FC2ブログ
Daisypath Anniversary tickers
Betty's Birthday dinner
琴日番到屋企都2點幾, 好支力, 仲有少少hangover, 好彩只係少少, 其實都冇咩野, 真係好難得!
晚上約了Rosians吃Betty的生日飯~ 每個人都有想收埋自己既時候, 主角已有1年沒出現了, 想通了, 又是時候出現了~ 我們已有1年沒見呢, 沒有陌生, 近廿年既感情, 還是老樣子啦 =p
我先去了尖東拿蛋糕, 之後再去HC join她們~ betty想去cheesecake factory, 可惜大枱排隊排太久, 放棄了! 於是就去了Dan Ryan, OMG, 我早2日先吃過呢 -__-|||| 今天點的食物很多都很難吃! 由一開始就覺得個nachoes唔夠脆又不是我喜歡的口感, 到之後的rireye grill得唔夠香, 好鞋口的burger, 仲有完全冇未既risotto, 而且servive非常麻麻, 真的好無奈 -__-|||| 我早幾日來時, 叫左杯白酒, 都等左成15分鐘lor, cls! 我真係對呢間野好反感!

chicken & avocado salad, texican burger, grilled ribeye & lobster, nachoes, mushroom risotto, BBQ rib & chicken

今晚好多野都好難食呀 >.<

終於齊人, 久違了!


ida有新戀情, 成日放閃 =p 我都係咁問佢呢, kaka 恭喜你呢~ 真心替你高與~
再來又是蛋糕時間, 特意挑了個紫色的蛋糕給betty, 是她最喜歡的顏色~ 好令呢! 這家cake shop已買過好幾次, 不過從沒買過6寸的, 感覺好大呢, haha! Happy Birthday to Betty!! all the best! welcome back! 我們中秋再會!
離開時下超大雨, 本想搭的士走啦, 點知勁勁勁勁長龍, 在HC上班多年, 間唔中都會taxi回家, 從來都沒見過咁多人, 好可怕! 最後我在沒帶傘的情況下行了去中港城搭巴士! 好彩都算多簷薘, 我都唔洗點濕身! 這陣子的天氣實在太詭異了! 超大雨, 好討厭呀!

Happy Birthday to BETTY!

Tammy, Sally, Ida, Karen, Janet & Betty~
食店: Dan Ryan's Chicago Grill
地址: 尖沙咀廣東道3-27號海港城海運大廈3樓OT315號舖
識飲識食 | Comments:0 | Trackbacks:0 | 2018/08/26(日)
臨別秋波, 舊同事聚會
下午約了舊同事, 大伙兒上左某位舊同事家聚聚~ 他家中有隻貓貓, 只有6個月大咋, 很活躍, 很輕易就成了大家的焦點呢, haha! 今日我唔太舒服, 所以有酒飲都只是淺嚐而已 (as at this moment, haha)
舊公司還有一個月左右就要轉手易主了, 有d人則要各散東西~ 大家說著公司的八卦是非, 成班女人就係咁架喇, 好gossip! hahaha! 我已經走了5年喇, 點解仲係咁八卦架, haha!!

Hello貓貓~ 才6個月大呢! 很活躍的!

大合照~ 舊同事們, 好久不見了....


晚上去左天后打邊爐, 近日我正想打邊爐呢, arm曬啦~ kekee! 仲有人請呢, 勁開心~ (我是順便被請的lol) 呢間邊邊唔錯, D料好新鮮, 叫左個冬瓜松茸雞鍋, 大家先喝雞湯, 好甜呀! 仲有令牛肉, 刺身~ 正! 而且有HK少見3\既黃喚和毛肚等~ yummy~ (btw, 我懷念起係長沙打邊爐了 XD)
今晚飲sake, 叫左支1.8L的, 真係好少打邊邊會飲sake呢, haha! 其實我都唔係飲左好多, 不過後期shot shot乾啦 =p 之後終於有high既感覺, haha!
可能是快要臨別秋波, 大家都很high呢~ 係度話當年~ 話曬同大家都識左10年, 大家一起長大, 這些年真係發生多唔少事, 仲有好多攪笑野~ 中秋火燒天台, 係我娘家煙房玩truth or dare, 淚灑當場, upload咖啡粉相上fb, 指住老細黎話, 開櫃桶嘔.... 那時真係好年輕, 一起瘋狂的歲月, 真係好懷念呢....

