FC2ブログ
Daisypath Anniversary tickers
再戰南半球。向現代塵世美出發!
又是年尾, 又是我們每年去一次(!?)long haul慶祝我們的結婚週年紀念的時候了 =p
今晚我們就要出發去澳洲了! Yes, 無錯! 闊別5年, 我們又將再和南半球出發了! 2013年, 我們只去了Sydney, New South Wales和Queesland那邊, 今次去的是南澳, 主打Melbourne和現代塵世美Tasmania! 想去這個地方多年, 今年終於不再多想, 出發去了! 加上由2014年起, 我們已去了東中歐、英國荷蘭、希臘瑞士、英國南法、冰島挪威..... 大部分最想去的歐洲地方總算都去過了.....
年尾實在不想去美國, 那剩下來的只有New Zealand和Tasmania了 (也有想過近年蠻多人去的Sri Lanka).... New Zealand機票已換不了了, 而且要去at least 2星期, 最後想來想去就在2個月前左右決定Tasmania了! 主要都係睇自然風景、野生動物、飲酒、食海鮮, 志在relax下啦~ kaka! 行程我都唔係好熟悉, 沒有太多準備時間, 到時見步行步啦, 哈哈!

還有幾天就2019年了! 今年2018年過得一般, 多左煩惱, 多左野諗..... 希望2019年能有新轉機, 新改變! 各位親, 我們2019年再見吧 =)
生活點滴 | Comments:0 | Trackbacks:0 | 2018/12/26(水)
Nail for Australia
今日boxing day, 今晚出發去澳洲, 下午去了整甲修眉買野, 好忙架....
今次整甲整比少少新意啦, 透明底的碎片、黃色、灰色..... 基本上3款我都未試過整的, 哈哈! 今次選了12月精選, 不用自己想style想款式, 很輕鬆 =p 不過這個顏色跟澳洲沒什麼關係 =p
時裝美容 | Comments:0 | Trackbacks:0 | 2018/12/26(水)
Canon EF-S 17-55mm F2.8 IS USM
買了部80D兩年, 頭一年都是用支kit鏡..... 去年去北歐前買了支10-22mm廣角鏡之後基本上很懶, 買了廣角之後很少換鏡頭.... 用了支廣角一年, 一直都想買支靚小小既、焦距實用惺高d既鏡頭....
今次趁著去澳洲之前, 終於買了這支17-55mm的了, 仲有大光圈呢.... 其實想買EF-S系列的話, 也沒太多選擇.... 因為這已是支舊鏡, 所以很多地方都沒有了! 正想放棄之際竟然又找到了..... 上次支廣角鏡分了期12個月, 一年後的今日終於供完了! 而這次入手, 我也做了分期24個月, 月供很輕鬆呢 =p
購物禮物 | Comments:2 | Trackbacks:0 | 2018/12/25(火)
<無敵破壞王2:打爆互聯網> (Ralph Breaks the Internet: Wreck-It)

導演: 威治摩亞
演員: Do姐(鄭裕玲)、杜小喬、譚杏藍、屎萊姆

破壞王番嚟啦!今集將延續其天馬行空的無限創意,由破壞王聯同好拍檔雲妮露,帶大家走出傳統機舖街機,跌入互聯網!為尋找軟件拯救好友雲妮露的「甜蜜大冒險」,破壞王同雲妮露決定走出屬於他們的街機世界,向未知的廣大網絡世界出發。過程中,兩位網絡新手遇到重重難關,幸好得一班網絡紅人教路,當中更包括人氣網站BuzzzTube的靈魂人物得姐!在神一般的隊友助攻下,兩人破壞功力有增無減,成功玩轉互聯網呃爆Like……定搞到互聯網down哂機?!


