FC2ブログ
Daisypath Anniversary tickers
Happy Birthday to my HUBBY*
今天是老公生日的大日子, 本來我打算請半天假的, 但老公都唔請假, 而且我們的dinner又book了在中環而且很晚才吃, 所以最後都沒請假呢.... 算是準時下班, 但我們book了8:45pm才dinner, 所以sip下時間就去了灣仔做foot massage, 之後才搭叮叮回中環吃晚飯...

今年老公想食法國菜的tasting menu, 沒有找酒店, 而是去了挺有名的fine dining VEA~ 這兒餐面積不大, 大家都是吃同一個menu, 都是chef指定的菜式.... 我們坐在高椅前, 看著open kitchen的廚師們在準備食物, 係幾正既~ 首先上的是test tube形的濕紙巾, 令我想去數年前我在中環吃的某頓生日飯, 也是吃法國菜, 只有tasting menu的Liberty Private Works, 不過那餐廳已經結業了, 我還覺得很可惜呢.... 之後再上網找找, 才知道VEA的主廚Vicky Cheng就是我們在2015年時吃過那家LPW的主廚, 他是在美國米芝蓮餐廳待過的呢~ 難怪我上網找這店時已經覺得很有親切感, 有似層相識的感覺! 不過我覺得今晚在VEA的experience當4年前我們在LPW的更好呢! 食物更好吃, 好難得!
10道菜, 每一道的擺盤都勁令, 每一碟都好像art piece! 美得像個藝術品似的, 我喜歡吃法國菜就是這個原因! 主菜開始前, 就先上snacks, 都是savoury selections.... 我最喜歡的是那個咸魚味的蝴蝶酥, 主題是林子祥的"咸魚白菜也好好味", 這是chef最喜歡的一首歌. 上枱時有music box播著"咸魚白菜也好好味"的音樂. 然後盒上有2塊蝴蝶酥, 還有2卷小字條, 入面寫著"有了你開心D, 乜都稱心滿意, 咸魚白菜也好好味", 還有英文版, 真係幾特別.... 好impress亦覺得很warm!

今年生日飯沒去酒店, 選了去吃法國菜的VEA!

一開始是SNACKS - savoury selections~ 第一道是芝士配cavier toast, 第二道是煙薰Quail Egg, 在鳥巢中似的!


咸魚味的蝴蝶酥好正, 仲有菜乾好甜! 成件事真係好"有了你開心D, 乜都稱心滿意, 咸魚白菜也好好味...."


上菜有點慢, 然後主菜們終於上了! chef擅長把local touch/ local elements放入french cuisine中, 每道菜雖然很法式, 但亦很有chinsese/ canton的味道和精髓, 真係好難得! 我最喜歡的是那sea cucumber, 即是海參, 入面釀了泥蟹, 個汁係好濃郁既中式蟹黃加薑蔥汁, 再噴上22年的花雕酒, 成件事真係好好食!!! 好impressive! 另外drunken piegon都好好吃, 我好鍾意食乳鴿....
不過最感動人心的是主菜kagoshima和牛飯, 和牛是以生牛肉的方式上枱, 這個dish的精髓是"飯.", 亦是HK人最重要的主食! Waiteris們還在介紹飯是什麼, 我真係覺得好感動.... french cuisne再加上local的ingredients/ dishes, 成件事真係好正 >w<

上: MANTIS SHRIMP - smoked cauliflower, uni, pistachio (很清新的前菜, 不過我還是覺得瀨尿蝦還是不夠鮮味, 龍蝦會更好?!)
下: RABBIT FISH - kohlrabi, plankton, “congee” (很有泥鯭粥的感覺, 很local touch!, 魚煎得好脆身, 好吃!)

ROASTED SEA CUCUMBER - female mud crab, ginger, 22yrs hua diao wine (呢個係signature dish! 海參內釀著當造的泥蟹, 很鮮味! 再加上濃厚的蟹黃薑蔥汁, 好正!)

TAIYOURAN EGG - crispy daikon, scallion, black truffle (PLW最有名的是那個流心蛋, 不過這蛋我不是很喜歡, 蛋是好吃, 不過我不喜歡甜甜的滷水汁呢!)

DRUNKEN PIGEON - salt and pepper tofu, goji berry, bean curd (我喜歡乳鴿)

來主菜之前先來個嘉應子+sobert, 好refresh, 好正! 好驚喜!

