Daisypath Anniversary tickers
Carman's Birthday Afternoon Tea*
10.1假期正式開始了~ 連放3日呀~ 久違了呢! 仲要好快要再放中秋, 呵呵!
今天約了Shirley & Carman食afternoon tea, 補祝Carman月中的生日~ 9月開始真係不斷食生日飯呢..... 今次去左Four Seasons間Inagiku食日式afternoon tea, 以前在舊公司時, 也會間唔中去下尖東間inagiku lunch呢, 果度d天婦羅好好食!
這兒的日式tea, 有不少咸點如壽司, 我覺得幾好呢~ 而這兒的甜點都很精緻, 像和果子似的, 有水準呢~
我們3個女人, 說著人妻的話題! 有時屋企人d野真係好麻煩, 太多的關心 (八卦) 真係令人好有壓力好反感呢! 今天聽到既野真係好匪夷所思好難令人想像呢~ 好彩我屋企人都唔會煩到我, 而我也不是個體貼顧及別人感受的女人 XD
Happy Birthday to Carman~ wish u all the best~ 希望你快d.............. haha! 我都想快d再做auntie呀 =p

九龍的美景~ 仲見到奧運架~

日式afternoon都有三層tea架~

我喜歡咸點~ 有壽司卷, 銀鱈魚西京燒, 蔬菜

我又飲champagne了~ 哈哈!

又一次吃日式afternoon tea~

仲有一大盆精美的甜點呢!

好似和果子咁, 好靚呀!

Happy Birthday to Carman~~ 希望你快D.......... 哈哈哈!

Shirley, Karen & Carman~
食店: 稻菊日本餐廳
地址: 中環金融街8號香港四季酒店4樓


因為奶奶剛剛回HK了, 晚上要跟她dinner, 冇得再去探Shirey個B lu...... 奶奶回了北京2個月, 昨天才回HK~ 拿了很多北京的手信回來, 都是吃的, 她兒子好開心 =P 今晚又是吃餃子, 第一次食茴香餃, 我不太喜歡茴香的味道呢.... 哈!
之後上左樓上佢個fd既豪宅睇, 好大個天台, 270度的維港景色真係好正! 我都想要個露台吹風呢!

今次食茴香餃~
識飲識食 | Comments:0 | Trackbacks:0 | 2017/09/30(土)
Rainbow's Birthday Dinner~
個肚唔係好舒服, 所以遲左少少先番公司..... 中午等車時, 個人勁熱好似中暑咁! 好彩順利番到公司....
老細下午不在, 我們早左D收工, 5點幾就落three on canton Happy Hour~ 真happy! 我約了朋友8:30pm的dinner, 琴日已經搵定d同事俾我sip時間, 哈哈哈! 只係2個幾鐘, 我地都飲左4 round, 哈哈! 最近我地條team都好多peanuts食呢, 哈哈哈!

happy hour @ three on canton~

晚上約了吃Rainbow的生日飯, 她說要去新開的塚田農場, book枱分6pm or 8:30pm時段, 所以我們才那麼遲才開始飯局~ 塚田農場在LCX new extension, 那邊開了很多很不錯的餐廳, 全都很想一試呢! 我們近日正在嘗試以公司名義/ 私人關係打去book位, 哈哈!
塚田農場的食物不錯, 美人鍋吃得很滋味 (雖然我HH吃太多飲太多好飽) 而且不貴呢! 請埋Rainbow都仍然比想像中便宜, 而且這兒的view好令呢! 成個180度的維港景色, 好正! 因為我地覺得有d熱, waiter仲送左每人一杯飲品俾我地呢! 任點呀! 我當然要cocktail, 哈哈!
我們說了不少話題, 曾經說不會生小孩的Rainbow如今已有所動搖, 實在很喜歡朋友這思想上的轉變 =p; 我們也說到其中一個非常"沈重"的, 真係唔知點講咩好, 唉......

塚田農場, 個景好令!

