FC2ブログ
Daisypath Anniversary tickers
機會~
個幾月前以為有個機會, 果陣個心仲十五十六想太多
還未想好機會就已經消失
雖然有少少可惜但反而覺得唔洗煩都幾好呀
點知呢幾日個機會又遊番埋黎
冇咩點諗, 繼續見步行步.....
呢個世界好得意既
係你既始終會番轉頭
但如是感覺對的, 以我的性格也會爭取吧
天不轉地轉, 地不轉路轉, 路不轉人轉!
抱著nothing to lose的心態, 做人會輕鬆好多.....
生活點滴 | Comments:2 | Trackbacks:0 | 2018/02/28(水)
初十二 - 五個女人的團年飯
呢2日大陸都開工了, 我地終於都真係開工大吉喇! 3年半的努力, 只剩下最後2個多月的衝刺! 開行turbo直踩至5月呀! 加油! (一個月後仲有個easter, 應該過得好快卦) 一過完5月初, 我就可以立即去旅行了呀! 呵呵呵!

晚上約了5個女人吃開年飯派利是, 選了一大輪TST之後都係揀番中環既食肆, 選了"龍麵館"這家摩登中菜餐館~ 場內都是很cosy的擺設, 金龍、醒獅、涼茶、刀刀劍劍, 屏風等~ 好型呀! 我好鍾意呢d咁hip既裝修~

龍麵館~~ 中式但又有點cosy的裝飾~

有龍、醒獅、涼茶、刀刀劍劍, 好型呀!


這兒是吃龍蝦為主~ 有很多好gimmick的龍蝦點心和料理, 像是成隻龍蝦模樣的"龍蝦蘿蔔酥", 龍蝦泡飯, 等~ 淨係個樣都贏曬啦! 不過最貴既八寶富貴雞和片皮鴨係有少少遜色既, 有d失望呢.... 不過這些食物全部都好令好精緻呀! 呃like一流~ 而且很多菜名都幾鬼馬, 像是"三條蛋散"~ 哈哈! 雖然唔係樣樣野都好食, 但我覺得還是值得一試~ 反正除了那些中菜, 其實小菜其實都不貴~
新年流流, 繼續說著婦人病、生唔到仔離婚、靈異世界的話題, 百無禁忌, 哈哈 =p 祝大家狗年旺旺~ 身體健康~ 心想事成~ 出入平安!!

我飲cocktail, 她們飲熱飲~ 都好美! 祝大家恭喜發財, 身體健康!

茶薰素鵝, 龍蝦蘿蔔酥, 龍蝦泡飯, 櫻花蝦小棠菜

八寶富貴雞~ 個樣真係好令~ 可惜味道有點淡, 個底先夠味 (比ketu獨食左2隻鮑魚仔lol)

椒鹽蠔, 京城即燒片皮鴨

很漂亮, 整色整美的甜點 - 千葉豆腐花、雪藏龍珠~ 個龍珠出曬煙, 好正!

祝大家狗年旺旺~ 身體健康~ 心想事成~ 出入平安 (我d利是真係好sharp, haha!)
食店: 龍麵館
地址: 中環德輔道中68號萬宜大廈萬宜廊地下G04號舖
識飲識食 | Comments:2 | Trackbacks:0 | 2018/02/27(火)
年初十 - CUS團拜@娘家
年初十, 繼續有拜年的活動, 今晚高是跟CUS buddies團拜了~ 因為有小朋友, 想讓小朋友多d地方走動, 而且我們也有7個大人, 想鬆動少少就邀請大家上我娘家, 跟去年一樣, 哈哈! (當然, 今天星期日, 有工人執野唔洗自己執都係一個好重要既因素 =p)
大家6, 7點才到, 而我5pm就先上去準備了... 拎住勁多野, 又刺身又盆菜又壽司, 好彩有老公幫手咋! love >w<
今晚我地有7人dinner~ 我, Angel, Rainbow, Kenus, Eva poon, Ingrid & Kenus~ 仲有Angel個女小琪Scarlett和Philip個女第一次見既Peri~ 這2天, 我們CUS的2nd generation也出現了, gathering更是人材濟濟呢, kekee! 我可是個很好的auntie, 送了禮物給小朋友~ 雖然我不是個愛小朋友的人, 不過對住自己friend既下一代, 我都會愛屋及烏既~
7點幾終於食得飯lu~ 今天最特別的是有盆菜~ 新年必食, 每年都起碼要食番一次啦~ 咁先有新年氣氛嘛 =p 仲有幾支sparkling wine和eva poon在Poland買番黎既vodka~ 正呀!

