FC2ブログ
Daisypath Anniversary tickers
北歐追光。我出發了!
4個月冇去旅行喇, 今年唔算去左好多旅行 (我總是覺得今個trip算是2018年的 lol) 不過一年去2次歐洲, 算係咁啦, 哈哈!
這次是我們拍拖10週年 + 結婚2週年的紀念之旅, 去冰島挪威14天, 好期待! 對呢2個地方都好陌生, 不熟悉, 事前功夫沒做太多, 去到才見步行步吧! 希望可以見到北極光啦, 如果今次睇唔到, 我一定要明年再去芬蘭瑞典! 哼哼哼!!!

還有2日就是2018年了, 對於新一年, 沒有太大的感覺, 只是感覺.... 噢, 又大一年了! 今年工作很忙, 由年頭忙到年尾, 都過得幾辛苦... 幸好還算是有回報的 (不過我仲未收到bonus信!!!!), 其實還是差不多啦, 跟前一年沒什麼大分別!
2018年, 除了身體健康、世界和平那些之外, 希望工作一切順利! 身邊越來越多父母級的朋友了, 自己年紀也不少, 雖然還不是很ready, 但明年內應該也可以認真想想了吧? 哈!
Happy New Year all!!! 2018年再見!
生活點滴 | Comments:0 | Trackbacks:0 | 2017/12/29(金)
Galaxy Nail
今晚出發去冰島挪威, 今天就去整指甲~ 已經好久沒整了~ 因為很希望在北歐可以見到北極光, 所以就選了做銀河的花樣~ 深藍色底加化開的白、紫、藍色, 再加上白色畫的星星和銀色閃粉, 效果真係好似galaxy呢! 好特別好美啊!
希望在北歐有個開心愉快的旅程, 很期待呢!
時裝美容 | Comments:0 | Trackbacks:0 | 2017/12/29(金)
Boxing Day @ Tammy's New Home*
聖誕假期最後一天, 繼續相約朋友們吃喝玩樂玩到盡! 今晚就到去Tammy的新居house warming了~ 地區在粉嶺, 超遠呢!!! mtr入去真係幾辛苦, 但好彩有位坐咋! 我仲要坐坐下有少少腸抽筋, 唔係好舒服呢 >.< 好無奈.....
各自上tammy屋企, 辛苦曬jelly & rickey買埋餸入去, 我剛好唔舒服! 好彩一早冇預我買; 而jennifer嘛, 一個mom-to-be我們都不敢讓她太操勞啦, hahaha! 前陣子知道了, 真的很surprise呢! 沒想到她會是我們當中第一個當媽媽的人! 好開心~ 我們要升呢做auntie了! 明年christmas開始會有我們的下一代出現呢 >w< 生命真奇妙啊!
未開飯前要玩下jelly點名要玩既牛頭王! 好久沒玩過了~ haha! 我還是不錯的, haha!

Jelly指名要玩的牛頭王! 好耐無玩喇!!!

因為明天還要上班, 所以我們早點開始dinner, 今晚又是打邊爐, 四天內第二次了, haha! 又有唔少海鮮, 鱔、黃金蚌、脆肉鯇、桶蠔, 仲有好正既手切肥牛和竹笙!
是晚攜眷出席, 不過我老公冇黎, 因為佢話玩左幾日已經吃不消, 為免佢太操勞驚佢帶, 我決定由得佢, 我都唔想佢病住去旅行! 哈哈哈哈哈!
吃得好飽好飽! Merry Christmas my friends! 2018年再見喇!
Chris今日有揸車, 車埋我地番屋企, 好正呀!! thanks so much! 否則自己搭車番屋企真係幾慘 =p 加油! 番多3日工, 我就放長假了哦, 呵呵呵!

Karen, Tammy, Roger, Jennifer, Jelly & Rickey

d餸全部都係jelly & rickey買架~ 辛苦曬!!! 個竹笙好正!!!

四日打兩次邊爐, haha!

等埋Chris黎再影大合照!
節日慶祝 | Comments:0 | Trackbacks:0 | 2017/12/26(火)
Merry Christmas with Aberdeen buddies
琴晚開左幾支wine + 一打啤酒, 今日訓到中午先起身, 成個日好支力又hangover, 唔舒服呀 >.< 次次開完P都係咁, 老公仲勁, 佢訓到5點幾先醒.... 我呢, 自己一個人執左屋洗左碗, 醉醺醺到4點幾再沖個涼終於都好番少少..... 好彩hangover唔算嚴重咋, 如果唔係今晚都唔知點過, 真係好難得!