松茸雞鍋, 牛肉拼盤, 墨魚滑, 響鈴, 豬潤, 凍豆腐

豬紅, 脆肉鯇, 刺身拼盤, 桶蠔, 黑柏葉, 竹笙

好Q多野食, 好吃..... 滿足 >w<

1.8L的sake, 大家飲多杯, 飲到high high (其實我還好啦, 好難得 lol)

今晚有娘娘請食飯~ 豪食呀, 哈哈哈!
食店: 上品火鍋料理
地址: 天后清風街5-11號地下


dinner時太high, 講講下話要去下場唱K!! 真係好high wor, haha! 一行人去左cwb唱K, 我第一次唱K要等位lor! 好無奈.....
真係識左你地咁多年都冇K過呢, haha! 我都有3個月冇K過lu~ haha~ 本來都冇咩歌癮, 不過一聽到音樂就想唱.... 叫左2支whiskey, 純飲, 大家都有飲, 好難我wor~ 飲到我都high曬~ 行來行去, 又唱下, 又笑下亂up下野, 又亂影下相, 總之好high啦 =p
唱到2點左右閃人, 好早呢, 我好少唱k唱到咁早, haha! 明明我都冇點走黎走去跳黎跳去, 我都唔知點解我對右鞋會無啦啦爛左既! 條帶完全斷左, 想救都救唔番, 好無奈! 最後我要赤腳離上兼上的士, 好無奈 =__=|||||
期待下次10月再見! 那時候就是一朝天子一朝臣了, 好想八呢 XD

2支whiskey~ 飲呀!

大合照, 有人仲要同完fd dinner再join K吹水, haha!

相多d相啦~

真係第一次同你地唱K lol

Ready to say goodbye....
識飲識食 | Comments:0 | Trackbacks:0 | 2018/08/25(土)
愛回家 - 回舊公司開會
今天公司的法國Global CEO來了香港, 聽說他每次來也會來見業主, 因為部門的問題, 我這個small potato都有份跟埋去~ 我地個global CEO好nice好親民, 其實我今日心情忐忑都唔係為左佢, 而係因為我今日要回娘家 - 舊公司開會呢, 汗! 真係丫, 點解我成日都要經歷呢d場面架, 上份工時, 我已經去見過好幾次第一份工既人同埋開會了, 今次仲要去埋舊公司office, 真係丫.... 本來有機會有到舊老細, 不過琴晚已然有人同我通風報信, 說是舊老板不能來了... 我已暗暗鬆了一口氣, 哈!
今天見的人是HK team, 跟我也沒太多交集, 不過我又再次踏入了那個meeting room, 那個我以前常常來開大會的地方, 真的好懷念呢....

以前就係成日係呢個房開大會, weekly meeting.... 有點懷念了

本來舊同事K知我要來就說have a coffee, 點知我無啦啦要跟高層們在HC巡店, 還可能要去其他地方看店, 好彩最後巡完店我就走得~ 最後立即call舊同事K下來了....
我們去了Dan Ryan, 我都以為它已執呢, haha! 我們說著公司的update, 講下八卦野同埋辛酸野, 才2, 3個星期沒見, 我真係好掛住呢位又好又投契既舊同事呢! 冇左熟悉既人在身邊, 工作真係苦悶左好多.... 好懷念以前成日八卦又吵吵鬧鬧的日子! 不知還要等多久才能適應如今的工作和人事呢.....
回到家, 我們還在whatsapp, 唉, 真心好掛住你呢!

K話想食buffalo wings wor..... 係唔錯既, 個salad都好食~ pasta就一般了!
食店: Dan Ryan's Chicago Grill
地址: 尖沙咀廣東道3-27號海港城海運大廈3樓OT315號舖
識飲識食 | Comments:0 | Trackbacks:0 | 2018/08/23(木)
和老公d fd既飯局
老公上了廣州參賽, 明天才回來…. 他有叫我陪他, 不過我出差5日, 剛剛才在北京回到家, 今天實在不想再在大陸了呀, 所以拒絕了他呢, 哈哈 =P
不過老公D fd今晚約食飯, 都幾齊人, 有成9個人wor~ 我見冇野做, 我就自己單拖出席啦~ haha! 我地而家都係fd黎架嘛, 我地都有whatsapp group架, 哈哈哈! 去左深水埗既"增煇", 第一次去, d野真心好食! 比我之前吃的那家在旁邊的大排檔更好! 什麼太爺雞、花甲湯, 蠔油鮑魚, 魚腸煎蛋等都好好食, 有鑊氣有火喉到呢~
今晚都幾齊人既, 有3 pair人, 再加3個single的~ 哈~ 講下八卦野, 講下我老公d電競野, d人把口真係好賤, 當然, 我也不是省油的燈 lol

