FC2ブログ
Daisypath Anniversary tickers
Nail for Japan

明天出發去旅行, 當然要提前整定指甲啦~ 因為太遲full, 平時去開果間full左lu, 求其去左間MK的.... D手工就真係麻麻地, 都係我平時做開果間好好多, 不過一分錢一分貨啦~ 一次半次, 算了.... 我也沒什麼特別的要求! 彩色選了綠、橙、白、金, 感覺有點似曾相識, 我之前做過差不多的呢 =P
無錯, 我明天又去日本了, 是繼沖繩、關西白濱和歌山、富士山伊豆之後今年的第4次, 嘩哈哈! 這次會主打去長野縣、上高地和立山黑部..... 同行的是小透, 我們已經5年沒一起再過日本了 =P 這次會去9日, 是曆年去日本最長的! 希望在日本會有好天氣又能見到紅葉啦!
時裝美容 | Comments:0 | Trackbacks:0 | 2018/10/26(金)
有朋自上海來
舊上海同事V又來HK了, 這次我們約了中午飲茶, 同行還有2位舊同事 =P 我們都是不同年代負責不同區域, 但卻是同部門的同事, haha! 我已離開了舊公司5年, 不過我跟舊同事V一向也有很緊密聯繫, 很多八卦我都知道的, HAHA! 我真係好update, 太多收風的途徑了 lol
是日說著舊公司最後的日子變化, 上海方面的update..... 舊公司賣盤後, 大家各散東西, 舊同事V也沒有跟住去, 轉了公司... 之前我也知道, 而且我是支持的! 如今我們4人都是來自不同的公司仔有人待業中, 真的是4個都是大家的舊同事了呢 =p
相信舊同事V不久後也會再來HK, 而且如今又是同行了, 繼續keep in touch, 大家收風收風 XD

那個雀籠幾得意, 雖然入面的是類似鳳梨酥的物體 lol

可愛的卡通點心, 其實是奶黃包~

我們都是不同年代負責不同區域, 但卻是同部門的同事, haha!

再來自拍一張吧~
食店: 飲茶
地址: 尖沙咀加連威老道20-22號瑞生尖沙咀酒店3樓


Lunch到3點左右, 本來想自己shopping作旅行的最後打點..... 不過小透問我今晚食唔食飯, 咁我就冇所謂地答應了啦, 也順便一起準備了一下旅行的東西..... 我先去了修眉, 之後一起去買絲襪, 周圍行下但沒什麼收穫.... 沒什麼地方去就去了我家吹下水準備下食物....
老公今晚去飲唔得閒, 家中的食物剛好夠我們2人, 只是買了pasta而已.... 今晚晚餐, 蒜香什菌長通粉、香草三文魚扒、菠菜...... 食完小透仲幫我洗碗, hahaha! 離出發還有一星期! 多工作5天, 加油呀!

最後同小透簡單快手地煮左呢d野食.....
識飲識食 | Comments:0 | Trackbacks:0 | 2018/10/21(日)
Hello Baby BearbearHung
早我大半年結婚的Shirley, 第2胎都已經出世個半月了, 兩年抱兩真的很厲害! 仲要一仔一女, 真的太幸福了~ 待Shirley坐完月, 我和Carman今天下午就上了她家探她和初生B Kaleb Bearbearhung~ 哈!
來到shirley家時她父母也在呢, 不過也沒什麼, 我也常常會見到~ 個半的bb好細粒, 主要都係食同訓, 我都有趁BB未訓之前抱下佢架~ kaka!咁小的BB真得意 =P
我給Bearbearhun的見面禮, 跟他的姐姐Karina一樣, 也是Ralph Lauren的被仔和帽仔~ 剛好見到了有熊仔的pattern, arm曬bearbeahung啦, hahaha..... 而Karina那份我是在1年9個月前, Shirley的baby shower上送給她的, 那時候她還在媽媽肚子裡呢, 如今轉眼已經了那麼大個人仔了!

姐姐很愛弟弟, 很溫馨很sweet!

Hello Baby BearbearHung

auntie karen終於抱到你喇!

給bb的見面禮....

不足2年, shirley已經2年抱2了! 很幸福!


