FC2ブログ
Daisypath Anniversary tickers
我的快樂生日*Round 15*Aberdeen buddies
來到4月的尾聲, 我也要迎來我2018年最後一餐生日飯了, 今晚約左Aberdeen之友, 慶祝我和yiu的生日~ 今日都係食日本菜啦, 我近來的最愛呀! 6點開始食, 人不多, 可以慢慢坐慢慢食真好!
今晚最開心既, 係grace都出現了呢! 失蹤了大半年, 終於再見到她了, haha! 說是之前太忙了 (雖說佢平時都有應機既)~ 咁耐冇見, update番下先啦~ kaka! 難得的6人聚會, 可惜Ariel要湊B、可惜Bill已失聯2年..... 唔知我地aberdeen之友幾時先所以再齊人呢? 還會有這一天嗎?
我地開左支720的sake小酌下, 去居酒屋最arm了~ d野幾好食, 份量都算大, 不算貴, 有驚喜呢! 真不錯~ 我都好想同fd去日本、去居酒屋食野、小酌下呀!

燒明太子, 燒牛扒, 銀鱈魚西京燒, 韮菜炒豬肝, 吉列蠔, 牛油果軟殼蟹卷

親子丼, 汁燒魷魚筒, 紅魚立一夜干, 雞軟骨, 牛舌, 咖哩豬扒飯

上善如水, 小酌一下~


是晚說了很多漫畫和運動的話題, 足球小將、四驅兄弟 、高達, Ken真係專家, haha! 無啦啦之後講到日本馬拉松, 我真係打左個突, 笑到嘖水, hahahaha!!! anyway, 我會加油的了 XD
2018年最後一個生日蛋糕, 是老公在Tony Wong買的玫瑰花蛋糕, 好令~ 我都係第一次食咋~ cake的味道很不錯呢~ 今天收到了不少cake都是跟玫瑰和花有關的~ haha! 大概我就是這個feel? =p 2018年的生日慶祝終於告一段落, 由3月中食到4月尾, 食足15餐! 進入5月, 我會好好努力去減肥的! 加油 (雖然我有好多旅行去! 盡做啦!)

2018年最後一個生日蛋糕

我今年有很多玫瑰cake呢! haha!

Happy Birthday to Yiu too!

jacky, grace, karen, yiu, ben, ken~ thanks guys!
食店: 花月居酒屋
地址: 尖沙咀尖東加連威老道96號希爾頓大廈1樓2A號舖
節日慶祝 | Comments:0 | Trackbacks:0 | 2018/04/28(土)
遞信
同老細講左resign 2個幾星期, 今天終於遞信了
雖然信的日子不是今天
但因為老細下星期就飛, 所以趁著今天先交給她吧
已經2個多星期, 縱有更多的不捨也, 大家都消化了吧!
大家真誠以對, 大家都好過.....
遞了信, 跟同事們說了, 所有事情都準備好了
好像鬆了一口氣似的
而且辭職了, 感覺可以hea唔洗再煩d麻煩和不公既野
都幾開心和relax!
覺得自己在一個最好的timing辭職
再次感到上天的眷顧....
還有兩個月才last day
擁抱現在, 享受此刻, 展望明天!
生活點滴 | Comments:0 | Trackbacks:0 | 2018/04/27(金)
Byebye同事W
在我們team工作了3年的同事W今天last day了, 想不到她等不及我們grand opening就要走呢, 這是最surprise最遺憾的地方....
臨走當然要拍照啦, 大家都一起在reception拍照, 拍的都是些攪笑的照片 =p

大家一起byebye同事W!

我們平時叫同事W做娘娘, 所以我地班女同事要扮千手觀音 XD

成班傻仔!


之後晚上大伙兒比較要好的同事一起和W打邊爐farewell, 有成11個人架! 當然farewell果位同事請啦~ 開左間房, 勁正! 大家好high, 點左勁多好野, 除左一般果d令肥牛, 仲有好少食既貴價野 - 鱆紅魚刺身 (600幾蚊), 象拔蚌刺身 (1200蚊), 好鬼正好得豪呀! d貴野各自有同事埋單, 我就買左2支champagne黎助慶, 都成800蚊架, kaka! 仲開左左3打啤酒, 其中一打又有人包底, kaka! 呢餐埋單成8000幾蚊呀, 真係好少見, haha!
是晚吃得好高興, 大家都好high~ 今天才星期工, 大家都已經飲醉曬, 仲成點幾鐘先閃人..... 聽日唔知點番工, 太為可以脫苦海的同事感到高興了, haha!
而我, 也趁這個機會告訴大家我會resign.... 十幾個同事, 可以令我繼續做自己, 講野好freely, 真係好難得! 我永遠都會記得這時這刻有這樣的teammates! i'm NEXT! haha!

