FC2ブログ
Daisypath Anniversary tickers
舊同事farewell party~
番2日又放1日喇, 今個星期都算爽皮! 這2天都無心工作等放假, 今晚就約左舊同事gathering, 因為我地以前條team, 又有同事要last day了, 這次又是個farewell party!
又一年, 又有幾個同事要走了, 不過core members都仍然在吧 (我以前都係core黎架) 今晚我們就book了荃灣的party room, 這兒有很多entertainment, 不過我們成晚都只係BBQ而已, 哈哈! 場地很是不錯, 不過我們都只留在outdoor area BBQ, 真是有點浪費呢!
這晚舊老細都在, 我們十幾人談著往事,、現在的事, 我也差不多離開了一年喇, 我的消息很靈通, 彷彿沒有離開過似的, 很是懷念! 我們當初的team spirit很是不錯! 工作生涯十年中, 這肯定是我最快樂最有成就感的一份工作! 人生中的可一不可再! 剛好差不多是開場一年紀念, 很高興再次跟大家聚會!
同事K去旅行所以黎唔到, 但佢有提供唔少美酒! 我地飲淨唔少, 我拎左3支番屋企, 名副其實又食又拎, 哈哈! 走時仲有同事C車我回家, 以前佢成日都車我番屋企架! 我坐過佢架車不下20次, 真係好懷念! miss u guys so much!

呢個party room雖然偏僻d但係環境唔錯!

outdoor area BBQ

Once a team, forever a team~ miss u all!

等車都要自拍番張~ 哈哈
生活點滴 | Comments:0 | Trackbacks:0 | 2019/04/30(火)
<復仇者聯盟4: 終局之戰> (Avengers 4: Endgame)

導演: 安東尼羅素、祖羅素
演員: 羅拔唐尼, 基斯伊雲斯, 基斯咸士禾夫, 施嘉莉祖安遜, 麥克雷法路, 謝洛美維拿, 基斯柏特, 保羅活特

魁隆彈指間毀滅宇宙一半生命後,僅存的復仇者成員必須終極集結,團結一致視死如歸,為僅存的信念而戰以逆轉滅霸所造成的局面,徹底恢復宇宙的秩序。


************有劇透************
全城熱話, 萬眾期待的最終章..... 第3集一年前才上映, 所以還是挺有印象的~ 不過由於我看的Marvel電影不多, 所以入場前2天不斷在youtube惡補過去21套電影的劇情, 剛好電視昨晚也重播Avengers第一集, 所以basic background都有的~
事實上, 好彩有做定功課進場, 因為真係有好多彩蛋好大幫助! 時光旅行回到過去再找回神石, 回到過去多套電影的場景和情節, 以不同視覺再來演繹, 真係好懷念呢! 還有不少過去的角色來客串, 真係好有驚喜! 難怪不少粉絲都說很感動! 作為final來說這形象的大回顧真的是很圓滿! 我已經不是粉絲了, 也覺得這樣的劇情實在是大派粉絲福利呢!
最後的大戰簡直就是大亂鬥, 不過見著所有上集被消失的角色再出現, 用著Dr Strange的魔法傳送門來到打鬥現場真係好震撼好感動! 場面真係好浩蕩, 好正! 這是部多大規模的電影呢....
結局是不錯的, 有人回歸重生, 有人就要say goodbye..... 真是不捨! 一切始於ironman, 一切終於ironman, 十年大家都有個新開始, 最後一幕大家再集合出場也真是感人的.... 謝謝Marvel電影創造了一個無限想像的世界給我們美好的十年!
劇集電影 | Comments:0 | Trackbacks:0 | 2019/04/28(日)
Our Saturday Dinner
一來近來應酬太多, 二來就算在家我也只是hea吃或不吃, 所以我都好耐冇正式煮過飯了, 難得今日冇約, 晚上兩口子就留在家煮下飯啦~ 點都要照顧下老公既, 哈!
豬潤瘦肉枸杞湯, 洋蔥豬扒, 豆角炒蛋~ 這天不算多肉了吧 =p
私房菜館 | Comments:0 | Trackbacks:0 | 2019/04/27(土)
2019生日又來了-第11擊~ Omakase篇
這2日冇老細係公司, 本來諗住遲到早退hea過下啦, 點知忙到手都冇得停, 真係好慘.... 仲做到個人好忟陣呢....
不過咩都唔理喇, 今晚約左人食飯, 我都係6pm即閃, 冇早退已經好俾面了.... 今晚Try約我食生日飯, 又有得俾我自己提議生日飯地點, 那我就當然點番餐omakase呢, kaka!! 選的餐廳當然是很近我們家的"武館"~ 這已是我第3次來了, 哈! 不過上次來已經是大半年前的事了~
這晚Try老公也有來, 我近排真係好like食omakase, 每次吃都有不同的驚喜! 真係好正~ 就像這小店我已是第3次來, 這次的menu也是跟之前大部分都不同的, 食時令野真係好開心, 不時不食呢 >w<
談著八卦, 小朋友和讀書的事..... 轉眼大家也認識超過十年了, 這十年變化真係好大, 每次都覺得人生真係好奇妙....
最後, 多謝老細今年又請客呢! 隨著4月份的結束, 我2019年的生日活動也步入尾聲了呢, 不過約人約到5月的我, 仲有最後一擊的, 哈!