之後小B訓左, 我就同Karina玩啦, 不怕生的小朋友真係最受人歡迎~ kaka! 佢肯同我玩唔洗淨係痴住mommy真係好令人感動, haha! 雖然我知道karina唔認得我, 不過身邊那麼多朋友生了B, Karina應該都算係我見得最密的BB了, haha! 沒辦法, 我們之前住得太近了, 而且好友的小孩, 我愛屋及烏也是正常的呢~ 畢竟我也不是對所有人都會表露無遺的 =P
Carman晚上有約先走, 下次見她她的B都已經出世了吧! 祝一切順利! 最後我仲同埋人地阿媽老公食埋飯飲埋湯先走~ hahaha!
因為人地媽媽在, 我的足金沒有於今天送出~ 下次再擇日啦~ kaka!!

hello Karina! 幾個月冇見 =p

我地玩得好開心 XD
生活點滴 | Comments:0 | Trackbacks:0 | 2018/10/20(土)
上海, 武漢, 鄭州Biz Trip - Day 3
今朝9點幾先出發, 琴晚終於有覺好訓了, 感動 >w< 我為左訓晏少少連早餐都冇食呢~ 今天精神都算飽滿, 今天只有大半天需要工作, 都係site visit下, 見下客咁啦, 都去開左3個meeting架....
lunch同客食, 難得來鄭州一次竟然食日菜, 幾攪笑! 幸好食物都算唔錯....上份工, 我地成日講起鄭州, 真係好有典故架, kakaka!!

竟然係鄭州食日菜, 幾攪笑

幸好食物都算唔錯....
食店: 瑕丸户儂日式料理
地址: 鄭州花園路與東風路交叉口向西200米路南


lunch完都係時候要出發去機場了..... 4點多的飛機, 真係個好時間, 呵呵! 鄭州機場比長沙大好多, 個lounge都多好多野食野飲呢! 好耐冇坐過KA喇! 真難得! 鄭州飛回HK, 4:30pm的機, 沒有delay, 回到HK 7pm, 不錯吧!

鄭州機場比長沙大好多, 個lounge都多好多野食野飲呢!

好耐冇坐過KA喇! 真難得! 鄭州飛回HK, 4:30pm的機, 回到HK 7pm, 不錯!
海外工幹 | Comments:0 | Trackbacks:0 | 2018/10/18(木)
上海, 武漢, 鄭州Biz Trip - Day 2
今天是重陽節, 香港放假呀.... 我就自己傻仔選擇琴日出差上海, 汗! 不過算啦, 為左多番日補假當調假, 遲d易d arrange自己的travel plan都好既....
但係今日真係好癲, 我要4:45am起身, 天未光5:30am就出門口去虹橋機場了! 我琴晚12點幾先訓, 我今日訓得4個鐘咋, 真係好癲! 今早7:20am的飛機上海飛武漢, cls! 誰叫我們的大陸partner想一日KO曬整個武漢市site visit呢.....

一早7:20am的飛機上海飛武漢, CLS!

anyway, 9am不到我就已經land武漢了.... 這是我第2次來武漢, 它是湖北省省會, 上份工成日都會提到, 因為它和長沙都是華中的重要城市! 還記得第一次來時, 是4年前舊同事T帶我來的呢! 真懷念一起出差的日子! 這次我自己和國內的partner一起飛, 冇老細係度係幾好既....
今次去visit左好幾個場開左4個會, 坐左好耐車! 今朝咁早起身我真係好累呀 >.< 今次見的其中一個客人, 是我第一份工, 多年前在南寧認識的, 她還在那公司但調到武漢了, 人家如今職位也高了, 我真係要檢討一下自己的仕途呢!
lunch和客人食, 在個古建築內, 吃的竟然不是武漢菜而是粵菜, 真可惜! 我記得當年來武漢時吃的魚很好吃的呢!

在武漢天地吃粵菜....

今朝實在太早起身, 我都冇乜胃口...
食店: 洋房湯館
地址: 武漢盧溝橋路66號武漢天地7號樓


開了4個會, 之後黃昏6:30pm還要趕去高鐵站再趕去鄭州! 見完客司機臨時找不到人, 害我們找了近20分鐘, 之後要跑去高鐵站, 幸好個站沒什麼人呢! 今天, 我一天內由上海飛武漢、再由武漢到鄭州, 一日三城呢! 太厲害了吧! 真的很累, 在車上也有補眠呢!
武漢去鄭州不用2小時, 我們8:30pm左右下車, 有人安排車來接我們到酒店, 回到酒店已晚上9點了呢! 今晚住Hilton, 也不錯!

黃昏趕搭高鐵, 由武漢去鄭州!

在鄭州住Hilton.....


