FC2ブログ
Daisypath Anniversary tickers
長沙出差 - Day 1
我又飛長沙了, 已是5月第4次飛喇, 今個月真係好癲, 差不多有半個月時間都不在HK, 不過全部都係short trip啦, 還好! 我已時日無多, 要好好珍惜去長沙的機會了....
商場開了廿幾日, 我第一次再去..... 今天全天都在商場內活動, lunch當然留在商場消費啦, 支持下自己人呀嘛 =p HK team幾個同事和工程同事一行8人, 都是吃湘菜啦~ 呢家在其他分店都吃過好多次了, 辣椒魚頭好吃!

都是湘菜, 辣椒魚頭好食!
食店: 伍厚德堂
地址: 長沙解放西路270號長沙國金中心商場6樓L602-L603號


lunch完就分開行動, 我就行下mall再見下客..... 不斷在商場內撞到很多很多同事, 我們local team實在太多operations同事了, haha!
之後我去左我個客間牛扒小食店食下令牛扒, 同d同事一齊, 個客仲開左支紅酒比我們呢, kakaka! hea左成個幾鐘呀, 超爽! 當然, 可以免單的啦..... kekee!

我們在營運中的商場~

件牛扒唔平架, 要成150蚊人仔!!!
食店: 彼得家牧場
地址: 長沙解放西路270號長沙國金中心商場LG1樓117b號


之後去左shopping, 去左我個客間fast fashion買野, 大出血呀, 買左好多衫~ 好彩有7折, 都幾抵架! 最緊要係HK冇呀嘛 =p
晚上和自己team和一些local同事食燒肉~ 吃了很多牛! 呢間想試好久了.... 好食wor! 我已告訴一些local同事我要走了, 今次係我尾二一次來長沙, 所以我決定由我埋單! 唔平架! 最後仲請埋2個hk同事 =_=||| 8個人成左千六蚊人仔, 又食又飲, 差不多啦.... 多謝各位咁多年來的支持!

今晚食燒肉~ 吃了很多牛! 好食wor! 我埋單! 唔平架!
食店: 焱鐵燒
地址: 長沙解放西路270號長沙國金中心商場L5樓538號


下場再上了樓上的whiskey bar, 對, 我又來打攪人地了, haha! 我真係有同客吹水架, 做下正經野..... 之後出番去同同事飲, 一high左個人就好放咁亂up野.... 過去幾年實在太任性, 多謝同事K對我既包容! 坐坐下仲撞到我地D mkt同事..... 一齊再飲, 都是whiskey! kaka! 之後仲飲到斷片, 呢d野真係可一不可再了!

又是whiskey bar, 我又來打擾了 =p
食店: 壹零伍單一麥芽威士忌俱樂部
地址: 長沙解放西路270號長沙國金中心商場7樓709號
海外工幹 | Comments:0 | Trackbacks:0 | 2018/05/31(木)
Back from Bangkok*

由沖繩回來十來天, 我又悄悄地飛了一趟bangkok了! 呵呵呵~ 繼上次之後一年半, 又和sally & loretta 3個女人去bkk嘆世界, 好爽呀! 這次更沒有行程, 只是食、飲、spa! that's exactly what i want! 上次我們去了4日4夜, 今次只去了3日3夜~ 我覺得ok呀, 反正我就是想要出走relax一下的! 只請一日假就可以來個weekend getaway, 好爽好正! 這次去了不少漂亮的cafe, bkk近年的cafe真係好出色, 好多影相位! 很值得一來呢!