前菜: 呑拿魚皮, 京都湯頁, 蕃茄, 八爪魚; 湯: 青柳貝赤味噌湯 (隻貝好甜又彈牙呀!!!)

島根縣岩蠔 (好甜好爽口)

刺身: 愛媛縣蜜柑鯛, 針魚

刺身: 寒鰤魚 (好好食! 又肥美又香口), 長崎縣平貝 (很爽甜)

原隻北海道海膽, 大toro (我最鍾意厚切既toro再包住紫蘇葉和紫菜一齊食, 好滿足!)


珍寶牡丹蝦 (甜到漏, 蝦頭一d都唔腥), 醬油蟹 (超食食, 勁多羔, 很鮮味!)

刺身: 關池魚 (我喜歡池魚), 鰻魚苗 (滑嘟嘟!)

彩虹貝壽司 (比平貝稔和甜), 白海膽手卷

鮑魚壽司

赤鯥壽司, 鯖魚壓箱壽司 (鯖魚一d都唔腥, 酸酸的很開胃)

中吞拿魚腩醬油熟成壽司 (呢件野我一向都係我最愛之一, 回甘味極濃, 正!)

魚湯烏冬 (是日魚鮮的精華, 正), 日本蜜瓜
食店: 武館
地址: 大角咀博文街19號富貴大廈西座地下20號舖
節日慶祝 | Comments:0 | Trackbacks:0 | 2019/04/25(木)
不再為小事傷心動怒,不再為小人憤憤不平
知無不言不一定是率真,或許是因為情商不夠
能把嘴邊的話嚥下去,也是一種練達

受人錢財, 替人消災
唯有頂硬上
做人, 睇化D啦
我同自己講呀.....
生活點滴 | Comments:0 | Trackbacks:0 | 2019/04/24(水)
櫻花版面

用之前次lavander版面近2年, 早已想轉下banner和profile pic了, 有想過用日本上高地/ 立山黑部的, 也有想過用Tasmania的, 不過一直都未有太心儀的照片選擇....
剛去完一轉南九州, 遇上櫻花的季節, 那就把版面轉成樓花吧! 很有春天的感覺, 也是4月, 我生日月的代表...... 雖然近日已經不再春天, 已經是初夏了呢.... 且看我這個版面又會用多久吧, 哈! 希望我很快又會有新好正的旅行, 多拍一些美美的照片啦~
日記版面 | Comments:0 | Trackbacks:0 | 2019/04/23(火)
Harry Potter and the Goblet of Fire in Concert
在澳門第2天, 因為沒事做所以就搵下下午有冇咩show可以kill下time, 要知道澳門真係有很多show睇架啦~ 幾好彩竟然搵到今日4pm有Harry Potter and the Goblet of Fire in Concert~ 時間armarm好!
入場前其實都不知道harry potter in concert是什麼, 之前沒聽過.... 還以為是管弦樂團在演奏HP的音樂, 然後screen就播放一些HHP片段, 睇睇下先知道原來係配埋成套HP電影, 然後管弦樂團在即時演奏HP配樂, 哈哈! 以下是網上找到的簡介:

