 好特別~ 我覺得呢度個景真係好外國很空曠開揚既national park咁~ 加埋d海風吹埋黎, 好舒服呢! 好正! 有意外的收穫~ so happy! 好彩有黎咋!

嘩! 好amazing好令呀!

好似爬山咁 =p

係咁高既地方都見到d水好清

因為身後就已經是懸崖邊了, 所以有條繩欄住的

合照~

個景真係好令, 好似D national park咁

天氣咁好, 加埋咁令既景真係好開心


之後就有一小段斜路, 先行到落去red beach呢! 咩住部大機可不是走得很容易架! 近距離見到d紅色既沙石, 好斗峭! 我覺得好似美國黃石公園果d石咁, haha!

好斜架, 要行得小心d

我都拎住唔少野架

真係好似d national park~


終於落到黎個beach喇~ 其實個beach唔係好大, 但成個沙灘都係比紅色山壁包圍著, 很有隱世仙境既感覺! (雖然人也不少 lol) 因為有岩壁的阻擋, 所以這沙灘份外寧靜, 沒有很多陽傘, 更沒有酒店和餐廳咁commercial呢! 這兒的沙因為富含鐵質而呈現紅色的色彩, 在陽光照射下顯得格外亮眼~
沒有帶泳裝, 我們都只在岸邊玩下水, 睇人景, 玩下海星 =p 找到HK人幫我們拍照~
記得多年前, 步兒去Santorini honeymoon時寄給我的postcard就是red beach, 那時候對Santorini的認識大概只有懸崖上的白色小屋和教堂~ 看到這red beach也不知道是什麼東東, 也不覺得很漂亮, 感覺好似好多石咁 (可能係因為d印刷唔好而已 lol).... 想不到多年後我身置在這兒時, 會覺得它是那麼的漂亮呢, hahaha!

沙灘上的沙其實都幾大粒, 都是黑色的

發現了海星

跟牠玩了好一會兒 =p

他也沒有泳裝

我們只在岸邊玩下水而已

海水很冰涼呢!

找到HK人幫我們拍照 =p

看得出石頭是紅的嗎?? =p

such a relaxing place


我覺得這兒真的值得一到呢! 有別於santorini的白屋和教堂... 好彩我地先選了kamari beach之後, 今天還有時間到這裡來呢! 否則就是錯過這漂亮的景點了!
不過我們也沒有在red beach逗留太久, 畢竟我們都沒有游泳嘛~ haha~ 也沒有什麼好做啦~ =p

follow me, haha! 頂爬番上山了~

byebye such a nice place~

有人在唱歌表演 =p 幾好feel架


沿路行番爬番出去, 我地決定食個dinner先, 因為沒吃lunch, 都餓了... early dinner也好, 快快脆地食完要趕番Oia看日落啊! 我們又找了間在海旁邊的餐廳, 吃的都是海鮮! 我既最愛! 今餐吃cuttlefish, sword fish, black sea bream... 個sea bream好吃呢! 好鍾意食呢d海魚呢! 而且對住個海特別開心! 吃seafood, 當然係飲白酒先arm架啦 =p 叫左3個dish飲埋酒都係46 euro, 真係好抵好抵!!

deep fried cuttlefish, sword fish, black sea bream

今餐全部都係seafood~ 正呀!

i love seafood

對住個海食海鮮, 好arm =p

一枱都是食物 =p

嘩, 超背光!


dinner完就趕搭6:35pm的local bus回Fira, 好好彩我們上到最後2個seat! 否則要等下一班車了! 7:10pm在Fira算是立即有車直接回到Oia! 8:30pm的sunset time, 應該趕得及吧!

太陽開始下山了哦!! 要快d趕回Oia!!

半小時後, 回到Oia 7:40pm... 時間算是剛好呢! 仲有時間趕得切去買杯gelato食! 這家gelato是我好不容易才發展到的呢! 之前shirley說一定要試一定要吃呢! 我買了個chocolate + peanut butter的口味, peanut butter favour好好吃呢! yummy!

shirley推介的ice cream shop

個peanut butter好好食!