海老牛油果美人卷, 明太子芝士燒, 炭燒走地雞, 豚肉卷飯團三食, 梳乎里玉子燒

美人鍋~ 都是雞肉! 那個湯底好好飲! 是骨膠原雞湯呢!!!


回到今天的主題, Happy Birthday to Rainbow..... 吃蛋糕時好飽好飽呢! 有維港景做背景, d相好美!
自2005年認識, 仲記得12年前同第一次同Rainbow係hall食壽包慶生、中秋節同CUS係LU天台放火俾secure捉、11年前打完邊angel打邊爐飲得太多啤酒係小巴嘔金菇...... 真係好懷念! feel so young! 願我們還有好幾個12年在等候著~

Happy Birthday to Rainbow! 仲記得12年前第一次同你係LU慶祝食壽包

Karen, Rainbow, Angel & Isaac.... i wish we could become young again....
食店: 塚田農場
地址: 尖沙咀廣東道17號海港城海運大廈2樓OTE 202號舖
識飲識食 | Comments:0 | Trackbacks:0 | 2017/09/29(金)
日本關西京都兵庫縣獨遊之旅遊記
DAY 1 - 香港, 関西空港, 姬路, 姬路城, 好古園, 京都, かに道楽 (28/8)
我又到日本獨遊了! 今次去開西近郊~ 凌晨機, 一早就到關西空港了~ 下機之後就直去有白鷺城之稱的姬路城~ 再去埋旁邊的好古園~ 晚上回京都去かに道楽晚飯, 好多蟹, 好好食! 好滿足!

DAY 2 - 神戶, 神戶港, 北野異人館, 北野天満神社, 風見鶏の館, 神戶牛@彩ダイニング, 有馬溫泉, 有馬Royal Hotel (3/9)
等左6年, 我終於成功去到神戶了! 先去睇神戶港景色, 再去北野異人館~ 臨走前當然要吃神戶牛啦! 正! 晚上住三大名泉之一的有馬溫泉, 浸溫泉、吃懷石料理, 去日本的最高享受!

DAY 3 - 三田駅, 城崎溫泉, 大西屋水翔苑 (15/9)
今天大長征, 在三田稍稍購物後終於來到以外湯出名的城崎溫泉了! 穿著浴衣在古色古鄉的溫泉街逛著, 很有feel! 晚上回溫泉酒店吃但馬牛shabushabu料理、浸溫泉, 超讚的! 好爽呀!

DAY 4 - 天橋立, 飛龍観展望, 京都, AWOMB西木屋町 (24/9)
轉了幾次車, 終於來到日本三景之一的天橋立觀光~ 在股のぞき台擺著攪笑的姿勢看天橋立~ 打卡成功! 晚上回京都跟日本朋友Yoko吃DIY壽司, 美得像artpiece一樣呢!

DAY 5 - 京都, 宇治, 伊藤久右衛門, 平等院, 関西空港, 香港 (27/9)
最後一天, 去了京都近郊、抹茶之鄉 - 宇治, 經過了宇治川, 找到了名店 - 伊藤久右衛門吃抹茶蒿麥麵, 再去了世界遺產平等院~ 黃昏時間就搭飛機回HK了....

對比歐洲十幾日日子又長每日行程又多的遊記, 日本遊記真係易寫好多好多呢! 希望呢5日遊記我可以係10月入完成~ 我真係有心補寫日本山陰山陽和英國南法之旅的遊記架, 希望成功啦~

後記: 1個月內完成左這個trip的遊記, 算係咁啦, haha! (雖然遲來了一年lol) 在開始山陰山陽篇之前, 我會先快快手完成去年12月的泰國之旅! 希望可以keep住個進度啦~
環遊世界 | Comments:0 | Trackbacks:0 | 2017/09/27(水)
泡菜豆腐鍋
第一次在家試整泡菜豆腐鍋, 仲落左D帶子粒架, 不錯不錯~ 可以再encore, 簡單易整! 下次要整泡菜豬肉鍋*