個太爺雞好好食, 有驚喜! 仲有花甲湯, 蠔油鮑魚, 魚腸煎蛋等

蒸白鱔一向都是我的最愛~
食店: 增煇大排檔 & 增煇藝廚
地址: 深水埗石硤尾街31-33號地舖


下場B7 2公婆, 著仔和野馬留下去左酒吧睇波飲酒篤波, 我都去左湊下熱鬧啦 =p 行到去太子果頭~ 平時同fd去酒吧唔會篤波, 男人就不一樣了 =p 我老公以前都根鍾意篤 =p 又講下B7結婚D野, 要搵兄弟就快D啦 XD

男人先鍾意篤波~

去左酒吧下場

識飲識食 | Comments:0 | Trackbacks:0 | 2018/08/18(土)
北京, 石家莊, 天津出差 - Day 5
出差第5天, 最後一天了啊..... 一早起床, 10:30am的高鐵回北京, 才35分鐘的車程, 很快的呢! 天津和北京的高鐵站真係比長沙的好很多, 很organized的呢, 就算地方更大, 個站都唔會很亂又唔洗大排長龍呢~

準備回北京了~~ 才35分鐘的車程, 很快呢!

來到北京南站, 就有客人安排了車子載我去lunch~ 呵呵! 地點都算在機場較近的地方, 但坐車過去都要成個鐘呢, 北京真係好塞車呀....
我今天又約了位舊朋友, 是我8, 9年前在第一份工作時認識的, 當年他在瀋陽某商場做supervisor, 我還只是個小小的AO; 其實我們已很久不見, 早陣子我見他wechat post了些東西, 跟他說了幾句, 知道他也在北京, 如今我倆的公司又有合作, 當然要一約聚聚啦 =p 明明冇做過北京市場但都遇到唔少老朋友, 原來我相識滿中國, haha! 不過其實呢行真係好細姐 =p
我們去了吃日本菜, 還是高級的那種, 好多刺身呢, 又toro又活的牡丹蝦, 好正呀! 北京大城市, 真係好多好野食啊 >w<
往事如煙, 還記得數年前這個老朋友在瀋陽午飯后送我去機場趕飛哈爾濱, 我還跟他說我當時的男朋友也是阿仙奴粉絲呢! 我上個月才在深圳遇到他當年另一位女同事呢! 我們都算識於微時 (雖然我而家都仲係好微), 人地如今已是華北區的老總了! 我真係覺得自己的仕途好差呀 =_=
轉眼, 原來我真係岀左黎做野好多年! 兜兜轉轉, 多年後沒想到今天還有機會在趕飛機前跟這位老朋友在北京一聚, 真係好開心! 七夕快樂啊!

這家omakase店就在日本人學校附近

刺身併盤, 好新鮮! d toro肥美到呢! 好正呀! 我真係好like食日本野

仲有活的現殺牡丹蝦, 我都係第一次食咋! 好爽好甜, 好正! 有驚喜!
壽司仲有星鰻, 左口魚裙邊~ 不錯!

銀鱈魚西京燒, 仲有鵝肝壽司....
而牡丹蝦頭用來煮的麵豉湯, 好飲到不得了! 好多蝦羔好正!
食店: 四葉壽司
地址: 北京將台西路9-3號


lunch完就有司機載我去機場了~ 3:30pm的飛機回HK, 竟然沒有delay, 還比原定時間早了近半小時到HK呢, 真係好彩到極呢! lucky!

