Daisypath Anniversary tickers
2013 Eason's Life Concert~
之前知道eason開concert, 嘗試過上網買飛, 不過那天server down了買不到! 又不認識人、又沒有很積極找辦法, 所以早已覺得看不到, 最多之後上網睇下買唔買人地放出來的飛 =p 點知小嘉識人內部認購有飛多, 仲係680蚊飛wor, 咁我梗係一齊睇啦! 從來未睇過680蚊飛架 XD
一直都不是音樂狂熱份子, 流行曲都係求其聽下, 電腦、手機裡更是一首歌都冇 =p 香港流行歌手, 最鍾意都係陳奕迅啦! 人生中只看過2次紅館concert, 第一次是2006年Eason的Get a Life、第二次是2010年Eason的Duo~ 今次是第3次, 也是Eason的! 哈哈! 不算是die hard fans, 不過總算是最喜歡的歌手啦!

我們一行7人, 我, 小透, 小嘉, 小嘉老公, 小嘉家姐, bonbon & 雲生~ 第一次咁多人睇concert, 型 XD 開show前先去了跟小嘉夫婦、小嘉家姐、小透去charlie brown cafe吃個casual dinner, 之後才在紅館門口join埋bonbon和雲生! 難得咁多人一齊看, 梗係相多幾張相 =p
雖然我們睇680蚊飛, 不過我們的位置認真麻麻, 在第20行!! 因為今次是3面台, 所以前面有更多是英文number, 我們是680蚊飛最後一行呢! 汗!! 我本來還以為起碼可以坐(實際上的)頭10行呢, 哈哈!
上次Duo時Eason把聲麻麻, 所有今次都擔心! 而且今次開成廿場呢! 好彩之前睇報導話今次eason把聲好令, 好開心! 但早2日又話eason病病地, 真係好擔心! 睇concert, 有時都好似買大細咁, 要搏下睇果場好唔好 XD

2013 Eason's Life Concert~ 我又有帶那支星星閃燈 =p

難得咁多人一齊睇concert, 哈哈!

get ready for the show!!

熄燈, 準備開場了!


eason一出場穿得好casual, 好似encore咁, 好攪笑! 把聲係有少少沙, 不過都很不錯! 比2010年DUO時好多了! 哈哈... (不過係冇上星期咁清, 果然armarm病好!)

出場了... eason好causal wor! haha

之後正式換好登台服~ eason唱歌真係好掂, 拍子準、有感覺、收放自如, 最重要是很有感染力呢!! 聽得人非常好窩心舒服! 尤其是勵志、人生的歌! 令人充滿希望!
這段唱了不少好歌如"每一個明天", 不過是晚第一個小高潮是吹"歲月如歌"! 全場都好high! 其實eason好少係concert唱歲月如歌! 今次會唱, 大概是因為它是近期的大熱話題吧 XD

粉紅色上衣

每一個明天....

With dancers


之後換了白袍, 不過這個look的出場率好低 =p

白袍look..

脫下白袍繼續穿~ 這段d歌輕快少少, 如新一點的"碌卡"~ 仲有d怪誕dancers一齊跳下舞~ 而且eason的表情動作好生鬼, 佢真係好cute呀! 其實好多歌平時聽CD時麻麻地, 不過聽live真係唔同d! 首歌好似即刻有番個靈魂咁 =p

好怪誕...

呢段跳緊"碌卡"~ 感覺不錯!


然後再轉衫出來就唱了好多舊歌! 有很多都是我的心水呢! 如沙龍、幸福摩天輪、人來人往 (都算係我的最愛之一)、葡萄成熟時、最佳損友、落花流水等... 這段eason曾很近距離地走了過來我們這邊, 雖然我們還是跟他有一點距離, 不過我們已經很high了呢! haha~
之後還有一段eason過來上"吊船", 邊唱信任邊被吊去另一邊~ 總之eason一行過來左邊 (我們在左邊舞台), 大家都好興奮啦, 氣氛真好!

eason!

吊船上唱"信任"~


之後果個造型超級怪誕, 很有halloween的味道! 哈哈! 主要是因為那頭紗和那"溥儀眼鏡"啦 XD

halloween嗎? 哈哈!

脫下了頭紗和"溥儀眼鏡"又是另一個style, 唱的歌也是我很喜歡的, 如時光倒流20年、陀飛輪、夕陽無限好 (呢首個feel好好, 尤其是woo woo woo的時候! 哈哈! 不過eason甩了一句咀, 自己係度笑, 好可愛!)