大家樂盆菜, 一年一定食一次~ 唔錯架! 幾好食~

帶子刺身, 豆苗, 三文魚扒, 雞軟骨, 元氣壽司

好多野食呀! 年初十, 食好D!

有Eva在Poland買的Vodka, 仲有幾支sparkling wine~ cheers all!!

Ingrid, Kenus, Rainbow, Eva Poon, Karen, Philip, Angel~

自拍再一張~ with our 2nd generation~ happy CNY!


講番我地個畢業10週年之旅, 唉.... 真係唔知去唔去得成.... 畢竟已有人是父母的身份了..... 不過今年真是一個非常好的時機, 如果連今年都唔去, 我想應該要再等10年了 >.< 我真係好想再同CUS去旅行呀! 希望有6人成行啦.....
Philip還有下場要先閃人, Erica在我們dinner完才收工上來, 特登上黎派利是, 真係好有心呀! 新婚果然唔同d, haha! (我不是受惠人, 哼哼!)
我們也有跟小琪玩~ 歲幾的小朋友最好玩~ 識講少少野又可以自己行行走走~ 比起12月在rainbow家時, 她今天超hyper呢! haha! 我今天蠻受她歡迎 =p (我覺得我近2年幾受小朋友歡迎, haha) 佢仲肯多次kiss kiss我呢, kaka! 不像eva poon, 把她嚇哭了, kaka!

Angel個女, 歲幾大的小琪Scarlett~ 佢今日好鍾意我, 仲錫左我2次 =p

Philip個女, 半歲大的Peri~ 第一次見面哦~

erica. rainbow, angel, kenus, ingrid, karen & eva~

再來自拍一張先~

多謝Kenus的新年禮物~ 呵呵!
娘家派對 | Comments:0 | Trackbacks:0 | 2018/02/25(日)
年初九 - Happy Birthday to Jacky*
今個星期六算是幾空閒, 唔洗做treatment唔洗早起, 真係好舒服! 不過一早都有helper來執屋, 都係要被嘈醒, 但最起碼仍然可能痴住張床....
晚上約了Aberdeen之友, 吃Jacky的生日飯~ 呢期越約越少人, 又係得我, jacky, ken & ben 4個 =__=||| 人難約了, 3月中就又到ken生日, Yiu要番shift來不到, 唔想再等所以4個人都照出啦~ 希望下個月可以約到時間探Ariel的BB和幫Ken一起慶生啦~
今天又是吃日本菜, jacky最愛, 不用再吃中菜實在太好了, 哈哈! 這店的食物真不錯呢, 味道好而且幾抵食~ 難得!
年初九繼續派利是, 得jacky有得逗, 佢今日又食又拎, 真係爽YY呀!

蟹子沙律~

刺身併盤, 清酒煮蜆, 銀鱈魚西京燒

原條鰻魚飯, 牛舌串燒, 牛柳串燒, 親子卷

年初九, 派利是..... Jacky就正啦, 又食又拎!!


Aberdeen之友當中Ariel已成為人母了~ Ken又結左婚年幾都開始計劃了.... 我明明是最早結婚的但還未開始plan, haha! 珍惜目前的快樂時光, 想起將來"失去自由"的自己都覺得好煩.... 我們還在討論幾歲要帶BB去旅行, haha! 我希望也計劃自己不可以太痴BB, 希望我可以放心地咁放下他去旅行~ 哈哈!!
最後食Bday cake, 朱古力大家也喜歡吧, 而且size也不大正好! Happy Birthday to Jacky! 又一年一起慶生, 祝你笑得越來越開心~ haha!
近年在TST dinner得太多了, 感覺好悶好膩..... MK也有好幾年比較少去了, 這幾年間MK似乎也開了不少不錯的餐廳, 等我呢排好好地發掘一下先~

Happy Birthday to Jacky!

keep your BIG smile~ Happy Birthday, Happy CNY~
食店: 鳴門魚市場居酒屋
地址: 旺角染布房街12-14A依利大廈地下B號舖
識飲識食 | Comments:4 | Trackbacks:0 | 2018/02/24(土)
年初八 - Sally's Birthday Dinner
呢2日大陸開始開工, 老細又開左工, 我地都冇得咁hea了, 不過仍然可以行行企企既, 始終d人都未番齊.....
在公司不斷搵下旅行的資料, 雖然仲有好幾個月, 不過book定酒店都差不多既 =p 好期待溫泉酒店、好期待同friend去旅行, 畢竟我都有成年冇去過日本啦, haha!

