FC2ブログ
Daisypath Anniversary tickers
大連, 瀋陽business trip - Day 3
琴晚都幾夠訓, 好彩! 9點幾先出發, 自己去了逛2個商場, 沒什麼特別和驚喜~ 只是在其中一個商場見到阿拉丁的display, 昨晚才剛看完, 我今天就找到了我的magic lamp呢, 哈哈哈! 盞神燈幾令架, 仲有埋background, 拍照幾令呢, haha~

嘩, 行行下商場! 我找到了我的神燈呢! 哈哈!

呢個商場都有好多特別野, 有錢就是任性 XD


在第3個商場逗留得最多, 也有客人陪我在一起.... 這次來瀋陽實在幾無奈, 都沒什麼好消息, 只能說, professional的公司實在太少了, 我很慶幸我上個公司, 是個很professional又算有道義、識做人的公司! 呼....
lunch跟客人吃, 又是吃日料~ 因為大家都覺得我喜歡吃日本菜, 哈! 不過趕時間, 我們只是吃定食, 我點的是蒜片牛柳粒定食, 也不錯!

lunch又是吃日料, 有客請 =P 食蒜片牛柳粒定食, 不錯的~
食店: 蟹將軍日本料理
地址: 瀋陽市青年大街K11藝術購物中心5樓


lunch完就有車車我到機場, 原定3pm的飛機直飛HK, 誰知delay一小時呢, 汗! 明明check過呢班機好少可delay架嘛, 唉.... 不過去大連時沒delay, 已經很好運了....
回到HK, 已經8pm了..... 有人接機, chur番少少啦 =p

Delay左成個鐘, 8pm終於番到HK了.....
海外工幹 | Comments:0 | Trackbacks:0 | 2019/05/31(金)
大連, 瀋陽business trip - Day 2
琴晚成晚都訓得唔好, 個個鐘都醒一醒! 問K他都是一樣, 所以我們懷疑昨天喝的是假啤酒, 汗!
早上開會前, 先去了酒店旁邊的商場轉番個圈! 這個小商場是我上份工作, 我地team負責既project, 真係好懷念呢! 我都有份貢獻簽左幾個客架! 也幫第一份工的品牌開店了呢.... 真令人懷念....

這是上份工作, 我地team負責既大連project, 真係好懷念呢! 我都有份貢獻簽約架!

之後有人開車來pick up我, 新認識的客戶, 我們由9:30am行了幾個商場, 說說大連, 之後11點就去左lunch了, 大連真的很小, 很快就把商場都看完了......
12pm火車, 喇喇聲同個客食番個causal lunch.... 這次食東北菜, 主要都是餃子啦~ 特別點的有海腸餃, 真係大連獨有呢, 哈!

又是吃餃子, 有海腸餃和蝦餃呢, 都不錯.....
食店: 開口笑海鮮餃子
地址: 大連市解放路19號百年城5層


這次在大連來去匆匆, 只停留了16小時, 真係好勁呀! 我坐12pm的火車去瀋陽! 同是遼寧省, 車程要2小時, 還好!

快閃大連16小時! 下一站向瀋陽進發!

來到瀋陽才2pm, 幸好有car pick up~ 未去酒店就先去了2個商場, 由2:30pm開會開到6pm, 都不是第一次來了, 早已不陌生, 第一個客人是我多年前已認識, 雖然當年還未有見過面, 如今人家早已是老總了.....
之後再去另一個, 第一次見, 又是時候開會了.... 攪左成2個鐘呀..... 車出車入, 汗.....

見完客先拖住個gip番過對面的shangri la hotel.... 才6點多而已.... 時候尚早, 貪方面就去了對面的商場覓食..... 沒太多胃口, 一個人吃日本菜就最合適了.... 細細碟很方便, 又可以點很多! 找了家居酒屋, 點了牛舌, 鮟鱇魚肝, 仲有不少串燒, 好多都係幾蚊串咋!! 全部都幾好食wor~ 仲有驚喜真不錯! 仲點了一小瓶sake, 埋單200幾蚊, 可以全claim公司, 不錯呢!

點了牛舌, 鮟鱇魚肝, 仲有不少串燒, 好多都係幾蚊串咋!!

埋單200幾蚊, 可以全claim, 不錯呢!
食店: 飛鳥日本料理·居酒屋
地址: 瀋陽市青年大街123號嘉里城122舖


dinner完才不到8pm, 我就立即上網找附近的戲院去睇阿拉丁, 最近的戲院要成9點幾先有eng版, 我就去了家遠些又cheap些的戲院, 8:25pm開場, 剛好! 才RMB50已經可以睇3D, 仲有野飲野食呢, 真係抵到呢, hahaha!
睇到10點幾散場, 才慢慢行番酒店呢...... 今天已經累了, 11點多就睡了呢.....