好吸引呀d食物! d牛肉超正!

仲有唔少好野食, 蟶子、桶蠔

鱆紅魚刺身, 象拔蚌刺身, 好正呀! 好豪呀!

11個人開左3個爐! 勁多野食, 勁大張枱, 好正好豐富!

cheers! 祝W前程錦繡!

齊人大合照~ 11個人呢~

成班high曬~ hahaha!! byebye同事W! all the best!


飲到凌晨點幾先散band, 我hangover了.....
食店: 禾牛薈火煱館
地址: 尖沙咀金馬倫道48號中國保險大廈1樓及2樓
識飲識食 | Comments:0 | Trackbacks:0 | 2018/04/25(水)
我的快樂生日*Round 14*Afternoon Tea with my 8th April Twins
食到第14餐生日飯, 終於同到我既twins, 同年同月同日生既Shirley喇, 哈哈! 約埋Carman 3個人, 當然又是人妻們的afternoon tea時間啦~ kekee! 今次我地冇去酒店, 去左cwb的"紫", 間野叫"紫", 有好多purple lover都喜歡的呢~ 而凡我都想試好耐架喇, 雖然我係想試dinner既set menu多d~ keke!! 這是日式的fushion菜, 上網見d食物display得很漂亮呢~ 而afternoon tea都係好令架, 除左一盤咸點之外, 仲有個樹型的金色tea stand, 放上色彩繽紛的甜點~ 幾特別又令架! d咸點幾好食呢, 都有surprise, 甜點份量不算多, d咸點幾好食, 個tea setting幾令, 而且餐廳環境都很寬敞, 真不錯! 而且價錢來說幾抵食呢~ 去tea真係唔一定要去酒店哦~

紫Dining at Murasaki

our afternoon set for 3~

這個樹型的金色tea stand好令呢~ 幾特別!

她們飲果茶, 我就點了杯紫色的cocktail~

d咸點幾好食, 有mini魚生飯.....

仲有tiramisu, 上面的生日牌~ kekee! thank you for carman's arrangement~


轉眼shirley又懷了第二胎, 真係很替她高興呢~ 我可以再做契媽嗎? 哈哈哈! 她實在是太幸運了, 人生勝利組的代表! haha! 懐第2胎, 一切都駕輕就熟似的, 沒有第一胎時那麼生手 =p 說著生B和旅行的話題, 因為要轉工, 我的生B計劃大概又要延遲了.... 希望你地個B第時唔好蝦我果個, hahaha!!!
Happy birthday to my twins~ 好姊妹能同年同月同日生是件多麼有緣分的事呢.... 今日多謝carman請客呀, 一個請兩個, 辛苦曬 XD

karen, carman & shirley~

Happy Birthday to my 8th April twins!

又一年再次一起慶祝了~ 恭喜曬mom-to-be!

這已經是我第14個生日飯了~ kaka!
食店: 紫Dining at Murasaki
地址: 銅鑼灣告士打道255號信和廣場UG樓8號舖
節日慶祝 | Comments:0 | Trackbacks:0 | 2018/04/21(土)
簽約
早上去了新公司簽合同, 一切塵埃落定了
諗番轉工過程, 還是來得挺突然的
但要有動力量在推動我
未來仍然有很多未知之數, 希望我這次踏出的是好的一步
仲有2個多月才番新工, 真係覺得自己好串, haha!
如今還欠正式遞resign letter
大家應該也做好心理準備了吧, 起碼, 我已是.....
生活點滴 | Comments:0 | Trackbacks:0 | 2018/04/20(金)
Butler Japanese Whisky Bar
話說上星期我知道了舊公司的變動, 當日就立即告訴小透啦 (雖然我被下令要keep secret, 真係好無奈好無聊, 我都唔知關我咩事, 我都唔知點解舊高層仲要控制我 -__-||||)..... 其實都冇乜野太surprise, 唯一surprise既野都只係一下lor..... 不過你又點會估到, 舊公司既人都仲未知既野, 我呢個外人竟然會知先收到風呢, 汗! 呢個世界真係好得意.....