之後就快步地行番去昨天睇夕陽的遺跡Byzantine Castle Ruins~ 來到已8pm左右了, 這時山頭已人頭湧湧, 幸好我們靠來靠去, 也算是找了個不錯的位置, 雖然比昨晚的後, 不過都總算叫冇遮冇擋而且有得坐! 而且因為晚到, 等了沒多久天空已經不再是蔚藍色的了 =p

太陽開始落山喇!

快步再行去Byzantine Castle Ruins!

山頭人頭湧湧的!

大家都在等候著夕陽的瞬間

天還是藍色的


等了沒多久, 原本藍藍的天開始出現橙色的晚霞, 那橙色的色彩越來越大片, 很快就把整個天都染成橙紅色呢! 今天沒雲, 個天比昨天的橙好多! 而且可以很清淅地見到整個圓圓的太陽咸蛋黃, 這夕陽的瞬間比昨天的美多了! 然後看著太陽徐徐的消失在水平線中..... 在Oia, 你果然可以見世界上最美的夕陽呢! 好慶幸今天終於可以見到這個magical moment, 好開心可以在最後一晚在Oia時見到漂亮的夕陽, 真是無憾了! (昨天的不算 lol)

陽光的餘輝....

很美的畫面, 很有希臘風情!

灑在屋子上的陽光已經不多了!

今天沒雲呢! 可以很清淅地見到整個夕陽的畫面

整片天都變成橙色了!!!

真係好橙呀!

this is the magical moment

好清楚咁見到大大個太陽咸蛋黃呢!


magical moment後, 山頭上的人又是拍案叫絕拍曬手+大叫bravo, 氣氛比昨晚更好呢, haha!
太陽下山後, 橙色天過後, 天色變得有點紫了~ 我們也等到天有點黑才回去~ 志在拍拍照啦 =p

橙色天過後, 天色變得有點紫了

夕陽已完了, 不過山頭還有不少人呢!

太陽不見了!


之後我們就回酒店休息了, 在酒店範圍拍拍照! 很快就能拍到夜景了!
這陣子歐洲在踢歐洲國家杯, 我們打算回hotel看比賽的呢! 今晚是england vs russia~

剛才的山頭

在balcony外看到的火山島!

天色都仲係好紫, 好令!

天色很快就入黑了!

這是其他房間的balcony, 比我們的大很多 *0*

終於入黑了!

晚上的Oia夜景~


本想留在hotel看euro cup, 點知個電視唔知點解short鬼左! 問酒店, 人家說今天風太大, 影響到訊號接收呢 *0* 見時間尚早, 他又想睇波, 於是我們要走出酒店, 爬番上d樓梯, 去找間bar坐底飲杯啤酒兼睇波.... bar內還有不少老外在睇波呢, 也有中國人, 氣氛都唔錯.... 其實我都冇咩點睇, 我在努力寫下postcards, haha!
也在souvenir shops買手信, 買了支廿幾euro既santorini甜酒VinSanto, 仲有d擺設和食物.... 睇完波都12點了..... 回去酒店時, 還見到一輪明月掛在天空中呢! 好光呀!

到歐洲"睇波"是常識吧!!

我寫postcard~

回去酒店時, 還見到一輪明月掛在天空中呢! 好光呀!


今天是在Oia的最後一晚了, 明天中午就要去另一小島mykonos了! 雖然不捨, 但今天才day 5, 我們的行程仲未到一半, 未來10日仲有好多spot好多地方等我地去呢!!! 所以都是懷著很期待的心, 嚮往未來的行程呢! (其實我好想快d去瑞士睇雪山, 哈哈哈)

在Santorini買的手信! ready to say goodbye :(
甜蜜糖月 | Comments:0 | Trackbacks:0 | 2016/06/11(土)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4251-efedf305
Trackback