FC2ブログ
Daisypath Anniversary tickers
Picnic @ 青衣公園
熱左咁多個月, 終於秋風起了! 難得見到天氣預告連續成個星期都是天晴, 真係好想去戶外野餐感受下秋涼呢! 今天沒事做, 就跟老公二人拍拖去picnic....
早幾日已在物色picnic的地點, 畢竟不少有草地的地方都去過了, 又唔想去太遠的~ 最後都係揀左青衣公園, 雖然知佢片草地唔係好大, 但貪佢近近地嘛~ 兩個人拍拖去, 無所謂啦! 我住左青衣十幾年, 都係第一次去青衣公園咋~ 哈哈! 這兒有個人工湖, 過多2個月仲有紅葉睇呢~
我一早就去左買野食, 整左d雞翼、腸仔、牛丸和沙律, 之後去到青衣仲買左壽司~ 好多野食! 今晚唔洗dinner了~ 哈哈!
我地2點幾到, 草地上的人還不是很多呢~ hea到5點幾先閃人, weekend的生活理應如此! 下次要帶埋吹泡泡黎呢!

我都係第一次黎青衣公園, 哈哈!

草地不大, 貪佢近近地方便我地, 不錯! 唔算多人~

雞翼、腸仔、牛丸、沙律、壽司和小食! 勁多野食呢!

picnic當然都要帶sparkling wine! 我地帶左2支, haha!

今天天氣真好, 又有樹蔭, picnic最arm了, 好舒服!

picnic必備sparkling wine!

難得地同老公二人拍拖去picnic~~ hehee!

由2點幾hea到成5點, d食物都食得七七八八~


坐到5點幾才閃人, 去左超市買左少少食材明天用.... 我真係好想食大閘蟹呀, 叫左老公去買, 最後搵到TST果間先有.... thanks so much! 今年D蟹真係好缺貨呢! 今年第一次係HK食左2隻公的 (上個月係長沙試食左1隻), 雖然唔係爆羔的, 不過食到真係好滿足! 希望d蟹陸逐會到貨啦! 我都好想飛去上海食大閘蟹呀!

我的晚餐! 大閘蟹正呀!
香港足跡 | Comments:0 | Trackbacks:0 | 2017/10/28(土)
舊同事飯聚~
一早已知道今年尾有機會晉升, 但這些東西一向都不是老細說了算.... 今天有小道消息, 聽講HR approve左我, 希望真係成功啦! 畢竟這3年多中, 我已試過3次有機會升職但HR唔批, 每次都要defer半年 =__=||| 其實, title真心其次, 我最想都係要錢呀! 希望今年可以加多d bonus大份d啦!

今個星期老細明明有2日出左trip唔係度, 不過我仍然忙到冇停手, 真係operations野要幫手, 真係唔公平! 唉... 佢地份糧應該出埋俾我囉!
Happy Friday~ 晚上約左舊同事T和J到大坑dinner, 去左間小店食泰國野, 好像家庭式的小店, d野又幾好食wor, 真不錯! 聞說陳奕迅也喜歡來這店 =p 這兒的紅咖哩蟶子, 豬潤肉碎生菜包和紅燒元碲都有驚喜呢! yummy!
如今我們3個舊同事, 全都分散在五湖四海, 不同的公司了.... 說著故人的是非, 然後是不亦樂乎! 同事T還是那麼口賤轉數又快, 真懷念以前你還在的日子呢! 不過人還是要move on的, 走了半年, 大家似乎也熟習了少了他的工作環境~ the show must go on..... 我們如今也不是過得好好嗎 =P 同時也很希望同事J可以順利簽到XX! 等你的好消息! 哈哈!