這個星期都和小透在分析狀況, 今晚約左出黎drink some drinks..... 主要都係講工作啦, 工作佔據人生那麼多的時間, 怎會沒煩惱呢.... 舊公司的人和事..... 畢竟有變動, 對不少人都會有影響, 而內部影響又是未知的, 消息又未announce, 這個階段最痛苦了吧! 都不知道要等待多久呢.... 想不到當年介紹她進公司, 我都走了5年, 她還在呢, 還要承受我5年也不會多幻想的一個局面! 哈!
我們去了間日本Whisky bar "Butler"摸杯底談心, 間bar係個fd介紹話好正, 已經放了在我的must go list好一陣子了 =p 酒吧不大, 只有20個座位左右, 設計以木為主, 沒有音樂, 很靜, 坐bar枱好正! 可以睇bartender調酒, 有d仲係日本人黎架~ 這兒的環境, 令我想起漫畫"ご近所物語"中阿德的酒吧呢, haha! 不過小透說冇咩印象 =p
我們早到, 包了場似的, 8點幾先開始多人~ 除了環境好, 這兒的cocktail都好正呢, 又令又好飲! 我們都沒看menu, 只跟bartender說想要的顏色、味道、杯..... 就等著酒精上桌了~ 我們都來了2 round, 玫瑰花的、紫色有月亮橙皮的Luna、有骷髏骨頭顱紅冰的、有方形高腳杯的....... 全部都好令, 好有驚喜! bartender好有heart~ 我們都勁影相唔捨得飲, haha! 這兒真心是個地方, 鬧市中的一顆hidden gem, 好正呀! 連d食物都好食, 雖然款式不多, 不過還是很有quality呢~
好似好久都沒二人好好談心, 哈! 其實都冇咩update, 係講多左好多深入d既野啦 =p 希望一切都會有個好的新開始! 希望半年後去得成旅行~ 哈哈!

Butler Japanese Whisky Bar

好鍾意見到個酒櫃!!

一開始唔明咩叫日式whiskey bar, 之後睇見d擺設就真係有feel~

的骰的環境, 令我想起漫畫”ご近所物語”中阿德的酒吧, kaka!

1st round, 我的玫瑰和小透紫色的cocktail, 我話小透果杯好似sailormoon中的露娜 =p

食物都唔錯, 只點了50g的ham和明太子pasta, 都好吃呢! 有quality有驚喜~

2nd round, 我的是rapsberry做base的, 個骷髏頭冰好正呀~ 小透的是橙黃色的柚子生姜, 隻方形高腳杯是她自己挑的~

今日主打講工作 =p
食店: Butler
地址: 尖沙咀麼地道30號Mody House 5樓
識飲識食 | Comments:0 | Trackbacks:0 | 2018/04/19(木)
我的快樂生日*Round 13*Sally & Loretta
今日開會開到差不多成7pm呀, 我明明約左人7pm係elements食生日飯架嘛..... 好彩好快有車, 好彩公司好近, 我都唔係遲好多咋.....
晚上約左Sally Kwan和Loretta, 都係去食西餐啦, 用eatigo有discount, 真係幾抵架~ 3個人點左5個course, 飽到上心口呀! 這麼多年來, 我們都去過elements civic square好幾家餐廳呢, 不少都已結業了 =p elements對我們來說都很方便, 是我們的地鐵沿線范圍啦~ (不過loretta婚後搬了呢lol)

好重份量既seafood tower, 有蠔, 龍蝦, 蝦, 青口, 煙三文魚, 吞拿魚

Crab cake, rib eye, seafood jambalaya, salad


說著bkk的事情, 都係跟前年一樣, 主打吃、飲、spa! girl's trip實在太愉快了, 仲有朋友陪你飲飲食食和享受人生, kekee! 去旅行唔洗用腦真係好開心~ 希望快d過埋個5月初個opening, 好快我就可以甩身架喇, 加油!
在生日後的第9天, 仲有生日蛋糕食~ 心太軟好rich幾好食呢~ 每年也一樣, 我d生日飯會食到月尾架, kakaka! happy birthday to me again~ thank you girls =)