沒想到無敵破壞王也出續集, 記得第一集見到好多懷舊街機真係覺得幾正.... 今次玩埋入internet真係好爽! 第一下見到果個internet世界真係覺得好amazing好繁華, 真係去左個唔同既年代咁既, haha! 而所有"比喻"、"擬人法"都畫得好好呢~ 而看這類電影, 雖然一向都不是特別喜歡男女主角破壞王和雲妮露, 不過看些其他cross over的角色真係幾正! 尤其是眾disney公主那段也實在太吸睛了吧~ 多年後可以在大銀幕見到3D版的舊公主們真的很驚喜, 而且出場還真不少呢 =P
劇集電影 | Comments:0 | Trackbacks:0 | 2018/12/25(火)
Merry Christmas Eve 2018
今日已經係平安夜喇~ 今日公司收4pm, 不過基本上公司都沒什麼人, 所以我都冇做過d乜野! 但我都好忙架, 因為今天是出遊前最後一天上班, 我要print定曬d資料出黎呀.....
由於無簧管, 所以我早早12點就鼠左出去食lunch, 平安夜既lunch, 約了同在中環區上班的CUS LCC之友ingrid和philip~ 呢個組合真係非常久違了! 對上一次我們平安夜當日聚, 已經是13年前, 2005年我們year 1的時候了.... 那時候還有isaac和cindy在的呢....
我們找了家LKF的餐廳, 真比D野真係好抵食, 酒都好抵飲呀! 3個人點了3支processo 2L啤酒.... 痴線的! 我今日係想飲酒, 但我真係唔想飲到醉同埋飲咁多, 好無奈..... 而且我已盡量戒左啤酒近半年了! 又要我破戒, 好煩 -__-||||
不過今日最難得既係Eva poon都有露一露面呢! 多謝你病住都黎同我say Merry Christmas同埋farewell 2018! 我地過3個星期再見呢!
so happy today, such a good union~ Merry Christmas my friends, Happy New Year and see u all in 2019 =)

呢間餐廳主打食burger....

ingrid仲要叫小食..... scolt egg and mac n cheese.... 都是炸野....

痴線的, 3個人3支processo 2L啤酒....

我個樣為食到呢!

Merry Christmas LCC元老大集合!

Eva poon最後露一露面..... so happy! Merry Christmas all and see you all in 2019!
食店: Beef & Liberty
地址: 中環蘭桂坊德己立街32號加州大廈3樓


4點前番公司露一露面, 醒下酒+ print埋d野, 我都收爐喇! 2019再見! 昨天已買定隻雞今晚焗, 收工只去了買2件cake做甜點, 聖誕節食d甜野sweet d啦 =p
整左少少野好快就開飯了, 今年christmas eve過得好平淡, 沒約朋友上來gathering, 畢竟飛了的人也不少呢.... 而我亦早已過了喜歡外出過節的年紀, christmas eve, 就和老公2人在家過啦~ merry christmas all~ Love*

牛油焗田螺, 西蘭花, 煙三文魚, 香草洋蔥焗雞, 皮蛋豆腐

仲買左2件cake做甜點....

Merry Christmas and Happy New Year 2019~
節日慶祝 | Comments:0 | Trackbacks:0 | 2018/12/24(月)
Christmas Dinner with the Chung's sister
一早約了Ingrid和Eva poon今晚吃christmas dinner, 不過eva poon臨時病左, 出唔得黎, 真係好可惜.... 不過既然約左, 我同ingrid都諗住照出啦~ 因為eva出唔得黎, 所以就換左Ingrid阿妹Carey出黎, 其實我都識佢阿妹架, 佢都有幫我化過妝, 不過我地應該都有成2年冇見過lu~ 哈! 雖然有互fb, 但她一見到我就說我成熟了, 早2年仲好似不唔透咁..... 嗚.... 32歲人了, 老了也熟正常吧 >.< carey今天還帶了她朋友的松鼠狗mui mui出來, 代替了eva poon, haha! 狗狗超乖呢! 唔會亂郁架, 雖然佢好為食成日用飢渴既樣望住我, 真係好攪笑 XD

好可愛既松鼠狗muimui~ 佢超乖呢! 唔會亂郁架, 雖然好為食 XD

隻狗狗mui mui和ingrid妹代替了eva poon, hahaha!


因為未來10日都是要吃西餐, 所以xmas dinner都是想吃日本菜, 哈! 3個人點左好多野~ 好滿足! 野食唔係好貴, 我自己飲下sake小酙下~ 狗狗好為食真係好攪笑~ 我成日諗, 如果我將來沒有小朋友, 待退休養番隻狗都幾好丫 =p
餐廳仲有小禮物送比我地, 真不錯~ Merry Christmas to the Chung's sister! 仲有今年的special guest~ so cute! Ingrid我們明天xmas eve lunch再見啦~ kaka!

