FC2ブログ
Daisypath Anniversary tickers
舊同事之蒸海鮮聚會
又是每隔幾個月一次的舊公司同事聚會, 又入左深山, 好彩有車接送咋 =P
大家6, 7點陸逐來到, 之後就準備開餐了... 今次gathering特別D, 有成12個人, 我只有一位未見過, 而更特別的是, 我們所有人的大姐都有來呢, 她是我們的department head既阿姐 (不是老闆), 基本上以前公司營運上所有野都係佢話事架喇... 雖然有大人物係度, 不過她早已是前老細了, 大家已不再怕她了 lol
今晚吃蒸海鮮, 叫左外賣勁方便又唔洗洗 (雖然一向有工人處理lol) 而且海鮮款式極多, 成十款呀真誇張, 又龍蝦又蟹又蟶子鮑魚等, 好新鮮超正.... 最後果啖粥鮮甜到呢... 下次我都要自己係屋企試下!
今晚可不便宜, 仲要由同事Y請客呢.... 因為她終於要請辭了呢 (其實唔知點解佢要請,但佢自己提出,大家當然欣然接受,哈)

今晚有人請食蒸海鮮! 超豐富!!!

蟹, 龍蝦, 鮑魚, 蟶子, 貴妃蚌, 花甲, 海蝦, 白鱔, 鮑魚, 扇貝.... 多到呢....

今晚有12個舊同事出現~ 仲有久違了的大姐, u好難得, HAHA...


Dinner完下場, 落咗去地庫繼續吹水繼續飲.... 可以在前老細個老細面前爆粗真係幾爽, haha... 因為大姐係度, 我地終於八到一些多年以後放在心底的謎底, 真心爽, 哈!
最後玩到凌晨3點4點先走人, as usual lol 今天不算飲料太多,不過回到家個人都真的x迷迷了 lol

仲有好耐冇同大家食過生日蛋糕了o..... 最後玩到凌晨3點4點先走人, as usual
生活點滴 | Comments:0 | Trackbacks:0 | 2019/06/29(土)
Bruno開光
今個星期只回公司一天, 不過出了差4天, 真的累了! 本來想早d休息回家hea什麼都不吃, 不過老公跟同事說幾日冇見過個老婆, 所以沒有join他們的飯局回家了, 佢咁有誠意, 我就快快手買d餸番屋企一齊食啦!
上星期來的免費家電中, 我買了個之前大熱的BRUNO, 之前也想過買不過覺得不太需要所以就忍手了, 但既然如今有免費coupon, 我也敗一個回家吧~ 今晚就吃烤肉, 買了牛肉, 蝦, 魚, 大啡菇等, 勁快就食得! 正! 最開心是這是個不沾鍋, 令人很開心 =p
還買了蒸架, 下次可以食蒸海鮮呢, 正呀!
私房菜館 | Comments:0 | Trackbacks:0 | 2019/06/28(金)
上海, 北京Biz Trip - Day 4
琴晚都算早訓, 所以今日都好精神~ 一早起身先係個大大的木浴缸浸番個浴, 難得有咁大個浴缸嘛.... 真係超正!

起身一定要試下呢個木浴缸, 超大個呀! 正!

之後就去見客啦, 很tough的2個客, 也沒什麼成果..... 真不是件易事呢....

lunch吃泰國菜.... 不錯的, 抵食!

這coffee近日咁紅, 連不愛咖啡的我, 都要飲番杯latte...


下午5:30pm機回HK, 真的很難我沒delay! 這可是北京啊! 我甚至還早到了呢! 不用9pm就land了.... 在飛機上我還一個人霸三個位呢, 哈!
過去幾天去了上海北京
是次旅程其實很開心又不捨,跟不少好友相聚了,下次再聚又不知是何時了
今天最後一站。香港
在飛機上望着香港的夜景,特別感慨
遊歷過花花世界
我終於回到家了
守護自己的家園,是每個人的心願和責任
衷心希望我的家能回復昔日的光芒

終於可以回家了, 一個人霸3個位, 正!
海外工幹 | Comments:0 | Trackbacks:0 | 2019/06/27(木)
上海, 北京Biz Trip - Day 3
琴晚飲到勁high, 12點先番到酒店..... 今早9點幾就要pack埋行李, 帶班法國人去看店了! 由10am行到4pm..... 成個人成日都不在狀態, 頭又痛個人又支力, 好彩hangover感覺不太強咋, 唉.... 其實我都唔知點解我要帶手帶, 明明都同我無關, 唉....
好不容易完成了任務, 就一起跟大隊上了公司上海的新office參觀, 這office比我們HK的大多了!

