FC2ブログ
Daisypath Anniversary tickers
A Fine Dining Friday
昨晚從醫院回到家, 沒什麼mood, 早早就睡了..... 成晚訓得唔太好, 醒左一兩次.....
今早也早醒, 雖然理性明白切, 但原來內心還是隠隠作痛, 一個人靜下來的時間更是想太多了, 沒法停止的思念!

晚上一早約了sally食飯, book了較晚的時間, 所以本來想去先HH然後一起去TST, 因為我們都在中環上班.... 誰知快下班的時候, Kevin問我收幾點來不來個quick drink, 本來我第一下說有約, 不過很快就想到他是故意約我的, 所以我還是應約了.... 雖然他一開始沒說什麼, 但我也知道你的用心! 畢竟我們平時是多麼容易get到對方.... 我們只是HH了一個多小時, 一開始還是chit chat, 之後才直接說我get到佢故意約我.... 沒什麼說煽情的話, 大家也明白生老病死這個道理, 只是我們已到需常面對這些事的年紀了..... 這個happy hour物輕情義重! 謝謝您多年來多次的雪中送炭! 真心感動! many thanks dear! u read me! 人生有一知己, 死而無憾....

這個happy hour物輕情義重! thanks dear! u read me!

HH直奔inter-con, 約了sally去Rech by Alain Ducasse dinner, 之前見有promotion, 這兒的3-course meal + 1 glass of complementary wine的價錢幾抵, 所以就上網book左, 本來是book了早2日的, 不過最後因為種種原因改了今晚.... 我們更是一個月前已約了明天去澳門去摘星, 即是無啦啦我將會見到sally 3天呢, haha!
3個course的菜式雖然不算很特別也沒什麼surprise, 不過食物, 烹調技巧和擺盤setting都是中上, 以這個價錢, 絕對是合格有餘, 也比很多外面一般的餐廳化算多了! 而且service很好, 環境很好又有無敵維港景.... 所以總括而言都是個很好的experience, 值得一試!

inter-contienental hotel的Rech by Alain Ducasse~ 第一次來~

先來個complimentary的開胃菜, 是cod with mashed potato.....

1st course - 我選了上面的fine de claire生蠔, sally的是下面的"club" crab and mango~ sally的比較特別吧, fine de claire一向都不是我的生蠔first choice =p

2nd course - 我選了上面的wild cod aioli, 鱈魚很厚身但很滑, 好吃! sally選的是下面的cookpot of small spelt, squid & sesame seeds

3rd course - 我選了上面的hazelnut ice cream & hot chocolate sauce, sally的是下面的pear contemporary vacherin~ 很refreshing...

這個價錢, 在酒店餐廳吃到3個course再加一杯wine, 好抵呀!

karen & sally, 我們明天又再見了, haha!
食店: Rech by Alain Ducasse
地址: 尖沙咀梳士巴利道18號香港洲際酒店酒店大堂


這2天也收到不少朋友的pm, 你們的關心我都收到了, 很溫暖! 我識諗的了~ thank you all!
識飲識食 | Comments:0 | Trackbacks:0 | 2018/11/30(金)
R.I.P. Grandma
昨晚家人dinner時, 還說起娘家裝修後留間房給嫲嫲、提起嫲嫲舊曆年底生日.....
誰知今天快下班的時候, 收到爸爸的電話說嫲嫲失去知覺入左急症, 情況不樂觀
過去幾年嫲嫲也進過醫院不少次, 但每次都是老人病沒什麼大礙
今次在電話中已聽得出端倪, 因為失去知覺真是第一次....
收工趕去醫院, 嫲嫲仍是沒有意識, 心跳也很低, 只靠著呼吸機撐著
親戚們都在, 大家都哭了, 知道這是最後的時光
大家都跟嫲嫲作告別叫她放心, 我也很多久沒捉著過嫲嫲的手了....
沒多久, 嫲嫲就安祥地離開了我們......
中午時, 姑姐華叔他們還在跟嫲嫲飲茶, 沒想到回家之後就突然倒下了
不過嫲嫲也90多歲了
這樣離去, 沒有痛苦, 冇病冇痛, 而且子孫滿堂.... 這算是幾生修來的福氣吧....
雖然大家都很突然很傷心, 我也是哭得淚水不斷....
但大家都是理性的
還笑說叫嫲嫲上了天堂, 可以跟爺爺拍拖飲茶, 加上祥叔和大姑丈, 可以組一枱麻雀了...
我們都長大了, 就算最小的表妹也畢業了.... 您可以放心了!
多謝嫲嫲小時候湊大了我, 您會永遠在我的心裡
願您在無憂無慮無痛苦的天國活得快樂, 我們遲些再見!