好不容易等到7:30pm, 晚上約了Rosians吃Sally的生日飯~ 去了isquare的"炊公館", 餐廳名字雖然是中文, 但主打是吃西餐的 (雖然也有中菜menu, 汗!) 這兒的食物都不錯, 除了那個seafood platter有d流之外, 其他dish都算好食既.... 不過À la carte menu真係冇野揀, 得3款, 其他都是set, 汗! 真係冇咩點見過這樣的menu.... 而且這兒的service真係好麻麻, menu要問waiters拿, 而且是要問幾次才把所有menu給你, 真係好鬼離譜lor.....
年初八的gathering, 除了慶生之外, 當然有派利是的環節啦! 今年tammy第一年派利是, 恭喜恭喜!!

炊公館, 店是中文名, 但這店是吃西餐的.....

我和tammy派利是, janet, sally & idy就收利是 =p

年初八, 繼續派利是哦~

Cheers~ happy CNY!

Seafood platter, 跟餐的南瓜湯和salad

pork chop, sea urchin risotto, pan fried cod fish, mushroom ravioli

跟餐的cheesecake & brownie~


我們說著很多以前CE和AL的趣事, eng lit, short stories, geog, PA, history, 讀9科, 十幾年前既事喇, 大家都好似班老人家咁失曬憶, 真係好得老呀! 哈哈哈! 我們還在討論著"神"的存在, 人越大, 越覺得很多宗教也是在祟拜同一個神, 最後信了什麼、不信什麼, 也跟自身的upbringing很有關係吧~ 對, 某人姐姐的經歷算是異類吧 XD
Sally今年的birthday cake是我在sift買的呢~ 在HC買還有8折, 幾抵呢~ 是玫瑰的造型, 好適合我地呢班Rosians呢喃 味道則是很清爽的ceylon~ 不太漏, 好吃! 不過這兒的切餅費好貴, 咁都要200蚊! 真的給得心不甘情不願呢! Happy birthday to Sally! all the best >w<

今次個bday cake好令呀! 是在sift買的呢, 玫瑰造型, 好arm我地~

Happy Birthday to Sally~~~

Once a Rosian, Forever a Rosian =)
食店: 炊公館
地粗: 尖沙咀彌敦道63號iSQUARE國際廣場29樓
識飲識食 | Comments:0 | Trackbacks:0 | 2018/02/23(金)
年初六 - Dinner with Ingrid & Eva
明天下午老細就開工喇, 今日最後一日可以冇明正言順咁冇簧管了.... 今天office超冷清, 我因為晚上有約, 所以就冇早閃人了.....
不過下午4點幾去左同同事happy hour, 今次轉場, 去左新開的Paper Moon, 開左一支白酒, 都幾抵wor~ 環境唔錯~ 可以再encore~ 無無聊聊吹下水竟然知道左d八卦野, hahaha! 好爽! 呢份工真係同好多同事都幾close, 可能因為成日一齊出差, 日對夜對真係會friend d =p

4:30pm落樓下happy hour~ 第一次黎呢間~

人少少, 3個人, 開左一支白酒~ 6點即閃 =p
食店: Paper Moon
地址: 尖沙咀廣東道3-27號海港城海運大廈3樓OTE301號舖


晚上約了Ingrid & Eva Poon dinner, 食日本野, 去左粵海酒店新開果間"千上", 食物很不錯呢, 牛舌串燒、白鱔串燒、A4和牛、燒牛肋骨都好好吃呢~ 而且價錢不算貴~ 可以再encore! 我地仲開左支720ml的獺祭50純米大吟釀~ armarm睇完動畫"酒鬼妹子"今日就可以飲番杯, 嘩哈哈~~ 獺祭真係幾好飲, Sake黎講我一向都幾like獺祭 =p 飲飲下仲開多左支, 呵呵呵!
她們二人算是我今年第一次派利是的朋友, 真係有面子呀! haha~ 我們主打說今天夏天的關西近郊之旅! 行程基本上都諗好曬, 今次應該都有9成去得成喇卦~~ 最期待都係同朋友去旅行住溫泉酒店啦 =p 今年應該有好多去日本的機會呢, haha!

去左粵海酒店食日本菜~

今晚飲sake! 獺祭50純米大吟釀! 開左2支720ml~ 好飲! 哈哈!