KAGOSHIMA WAGYU - fox nut, xo chili jam, fried rice (和牛生牛肉片, 再加茄子和xo牆飯, 飯還可以添加的, 好local touch, 好正!

上這個main dish的時候, waiters還故意介紹了飯, 成件事我覺得好正! this is HK!

酒量不好的老公, 點了個cocktail pairing, 不是大路的味道, 很impressive!

喜歡酒精的我, 則點了個wine pairing, 7杯小小的紅白酒, 喝得好爽呢!


咸點吃完了, 之後就是desserts, 先來2款desserts, 第一款是很特別的strawberrries, 都是來自日本的, 每人可以選2款, 我揀了一紅一白的, 成個experience真係好正, 你會覺得比貴d錢都值! 因為除左有得食, 仲有得睇show, 好正! 之後的apple tatin就冇咁精彩了 -o
book枱時一早order定是老公生日, 所以我們有extra的birthday dessert呢, 是乳豬全體呢....!!! 說笑了, 這是waiter的joking,.... 這只是個乳豬形態的雪糕! 不過入面是麥精味的呢...... 真係好local touch!!! 正呀!!! 我從小都不喜歡維他奶, 就喜歡麥精, 真是太巧妙了吧 >w<
親愛的老公, 生日快樂! 轉眼我們已在一起11個年頭了., 結婚3年, 也沒什麼大起大落..... thank you for loving me! 我有很多不完美的地方, 願你能繼續包容, Happy Birthday Hubby!! love u so much! 願我們能有更多無數的生辰一起一同慶祝, 願我們能一起走過未來數十年! love u!!! all the best!

上: JAPANESE STRAWBERRY - Brillat-Savarin, fermented rice wine, yuzu
下: APPLE TATIN - hawthron, dried longan, caramel

麥精味的乳豬全體, 好正呀! 太cute了吧 >w< so surprise!!!

Happy birthday hubby! thank you for loving me! i love u too!

MIGNARDISES sweet selections
食店: VEA Restaurant and Lounge
地址: 中環威靈頓街198號The Wellington 29至30樓
戀愛記事 | Comments:2 | Trackbacks:0 | 2019/01/30(水)
台北出差 - Day 2
琴日真係好辛勞, 不過貪玩仍然chur到12點先番酒店.... 好彩今日可以瞓到九點幾先落床, 仲遲過返工, 勁爽! 好似我以前去長沙時咁, 成日可以自己控制自己的hea schedule =p
同事早上有meeting, 而第一次去台北出差的我, 就自己去把昨天還未逛過的店一一逛完啦~ 整天也實在輕鬆~

台北101, good morning Taipei =)

中午匯合同事食lunch, 出發前我們一早已經上網搵定食omakase的了~ 哈! 本來我最想去的那一家店, 今天竟然休息, 我才再找了這家"鮨処律", 店舖的門口小小的, 很有日本的風格~
我們點了每人NT1200的omakase套餐, 當然公司唔可以比曬, 但有得claim番少少幫輕下都是好事來的呢 =p 店不大, 只有十多個座位, 好彩我地出發前已經book定枱.... 我們就坐在sushi bar等著師傅的廚師發辦! 成個feel真係好正.... 這個set, 除了有壽司外, 還有熱食呢, 真係好讚呀! 咁樣成件事先係omakase黎架嘛 >w< 這樣的價錢在HK真係食唔到... (之前我在TST lunch吃逐件上的sushi set也要300多元呢!) 我們還少少地, 開左支300ml的sake, 真係好鬼正, 好似去左旅行咁 =p 每次有壽司上枱我都有在認真拍照呢, kaka! 最後那件toro蓉+海膽卷真係好出色, 滿足!

鮨処 律........ 門口是那麼日式小店似的....

小小地, 下午時間, 就點了300ml的sake飲下過下癮啦 =p

大家都是坐在sushi bar~ 第一道前菜是"螢光魷魚+露筍", 有誠意, 好吃!

上: 日本水針魚; 下: 日本小黑鮪魚

上: 帶子; 中: 台灣白甘(縞鯵); 下: 金目鯛

上: 燒白帶魚+三星䓤; 下: 炸鮟鱇魚肝

上: 比目魚; 中: 尖梳魚; 下: 靑甘魚(鰤魚)

呢件toro蓉+海膽卷的陣容真係好勁!!! 超多餡料, 全部都好輕味...... 好正呀!!

