FC2ブログ
Daisypath Anniversary tickers
Betty's Birthday~
遲了來餐廳, 真不好意思, 好彩還來得及切蛋糕.... 好久沒來過cheesecake factory了~ 第一次晚上吃到, betty已經多年想生日來的了, 今年終於等到位, 哈哈哈!
去年沒有一起慶生, 今年終於可以再聚了! Happy Birthday to Betty, all the best! 我們下星期再聚, kekee!

Happy birthday to Betty!
食店: The Cheesecake Factory
地址: 尖沙咀廣東道25號海港城港威商場地下G102號舖
識飲識食 | Comments:0 | Trackbacks:0 | 2019/08/30(金)
Light omakase @ Sushi Ima
一個星期後, 同事F又從上海回香港了, 本來只有同事F和同事S, 我只係打算未夠鐘dinner時來吹下水飲下sake happy hour, 同事J都黎坐左陣~ 但同事F請食omakase, 我本來話唔食, 但坐坐下實在太大誘惑, 冇可能唔食少少啦, 係咪先 =p 結果我仍然冇食曬成份omakase, 但都a la carte了唔少, 仲不斷R司傅送野比我地, 嘩哈哈! 真係諗唔到司傅真係有野送呢, HAHAHA! lucky! 吃了岩蠔, 海膽, 剝皮魚魚肝, toro, 真係好鬼正, 近排都好喜歡吃日本菜呢 >w<
本來諗住7點幾8點閃, 點知越飲越high唔捨得走, 冇辦法啦, 太多公司既是非講, 太多野需要抒發了, kakaka! 結果又坐得晚了, 攪到我下場又遲到了呢, 汗! 不過始終都沒有很晚就閃了, 期待下次再聚~ 當然, 還是希望同事F將來繼續負責埋單, haha!

岩蠔, 海膽, 剝皮魚刺身+魚肝, toro, 剝皮魚壽司

本來諗住happy hour, 點知坐晏左, 因為實在太多野需要抒發了!
食店: 今鮨
地址: 中環皇后大道中38-48號萬年大廈1樓
識飲識食 | Comments:0 | Trackbacks:0 | 2019/08/30(金)
Family dinner
今早又番左深圳出差, 一切順利..... 5pm就回到家了.....
這陣子有不少事發生, 媽媽抗病第一階段已經結束, 也沒什麼大礙了.... 而妹妹明年初也準備結婚了, 所以晚上一家人回了娘家dinner慶祝! 仲開左champhane呢! for health and for tying the knot!
香港連月來太多不好的新聞, 已聽到不少身邊的朋友出現家庭問題, 幸好我和家人的政意尚算一致, 就算程度不同但總算沒有紛爭, 實在是萬幸了.....

champagne for celebrations~ for health and for tying the knot!

Ng's family.....
娘家美食 | Comments:0 | Trackbacks:0 | 2019/08/28(水)
壽司10貫@櫻花
番到黎HK又要食番個sushi lunch! 都係去番我地既飯堂 - sakura啦..... 又係吃9貫壽司, 司傅又比左10件我地2個八婆, 呵呵呵!
今日最特別推介 - 筋子! 即係三文魚子, 好juicy好吃! yummy! 仲有, 醬油赤身, Toro, 銀鱈魚, 海膽都好好食! 近一個月冇黎過, 今次感覺幾正呢, 有d唔同左亦有d驚喜! 哈~
司傅話秋天快要來了, 秋天是秋刀魚的季節... 我們下次再來, 應該有秋刀魚供應了吧~ kekee!

深海池魚, 帆立貝, 筋子, 醬油赤身, 象拔蚌

Toro, 銀鱈魚, 海膽, 牡丹蝦, 左口魚裙邊
食店: 櫻花日本料理
地址: 中環和安里8-13號和安樓1樓
識飲識食 | Comments:0 | Trackbacks:0 | 2019/08/27(火)
上海Weekend Getaway - Day 2
琴晚成4點先訓, 今日冇行程冇schedule, 可以訓到王朝八晏先起身.... 不過我地都係訓到10點幾11點咋, 哈! 之後就起身吹下水hea下, 點外賣, 哈!
然後一起打車去南京西路食lunch, 本來想食上海菜, 不過我出來太晚, 很多店都午休了, 最後找了家評價不錯的fushion菜, 食物擺盤算是漂亮, 食物也可以, 不過感覺就是整色整水, 喧賓奪主, 我們都在不斷取笑, hahahaha!!

最好食既都係最平凡既竹筍! 好fresh!