紅咖哩蟶子, 冬蔭公, 生蝦, 豬潤肉碎生菜包

蒜蓉包, 炒芥蘭, 泰式蝦多士 , 紅燒元碲

我們變舊同事了..... 3個人3家公司....
食店: New York Club
地址: 大坑書館街24號地下
識飲識食 | Comments:0 | Trackbacks:0 | 2017/10/27(金)
唔知點解呢2日好忙... 好無奈.... 仲係唔係忙自己既本業, 做埋d非leasing野, 冇support, 真係好沮喪! 雖然呢2日都唔洗7pm就閃得人, 不過真係10個鐘內全神貫注做野, 忙東忙西又開會, 真係好frustrated!
而且仲有一班豬一般的隊友, 真係好無奈! 咩都要你話事! 原來我真係接受唔到人蠢唔用腦! 我真係好忟呀! 我出埋你份糧呀!
「不怕神一般的對手 只怕豬一般的隊友」! 我工作十年, 做呢份工時真正領悟到這句說話的真諦了! 你認真就輸了! 呢個世紀真係唔公平!
生活點滴 | Comments:0 | Trackbacks:0 | 2017/10/24(火)
Hello梳乎厘 + Happy Birthday to KETU~
一早約左今日上Bonbon家探初生B梳乎厘, 可惜NANA和LALA來不到..... 我們約了在元朗站等, KETU例牌遲到, 大家都好無奈 =_=|||||
打的上bonbon家, 上次來的時間, 雲呢拿還是初生B呢, 轉眼已過了3年呢.... 時間真係過得好快....
終於見到梳乎厘BB了, 比我想像中大粒呢, haha! 只能在她還在睡的時候抱抱她 =p 而家抱BB, 我已經熟手左唔少架喇 =P 見雲生湊住個女, 感覺真係好前世情人呢, hahaha!
今日有好多小朋友, 雲呢拿和hector在玩火車, 我都覺得好似幾好玩, haha! 反而hayley在我在玩益智遊戲呢, kaka! 雲呢拿轉眼已經大個仔左唔少, 仲識講野, 把聲好得意~ 相信下次再見梳乎厘, 她也會大個女左好多呢~ 要快高長大啊~
PS* 我覺得我近年對小朋友少左"反感" XD

Nice to meet you baby梳乎厘 =)

雖然仲係訓緊覺, 但總算抱到BB了, haha!

今日好多小朋友呢~ 除左hector之外, 都成功集郵了, 哈哈!!!


之後出TST補食上星期吃不到的KETU生日飯~ 小嘉和小透去了拿蛋糕, 我和KETU自拍了好多照片 (應該有廿張), 第一次影反白眼的, 好厲害! haha!
在anmary來之前已想好了點什麼, 她落車我們就立即下order了, 勁肚餓! 食左成籃麵包呢! 這兒的食物都不錯, pasta & risotto都好吃呢, main dish就麻麻地~ 我飲左1杯sparkling wine + 2杯白酒, 爽! 她的飲茶的tea pot好令呢, 好像beauty & the beast, 哈哈!
說著不少話題, 如果明年真係可以去旅行就好啦.... 雖然澳洲我都會去, 但我都係想去日本多d, 哈哈! 還有不少婦女病的問題, 年紀大了, 真的不得不好好照顧下自己的身體呢!
ketu今年的birthday day都是花花款式的~ 挺elegant的, 跟餐廳的theme很吻合 =p 而且size小小的真好~ 只是這兒的切餅費切餅費好貴呢 =__=||||| Happy Birthday to KETU! Wish u a floral & fruitful birthday this year! dreams come true! 2018年一齊去旅行呀!!!

餐廳的天花花花燈幾令~

同Ketu自拍了很多照片~ 反白眼那個好厲害! 哈哈!

茶壺好令~ 好似beauty & the beast中的茶壺太太!

cannelloni, scallop truffie risotto, pork ribs, yellow whole chicken, sauteed clams, carbonate sphagetti

Happy Birthday to our dear KETU! All the best!

Wish u a florish & fruitful birthday this year! dreams come true!
食店: Diletto
地址: 尖沙咀漆咸道南11-15號余仁生中心1樓
識飲識食 | Comments:0 | Trackbacks:0 | 2017/10/22(日)
Eva Woo's Birthday Dinner~
晚上又出了tst, 吃eva的生日飯.... 說真的, 日日番工都出tst, 平日weekend我都唔太想再去, 有得揀會想去港島區的餐廳呢....
我們去了Ufufu cafe, 是和風的西餐, 食物還好啦, 有點像pokka cafe那種感覺.... 不過呢度有酒飲, 48蚊杯, 好抵呢! 都不錯~ haha!
繼續說著關於老公和小孩的話題, 都真是人妻的最佳對話呢, haha! 身邊有這樣的朋友group真不錯 =p 她們二人的老公都有歐洲或美加國藉, 將來都可以移民小孩而且都可以有citizenship, 真令人羨慕呢! 如果我真係有機會走, 就要靠自己了..... (btw, 父母前陣子有問過我們會不會移民, 30年來第一次呢 *0*)
餐廳有成百幾款parfait選擇, 真係令人選擇困難呢 =p 我們點了一個oreo口味的, 再加一個梳乎厘pancake當birthday cake! happy birthday to Eva! 好彩有蠟燭, 可以令你今年都有機會吹蠟燭, kekee!!

海膽海鮮意粉, 蕃茄沙律, 大蝦pizza, 流心芝士漢堡扒

Eva, Wallis & Karen~

再點了個oreo芭菲和梳乎厘pancake....