又是Shangri-la hotel, 睇完戲番酒店喇.....
海外工幹 | Comments:0 | Trackbacks:0 | 2019/05/30(木)
<阿拉丁> (Aladdin)

導演: Guy Ritchie
演員: 韋史密夫, Naomi Scott, Mena Massoud

追求自由的茉莉公主(奧美史葛飾)逃出皇宮,邂逅了街頭小子阿拉丁(文拿馬蘇飾)。阿拉丁卻被邪惡大臣賈方捉走,要他去魔法洞穴盜取神燈。阿拉丁在洞穴裡遇上神燈精靈(韋史密夫飾),獲許三個願望,讓他化身成為王子,與茉莉公主展開飛天遁地的歷險,更聯同燈神一起對付賈方!


在瀋陽出差時獨自去了睇戲~ 本來還想叫老公在HK陪我看的呢! 不過在SY很早就dinner完沒什麼事做, 所以就去了看Aladdin啦~ 網絡上看到評價蠻不錯的, 哈!
阿拉丁的故事, 一向都覺得不錯, 各個人物角色都幾吸引, 當年看卡通也覺得Jasmine公主性格很好, 而且與Aladdin在宮外就認識這設定不錯, 還有鬼馬的精靈呢, 哈! 真人版仍然是所有角色都討好, 故事都是這樣子啦~ 不算有驚喜.... 不過Jasmine改動真係算大, 女蘇丹哦~ 但我最愛還是Will Smith, 演出太生動了, 很有驚喜, 姜還是老的辣呢lol
成套Aladdin, 最令人期待的當然是Whole New World那一幕啦, 首歌真係好好聽, 場面也很好看呢.....
PS* 首Prince Ali都好上腦呀 >.<
劇集電影 | Comments:0 | Trackbacks:0 | 2019/05/30(木)
大連, 瀋陽business trip - Day 1
omakese lunch後再在公司hea左陣就出門口了! 今天又要出差呢! 我其實已經有成2個月冇出過差了, 感覺都唔錯, 哈哈!
今次去大連, 香港直航只有5:55pm的航班, 要咁夜出發真係好慘呀! 如果冇delay去到大連都已經9:30pm了! 4年前我在上一份工都曾經搭果呢班機, 果次真係好經典, 如常地上左機先通知delay, 結果被困左4個鐘delay到9pm先起飛12:30am先land! 那次我跟同事T一起出差, 我們在飛機上坐前後座喪吹水嘈到俾人鬧, 汗! 然後凌晨我地仲去酒店對面食宵夜呢.....
經過當年既經驗, 我今日真係好有陰影呀! 不過, 原來我自己一個人的時候, 真係好好運架, 今日竟然沒delay, 仲早左幾分鐘起飛呢, 嘩哈哈!!

6pm先飛大連, 真係好慘! 好彩冇delay仲早到呢!!!!

不用9點多就來到大連了, 好開心! 為什麼這次我那麼不想delay呢, 因為咁arm舊同事K昨晚都來了大連呢! 真係約到冇咁arm呀我都係早2個星期先知佢去咋, 本來見唔到, 不過佢留多左一日明天中午才走, 所以我就約左佢食宵夜呢!
一落機立即拖住個gip搭車去餐廳, 順便係酒店兜埋K..... 一齊工作多年, 反而不是同事的時候, 我們終於有機會一齊去大連出差喇!! 真係好arm又好有趣的體驗, 哈哈哈!
來大連當然要食海鮮啦, 去到海鮮櫃點左勁多野, 之後先減番少少! 必吃的是海膽和海腸! 我次次來大連都會食架 (這次應該是我第3次來大連了) 久違了..... 不過大連d海鮮真係貴左好多呀! 碟海腸要148蚊人仔呀! 貴到呢.... 為左唔好比人罵我叫得貴, 所以我先聲奪人地自己出聲話好貴, hahaha! (不過照點lol)
2個多小時, 談了很多笑了很多.... 雖然我們基本上也有月月見, 所以都冇咩甩得太多, haha~ 真係好開心可以係大連見到你呢! 這次實在太難得了呢!! i am so so so happy >w<

黎大連, 點可以唔食海鮮呀, 嘩哈哈.....

活海膽, 會郁架, 好生猛呢.......

滷六樣, 螄蚶, 海腸, 海膽, 鮑魚, 海螺餃

真係約都冇咁arm, 唔係同事之後, 我地終於有機會同你一齊去大連出差了
食店: 正黄旗海鮮燒烤大排檔
地址: 大連市中山區延安路17號


食到12點才走人, 一架的士回不同的hotel.... 回到酒店lobby, 我還跟上海partner聊了大半小時呢! 都是談工事呀!
回到房已經1點多了, 好累呢......