同事去左西藏, send左唔少相黎, 好靚! 近年都見好多人去西藏, 我都好想去, 好想係生B之前去一次! 人家說見到青藏高原會感動到流淚.....
私房菜館 | Comments:0 | Trackbacks:0 | 2017/09/24(日)
長沙出差 - Day 2
11am先入site, 可以訓晏啲.... 上7樓, 落黎行足七層樓梯, 勁支力呀....
之後同客食lunch, 已經唔係同成日lunch果個客食架啦, 叫佢諗地方, 以為可以食下d唔同既野, 點知.... 又係白果園, 汗! 看來五一商圈食business lunch, 這兒應該都是個很大路的選擇, 畢竟中式庭園環境優美呢.....
今次試左個爆炒秋葵, 唔錯wor, 好吃! 好驚喜! 下次試下自己係屋企整下先~

臭豆腐, 清炒藕尖, 觀音鴨, 爆炒秋葵
食店: 白果園31號公館
地址: 長沙人民西路白果園31號


再見多個客之後就出發去機場了..... 今次又沒有flight delay, 好開心! 仲比原定時間早左幾分鐘到HK, 呵呵!
不過最開心都係有得回程upgrade去biz class, 呢程upgrade好重要架, 坐得舒服好多! 仲有dinner食wor~ (econ冇野食的, 得餅乾) 我在機上仲飲左cocktail和red wine, 坐得舒舒服服咁落機, 好爽! kaka!
我覺得升左silver之後, upgrade的機會真係多左~ 希望18年都keep到個memebership啦~

Yeah! 又可以upgrade了, 呵呵呵!
海外工幹 | Comments:0 | Trackbacks:0 | 2017/09/22(金)
長沙出差 - Day 1
又出差lu, 一個月2次啊, 唯有諗, 飛多d半當儲分啦..... 今次我同個小妹妹同事2個人飛, 第一次咋, 希望一切順利!
落機係酒店hea左半個鐘之後就去lunch, 又是個老地方, 好悶了..... 不過今次我見到有大閘蟹呢! RMB 11.9一隻, 平得令人恐懼! 不過我都冇理, 食左一隻! 2017年1st try, d羔好少唔係好甘香, 不過才11.9元, 收貨啦, 沒有complain!

RMB 11.9一隻大閘蟹..... 我吃左一隻 =P

辣椒炒雞, 辣椒炒山豬肉, 皮蛋尖椒, 小牛肉, 土豆絲
食店: 相約回家吃飯
地址: 長沙五一大道五一廣場7mall 3樓


lunch完即刻入site見客... 由3pm開會開到5pm, 好支力.... 係工地係咁俾蚊咬, 真係好慘.... 5pm之後仲有另外個客, 見到6pm先收得工, 呼.....
回酒店放低d野, 之後再去行下步行街感受下氣氛! 7點幾先去食飯......
在長沙, 食物選擇唔多, 我都係想吃麻辣火鍋! 香港少食嘛..... 這次找了家其他同事介紹的, 在酒店附近, 等左15分鐘先有位..... 環境和食物都很不錯呢! 我覺得好過我3個星期前食果間! 在香港打邊爐要吃海鮮, 在長沙吃麻辣火鍋, 就一定要點毛肚, 黃喉, 牛舌! 不然就吃得不過癮! 配麻辣湯底簡單是一絕呢! (我竟然忘了點另一極品 - 鴨血! 可惜可惜)
我地2個女人都點左好多野, 都吃得7788呀! 我個同事好食得.... 哈哈! 說著平時在HK不會談的話題, 比想像中好 =P

今天晚上又是吃麻辣火鍋, 這家是新嘗試!

