Daisypath Anniversary tickers
長沙Biz tip - Day 2
今日第一個客人在10am, 都係8點幾就要起身, 冇咩so... 好快就KO左....
12pm才約了下個客lunch, 見有時間就圍住我地個project兜左個圈... 真係起得好快! 外立面都鋪差不多了, 好壯觀的.... 早幾日有朋友問我係咪好唔鍾意而家份工 (係fb見我勁po文話好多野做好忙之類), 其實唔係, 雖然辛苦但我真心都算幾like, 工作ok亦有很多好同事! 其實都幾開心... 不過真係辛苦... quit第一份工時, 我都擔心搵唔番一份自己更喜歡的工作, 不過如今, 我真的非常慶幸自己當年有轉工! 世界太大了, 我心太野了.....
我好希望留到明年, 跟親愛的同事們看到我們共同努力著的這個project的grand opening.... 如今只是想像一下也覺得好感動!

個project真係起得好快!

lunch又約了客~ 去了白果園~ 這兒是長沙著名的歷史古街巷~ 是民國時期長沙的“富人區"~ 古色古鄉的幾有特色的~ 有feel! 裡面有幾家中菜館~ 之前都來過一次考察, 不過冇食過~ 今次客人請客的確幾開心~ kaka!

長沙白果園

古色古鄉的~ 很有feel...


這兒全都是包廂~ 很有私人會館feel...我的客人都是有頭有面的, 人脈也是厲害的! 我自己一個黎, 一個對4個呀!! 勁! 其中3個都是初見面... 幸好"咩"著公司這靠山, 客人都很有禮沒什麼, 也有聊東聊西的! 我們食飯先在偏廳飲番幾杯茶~ 係幾好飲!
之後就lunch了, 吃的都是長沙菜, 我沒見到menu所以不知道具體吃了些什麼.... 不過很多菜都既精緻又好吃! 那個黑色的長沙臭豆腐很好吃呢!
而且他們lunch都開了紅酒, 冇辦法, 俾面一定要飲! d紅酒好好飲, 應該係貴野!

食飯先在偏廳飲番幾杯茶~

既精緻又好吃的湘菜!

黑色的長沙臭豆腐很好吃呢!

我一對4咁食飯呀!
食店: 白果園31號公館
地址: 長沙芙蓉區人民西路白果園31號


lunch完再多見了2個客, 好快KO到...
然後回hotel拿行李匯合2位同事, 就出發去機場了... 在路上已知道會flight delay一個小時, 已經很無奈的了... 在機場先來個early dinner, 又是吃湘菜~ d野好辣, 我地勁飲啤酒呀!

西蘭花, 毛肉, 蒸粉, 武漢魚, 腐竹
食店: 玉樓東
地址: 長沙黄花國際T2航站B1樓


原來7:15pm的飛機, 最後delay到11pm先起飛! delay左4個鐘呀! 坐到on居居咁... 不過好彩都番到HK, 中途勁驚今日班機cancel呀!!!
回到家差不多凌晨2am, 好慘, 真係好慘! 我好支力呀 >.<

delay左4個鐘, 好黑仔lor!!
海外工幹 | Comments:0 | Trackbacks:0 | 2016/07/08(金)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4198-d443aab7
Trackback