Happy birthday to me~ kekee~

sally kwan, karen & loretta
食店: Grand Central Bar & Grill
地址: 尖沙咀柯士甸道西1號圓方(Elements)3樓平台R001號舖
節日慶祝 | Comments:0 | Trackbacks:0 | 2018/04/17(火)
去邊好呢?
轉眼又到4月中了, 2018年已悄悄地過了1/4
每年都過得沒什麼特別
今年要轉工已是近年的變化了吧....
忙裡貪閒, 我仍然要喜歡plan吃喝玩樂了, 人生先有野可以期待的嘛
雖然今年上半年已plan了3個旅行, 但都是short trip沒什麼特別
還是時候plan下年尾, 明年初的3rd wedding anniversary去邊好
今年冇打算去歐洲, (well, 其實1月先去完, haha!) 歐洲我都係鍾意summer去
老公有up過斐濟, 斯里蘭卡, 他就是喜歡developing country, 哈!
我嘛, 就想去Tasmania和New Zealand啦~
不過唔知最後會唔會揀左Guam、Maldives呢, haha!
生活點滴 | Comments:0 | Trackbacks:0 | 2018/04/15(日)
長沙出差 - Day 2
lunch同客食飯, 去左食私房菜, 吃的都是湘菜啦, 不算太特別~ 特別的是食飯的地方, 是個住宅, 景觀超好呢, 可以看到湘江和橘子洲上的少年毛主席頭 =P 幾好feel架~ 仲有令紅酒飲, 不過昨晚喝多了, 也不想再多喝了, haha!

景色很好, 看到湘江和橘子洲上的少年毛主席頭像 =p

都是吃湘菜啦~


7點幾機, 沒有delay, 好彩.... 跟其中一位高層同機同車同機, 談了很多~ 哈!
9點幾回到HK, 好累.... 唔知今個4月仲飛唔飛多次長沙好呢!?
海外工幹 | Comments:0 | Trackbacks:0 | 2018/04/13(金)
長沙出差 - Day 1
成個月冇出過trip, 今天又來到長沙了.... 一下機就去同個客食飯, 這家餐廳我應該有吃過6, 7次了.... 雖然是lunch, 雖然是2個人, 不過都點了一大隻阿拉斯加長腳蟹, 有夠奢侈的呢....
這個客人算是我手上的其中一個大客戶, 認識也有3年多了吧.... 幸好這個case也一切順利呢~

2個人, 竟然都無啦啦點左隻長腳蟹, 有夠奢侈的....
食店: 徐記海鮮
地址: 長沙湘江中路二段208號歐陸經典1樓


lunch完要趕番公司開會, 等左15分鐘都等唔到的士, 因為再唔行我就會遲到了, 所以我唯有搭摩托車! 自從係越南炒車之後, 我明明話過唔再坐電單車架! 唉, 好彩無事!
出差第一次搭這種摩托車, 我簡直搵命搏! 雖然只有幾分鐘的車程, 不過還是覺得自己好慘呢 >.<
一個月沒來過工地, 外觀已七七八八了呢! 仲有唔夠一個月就grand opening了, 等左4年都係為呢一刻, 加油呀!

出差第一次搭這種摩托車, 我簡直搵命搏!

in less than 4 weeks! 加油呀!


晚上和同事吃麻辣鍋, 我們team 4個加2個local的香港工程同事~ 我們其中1個同事還有一星期左右就last day了, 而工程部也有同事快要走了... 這餐也算是我們的farewell飯吧~ 麻辣鍋真係好好食, 牛肉, 牛舌, 鴨腸和鴨血都好好食! 而鴨血更是我的最愛呢! 係HK食唔到呀! 吸曬D辣湯真係好正~
大家說著結婚和大陸女朋友的話題, 果然, 男人和女人的話題真係完全唔同呢~ kaka! 男人會同女人講既野, 通常都好少同自己班兄弟講, 我明, 我真係明, haha!

來長沙晚飯, 人多一定首選吃麻辣鍋!

我都係最鍾意食牛肉, 牛舌, 鴨腸和鴨血!
食店: 味蜀吾老火鍋
地址: 長沙五一大道689號景江東方大厦二樓


之後和一位同事去了whiskey bar下場, 這家whiskey bar其實是我的客人, 我已經來過好幾次了~ 我要過來打個招呼, 要他們在opening當日關照下我們呢 XD mission completed~ 多謝個工程同事陪我過來 =p
結果坐在2個鐘, 12點幾先走人, 飲左成5, 6杯whiskey, 我都係第一次飲十幾年的"山崎"和"響"咋 >w< 我平時會點scottish whiskey多一些~ 賺到了~ 好開心~ 反而我個男的工程同事飲左2杯cocktails呢, haha!

又來這個whiskey bar~ 期待它們的新店開幕, kekee!

我飲了6杯whiskey啊, 冇事~ cocktails反而是個男同事飲的呢, haha!
食店: 壹零伍單一麥芽威士忌俱樂部
地址: 長沙芙蓉中路摩天一號大厦1樓
海外工幹 | Comments:0 | Trackbacks:0 | 2018/04/12(木)