去年聖誕正日, hangover左成日, 同老公二人在家hea食, 今年真係有進步呀! hahaha! 今天, 我們約了Aberdeen之友, 雖然只得Yiu & Jacky 2個~ 哈哈! 4個就4個啦, 都冇乜所謂既.... 不過我真係頂唔順, 今日無力再煮, 但為免太hea, 都焗左三文魚扒 + portobello架!好俾面你地啦 XD 老公都整左個salad既 =p 其他食物都是外賣的, 包括焗雞, 壽司~~ 4個人, 都算唔錯啦! 雖然昨晚hangover, 但今晚仍然飲到, 真係好勁, 都開左4支wine架, 真係好厲害! 今晚冇乜點醉喇, haha!! 好彩姐 XD
我們已經好久沒試過一起過聖誕了, 上次一起過, 已是10年前在意大利Milan的時候了, 好懷念.... 明年都好大可能得我地4個去旅行 XD 當然我們都希望其他人可以成行啦! 我們4個今天又在plan行程, 可能會放棄飛機班次冇咁好既鹿兒島, 改飛東京去近郊, 我連去邊都諗埋啦, 日光、鬼怒川...... 咁就5日啦~ 哈哈哈! 我仍然好希望可以同你地去到! 就當了圓完我一個夢啦, Merry Christmas哦! 明年見!

焗三文魚扒, 焗雞 (買的 lol). 壽司併盤, 芝士焗大啡菇

簡單易整又唔失禮既食物~ 我們的聖誕大餐!

Jacky, Ben, Karen & Yiu

Cheers and Merry Christmas!!!
節日慶祝 | Comments:0 | Trackbacks:0 | 2017/12/25(月)
Merry Christmas Eve with 7 Union
又到聖誕, 又到聖誕.... 成個Christmas假最開心都係平安夜啦~ 因為是踏入聖誕的日子呢~
年紀大了, 唔鍾意同人出街迫, 有了自己的家後, 最鍾意叫D fd大時大節上黎開party~ 今年平安夜也不例外, 跟去年一樣是跟老公班fd一起過, 哈哈! 一早起場身就去左買餸喇, 真係好好客, haha! 不過今個xmas太忙, 我都冇咩心機煮, 而且食野既人都唔係幾多嘛~ 我都只係煮個蜆, 雞軟骨, 芝士焗大蝦, 焗雞而已....
dinner的人只有我, 老公, joe, beckate & winnie~ 我地開飯先~ 隻雞真係焗得超好呀! 上曬色又夠味, 大家都大讚呢 =P 我地戴曬d聖誕帽真係好有氣氛哦~ 我又迫佢地戴聖誕裝飾了, haha~~
之後等薯仔下飛機立即過來, 再食埋下半part~ 都係9點幾姐, haha~ 他剛從BKK回來, 有新鮮熱辣既芒果糯米飯食, 正! 老公說這是今晚最好食的東西! DLLM! 薯仔過2個星期就去exchange了, 真令人羨慕!! 工作中還可以走開幾個月真係好爽呀!
未齊人飲住prosseco先~ 晏少少先再Champagne~ cheers all! Merry Christmas!

清酒煮蜆, 生蠔, 三文魚刺身, 雞軟骨, 沙律, 芝士焗大蝦

今年隻Roasted Chicken焗得勁得! 上曬色好令~ 大家清曬!

Happy Feast!!! yummy~ 主要得5個人食野姐~~

Merry Christmas Eve 2017! 今年又係同你地過, haha!