Happy Birthday to Eva woo!!!

wish u all the best!
食店: Ufufu Cafe
地址: 尖沙咀金馬倫道5號太興廣場5樓


因為要於個半鐘還枱, 加上時間尚早, 所以我們要轉場了.... 想了一會我和eva不若而同地想起charlie brown cafe, 覺得果度一定冇人嘛, hahaha!! 原來charlie brown cafe搬了+裝修了呢! 還好就在以前的位置附近, 不過仍是人不多, haha! 老了, 我們大家都是點花茶, Hahaha!
continue with our人妻話題, 將來, 小孩, 奶奶..... 希望朋友們都快快成功~ 我都想做auntie, 抱住你既B影下相呢~ 我會愛屋及烏的, haha!!

估唔到charlie brown cafe仲係度 + 仲裝修, haha!

中女, 大家都飲熱野飲花茶, 老了! 哈哈哈!
食店: Charlie Brown Cafe
地址: 尖沙咀加連威老道58-60號幸福大廈地下及1樓
識飲識食 | Comments:0 | Trackbacks:0 | 2017/10/21(土)
星期五我要食吉列!
happy friday, yeah! 今個星期只需上班2天, 好快過呢~ 下星期老細出差, 又可以輕輕鬆鬆咁過, 呵呵!
收工係樓下見到阿Sa, 好多人, haha! 我都影左佢相, 隔黎有個大陸佬都係度影, 但佢問我呢個女人係乜水, hahaha!!!


收工同老公去左tonkichi~ 有一排冇食過喇! 亦都好耐冇同老公收工出街食飯lu.... 點了吉列豬扒,蠔,帶子,大蝦,正! 食左4款吉列, 好滿足 >w<

吉列豬扒,蠔,帶子,大蝦,正!
食店: 丼吉日本吉列專門店餐廳
地址: 尖沙咀廣東道100號彩星集團大廈10樓全層
識飲識食 | Comments:0 | Trackbacks:0 | 2017/10/20(金)
長沙出差 - Day 3
宿醉.... 一起身就頭痛, 真係攞苦黎辛 >.< 好彩今日都唔洗太早起身咋....
入左一次工地之後就同客食lunch, 今日食雲南菜, 講真幾好食, 雲南最有名的就是豆腐和菌類了~ yummy! 點解HK冇雲南野食既呢? (米線除外 =P)
個頭仲痛緊, 好彩呢餐算幾消淡咋~ 如果要食重口味就大鑊了!

石屏炸豆腐, 冰鎮雲南菌, 雪山牛干巴, 燉湯
食店: 覓山花樣云南菜
地址: 長沙芙蓉中路416號泊富ICity美好中心4樓


lunch完再入左site, 之後就匯合大家一起去機場了.... 係車上都訓著左, 真係好累... 琴晚玩得好盡, 大家今日都不是狀態.....
原來7:15pm的飛機, 點知一黎到機場就話delay到8pm, 之後話delay到9pm, 最後更delay到10:30pm.... 真係好慘呀! 唉.... 我都話左同事S和同事A呢個combo好癲! 之前就係同佢地出差, 係長沙番黎delay到12am先起飛呀! 真係唔好彩 >.<
我地5個人, 在lounge玩左3個鐘啤派, 21點和鬥大細! 我輸左成50蚊呀, 汗 =__=|||| anyway, 好彩有人陪有啤派玩咋!
最後成11:45pm先land! 回到家都已經1am了!! 每次出差delay都會覺得自己好慘! 咁辛苦為咩呢...... 唉....

又delay 3個半鐘..... 入lounge玩啤派.... 我輸左50蚊呀!

10:30pm先起飛, 又派飯.... 好難食! 我地真係好慘呀!
海外工幹 | Comments:0 | Trackbacks:0 | 2017/10/18(水)
長沙出差 - Day 2
今日個meeting改晏左, 12點先第一個客, 爽! 訓到晏晏地先起身, 自己去左食上海豆漿秶飯~ 新開的店, 由上海開到黎長沙的桃園眷村, 舊年係上海勁hit呀! 今日終於有機會試到, 做早餐真不錯, 清清地又可以暖下胃~ 這店距離我地個site好近, 行去非常方便, 可以encore呢.... 不過都唔平, 一舊肉鬆粢飯一碗甜豆漿已經要RMB 30了.....
間店都幾文青幾特別幾令, 大陸真係有好多有feel既店呢.....