最後仲有魚肉豉麵湯+雪糕, 有甜點令我心情好了些呢, haha!
食店: 鮨処律
地址: 台北市大安區安和路二段155號1樓


我們今晚6點多的飛機回HK, omakase完仲有d時間, 一小時左右.... 為左sip下時間, 我就立即google map一下附近有什麼cafe啦.... 拖著gip行了5分鐘就來到在小巷裡的"未央咖啡店".... 整個裝潢都好有feel, 好文青好moody.... 同事點了杯朱古力, 我就點了杯威士忌牛奶~ 享受了大半個小時, 哈哈! 在cafe時, 我有講左個business的電話架 XD
其實大無論大陸定台灣都有好多呢D文青咖啡店! 人不多, 真係好治癒.... HK也有一些吧, 不過總是人太多, 完全唔係果件事呢!

為了sip時間, 上網隨意找了家cafe hea hea....

偽文青的咖啡店...... 好正! 好有feel!

同事點了杯朱古力, 我就點了杯威士忌牛奶~
食店: 未央咖啡店
地址: 台北市大安區四維路208巷10號


Cafe完就出發打的去機場了, 因為今晚沒dinner, 所以我地都在lounge食番少少野打定底... 飛機delay了大半小時, 不過點到HK也是8點多, 算不錯吧....
順利完成了這次台灣出差之旅, 今次真係玩得幾開心~ 哈! 希望我有機會再黎啦, 亦希望我有機會可以去其他market出差看看啦....

上機前入lounge
海外工幹 | Comments:0 | Trackbacks:0 | 2019/01/29(火)
台北出差 - Day 1
當初轉這份工, 其中一個吸引我的地方就是可以做大陸以外的Asia market, 不過因為我入得黎遲, 香港台灣都主要由另一位同事負責.... 等了半年, 我終於都有機會跟下其他project, 所以有機會去台灣, 去大陸以外的地方出差了! 雖然只係台北, 不過我都好開心~ 加上今次係同另一個同事去台北, 冇阿姐係度, 所以我地一早plan定食咩好西, 令我更是期待, 我心態真係當黎個short trip架, 哈哈 (雖然我只係出差2日)
今日勁早機, 7:25am的航班, 我基本上只係訓左3個幾鐘左, cls! 第一次搭EVA Air, 沒什麼特別, 不過都幾好坐丫~ 一小時多一點的航班, 好快到.... 我在飛機上也有睡呢!

工作10年, 我終於有機會去大陸以外既地方出差了, 好開心~

下機才9am, 超早呢! 一出機場先去了2個商場, 再去了開左個會, 也是我們這行的最大目的.... 我們中午已KO了這項最重要的checklist, 之後終於可以出發打的去市中心了.... 來到市區已經1點多了, 比我們預計的時間早很多, 雖然不是晏, 不過由今早5點起床, 我已經活動了很多個小時又累又餓了呢!
我們一早已想好lunch要去瞞著爹吃呢~ 近年瞞著爹大熱, 很多HK人都聽過吧~ 這次我終於有機會一試了~ 瞞著爹有很多分店, 我們去的是丼飯的那家, 店小小的日式裝潢, 就在條小小的巷弄裡, 不用排隊好快就有得食, 正! 同事出差已經來過好幾次了, 我們一人一碗海鮮丼飯, 大堆頭的刺身, CP值勁高! 真係好吸睛~ 而我的都只係TWD580碗咋~ 抵 不過我得最吸引的不是刺身飯, 而是那個魚骨湯呢! 雖說是魚骨, 但其實是大大舊的三文魚鮫呢, 超級多肉, 又滑又多膠質, 而且一d都唔腥, 勁正很有驚喜! 這湯性價比超級高, 才TWD60, 就有咁大舊魚肉, 比HK點的什麼燒三文魚更大份呢, 勁滿足! (另有蝦頭湯同埋蛤蜊湯)

傳說中的瞞著爹...... 我終於有機會黎喇, 呵呵呵!