Day 0早左半日走番屋企訓休息下~ 晚上機飛bkk, 回到酒店11:30pm, 放低d野後就出去街邊買串燒食, 終於食到喇, 好高興!
Day 1早上去網紅店Shugaa打卡, 好girly好chill的cafe, 勁令呀! 早上沒有人, 我地包場咁影相! 超正! 之後就去上次也來過、性價比很高的Coran做spa 4小時, 又scrub又oil massage爽爆! 晚餐去了亞洲50最佳、米芝蓮一星餐廳Sühring吃德國菜tasting menu 12道菜, 好驚艷! 美食、美酒、好友、浪漫的環境, 100分的晚餐! 下場去了酒店附近的sky bar飲番杯才回去~
Day 2一早先去了Baker Gonna Bake cafe吃些東西, 之去在商場逛逛~ 再坐了很久車去另一網紅店Blue Whale Cafe打卡! 這兒人很多, 不過那藍藍的店和那杯藍色的butterfly pea latte真的很漂亮, 值得一來呢! 下午又去了Divana Nuture Spa, 是間deluxe的spa, 按得超好呢, 雖然貴但物有所值! 晚餐去了Shinsen Fish Market, 曼谷版的上引水產! 吃了不少海鮮, 龍蝦刺身超甜呀! 下場終於成功去到位於Lebua State Tower頂樓的the Dome Sky Bar! 這兒是電影Hangover 2的拍攝場地呢, 除了那個dome外, 這兒看曼谷夜景實在超正! 360度視野極佳~ 風光比我想像中還要美呢! 大滿足!
Day 3最後一天也去了親民一點的Urban Retreat做spa, 抵做既~ 然後趕了去Nara吃是次唯一一餐泰國菜, 就去趕去機場了.....

是次travel完全不勞累又夠訓, 終於可以一洗長沙和沖繩trip的疲勞而且仲叉到電呢, 好relax好舒服好正! 最正係日日spa, 成個人滑左好多呢 >w< 呢d真係同女仔friend去旅行先做到~ 完全係我今次想要既野! 另外又食左好多正野呢, 又米芝蓮又海鮮~ 不過我們沒喝太多啦, kaka!
懷著等last day的心情, 每日番工都輕輕鬆鬆, 旅行回來也沒什麼後遺症 =p 2018年的我似乎有好多travel~ 不久的將來仲有2個trip等著我呢, kekee!
環遊世界 | Comments:0 | Trackbacks:0 | 2018/05/28(月)
地獄
開完場, 雖然唔係好忙, 雖然我亦唔係番左工好多日
不過番工好多時都好地獄, 因為真係唔知老細發咩神經係咁鬧人
明明自己指示不清又要diu我地, 真係每日都心力交碎
好彩我都就黎走, 都冇咩再care lu
放底了心中的石頭, 我既反叛細胞越來越勁
原來我都幾有正義感又會抱打不平~ 可能細個睇得卡通太多了 lol
生活點滴 | Comments:0 | Trackbacks:0 | 2018/05/24(木)
補祝母親節~
上星期母親節我們在沖繩,所以慶祝飯局在今天才吃~ 今次唔係食中餐,去咗outback食扒..... 娘家很快就要裝修了,好多野搞好麻煩,雖然我仲有好多野係娘家,但好彩唔使我執姐,呵呵!
打算帶家人到日本自由行, 2018年的我們終於乎似要成真的, 已經好多年無一家人去旅行, 好高興~

今次帶家人去食outback~ 仍然覺得它們的炸蘑菇好好吃!

補祝媽媽節~ Love u mom~
食店: Outback Steakhouse
地址: 大角咀海庭道18號奧海城二期G76-77號舖
節日慶祝 | Comments:0 | Trackbacks:0 | 2018/05/22(火)
7 Union Reunion @ HK
晚上約左老公d fd dinner, 主要因為2個冇去沖繩既人物野馬和Billy~ 本來在MK食雞煲但最後改去SSP, 最後都有成9個人出席wor~ 出席率都算唔錯啦, hahaha! 大家才一個星期沒見咋, hahaha! 咁快reunion都唔知想點, 呢班男人真係好痴纏..... hahaha!!
最後今晚在SSP吃雞煲+烤魚~ 9個人一雞一魚兩個鍋, 不能自我....... 仲叫左好多火鍋料, 原來蓮藕打邊爐係咁正架! yummy! 之後打邊爐都要點都要自己整呀! 正!
之日飲左唔少啤酒, 仲有champagne和白酒, 真係溝到呢.....成個人high曬~ 唔洗開瓶費真係好爽~ 大家在說著okinawa的趣事, 講是非. 講男女主角, 講politics, 真係好high..... haha! 最後真係飲左好多, 9 up左好多野.... 今天才星期天, 飲到咁大, 飲到咁high, 飲到咁艮, 唔知明天點上班呢 XD (我就唔理架喇, 我是resigned人士, hahaha)

雞煲+烤魚鍋~ 真心....... 大陸好食好多....