竟然冇delay, 真係lucky到不行!
好耐冇出差過5日咁多, 我也累了.... 不過是次行程遇見了很多人, 都是老朋友..... 很是感慨! 突然覺得自己真係出左黎做野好多年, 在市場上都遇見過唔少人呢.... 時間真的過很太快了....
海外工幹 | Comments:0 | Trackbacks:0 | 2018/08/17(金)
北京, 石家莊, 天津出差 - Day 4
今天又要出發去另一個城市了, 今次係個大城市 - 天津, 又是一個我從未來過的城市, 我都有所期待既 =p
一早出發去火車站, 不過今次係去北京南站, 近少少, 時間多D, 所以我決定搭的士~ 早左到車站拎車飛換飛, 早到左我都改搭早D既車~ 之後就上高鐵去武清站, 北京去才20分鐘..... 武清在天津市內, 第一次聽咋..... 我要拖埋個gip黎, 真係辛苦.... 烈日當空的, 自己一個女人係度帶埋個gip係度行outlet, 真係覺得自己好慘, 都唔知為乜....

武清在天津市內, 我都係第一次聽咋.....

行完場, 我就拖住個gip上番高鐵, 向天津出發~ 武清去天津才15分鐘, 轉眼就到了.... 落了高鐵就打的去酒店, 今晚住shangri-la, 環境可不錯呢~

今天住shangri-la, 環境不錯

來到酒店已經近2pm, 我已經好餓了, 成日都冇食過野呀.... 上網找找看, 去了酒店對面的商場入面搵野食, 找到間外表很不錯的cafe呢! 都是網紅店黎架~ 間cafe好令, 令我都覺得好似去左bkk同seoul咁呢! 好正! 其實大陸都有好多好令既cafe架~ 而且下午時候仲好少人, 成間店真係會令人覺得relax.... 呢點HK真係比唔上, 所有地方都超多人, 明明是relax的cafe, 就一令d成了網紅就要排隊先有位, 完全沒了意思....
我正好今日也想吃light點! 只點了個柚子smoothie和煙三文魚鬆餅..... 影相出黎真係好令! 因為等了那個鬆餅很久, 店還送了件cake給我呢! 仲要係唔係得個樣, 喜出望外的好吃~ 滿足~

其實大陸都有好多好令既cafe架~

好似去左bkk or 首爾的cafe咁~

呢杯柚子smoothie叫"萬柚引力"~ 好令呀!

今日想清淡點, 來個煙三文魚鬆餅~ 因為等了很久, 店也送了件cake給我
食店: Best+餂嘢coffee
地址: 天津市六緯路嘉里匯一層L1027


lunch完就去見客啦, 先去左個遠d既商場, 跟人家寒喧一番, 之後再去左2個商場逛.... 今日行左好多路, 拎住個好重既袋, 我真的累了....

在天津的公事, 在5點多已完全, 仲有少少時間, 我就做番個遊客啦, 天津也沒有什麼大景點, 就去古文化街啦..... 都係d好standard既國內步行街, 不過兩旁有d古建築咁啦, 幾得意既~ 影下相都唔錯~

津門故里

這兒是天津的古文化街, d建築幾令既

天津海河的風景


今日都沒什麼胃口, 回酒店對面的商場找了家吃麗江菜的餐廳, 晚上仲要等位tim.... 麗江菜主打菌類, 我一個人都點了幾個菜, 都是素為主..... 很多都是清炒, 好arm今日既我~ 豆腐和菌都好吃呢!

這幾天吃了很多, 今天都是吃素, 清淡d~ 豆腐好吃!
食店: 一坐一忘麗江主題餐廳
地址: 天津市六緯路交口南側嘉里匯購物中心一层


今晚早d番酒店訓, 我累了.... 明天last day, 外出數天, 我想回家了!

回到酒店房看到的天津江邊夜景...
海外工幹 | Comments:0 | Trackbacks:0 | 2018/08/16(木)
北京, 石家莊, 天津出差 - Day 3
今日上司去另一個地方, 未來呢3日就得番我自己一個single traveller了~ 也沒關係, 自己一個人仲free~ 自己一個去旅行都係咁啦 =p
我今天一日來往河北省省會城市 - 石家莊! 我都係第一次來這個城市, 這個省份咋! 雖然唔係d乜野大城市, 雖然都只係大陸城市, 不過我都有d期待既~ 畢竟我已經好多年沒去過新既大陸城市喇~ 我一向都鍾意新嘗試架啦~ 而家公司俾錢我去睇新野, 絕對是好事啦~ 10:15am高鐵由北京西站去石家庄市, 由北京市中心去西站, 怕塞車所以搭地鐵, 成個鐘先到, 好遠! 早半小時就去到車站, 北京西站幾好, 唔太多人, 好多長沙高鐵站好多! 我所搭果架車寫住去"邯鄲"所為終點站, 我見都未見過呢個地方, 又唔識讀, 都唔知係咩鬼地方..... post相上fb啦, 就俾好多人話我咩咩咩, well, 我中史只讀到form 3、又冇重溫尋秦記, 係唔識架喇 XD