成點幾鐘先番到酒店房..... 累了.....
海外工幹 | Comments:0 | Trackbacks:0 | 2019/05/29(水)
Omakase lunch @ 今鮨
今日下午出trip, lunch一早約了sally kwan係中環食番餐好的, 受苦前享受一下啦! 吃好西, 又是選了吃omakase, lunch抵食嘛..... 今次去了今鮨Sushi Ima, 大家都是點了13貫壽司~ 這次終於都可以坐番bar枱喇, 立即有feel好多, 哈!
這兒的壽司是用紅醋米飯, 所以味道有點濃, 我還是比較喜歡白醋的, 哈! 不過這兒的刺身的確很新建, 比我們上次去cwb那家好吃多了, 哈! 深海池魚、白蝦、石垣鯛、Kinki魚、三文魚子海膽飯都好好吃呢! 果然是一分錢一分貨呢 =p 滿足!
sally過幾日就要出發去拍pre-wedding了, 一切順利啊! 我也很懷念當年回aberdeen拍照呢.... 哈哈!

臨飛前, 又同sally kwan去左食好西喇! 又係近期最愛omakase~ 哈哈!

上: 針魚; 中: 深海池魚 (i like深海池魚, 魚味極濃呢!); 下: 白蝦 (少有的勁甜, 好吃!)

上: 帆立貝; 中: 赤貝; 下: 石垣鯛 (魚味濃郁, 好吃!)

上: 毛蟹; 中: 中toro; 下: 鰹魚

上: Kinki魚 (kinki魚都係好食既!); 下: 右口魚群邊 (我好like既群邊啊!!)

上: 三文魚子海膽飯 (三文魚子和海膽都絕不吝嗇); 下: 火炙大toro (肥美到呢! 仲有不少櫻花蝦提味, 不過我覺得不需要了)
食店: 今鮨
地址: 中環皇后大道中38-48號萬年大廈1樓
識飲識食 | Comments:0 | Trackbacks:0 | 2019/05/29(水)
過關
人生總會面對不同的挑戰
就像是要闖過一個又一個難關
今天又跨過一個關口了
鬆了一小口氣
希望日後還是可以跨過所有hurdle....
加油....
生活點滴 | Comments:0 | Trackbacks:0 | 2019/05/28(火)
Thai food
星期日跟家人食晚飯, 沒什麼特別, 就是去了家樓下吃泰國菜啦..... 最好吃的還是咖哩蟹, 大大隻肉蟹, yummy~
明天又是一個新開始, 老闆回來了, 唉..... 真不想上,班呢! 無論每份工都是這樣想, 哈!

薄餅, 咖哩蟹, 芒果糯米飯, 大蝦柚子沙拉, 沙嗲串, 爐燒烏頭, 蠔仔煎蛋
食店: Lemongrass
地址: 大角咀海庭道18號奧海城二期1樓128B號舖
識飲識食 | Comments:0 | Trackbacks:0 | 2019/05/26(日)
Hot Pot with Rosians
星期六, 晚上約了Rosians們上來我打邊爐, 不過betty今晚來不到, 5缺1不能大集合呢.....
下午我已經去街市買定餸, 今晚有6個人食飯 (我老公都有份), 多人可以買多d海鮮呢! 北寄貝、花甲、蠔、鱔、海蝦...... 仲買左唔少1蔬果種類, 蕃茄、薯仔、冬瓜、蘿蔔、萵荀、金菇..... 結果食剩好多野, 哈!
有今晚的聚會, 是因為ida上個月在首爾被求婚了!! 我們當然是立即約出來update啦, hahaha! 結婚所有野都未定, 不過仍然期待我們有份可以出席海外婚禮, 哈! 不過婚禮前, 希望能去得成bridal shower trip~ 當年我的在愉景灣、tammy的在花蓮~ ida的會在哪呢!? hahaha! 去3, 4日應該好易成行卦?! =p

又是打邊爐, 一年四季都打邊爐....

多人可以買多d海鮮, 北寄貝、花甲、蠔、鱔、海蝦

janet, sally, karen, ida & tammy~
新居派對 | Comments:0 | Trackbacks:0 | 2019/05/25(土)
彩虹.....

當年, 我們問朋友為什麼不去歐美地方結婚
朋友說, 他在等...
在等亞洲有個地方同性婚姻合法化
幾年前, 他說, 感覺台灣快成事了
終於, 5月24日, 你們終於等到了!
很替你們高興!
願你們很快就能成為合法上的一對.....
我相信, 愛是無分年齡, 種族和性別的.....
生活點滴 | Comments:0 | Trackbacks:0 | 2019/05/24(金)
消息
令人擔心的消息
問題一個接一個
希望一切順利
願上天保佑
生活點滴 | Comments:0 | Trackbacks:0 | 2019/05/22(水)