年初六, 梗係要派利是啦..... 我d利是真係好sharp呀

北海道蟹羔, 鵝肝, 刺身五點, 牛油果軟殼蟹反卷, 炸雞軟骨, 牛舌串燒, 白鱔串燒

浦燒鰻魚, 燒豆腐, 胡麻山藥, 炸蝦卷, 三色燒蠔

炒什菜, 鹿兒島A4和牛, 銀鱈魚西京燒, 燒雞腎, 煙肉蠔, 燒牛肋骨

你地就正啦! 又食又拎! Haha~ love u girls so much >w<

呢個菠蘿雪芭好好食! like!
食店: 千上日本料理
地址: 尖沙咀寶勒巷18號香港粵海酒店1樓
識飲識食 | Comments:0 | Trackbacks:0 | 2018/02/21(水)
年初五 - 開工大吉!
年初五要back to office了! 開工大吉! 希望今年賺多D, 做野輕鬆D! 長沙開場順利!
老細仲未開工, 所以大家都好free! 番到公司就立即同同事落太興吃個開年早餐, 因為早上最齊人 XD 之後派下利是, 又逗下利是咁.... 結左婚又未有小朋友既人真係慘, 係咁有出冇入, 唉....
之後同幾個同事賭下大細, 新年流流, 我贏左50蚊呀! 我有個同事仲嬴左百幾蚊! 聽講今年虎好旺, 又再次體現了! haha!

今日只在太興吃了開年早餐, hahaha!!

之後番公司賭下大細, 我贏左50蚊 XD


12點去左修眉之後就閃人了~ 嘩哈哈! 真係好鬼爽, 在HC shopping左一陣就去了做treatment lu.... 工作時間做私事真係好鬼爽架!
買埋餸番屋企再煮埋, 都係6:30pm就開得飯了, 呵呵呵! 今晚吃素!! 青瓜、蕃茄炒蛋、蒸豆腐~ 清爽點~

今晚吃素!! 青瓜、蕃茄炒蛋、蒸豆腐~
生活點滴 | Comments:2 | Trackbacks:0 | 2018/02/20(火)
狗年大年初四 - 大帽山行大運~
農曆假期最後一天假期了, 這2天都不用外出拜年, 也沒人找我們拜年, 往年都會約下jelly她們行下山, 但jennifer如今在陀B中, 唔適合呢D活動啦..... 於是今天就同老公二人去郊外走走順便行個大運啦~ 因為明天就要上班了, 所以都唔想真行山又唔想去咁遠.... 借了爸爸架車, 輕輕鬆鬆地開車到大帽山~ 屋企開車過去才半小時左右.....

借老豆架車, 開去大帽山~

幾年前我們也開車過去大帽山, 但那次只去了山腰的川龍飲茶, 而今次我們是打算到山頂, 所以開車直上山頂, 真係好爽, haha! 我們2點多到達, 那時車不算多, 很快就找到位置把車停下了~ (未到最高點, 不過也不遠以)
停下車, 已搵番個位食我們的lunch, 是帶來的壽司~ 在山下吃著真是很舒暢呢~ 早知希埋張蓆來picnic, 哈哈!

大帽山郊野公園~

一到步就在郊野公園內坐下食lunch, 哈哈!


大帽山山高海拔957米~ 是香港最高的山峰! 新年來行大運, 當然要來最高之處啦, 哈哈! 我們把車停得好高, 所以基本上只係行好少路, 一早只打算來行番個大運, 睇下山遠眺下HK而已.... 我們來得算早, 車不算很多~ 沿著車路大帽山道咁行上山, 非常易行.... 雖然是斜路, 但石屎地行得好輕鬆啦~ 加上我地都只係"係咁二"行下, 沒打算攻頂 lol
不一會就見到一大片錦田平原了.... 大地在我腳下的感覺, 好爽! 我來遠足就是要這感覺呀! 呵呵! mission accomplished! 不過今天天氣麻麻, 幾大霧, 所以看得不是很清呢....

在這樣的古屋

好有古跡feel~

今天天氣麻麻, 能見度不高

這邊是錦田平原的景色~

這邊就是大帽山山頂了


因為山頂有天文台的雷達站, 所以是個禁區, 車不准駛入.... 不過行近時很多雲, 所以未能看清楚那2個圓波波..... 然後行行山竟然見到有隻牛經過, haha! 牠還陪我們走了好一會兒呢 =p 今天行山的人雖多, 但也不會擠湧,~ 不錯!

嘩, 行行下, 見到隻牛!!!

大帽山, 好大霧 =p

行著石屎的馬路.... 好易行 (其實都只係行左一陣 lol)

沿著大帽山道咁行番落山


其實行左好短時間我們已走回頭路了 =p 沿著大帽山道下山 (係行番去架車度 =p) 落山時太陽藍天竟然出來了呢! 好開心哦~ 再次拍一下錦田的景色~ 還有在陽光下照得綠油油的大帽山山頂....
好可惜我支廣角鏡拎左去維修, 今天只能拎支18-135mm黎拍照....

