FC2ブログ
Daisypath Anniversary tickers
我的快樂生日*Round 4*Rosians
近年好鍾意浜燒~ 好arm最愛海鮮的我~ 今晚就約左Rosians去秋田食浜燒~ 明明約7:30pm, 我遲左5分鐘, 已經係第一個到, 有3個人仲遲左半個鐘, 我真係好無奈.....
人齊, 終於點得野食喇, 點了唔少燒海鮮, 蠔、蜆、帶子、鮑魚、甲羅燒..... 仲點了唔少串燒, 食物比昨天的好吃呢 =p d海鮮真係好好食, 不過d野真係燒得好慢, 汗! 店內最特別係這店有promotion, 每枱可以玩"一手赤蝦"的活動, 免費送蝦! 我地當然派我出馬啦, 我一手抓了7大隻蝦哦..... 算是不錯的收穫吧! 5隻用來燒, 2隻用來刺身~ yummy!

一手抓蝦活動, 免費架! 我抓到7隻呢~ 5隻燒, 2隻刺身~

燒魷魚, 海鮮炒飯, 串燒s,


海鮮浜燒, 慢慢燒, 好鬼正呢!


燒蠔、蜆、北寄貝、帶子、鮑魚、雞泡魚干、甲羅燒、松葉蟹


說了很多關於工作的話題, 最唔想講的應該是做HR的Ida, 因為佢話好似番工咁, haha! 不過不得否則, linkedin呢樣野真係好好, 好多工都會自己游埋你呢 =p add親的人都是agent~ haha!
今年的生日蛋糕是個玫瑰花蛋糕, 好令呀!有驚喜呢! a Rosery cake from my Rosians! 真係好arm呀~ haha! 不過那些玫瑰花都是糖膠, 好難食呀, haha! 係根本上入唔到口, 好彩個cake本來都好吃姐 =p 大家知道我, 對蛋糕的要求就只有一個, 就是漂亮 =P thanks girls~

嘩, 今年個bday cake好令, 好rosery哦!!!

Happy Birthday to me~

多謝大家今年有心思地挑個特別的蛋糕給我 =P

Ida, Sally, Tammy, Karen & Janet~
食店: 秋田浜燒食堂
地址: 尖沙咀天文臺圍8號地下
節日慶祝 | Comments:0 | Trackbacks:0 | 2018/03/31(土)
我的快樂生日*Round 3*Ingrid & Eva Poon
開始放Easter假了, 老公出發跟公司去大阪4日, 真係好羨慕呀! 免費旅行, 但令我最妒忌的是可以睇櫻花呢, 我都想再睇櫻花好多年了, 說著說著, 已經8年沒看過櫻花了..... 明年有機會嗎?

Easter假期, 我還是一如以往的約朋友吃生日飯~ 所以老公去左旅行其實都幾好架, 唔洗理佢, haha! 今晚約左ingrid和eva poon, 又見到eva poon了~ 哈哈! 琴晚真係飲得有d醉呢 >.<
今年生日, 約左好多還日本野, 今天也是其一, 因為近年覺得食西餐食到有d悶呢~ 去了cwb的喬屋, 是家居酒屋, 人不多, 可以慢慢坐~ 點了不少燒肉, 不過食物我覺得一般, 沒什麼驚喜, 燒得又唔夠香.... 最好吃的反而是刺身, 那年toro好正哦, 好厚身, 入口即溶呢 >w<

幾日feel的日本居酒屋.....

有草莓酒, 芝士年糕, 牛舌

刺身併盤, 浦燒鰻魚


燒茄子, 雞軟骨, 燒鱔, 雞腎, 牛肉鍋, 明太子雞翼, 燒冬菇


吃著日本菜, 自然不其然地說起我們的日本之旅, 真係要快d落實才可以呢.... 真係太懶惰呢.... 已經有一年多沒去過日本了, 還是很期待呢~
說著說著, 我的生日蛋糕也來了, 嘩, 3個人來說超大個呢, haha! 那是上枱時我的第一個感覺 XD 生日牌還是寫Wu Zong的呢, haha! 你們真的太攪笑了 XD
今年可能有不少變化, 為求安心, 我有好好許願呢 =p 感謝這2位大學同學這十年來都在我身邊! Thank you so much >w<

Happy Birthday to me~ 好大個生日蛋糕呀~ haha!