整色整水, 大家都不是很欣賞, 嘩哈哈!
食店: 醉東
地址: 上海市木靜安區南京西路嘉里中心北區3樓N3-26號


lunch完就慢慢散步, 之後就回家了.... 我們3個4pm出發去機場, 我們過2個星期HK再見 XD
原定7pm的飛機delay都9pm, 好無奈.... 在上空還盤旋了半小時呢! 因為HK的天氣實在太差了, 汗!
由上海家出發, 到我回到香港家, 我用左成9個鐘呢, 真係cls呀! 哈哈哈! 回到hk, 超大雨又閃曬電, 好可怕! 只係delay 2個鐘, 其實已經好好彩!

在上空還盤旋了半小時才land呢, 汗!!
環遊世界 | Comments:0 | Trackbacks:0 | 2019/08/25(日)
上海Weekend Getaway - Day 1
上海來weekday, 就只有今天是個whole day而已.... 之前都冇點諗去邊, 因為基本上來上海都只係想飲飲食食.... 不過既然有一個full day, 我地白天都要諗d野做下既.... 最後揀左去disneyland, 當然是我們2個女生suggest的, 2個男生大概覺得好無聊 lol
7am就要起身, 8am就要出發了!!! 因為我們9am要到樂園呢! 我地4個都勁支力 (尤其佢地3個lol) 雖然是vip券, 不過來到park還是要排隊入場呢! 都攪左成個鐘呀! 今天是weekend, 又是什麼暑假最後一個雙休日, 人真是超多呢!!!!
不過留意番, 今次去disneyland係唔洗錢架! 所以幾辛苦都ok~ 而且我地用的還是有fast pass的呢! 嘩哈哈! 真係省卻唔了少排隊時間~ 雖然今日天氣唔好, 不過我都可以一一接受, 因為唔洗錢, 哈哈哈!!

2年後, 我又來到上海disney了, hahaha!!

shanghai disneyland castle~~~


入場之後就搵專員啦, 基本上今日既行程都係佢安排~ 我地一開始都係跟住佢, 一開始有d誤會, 我地3個都係冇出聲咁跟係後面, 好鵪鶉, 哈哈哈!!
一入場先去睇show, 看的是frozen, 這個show我2年前來時都係第一時間睇架, hahaha!! 其實都好無聊, 不過有得坐下涼下冷氣都ok既.... 大家似乎都覺得這個show很無聊, 尤其是男生, 還要是唱中文呢! 什麼"隨它吧"..... 哈哈哈!

一入場就去睇Frozen show!

呢個show我2年前都黎睇過架....

用中文唱let it go, 哈哈哈!


之後去左toystory land玩果個U型抱抱龍冲天賽車, 因為呢個game冇fast pass, 所以我地亦係呢度排左好耐隊, 排左成45分鐘呀, 汗! 仲要落住雨呢, 幾驚佢隨時停開丫, 汗!
有個男同事唔like機動遊戲, 唔敢玩, 好好笑... 所以只有我們3人排隊~ 呢個係幾好玩既, 雖然HK都有~ 不過玩完之後大家都醒曬, hahaha!

Toystory land~~~

抱抱龍冲天賽車排隊中~ 得我地3個敢玩, haha!

我一向都幾鍾意toystory land架~ 好得意~

玩完呢個game之後大家終於精神番少少, 哈哈!


玩完之後就行去tomorrow land~ 12點左右有parade, 不過下雨 (雖然已停), 所以今天應該沒有大型parade, 只有雨天的幾架花車, 這次的花車主題是duffy~ 他們都好討厭duffy話好核突, hahaha!! 我就覺得還好啦 =p

Duffy雨天花車巡遊 =p

之後就來到tomorrow land~ 也開始玩fast pass的東西了! 只係排10分鐘左右就坐得, 係好舒服既~ 先是巴斯光年的射槍, HK都有, 不過總係覺得上海的好玩D, 哈!
然後再去了玩刺激的TRON~ 上次我都自己玩過架! 坐係架電單車似的過山車扒係度玩架~ 爽! 又有indoor又有outdoor部分~ 今次我地4個一齊玩, 嚇死左其中一個同事, hahaha~

巴斯光年射槍

TRON過山車...