仲有好多鍋配料......

又beer, 又champagne, 又white wine!

才一個星期沒見咋, 呢班朋友真係好痴纏.....
食店: 味閣・特色餐廳
地址: 深水埗大埔道128號逸華軒地下A號舖
識飲識食 | Comments:0 | Trackbacks:0 | 2018/05/20(日)
Chit chat @ Butler Japanese Whisky Bar
X迷迷地過了幾天回復元氣, 呢2日終於好番D喇........ 晚上約左小透再去whisky bar吹下水, 主要都係繼續講公事, 講下佢公司某人有幾廢、我係長沙有幾無奈啦.... 仲有呢個月來的update, 主要都是舊公司的事啦 =p
今天星期五, 我們7pm到, 人多左好多呢, 已經差不多fullhouse了, 而且要9pm還枱..... 都係平日來好d, 好靜環境好正好arm吹水! 今日我地要坐在bar枱遠一點的位置呢....
先是一人一杯cocktail, 我要杯green的小透要杯blue的, 誰料她的那杯跟上次的幾乎一樣, 雖然味精是不同的, 哈! 我果杯就真係好綠好青, 不過真係好飲呢! 好驚喜哦! 而食物都係再encore了ham, 好正~ 今次pasta點了蜆肉意粉, 仲有鱈魚子乾伴碟, 好正wor! 呢度既食物款式雖然唔多, 不過卻做得很有心很好吃, 真的很欣賞呢!
最後我來多round cocktail, 想要杯red的strong d的, 這杯有梅酒的, 都是好吃呢~ 來這兒, 雖然每次吸取的酒精都不多, 但總能跟得過癮! 下之要再找個平日的晚上來~ 好正呢!

Here we come again!上次weekdays黎少人好多~

今次我話想要杯green的, 真係好green, 不過好飲wor~ 小透話要杯blue, 不過同上次果杯好似~ 哈哈!

今次點番個ham, 仲有個clams pasta, 真心好食, 有水準又有心! 正! 吃得滿足~

我再黎多round, 要杯紅d味道strong d~ 雖然隻杯唔係好令, 不過杯野加左梅酒, 都不錯呢~
食店: Butler
地址: 尖沙咀麼地道30號Mody House 5樓
識飲識食 | Comments:0 | Trackbacks:0 | 2018/05/18(金)
Back from Okinawa~

5月8日晚出完trip回港, 5月9上班一天, 5月10日我就和老公飛沖繩了~ 我真係支力到癲呀! 期待已久既4D3N沖繩之旅, 第一次16個人一齊去旅行, 好大班人, 有混亂, 好嘈, 每日都好眼訓, 每日都好醉, 簡直辛苦過番工呀....... hahaha! 不過咁多人一齊去旅行, 有男有女, 有大有細, 一齊見証著好友簽紙結婚, 真係好難得呀! 雖然除左食、飲、賭之外都冇做過d乜, but it such a good memory & experience~ 希望仲有下次啦~ kakaka! (大家已經up緊)