thank you eva poon & ingrid~
食店: 喬屋
地址: 銅鑼灣登龍街28號永光中心6樓
節日慶祝 | Comments:0 | Trackbacks:0 | 2018/03/30(金)
準備放Easter~
明天放Easter了, 完全冇心工作.... agent找我了, 我開的價錢, 她又爭取到, 而且bonus應該也比昨天所知道的好, 那公司應該都幾有誠意, 加上最新消息, 原來那邊同時都請到另一個AM, 我是真心開心的, 因為可以share d worklord & travel嘛, 聽說那candidate沒我那麼experienced, package又冇我咁好.... 所有interview既事我都是即時跟同事K update的 (我地連人工都講埋lu), 他說咁咪好lor, 我可以蝦人地 XD
目前仍需等正式的offer, easter後吧...... 心意已定! 仲有漫漫長路要走呢~ 多謝各位支持! 其實得閒見下工都幾好, 唔見唔知自己做得好, 唔知自己咁有價值.... lol

定好了心思, 趁著easter假期前, 真係好需要alcohol relax一下! 本來約左eva poon Happy hour, 不過最後都係當dinner咁食, 當然都飲左唔少酒啦..... 1杯cocktail之後5, 6杯白酒.... 呼.... 說著工作的事, 說了, 更肯定自己, 加油呀! 我地好似好少2人dinner, 今次有機會可以在酒精幫助下聊多好多野, kaka! c u again tmr =p
坐到12點幾1點, 同fd係度whatsapp, 亂up下野, 咁就多左個契女喇, 我連金鏈都有在手, haha!

呢幾日好需要酒精呀!

點左勁多野食

多謝eva poon陪我, 明天又再見了~ haha!
食店: De Luna Tapas Bar & Restaurant
地址: 旺角黑布街17號地下
識飲識食 | Comments:0 | Trackbacks:0 | 2018/03/29(木)
高層送的生日禮物
Manager每年生日, 都會收到公司高層送既生日禮物! 我有幸, 今年第一次收到, 真係幾開心! 哈哈!
收到的是Jo Malone的hand wash + hand cream/ body lotion..... 同事K早我幾日生日, 都係收到這份一樣的, haha! 我地都係想要酒多d, kakaka!
購物禮物 | Comments:0 | Trackbacks:0 | 2018/03/29(木)
Job Offer~
在見了那份工3次後, 加上成件事都攪左成個月, 我都考慮左成個月, 其實個心有都有d決定既....
今天終於收到個job offer了, 可以接受但又唔係太理想....... 可能身邊唔少人都覺得幾好pay, 不過我呀, 人越大越貪心! 唉, 真係太多野諗了, 畢竟要放棄既野都唔少, 如今的bonus太多了, 計番成個package原來都真係幾好.... 所以裸辭真係好好, 什麼包袱都沒有....... 如今, 嘗試再爭取更好的, 睇下最後結果如何.... 我亦需要多一點時間去沈澱和梳理一下自己的思緒.....

人生真係好得意, 一步步咁行, 上天真係俾好多機會同選擇你~ 是你完全沒有想過的, 就像探驗一樣..... 如今我又再次到左做抉擇既時候, 希望踏出那新一步, 是個正確的選擇!
Life is like a box of chocolate, you never know what you're gonna get!
生活點滴 | Comments:0 | Trackbacks:0 | 2018/03/28(水)
Happy Birthday to KEN~
下午又去了新工的3rd interview了, 今日見完, 應該都冇咩問題, 晚上已收到agent的回覆說那公司ok會出offer.... 且看那offer條件如何吧! 再慢慢考慮, 希望agent可以幫我fight for更好的! 再諗下啦.....

interview完都未到收工時間, 晚上7:30pm先dinner, 就自己先去了langham買蛋糕, 然後去了cordis hotel的alibi坐下, 好彩今日yiu都早收工, 我地兩個hea左成個鐘~ kaka! alibi竟然冇happy hour時段, 真係好cheap呀! 冇discount, 我地只好一人飲一杯 =p 一小時唔多, 主打都是說大家的工作啦 =p


之後和yiu一起去了dinner的地方, 是家土衣耳菜的樓上cafe, 店內有不少貓貓~ 仲有好多turkish既擺設, 環境都唔錯~ 我都好想去土耳其呢!!! 今晚我地算多人, 我, ben, yiu, jacky, ken和老婆edith~ 有6人, 近年算多ga la~ 近年我地aberdeen d女人失蹤曬, 又要湊b, 唔知幾時先齊人呢 >.< 這兒人不多, 感覺真不錯呢~ 大家都是點set, 揀好set的價錢後就可以起菜了.... 全部都唔洗揀, 由廚師發板的, 像omakase一樣, haha!
這兒最特別的就是土耳其咖啡, 由熱沙煮的, 不過只有ken點了, haha! 我們都唔好咖啡呢, 我飲的是玫瑰yogurt~ haha! 食物方面都唔錯呢, 都有d驚喜~ 那個烤雞和羊肉kebab都好吃呢喃 不用自己點菜, 其實又幾嘆. 可以慢慢吹水 =p

唔少turkish既裝潢, 我都好想去土耳其呢....