鴛鴦湯底最arm我! 仲有牛舌, 毛肚, 蝦滑, 羊肉, 魚肉

肥牛, 黃喉, 冬瓜, 生菜, 萵荀

香港真係冇咩機會食到, 每次出差我都會把握機會一吃~ kee! 2個女人都叫左咁多野 =p
食店: 井格老灶火鍋
地址: 長沙五一大道655號嘉頓新天地1樓
海外工幹 | Comments:0 | Trackbacks:0 | 2017/09/21(木)
薰衣草版面

結了婚1年8個月了, 早已想把BLOG的相都換掉, 我不是那種結婚良久都仍使用婚紗照的人..... 日記版本通常我都係揀旅行的相, 其實去年honeymoon的相好正好想用, 不過耐何那時候還算是新婚, 捨不得換走婚紗照.... 如今去完英法, 總可以換了吧~ 哈!
英法這次trip雖然其實我最被南法山城吸引 (對, 高於薰衣草), 不過banner要找長橫形的就非薰衣草莫屬了吧, 版面正合用 =p

日記的名稱早已改為"一個愛玩愛美愛笑愛吃的少婦之日記", 這次把婦字的引號""都刪去了..... 這次沒有什麼感覺 (年半前日記改名, 很感概, 請看這篇 LINK HERE), 已經很熟習少婦這個身份, 也已習慣自己不再青春了吧!
少婦這個名稱起碼還會多使用2年吧, 在我又改稱謂前, 再次請各位多多指教 :)
日記版面 | Comments:0 | Trackbacks:0 | 2017/09/18(月)
Happy Birthday to my Sister~
9月踏入年尾, 年尾身邊實在太多人生日了, 今日又有慶祝活動! 輪到同我妹食生日飯了!
今年父母提議吃蒸氣石鍋, 佢地第一次食.... 呢間潮福係MK, 同屋企都算近~ 原來今年我生日都去過TST的分店食過呢~ 家人都是第一次吃蒸氣石鍋, 我們全家都好喜歡吃海鮮, 又蠔又鮑魚又貝, 家人都覺得好正呢~
父母已開始了半退休的生活, 只係一星期上大陸一次, 閒來沒事我也替他們感覺無聊呢 (尤其我媽), 希望佢快d搵到野去學下.... 佢仲主動問我地下年幾年去旅行呢, haha! 希望真係可以成行啦! CNY可以吧.....? 明年上半年的schedule我真係唔敢預呢, 好煩!, 唉.... (希望公司唔好再delay, 唉)
妹妹的生日蛋糕是栗子味, 雖然她不是很喜歡, haha! Happy birthday to my dearly sister! wish u all the best!

MK店有個大大的魚缸, 好多海鮮, 見到都心心眼了!

燉湯, 乳鴿, 桶蠔, 龍躉, 鮑魚仔

貝併盤, 元貝, 蔬菜, 牛柳粒, 雞, 馬拉糕

最後用海鮮湯精華蒸出黎既精華 - 南瓜排骨粥

好耐冇食過栗子蛋糕.....

Happy Birthday to my dearly sister ^3^
食店: 潮福蒸氣石鍋
地址: 旺角旺角道1號壹號商業中心1樓全層
識飲識食 | Comments:0 | Trackbacks:0 | 2017/09/17(日)
Wallis' Birthday Dinner
過去一個星期成個人都唔係幾舒服, 一收工就訓.... 好彩今日weekend終於好番d冇咩野咋.....
晚上約了Eva一起到cwb吃Wallis的生日飯, 今次選日本菜, 真好, 清清地幾arm我, 我真係唔想食西餐呢~ 這兒最出名是吃釜飯set, 不過我們只點了2個釜飯, 再點左d小食就夠了~ 最期待的蟹盛套餐, 有松葉蟹腳, 蟹腳天婦羅和蟹盛釜飯! 蟹腳啖啖肉好鮮味, 釜飯仲有好多蟹肉蟹膏呢! yummy! 真係令我好懷念日本呢, 加上呢排寫緊日本遊記, 真係好想立即安排個日本之旅呢! 哈哈!

茶碗蒸, 芥末八爪魚, 枝豆, 海鮮天婦羅 (好食wor!)