Day 1一行9人飛沖繩那霸, 在機場趕頭趕命咁買左12支champagne出發! 拿了車, 去了牧志公設魚市場吃刺身, 晚上匯合大伙兒在國際通吃燒肉! 之後長征回名護的bnb~ 大伙兒飲香檳慶祝, 之後仲玩魚蝦蟹和大細..... 才第一晚咋, 明天要超早起, 今日2點鐘左右就收檔, 明晚再戰!
Day 2 6am就起身, 7:30am由名護開車到那霸市役所睇李生李太簽紙, 第一次在外地睇人結婚, 雖然不是在教堂簽紙, 不過都好sweet呢! 恭喜! lunch去左食buffet, 大家眼訓到爆炸.... 之後大半班人去左潛水, 我地就去左10年冇見既萬座毛海中展望塔~ 今次仲搭到之前搭唔到既玻璃底船呢! 傍晚回名護行Aeon、吃燒肉..... 回到bnb, 成班麻甩佬係度吹波痴心decorate party房, 真係好有愛呀!! 晚上繼續飲和賭, 我戰到4am就回房訓了.... 斷片中.....
Day 3 訓到11點先醒, 頭好痛好宿醉.... 極速梳洗之後去左吃沖繩soba再食壽司, 然後就去沖縄美ら海水族館, 下午入場半好多呢, 哈! 今次再來終於可以行曬個水族館lu~ 晚上食居酒屋, 之後回bnb最後一戰, 繼續酒和賭, 我真係體力透支了, 明天一早又要一早起, 大家忍耐住, 凌晨2點多就散了.....
Day 4 不少人12點機一早就離開了, 雖然我6點幾機, 但9點多就出發回那霸.... 我地最後一架車的人仲執埋屋, 好慘! 回那霸, 在國際通lunch, 再行下, 再去行outlet, 都是時候去機場lu....

這4日3晚真係好支力, 日日宿醉又唔夠訓.....
我由長沙戰到沖繩, 連踩左十幾日了, 完全冇覺好訓, 支力死了! 回到HK, 我要好好休息才行! 雖然我很快又飛了, 哈!
環遊世界 | Comments:0 | Trackbacks:0 | 2018/05/13(日)
Grand Opening回顧
在這公司工作了4年, 等左4年, 我地個商場終於開了, 真係好好好開心好好好感動呀! 呢幾年真係學左好多野又做左好辛苦, 但見到我地個場有今日的盛況, 終於明白什麼叫做"幾辛苦都值得呀"!! 加上我就黎last day, 所以特別感觸呢!

仲記得2013年第一次出差長沙, 就曾經過這塊地, 見到公司和project的圍檔..... 就知道了這是公司的地!
誰料自己在2014年會加入了這公司, 第一次進場時也只是個大坑洞和地基...... 不斷帶客有地盤睇, 當年亂七八糟一片爛地, 入到去黑媽媽咩都睇唔到冇support, 到之後有安全屋換鞋, local有人手, 一日一日咁睇住個商場成形, 店舖成形, 真係感受良多!
回想這四年來, 見證著商場出租率逐漸上升、封頂、峻工、過消防驗收、商店交圖改圖、商店裝修、拆圍檔, 商場逐漸成形......
2018年5月7日我地商場盛大開幕, 我真係感動到流眼淚..... 5月7日太忙來不及整理思緒, 5月8日的早上, 睇番下面2011-18年d相、睇左好多報導, 我真係係酒店大哭一場, 好激動!!! 原來完成個project, 真係好似自己個BB出世既感覺, 超級感受, it is a very complicated feeling! 十年工作生涯入面第一次有咁嘅感覺....
非常慶幸可以見證這商場這幾年來的成長! 完成了它, 可一不可再, 無憾此生! I'm so proud of it and it is definitely one of my best memories in life!

2010年, 這年公司剛剛買地

2012年, 掘地.....

2013年, 開始見到地基..... 這一年, 我在舊公司第一次去長沙, 經過了這塊地!

2014年, 我剛進公司, 商場仲未成形, 都唔知自己點帶d客入場睇架, haha!

2015年.... 商場成形了!!!

2016年... 商場開始做精裝, 2支tower都高了很多!

2017年...... 商場終於竣工了!

2018年.... 每次見到d相都好激動呢!