干貝海膽松葉蟹三文魚子丼, 綜合海鮮丼

我想講, 呢個魚骨湯真係超級正! 舊三文魚鮫勁大舊勁多肉! 好肥美! 正到爆炸!
食店: 瞞著爹
地址: 台北市松山區八德路二段346巷9弄17號


lunch完逛逛商場, 我們終於可以回酒店了, 回到酒店都差不多5pm了! 酒店在101的信義區, 在市中心很方便, 所有野都係walking distance, 我們品牌的店都在附近啦~ 酒店都係那種boutique hotel, 幾新既~
我2017年時也飛過台北但那代主打是去花蓮, 而上次來台北旅行已是2015年了, 那次都是飲飲食食啦, 那次都有在信義區飲野搵野食架....
在酒店稍事休息後, 我地都係附近D商場行下, 去自己D店舖睇下同店員了解下咁啦....

係台北住呢間酒店真係超方便, 就在信義區101附近

在日本被炒紅的Blue Bottle....

台北101的日與夜....


Dinner我們在附近吃日式燒肉, 一早就book定枱.... 呢餐唔平架, 要成TWD5800 for 2!! 公司梗係唔可以claim都咁多啦, 不過總算可以幫補一下, 都好既, haha! 之前覺得食物有d貴, 不過吃過之後真係覺得物有所值! 唔僧後悔! 我們點的已是最平時澳洲9+和牛, 有6款唔同既部位, 有專人幫你用炭爐燒..... 他們的技術真的很好呢, 第一道燒的是牛舌, 真係燒特非常好, 外脆內軟而且好多汁, 我真是有被impress到, 好驚喜, 好juicy.... 而且staff將牛舌擺盤得超好, 真係好好食!! 之後staff不斷一道一道的上那些燒牛肉, 其中牛小排、橫隔膜真係超好食, 唔洗任何調味都好好食呢.... staff繼續每次燒肉都燒得很好, 而且display得很好, 我地自己燒一定冇咁掂.... 除左燒肉, 這兒的前菜, 沙律, 蔬菜, 炒飯什麼的都好好吃, 真的.... 好有surprise.... 雖然貴, 但真係值! 我和同事都吃得好開心呢 >w<

今晚在新光三越吃日式燒肉

用, 我們二人點了最便宜的套餐, 用的都是澳洲9+和牛

唔係講笑, 佢D前菜, 沙拉, 湯同埋配菜等都好好食, 好有heart好出色!

個set有6款唔同既和牛部位~

首先是燒牛舌, 個牛舌很肥美, 食落超juicy, 外面又夠焦香, 真係好有驚喜好好食!

再來就是燒板腱, 每燒一碟

牛小排真係肥美得很! 油脂超豐富! 菲力我就覺得一般啦~

之後仲有沙朗, 不過我還是喜歡最後那個橫隔膜, 很軟棉, 好好吃! 滿足!
食店: 樂軒松阪亭
地址: 台北市信義區松高路19號6樓


Dinner完我們仲去了w hotel飲野, 選了酒店頂層的"紫艷酒吧"~ 其實我真係好鍾意w hotel,架, 好hip好cozy, 都是我很喜歡的style~ 不然當年結婚的場地都不會選它啦 XD
我們這次身處的bar是位於31樓的紫艷酒吧, 這兒還能望到附近的台北101夜景呢, 真係好正! 去過台北那麼多次, 我都係第一次那麼近的101夜景咋, 係幾爽呢~ haha! 我們點了各一杯cocktail, 在這樣的環境飲野真係好Chill, 我們2個女生不斷在打卡拍照, haha...... 埋單才TWD500.... 有這樣的環境, 真係抵呢! 我們都好飲去了旅遊似的, 好享受 =p
飲完野, 才慢慢的行番酒店, 回到去已經12點了, 昨日睡得太少, 今天又操勞多了.... 我已經累了呢.....

W hotel頂樓的紫艷酒吧~ 環境真不錯!!! 好chill!!

仲見到台北最signature的台北101, 夜景好正呢!