公司上海Office....

只在office留了半小時我便要出發去虹橋機場了.... 晚上6:55pm的飛機飛北京, 好好彩冇delay... 之前真心驚呀! dinner都冇我proper咁食, 只係上機前買左個包 >.< 落機都9點了, 好多同事都係今日下午就回HK, 我就仲有下一站先番到HK, 真係覺得自己好慘........

上海飛北京.....

同阿姐一齊打的去酒店, 回到酒店都差不多10:30pm了..... 唯一開心的是今晚住的是5星級的The Opposite House, 就在三里屯~ 一入房就有電視, letter歡迎你~ 而且間房勁大, 正! 成個feel好Muji, 很簡約但又幾特別呢~ 聽過咁多次這酒店, 我今次終於都有我住喇, 哈哈哈! 而且, Swire出品, 必屬佳品 =p
今日真係好支力..... 12點前就睡了呢....

今次係北京住呢間酒店正呀!!!!! The Opposite House!

成個feel好muji~ 間房勁大, 正!
海外工幹 | Comments:0 | Trackbacks:0 | 2019/06/26(水)
上海, 北京Biz Trip - Day 2
今天是我要來上海的主要目的, 就是公司的asia conference了, 每年2次, 都在酒店舉行, 今年初的在HK Kerry Hotel, 這次FW的就在上海舉行了....
一早9am就來到venue, 第一次見到我們上海team的新同事, 哈! 不過這event是不對外對方的, 只是個internal event.... 一早就是老闆們在present, 我主要在hea, hahaha....
lunch就在rooftop bar吃buffet, 當然係公司包啦~ 這兒的view都好正~ 又係外灘的景色, 哈! 不過都係我琴日睇既夜景正好多 =p

每個guest都有nametag, 好重本呢.....

lunch吃在rooftop bar吃buffet..... 景觀很不錯吧


下午開始就是brand presentation了, 有同事會講下FW系列既inspiration, style之類, 又有model行下show咁.... 其實都幾無聊, 好悶 =p

下午開始有3個brand既present....

有model穿著FW的衫下行show咁.....


晚上再有part 3, 中間那個section我都聽到5點幾架, 好累了, 要回酒店休息一下..... 回到酒店才15分鐘, 同D同事傾傾下又出左去食野了, 畢竟晚上8pm先開得假, 都係大家出去happy下先啦....
喇喇聲大家由不同地方出發去餐廳集合..... 特登上網搵左間燒烤店, 環境很不錯, 味道也不錯, 這店在網絡上的排名可高呢, 是個人氣店哦.... 不過我喜歡味道更麻甩的串燒, haha~
本來公司晚上是包食的, 我們只志在自己圍內飲飲食食下, 最後又係叫到成枱野, 哈哈哈....

晚上session前, 鼠左出去跟同事們食串燒....

點左勁多野, 不錯! 不過我喜歡味道更麻甩的
食店: 潘小燒·雲南夜宵燒烤
地址: 上海市九江路168號


8pm回到rooftop bar, 公司晚上還有個cocktail dinner的~ 包飲包食, 不過我們幾個已吃飽了! 哈! 不過我們來的目的, 都是enjoy那那free flow of alcohol啦, 哈哈哈..... 晚上的夜景的確很不錯, 成件事好chill....
我地仲問bartender拎左幾支酒埋位自己幾個吹水慢慢飲, 哈哈哈..... 不斷同同事們吹水講八卦, 勁high勁開心, haha~ 真係好開心好難我大家可以一齊聚首在上海呢, 好似去左外地玩咁 =p 不過明早我有任務在身, 不能放任地飲呢, 真係可惜 XD

公司晚上的cocktail event, free flow of alcohol..... 係好chill既....

CHEERS Shanghai!!