Don't be worried about us.
Please be reunited with grandpa & uncles and rested well in heaven....
Treasured in my heart you'll stay, until we meet again some day...
I love you forever....
生活點滴 | Comments:5 | Trackbacks:0 | 2018/11/29(木)
Parents’ 36th Wedding Anniversary
這2天阿姐不在公司, 所以可以hea過同埋早d收工.....
今天是父母結婚36週年, 我回了娘家吃飯~ 也是娘家裝修後我第一次回去吃飯, 哈~ 第一次坐果張圓枱~ 屋企張飯枱由方枱轉左圓枱, 雖然細左少少, 不過係方便食飯既~ 哈!
今晚由媽媽下廚, 都係果d野食啦, 豉汁蒸鱔, 薑蔥炒蟹, 鮑魚豆苗, 花膠雞湯, 薑蔥蠔煲...... 好耐冇食過住家菜, 久違了! 老公無啦啦晚上要開會黎唔到, 真係可惜 =p
Congratulations to parents' 36th wedding anniversary~ thank you for giving us a home sweet home*

豉汁蒸鱔, 薑蔥炒蟹, 鮑魚豆苗, 花膠雞湯, 薑蔥蠔煲

屋企張飯枱由方枱轉左圓枱, 雖然細左少少, 不過係方便食飯既~

Congratulations to parents' 36th wedding anniversary =)
娘家美食 | Comments:0 | Trackbacks:0 | 2018/11/28(水)
An event in CWB
今日收工後, 和同事去了個業主+品牌攪既event~ 我們都是被業主invite的~ 臨近年尾, 真係好多event, 尤其是業主的~ 其實公司都唔係compulsory要我去, 雖然係放工時間, 但係去呢d event可以識多d同行, 又去social下, 呢個platform都唔錯既~ 個event仲有shoe shinning service, hand massage幾得意~ 而free throw of champagne和canapes當然就唔洗講啦 =p
今次個event有唔少同行, 仲有唔同既業主, 真係攪得幾好, 都見到好多人~ 我仲遇到舊同事呢, 都估到佢會黎架嘛, 哈! 早知道我就早舊同事K一起來啦, 他說有被invite不過沒來.... 哼哼! (這個品牌是我們以前一起跟進的租戶lol)

HK真係有好多event, 可以識到很多業界人士, 仲可以撞到唔少識既人 =p

仲有shoe shinning service和hand massage service~ 幾得意丫~
生活點滴 | Comments:0 | Trackbacks:0 | 2018/11/26(月)
與舊同事的養生聚會~
舊同事A新開左間美容養生店, 我地幾個舊同事約埋一齊上去包場踩場~ 幾年前我都曾有到她打工的店蒸身的呢, 因此都對呢D野有少少認識呢~ 哈!
新店比之前的店更大, 又有美容又有養生蒸身又有按摩.... 真不錯呢~ 一場上到來, 我們都有幫襯下, 我就試左暖宮同埋人手瘦肚, 暖宮時就像是坐在個馬桶上, 好攪笑~ 我都係貪得意試下啦 =P 之後就做半個鐘既人手瘦肚, 像是穴位按摩咁, 都有d痛, 不過感覺幾爽既, 按完個肚真係淋左, 因為排左氣同埋郁下d腸通宿便wor~ 唔知keep住做係咪真係會瘦呢 XD
因為是新張期間, 我買果2個treatment都買一送一, 所以真係好抵呢, 玩得過~ 大家都幫襯下啦 =p

