FC2ブログ
Daisypath Anniversary tickers
又黎睇波喇
今晚FIFA又有大戰, 老公D fd又上黎睇波喇..... 唔知做咩NOW TV個act點解都唔可以由laptop駁去個電視度, DL左好多次software都唔得, 好無奈.... 頭一場我IT部攪左大半場, 場波又刺激wor, 最後要用個iphone睇, 笑死人咩! 成班柒頭 -__-||||
下場唯有用網上link來看, 都叫可以駁去TV度呀, 呼..... 中場休息又是賭錢時間, 今次我有嬴wor, 成2舊水架, kaka! 我地仲叫左麥麥送, 不過到4am完場仲未送到黎, 真係好離譜! 我地當然cut左單啦, 哼哼!
新居派對 | Comments:0 | Trackbacks:0 | 2018/06/30(土)
4 years, Thank you & Goodbye!
等左2個月的通知期, 今年終於來到了我的last day...... 因為已經等了很久, 所以說真的, 感覺也淡了不少, 最大的感覺還是下決定的時候..... 既然決定了, 又有長時間的適應, 理應也好過不少吧....
2個月時間準備, 基本上手上的工作都已交底曬又同d客講曬, 今日都沒什麼做了..... 早上去HR做exit interview, 之後去拎散水餅.... 今次的散水餅特意買了曲奇, 是近年很流行的tailormade icing cookie~ 其實也沒比一件蛋糕便宜, 只是自己team的都寫上了名, 比較有誠意有心意吧.... 其他的都是寫thank you~ 也很漂亮! 效果滿意, 大家也有驚喜~ 最好的是cookies可以放成2星期, 比cake好吧! 不在的同事放在他們枱面都ok~
而同事們亦送左紮花比我, 多謝我對長沙多年來的支持, kaka! thanks all!

,散水餅曲奇~ 我order左3打左右....

這是給一般同事的~ 紫色的花型thank you~

這是給自己team的, 粉紅色心型的寫左各位同事既名, 仲有塊白色花型的bye~ 貴d架!

同事們送左紮花同埋thank you card俾我, 好令哦~ 多謝曬!

byebye我個位! 呢4年我坐過3個唔同既位!


臨別秋波, 當然要去下Reception影下相, 今天我們team在office的人不算多, 盡量影啦~ 我仲坐埋上reception table..... 係呢度影過好幾次影, 今次終於到我做主角了......
4年了, 臨別一刻當然有不捨, 別了這公司! 多謝你呢幾年給我的一切!

last day必做既事, 去reception影相~ 坐係張desk好型 lol

男/ 女同事s~

我老細.....

last day必影的抄野相..... 可惜今日我地team唔係好多人係office


晚上我們team去了觀塘一個party room攪farewell party, 都係十幾人架~ 舊同事T都有來..... 除了我今天last day, 我地team下個月都有一個M和一個O會走呢, 開場後, 果然有不少同事都陸逐say goodbye呢....
我們order了到匯的食物, 仲有ocean three的生蠔和刺身, 食物都不錯..... 之後大家都在玩遊戲、賭錢、飲酒~ 老細都係度, 所以真係比想像中好玩的了 XD 飲左唔少Dom champagne, 正呀! 大家玩到凌晨才散band.....

party room攪farewell

食野前先玩下twister...... 不錯~

食物都唔錯, 生蠔正架~ 好肥美!

賭錢mode..... 魚蝦蟹中....

牛牛, 開champagne....

幾個男同事係度打機......

大合照.....

farewell to all!!