跟住去左食fast food, 一人一個burger set~ 哈! 成日都冇食過野, 大家都要好好補充體力呢! 不過d fast food真係好難食, haha! burger舊肉hea到呢.... lol

lunch食burger

大家都買了雨衣, 呢張相好型haha


再來就是去玩曬d fast pass既attractions了! peter pan, winnie the pooh, 小矮人礦石車, 漂流, 睇show等! 其中有2個game真係好有驚喜, 第一個是海盜"Pirates of the Caribbean Battle for the Sunken Treasure"! 坐上海盜船, 之後有3D+好大個舞台場景, 好像穿插了在海底和海上, 好正好刺激很有驚喜! 是我全天最喜歡的一個機動遊戲, 實在大開眼界, 我們四個都玩到嘩嘩聲~ 另一個2nd favorite就是"Soaring Over the Horizon", 看著3D screen, 把你吊起來像是在天空中飛一樣, 好正呢! 我們都玩得好開心 =p

peter pan~ 第一次係東京玩, 好令!

winnie the pooh真係激無聊....

Pirates of the Caribbean Battle for the Sunken Treasure! 好正呀!

我地坐船頭~ exciting!

無聊的pirates show

漂流, 唔刺激的, 好小兒科, haha!

Soaring Over the Horizon, 呢個都好正呀! 真係會嗌~


未到6pm都已經玩曬所有有fast pass提供的attractions了, 真係好慳時間呢.... 玩完一輪買番支雪條食, 再影下相~ 我地今次影左好少相咋, 也沒跟卡通人物影相, 因為男生都不愛這些吧, 因為他們是被迫來的, hahaha!! 不過反而是他們有買手信, 哈!
我們沒看煙花, 待至黃昏就離開了~ 這時的天色很好, 天空都是彩霞好漂亮, 我們在最signature的城堡前拍照, nice shot!

買番支雪條食下先~ Mickey和donald的~ haha!

這是adventure land前的海盜船~

最signature的castle, 漂亮!

合照~

黃昏時份, 好漂亮的景色呢!

best pic of today!!! 拍照的人還借了個balloon給我們 XD

這是disneyland的正門....

goodbye shanghai Disneyland! 下次再見!


disney完之後仲要搭成個鐘車出黎市區呀!! 有2個人都係taxi訓死左, haha~ 我們雖然成身汗又臭, 不過都直接去了家燒肉品, 感覺很日式呢.... 而且是用炭燒的, 很有風味, hk已經吃不到了呢, kekee!
牛肉都不錯, 牛舌也好吃, 還有墨魚腸呢, 滿足! 沒喝beer不過喝了highball drinks, 正!

cheers! 我今日飲highball! kaka~

炭火燒肉, 係有風味d既....

牛肉和牛舌等都不錯呢!
食店: AJIYA炭火燒肉
地址: 上海江寧路445號MORE商場4樓402


dinner完還去了massage, 我做fullbody massage終於可以沖番個涼了, 呼.....
massage完回到家都已經1am了, 我們還要飲酒吹水, 不過他們真的很累了! 結果都攪到3點幾先訓... 我們今年, 由0700玩到2800, 真係好年輕力壯呀! 嘩哈哈....

dinner完仲去左massage, 再番屋企飲野.....
環遊世界 | Comments:0 | Trackbacks:0 | 2019/08/24(土)
上海Weekend Getaway - Day 0
5:30pm飛機由濟南飛上海, 個半小時就到虹橋了.... 今天星期五, 約了幾個同事一起去上海來個weekend gateway~ 最主要係因為有個香港同事relocate左去上海, 屋企有3房我地住唔洗錢, 而我果張去程機票就是公司比既, 自己只需比幾百蚊買張回程機票, 都抵既....

5:30pm機, 7pm就來到上海虹橋了!

7pm來到上海虹橋, 一下飛機可等了一會兒才上到taxi呢, 這次我們4個HK同事一起玩, 1個同事已station上海, 2個同事6pm已到上海, 再加一個我地team的上海小妹.... 我是最晚到的.... 本來去了家網紅的火鍋店, 不過等到9pm都沒位, 我們都餓死了..... 結果就轉場了, 去了同事介紹的火鍋店! 是他朋友開的.... 結果竟然是吃港式邊爐, 汗! 不過見唔洗錢就算啦, 都唔方便投訴太多, hahaha....
難得都有象拔蚌, 和牛等食材, hahaha! 仲有酒飲tim..... 多謝有人埋單, hahaha lol

好耐冇試過打邊爐有象拔蚌了.....

都唔知點解來到上海都要食港式邊爐, 汗!