上: 豚角煮釜飯
下: 蟹盛套餐的松葉蟹腳天婦羅和松葉蟹腳冷物

蟹盛套餐的蟹盛釜飯! 個飯好多蟹肉好多蟹膏! 好正呀!!!! 好似去左日本咁呢!

Karen, Wallis & Eva~~
食店: 奈良上釜
地址: 銅鑼灣登龍街39號地舖


因為要還枱, 所以dinner完就要閃人了..... 本想去Lady M食cake, 不過cake已經賣曬lu (8pm都未到, 汗!!), 最後上左sogo的cafe慢慢坐~
好久沒有跟你們ladies' talk了呢! 都是人妻的話題, 好多sharing, hahaha!! 身邊多左人妻朋友真開心呢, 可能暢所欲言 (well, 不過其實我未係人妻前已經很能夠暢所欲言 lol) 可以一齊討論老公、99、造人大計真係好爽好有共鳴呀! 哈哈哈!
year 1時入Uni住hall既事仍然瀝瀝在目! 例如我地天光同CUS唱完通宵K番黎見到Wallis入醫院但冇陪佢 ..... 轉眼已過了12年呀! 雖然eva一向都冇咩記性, 不過好多事情我仍然好有畫面, 畢竟大學時期是我人生中的第一個最快樂的時代呢!
出黎做左野咁多年, 認識多左咁多人, 其實好明白做人真係會好多野煩, 樂觀如我, 又有邊個會知我成日都為左工作事人生事個腦不停諗野、祈禱、訓唔好丫..... 只係我份人實在太討厭糾纏和煩惱, 我好快又會換個角度諗下, 呢個世界咁大人生咁長, 為左d咁小既"無聊野"煩惱簡直無謂至極浪漫時間! 只能說, 希望我們大家都能保持著當年既赤子之心! 每天都過得快樂! Happy Birthday to Wallis and wish u all the best!

Happy Birthday to my ex-roommate Wallis!!

Be Happy and all the best =)
食店: La Serene Caffè
地址: 銅鑼灣軒尼詩道555號崇光百貨Sogo Club11樓


近日蠻感性的, 跟朋友談天, 除了慶幸自己身邊多可以談心的朋友之外, 更是慶幸自己有個樂觀的性格, 那才是我人生的最大本錢!
各位, 毋忘初衷! 共勉之!
識飲識食 | Comments:0 | Trackbacks:0 | 2017/09/16(土)
Home Gathering with 四個女人~
晚上約了小嘉, Ketu & 小透上我家home gathering..... Anmary突然入了醫院來不到 *0* 她已不是第一次臨時身體有事出席不到gathering了呢! 真是要小心身體哦....
ben好似好興奮咁見到有人上黎, 扮好客 lol 等到ketu 8點幾上黎先開飯, 餓死了.... 食物我只整了幾樣, 馬鈴薯燉肉, 滷水雞翼, 蒜拍青瓜, 煙三文魚沙律, 清酒蒸蜆, 清酒蒸蜆係我近來大愛, 濃郁的清酒味好正! (不過老公話好苦 lol) 本來佢地都話我d野煮得好大兜, 但最後都食得八八九九呢, 逗留時間太長了~ hahaha!
3個人開左2支sparkling 1紅1白, 好久沒試過與大家一起暢飲談心了, 可惜ketu要早d走人 (都已經凌晨時份的了 =p).... 在神智不清、半醉的情況下跟小嘉小透聊至天光她們才閃人.... 其實好多話題我地可以一早講啦, 現在真的很遲呢 XD
希望下年真的可以一起去旅行啦! 日本呀~! 好期待! 有可能嗎?

馬鈴薯燉肉, 滷水雞翼, 蒜拍青瓜, 煙三文魚沙律, 清酒蒸蜆

小透, 小嘉, ketu, 小豬 & ben

四個女人~ ketu走前拍的~
新居派對 | Comments:2 | Trackbacks:0 | 2017/09/09(土)