牛小排, 蟹鉗沙律, 三文魚子壽司, sake

左口魚裙邊壽司, 壽司併盤, 串燒, 榴槤波波, 燒明太子

燒茄子, 秋葵, 牛舌, 生蠔, 鮟鱇魚肝, 雞軟骨

Merry Christmas to the Chung's sister! 我們明天lunch再見~ kaka!
食店: 鮨丼
地址: 尖沙咀彌敦道180號寶華商業大廈3樓
識飲識食 | Comments:0 | Trackbacks:0 | 2018/12/23(日)
Winter Solstice & Christmas lunch with my Twins
今天冬至, 約了我的twins Shirley一起來個christmas lunch~ 今早已收到我們好友Carman的好消息, baby Eden出世了! yeah! 終於, 身邊好友的BB都終於全部順利來到這世界了, 恭喜恭喜! 好期待明年和baby Eden見面呢 >w<
因為今天carman才生產, 所以christmas lunch只有我和shirley 2人~ 近近地去了Cordis hotel好方便~ 點了2個2 course meal加一個dessert, 食物份量不大不過quality還不錯~ 如果要去MK食lunch都係最佳選擇之一既~ 唔知係咪身邊大部分人都生曬B, 所以大家都來吹我了嗎?! 哈! 之後說起家人的事, 沒想到shirley無啦啦流出眼淚來, 汗! 明白的, 大家也有老人家家人, 我們已到了這個年紀, 承受的可以已經不是上兩輩的離別了, 唉.... 人生苦短, 我都要好好珍惜的時間和規劃好自己的人生!
Anyway, Merry Christmas & Happy New Year my TWINS! see u and my godchildren in 2019 =)

Appetitizer: mushroom consomme + kingfish sashimi
Addidtional $85 for free-flowing house wine! 抵到爛呀!

Mains: Slow roasted turkey breat + confit Snapper

Winter Solstice & Christmas lunch with my Twins

Karen & Shirley~ see u and the kids in 2019!
食店: Alibi – Wine Dine Be Social
地址: 旺角上海街555號香港康得思酒店5樓


lunch完之後去了染髮, 又是年尾又是旅行前, 點都要整整個頭既.....
晚上回家和老公二人做節, 得2個人, 簡簡單單地整了清蒸鮑魚仔和白灼蝦, 再買了乳鴿一隻, 好快就開得飯了~ 飯後甜品是冬至必備的湯丸, 喻意團團圓圓~ 祝大家冬至快樂啊!

自己兩口子在家過冬做節, 簡單地整了清蒸鮑魚仔和白灼蝦, 再買了乳鴿一隻

冬至仲要食湯丸, 這是花生餡的哦~
節日慶祝 | Comments:0 | Trackbacks:0 | 2018/12/22(土)
冬至大過年
終於來到星期五了, 捱埋今日, 我都準備收爐了! 因為下周都沒人在office, 再捱埋星期一都非常輕鬆~ kaka!
明天是冬至, 我們家提早一天過冬, 俗語話: 冬至大過年~ 其實我們家以往一向都冇過冬做節的習慣, 不過近年不知為什麼有攪呢, 可能是我嫁出去之後, 就多個借口回家吃飯? 哈!
話曬都係大節, 媽媽親自下廚煮了不少海鮮, 都係d做節會食既野啦~ 冬菇蠔豉、石斑、元貝、炒蟶子、鮑魚海參扒豆苗同埋老火湯..... 預祝大家冬至快樂! 一家人最緊要身體健康, 齊齊整整.... 我們應該也是明年2019年再見了哦~ 哈哈!

冬菇髮菜蠔豉, 蒸石斑, 蒸元貝, 豉汁炒蟶子, 鮑魚海參扒豆苗, 蘿蔔粟米煲豬展

媽媽下廚, 好好餸, 都係我最愛的海鮮~ yummy!

冬至大過年! 一家人最緊要身體健康, 齊齊整整....
節日慶祝 | Comments:0 | Trackbacks:0 | 2018/12/21(金)
Christmas Dinner with Rosians
今日又要上深圳, 帶global ceo出巡, 一早8am就來到four season hotel等佢, 真係好早! 好彩老闆出巡有直通車, 成件事方便好多....
今日又去左3個商場, 開左個會.... 好彩ceo好想早d回程, 我們5pm由SZ閃人, 6:15pm已經回到ifc了! 呼.... 不過他好快又來了! 1月又要去china visit, 真係好煩呀

