Daisypath Anniversary tickers
慕名而來 - 西灣河"太安樓"
太安樓在西灣河地鐵站附近, 屋苑商場是個著名的宵夜勝地, 我有很多同事都港島東人, 他們都常提起太安樓的美食~ 雖然這兒地方是有點舊有點髒, 但今天既然黎開港島區, 又不知道吃什麼, 我就專程來掃街啦... 入到去, 真係有很多小食檔呢, 果然人家說它就像香港版的士林夜市 (不過規劃小很多啦) 而且是越夜越精彩.... 我們不是很晚來, 所以有名的串燒都還未開門, 不過我想吃海南雞飯呢, 但已經售罄了....

太安樓, 香港版的士林夜市!? haha~

第一檔吃的是車仔麵, 成日冇食過野, so hungry! 這兒勁多餸揀呀! 我們二人每人叫了4個餸+油麵.... 我的是豬腸、豬紅、豬手和蘿蔔, 豬紅和蘿蔔都好入味, 好好吃! 他則點了鳳爪、豬皮、雞腎、豬耳, 豬耳真係有驚喜呢!! 很稔很入味很多膠質 好吃! 這兒每個餸的份量都很多, 好抵吃呢!

第一檔先吃車仔麵~ 勁多餸揀呀!

2個人試了8個餸~ 哈哈!
食店: 林記車仔麵
地址: 西灣河筲箕灣道57-87號太安樓地下A34A舖


吃完車仔都已經飽了, 不過還是去了旁邊的攤檔, 吃同事勁讚的"立雜炒麵", 26蚊一盒, 有好多餸揀, 我們選了"立雜炒河"! 有牛、豬、雞、腸仔、獅子狗、蟹柳、魚條片、火腿..... 攤檔個阿姐勁快手, 開住個爐係咁快手地炒炒炒, order一個接一個完全冇停手..... 炒得熊熊大火.... 真係好有鑊氣呢! 河粉炒得很乾爽, 條條河粉分明, 沒炒得一舊舊.... 好吃! 不過炒河真係好罪惡呢....

熊熊大火.... 好有鑊氣!

我們點的"立雜炒河".... 炒得乾爽很有鑊氣!
食店: 立雜炒麵
地址: 西灣河筲箕灣道57-87號太安樓A12舖外


最後, 縱使已經好飽好飽, 還是去了吃另一同事推介的炸大腸, 這兒的炸大腸是生炸的呢! 不算炸得很酥脆, 不過真係好好吃, 沒有腥味, 但又有大腸的味道! 好正! 好多年沒想過這樣味道的大腸了! 也是今晚最令我impress的食物呢 >w<

好好吃的生炸炸大腸!!!
食店: 姊妹美食 (太安樓炸物店)
地址: 西灣河筲箕灣道57-87號太安樓A35A舖
識飲識食 | Comments:0 | Trackbacks:0 | 2015/07/11(土)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/3880-b490cc1f
Trackback