外國公司, 就要一年要攪無數次cocktail...... 哈哈哈! 好可惜我今日不能不醉無歸呢
食店: RuiKu
地址: 上海中山東二路538號上海萬達瑞華酒店21樓
海外工幹 | Comments:0 | Trackbacks:0 | 2019/06/25(火)
上海, 北京Biz Trip - Day 1
又出差了, 今個星期公司有event所以要飛上海~ 因為上海不是我的管轄範圍, 所以我已經成年冇去過上海了, 今次有我去真係幾開心, 哈! 畢竟有不少朋友在上海呢....
12點的飛機, 來到虹橋已經2:30pm了, 先在機場見客, 都攪到成4點幾先走架....

上海, 久違了!

回到酒店已經5:45pm了! 累.... 今次住在外灘附近的Indigo Hotel, 是間型格酒店, 好chic好正, 不過這次的有點少中國風, 都幾特別既~ 我都係最鍾意呢d新穎的型格酒店多d, 哈! 如果D房再大D就正了 =P

今次住的酒店是chic hotel~ 好型! 感覺真不錯!

難得來一次上海, 我今晚就約了個舊同事V dinner~ 地點也在外灘附近, 未到約定的時間, 我就獨自打車去了個商場看看店, 之後再到外灘裝一下遊客打個卡拍個照~ 外灘的景色其實真的很不錯~ 真的很像香港維港.... 上次來外灘已是2017年的事了, 那次我還同事跟Ingrid到了上海出差, dinner完之後還跟她一起去了外灘的酒吧睇夜景呢..... 之後果日我仲自己去左上海Disneyland呢, 哈哈!

久違了的上海外灘~~

裝一下遊客在上海外灘打個卡吧~ kekee!!


在外灘會合了Veronica, 之後一起行去餐廳~ 幸好只等了一會, 7:30pm前就入到座了! 這次我說想吃上海菜, V就帶我去了"南麓·浙里"~ 這家是吃本幫江浙菜的美芝蓮一星餐廳! 2017, 2018, 2019連續3年都有奪星呢! 網上的評價很不錯, 我也期待久了呢....
雖然餐廳沒什麼view, 不過食物和service都很不錯呢! 我們2個人點了5個菜和一支sparkling rose, 全部菜都好好吃呢! 先來個冷盤蝦油四寶, 百幾蚊有曬蝦和鮑魚很抵食! 仲有那個笋殼魚濃湯, 臭豆腐春卷, 簡直令人驚艷呢! 好好吃! 食物很到位, 我們都吃我很滿足!
跟V已經有大半年沒見過面了..... 這次又可以在上海一聚, 很是開心! 又談了很多舊公司的事, 也有不少行情呢! 畢竟我們都是同行呢..... 哈哈!

南麓·浙里~ 吃本幫江浙菜的美芝蓮一星餐廳!

笋殼魚濃湯, 臭豆腐春卷, 金牌扣肉, 蝦油四寶 (毛豆, 蝦, 鮑魚, 豬肚), 蟹粉豆腐

我和Veronica已經大半年沒見過了呢~ 真
食店: 南麓·浙里
地址: 上海四川中路216號(近福州路)


本來一早預定dinner完再上間rooftop酒吧飲野睇夜景架, 不過去到那店覺得環境麻麻, 所以就決定回我的酒店的天台酒吧, 那兒的char bar也是很有名的呢! 不過在外灘很難截車, 我們慢慢行番去酒店, 行左成20分鐘呢, 汗.....
終於上到29樓的char bar, 成個外灘view真係好正令人好wow呀!!! 今天天氣很好, 個天好清, 居高臨下看著外灘的夜景真係好chill呀~ 坐在露天環境真係好舒服! 望著這樣的景色, 真的覺得這幾年上海發展好快, 反觀HK很多地方都是不進反退, 仲要被迫boob水送中, 真係好灰心....
我們點了杯wine, 坐在high chair上chill呢, 真係正到呢.... 好享受人生呀! 和V談著, 又知道了行內不少八卦, 真係好嘩然呢.... 我們實在太幼嫩了, 要再好好學習呢....
在Rooftop bar吹水吹到11點幾, 還見到不少同事上來呢, 哈.... 直接下樓搭lif番房, 爽!

