FC2ブログ
Daisypath Anniversary tickers
MM時裝秀
昨晚一直睡得不好, 不知個風打成點! 做fashion show先黎打大風, 真係好黑仔! 昨天打8號, 今次個風真係好勁!! 昨天公司高層已在說contingency plan了!! 如果8號波不除, show有可能會順延一天才舉行呢... 雖然今天還是雨下個不停, 不過可幸的是8號波已落~ 已算了不幸之中的大幸!

忙左2個月, 其中一件大壇野就係一年一度的Fashion Show了! 今次fashion show在香港舉行! 其實我都鍾意睇fashion show, 但我真係好想自己可能單純地做一個audience去睇, 否則, 要我做到隻狗咁, 不去也罷!! 今次我們包某些客人的機票、車和酒店, 真係煩到嘔! 不到last minute也沒有final version, D list、d seating plan改2萬8千次, 真係想死!
其實我第4次攪fashion show, 今次個show可說是其中一個最麻煩的show, 包好多野, 而且show的時間也長, 又有2個venue! 不過我實在太忙, 又忙trip、又忙presentation, 加上一開始壇野唔係我跟的, 所以今次真的沒有放曬整副心機落去囉, 真係冇咩心機攪....

今天沒有回公司, 12pm直接到去了mandarin oriental hotel, 因為要接待我們的客人, 幫手check-in呢! 跟幾位同事, 由12pm坐到7:30pm.... 預先跟客人說好晚上的安排... 雖然stand by幾小時, 不過又不會很累, 都是吹吹水, 又輪流去食lunch和dinner, 都好快~ 不過因為天氣不佳, 很多航班都delay或cancel了, 我有30多個客人都是從其他地方飛來的, 所以特別麻煩...!! 所以今次, 有好幾個客人來不到呢 (i dont care! 少d人仲好, 哈) 有D飛機delay了幾個小時!!!! 最勁果個是8pm還有機場呢!!! 好可怕!

在酒店期間, 我還叫了ingrid的妹妹Carey, 來hotel幫我化妝set頭!! 哈哈哈!! 原本想去salon的, 不過中環的好貴, 而且我也實在不敢遠離酒店! 怕有什麼事嘛!
本來, 是想在酒店華麗的toilet攪的, 之後想到可以上客人的房間整, 嘩哈哈!! 好彩我有相熟而又可以欺負的客人姐, 我仲叫人地留底條鎖匙給我 =p 今次真係要唔該曬ingrid介紹~ 呵呵!

我挺喜歡我的髮型! elegant得黎有d青春, 哈哈哈!!

7:45pm, 我們就跟30個住酒店的客人們一起坐shuttle bus入將軍澳shaws studio~ 本來想7:45pm開車, 但因為車不能停在文華門口, 我們一出來就下大雨, 汗! 最後8pm才開車~ 這次的show venue竟在那麼遙遠的地方, 真令人無奈! 不過很好彩, 今天基本上都沒下雨! 已經非常幸運了!
今次個fashion show好大型, 請左成千人, 我部門的有7-80個左右! 8:30pm, 我們到show venue了~

到邵氏片場了~ 近距離見到熊鳶琳... 真人都幾令wor...

安排好客人入part 1的venue, 入去cocktail party一下... 其實入場情況有點亂, 不過也還好既, 沒什麼差池就夠了! 沒事可完美的!
我覺得我這次幾成功, 因為成功帶領到很多客人給公司高層打招呼呢!! 人地比面黎, 真係為左同你打聲招呼姐, 哈哈!

cocktail area....

原本8:45pm開show, 但delay了近半小時呢! 這次show很不同, 分3 part! 第一part是hologram, show的是Atelier大衣collection呢~ 第一次上網睇burberry的hologram show, 結合真人用4D的立體投映技術, 真係覺得好amazing~ 今次MM竟然都有, 真係好難得呢... 第一part有HK的background~~ 不錯不錯!

MM Hologram!

HK night view

等出去, 同同事們影下相先 =)


之後就帶d客去正式的runway show venue, 看第2 part的catwalk show~ 明明是很短路程的, 不過因為人太多, 所以等了很久才能安頓好所有人呢! 安排好入座~ 我們那5排座位, 坐得蠻鬆動的~ 真好! 別的客想坐下來都被我們阻止了!
最後, 有5個從機場直接趕來的客人都到了! 我很感動呢!! 他們來HK完全是為了俾面看我們的SHOW, 很慶幸他能趕得及呢!! 不然再晚點來, 看不到show, 明天又走, 就真的是白行一趟了!!
20分鐘的fashion show~ 這次有很多MODEL了~ 不錯! 衣服還是老樣子, 哈! 最喜歡還是最後所有MODEL走出來的時候, 夠壯觀! 哈!

開show了!

很多models!

我其實好近d model! 哈哈! 不過of cos我是冇位坐的 =p


最後又帶d客出番hologram venue, 又等左好耐! 有些客人已逃脫了, 汗! 第3 part hologram, show的是elegante, 主題是secret garden~ 昨天已看了一次rehearsal, 今次正式看又是另一感覺! 那些garden的東西疑幻疑真地伸出來, 真係幾fantasy呢~ 哈! 看完, 大家一起拍手, 挺開心的呢~

part 3的hologram~

secret garden~ nice!


最後最後, 帶領客人上番shuttle bus離開, 情況又是非常亂, 車龍很長, 等了一會才能上車! 而且我們的車竟然有其他VIP跳了上來! 汗.... anyway, 總算把所有客人都載走了!! 都算疏道得快既, 雖然跟一早安排的有點不同, 但既然他們能回去, 就算了!!
因為情況有點亂, 所以我沒按原定計劃上第一輛車! 反而再進場內兜一下還有沒有漏網之魚! 哈... 兜過幾轉, 應該沒有我的客人在了, 我也總算功德圓滿了! yeah! 最後跟同事們拍了幾張照片, 我就跟國內同事坐shuttle bus回文華了!

我們部門~ 有hk, 上海, 還有南京的!!

還有老外~

合照...

最後先在backdrop前拍照, 哈!


12am回到酒店, 拿東西, 再確認所有客人都沒事, 我就跟國內同事一起打的回家了!! 這次, 大家都有了多次做fashion show的經驗, 所以也沒什麼問題, 雖然很多野都out of control, 但整體我還是很滿意的! 我應該不會被罵安排不周吧! 哈!

國內同事們~

回到家已經1am了!! 3:30am才能睡! 明天一早9:45am的飛機去哈爾濱!! 即係7am要起身!! 痴線架!!! 今次, 全球總裁去東北巡店, 諗起都想死... 其實我都唔知自己去黎做咩 -_-|||| 希望一切順利! good luck and god bless me!
生活點滴 | Comments:0 | Trackbacks:0 | 2012/07/24(火)
comments
コメントする
URL:
Comment:
Pass:
秘密: 管理者にだけ表示を許可する
 
この記事のトラックバックURL
http://karenpig.blog11.fc2.com/tb.php/2866-a4dc2ce9
Trackback