這4年來, 我負責過幾十間店, 有luxury brand, 有fast fashion brand, 有普通retail, 有lifestyle, 有beauty, 有F&B....... 我是第一次做地產商, 由咩都唔識既officer, 做到今日都叫做哎呀manager, 真係經歷左好多野....
以前人既工淨係識retail, 仲要係international brands, 而家認識既野broad左好多..... 呢幾年, 由一開始同d客傾位置、傾租金、介紹長沙、介紹商場、傾合同條款、簽合同、追工程條件、追設計圖紙、改設計圖、夾樓梯扶梯電梯、報消防、交場、進場裝修、追defects, 一個客, 我地呢d account holder要一腳踢跟到尾, 真係唔容易而且好大壓力! 一個唔小心, d店就唔可以同步開業架喇!
呢份工真係比我好大自由度同埋好多發揮空間, 而且是我第一份可以講求team work既工, 以前工作路上一直都很孤獨呢.... 感激我遇見! 我會永遠記得你的好!

知名的fast fashion

beauty....

lifestyle concept store

luxury brand, 舊公司品牌~

仲有好多retail, 又包括另一舊公司 =p

仲有唔少F&B, 以前做retail咩都唔識....

仲有好多好多不能盡錄, 多謝各位!
海外工幹 | Comments:4 | Trackbacks:0 | 2018/05/08(火)
長沙出差之Grand Opening - Day 3
終於等到今天, 我地商場grand opening的日子了! 裝好身set好頭, 8:30am由酒店出發去商場~ 今天穿了很高的高根鞋, 腳痛死了!
opening ceremony在10:30am才開始, 第一批guest因為要跟政府官員握手, 所以9:30am就到了, 其中有幾個是我負責的, 場地很大, 行來行去真係好支力, 握手環節一片混亂, 等了很久政府人員都未到, 我跟客戶吹水吹了很久, 仲要係我舊公司的人, 好辛苦 -__-|||||
之後繼續接待其他客戶, 同d客影下相social下, 不斷打電話問d客係邊, 帶位行來行去真係好鬼支力, 不知不覺已經到了opening ceremony的時候了!

opening ceremony的reception時間.....

成日都沒有跟teammates在這個大backdrop拍照, 只是跟客戶一起拍了這張而已, 好可惜!

早上還未有guests的時候~


今早天陰陰又有少少雨, 一開始時我地都要開傘, 好彩天公造美, D guests來時已經沒雨了, 而且天仲越來越光, outdoor event沒下雨, 真係好好好好彩呀! thanks god! 我們的活動引了超多人圍觀, 很多人都在核心外圍..... 後期公安check得很嚴, 要帶沒帶invitation的guest入場真係好難呢....
opening ceremony很快就開始了, 我地可以sip位坐, 仲坐丁台側的第一排, 真係好好彩呢 >w< ceremony先由celine tam唱歌, 雖然唔鍾意佢, 不過無可否認佢係唱得幾好, opening很有氣勢! 之後就是MC說話、播片、政府致辭、高層致辭、舞獅等.... 成個ceremony其實好簡單, 但係睇住d片, 聽著高層講d standard野, 我都有心頭一熱覺得好感動! 畢竟我也等了4年, 我們的心血終於面世了, 好開心好感動呢!

一開始先是唱歌....

睇片~ KAWS sculpture installation

睇片~ 愛長沙各方面!

睇片~ MC宣佈我地商場盛大開幕了!

致辭.....

offical photo - grand opening!!

D醒獅超令呀~ 好colorful~ 是在HK邀過去的~ (最出名果間)

這層和政府~ 還有kaws本人~ 我們的opening真係吸引左好多人圍觀, 有多少人是在核心外圍呢!


ceremony完左, 我們就陪d客戶行下個mall, 介紹下個商場, 主要都係行L1啦, 我地個場真係好大, 兜左好耐好耐呢....
之後放低D客, 終於可以有個中場休息喇! 和同事去了商場內一家米芝蓮一星的餐廳食lunch, 這兒最有名的就是燒鵝, 另外鵝肝都好好吃~ 我地終於可以係自己個商場食飯喇, 以後係長沙出差唔洗周圍走搵野食呢 (雖然我都冇乜幾次lu.....)