落山時, 太陽出來了!

有太陽即刻唔同d, d草都綠d =p

好曬, 要戴番副超....


快要行到番架車度時, 一直遮著山頂上那天文台雷達站的雲終於散開了~ 終於可以見到山頂上那2個菠蘿包, 幾得意既~ so lucky!!! 其實大帽山上有很多很特別的巨石, 形成了很獨突的地形, 再加上那上些常綠的灌木, 在山下看真的挺漂亮呢~
而更好彩的是, 我們離開時, 上山的車子非常多野, 好塞呀..... 我地走既時間真係armarm好呢~ 呵呵!
希望2018年我可以有多d機會郊遊, 有更多機會真行山! go go go!

難得D霧和雲散去了!!! yeah!

清楚見到天文台既雷達站

成個菠蘿包咁, kaka!!

我們走人時, 好多車排隊落山呀! 真好彩黎得早 =p
香港足跡 | Comments:0 | Trackbacks:0 | 2018/02/19(月)
<酒鬼妹子> (たくのみ)
在個偶然的機會下, 看了這套仍在播放中的新番動畫 - <酒鬼妹子> (たくのみ)~ 故事很簡單, 描寫女主角天月みちる從老家岡山來到東京後, 與3個職業、年紀不同 (20-27歲) 的女生一起在合租公寓的生活, 而重點是每集都會享受飲酒的模樣呢~ 再加點一些小故事把酒relate to生活當中~ 像是工作、讀書、家鄉、感情等啦.... 一整天的忙碌過後, 一個個屬於自己的夜晚, 和室友品嚐著酒和佐酒小食, 好溫馨好放鬆! 真是理想中的合宿生活呀!

每集主角們都會喝不同的酒, 由啤酒、燒酌、日本米酒、紅酒、果酒等什麼都有, 或是酒可以溝什麼飲料喝..... 而最有趣的是, 動畫中介紹的酒可是真在存在的呢, 像是Yebisu惠比壽啤酒、焼酎ハイボールHallball (燒酒 + 碳酸飲品)、水曜日のネコ、冰結、獺祭........ 所以真係好有真實感呀!!! 所以很多時候也會介紹到日本的地理、歷史等~ (如東京"惠比壽駅"名字的由來, 是因為當年惠比壽啤酒的工廠就在這兒呢! ) 超arm作為日本粉的我~ 而且也有介紹配搭著酒的美食, 像惠比壽啤酒配冷豆腐、紅酒配芝士、燒魚配獺祭...... 真係好正呀!!! (我是多麼喜歡看與食物有關的動畫和日劇呢!)
看完這套動畫真係可以增加唔少酒既知識呢!!!! 這套動畫目前只播了6集, 真係每集都好令我期待! 超適合我這個酒鬼! highly recommended~ kaka!! 我也有d興趣睇埋呢套漫畫呢 lol (漫畫有40話左右)
(同期我仲睇緊card cardcaptor sakura - clear card和25歲高校女生架 =p)

<酒鬼妹子> (たくのみ), 4個年紀不同的女人飲酒的故事~

集集都有介紹一款日本酒! 仲配搭埋食正, 好正!

真實版的日本酒!!!
動漫狂熱 | Comments:0 | Trackbacks:0 | 2018/02/18(日)
<棟篤特工> (Agent Mr Chan)

導演: 張家傑
演員: 黃子華, 佘詩曼, 蘇麗珊, C君

陳先生(黃子華 飾)本來是最頂尖的特工,但因夥伴一次無心之失慘被停職,同時還得罪了女警余香(佘詩曼 飾),欠下情債。二十年後,城中名人相繼失常。陳先生再被委以重任,以為可大展身手,誰知此案與宅男圈內的藥物有關。為了社會安寧,陳先生只好化身不修邊幅的宅男查案,引發各種難題和笑彈。


初三冇乜野做就睇下戲啦~ 真係N年冇入戲院睇過賀歲片, 就當係支持下子華神啦 =p 劇情就一般啦, 都有少少surprise既唔會估到曬...... 作為賀歲片, 超多明星客串, 都串得幾自然不算做作, 不錯! 笑點也不錯啦, 我也有不斷發笑的時候~ 年初三, 輕輕鬆鬆想入戲院笑番餐, 也是個不錯的選擇呢~
劇集電影 | Comments:0 | Trackbacks:0 | 2018/02/18(日)