離職感受之前已說過很多次了.... 沒有什麼再補充了.... 說真的, last day的感覺, 比2個月前我地開場果日, 我的感覺更小呢~ 加上已有2+個月沈澱心中所想, 也沒什麼了.....
在這4年了, 真係感受良多, 呢幾年發生左好多事, 學左好多, 睇左好多, 個人化左好多....... 跟之前的工作不同, 呢份正比我好大自由度, 我d客基本上就只有我識, 我handle曬, 唔洗問老細, 自主能力好高, 其實係流程上算幾輕鬆.... 個人亦做得很爽! 原來我個人係重意freedom架 XD
而我亦覺得自己都變左唔少、成熟左好多、現實左好多....... 我不知這是好還是不好, 不過人就是這樣變化和成長的了吧....
第一份工給了我一個很好的平台, 打好了基礎..... 而這份工就給了我很多發展空間和主力能力, 容我輕鬆地走得更遠看得更多, 認識了更多業界人仕和markt intelligence, 整個business的scope大左好多呢......
回想當初, 竟然是有人找我過檔的, 我真係好好彩, 做左間好公司好team做到個好project....... 而今次, 上天亦在最好的時候送左個好機會比我走...... 上天總會在我最需要的時間給我最需要的東西, 給我最好的機會和際遇, 衷心感謝上倉呢! 感恩!
我這四年遇到很多好人好事, so many things happened! 成team人一齊既時間長左好多, 一齊出差, 食飯, 日見夜見, 我會永遠記得這些美食的回憶!
平時嘻嘻哈哈大癲大肺, 又有幾多人明白我用情有幾深呢!
這四年太多回憶片段, 甜酸苦辣, 有血有淚, 可一不可再!
It's never easy to say goodbye, 雖然此刻心情忐忑又不捨,但仍心存感激~
各位親, thank you so much, 雖然不捨, but i have to move on! 江湖再見!
生活點滴 | Comments:0 | Trackbacks:0 | 2018/06/29(金)
慶功宴@流浮山
剛從大阪回來上班, 晚上是慶功宴, 慶祝我地開場成功..... 唔係我地老細攪, 係我地老細個老細攪架~ 勁! 一行廿幾入左流浮山食海鮮, 好大陣杖! 這次主要來是吃野生龍躉, 條魚成30斤重, 塊皮超厚, 勁多膠原呀, 好正! 真係第一次食到~ 仲有海蝦、清蒸瀨尿蝦, 蟶子, 同樣好吃~ 是晚仲有免費酒水供應, 好多令紅酒, 仲有好貴既champagne - Dom Pérignon~ 我都係第一次飲咋, 正呀!
在我last day前2日, 今日應該係最齊人既一日了, 當然, 這是因為大家都俾面大老細出席啦~ haha! 多謝曬!

入流浮山食海鮮~ 龍躉好正!

我們長沙的慶功宴!

好開心同大家合作! my pleasure!
食店: 海灣海鮮酒家
地址: 流浮山正大街44號
識飲識食 | Comments:0 | Trackbacks:0 | 2018/06/27(水)
Farewell Lunch @ Sushi Hiro
早2日還在日本時, 同事K說約我lunch, 因為是最後一次了, 加上我last day時就到他外遊, 所以我回HK之後就只有1天半可以見到他了~ 沒想到之前我們都farewell dinner了, 他還要跟我farewell lunch呢~ haha!
我們還是選了吃sushi, 去左日本好幾日仲未厭呢, 我地都好愛日本野 =p 今次揀左去sushi Hiro, 唔係食omakase, 只點了set快食啦~ 幾年前有次我們2人都去過sushi hiro還在toy house時的舊店, 今次就來到亞士厘道的新店了~
K請左我食咁多次又咁貴既飯, 今次點都到我啦! 最後一次lunch了, 除左多謝真係冇咩需要再講了! 希望我們很快又會再次遇上~

搬遷了的SUSHI HIRO新店

我們都是吃10件的sushi set~ 不錯!
食店: 壽司廣 SUSHI HIRO
地址: 尖沙咀亞士厘道17-19號1樓
識飲識食 | Comments:0 | Trackbacks:0 | 2018/06/27(水)
Back from Kansai, Shirahama & Wakayama

