FC2ブログ
Daisypath Anniversary tickers
人蠢冇藥醫!
今日工作處處受阻, 無啦啦電腦hard disk死左,
個outlook d archive可能開唔番, 得番inbox d野,
仲要比IT恐嚇話可能開唔到個archive, 如果係今次真係大檸樂了!
成日冇電腦用, 去左個出trip既同事個位做野用webmail用share drive,
成日做野做得周身唔聚財, 真係好無奈!
明明呢幾日老細出trip諗住輕輕鬆鬆5點鐘啦
點知忙到甩碌自己做野又慢, 唉!
仲要係明明好簡單既事,
都俾d大陸同事攪到一塌糊塗, 仲要唔係一個low grading既人
我都唔明點解d人可以咁蠢咁stubborn...
蠢同stubborn本身冇問題, 但作為同事, 令到其他人幫你"執屎"就係問題啦!
做呢個行業我經驗唔多, 只有3年多的經驗
但我總相信, 作為我這種沒什麼具體工作"專業"的普通打工仔,
與人談判、說話的技巧、溝通能力、白紙黑字的對答、看人眉頭眼額、責任感、跟進事情的用心
就是最重要的財富.....
算了, 能者多勞, 都唔知自己咁上心咁激氣做乜....
hands off d, 鬆鬆啦, 反正個結果最後都一樣, 只是timing問題嘛......
(打打日記抒發下, 我的糾結都舒緩了一半! 白羊女就是來得快去得快!)

好彩今個星期都有好消息, 算是定了mall opening喇!
仲有幾個月, 希望一切順利啦! 今次應該真係堅架喇!
其實我比較緊張的明年是否能去出席overseas wedding呢!
如今看來應該是沒問題吧!???
雖然我平時都是認真工作, 工作佔去了我很多心神! 但吃喝玩樂才是我最重視的! 這一點從沒有改變過呢 =p
生活點滴 | Comments:0 | Trackbacks:0 | 2017/11/29(水)
Parents' 35th Coral Wedding Anniversary
今日番左半日而已, 都幾忙呢, 手都做到冇停手! 開會開到差不多7pm呢!
今天是父母結婚35週年紀念的日子, 所以我們一家人外出dinner了~ 簡簡單單的去了中式酒樓, 吃乳豬、 還有今年的第一個羊腩煲呢! 食物都唔錯既, 幾好食!
35年結婚紀念, 人家叫"珊瑚婚"或"碧玉婚 (Coral Wedding/Jade Wedding), 喻意嫣紅而寶貴~ 更為生色! 對比我和老公結婚還不到2年, 結婚35週年對我們來說真的很長呢! 現今社會離異的家庭那麼多, 很慶幸自己的父母也尚算恩愛, 雖然也會常頂嘴吵架, 但關係還真算不錯了~ 老來還有這樣的一個伴一起退休, 夠幸福了! Congratulations to Parents and thank you for giving sis & I a wonderful family in these 3x years~ 希望他們繼續一起白頭到老 =)

白灼蝦, 羊腩煲, 豉汁蒸白鱔, 蒸鮑魚仔, 乳豬, 生煎包

Parents' 35th Coral Wedding Anniversary~ Congratulations~
食店: 富臨漁港囍臨門皇宴
地址: 太子彌敦道794-802號協成行1-3樓
識飲識食 | Comments:0 | Trackbacks:0 | 2017/11/28(火)
喉嚨發炎
上星期出差前喉嚨已經唔太舒服有少少作病,
本來想去睇醫生但太忙了冇去到
上星期出差好支力, 又食得熱氣
weekend又是串燒又是打邊爐
今天喉嚨好似仲嚴重左, 上班時去了睇panel doctor,
真係喉嚨發炎呢!
而且37.4度徘徊在發燒邊緣
唔怪得成個weekend周身骨痛啦.......
下午SL半日, 等D病未發曬出黎之前好好休息!
仲有一個月就聖誕就放假
唔想病呢!
#琴晚唔應該打邊爐 #打完病情嚴重左
生活點滴 | Comments:0 | Trackbacks:0 | 2017/11/27(月)
冬天在家打邊爐
冬天已經來了, 涼涼地, 星期天二人窩在家裡, 我就是想打邊爐呀! 昨晚就已經想好了, 哈! 真係為食! Chistmas期間中, 已約了2個hot pot gathering呢, 哈哈哈!
上午出左佐敦, 之後去油麻地街市買埋餸, 自己一個人又買又拎又煮, 岀錢又岀力~ 我唔係淨係對朋友先有心既, 我對老公都好好! 只係啲人睇野淨係睇到表面姐~ well, 我只係鍾意得閒就讚下自己, 我先唔會介意人地既目光 =p
上次BBQ完仲有少少丸和腸仔食淨, 湯底只是用湯包, 沙嗲+麻辣味的, 夠過癮! 打邊爐要食肥牛和海鮮才夠爽! 我都買左蝦、鮑魚仔、貴妃蚌各4隻, 仲有脆肉鯇! 蔬菜方面有我最愛的豆苗和萵荀! 冬天二人在家打邊爐才是王道呢, 早d開飯, 真係好鬼正呀!