舊同事新開既美容養生店

蒸身暖宮蒸腳淋巴按摩排毒瘦身facial乜都有


做完treatment, 大家去左附近打邊爐~ 滿枱食物, 剛好滿足了我今日好想打邊爐既欲望, 真滿足~ haha! 呢間"老三"我幾年前都黎過既, 鴨湯打邊爐, 不過鍋底就一般啦....
6個人點左勁多野食, 特別少少既有馬貝、牛胸爽同埋魚卜~ 難得大家做完排毒蒸完身之後就立即打邊爐吸番d油同脂, 汗! 這次gathering唔算太多人, 希望12月果轉會有更多人出席啦~ (如果真係有的話lol)

墨魚滑, 鴨湯湯底, 魚卜, 馬貝, 肥牛, 豬潤, 廣島蠔, 脆肉鯇

牛胸爽, 烤魚皮, 竹生, 鵝腸, 白鱔, 牛舌, 響鈴, 牛柏葉

滿枱食物~ 滿足到我今日好想打邊爐既欲望, haha!

成班人蒸完按完排完毒, 立即打番個邊爐吸脂, 哈哈哈!!
食店: 老三火鍋
地址: 旺角旺角道33號3/F樓全層
識飲識食 | Comments:0 | Trackbacks:0 | 2018/11/25(日)
Aberdeen Buddies' Gathering
晚上約了Aberdeen之友gathering~ 攪攪下最後又揀左黎我屋企, 剛好方便嘛 =p
今晚有我, ben, ken, jacky, 還有好久沒見過的Ariel (和她老公Heyman), 差不多有一年了吧!!! 還有第一次見面的baby Moses~ 已經差不多一歲的孩子了, 我們才第一次見面~ 沒辦法啦, ariel生了之後太忙了, 都沒再出席過活動... 現在BB大了點, 出席率會高番D嗎? kaka!
baby Moses的眼睛很大呢! 很精靈很可愛的~

Hello~ nice to meet you baby Moses~

dinner time, 一如以往, 我都係煮d野食, 再買d外賣咁啦.... 又係果d野, 沒什麼新野~ 第一次整皮蛋豆腐, 真係幾好食wor~ kaka! 今次整既蒜蓉焗大蝦唔錯, garlic味很濃, 下次都要落多d呢 =p
我們吃得痛快, 不過做人父母的, 便要輪流餵小朋友又要湊小朋友, 真的辛苦了.... 做人父母真是甚艱難呢!

皮蛋豆腐, 清酒煮大蜆, 芝士焗啡菇, 壽司

手撕雞, 滷水併盤, 蒜蓉焗大蝦, 香印提子

今次不少食物都是外賣的~ haha~

Karen, Ariel, Heyman, Jacky, Ken, Ben~


飯後仲有ariel提供的香印提子, 還有ariel的生日蛋糕~ Happy Birthday to Ariel~ all the best~ 也預祝Moses一歲生日快樂哦~ 10年前我們在aberdeen exchange時, 又點會估到最細路女最膽小的ariel是第一個做人媽媽的呢, 媽媽真是偉大 =p
甜點完, ariel一家先走, 我們幾個坐多陣吹水..... jacky被ken喻為筍盤 + 越老越有味道, haha! 好好笑~ good luck to you =p