期待已久, 我們畢業10週年既關西之旅終於完滿結束~ 繼2013年去過檳城之後, 5年後再次和eva poon & ingrid去旅行呢~ 久違了呢! 雖然又是日本又是關西, 不過也有很多地方我都未去過的呢 (因為都是我plan的 lol) 貴船神社、白浜、和歌山..... 全部都很不錯呢~ 我很喜歡日本的郊外! 三個女人一起穿浴衣實在好好feel呢 >w<
Day 1一下機就趕了快關門的黑門市場, 好彩去買了不少減價貨幾抵呀! toro勁正呢! 之後到難波一帶逛逛, 去一去道頓堀拍照是常識吧 lol
Day 2去我已有8年冇去過的Universal Studio! 這個日子剛好還有期間限定的SailorMoon 4D睇, 好開心呀!! 還有想去很久的The Wizarding World of Harry Potter! 個景點真係好正, 斜角巷、奶油啤酒、Hogwarts Castle..... 真係好有feel! 而HP個4D ride都勁好玩, 好有驚喜, like! 最正的是我們今天不算多人, 沒買express pass都唔洗等好耐呢! lucky! 好滿足!
Day 3一早去了貴船神社, 兩排的紅燈籠很有氣勢有秘景feel! 可惜天氣不好吃不到流水麵呢 >.< 回到京都就去祗園八坂神社~ 晚上吃和牛shabushabu好正呢!
Day 4期待已久的白浜之行, 去了とれとれ市場食海鮮, 正到爆炸~ 之後去三段壁、千畳敷見到超級漂亮的夕照! 晚上換上浴衣吃豐富既溫泉料理, 之後仲舒舒服服咁去浸溫泉呢~
Day 5早上去了infinity海景既溫泉浸浸, 正到癲左, 係我so far見過最正的一個溫泉景呢~ 之後地來到了和歌山加太, 我地溫泉酒店房有成180度無敵大海景, 好屈機! 去了附近的嶋淡神社逛逛, 晚上三個女人繼續穿浴衣食懷石料理~ 好有feel!
Day 6一早又去了浸溫泉睇無敵海景, 之後出番和歌山市, 去了和歌山城參觀, 食埋碗蔥拉麵就出發去機場lu.....

這是eva拍和剪的片, 第一次睇笑死我呢! 首歌係toretore market勁播, 好洗腦呀 XD

同場加映, 今次食左好多好多好西, 好多海鮮、刺身、和牛..... 超級大滿足呢! 我真係好鍾意食日本野哦 >w<
不過我地最後都係冇去到好遠既黑潮市場, hahaha!! 不過我地都已經去左2個漁市場, 也心滿意足了啦~


這次旅程不算長, 不過我也覺得足夠了~ 也沒有什麼不想番工的感覺~
畢竟我回HK後, 番多3日工就last day了~ 而再過幾日我就再飛東京了, 是我早2個月, 簽了new job contract後才plan的~ 真係玩得好盡呢~ 嘩哈哈!
環遊世界 | Comments:0 | Trackbacks:0 | 2018/06/26(火)
Nail for Kansai
端午節回來, 這個星期老細成個星期出TRIP真係好爽! 我都話我呢2個月notice period好易過架啦, 呵呵呵!
我明天就飛大阪了, 期待已久, 呵呵! 又是時候去了做gel甲了, 去到先諗花色, 都係揀左個清清地既粉紅色, 又畫花又金片, 我覺得幾令呢, 不錯不錯!
時裝美容 | Comments:0 | Trackbacks:0 | 2018/06/20(水)
Farewell Lunches
雖然係呢間公司4年, 公司又好大, 不過認識既人其實真係唔多, 臨別秋波, 都要同d同事食下farewell lunch, 我都是選了在HC的食肆啦, 方便嘛~ 哈!
第一餐跟2個曾經同team的女同事食葡國野, 仲記得一入呢條team時, 人事都幾複雜, 男女同事都係分開lunch的..... 我入到team之後埋到堆, 在兩邊也吃得開也算厲害吧! 雖然我跟男那邊比較要好, 不過女的也從沒對我不好吧....

葡國菜, 唔錯~
食店: Alma Portuguese Grill
地址: 尖沙咀廣東道3-27號海港城海運大廈3樓OT310號舖


雖然farewell, 不過我都有主動約人請人食lunch, 這位也算是唯一一位就是介紹我入黎的同事C了.... 在第一份工時認識, 算算手指, 我也認識了他有10年了吧..... 4年前我正想轉工之際, 他竟然email問我做成點有冇興趣轉工, 就這樣, 我interview了也入了這公司這team..... 其實我地當初真係唔熟架! 上天對我真係好好, 適當既時候總會拜貴人出現在我身邊的.....
我由officer入黎到給今manager, 除了老細之外, 其實最感謝的就是他! 第一份工給了我一個不錯的平台, 這份工就給了我一個很大的發展空間! 我也常問他為什麼會找我, kaka! 他就回我一句"感覺"、覺得我合適, haha! 緣份既野真係好奇妙架! 總之一句, 當初冇佢又冇我, 衷心感謝!