這是米芝蓮一星的店, 最有名的是燒鵝~ 不錯哦~

仲有鵝肝都好好吃呢!
食店: 鵝夫人
地址: 長沙解放西路270號長沙國金中心商場4樓L403-L404號


趁有d空檔, 我都去左自己負責d店度睇下, 由幾年前到佢地傾租金、合同, 到之後仲要跟埋design圖紙, 追裝修, 真係一步步睇住d店出世, 真心, 好感動! 我尤其喜歡這家生活概念店, 入面乜都有, 好多家品, like! 我都有入去消費, 給力一下自己的客戶架 =p

我好開心做到呢間店, 是商場的其中一個主力店呢!

今日我仲有一個task, 就係要幫舊公司約我老細見個面, 我想講D人真係好麻煩, 我真心好無奈.... 唉....
之後去左L7, 成條team影相, 仲有舊同事T, 今日大家都忙, 影到張full team合照真係好難得.... 我地係ace team呀! proud to be part of it!

成team人終於有影相既時候, 上左L7影sculpture~ 好開心影到那4人的合照.... 曾經有幾個月, 成條team得番我地4個撐住咋!

our Leasing Team~ ACE Team!!!


影完相, hea下, 我主要都係去自己的店睇下啦~ 記得我有間去過幾次的whiskey bar嗎? 它也開在了我們的商場, 我今天當然要去拜訪下啦~ 仲見到其他客人在店內.... 我今日蛇左入日好幾次呀, haha! 每次都有飲番杯whiskey, 當然有人請我啦~ kekee!

這家whiskey bar是我的客戶.... 之前常常去它們店呃酒飲!

好多酒, 好吸引呢!!! 店內唯一一家whisky bar, 我負責呢, haha!!

我今天在這兒蛇了3次, 共飲了3 round whisky呢, 個人都high high地, 好爽~ kakaka!!
食店: 壹零伍單一麥芽威士忌俱樂部
地址: 長沙解放西路270號長沙國金中心商場7樓709號


之後3pm有拜神環節, 又係係HK請左師傅去, 呢D野真係HK企業先有呢, kaka! 拜神在L1地面進行, 都是有很多途人圍觀呢, 汗! 我地team都有份去拜一拜上番柱香呢....
然後入左private room切乳豬, 主席再講下野多謝大家, 話大家真係辛苦喇, 我真係又心頭熱了一下, 呢幾年都真係辛苦了呢 T^T 之後我地自己同事係度影下相自娛啦~

切乳豬~ 拜神.... 我地都有去上香~

入private room食乳豬~ 主席多謝大家~

我地影下相自娛~

with工程部的香港同事s


之後繼續行下場, 去office休息下, 好快就來到晚上了.... 晚上在商場L3仲有一場gala party, 我地都係負責招呼客人啦, 不斷上上落落接客戶出出來來L1和L3, 支力死了.... 都係同d客吹水啦, 諗住晚上既event可以輕鬆d, 所以都飲左唔少sparkling, 打算relax一下嘛....
今晚的活動是有明星JJ林俊杰的, 現場真係超多人! 一開始收到消息說因為人太多, 公安要取消活動, 但都是假的, 目的是想散番d人..... 但之後竟然真的被公安要求cancel呢, 仲叫d人快d散, 現場一片混亂.... 冇表現睇事小, 問題係我地要安撫d貴客呀..... 個個客都問我地而家點, 我都唔知架...... =__=|||||

來到晚上的gala party了~

同D客係backdrop前影下相咁.....

時間尚早, 場內沒什麼人.....

reception時飲左好多sparkling~ kakaka!