這家CHAR BAR就在我住的酒店樓上!

坐在rooftop bar, 對住個咁靚既景飲野實在太chill了!

個外灘view真係好正呀!!!! 一人一杯wine飲下.....

Goodnight Shanghai!
食店: CHAR BAR
地址: 上海中山東二路585號外灘英迪格酒店29層
海外工幹 | Comments:0 | Trackbacks:0 | 2019/06/24(月)
Grace's Birthday Dinner @ 素苗O Veg
上個月BBQ時已經約定今天吃Grace的生日飯, 她想吃素所以我們就特意揀也家特別啲既私房菜, 這家是在錦上路再入啲既村莊, 我之前都來過一次, 十分偏僻隱世, 好彩今次yiu揸車, 係荃灣pick up我地同埋Jacky, 半個鐘就入到去了~ 而Grace也由屯門開車過去, 車埋Ken他們, 也要20分鐘車程呢...
上次來到時天已經黑了, 今次summer來, 來到時天還是亮的, 立即把握時間拍拍照~ 這樣隱世的餐廳真的很有feel呢..... 真開心這次可以大家一起來~ kekee!

難得入大西北, 有人揸車真係爽

半個鐘後, 我們就來到這家隱世素食店了

上次來時已經天黑了, 今次夏天來, 同一時間天還是亮的

店內裝潢仍然是那麼文靑那麼素的

很有歸園田居的感覺, 好似台灣的文青食店

Ben, Karen, Jacky, ken, Edith, yiu, grace

開飯前趁天還亮時拍多張大合照, haha...


基本上來這兒都不用點菜, 因為是吃set的呢~ 前菜, 湯, 沙律, 主菜都是用每天的時令素菜即製的呢..... 夠曬特別....
不過今天來有一個大問題, 就是天氣炎熱, 餐廳冇冷氣, 我們都熱死了! 我們還要坐最入面那枱, 真係邊吃謗熱汗, 汗..... 我上次來是冬天, 舒服好多呢! 下次都係應該冬天來哦...
我們沒買蛋糕, 但點了自家製甜回, 是火龍果雪芭~ 很冰很透心涼呢! 我也帶了生日牌和餐廳提供的生日牌呢, Happy Birthday to Grace! all the best >w<

前菜: 粟米芯, 香煎竹筍; 湯: 蘑菇粟米湯
沙律: 番鬼荔枝, 火龍果, 豆餅, 榴槤汁沙律
主菜: 大啡菇洋蔥係批, 蕃茄牛油果意粉, 焗蘆筍秋葵

Happy Birthday to Grace~ all the best!!!!!!
食店: 素苗O Veg
地址: 元朗錦田大江埔53號地下
識飲識食 | Comments:0 | Trackbacks:0 | 2019/06/23(日)
日本南九州平成最後の賞櫻生日之旅遊記
DAY 1 - 香港, 鹿港島空港, 伊佐市忠元公園, 指宿, 砂むし会館砂楽 - 黑砂浴, 吟松溫泉酒店 (28/4)
平成最後的生日之旅! 一早來到鹿兒島後就直奔忠元公園賞櫻了! 一大片的粉紅色很漂亮! 仲有櫻吹雪呢! 再往端薩摩半島的指宿, 先去砂むし会館砂楽享受獨有的黑砂浴! 晚上住吟松溫泉酒店, 酒店房還有面對著大海的私人風呂呢! 吃過豐富的溫泉料理之後就去露天風呂泡溫泉呢~

DAY 2 - 指宿, 西大山駅, 長崎鼻, 池田湖, 市営唐船峡そうめん流し, 鹿兒島鴨池球場, 櫻島火山, 湯之平展望台, 有村溶岩展望所, 黑神埋沒鳥居, 垂水休息足湯, 姶良市高岡公園, 鹿兒島市 (7/5)
早上繼續指宿的景點 - 西大山駅, 長崎鼻和池田湖~ 中午去唐船峡吃傳說中的流水麵!! 正! 下午回鹿兒島市的鴨川球場, 再搭渡輪到櫻島火山的湯之平展望台, 有村溶岩展望台近距離觀看火山~ 晚上到高岡公園賞夜櫻~ 美! 這晚住鹿兒島市, 找了家吃摩薩料理的居酒屋晚餐~