第一次食paper moon咋!
食店: Paper Moon
地址: 尖沙咀廣東道3-27號海港城海運大廈3樓OTE301號舖


有一天跟一位已認識十年的師姐lunch, 我們在第一份工作時認識,她是我一個前輩,當年一進公司只有我一個人,雖然我們不是同部門,但他教曉我不少東西,之後我們也輾轉進了如今的公司,真是額外有緣份。他說我在工作上有野心,也說我有能力,衷心感謝!可能她比我見到咁多我看不到的東西呢.....

塚田農場lunch都唔平, 反而dinner幾抵食呢!
食店: 塚田農場
地址: 尖沙咀廣東道3-27號海港城海運大廈2樓OTE 202號舖
識飲識食 | Comments:0 | Trackbacks:0 | 2018/06/19(火)
端午節食鮑魚
佢地琴晚又睇到4, 5點先閃, 又有人係度訓過夜..... 不過我近中午起身時Joe已經閃人了~
琴日訓得夠, 終於補充好體力..... 好好多了! 今天雖是星期一係是端午節有假放呢, 真開心~ 我覺得我幾好彩, 呢2個月notice period有好幾日紅日, 好爽! 而且我last day前仲去成3個旅行 (okinawa, bkk, kansai), 真係好鬼串呀! haha!
今天端午節唔食糉, 晚上清清地食菜和豆角, 仲豪少少開番罐鮑魚啦, 好食呀! kekee!
私房菜館 | Comments:0 | Trackbacks:0 | 2018/06/17(日)
Happy Father's Day
琴晚勁夜先訓, 凌晨5點呀..... 今天中午就要入屯門拜山, 加上hangover真係勁辛苦! 和joe 3個人一起搭西鐵, 佢琴晚係我地sofa度過夜, 哈! 今日個人迷左成日呀, 汗 =__=|||| 今年老公都有去拜我爺爺和祥叔, 第一次呢 *0* (之前成日都咁arm唔得閒)

回到家稍事休息, 之後就去左食父親節飯, 近近地去左樓下食, 今年食西班牙野~ 近年和父母吃飯, 食少左中菜呢, haha!
Happy Father's Day~ 祝爸爸身體健康, 我們一家人過得開開心心~

今年食西班牙野......

Happy Father's Day
食店: Cocina 3 Tapas Restaurant & Bar
地址: 大角咀海泓道1號奧海城三期地下G22號舖


晚上10pm又開波, 十幾個鐘冇見, 老公d fd又上左黎睇波喇..... 我今晚真係頂唔順, 只係睇左10pm果場德國..... 真係等唔到2點果場巴西..... 我12點時先行入房訓了...... 佢地又係睇到4點幾先閃人呢! 勁!
節日慶祝 | Comments:0 | Trackbacks:0 | 2018/06/17(日)
FIFA World Cup Russia 2018
星期六, 今個weekend冇咩野做, 勁耐都冇煮過飯, 今晚就煮下啦, 久違了的冬菇豉汁蒸排骨, 勁好食! 下次再encore呢!

4年一屆既世界盃又開羅了~ 今晚佢d fd又上左黎睇波, 10pm睇阿根廷vs冰島, 真心好睇wor~ 我都係支持冰島! 真係唔差, 好彩最後守得住!
下場sweden vs denmark 2點先開沒, 有成2個鐘中場休息時間, 大家冇野做梗係飲酒賭錢啦..... 台灣三公, 我都贏左少少架! 好難得, 呵呵!
飲酒睇波賭錢, 成5am先散band, joe仲係sofa訓埋過夜tim, 汗! 我呢間屋, 起碼有佢3, 4個fd係度過過夜..... 明晚再戰!

都唔知你地上黎飲酒賭錢定睇波

阿根廷 vs 冰島

宵夜時間, 又外賣又有粽同埋和牛!
新居派對 | Comments:0 | Trackbacks:0 | 2018/06/16(土)