冬天二人在家打邊爐才是王道呢!!! 好鬼正!
私房菜館 | Comments:0 | Trackbacks:0 | 2017/11/26(日)
Eva Poon’s Birthday Dinner
星期六, 起身去PP, 過開海就順便去埋sogo睇下買唔買到arm的禦寒衣物 (因為仲有coupon未用完), 因為真係覺得好貴又冇用平時唔會著, 都係決定放款, 淘寶算了! d款仲令!

晚上約了Ingrid吃Eva Poon的生日飯, 我們去了吃日本菜~ 雖然eva唔食生野, 但我地都唔理佢照點壽司併盤, 因為我地好想食、因為都唔係佢俾錢, haha! 同ingrid食飯可以好care free咁叫我鍾意食既野, 好自在 =p 食物味道不錯唔算貴~ d刺身幾新鮮, d串燒都好食! 不過上菜上得太晚了呢! 我們都餓死了!
跟eva說起北極光, 佢竟然話好似"幻彩詠香江"冇咩特別, 問佢冰島d野佢又答唔到, 我真係好想反眼唔想理佢 =__=||||| 識左佢10年都仲係咁.... 不過就係咁, 佢先成日俾我蝦 (笑), 哈哈哈!
birthday cake是在SP Flower買的, 鍾意佢d蛋糕夠美又夠細, 因為買比eva既, 所以唔買個咁femine的, 買綠色的matcha味就最合適了吧, haha! Happy Birthday to Eva乏味! 多謝你咁多年黎帶俾我地咁多歡樂! 我對我既朋友都好好架 XD
明明今日應該係台灣度過, 呃我! 哼!! 算了! 最緊要大家都過得開心快樂! 人大了, 身體健康最重要! 要惜福呀! 說起我地N年前既韶關和檳城之旅! 有D野我都唔記得左lu, 希望下年去得成日本啦! 去邊都好去幾多日都好啦!
下星期再見! 這陣子真係同CUS見到好密, haha!

精選壽司併盤, 左口魚群邊壽司, 鰻魚壽司

日式豆腐, 帆立具串燒, 牛肉串燒, 燒茄子, Kirin啤, 南瓜天婦羅

燒蠔, 牛舌串, 雞皮串, 燒廣島蠔, 明太子飯團, 炸池魚仔, 鐵板雜菜

Happy Birthday to Eva Poon乏味! 你真係好乏味! hahaha!!

Ingrid, Eva Poon & Karen~
食店: 一喜日本料理
地址: 尖沙咀寶勒巷10號7樓
識飲識食 | Comments:0 | Trackbacks:0 | 2017/11/25(土)
長沙出差 - Day 2
雖然還買到飛機票, 我但上星期才來過長沙,今次也不想再多見幾個客人! 一心只想早點歸去.... 所以一早就決定搭高鐵回香港! 選了晨早的高鐵, 10點鐘就同由酒店出發去高鐵站, 乖11:15am的高鐵回深圳北.... 這次坐一等座,我覺得真的比特等座舒服呢~ 不問過3個半小時的高鐵仍然坐得很辛苦呢,成個人好累! 回到深圳北已經兩點多了.... 之後再乘地鐵由深圳北到福田口岸站,然後再搭的士回香港,回到家已經五點鐘了..... 由長沙搭車搭了7個小時才回到家, 累死了! 回到家立即沖涼瞓覺! 再老一點, 我可真的受不了這種不適的旅程呢,還要是回大陸! 有苦自己知!
海外工幹 | Comments:0 | Trackbacks:0 | 2017/11/24(金)
長沙出差 - Day 1
又係時間飛長沙了,今次自己一個人飛,我自己一個人的時候還是很幸運的呢,又可以upgrade喇,哈哈! 好久都沒機會試過了, 有早餐食, 真係好! 哈哈! 而且飛機還完全沒有delay, 不用10am就來到長沙了, 勁早!