我和同事不斷在自拍~ 哈哈! 大家都好high =p
食店: W Hotel紫艷酒吧
地址: 台北市信義區忠孝東路五段10號31樓
海外工幹 | Comments:0 | Trackbacks:0 | 2019/01/28(月)
Jelly's Birthday Dinner @ Fer's Home*
今天又約了Rosians們去jennifer家, 現在她跟Chris的親戚住, 有人睇B方便D, 雖然她近排已做了全職媽媽呢, haha.... 平時幾年都唔會去一次大埔, 沒想到無啦啦這2天連續去呢, haha! 幸好Chris在太和站開車接我們, 大家去fer家才沒那麼麻煩呢 XD
一入到屋企, 就見到Chris的姑丈在準備食物, 首先見到的是拿破崙蛋糕的那個酥皮, 之後姑丈仲係度吱忌廉, 成事件事真係好誇張呀! 之後仲見到好大隻羊脾同埋酥皮批呢, 好大工程好大陣丈好認真呀! 厲害!

私房菜making of~ 真係好pro呀!

我們5點前已到Chris家, 7pm才吃飯, 我同jelly特登帶左switch入黎, 有4個手制一齊玩真係開心~ 我們主要玩mario party, d mini games真係好攪笑, 4個人一齊玩好開心, 我真係笑到癲左 XD
麒麒BB也很八卦的在看我們在玩呢, 好攪笑, 哈! 幾個月都冇見過麒麒, 大個左好多, 就黎7個月大喇!! 呢個大小既BB都幾得意, 起碼有反應俾嘛~ 又有少少互動~ 大多少少仲可愛呢 =P

大家一齊玩switch既mario party, 好好笑呀! kakaka! 我笑到癲左 XD

幾個月都冇見過麒麒, 大個左好多, 佢就黎7個月大喇!!


7點幾等到Ben和Roger來到, 終於齊人可以食飯了~ 呵! 開左張超大的圓枱, 好認真咁set曬位, 又係好認真, 哈哈! 大廚姑丈仲係度呢排曬d碟係度擺盤, 好勁呀.....
第一道是南瓜湯, 即blend的, 簡直是餐廳水準! 之後一碟是appetizer, 肉肝醬酥 + 牛油瓜 + 煙三文魚, 好有誠意, 個批焗得超好, 一切都是homemade的, 外面吃不到的味道! 那牛油果都揀得好好呢, 剛熟, 正!
而最令人期待的是那個main dish香草焗羊脾, 一上枱真係好誇張好大隻呀! 厲害! 姑丈即時一塊塊咁片d羊肉落黎, 就好似我地平時去buffet食果d燒牛仔肉咁, 而且勁juicy呢, 真係好正! 大師級水準呢~
最後仲有薯蓉同埋香草蕃茄沙律... 個香草蕃茄沙律又係好好味, 個汁調得剛剛好呢!

11個人食飯, 個setting好掂!

南瓜湯, 肉肝醬酥 + 牛油瓜 + 煙三文魚

香草焗羊脾~ 超正! 好似平時食buffet d燒牛肉咁....

仲有薯蓉同埋蕃茄沙律....


唔好以為食曬d main就完, 我地仲有dessert呢! 今次過來, 主要是慶祝Jelly的生日, 而姑丈亦準備左個大蛋糕給jelly呢~ 勁大個homemade的拿破崙呢! 酥皮是自己猜的焗的, 忌廉和custard都是自己打自己吱的, 真係太強了吧! 連cake上的strawberries也是特意挑過的, 什麼都是精挑細選的, 好勁呀! 見人地咁pro, 我以後都唔想煮d咩"私房菜"招呼人了 XD
雖然說是慶Jelly生日, 不過她仍記得ben跟她的生日差不多, 所以也一起切蛋糕吹爉燭了~ Happy Birthday to Jelly & Ben! all the best~ 你地係第一次一齊慶生呢, kakaka!
唔該曬dinner完Chris仲車我地出番車站, 我地有巴士直到屋企樓下呢 =p 我們豬年再見啦~ BB等逗利是吧 =P

4磅半的handmade拿破崙蛋糕..... 好誇張!

呢個napoleon真係好有誠意!!!