DAY 3 - 日南海岸, 鵜戶神宮, シャンシャン茶屋, Sun Messe日南, 青島神社, 鬼の洗濯板, 宮崎市, 鉄板焼ステーキ.宮崎牛ミヤチク, 天然温泉日向の湯Dormy Inn (17/5)
我生日的大日子, 整天都在漂亮的日南海岸遊覽~ 早上先去了像個秘境似的鵜戶神宮 ! 中午去吃巨型炸蝦, 下午去Sun Messe日南看Moai像~ 黃昏再到青島神社和鬼の洗濯板~ 晚上回宮崎市到宮崎牛鐵板燒名店ミヤチク吃生日飯, 下塌的酒店Dormy Inn還有溫泉浸呢!

DAY 4 - 宮崎市, 日向市, 馬ヶ背峽展望台, 關の尾滝, 母智丘公園, 霧島神話の里公園, 霧島神宮, 霧島温泉静流荘 (28/5)
一早就去了日向市的馬ヶ背峽展望台感受地球是圓的! 再去世上最大的的歐穴群既關の尾滝, 然後在附近的母智丘公園看櫻花之後便回到鹿兒島縣的霧島, 在神話の里公園由山頂滑落山腳, 夠刺激! 再去拜訪霧島神宮.... 最後回到霧島温泉酒店, 晚上吃黑豚shabushabu會席料理!

DAY 5 - 霧島温泉, 丸尾滝, 高千穗牧場, 鹿港島空港, 香港 (23/6)
一早吃豐富的溫泉料理早餐, 回房足湯一下就出發去附近的丸尾滝, 同埋最後一個景點-高千穗牧場~ 其實都係飲下奶, 睇下羊牛~ 今天很大霧, 都看不到風景呢! 中午機就要回HK了, 行程順利圓滿的結束! 好滿足好盡興~

久違了的遊記! 因為這是我的生日trip、因為這次行程只有5天, 因為這次行程比較hea, 所以...... 我真的可以完成是次"南九州平成最後の賞櫻生日之旅遊記"呢 =p
希望不久的將來, 我仲會有心機寫下遊記啦~ 哈! (我太長氣了, 真係忍唔到hea寫短寫遊記呀 >.<)
環遊世界 | Comments:0 | Trackbacks:0 | 2019/06/23(日)
倒灌!!
家中晚上9點幾突然有異味, 我們正好在房間, 一出廳, 嘩!! 真係嚇左一跳! 成個廚房和廁所浸左, 然後管理處就有人上來了.... 檢查過, 應該係出面條去水渠塞左所以有水倒灌入屋!! 真係好無奈呀! 我們是無辜的呀..... 管理處有幫我們吸水, 吸左2大桶水走呢!! 好可怕! 而條渠通番之後基本上沒什麼問題了......
不幸之中的大幸是, 我們沒什麼損失, 只是地板有浸過大概也會有些折舊, 而且幸好是去水渠, 如果是屎渠真係仆街了!
其實真係好無奈, 我都唔知講咩好..... 只可以講, 我一向都唔鍾意低層! 將來有機會換樓, 我唔會再買低層囉!!!!!
新居佈置 | Comments:0 | Trackbacks:0 | 2019/06/22(土)
My iPhone XS
2016年老公送左部iphone 7比我, 其實我就冇諗過換機, 不過有免費coupon就換埋佢啦, 反正可能明年都要換的了, 反正我舊電都唔係好durable....
因為是免費, 所以就選了iphone XS的256GB, 否則如果要自掏腰包的話, 我就可能會買XR了, 哈! XS的mon已比7大不少, 主要是長了點, 還好, 不算太大部..... 最開心的是相機的鏡頭令左好多, 仲有景深..... 作為喜歡打卡的人, 的確很有幫助! 畢竟我也不是常帶相機外出了呢~ 最不習慣是沒有了那個home鍵呢....
這次選了金色的機色, 不過其實用了手機殼之後分別都不大~ 買完電話當日已立即買了個手機殼, 粉紅色的, 不錯看....
愛瘋手記 | Comments:0 | Trackbacks:0 | 2019/06/22(土)