2016年,CineConcerts和華納兄弟消費品(Warner Bros. Consumer Products)宣佈推出哈利.波特™電影交響視聽音樂會系列,以巡演全球來慶賀哈利.波特電影的誕生。自2016年6月《哈利.波特與神秘的魔法石™》音樂會全球首演以來,已有超過130萬粉絲體驗了J.K.羅琳的魔法世界。該音樂會系列到2019年已在全球超過48個國家舉辦逾900場演出。

楊士弘博士將指揮意大利電影交響樂團於美獅美高梅的美高梅劇院舉行全球首次駐場表演,為大家帶來哈利波特電影系列中的首四部 — 《哈利波特神秘的魔法石™》,《哈利波特消失的密室™》,《哈利波特阿茲卡班的逃犯™》及《哈利波特火盃的考驗™》。觀眾可於全球最大的室內超高清LED屏幕上欣賞整場電影及令人難以忘懷的音樂世界,體驗了來自JK羅琳的魔法世界的另一種盛宴!



入場前先在backdrop前拍拍照~

個劇場都有大好正~


我地都係誤打誤撞睇到呢個show, 本來以為只有個半鐘, 但最後睇到成3個鐘, 我們買的是最便宜的門票, 加上澳門人有折, 一張飛才360蚊, 真係好抵睇! 整個hall的環境好好, 現場氣氛都很好, 觀眾們都很high呢, haha~
剛好我們看到的是第4集的Goblet of Fire~ 是HP系列中較精彩的一集~ (我覺得第1集魔法石和第3集阿茲卡班的逃犯也好看, 其他就麻麻了....) 總括而言, 300幾蚊, 重新一次HP, 又可以Live聽下管弦樂3小時, 抵呀!

一大班管弦樂團

中場休息....

現場live的感覺是比較震撼....

呢段同龍決鬥真係好刺激 =p

christmas ball呢段都係好經典.... 果陣都覺得Hermione發脾氣好煩, haha
歌舞劇場 | Comments:0 | Trackbacks:0 | 2019/04/21(日)
2019生日又來了-第10擊~ 澳門篇Day 2
澳門第2天, 訓到王朝八晏先起身, 12點幾先出門~ 一出門就去食好西了, hahaha! victor又車了我們去氹仔MGM, 之後他就番工了~ 這次我們去吃日系的秘魯菜fine dining - Aji~
Aji的主廚津村光晴, 他在秘魯的日式秘魯菜餐廳Maido榮獲2018年San Pellegrino世界50強餐廳的第7位~ 勁野黎架~
雅吉是澳門第一家日式秘魯菜餐廳~ 不過環境我就覺得太open, 有點像HK的landmark cafe, 我覺得enclose一點會更好, 畢竟是fine dining嘛.....
我也不多吃秘魯菜, 印象中只在HK吃過1, 2次~ 也知道秘魯有很多日菜, 這店的就有點像fusion的吧~ 我們點了tasting menu, 道道菜都有似art piece咁令, 真係賞心悅目! 食物都好食既, 都有唔少驚喜! 我喜歡這些新的味道mix & match~ 不過個set既份量真係太細, 我地要追加4件壽司先夠飽呢.....
食完dessert, 我一個回頭, 嘩, 仲有birthday cake上呢, 我真係呆呆地~ 而sally也不知道呢, 因為這是victor安排的, 因為枱是victor book的, 哈哈哈! 真係加分wor, kaka! 冇諗過今日都仲有生日蛋糕食呢, surprise, haha! 餐廳仲有即影即有送呢, thank you! (不過呢餐飯我係自己比錢架 =p)

Aji是在MGM Cotai的日式秘魯菜餐廳

一人一杯Cocktail, 還有welcome drink - 虎之奶~ 是秘魯的特色sauce呢!