Happy birthday to Jelly & Ben~

大合照~ 好強的私房菜! 多謝chris姑丈的招待!
生活點滴 | Comments:0 | Trackbacks:0 | 2019/01/27(日)
Toko's Birthday Dinner~
下午由大埔去cwb, 搭車唔係好耐, 等車才耐呢, 汗.... 先去了hysan拿蛋糕, 之後才去餐廳.... 今晚約了吃小透的生日飯, 可惜提議這餐廳的Anmary病了不能來呢... 久違了的小嘉, 佢終於出關可以見到我地喇, haha! 而我們4人都好久沒試過一起聚聚呢.... 孖B已經2個月大喇, 我地仲未有機會見到她們, 真係好可惜呢 >.< 大概所有媽媽都有不少牢騷, 可以有發洩途徑透下氣真係好重要呢~ 哈! 今天見到的2個新手媽媽都說了不少呢, 做媽媽真的很麻煩, 真不敢想像哦.... 幸好這2位媽媽都算hands off呢, 加油吧 =p
餐廳食物ok啦, 正常水準, 那個厚切豬扒最好食~ 其他不算有驚喜, 不過西餐都差不多的啦~


煎帶子, 三文魚risitto, cheese platter, pork chop (厚切好吃!), shrimp angelhair

這次的生日蛋糕是在habitu訂的, 近排見它的蛋糕都幾令呢~ 這次訂了個很colorful的"雲蛋糕", 想上網見到的感覺有點不同, 實物很fancy很卡通很小朋友呢, 剛好小嘉買的生日卡都是很卡通的, 冇夾過都咁夾, 哈哈哈! Happy Birthday to 小透, all the best~ 祝你身體健康, 心想事成! 我們大家豬年再見啦, 希望早日可以見到孖B, 哈哈!

Happy birthday to小透..... 蛋糕和生日卡都好fancy好卡通呢, kaka!!

小豬, ketu, 小透, 小嘉~ 好久好久沒有四人聚了呢!
食店: Babbo Trattoria
地址: 銅鑼灣羅素街2-4號二千年廣場5樓
識飲識食 | Comments:0 | Trackbacks:0 | 2019/01/26(土)
Hello Baby Johnathan!
今天約了2個局, 先是入大埔探Wallis的BB, 上她家之前, 我們和Eva先去了附近吃個lunch.... 話說去年10月我們早已約了吃eva的生日飯, 誰知wallis突然入院直至生產.... 所以eva的生日飯一直delay到今天, 不過見到wallis順利生產真的令人放心了!
我們去了吃韓國菜, 我好像好久沒有吃過韓國菜了呢... 久違了的部隊鍋, 一開始真係幾好食, 尤其是那些辛辣麵和午餐肉, 不過之後感覺好junk好罪惡呢 >.<

好耐冇食過韓國菜了呢.....

牛肉飯, 韓式炸雞, 部隊鍋!
食店: The Cha:rm
地址: 大埔翠樂街8號富萊花園地下G06A2號舖


lunch完就上waliis家了, 我地終於可以見到baby Johnathan喇, nice to meet you! 3個半月的BB, 好重手呢.....!!!! 我一見到他, 就覺得好似5, 6個月似的, 哈哈! (雖然仲係好bb樣 =p) 聽著wallis的生產經歷真可怕, 生仔真係搵命搏~ 而她也強烈建議大家請開刀生仔, haha! 我們會好好考慮的了 XD
2018年真係好多朋友生B, 這2個月我都會四出去探b, 我仲有4個初生B未見過呢 >.<

hello baby johnathan~~

3個半月的johnathan, 終於抱到你了~ 好重手呀~

eva, wallis & karen~
識飲識食 | Comments:0 | Trackbacks:0 | 2019/01/26(土)
爸爸親戚團年飯
終於又到星期五了, 好開心.... 今天晚上就到跟爸爸那邊的親戚吃團年飯, 2圍20人, 我地都係食番d傳統既粵菜啦~ 地點揀了在我家附近的街坊酒樓, 真係超近好方便! 這是我們第一次吃團年飯少了女麻女麻, 雖然我們人多, 不過始終有點不習慣呢.... 但我們仍然會活得好好的, 放心吧! 祝大家身體健康! 我們過2個星期, 豬年再見啦!

今晚跟爸爸那邊的親戚吃團年飯

有2圍親戚!