終於又再濟濟一堂在上海, haha~


本來一早plan去下場飲野, 但明天一早要入disneyland所以就決定回家喝了..... 最後都成2點先訓, 我跟女同事同房, 張床好大, 亦比想像中舒服, hahaha....
環遊世界 | Comments:0 | Trackbacks:0 | 2019/08/23(金)
成都, 濟南出差 - Day 3
今天又有司機, 去site visit時先叫他再載我到大明湖, 雖然昨晚已來過, 但今天再來可以見到日景呢~ 今天天氣很好, 去遊湖就最合適的了....
大明湖挺大的, 我只逛了半小時左右~ 除了小學時讀過大明湖, 它最出名的就是在還珠格格中的"大明湖畔的夏雨荷"了, hahaha! 我小時候可是很迷還珠格格的呢, kakaka!! 仍然好記得夏雨荷和皇上那一幕, 哈哈~ 仲有果幾句好經典既 - "君當如磐石, 妾當如蒲草, 蒲草韌如絲, 磐石是否無轉移"! 終於可以來到大明湖真係好有feel!
這兒還有很多荷花, 風光明媚, 終於都感受到"夏雨荷"這名字了! 我也是夏天來, 剛好感受到"夏"和"荷"呢, kekee!

濟南最有名的就是大明湖了吧!

好大片的荷花呢!

令人想起還珠格格中的"大明湖畔的夏雨荷"呢!! 哈哈!

真是風光明媚呢...... 不錯! 濟南


遊過大明湖之後就去site visit, 跟住去見下客, 仲一齊食lunch~ 來山東省當然是吃魯菜, 不過這是改良過的, 不夠地道呢.... 因為他們怕我吃不慣所以挑了家比賽精緻的~ 只有一味豬肝比較有"魯"的味道呢, 可惜 >.<

第一次吃魯菜~~ 不過這是改良過的, 不夠地道呢....
食店: 同生里.功夫烤鴨精制鲁菜
地址: 濟南市奧體中心商業街5002


3pm左右出發去機場, 終於結束了我這次的3 days trip! 今天星期五, 下一站上海! 我將會在上海會合同事來個weekend getaway呢! 另一篇再續 =p
海外工幹 | Comments:2 | Trackbacks:0 | 2019/08/23(金)
成都, 濟南出差 - Day 2
Day 2了, 一早又site visit又去開會, 好快就到lunch了, 今天還是跟老闆和阿姐在一起, 好彩他們晚上就去另一個地方, 我就自己去濟南, 下午之後我終於free了, 呵呵呵!
5點幾飛機去濟南, 雖然沒有delay, 不過都在機場留連左唔少時間呢....

成都很有名的兔頭, 我還是沒有試吃過, haha~

2個幾鐘就來到濟南了, 落機都已經8pm了.... 我都係第一次來山東省, 第一來濟南咋~ 久仰大名了! 幸好有車接送! 司機仲好好人, 番酒店之前載左我去大明湖.... 傳說中的大明湖呀!!!! 我終於來到了! 這是濟南最有名的景點吧! 晚上的風景都唔錯, 都有d燈光睇下....
明天就離開濟南了, 特意來一下看夜景, 明早工作前要再來一次看白天的景像!

傳說中的大明湖呀!!!! 我終於來到了!

雖然來到時已經晚了, 但我還要到大明湖逛逛呢, 好high!!!!


在大明湖留左陣就回酒店了, 這次住hyatt regency, 回到酒店都差不多10pm了, 只能叫room service了呀.... 真係覺得自己慘慘地....

又要食room service, 真係令人失望呢....
海外工幹 | Comments:0 | Trackbacks:0 | 2019/08/22(木)
成都, 濟南出差 - Day 1
又要出差了, 今次跟老闆同埋阿姐去.... 第一站是成都, 同老闆出差終於可以坐番KA了, 好似好耐都冇試過lu.... 這次有帶iphone, 不過都clear左好多野, 沒想到在成都也是一落機就被check呢, 雖然只是行李....
一落機先去睇場, 之後又跑了幾個場, 又是site visit又是meetings.....

又去成都了......

回到酒店已經7pm了..... 這次住的酒店比較偏遠, 所以都沒有再外出找地方dinner了.... 晚上還跟老闆和阿姐一起吃, 只去了酒店樓下的餐廳吃川菜而已, 老闆還有興致的喝起紅酒來呢, 我都陪佢飲左一杯, 哈哈.... 好彩今晚都食到四川野, 雖然就唔算好地道, 不過麻辣牛舌和水煮魚都很不錯呢!!

今次的酒店......

麻辣牛舌, 炒飯, 小籠包, 西蘭花, 水煮魚.....
食店: 品珍中餐廳
地址: 成都市濱江中路9號成都萬達瑞華酒店5層
海外工幹 | Comments:0 | Trackbacks:0 | 2019/08/21(水)