成個珊瑚擺上枱, 太浮誇了吧, haha~ 不過個presenation係好令既~
其實只得2件野食~ 就係左邊的prawn stuffed with black mint in prawn head, 和右邊的deep fried peruvian potato with short rib

上: King Crab Causa - mashed potato with "Aji amarillo", filled with salmon roe, hokkaido king crab, black rice cracker and avocado cream
下: Northern Ceviche - bean puree, scallop, octopus, sea urchin and nikkei "lechi de tigre"

4 assorted sushi - scallop, o-toro, wagyu + quail egg, duck foie gras

Short Rib 50 hours - glazed with "nitsuke" sauce, purple potato puree and black quinoa

Rocoto - coconut and cinnamon foam, chocolate praline with peanut ice cream

嘩, 真係估唔到今日仲有birthday cake食, 哈哈哈...

karen & sally in Macau....
食店: Aji雅吉
地址: 澳門路氹城體育館大馬路美獅美高梅GM層


lunch完, 我們行左陣, 為左kill time, 我地昨晚就搵下澳門有咩show睇, 要知道macau真係成日都有show睇.... 發現有什麼harry potter in concert, 我地都諗住去聽下睇下啦~ 買左飛今日4pm~
未開show前先行下消化下, 因為有HP show, 所以MGM都有HP的pop up store, 有不少HP的products買呢, 我想起了大阪universial studio的HP store haha!

很多harry potter的商品.....

最得意都係魔法棒啦 =p


4pm睇Harry Potter and the Goblet of Fire in CONCERT~ 我都係呢2日先知有d咁既野, haha~ 在會場, 還有一班由廣州來的HP fans, 穿著hogwarts服校, 拿著banner在會場外拍照呢~ 看來那麼多年過去, HP仍然是大受歡迎呢!!!
個show成3個小時, 比我們expect的長, 現場氣氛很好, 比我們expect的好多了, 也長多了呢!

Harry Potter and the Goblet of Fire in CONCERT

巧合既情況下黎左聽concert同睇戲, haha


睇完show都7pm喇, victor又係時候下班了, 又黎車我地去dinner~ haha~ 今晚他都一起跟我們dinner, 最後一餐我說要吃地道的澳門菜, 一早說要去豬骨煲! 這店不可訂位, 所以我們只能去排隊, 好彩好快就有位喇, lucky~ 這家"老地方"好出名, 好多地道的澳門人都會黎食飯架! 這兒最有名的就是"胡椒豬骨煲"! 成個豬骨煲大大個, 勁多豬骨筒, 我想試呢d好耐架喇, 以前娘家煲湯有時都有舊豬骨筒架, 我都好鍾意食呢d骨髓~ 呢個豬骨煲勁多骨髓, 雖然好罪惡但真係超吸引! 個煲底仲唔少升冬, 索曬d湯汁好好食! 個湯底仲可以打邊爐架, 不過我地只係點左個油麥菜黎淥一淥~ 其他野食都係點海鮮小炒, 真係飽到呢.....

雄裕老地方美食~ 好麻甩的地方~

胡椒豬骨煲~ 大大舊豬骨筒, d骨髓好正! 仲有索曬d湯汁既冬瓜都好好食!