店內有4隻貓貓, 好fluffy架, 好可愛!


土耳其咖啡, 用熱沙煮滾的呢~ 不過只有ken飲, 我是像yogurt的~ haha!

東歐田園沙律, 茄子薯仔配自製乳酪, 梅爾辛紅飯釀烤雞 (個雞好好食呀!)

紅黃椒焗飯, 阿拉斯加狹鱈魚, 羊肉kebab

仲有茶飲和土耳其雪糕啊!


店員有些都是土耳其人, 都幾熱情招呼架, 不過人手唔係好夠就真既..... 但小店來說, 還好啦, 大家都能接受~ 吃得飽飽後, 仲有生日蛋糕, 是brownie favour的呢 =p 個cake少見d, 都唔錯架~ Happy birthday to Ken! all the best! 希望你願望成真~ 工作和家庭計劃雙得意 =p
好快就到4月, 我和yiu的birthday, 希望到時候有更多人出席啦~ 我都好核見下ariel個仔哦.....

Happy Birthday Ken!

Ken, Edith, Ben, Karen, Jacky, Yiu! 今晚終於有6個人, haha!
食店: Coffee on the Sand
地址: 旺角通菜街9-15號1樓A室
識飲識食 | Comments:0 | Trackbacks:0 | 2018/03/26(月)
我的快樂生日*Round 2*與家人的生日飯
老公下星期去旅行, 所以我們就早一點跟家人食我的生日飯~ 今年10個飯局都沒有約打邊爐, 所以就說想跟家人這一餐吃個打邊爐啦~ 最後決定在家吃, 難得媽媽主動提議買埋餸, 我當然話好啦~ haha!
今晚菜超豐富的, 海鮮有廣島蠔、蟹、蝦、帶子、鱔等等, 仲有好吃的肥牛, 真令人滿足哦! 已經有好一陣子沒有在家打過邊爐了, 飲住啤酒, 真係好嘆好梳乎呢 >w<
父母從澳洲回來不久, 在那兒買了不少鮑魚呢, 今日我地都有吃, 真呀! 仲有食又拎~ 其實我都好想再去澳洲, 我都幾鍾意呢個地方呢~ 下次再去, 我會去Melbourne + Tasmania呢! 希望不久的將來有機會啦~ 當然, 仍是很想有機會帶家人到日本自由行, 今年看來也沒機會了, 希望盡快可完成這心願啦.....

父母在澳洲買的鮑魚, 佢地仲俾左d安記鮑魚我, haha!

今年同家人既生日飯, 我想打邊爐, haha

嘩, 豐富到呢.... 好多海鮮, 正呀!

一家人的合照~


吃得超飽, 之後還有生果和蛋糕! 一早跟妹妹說不要再買美心or東海堂蛋糕給我, haha! 所以今年她特別有心買了個漂亮的日本忌廉草莓蛋糕給我, haha! 今次是我今年生日的第二趴, 還未到4月, 我已經在吃第二個蛋糕了~ 謝謝大家跟我慶祝, kekee! 踏入白羊月, 我仲有成10個飯局未食架, 真係要勤d做運動先得喇.....
娘家快要裝修了, 家人們都要執野, 仲要我都執呢, 真係好麻煩...... 搬屋裝修呢d野真係好麻煩呀!!!

第2個生日蛋糕, 其實我仲有2個星期先生日 XD

老公和妹妹 =P

Happy Birthday to me!