雖然我真係好累, 但難得來一次我第一次來的河南省省會-鄭州, 我就算拖著多累的身軀也想外出搵下野食呢! 不少店都已關門了, 我其實想吃鄭州菜, 又或是有名的燴麵, 不過店都關了呢!
最後揀左食酸菜魚, 我加左薯粉和金菇~ 酸菜魚好大盆, d魚好滑, 好多好大塊~ 個湯又夠酸又夠麻, 好食! 好滿足! 係大陸食河魚真的好吃呢!
快快吃過dinner後我也立即回酒店了, 這個重陽節, 我真的累壞了!!!

my dinner alone.... 酸菜魚好大盆, d魚好滑, 個湯又夠酸又夠麻, 好食!
食店: 芥弍老坛子酸菜魚
地址: 鄭州金水路曼哈頓廣場F區1層F106-2號
海外工幹 | Comments:0 | Trackbacks:0 | 2018/10/17(水)
上海, 武漢, 鄭州Biz Trip - Day 1
又是一個月出差一次的日子了~ 今次先飛上海, 我已經一年多沒來過了呢.... 上海不是我負責的範圍, 所以平時應該少d機會來.... 這次是因為公司有event, 阿姐去唔到, 我先要幫忙接待一下才去的....
因為我也想把握多一點時間, 所以就搭了8點多的飛機, 10am左右到浦東, 11點多就來到浦西的酒店了~ 今次住portman ritz carlton, 雖然舊少少, 但話曬都係5星級酒店, 真不錯呢~

成年幾冇去過上海了......

今次住portman ritz carlton~ 真不錯~


在酒店settle down好, 就立即的士去匯合我個同事S食lunch~ 她比我早1天到呢.... 現在是大閘蟹的季節, 這次我自薦出差都係有私心想黎食大閘蟹架~ 哈! 我們去了好出名的成隆行蟹王府~ 我都係第一次來上海食大閘蟹咋.... 呢度都唔平架, 不過難得黎一次就食好d啦, 每人一隻5兩的大蟹, 又成RMB 288架! 不過真係好大隻, 而且爆羔呢! 好正呀! 我都好少食咁大隻大閘蟹呢.... 另外仲有專人即場幫忙拆蟹肉, 仲拆得好鬼令~ 真係食得好輕鬆, 好架勢呢! 另外仲點左蟹黃豆腐同埋蟹黃粉皮, 真係好好食! 不過好罪惡呢 lol 埋單每人RMB 500左右, claim唔足公司啦, 但當有少少sponsor都唔錯~ 好滿足! 如果可以食多隻就好 XD

上海食大閘蟹好出名的成隆行蟹王府

我揀左5兩大蟹, 好大隻呀! D蟹肉拆曬出黎~

超多羔, 好甘香, 好正呀!

仲有專人拆蟹, 真係從來冇食得咁自在過~

我地仲點左蟹黃豆腐同埋蟹黃粉皮, 好罪惡....
食店: 成隆行蟹王府
地址: 上海汾陽路1號淮海國際廣場裙樓3樓


lunch完同事去見客, 我本來想行下商場, 但公司有事要處理, 最後我都係提早回到酒店房, 打了好多電話呢.... 之後再出發往今晚event的會場, 是新開的Edition酒店樓上的roof top bar~ 個set up很不錯呢, 都幾多影相打卡位~ 這次是為了新的capsule collection launch而舉行的活動~ 這次是跟一隻卡通蛙做crossover, 雖然我不是特別喜歡也不怎麼那卡通, 但聽說市場上的反應都不錯~ 而且我們邀請了金馬影后馬思純做代言人, 今天她也有來, 不過我都唔係好見到佢, 哈! 當然, 在場還有很多KOL和很多media啦.....
一個月沒見的上海伙伴說我瘦了, 很感動呢 >w< 其實一如以往, 我地今日主要都係陪下d客吹水, 我們負責的guests不多, 很快就自由活動了~ 公司的event, 每次都有free flow的美酒, 係幾爽既, haha! 我都飲了不少杯champagne呢! (係真的Perrier Jouet champagne呀!)

這次來上海的目的~ 就係為左呢個event喇~

event在酒店的roof top bar舉行

這次是為了新的capsule collection launch而舉行的活動

free flow of alcohol! 正到呢! 外國公司就是有這樣好處!

這次venue不錯~ decor也幾特別漂亮~ 我都影下相~ haha!