Cheers, 未齊人, 飲住prosseco先~

armarm係曼谷空運到港既芒果糯米飯~

加埋armarm係曼谷空運到港既薯仔影番張相先~


dinner完之後就開始玩switch了~ beckate拎左過黎真係正~ haha! 先玩俄羅斯方塊, 之後是大家都玩到癲左既炸彈人、mario kart、overcooked...... 真係玩到鬧交, 笑到死! 真係笑到我喊呀 >w< 我第一次玩switch咋, 作為party game真係一流哦! 我覺得我打機越來越差 >.< 以前打NDS mario kart都幾好架嘛......
Billy 11點幾都過埋黎, 今晚都有7個人架, 呵呵呵! 開埋支moet~ 正呀! Merry Christmas to all~ 又是飲到醉醺醺的一個Christmas Eve呢! 希望2018年繼續係同你地一齊過 XD
一班人hehehaha過聖誕真係最開心架, 我覺得好過二人去旅行 XD (PS* 我話二人係指同老公 lol) 同fd去就唔同講法喇~ kakaka!!! 我曾經都有一年xmas同fd去左首爾好開心架 lol 所以我覺得節日最好都是跟老公和朋友一起去旅行, 近年我倆都有互相打入雙方的圈子, 真是個好轉變! 唔知將來有冇咁既機會呢 =p
Merry Christmas Eve again! 今年冇得同你地過除夕倒數了..... 2018年見! maybe CNY團年飯了~ haha!

party game最arm, 玩switch!!

等埋billy齊人, 開champagne!

Joe, Ben, Karen, Potato, Beckate, Winnie, Billy~

玩到爆曬粗, hahaha!!

笑到癲左!
節日慶祝 | Comments:0 | Trackbacks:0 | 2017/12/24(日)
Christmas Gathering @ Rainbow's New Home
Rainbow新居入左你幾個月, 我地趁著Christmas假期, 上左佢企house warming呢, 跟Angel約了在朗屏一起上Rainbow家, 好彩armarm有shuttle bus呢, 唔係angel一個人咩住小淇行10分鐘都幾支力....... (大半年冇見, 小琪已經一歲幾, 大個左好多呀!!!)
我是第一次去朗屏呢, 由我家不算很遠, 她家的間格很像service apartment, 又是open kitchen, 格局真係大好多呢~ 好多好多figue公仔, 唔知之後仲有冇位擺, haha! 而我下次再買樓, 都想再整open kitchen呢, haha!
大半年冇見過小琪,, 大個女左好多呢, 已經識行了, 好叻叻~ 她一開始有點怕生, 個樣好呆呆~ 之後才漸入佳景, haha! 我可以同佢近距離接觸, 仲抱到佢冇喊呢, 呵呵呵!

Rainbow's new flat! 好多figure呀!!!

大半年冇見小琪, 大個左好多呀!!!

小琪一開始未war up好怕生, 之後我成功抱到佢了, 呵呵呵!


是晚打邊爐, 全部由Rainbow & Ming 2個人準備, 可以做客人咩都唔洗做唔洗洗, 真係好爽, haha~ 打邊爐最鍾意食海鮮, 今晚有虎蝦, 瀨尿蝦, 花甲~ 辛苦曬rainbow!!
做左媽媽真係好忙呢, 小琪已經算好乖咁自己食飯, 不過間中都扭下抱..... 見Angel冇得認認真真咁坐底食真係慘慘豬哦.... Rainbow說想像唔到我做阿媽會點, haha!
不過我今日都算好另, 是個不錯的baby sitter! 小琪都幾show我, 我成日幫手抱下佢, 佢都冇點喊, 佢仲係我懷中訓著左tim呢, hahaha! 近年我應付BB真係大有進步架 XD
吃得好飽, 我又派下禮物~ 多謝Rainbow招待~ Merry Christmas & Happy New Year to all See u all in 2018!!

是晚打邊爐, 海鮮有虎蝦, 瀨尿蝦, 花甲~

小琪, Angel, Rainbow, Ming & Karen

得我同Rainbow飲酒~ haha!

我今日湊小琪湊得幾好, 佢係我懷中睡著了呢, HAHA!!

又係時間派禮物, MERRY CHRISTMAS TO ANGEL & RAINBOW
生活點滴 | Comments:0 | Trackbacks:0 | 2017/12/23(土)
同老公二人過冬做節
今日冬至, 上星期日家裡已做了節, 而今天預左會派信, 所以一早好豪氣咁約左老公, 話請佢食餐好既.... 點知原來今日冇信派, 我下午立即whatsapp他說唔想請, 哈哈哈! (講下姐 =p)
同同事HH到7pm就去對面搵老公dinner了, 我揀左食浜燒, 因為我真係好鍾意食海鮮, 哈哈!
一住底, 老公就比左個Chanel小袋子我, 嘩, 是條頸鏈呢~ 這是我的真聖誕禮物呢!!! 老公話一早planned, 唔係因為琴日我係fb話佢送左支同brand同味同size既Jo Malone香水佢先補飛 (姑且就信下你啦, haha!) thanks Hubby, LOVE >3< 好少可咁sweet呢, 哈哈哈!