向石家莊出發.... Sorry, 我真係唔識"邯鄲" XD

由北京去石家庄只是個半鐘, 好快~ 好可以接受.... 一下高鐵就有客人接我, 12點幾先去lunch啦~ 這個客人我都是第一次見而已, 不過這公司的人一向都好nice既, 周佢地食飯完全冇壓力.... 而我因為認識他們公司的區域老總, 所以今次疑似呢個城市都有d比較高級的人來接待我呢~ 仲安排埋飯食, 真係貼心~ 飯局的地方在個私人會館似的地方, 不是很華麗那種, 而是我們有個小包廂, 有個庭園, 環境還算別緻~ 喜出望外的是食物, 涼菜很好吃~ 也那條蒸魚也是驚喜呢!
其實自己一個人出差/ 目客真係幾好, 同事關係幾時都可以建立啦~ 而客人才是屬於自己的啦~ 從他們口中知道我的前老細也是今天來石家庄, 不過他們約了在5pm, 我是沒機會遇見啦..... (其實自上星期開始, 我認識的客人已告訴過我我舊老細今天會來, 我都冇咩為意)

環境很不錯~

大陸D涼菜其實好好食~ 有驚喜! 條蒸魚都好好吃呢 >w<
食店: 稍可軒
地址: 石家庄市中山西路96號習三内畫博物館9樓


之後開車入工地.... 對! 我又要戴安全帽入工地了! 都係睇場啦, 冇咩特別! 在長沙待了4年, 我已經習慣了 =p

我又要入工地, 又要戴安全帽了 =P

然後再去另一個local商場見客, 臨走的時候, 竟然在門口處見到我的舊老細呢! 還要是正面見到, 她先見到我呢! 我已經有差不多3年沒見過她了!!! 上次見面時她還在舊公司, 而我也在上一份工那邊...... 之後她轉工了去其他品牌, 個account由我另一位同事跟進, 我就沒再見過她了!
她是我第一份工的舊老細, 對, 當年就是她帶我入行, 教識左我唔少野! 雖然她從來都沒有直接教導過,我如何做事 但就是這樣, 反而更加快了我的成長! 那5年在她下面真是個很好的鍛鍊! 不過我相信我份人真係好刻苦耐勞, 如今工作多年, 我肯定不是很多年輕畢業生能忍受這位老細的脾氣和要求! 而且我當年份工某程度上都算是一種專業, 需要experience和market information, 我們之間的gap又很大, 當年的一個大學畢業生, 就跟著一個AGM去做事, 回想當年的壓力真的很challenging! 但也是因為她, 才有今天的我呢! 往事如煙, 一轉眼已十年了! 十年前剛大學畢業, 就是她在2008年10月來北京第一次出差參加fashion show呢! 那時攪個event邀請d客人出席, 我連probation都未過呀..... 如今, 我竟然在10年後再來北京時遇到她, 大家的身份都不同了, 人生真係好奇妙!
我真的沒想到在石家莊也會遇到故人! d回憶番哂黎! 好懷念! 咁就10年喇! 仲要係係北京trip相遇, 個天係咪玩我呢..... 好感觸呀! 可惜我趕著趕高鐵回北京, 沒能多談幾句呢! 不過, 大家都是這個market的人, 我相信我們還有機會再見的!