辣酒煮花螺, 薑蔥生蠔, 椒鹽瀨尿蝦
食店: 雄裕老地方美食
地址: 澳門黑沙環關閘大馬路64號泰豐新都大銀行石級平臺第三座P舖


dinner完我就閃人了, 因為早上見到沒船飛, 時間太晚了, 所以就決定搭金巴回HK.... 9:30am到口岸, 唔洗多等, 一個鐘頭就到HK口岸了, 真係好快! 而且平唔少呢! 以後來澳門真係好方便! 過幾個月要再來, 下次要再拉埋老公黎打擾Sally他們呢, keke!

晚上搭金巴番HK.....
節日慶祝 | Comments:0 | Trackbacks:0 | 2019/04/21(日)
2019生日又來了-第10擊~ 澳門篇Day 1
4天的easter假期, 反正老公不在, 我就安排了自己去澳門2天, 反正住唔洗錢、反正而家去澳門實在又平又快、反正我也過去也有sally幫我慶生~ 哈! 去澳門都係志在食架啦, 沒什麼特別~
我也是今早才網上買船票, TST的已經沒了, 只能在上環坐12pm的船到澳門.... Sally昨天已在澳門了, 所以我今天是自己一個人出發的~

來到澳門已經1pm, 可能是天氣不好, 又已經中午了, 所以人不算很多吧..... 來到港澳碼頭, victor和sally已經在車上等我了~ 在澳門有車接送真係好正呢, haha! victor載我們去餐廳之後他就去上班了, 管接管送的男朋友, sally真係執到, 哈哈 =p
我們今天吃italian lunch, 餐廳就在南灣湖旁邊.... 2個course的lunch set真係好抵食, 份量不太多剛剛好, sally說這兒的pasta都是handmade的很好吃, 我就覺得一般啦, 沒想像中好~ 不過餐廳還送甜點, 我地仲嗌左杯wine, 餐廳疑似唔記得收錢..... 所以呢一餐真係好抵, 哈哈哈!
值得一說的, 今天的天氣很差, 下超大雨的! 我們在餐廳本可以見到整個南灣湖和觀光塔, 不過之後大雨天陰到什麼都看不見呢, 可怕!

今天天氣勁差, 係餐廳坐坐下, 連觀光塔都見唔到白濛濛一片

calms pasta, beef pasta, pork, beef tenderloin~

仲有免費酒同埋甜品, 好抵....

Karen & Sally in Macau~
食店: Caffé B
地址: 澳門南灣南灣湖景大馬路744H號湖景豪庭地舖


lunch完沒什麼時做, 我們就去了一轉新葡京轉個圈, 再去了大會堂求其搵套戲睇打發下時間~ 輕輕鬆鬆的選了套卡通"女皇哥基大冒險" =p 我都係第一次係澳門睇戲咋, 仲要係D咁舊式既戲院, HK真係買少見少了 =P
之後再去大三巴那邊轉了個, 我也好久沒來過了~ 今天天氣不好, easter來說人不多吧.... 幸好雖然天陰, 但這時已經沒雨了~

好一陣子沒去過大三巴了.....

hea左陣已經差不多7pm了, 又是時候吃dinner了~ victor又來車我們去吃晚餐的地方了, 真係勁方便, 呵呵! victor今晚有約, 所以只有我和sally dinner啦~ 餐廳在西灣湖旁邊, 景色跟lunch的地方差不多, 不過是在靠觀光塔更近的西灣湖啦~
來澳門一定要食番餐葡國菜啦, 這次選的餐廳是在網球會的, 都是Sally介紹的, 不過我覺得食物不算太葡式, 我們這些年去過澳門那麼多次, 我都係覺得好正果次係去"陸軍"那次呢~ 哈! 不過呢度既海鮮鍋真係好食既, 好鮮味, 正!
今餐是我的生日飯, 我們點dessert cheesecake, 餐廳也準備了happy birthday和蠟燭, 還有青島啤酒福祿壽特別版和復活蛋~ thank you Sally~ 今年有一個在macau的birthday dinner, 挺牛逼的呢, 哈哈! 下年可以繼續試試看 XD

1826 餐廳~ 這是家網球會餐廳....

sea bass in Portuguese style, 磯煮鮑魚, 檸檬煮蜆, 海鮮鍋....