Happy Birthday to Ariel~ 也預祝Moses一歲生日快樂哦~
新居派對 | Comments:0 | Trackbacks:0 | 2018/11/24(土)
廈門biz trip - Day 2
一早7點多起身就要去某個商場的opening, 我們2間店舖亦原定於今天和商場同步開業, 而這亦是我這次來廈門的原因! 整個opening ceremony既rundown跟我上份工時做的那project基本上是一樣的, 同一個MC、中英文講辭、小女生獻唱、領導致辭、舞獅、剪綵、飛金紙片....... 很似曾相識的感覺, 我D回憶亦番曬黎......
不過我真係冇用心看那opening, 因為我臨時收到通知, 因某些原來, 公司決定我們兩店今天不會營業! 真係OMG.... 商場10am開門, 那收到消息時大概9:15am...... 剛收到公司消息的時候, 業主基本上也在10分鐘之後找我了..... 成件事我真係好無奈.... 也太突然了吧, 我也覺得很sorry.... 我真的有點擔心自己人生安全, 我不應該來的.....
幸好最後在商場開幕時領導巡場時, 我們也有配合一下總算過到骨, 商場亦沒有怎麼發難, 我總算是撐過去了.... 唉..... 成個上午就在心驚膽戰當中, 唉................ 我都唔知講野好, 成件事會唔會太伏....

某商場開幕, 感覺似曾相識!

在商場留到12點左右, 我是晚上的飛機, 下午把握時間, 去了4個site visit也見了4個客人開了4個會, 真係好趕呀! 而且好累呢! 我口都乾了! 好彩有車安排咋~
lunch和其中一個客人食, 去了吃台灣菜! 呢d香港真係食唔到哦, 真是難得呢! 菜都是我點了, 有烏魚子, 麻油雙腰, 紅蟳米糕............ 全是台灣有名的菜式! 還很補呢~ 平時睇台灣節目介紹得多, 今日終於有機會吃到了! 全部都是我喜歡的食物呢 =p

烏魚子, 麻油雙腰, 紅蟳米糕, 炒油麥菜
食店: 欣葉
地址: 廈門市嘉和禾路199號磐基中心5層


一直開會至6點多, 天都黑了! 原定8:35pm的飛機回HK, 不過delay是常識吧, 我都一早預左, 因為這航班的track record也是差! 哼哼!
在機場隨意吃了碗廈門名物 - 沙茶麵~ 不過機場既食店, 當然唔會點好食啦 >.< 最後架機差不多10點先飛, 番到屋企都已經12點了, 好累! 如何回程有upgrade就好啦....
這次應該是我2018年最後一次要飛既biz trip, 12月的trip應該只需坐車即可..... 不過我已經知道我1月的trip要飛哪兒呢 >.<

又delay, 差不多11pm先land.... 番到屋企已經12am了!! 累!
海外工幹 | Comments:0 | Trackbacks:0 | 2018/11/23(金)
廈門biz trip - Day 1
今天evening獨自飛廈門出差, 就1天1夜的, 很輕鬆.... 不過今早還要上班, lunch過後在公司hea左陣, 3點多就出發去機場了....
這班機的track record不太好, 我都預左delay的了.... 也沒關係, 難得坐KA, 我就自行入lounge飲番杯champagne啦.... 而去到機場時我也被通知upgrade了去business class, 心情大好! 幾年前我也去過廈門旅遊, 那次也有幸被upgrade呢 =p
好耐冇入過lounge, 好耐冇upgrade過, 好耐冇夜晚飛過.... 這些都是以前飛長沙時常遇到的體驗啊! 最後班機delay左1小時左右, 還好吧....
飛廈門的機程只有一小時, hea下hea下好快到~ 坐business真係有d浪費, 如果長途機有得upgrade就真的太lucky了!

幸運地被upgrade了去business class! 久違了呢!

8pm左右落機, 有人有車接送, 都好方便既.... 廈門地方不大, 好快就來到酒店了.... 這次住凡也算是5星級酒店, 間房好大呢!