因為我明天還要勁早機飛武漢, 所以我本來打算早d閃人, 點知臨出發前收到通知, CEO完左event 9pm才invite d staff dinner, 好無奈, 唔出席都唔得啦.... late dinner 9點幾先開始 (樓上party仲未完), 就在edition hotel內的西餐廳.... 仲有成4個course呢~ 不過d野係幾好食既, 我特別喜歡那個hamachi! 最後我同同事S 11pm左右就先閃了....
回到酒店已經接12pm了, 我明天7:20pm的飛機.... 我4:30am就要起身了呀! 救命.....

Shanghai Edition Hotel~ 我好喜歡這類boutique hotel呢~

食物很不錯呢, 都有驚喜架...... 個hamachi好好食呢!
食店: Shanghai Tavern
地址: 上海南京東路199號上海Edition Hotel 1樓
海外工幹 | Comments:0 | Trackbacks:0 | 2018/10/16(火)
Happy Birthday to KETU*
今朝天光先訓, 今天很累呢! 一直在床上攤至下午, 好彩hangover不算嚴重, 畢竟昨晚也不算飲得多.....
晚上約了吃KETU的生日飯~ 地點在油麻地的Bontique酒店M1酒店內, 離我家很近.... 我15分鐘就能到了~ 餐廳不是很大, 像cafe似的格局, 不過樓底高, 感覺也不錯!
食物方面, main dish也有驚喜~ 那個slow cook豬好好吃~ 不過pasta & risotto就很一般了..... 不過這兒食物的份量都挺大的, 我們點了5人5個dish都吃不完呢.... (雖然我也沒什麼胃口)

像cafe的小店, 店雖小但環境不錯~

黑松露焗大啡菇, 羽衣甘藍沙律, 烤雞

慢煮烤豬 (呢個好好食), seafood linguine (唔好食), crab & avocada risotto


Ketu的生日蛋糕, 選了近來蠻受歡迎的雲石蛋糕, 很漂亮! 那個birthday牌也很漂亮呢~ 跟餐廳的環境和ketu的character也很配合! 好美! (well, 不過我冇份揀個蛋糕 -__-|||||) 蛋糕是焦糖海鹽味, 不過我覺得偏甜~ Happy birthday to KETU! 祝你繼續年青, 事業蒸蒸日上!
下次齊人見面大概要2019年了呢! 祝大家都身體健康, 一切順利! 2019年大家似乎也有不少變化! 靜候大家的好消息~ 加油吧!

很漂亮的雲石蛋糕~ Happy birthday to Ketu*

下次齊人見面大概要2019年了呢! 祝大家都身體健康, 一切順利!
食店: 慢理牆城
地址: 油麻地砵蘭街28號M1酒店1樓
識飲識食 | Comments:0 | Trackbacks:0 | 2018/10/14(日)
BBQ with ex-colleagues
今天下午約了舊同事們去同事V家BBQ, 臨時有人甩底, 不過最後都有成8個人既~ 同事的家在很遙遠的地方, in the middle of nowhere! 幸好她是個又有錢又體貼的人, 安排了司機在TST接我們, 很方便 lol
5點左右去到同事家, 仲未齊人, 我地就吹下水, 同d小朋友玩下先~ 幾個月冇見D小朋友, 又大左唔少lu~ 大女差不多3歲, 正是最好玩的年紀, 很精靈鬼馬又識講好多野~ 而細佬d頭髮真係好勁呢! 好令人羨慕, hahaha!

有一陣子沒見的小朋友, 又長大多了!

去年我們第一次來house warming, 也是打算BBQ的, 不過當日下雨, 我們把所有食物改為打邊爐了! 汗! 我去年還在長沙搭高鐵趕回來, 真係好比面! 今年再次挑戰BBQ, 好彩今日天公造美, 沒下雨實在太好了! 終於可以在天台吃頓高質素的BBQ了, 好貝又魚蝦蟹好多海鮮, 正! 仲有專人燒埋俾我地食, 我地D guests只係食同吹水同飲sake就得, 好梳乎!
在天台BBQ, 個view都幾好呢~ 加上近來秋風起, BBQ真係最合適不過了哦~ 好正!

我們上天台BBQ, 環境真不錯! 天公造美, 沒下雨太好了!

貴妃蚌, 大蜆, 大蝦, 羔蟹

烏頭, 花甲, 雞翼, 棉花糖

係天台BBQ, 個view好好呢~


燒野食到9點就落去樓下地庫慢慢吹水繼續飲~ 一開始都係舊公司既八卦野啦~ 之後係度亂up野, 具體我當然亦如常地唔會記得! hahaha! 疑似有段發癲喪笑既時間, 中途仲眼訓到訓左, 到後期又回魂清醒番仲睇住人嘔, 真係幾攪笑, haha! 我最年逍宵飲野, 少左嘔, 亦多左幾次這樣中途斷片但之後回魂到尾的狀態~ 好攪笑! (以前是會斷片到底的)
本來都打算早聚早散, 我仲以為12點幾可以番到屋企啦, 最後成凌晨4點先閃人, 仲要係冇人早走! 回到家已經5點多了, 好眼訓呀.....