之後現場情況一片混亂, 有消息叫我地揀d大客上L7, 好不容易上到去, 又話要去L1個private room, 知唔知情況有幾混亂, 仲有好多其他dept既同事問我地點, 我鬼知wor...... 由L7落番L1都唔易, 冇lift搭呀! 最後好彩同事A搭觀光lift來解救我, 順便帶埋幾個高層落樓....
終於來到private room, 不斷同客吹水say sorry, d客仲安慰我們"this is China", 真係唔好意思 >.< 乾聊了很久, 老細們終於到了, 同番d大客chit chat, 場面先好番d.... 之後成班高層和客戶坐曬係地下, 呢個情況真係太詭異了, 說是causal gathering wor.... 汗! 不管了, 我們只要把自己灌醉就好了..... 而我, 仲比waiter成杯紅酒倒頭淋呀!!!! 真係超無奈.....
今日仲有件得意事, 我係會場見到未來的老細, 仲同左佢吹水tim, hahaha! 呢個圈子真係好細ga jar! 唔好得罪人哦 =p

最後入左個private room....

成同大客戶一齊坐在地上 =__=|||||

呢個場景真係發夢都估唔到.....

我仲比waiter成杯紅酒倒頭淋呀!!!! 超無奈......


10點幾, 終於散~ 我仲陪未來老細等車 XD 之後同左唔少其他dept同事講我resign lu~ 成個人鬆曬....
下場本來去唱K, 之後改去食宵夜, 都好, 我地成晚冇食過野呢..... 好累, 今晚講左唔少野, 大家以後小心啦~ 回到酒店已經1am很晚了, 超累呢!

陪人呼吸~

宵夜時間, 食串燒~

成晚冇食過飯......
海外工幹 | Comments:0 | Trackbacks:0 | 2018/05/07(月)
長沙出差之Grand Opening - Day 2
今日可以訓晏d, 主要都係rehearsal啦~ 上午都冇咩野做係酒店hea好爽, kekee!
同事約左"文和友老長沙龍蝦館"的老闆, 我們一行成十人去左參觀人地既新店, 這個brand是長沙local品牌, 做得很好的呢, 很人有氣, 我之前都吃過它的分店, 吃小龍蝦~ 不過今天來的這店是新開的, 是在座old building內的~ 保留了原結構, 但內面是全新打造的"老長沙"面貌呢!
成個餐廳勁大, 環境超正! 我覺得好似transformer (HK場景)/ 72家租客既場景呀~ 超級正呢!! 室內的懷舊建築, 你好難想像到這是室內的吧! 我地好似去左個主題樂園咁呢! 真係應該收入場費呢~ haha! 一家餐廳都如此有心思, 又如此有錢投資, 真心好厲害! 其實香港真的太細了, 好多野都多commercial, 我明, 國內真係有好多機會, 好多新事物令人大開眼界呢! 樓上仲有幾間房, 是會出租的呢, 當bnb咁, 真係好鬼有創意呀! kaka!
本來餐廳是晚上才開的, 不過我地識人地個老闆, 所以有特別待遇, kaka! 好似包場咁, 好爽!

文和友老長沙龍蝦館~ 正呀!

好懷舊feel~~~ 有舊遊戲機、維他奶箱.....

很有72家租客的場景吧!

真係成個電影場景咁, 好lar正呀!!!

室內的懷舊建築, 你好難想像到這是室內的吧!

呢條樓梯好正! 後面有個棚架是真有用的, 不過完全沒有違和感口吧!

成個廠景, 我覺得要比入場費先入得黎lor!


我地好似去左個主題樂園咁呢! 勁影相!

其中一間房既露台~

Hi~ 對面的鄰居, 你們好嗎?

仲有按摩房、電影放映、理髮店都有, 好強呀!

我們入了這"餐館"lunch~ 這是餐廳最大的一個包廂~


我地入左間很大的包廂lunch~ 計埋客有成廿人, 張枱超大張! 真係係大陸先會見到咁大張枱, haha! 我們隔著non同事一起坐, 剛好我和K & T一起坐~ arm曬啦, 而且T唔係我地同事, hahaha! 我地三個人共聚在長沙, 做同事時已經機會唔多, 今次好可能係最後一次lu....
呢度主打食小龍蝦, 勁多款式呀! 好食~ 仲有唔少菜, 黃鱔、豬油伴飯、辣椒炒肉、藕帶......比我之前來的更好吃! 果然有老闆招待係唔同d! 大家都係80後, d大陸人真係好好好有錢呀! 我地仲飲左唔少紅酒, 正呀! 飲到high high地, kaka!