5pm的高鐵回北京, 回到西站都已經6pm了..... 今天想吃日本菜, 昨晚在網上找了這氣氛很好的隱世小店, 剛好在近酒店的~ 昨晚我還打去訂位呢 =p 由西站搭了近一小車, 7pm才回到市區的呼家樓站呢! 我想去的那家小店不易找, 明明在個賓館內卻總會被miss掉, 我要問人才找到呢! 那門口完全不像個居酒屋入口, 幸好我有在上網看到才知道那是入口 =p
一打開那隱閉的小門, 是個小小的居酒屋~ 但人卻不少呢! 我一個人可以坐到吧枱, 好正! 一場黎到, 公司又有meal allowance (雖然不可以全claim) 我點了很多食物, 別擔心, 我可沒把所有都吃光! 出差那麼辛苦, 當然要慰勞下自己啦! 開左支sake, 是我早2個月在白濱才認識的"黑牛", 還有不少居酒屋的佐酒小食, 像是吉列蠔、烤半生熟牛肉、白身魚薄切、雞雞軟骨銀杏和我超愛的鮟鱇魚肝!!!! 好滿足~ 戴著耳機聽歌、小斟、回想著今天的相遇、再會、回味著這十年的經歷! 很自在!
北京真係好多好野食! 好開心! 我在北京的小巷裡找到了屬於我的深夜食堂! 獨自坐在吧枱很治癒! 好滿足! 如果我有機會再來北京, 一定會再來!
未到9點我就閃人了, 畢竟也有不少人在等位~ 我從餐廳行回酒店, 才10分鐘, 很近呢~ 正好可以散散步呢~

這居酒屋十分隱閉! 那扇門完全不像是入口!

我在北京的小巷中, 找到了屬於我的深夜食堂!

sake, 芥末八爪魚茶泡飯, 鮟鱇魚肝

烤半生熟牛肉、白身魚薄切, 烤半生熟牛肉, 雞雞軟骨銀杏

獨自一人坐在吧枱, 感覺好治療! 自己一個人出差都好enjoy!
食店: 藏三昧
地址: 北京市向軍南里二巷5號呼家樓賓館内
海外工幹 | Comments:0 | Trackbacks:0 | 2018/08/15(水)
北京, 石家莊, 天津出差 - Day 2
一早起身, 同番工時間差不多呢.... 北京好塞車, 9點多就出門, 10am去了見客..... 呢個商場, 久仰大名, 真係咩brand都有, 做得呢行都知, 呢個商場係全國業績最好的商場, 長年銷售top 1! 算是國內的Harbour city吧 =p 今日終於有機會來到, 開心既!

這是全國Top1的shopping mall!!! 入面咩都有! 呢間book store + cafe佢地自己run, 好令!

之後去左王府井一帶, 我們在這邊有2家店, 主要都係黎睇下店啦.... 之後在商場食lunch, 阿姐話未食過cheesecake factory, 所以就去左試試, 不用排隊, 其實比HK店環境更好.... 3個人點了3個dish, 又是超大份, 我們都吃不完, 主要是太漏了.... 不過味道是好的, 跟HK店的一樣.... 不過我們已飽到吃不到cheesecake了~ (也好, 我最不喜歡它的cheesecake lol)

在北京都要吃cheesecake factory *0*
食店: The Chessecake Factory
地址: 北京王府井大街269號王府中環東座4層412-419號


之後下午去左睇場... indigo, 朝陽joycity等.... 就這樣都已經5點多了, 我們今天都算好彩, 在塞車情況嚴重的北京都能算頂便截到的士呢.... 行到5點多, 阿姐晚上約左人食飯, 我也自行約了以前認識的租戶7pm dinner, 時間還未到, 我就獨自做個觀光客, 去天安門逛逛.... 話曬麵
上次來天安門, 是我十幾年前中四時來summer school, 也是我第一次來北京, 仲記得校長迫我地凌晨4點起身黎睇升旗, 一轉眼就十幾年喇, 好恐怖! 一個人重遊時, 更加會想東想西......
因為怕塞車, 所以我是搭地鐵來的, 從"前門"站已經有人流管制了, 仲有安檢呢..... 以前來時都沒有這些, 行左好耐好耐先到天安門廣場, 久違了! 其實人不算太多, 不過就是要人流管制, 剛好天安門在修繕中, 好彩我都企得好後, 都唔係好睇出 =p

正陽門...... 一出"前門"地鐵站就見到它了

要安檢先入到廣場范圍.....

人民大會堂和國家博物館

大家都很熟悉的天安門廣場, 其實我都係第二次黎....

上次來時只是十五六歲, 來一早起身被迫看升旗...