去到酒店稍事休息,之後就跟長沙local同事一起去吃湘菜午餐~ 牛蛙、辣椒炒肉, 都是長沙我晚喜歡吃的東西~ 位位RMB70~ 而家大陸食野真係唔算平架~

毛豆, 口味牛蛙, 炒飯, 辣椒炒肉, 大豆芽炒牛肉, 煎魚, 娃娃菜
食店: 湘爵士
地址: 長沙黄興中路27號王府井百貨7層


兩點鐘左右就開始工作了! 今次上來長沙完全是為了一個大客戶, 終於終於可以交場了! 距離OPENING又近左步, 好高興!! 在工地逗留了兩小時, 一切順利,順利交接到呢! 終於在今年底前完成了一件心事,好開心呢! 是我負責既店舖第一家交場呢, 很有成功感啊! 呵呵呵! 之後上辦公室跟當地同事聊著, 然後就回酒店再休息了,那時都已經是晚上六點呢.....

本來今天晚上約了長沙同事一起吃晚飯,不過他們都要加班呢,真可憐! 也沒關係吧, 我就自己一個人上網找找看,去了一間吃串燒的,在國內吃串燒真的好正, RMB十幾二十元有10多串 (當然, 一串得好少),而且都是用炭火燒的! 牛油,脆骨,牛肉,黃喉, 萵筍....... 全部都是我的最愛呢! 一個人也吃得很滋味,local同事晚了也有來join我~ 其實我一個人也吃得很滿足, 一個人出差其實也蠻自在的~ 因為不想喝啤酒,所以就點了釀桂花酒,甜甜的好像渴,酒精濃度高,後勁還真不少呢......

國內吃串燒真係好正! 我最鍾意牛油,脆骨, 黃喉, 萵筍
食店: 猿串
地址: 長沙解放西路209号福達銀座一楼103號商舖
海外工幹 | Comments:0 | Trackbacks:0 | 2017/11/23(木)
TAX
嘩, 今年有退稅.... 今年唔洗交稅呢!
好爽呀! 又慳番一筆!
生活點滴 | Comments:0 | Trackbacks:0 | 2017/11/22(水)
Tammy's Birthday Dinner again!
同事車我去觀塘, 好日都唔去下觀塘, 真係好彩有順風車, 呵呵呵!
晚上再約了Rosians吃Tammy的生日飯~ 今次是吃私房菜~ 是Tammy自己挑選的..... 不過我們都覺得菜式麻麻, 食物非常油膩呢! 尤其是吃了那個避風塘炒蟹之後, 一直覺得很漏呢 >.< 走油走得太厲害了! 好彩蟶子, 東星斑球和魚湯都算唔錯又冇咁熱氣~
Tammy還有兩個星期左右就結婚, 我們都太興奮了 =p 四個女人說着都是家務煮飯的問題., 哈哈哈! 30多歲的女人就是這樣子的嗎? 我們似乎也說得太津津樂道了吧 =p 還有就是居住地點的問題, 由市區搬到去郊外, 真的很需要勇氣呢! 加油!
沒有買整個蛋糕, 因為dinner完大家都很飽呢! Happy birthday to Tammy again! 過兩個星期後你的wedding day再見! all the best!
朋友找到個好歸宿, 作為姊妹的一定替她高興! 人越大就會越實際, 這樣想完全冇問題呢! 希望身邊的朋友都過得很快樂!

蟶子, 避風塘炒蟹, 麻辣滷水併盤, 東星斑豆腐魚湯, 黃金大蝦

蟹油銀芽炒麵, 炒芥蘭, 紅豆椰汁糕, 西蘭花炒東星斑球, 士多啤梨骨

Happy Birthday to Tammy again!

Jennifer, Karen, Jelly, Tammy
食店: 御膳
地址: 觀塘敬業街65-67號敬運工業大廈12樓F室
識飲識食 | Comments:2 | Trackbacks:0 | 2017/11/21(火)
定行程
改了行程多次, 終於在出發前一個月算是定好了所有行程了!
今日先book曬d酒店, internal flight, 火車時間都算check好曬, 但可能要book定車位先 (北歐冬天不是peak season, 應該有位既)! 原來plan去冰島好易, 交曬比local tour就得! 但挪威好麻煩呢, 好多野要攪.... 我仲有唔少local tour未book, 日頭要join tour, 晚上又要join追光tour, 好忙...... 去北歐係咁倒錢都唔係辦法, 哼哼... 只好安慰自己去到當地應該唔洗點用錢既, 汗!
仲有一個月, 又來一個悠長假期! 全然陌生的國度, 好期待! 比南法更期待! 我好耐都冇冬天去旅行見到雪喇 >w<
生活點滴 | Comments:0 | Trackbacks:0 | 2017/11/20(月)