長沙都有豆漿秶飯喇! 好開心~ 做早餐真不錯~
食店: 桃園眷村
地址: 長沙黄興中路88號平和堂百貨一樓101室


之後12pm至5pm一直入工地見客做野, 個人好大塵好污糟..... 成日只係食左舊粢飯, 真係餓死人!
做完正經野, 5點幾自己去左搵野食先~ 唔想食咁濃味, 去左食同事介紹既上海生煎包~ 一點人點左勁多野, 仲有獅子頭, 萵筍絲, 油豆腐鴨血粉絲..... 哈哈! 我冇食曬架 =P D生煎包勁好食, 爆曬汁好juicy架! 而且我真係好鍾意食萵筍呢~ 大陸好多地方都有得食, 好爽口好正呀! kekee!

late lunch自己一個人食左上海生煎包! 好食, 有驚喜!
食店: 阿三生煎
地址: 長沙五一大道7up商場L2


番左酒店稍事休息之後就出去同同事dinner了~ 今晚仲同埋長沙的同事一齊食, 總共成9個人架~ 不過有7個都係HK人, 哈哈!
長沙同事又帶左我地去食廣東菜, 看來他們都很思念香港的食物~ HAHA! 不過呢間真係唔錯架, D小菜炒得幾好, 老鴨湯, 豬手, 辣椒炒肉, 蒸魚, 茶樹菇牛肉都好好吃呢~ yummy!

9個人食廣東菜, 味道真好! 老鴨湯, 豬手, 辣椒炒肉, 魚, 茶樹菇牛肉都好吃呢~
食店: 鴻哥名廚
地址: 長沙解放西路太平街97-101號


早早就食完dinner, 冇咩做, 我地8個人下場就去了酒店附近唱K, D長沙人都唔識路, 反而係我地呢D hk同事帶路, 我都起碼第3次來了~ 哈哈!
叫左2支Johnny walker和10支啤酒, 越飲越high, 猜梅罰酒game, 2個長沙同事俾我地蝦, 笑死, haha! 最後淨番我地team 4個HK同事, 傻X左咁繼續吹水飲酒唱歌, so happy! 唱到凌晨2點幾先閃人呀! 好彩我明天不用太早起床 =p
呢份工, 同同事係異地出差, 真係多左好多機會接觸, 而且又大班人一齊玩, 有男有女, 感情真係唔同d架..... 很難得! 我要好好珍惜這段剩下來不多的時光 (我話既, haha!)

長沙不夜城.... 我地又去左唱K喇! 2支Johnny walker 10支啤酒!

由8個人, 唱到凌晨2點幾得番我地team 4個HK同事, 好爛玩! 哈哈!
海外工幹 | Comments:0 | Trackbacks:0 | 2017/10/17(火)
長沙出差 - Day 1
星期一就要出差了, 下午機, 一早都係要拎埋個gip番公司, 麻鬼煩....
今次要去長沙3日呀, 真係好少可.... 因為聽日一早有野做, 加上明天沒有機位呢, 只能早一日出發了! 今次5個同事一齊飛, 幾難得! lunch完就一齊搭車去機場, 原本4:45pm機, delay到6pm先飛得..... 我地入左lounge hea住先, 飲左2杯moet先上機..... 去到長沙都已經7點半喇..... 唉....

係lounge飲左2杯moet先上機.....

今次5個同事一齊飛, 難得!


本來book左枱8pm食火鍋呀..... 但8:30pm先到酒店, 9pm先再出過去搵野食, 9點幾竟然仲要等位, 好慘, 我地真係餓死了! 最後去左另一家, join埋今早已到長沙的同事K, 一共6個人, 10pm先食得飯... 好慘.....
在長沙, 又人多, 吃麻辣鍋是最佳選擇! 毛肚, 牛肉, 黃喉, 點麻油食真係好爽! 呢d真係係大陸先會食 =p 6個人一齊出差, 真係好難得~ so happy! 好似gathering咁, hahaha!
食到12點先閃人, 行番酒店, 1點幾先訓得覺呢.... 累.....

小龍坎老火鍋 <-- 假既, haha!

在長沙吃麻辣鍋真係好tempting呢.....

join埋同事K一齊6個人, 10點鐘先食得!
食店: 小龍坎老火鍋 (五一概念店)
地址: 長沙犁頭街五一華府103號
海外工幹 | Comments:0 | Trackbacks:0 | 2017/10/16(月)
又打8號波!
無啦啦又打8號, 今年真係幾多風呢..... 10月中都仲有8號波, 汗! 仲要又係星期日, 想點 =__=||||| 本來仲約左食ketu生日飯, 好彩好快就約到第二日咋....
不過今日打都好過聽日打, 希望聽日的航班一切順利唔好delay! (yes, 我又要出差了!)

被困在家, 最好的活動當然是做遊記和plan行程! 快快手打完了去年12月的bangkok之旅! yeah! 我可以開始寫山陰山陽喇! 希望係2017年內完成啦~ 好有機會呢~ haha! 我的目標: 2017山陰山陽 -> 英國南法 -> 花蓮...... 其實我仲有2015英國荷蘭, 2015台北, 2015布吉, 2016蘇梅.... 15/ 16年既... 盡寫啦 XD
(我發現我真係唔鍾意打歐洲遊記, 太辛苦了, haha!)
生活點滴 | Comments:0 | Trackbacks:0 | 2017/10/15(日)