這次下塌的酒店~

安頓好後就立即出外覓食. 雖然沒有很餓, 但因為這次只來1天1夜, 明天的行程超full的, 我就只有今天可以有時間自由活動呢! 不管了, 求其去了酒店附近搵野食....
廈門近台灣, 所以很多台灣菜, 我也當然想吃台灣菜啦, 不過附近實在找不到.... 看dianping只找到家吃海鮮的, 就隨便進去了.... 這家店有不少魚缸, 點了海鮮才下order, 就是是個偽。上引水產吧 =p 一個人沒有很餓, 就求其點左d啦~ 刺身有三文魚、海膽、赤貝, 蒸的有鮑魚、貴妃蚌、扇貝...... 不會太飽, 剛好! 獨自在廈門享受著一個人的浪漫 =p
明天要一早起床, 比平時上班更早..... 今晚還是早點睡吧....

一個人的浪漫....... 偽。上引水產

三文魚、海膽、赤貝刺身, 蒸鮑魚、貴妃蚌、扇貝
食店: 蓮花水產
地址: 廈門市濱北店建業路
海外工幹 | Comments:0 | Trackbacks:0 | 2018/11/22(木)
Staff Samples Sale
公司這2日攪staff sale, 是個private event, 只open for staff... 不過每個dept只有在指定的timeslot才可以進去, 而且每人都只有一個小時的時間可以搶購呢! 真係好harsh~
今次前日是samples sale, d野真係好抵! coat $600; jacket $300; dress $200; top $150, bag $300; skirt/pants $150; shoes $200, 我就買了2件coat, 一些dress, 袋和top....
今日的就是defective items sale, 很多所謂defect的商品只是掉了價錢更便宜, coat $300; dress $100; skirt $75... 比昨天更便宜! 我買了好幾條裙子呢!! 真係平到癲呀, 而且都是1年內的新貨, 好令好抵!
這2天買了近20個items, 所有東西都好便宜! 公司d dress平時成3千幾蚊; 褸成5千幾蚪蚊架, 而家平咁多真係太吸引了! 這2天買了差不多20個items, 用了不是很多錢, 這才是最開心的!!!! 就這樣, 我已prepare好一半年尾去旅行的衣服了, 呵呵呵! 非常滿足!!!
購物禮物 | Comments:0 | Trackbacks:0 | 2018/11/21(水)
Tammy's Birthday Dinner~
本來約左Rosians星期五, 不過因為我要出差所以改了今天~ 今晚去了吃中菜, 又去了我公司附近的餐廳, 走過去只需5分鐘, 呵呵! 餐廳裝潢不錯, 好多點心蒸籠幾得意~ 食物方面唔係好大碟, 所以可以點很多東西, 都是偏辣為主~ 好彩我而家都算幾食得辣~ 羊腩煲是點亮, 估唔到呢度有得食 + 好食!
因為我近, 又早收工, 所以我就負上買蛋糕的責任, 我還是office hour去買的呢 =p 蛋糕樣子不錯, 是綠色的玫瑰, arm曬我地rosians啦~ 味道是綠茶紅豆, 不錯呢! Happy birthday to Tammy & Janet~ all the best!
今晚說了很多中學時的趣事, 好多都跟betty有關! haha! 不過中學既事真係年代久遠, 十幾年前既事, 我真係好多野印象都好模糊了! 我們真的老了, 好像得了老人痴呆似的, 連自己中學讀咩班都唔係好記得了, 汗!
PS* 帶左張short既SD卡出黎, 今日用相機影既相完全冇曬, 非常無奈!!!

裝潢不錯的中菜館~

蒜泥白肉, 厚切叉燒皇, 蜂蜜柚子蝦球, 麻辣黑雞腳, 大良鮮奶脆網卷, 口水雞

小籠包, 私房金黃球泡飯, 豆乳一品鮮鍋, 辣子炒軟殼蟹, 羊腩煲, 銀魚娃娃菜

Happy Birthday to Tammy & Janet~

betty, ida, tammy, janet, sally & karen~
食店: 名館
地址: 中環擺花街1-7號1號廣場1樓
識飲識食 | Comments:0 | Trackbacks:0 | 2018/11/21(水)