就算大部分人都唔認同, 但仍然憑感覺做事, 意見接受; 態度依舊 =P
好彩還是有人明白的, 感激!
節日慶祝 | Comments:0 | Trackbacks:0 | 2018/03/25(日)
Loretta's Birthday Dinner
老細終於番工喇, 我們的悠長假期終於要結束了.....
晚上約了Sally & Loretta吃Loretta生日飯~ Loretta也是白羊座, 白羊月終於來臨了哦, 呵呵! 去了上環的 Blue · Butcher & Meat Specialist吃扒~ 要中環行過去, 真係幾支力, 我仲著住高根鞋架....
來這樣的扒房, 我們點了個14oz的rib eye, 還有唔係度度都有得食的bone marrow呢!! 正呀! 不過真係好罪惡呢! 不過medium的rib-eye太熟, 而且grass feed的牛的確唔夠肥肉味唔夠濃, 我地都覺得件rib-eye好睇唔好食..... 反而我們點的3個starters - steak tartare, octopus和pork belly都好吃呢, 有驚喜呢! 還有2個add-on的蔬菜都好吃煮得很用心~ 加上開果支紅酒都好飲, 所以今餐都吃得滿足!

餐廳的裝潢很有feel....

d starters好正wor~ steak tartare, octopus, pork belly

14oz Rib Eye + bone marrow~ 仲有cauliflower, creamed spinach


dinner之後仲有dessert time, 點了Velvet cake & french toast~ 我好鍾意Velvet cake, 好睇又好食! 個texture我很喜歡呢 >w<
我們談著工作, 買樓, 人妻話題, 我們都好掛住歐洲, 我真係好鍾意summer時, 坐係歐洲d廣場上既餐廳outdoor seating和太陽傘下, 享受著美食和美酒! 我同sally都好有共鳴, 果杯酒都幾咁重要呀! 真係好cest la vie!!!!!!! 之後話題又繞到旅行去, 再次即興地話要去bangkok, 今次話要住好d, 繼續日日飲飲食食和spa wor~ hahaha! 我都好掛住bbk的roof top bar和spa呀! 唔知係咪真係去得成呢~ kaka!
Happy Birthday to Loretta! 第一個以人妻身份過的生日, 恭喜恭喜, haha! 白羊月開始了, 好快就到我果餐lu~ kekee!

Happy Birthday to Loretta~ Velvet cake好好吃哦!

Karen, Loretta & Sally~
食店: Blue · Butcher & Meat Specialist
地址: 上環荷李活道108號地舖
識飲識食 | Comments:0 | Trackbacks:0 | 2018/03/22(木)
Lunch @ 天穴
今日Lunch同同事O食, 呢位同事都有識左10年, 第一份工識, 以前唔同team, 如今也是不同team, 跟唔同老細, 沒想到3年前我們又會再次成為同事呢, 真係緣份呀! 她比我大10年, 第一份工時她真的教我很多呢! 好彩當年有佢 諗轉工, 當然要找她談談啦~
我們去了OTE的天穴, 想試很久了哦..... 令景, 日本野, 都唔算好貴呀~ 好吃! 雖然quality我覺得跟我家樓下的"穴"其實差不多, haha! 再來兩杯漂漂亮亮的cocktail, 雖然我唔迷cocktail, 但有時見到色澤鮮艷且晶瑩剔透的高腳杯都總會想喝上一口, 心情會變好哦!
雖然我這個星期已經沒再多想了, 但還是謝謝O同我分享公司的八卦、又幫我分析...... 哈哈! 由B轉做A, 就只有我跟她了, 而且還是舊公司和如今公司的同事呢, 好難得架!

我點了刺身定食, 她點了sushi set~ 仲有好令既cocktails呢!!

OTE望海既景色真係幾正呢......
食店: 天穴
地址: 尖沙咀廣東道3-27號海港城海運大廈3樓OTE 304 號舖
識飲識食 | Comments:0 | Trackbacks:0 | 2018/03/20(火)
沖繩行程安排中
琴日飲得太多, 今日hangover左大半日, 辛苦..... 不過已經算是小兒科了.....
晚上同老公班fd策劃下沖繩既行程, 8點幾先開車出了大角咀食飯, 去左間泰國菜, 9點後入座7折wor, 超抵! 5個人食左勁多野, 埋單都只係百幾蚊, 抵到呢.....

好耐冇食過thai food lu~
食店: Orange Elephant Thai Restaurant
地址: 大角咀博文街42號


10點幾番屋企, 正式plan下行程咁, 我地2公婆 + beckate x 2 + bo x 2 + joe 7個人, 其實我地大部分都只係去4日, 冇咩行程好plan, 去都只係志在飲飲食食同埋happy一番~ 主要都係講番住宿, 車, 食飯地點既安排啦~ kaka! 仲有個半月就出發lu~ 好期待快d 5月呢!
他們hea到2點幾先閃人, 仲唔多唔少講左d鬼故事, 太可怕了, 哈!
識飲識食 | Comments:0 | Trackbacks:0 | 2018/03/17(土)