浜焼, 最ARM愛海鮮的我....

真。聖誕禮物! 佢話一早planned, 唔係琴日我話佢佢先補飛, haha! thanks Hubby >3<


我們點了二人set, 好多海鮮好正呀! 首先刺身的quality好好, 池魚好好食! 越大越覺得很多刺身都比最common的三文魚好食呢! 之後燒蠔, 燒鮑魚, 燒龍蝦, 蟹肉蟹膏甲羅燒, 燒魚...... 我最like龍蝦和蟹羔呢, 真係好感動 >w< 仲有A3和牛哦, 吃得好飽, 好滿足! 我真係幾鍾意食浜焼呢, kekee!
雖然今天仲未收到信, 但收到禮物、又可以食餐好, 都令人很開心既, HAHA! 冬至快樂 =P

牛肉沙律, 刺身四點 (池魚, toro, 海膽, 赤貝), sake一支

浜焼的海鮮, 見到都興奮!

燒蠔, 燒鮑魚, 燒龍蝦, 好正呀!!! 隻龍蝦起曬肉, 好正!

蟹肉蟹膏甲羅燒 + A3和牛!

燒什菌, 燒魚, 蟹鍋, 飯, 柚子雪芭

親愛的老公, 冬至快樂!
食店: 浜焼き
地址: 尖沙咀廣東道82-84號流尚店4樓
識飲識食 | Comments:0 | Trackbacks:0 | 2017/12/22(金)
<大娛樂家> (The Greatest Showman)

導演: 米高格基斯
演員: 曉治積曼, 碩克艾佛朗, 米雪威廉絲

最具親和魅力的金球影帝曉治積曼,繼《孤星淚》和《盧根》再度脫胎換骨,真人真事演活「魔幻表演劇團」之父巴納姆的發跡傳奇。生活本來很平凡的他突然被公司裁員,變得窮困潦倒決心放手一搏,懷著不凡夢想及對未來人生的無限憧憬,踏出勇氣第一步!他籌劃前所未見劇團,與一眾獨一無二、各有天賦團員,攜手呈獻場場令觀眾嘆為觀止的精彩表演,把歡樂和希望帶給全世界。與眾不同才能脫穎而出,將不可能的夢化成真!

曉治積曼在《大娛樂家》中除有精湛演出外,更親任監製之一;跟《斷背山》金球影后米雪威廉絲交織浪漫愛情,又聯同《歌舞青春》型男碩克艾佛朗及《蜘蛛俠:強勢回歸》上位天后辛蒂亞載歌載舞,憑多首由《星聲夢裡人》金像音樂團隊度身訂造的歌曲,觸動觀眾最深心處,令段段瑰麗人生歷險更添神采。


又好耐冇睇過戲了, 有免費飛所以先去睇, HAHA~ 電影剛剛才上映, 我都唔知有呢套"大娛樂家"呢~ 哈哈! musical電影總是好看, 很多歌舞的部分, 效果很好看! 而且又歌又舞, d歌又激昂, 感覺很不錯! 男主角Hugh Jackman真係唱得很好, 很有感染力~ 之前在Les Misérables的表現已覺得好正呢~ 這次完全也不會令人失望! 簡直由頭帶到尾呢! 仲有High School Musical/ 17 Again的Zachary Efron, 好耐冇見, 成熟左man左大隻左, 仍然唱得跳得呢~ 不錯!
不過我還是覺得故事的內容不夠好, 這類型的題材明明可以多加發揮! 有點可惜的....
劇集電影 | Comments:0 | Trackbacks:0 | 2017/12/22(金)
公司今日仲未派信!
往年公司都是在12月24日平安夜派信升職加人工和公佈bonus的, 如果24號是紅日都會提前, 所以大家都預左今日會派信, 一早和同事講定今日要Happy hour慶祝慶祝, 我都預左要請架喇....
不過今天仲係好鬼忙! 條team一半人放左假, 勁多ad hoc野做, 真係好無奈..... 今個星期真係好地獄呀!
今天是冬至, 雖然一早知呢間公司唔會有早放, 但大家的心情還是雀躍的, 完全冇心工作 (雖然仲係好忙), lunch和同事去左妹記食過冬做節飯~ 8個人叫左10餸, 十全十美哦, 仲飲埋大啤~ 好興奮! 一心打算下午番公司等派信!