Birthday Celebration in Macau~ 哈哈!

仲有福祿壽特別版啤酒, 同埋復活蛋甜點送呢~

thank you Sally for celebrating with me~

餐廳又係對住呢個南灣湖景~ 晚上沒下雨了, 個天清番好多, 不過仍然好多雲....
食店: 1826 餐廳
地址: 澳門西灣民國大馬路14號文員網球會1樓


Dinner完, 好飽.... 我們沿著湖行去市中心, 行到一半victor又已經食完飯來車我們了~ 他車我們到Galaxy~ 他再到下場朋友家~ 時間還早, 我和sally也繼續下場吧! 先去了china rouge~ 環境不錯的bar, 氣氛也不錯呢~ 也有live band, 歌唱得不錯, 我們都有認真聽, 還有觀眾high到跳曬舞呢, 哈哈哈!
我和sally剛一人一杯cocktail淺嚐一下啦~ 味道都不錯~

紅伶China Rouge, 有live band~ 有客人high到跳舞 =p

很有中式style的bar table~ 幾特別呢.....

一人一杯cocktail, 淺嚐一下.....
食店: 紅伶China Rouge
地址: 澳門路氹城銀河綜合渡假城


之後再去另一家bar跑跑~ 也是在galaxy的另一家whiskey bar~ 這兒環境更好, 比較靜..... 雖然這兒也有live band不過男女singer都唱得好難聽, hahaha!! 我和sally都在不斷的嫌棄 XD 不過是偏jazz一點的歌啦~ 哈! 我們又是一人杯的cocktail, 這兒的更好喝, 而且比china rouge的便宜近一半! 加上這兒靜, 年紀已大了的我們更喜歡這兒 =p
之後victor又載我們回他家了, 幾個月前已來過渡宿一宵~ 回到去已經1點多了, 最後差不多凌晨3點才睡, 好累了呢, 幸好明天沒有起床的時限, 哈哈.....

Macallan Whisky Bar~ 在galaxy內的whiskey bar...

再來一人一杯cocktail~ 好飲wor~ 而且比china rouge平一半, 超抵!!
食店: The Macallan Whisky Bar & Lounge
地址: 澳門路氹城銀河綜合渡假城銀河酒店2樓203號舖
節日慶祝 | Comments:0 | Trackbacks:0 | 2019/04/20(土)
<女皇哥基大冒險> (The Queen's Corgi)

導演: 陳心遙
聲演: 張彥博、吳千語、劉浩龍、栢天男、羅蘭、黃百鳴、蕭叔叔、熊仔頭

英國皇室最得寵的哥基歷斯,生活在白金漢宮,萬千寵愛在一身,過著奢華的宮廷生活。相比起皇室另外三隻哥基,歷斯最得英女皇歡心,他更被賜封為「至尊狗」,態度不可一世,傲慢無禮。一次,美國總統到訪白金漢宮,歷斯卻於晚宴期間,引發了一場不可收拾的外交風波,一夜之間流落倫敦街頭,皇家愛犬慘成喪家之犬,歷斯能夠再返到英女皇的身邊?


第一次係澳門睇戲, 主要都係kill time啦 =p 唔係上網找電影也不知有這套戲上映, 哈哈! 主要都係打算入戲劇輕鬆笑下90分鐘~ 題材方面, 用英國皇室、英女皇、哥基、白金漢宮做題材係幾吸引既~ 而且仲有美國總統特朗普和第一夫人, 哈! 劇情是可以想像到的, 沒什麼驚喜, 也不太好笑.... 整體只是剛剛合格吧, 我覺得劇場可以發揮得更好呢.... 成套戲, 我最鍾意既色係菲臘親王, 哈!
劇集電影 | Comments:0 | Trackbacks:0 | 2019/04/20(土)