祝大家身體健康! 我們豬年再見!
食店: 皇庭匯
地址: 大角咀海富苑海富商場1樓106號舖
節日慶祝 | Comments:0 | Trackbacks:0 | 2019/01/25(金)
Dinner with the Gents, the fit AMs
今晚約左最熟果2位舊同事Kevin & Tim食dinner, 本來想打邊爐, 不過最後都係揀左食日本菜.... 大家一坐低就立即交換手信禮物, 就是大家公司既利是封啦, 仲有d旅行手信, 哈哈哈!
一開始先點菜, 可以食刺身真開心~ D串燒都幾好食~ 唔錯! 當然仲有飲sake啦, 2支720ml的, 爽! 邊吃串燒邊講是非八卦, 真係好開心~ 我地都好似好耐冇3個人一齊食飯喇 =p 諗起以前係舊公司時既場面, 真係好懷念呢, 那段時間真是我工作生涯中最開心的時光 =) 講野講得太興起, 我一如以往的把聲浪調校得勁高加不斷笑笑笑, 他們亦一如以往不斷啪"0薯"我叫我唔好咁大聲, 哈哈! 平時我同Kevin食飯吹水, 一向佢都好就我俾我亂up野, 不過次次一加埋Tim佢就會講野針住曬.... 哼哼!
今次唔係我地狗年最後一次見面, see u both again next week啦 XD

清酒, 燒牛舌, 燒雞肝, 刺身併盤, 吞拿魚蓉米通脆脆, 燒白鱔

蒜頭漬, 燒銀杏, 秋葵, 廣島蠔, 壽司併盤, 牛榜漬, 燒雞翼, 燒鯖魚

燒豆腐, 銀杏, 腩肉, 椰子雪芭, 牛肉鍋

我們曾經都係好fit既AMs, 哈哈哈! (自己include埋自己lol)
食店: 塩玉居酒屋
地址: 銅鑼灣登龍街28號永光中心10樓
識飲識食 | Comments:0 | Trackbacks:0 | 2019/01/24(木)
Try's Birthday Dinner
又是一個星期的開始, 星期一真係好支力呀! 晚上約了try食生日飯, 明明是想吃omakase. 之前我們吃那家, 不過冇位. 無啦啦去左isqaure吃放題日式燒肉! 仲有sake任飲! 都好既, 食平d替我荷包慳番D, 不過連續2日食放題, 真的吃不消呢.... 我晏晝特登去食粥架喇 =P
說著家人的問題, 解決唔到真係好難攪, 如果係我都唔知可以點, 小朋友是最無辜的呢.... 這十年多來發生了很多事, 轉眼間Try個女都快3歲了, 今天就開始要上學了呢.... 又是另一個挑戰, 加油吧! 不過找到個對你好的男人真的很重要, 永遠都是以你為出發點, 就算小孩出生後仍然毋忘初衷! 聽得我很是羨慕.... 我一向覺得小孩的意義理應如此, 就兩個人感情的昇華, 而不是要本末倒置呢!
Happy Birthday to Try~ 我們忘了拍照呢.... 哈! 生日去旅行真係好開心, 我今年都好想呢!!
每次和try見面時都會想起他, 不知在那邊廂、多年不見的你還好嗎? 衷心希望你可以有個新開始新生活呢!

今日食日式燒肉放題, d肉都唔錯, 仲有刺身呢....

sake任飲! 不過我們都係主打食牛肉, 其他肉類點得不多~
食店: 燒肉牛蔵
地址: 尖沙咀彌敦道63號iSQUARE國際廣場7樓701號舖
識飲識食 | Comments:0 | Trackbacks:0 | 2019/01/21(月)
媽媽親戚團年飯
星期日, 年尾了..... 今天才年十五, 我已經率先跟媽媽那邊的親戚食團年飯了..... 今日跟媽媽那邊親戚的團年飯竟然食日本放題, 真係幾得意, 仲要食8:45pm果輪.... 真係晏到呢....
妹妹在籌備畫展中, 太忙所以來不到, 所以今晚只有14人~ 日本放題團年飯也是第一天, 大家也不算吃得多, 不過大家吃得高興就好, 反正也不貴~ 我們豬年再見吧, 祝大家都身體健康, 心想事成! 我們CNY再見吧, 雖然大舅父他們那家人會去土耳其過年見不到人呢. Turkey都係我近年既travel wishlist之一啊!

今日團年飯竟然食日本放題

團年飯. 我們豬年再見!!
食店: 殿 大喜屋日本料理
地址: 尖沙咀金巴利道26號1樓
節日慶祝 | Comments:0 | Trackbacks:0 | 2019/01/20(日)