落地庫繼續吹水繼續飲~


其實我就真係唔記得影過呢D相, 仲要係我手機入面 lol
生活點滴 | Comments:0 | Trackbacks:0 | 2018/10/13(土)
Happy Birthday to Dad
在大西北回到家才4pm, 我稍為休息和疏洗就外出了, 今晚跟家人6:30pm就去了吃爸爸的生日飯~
爸爸一向喜歡buffet, 雖然我不怎麼喜歡, 但一年總有1, 2次吃buffet的機會吧.... 這次選的是在油麻地的城景國際酒店, 買4送1位, 我們5個人, 都算抵食既~
這家都有生蠔和長腿蟹, 還有standard的凍海鮮, 刺身, 焗蠔等~ 雪糕有很多movenpick不同的口味供選擇~ 我對熱盤和甜點一向沒什麼興趣, 所以也沒什麼好吃的~ 不過這兒最特別的是紅白酒竟然可以任飲! 真係第一次見! 仲有其他果汁和啤酒呢~
Happy Birthday to our dear Dad~ all the best! 最緊要是身體健康呢!
家人昨天已搬回娘家, 娘家總算裝修得七七八八了..... 不過還有很多東西要收拾, 我想我要等年底/ 明年初才可邀請朋友去party呢~ haha!

好耐冇食過buffet了..... buffet一向不是我杯茶

這家都有生蠔和長腿蟹, 還有凍海鮮, 刺身, 焗蠔等~ 我對熱盤一向沒興趣, 這兒最特別的是紅白酒竟然可以任飲~

Happy Birthday to Dad!!

all the best~ 身體健康啊!
食店: 城景閣City Café
地址: 油麻地窩打老道23號城景國際1樓
識飲識食 | Comments:0 | Trackbacks:0 | 2018/10/12(金)
Beach Cleaning Day
今天office休息一天, 不過可不要以為我地有假放, 而是公司今天有event, 全公司的人去了參加環保團攪的beach cleaning event..... 9am在九龍塘集合, 出發到下白泥.... 車程很遠, 也1小時呢!
這個清潔海灘的活動, 當然還要配合team building一起進行啦.... HR一早將我們分好小組, 一起執垃圾~ 其實我本身對beach cleaning也是支持的, 畢竟為環境出一分力也是應該的, 也是地球一員的責任啦~ 加上我們是在working day working hour做這件事, it's fair~
好久沒來過下白泥, 我們只在沙灘上執了一小時左右, 人很多, 也沒很多垃圾, 也是好事啦.... 情況也比我們想像中的好多了!
之後執完垃圾, 我們還要用垃圾砌一個art piece, 再要present呢.... 我個人覺得, 把更多時間用來執垃圾會更好啦~

好久沒來過下白泥了, 還遙望到深圳呢!

垃圾不算很多, 我們的人手可更多呢!

用垃圾來砌個art piece比賽就真的無謂了....


1點左右離開下白泥, 之後去左流浮山食lunch, 全公司差不多包曬人地餐廳, 哈! 黎到流浮山當然是吃seafood啦, 我呢半年竟然黎左流浮山2次, 好難得呢 lol 公司提供的圍菜都算唔錯, 有蝦, 鮑魚, 扇貝, 魚..... 仲有啤酒汽水任叫, 算係咁啦~
大家黎到流浮山, 見到很多攤檔都很是興奮.... 大家買起手信來~ 早幾個月來時是晚上, 所以店舖都關門了, 今次我都唔執輸, 買左d金蠔、蝦醬、蝦籽做手信, haha!
3pm由流浮山搭大巴離開, 我在元朗下車再轉西鐵, 4pm就回到家了~ 雖然今日勞師動眾, 但可以提早收工也算是一個happy Friday呢!

半年黎2次流浮山, 真係好難得!

我買的手信, 有金蠔、蝦醬、蝦籽!

lunch有蝦, 鮑魚, 扇貝, 魚的海鮮餐.....
食店: 新陶園海鮮酒家
地址: 流浮山正大街37號
香港足跡 | Comments:0 | Trackbacks:0 | 2018/10/12(金)