晚上約了Rosians們吃christmas dinner, 本來在openrice book了間在金巴利道的餐廳, 點知去到時竟然話冇record而且今晚full左, 真係好無奈..... 唯有臨時轉場啦, 近近地去左諾士佛臺求其搵間餐廳, 有位就即刻入啦, 都冇咁諗多! 最後入左El Cid吃西班牙菜, 這餐廳我也吃過好幾次了, 而且我們6人在2013年時也曾經來這食生日飯呢, 哈! 會記得那麼清楚當然是因為我blog有record啦~ 哈哈哈!
好久沒吃過西班牙菜了, seafood paella是必點的啦~ 還有mussels和sea bass也好吃! 我們今天實在餓壞了, 成班人狼吞虎嚥的, 好似餓鬼投胎咁 XD

蒜蓉炒什菇, 鴨肝長通粉, mussels in white wine sauce

pork chop, sea bass, seafood paella, bbq ribs

Merry Christmas! 飲杯!

今次唔係生日飯, 終於可以係餐廳點下dessert, haha!


話明係Christmas dinner, 當然要買少少小禮物比我d Rosians啦~ 都係朱古力咁啦~ 估唔到今年ida都有買d小禮物比我地呀, 好urprise呢, kakaka!! 平時食飯都係生日飯, 今次終於可以點下餐廳既dessert, 哈!
Merry Christmas my Rosians! Happy New Year and see you all in 2019!

我和ida買給大家的christmas gift~

Betty, Ida, Karen, Janet, Tammy, Sally

Merry Christmas my Rosians!! see u all in 2019!
食店: EL CID
地址: 尖沙咀天文台道諾士佛臺14號地下
識飲識食 | Comments:0 | Trackbacks:0 | 2018/12/21(金)
Biz Trip to Shenzhen
今天我們深圳有新店開, 剛好深圳那麼近、剛好全球CEO過2日又要去site visit, 那我今天就先上去看看啦~ 7:45am就出門了, 9:45am左右來到新商場....
今天我們公司三個店舖同步開業, 可喜可賀 =p 在場見到不少認識的人, 有業主有租戶, 不斷在和人家聊天, 挺開心的 =P

這是大灣區深圳灣的signature大廈~ 像春笋

我們3店同步開業~ 恭喜恭喜!!

環境蠻不錯的書店~ 將來一定是打卡熱點 =p


今天在場還遇到個以前在長沙認識的餐飲客戶, 都是HK人, 是開燕窩店的~ 他好客去請我去他的店吃燕窩, 很多燕窩食品, 燕窩蛋撻、燕窩椰皇燉奶、仲有燕窩黑米和鮑魚等..... 吃了很多燕窩, 感覺真的很滋補呢! 好像吃了很多膠原似的, 哈!

吃了不少燕窩~ 那個燕窩椰皇燉奶超正呀!
食店: 金燕庄燕窩專門店
地址: 深圳市南山區登良路深圳灣萬象城L3


在這個新商場待至3點多, 比原定時間遲了很多! 幸好自己一個人出差很free所以同認識的朋友多吹水很輕鬆~ 之後去了2個商場走走, 2個都是第一次來的~ 我也不是很熟悉深圳....
第2個mall真係幾正, 好多年青人的玩意..... 仲有chanel beauty的pop up呢, 我都好想入去走走!

Chanel beauty pop-up store, 我都想入去走走.....

前陣子看介紹, 見到介紹一些網紅店, 剛好其中一家就在這商場, 反正我們這兒也有店, 那我也順道去打個卡啦~ 這兒其實是個咖啡廳 + 花店~ 周圍都是花, 非常少女風, 全場的全是在打卡的少女在喝下午茶..... 我自己獨自坐下來, 點了杯Cocktail和件cheesecake, 擺盤非常漂亮! 都是用鮮花來作裝飾的, 拍照特別好看~ 我自己一個人也非常enjoy =p 不過這兒很overprice, 我埋單已經要RMB200了! 幸好有得claim公司 =p
本來我打算今天3點多4點就由深圳回HK的了, 點知第一站逗留得太長時間, 最後6點幾先從這商場離開, 回到家已經8點多了, 好累! 過2天又要上來了! 唉....

深圳的網紅咖啡店! 打卡的好地方!

我點了一杯cocktail一件cheesecake! 不便宜! 不過好美啊! 都是花!

一個人也要好好來打卡! 花、甜點和雞尾酒的組合, 太少女風了 =p
食店: La Moda
地址: 深圳市南山區沙河西路萬象天地NL167
海外工幹 | Comments:0 | Trackbacks:0 | 2018/12/18(火)