Daisypath Anniversary tickers
大刀屻山行山@年初三行大運~
年初三,一早約了Rosians去行山,本來話去蒲台島,但因為天氣麻麻,所以前2日就改左去粉嶺的大刀刃山~ 少d expose的地方~ 安全d既~ 我都係第一次聽大刀屻山咋! haha!
大刀屻山是位於大埔區林村郊野公園內~ 我們10:30am就要係粉嶺等了! 超級累呀! 今日一行7日, karen & ben + jennifer & chris + jelly + jelly & roger~ 第一次見tammy男友咋, kaka! 沒遲到的人就先在吉野家食個早餐, 之後11am左右就正式出發了.... 年初三好多人行山, 大家都想行番個大運吧~ kaka!

行山前的合影~

karen & ben + jennifer & chris + jelly + jelly & roger


我們由粉嶺方向行去大埔方向~ 明明話左今日行得輕鬆d, 聽日要番工丫嘛... 點知呢條路線都唔簡單, 難度有成3.5粒星呢! 汗.... 聽日我地仲要番工架! 一開始真係勁多樓梯級呀! 真係嚇親! 行樓梯都行左成個鐘呀! 腳到軟! 我不斷叫救命 =p 真係腳都軟了!

好多樓梯....

行左成個鐘....


一開始段路都有樹蔭遮擋的, 之後行左2個鐘左右就上到北大刀屻山頂, 這兒高480公尺~ 不算很高~ 但景觀也不錯既~ 大家上到山頂都有拍拍照! 今天天陰陰的, 景觀不太清, 但沒有陽光的時候行山更好呢, 因為就算得十幾度, 我們也是行到出曬汗架! 不過因為山頂勁大風, 我們一拍完照就立即再次出發了, HAHA!

fer, chris, karen, tammy, roger, jelly & ben

在北大刀屻山頂留影~

景觀也不錯既

在標高的位置拍照

也來一個自拍

180度的景色


完成了北刀屻山, 我們就向相連的大刀屻山進發了! 大刀屻山脊兩側都是懸崖或斜坡, 仲係有不少樓梯, 大大級的, 有d成我隻小腿咁高架 *0* 真係行得吃力! 不過正因為這段路開揚沒樹蔭遮擋, 這段路的景觀非常漂亮呢! 可遙望八鄉錦田及大帽山一帶山勢景色, 也可以望到大埔林村~ 看到一個個山頭和山路在大大個山頭中, 真係好壯觀好正! 回頭看大家已行過的路, 真係好有滿足感呢! 我們在山上還不斷聽到林村在節日打鑼打鼓的聲音呢! 很有節日氣氛 =p

開始見到開揚的景觀了

沒遮擋的view, 正!

樹林中

見到我嗎? 我在山頭中哦, kaka! 好正!

八鄉錦田的景色, 真的很壯觀

樹林中


好不容易, 我們終於爬上了高566米的大刀屻山山頂~ 好開心呀! 好有滿足感! 這兒真係好好view呢! 不過同時亦都勁大風呢! 好凍呀! 吹到個頭都亂曬! 我件褸又冇帽wor.....
大家都喇喇聲, 手快快地在山頂上合照完就走人了! 哈哈! 吹到傻~
我好慶幸自己買了對新波鞋來行山, 雖然這不是對專業行山鞋, 但起碼都比我成時行山、做運動穿的converse好多了! 不會pk! 一年穿幾次, 穿幾年, 都抵既!

快要到大刀屻山頂了!

perfect view

大刀屻山山頂! 高566米

roger, tammy, jennifer, karen, ben & chris

山頂上留影! 好似去左雪山 XD

點都要自拍張啦!

再黎SELFIE

好喜歡這些見到小路, 兩邊是草的景色

真係好誇張!

我們還要征服眼前的幾座小山才可以下山呢!


今天年初三, 是我第一次派利是比自己朋友 (第一個收的朋友是BEN的兄弟們, 哈哈) 我特登話要上到山上時才派, 影相勁d嘛, hahaha!! 成件事實在太interesting!! haha! jelly還要爬了上舊大石上, 我和ben要爬上去給她, 汗.... 我們真的太有心爬利是了 XD
繼續要求大家說些祝賀說話~ 三年抱兩就免了 =P 我近年可完全不想呢 XD 無懼初三赤口, 祝大家新年快樂! 身體健康~

派利是給Chris & fer~

chris & fer + tammy & roger + jelly

爬埋上石派, 好神心!!


之後也用了一個小時才下到山! 下山的路也很難行呢, 很多爛梯級! 都幾花腳骨力! 腳都軟了! 我想我的腿明天死定了哦!! 一定超痛!
下山的地點是大埔嘉道理農場.... 我們用了4個多小時, 攀過了好幾個山頭, 終於完成了這條行山徑了! yeah!!!

下山了...... 真係好徒峭!!

終於就黎落完山了!


搭巴士回太和, 一起食番個tea就各自散band了! 明天初四要開工了, 一定很累, 唉! 加油吧!
香港足跡 | Comments:2 | Trackbacks:0 | 2016/02/10(水)
comments
我對波鞋買左都係一年著一次!
2016/02/16(火) 07:13:58 | URL | 小嘉 #mQop/nM.[ 編集]
小嘉

唔係貴, 都點都要番對既 =p
2016/02/16(火) 10:52:54 | URL | 小豬* #-[ 編集]
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/4067-afc09d8e
Trackback