脫下了頭紗和"溥儀眼鏡"又是另一個style

最後一幕是全晚高潮! 原來那個台是可以整個升起的呢! 升起左成10幾呎! 立即跟eason的距離拉近呢, 好感動! 而且台升起了的部分是有燈光的呢! 個舞台好閃亮好令呀!! super like! 不過最開心的, 是eason唱的是"今日"! 這剛巧是我近期最喜歡聽的歌呢! fb上個月才post過、whatsapp status上個月也用過歌詞! 這歌好正面令人充滿希望! 好開心! 好開心可以第一次聽到live版呀! 之前在get a life和DUO時都沒機會聽! 而且eason唱這歌時都很high~ 笑容滿面的, 大家的response都很好呢, 情況非常高漲! 全場成萬人在一起揮動手上的閃燈呢! 好正!
抬頭吧 相信愛 你便能飛
敢交出 你會創出傳奇
變幻人生是避無可避 卻沒人可驅使愛別離

抬頭吧黑暗過 會是晨曦
懷著樂觀 總有轉機
今天珍惜今天 逢凝望我心所愛的你 我已彷彿會飛


個stage好正呀!!!!!!

個台升高左, 同eason的距離都近左呢!!

抬頭吧黑暗過 會是晨曦!!! i really love this song!


再來是同一個stage, 唱的是"我的快樂時代"! 這首歌我又是超喜歡... 歌詞好正! 有點唏噓, 但旋律又很輕快~ 我的快樂時代, 常常令我想起大學的時候呢...

個stage變左橙色, 好colorful好令!

我的快樂時代!! love


之後個stage就落番黎喇! eason終於講2句野, 不過都係多謝啦! 可能因為eason今晚剛病好不久, 把聲開番, 所以特別感動~ 又或者是今晚氣氛不錯, 所以eason竟然眼濕濕呢!! 大家見到他哭, 當然是更熱情, 全場尖叫聲不斷! (我都勁叫, 是尖叫! 哈哈)
其實真的很意外他會喊, 因為他concert開過N次、攞獎時又不會哭, 有咩風浪未見過未經歷過呀~ 哈哈! 感覺是賺到了 XD
最後一首歌是十幾年前的"時代曲"!! eason有份作曲的~ 這首也不多在concert中歌, 所以我又是沒有聽過這live啦! 正! 華星年代的歌真係好正, 好有feel!

last song, 時代曲

之前知道有d場eason冇encore, 但可能我們今晚氣氛還不錯吧! 所以eason也return to the stage地encore了一首~ 唱的是很常用來做encore的明年今日~ 正! perfect ending! thanks eason!

明年今日... goodbye

看過3次eason's concert, 最正係今次! 唱"今日"和"我的快樂時代"時個stage同氣氛真係好好~
我會記得給自己的承諾, 下次eason開show, 我一定要去撲飛! 畢竟, 他由很多年前開始已是我的最喜愛男歌手 =)
歌舞劇場 | Comments:6 | Trackbacks:0 | 2013/07/18(木)
comments
我都好LIKE個STAGE~~
鍾意呢D FEEL~~

係呀~無聽過演唱會唱歲月如歌~
所以好正~~~
我都LIKE"今日"~"人來人往~"呢D舊歌~
而家人大左聽好有FEEL~
2013/07/19(金) 02:46:44 | URL | 小嘉 #mQop/nM.[ 編集]
我好驚下次更難買飛...汗...
2013/07/19(金) 02:53:28 | URL | 小嘉 #mQop/nM.[ 編集]
小嘉

如果正而睇個stage一定更正, haha! 唯有等出碟, 我都可以會買 =p

歲月如歌真係好少唱! 哈! 國語版兄妹都有唱下 =p
我都鍾意佢華星同一開始英皇時的歌, 最有feel...
之後U87隻碟強勢回歸時, D歌同佢個人一樣, 成熟左唔同左LU~
2013/07/19(金) 02:55:41 | URL | 小豬* #-[ 編集]
小嘉

D飛我當初買唔到, 我有諗過買黃牛的 =P
2013/07/19(金) 02:57:16 | URL | 小豬* #-[ 編集]
好詳細... haha
我一定要買blu ray
2013/07/20(土) 00:33:52 | URL | pegpeg #-[ 編集]
pegpeg

我對於有feel同開心既野係寫得特別多 =p
所以3am先訓得, haha!!

我應該都會買下碟的, haha!
2013/07/20(土) 12:15:01 | URL | 小豬* #-[ 編集]
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/3181-92570c10
Trackback