超多款小龍蝦呀! 好正!

之前都吃過一次文和友, 今日食既好食好多~ 有人帶路果然唔同D~

有成10款小龍蝦, 有d兜左殼架, 好方便!

仲有好多green好多蔬菜類既涼菜~ 好好食架! 大陸就係多呢D~

好開心可以再係長沙和你們二人集合! 應該是最後一次了吧?

呢幾日係長沙食得最開心既一餐!
食店: 文和友老長沙龍蝦館
地址: 長沙湘江中路2段海信廣場外區1L


之後下午就要回商場了~ 個場睇落真係好ready呀! 我地上左L7同老細影相, 影什麼? 當然是要與我們商場的吉祥物KAWS影相啦, 之前一直唔比人內進的呢, keke!! 終於見到灰色的companian和藍色的BFF了, kekee! 聽講呢2隻野係潮物, 雖然我之前真係唔係好識, 只係見過但唔知係咩, kaka!

KAWS - Seeing/ Watching sculpture~ 終於影到相喇!

要在sculpture前影下相~

大合照是常識吧~

這是KAWS的pop up store~


明天就是grand opening了~ 我們明天都有崗位on duty架, 主要都係招待客人啦~ 分上午和晚上2部分~ 下午3點我們先聽mkt做的briefing, rehearsal下, 諗起聽日要企成日都覺得累呀 >w<
之後我們去了明早ceremony的backdrop前拍照~ 見到d backdrop真係好興奮呀! 我們在BG前拍照, 叫曬口號, 好正! 各位, good show tomorrow啊!!!

我地搭緊飛天扶梯落L1~

明早opening ceremony的backdrop

叫曬口號~ good show tomorrow!

明天沒機會, 今天要先在backdrop前拍照, kekee!

我們team和國內同事們~


之後再行左陣商場, 再去office休息下, 好快就晚上了..... 晚上仲有另一場rehearsal, 所以要快食dinner~ 我們去了商場附近, 之前都去過的潮汕牛肉火鍋~ 8個人打邊爐..... 以為早d黎會有多d牛既部位啦, 好可惜仍然試不到什麼五花趾、三花趾呢 >.< 幸好其他牛肉仍保持著水準, 胸口撈、匙柄等都好吃! 今次仲吃得多左D手打牛丸牛筋丸, 真係好好食架!
無啦啦俾人屈請食飯, 話我係在座最高級wor =__=|||| 車, 請咪請lor, 我係經理呀, so what~ 哼哼哼! 800幾人仔, 抵請啦!

潮汕牛肉火鍋

d牛的確好正好濃牛味呢!
食店: 汕頭八合里海記牛肉店
地址: 長沙解放西路城市經典附樓VDVC商場四樓


8:30pm回商場rehearsal聽briefing, 今次是晚上gala party的部分~ 晚上簡單好多, 我地都係帶客接客啦, 最主要其實係同客吹水, haha!
商場L3的場地已經set好了, 感覺都幾正呢~ d lighting好勁~ 好有feel, 希望我們明晚都能party~ haha! 明晚這兒有酒水供應架 >w<
明天要努力接待客戶一整天, 要早點回酒店休息~ 期待了4年, 只待明天! 希望一切順利, 天公造美! good show tomorrow!!!!

L3明晚gala party的stage

明天會有JJ上台~

以防明天沒機會, 今晚先跟同事們拍照~

自己都要影番張獨照呢~

晚上的商場!

等了4年, 只待明天! good show tomorrow!!!!
海外工幹 | Comments:0 | Trackbacks:0 | 2018/05/06(日)