之後就搭地鐵去吃飯的地方, 這個客人是我上份工認識的, 以前他是做租戶的, 如今也轉了工做業主呢~ 以前因為工作聯絡, 不過我地其實都係第一次見面咋, haha!
來北京, 我說要吃烤鴨.... 他就帶我去了"便宜坊", 呢間野都幾出名架, 我黎北京之前都有聽過~ 是傳統的烤鴨, 和大董的不同, 我都係鍾意大董那種酥香既多d, 仲點左好多鴨料 - 鴨心, 鴨腎, 鴨腸, 可惜最想食的鴨肝賣曬呢 >.<

便坊宜也是北京一個吃烤鴨的老字號

來北京必食~ 吃不盡的烤鴨 =p

仲有鴨心, 鴨腎, 鴨腸, 可惜最想食的鴨肝賣曬呢 >.<
食店: 便坊宜烤鴨店
地址: 北京崇文門外大街3-5號新世界百貨青春館3層
海外工幹 | Comments:0 | Trackbacks:0 | 2018/08/14(火)
北京, 石家莊, 天津出差 - Day 1
又是出trip的日子, 基本上一個月一次, 跟舊公司差不多啦, 只是這兒通常會去耐d, 多去幾個城市, 像今次, 我去足5日呢! 係幾長, 不過今次可以去10年未去過的北京, 未去過的石家莊和天津, 都開心既.... 頭2日在北京有同事在一起, 不過之後3日就是我獨自一人, 也好, 一個人可以好free~
8:30am的飛機往北京, 好眼訓... 沒有delay, 中午就來到北京了.... 首都機場好大, 行左好耐都未出到去 -__-|||| 這次是我第3次到北京, 第一次是中四時來summer school、上次來則是2008年來攪fashion show! 那年我才剛畢業剛進舊公司2個月第一次出差了! 轉眼又10年了!

北京, 第一次出差來是2008年, 剛好10年沒見了!

一直都知道北京好塞車, 我們taxi去酒店, 好彩路況都算唔錯, 唔洗一個鐘就到hotel了.... 放下行李立即去第一站, 是附近的商場睇自己d舖, 我做了呢行10年, 北京d project聽就聽得多, 今日終於有機會來了 =p
同時也在這商場lunch, 來北京, 當然是吃烤鴨! 去了"小大董", 是北京知名烤鴨店"大董"的副線品牌, 仲記得10年前第一次食大董, 簡直驚為天人好surprise! 和香港吃的完全不同! 這次的烤鴨也好吃, 皮烤得酥脆油香, 和hk做的所謂烤鴨真係完全唔同呢! 好開心可以再次食到這味道! 另外其他食物都出色, 芥末鴨掌好特別, YUMMY~ 而且埋單每人RMB115左右, 抵啦~ 來北京的第一餐, 滿足!

來北京, 當然一定要食正宗的北京烤鴨啦! 好正! 芥末鴨掌都好好吃呢~

這家店是有名的"大董"平價版, 平好多幾抵食架~ 唔洗貼錢出差, kaka!
食店: 小大董
地址: 北京東大橋路9號僑福芳草地購物中心LG2層


lunch完行下商場就去下一站, 出名既三里屯看看和見客.... 呢個商場好出名, 剛好也有個10周年的展覽, 我都有去看看, 個video真係幾好, 睇到我都有d感動, 開場真係令人好感動! 仲要當年仲有奧運呢.... 舊同事K當年都有份開呢個場, 我也立即whatsapp他這個exhibition, haha!

呢個三里屯好出名, 我終於來到了!

見到客, 就去番酒店附近的國貿逛啦~ 又是行商場, 行到差不多7pm才結束, 好累了!
晚上和同事去了酒店旁的商場dinner, 沒什麼選擇, 就去了連鎮的杭州菜"綠茶"~ 都係果d野啦... 酸菜魚還不錯! 公司的meal allowance還好, 比錢我出差食飯都係好事黎既 =p

來到北京都是要吃連鎖的杭州菜..... 在酒店附近, 還好啦!
食店: 綠茶餐廳
地址: 北京東三環中路7號財富購物中心1層
海外工幹 | Comments:0 | Trackbacks:0 | 2018/08/13(月)
SKII
好早前買左支SKII神仙水給奶奶
sales送了些sample給我
我一直放在家裡
近日d skin care用完了
就拎左支sample黎用下
只係用左1, 2日就立即feel到效果
少左油, 好保濕, 毛孔細左, 皮膚有番光澤
真係好厲害
轉眼間我已經到了可以用SKII的年紀
那個我曾經覺得是老女人的年紀
哈哈哈!
生活點滴 | Comments:0 | Trackbacks:0 | 2018/08/12(日)