薯仔牛柳粒, 八爪魚咀, 通菜, 蠔餅, 黃金蝦球

豬肺湯, 豬手, 炸大腸, 豆苗, 薑蔥蠔

lunch的戰鬥碗!

各位同事, 冬至快樂!
食店: 妹記大排檔
地址: 尖沙咀加拿分道20號加拿芬廣場5樓


充滿期待咁回office, 秘書打去問HR幾點有信收, HR竟然話今日100%唔會派信, 真係好shock好無奈!!!!! 點解會咁架, cls! 冬至流流, 點解咁都唔比人過個happy christmas! 我真係好想知加幾錢人工和有幾多bonus呀!!! 等左成年喇!!! 今日聖誕前夕又係冬至, 牌冇信派又冇得早收工!! 真係好嬲! 垃圾公司!! 大家都仕氣大趺, 同事話我地要過個"寒冬"! 好慘呀...
本來以為老細唔早走, 真係嚇死人.... 好彩佢最後都早閃人咋..... 我地幾人個同事都閃左落去happy hour左2個鐘.... 每人2 round, 我又係飲prosecco啦.... 聊著公司的事, 大家都好不忿講八卦和是非, 好爽! 哈哈! 希望下星期番黎可以收到信啦! 各位兄弟姊妹, 冬至快樂! Merry Christmas!

happy hour! 各位兄弟姊妹, 冬至快樂! Merry Christmas! 下星期一齊再等收信!
識飲識食 | Comments:0 | Trackbacks:0 | 2017/12/22(金)
Christmas Dinner with Eva & Ingrid
早上本想SL半日, 但因為實在太多野做, 所以11am都番到公司做野! 仲要忙到lunch都冇時間食, 真係好慘lor!!!
下午其實仲有好多野做, 好多同事都放左假, 頂左勁多野, 好慘呀! 俾老細勁"折磨" >.<
晚上約左Ingrid & Eva Poon食Christmas dinner, d野其實都未做曬, 不過我唔理啦, 7點幾照閃, 最多聽朝早d番公司做lor, 真係好慘.....
今次Ingrid揀左間bar既餐廳, 冇乜人, 主打飲野和食串燒, 我一來當然先點酒, 近來餐前都喜歡飲sparkling, 我真係勁肚餓, 等左半個鐘連一串串燒都冇, 勁無奈又好不滿 -__-||||| 等到終於有野食, 食物一般啦, 食左2 round都唔想再encore, 決定轉場去附近食宵夜!
我今晚又做聖誕老人派小禮物, Ingrid也在日本買了手信給我們, 我仲收到支cider呢, 呵呵~
我們今晚還自備了聖誕頭飾, 很認真的呢~ Merry Christmas to my friends :)

Ingrid竟然揀左間bar食xmas dinner

飲左幾杯prosseco~

食串燒, 味道一般, 上菜好慢, 餓死我了!

又做聖誕老"pig"派小禮物~

Merry Christmas Eva & Ingrid! 我地都戴左頭飾, haha!
食店: ShowTime Sports Bar
地址: 尖沙咀諾士佛臺10號騰龍閣3樓


食唔飽既我地, 去左附近的韓國店繼續下場宵夜, 3個人點左3個餐! 炒粉絲、辛辣麵、海鮮豆腐鍋..... 仲有米酒! 完全同dinner份量無異呢! 真係好大食呀! 哈哈哈! Merry Christmas to Eva & Ingrid! 2018年見喇!

仲好肚餓, 去左附近的韓國店食宵夜, 好癲!

see u both in 2018!
食店: 微笑韓國料理
地址: 尖沙咀金巴利道65-67號太平洋大廈地下4號舖
識飲識食 | Comments:0 | Trackbacks:0 | 2017/12/20(水)