Daisypath Anniversary tickers
長沙出差 - Day 1
Business trip to Changsha again, 今次"身負重任"咁帶個新同事出差.... 今次trip開始, 我地又有番司機接送了, 真好!
先上local office, 帶新人認識下local同事, 而家長沙office好多人, 成百人都有喇..... lunch同local同事一齊食, 7個人食湘菜可以點好多野, 正~ 最後local同事埋單, 又慳番一筆, haha!

又食湘菜, 7個人可以點好多野, 正!
食店: 湘爵士
地址: 長沙黄興中路27號王府井百貨7層


lunch完在office會合番同事K, 他昨天已到長沙了呢... 今天Local office來了個新GM, 我們幫手做下briefing, 希望新team到位, 我們的workload可以減少點啦....
之後和同事K一起帶新同事睇場.... 都行左2個場架, 行到7點先收工架....

晚上又同埋local工程同事一起dinner, 大家都是HK人啦~ 今晚食重慶的麻辣火鍋, 正呀! 我都係成日出差先多左好多食麻辣火鍋的機會.... 都幾鍾意tim呢.... 配埋鴨血、毛肚、黃喉... 真係好正呢! 呢d HK真係冇乜機會食到呢!
我同同事K 2個勁飲勁笑勁9 up, 好似上左身傻左咁, 哈哈哈...... 平時我地同d工程同事日日為開場夾好多野, 佢地話好少見到我地呢一面, 覺得我地2個好好玩, 哈哈哈! 我地係認真工作、認真遊戲咋 XD

晚上6個人食麻辣火鍋

做左呢份工, 成日打邊爐, 尤其是出差時! 好爽!
食店: 味蜀吾老火鍋
地址: 長沙五一大道689號景江東方大厦二樓
海外工幹 | Comments:0 | Trackbacks:0 | 2017/08/31(木)
做人.....
有時做人幾叻都冇用, 唔識做人真係死得....
係呢條team, 可以人多啦, 所以都接觸到唔少怪人
真係好難理解某d人既logic, 點做野點諗野.....
個人主義係工作上真係冇咩so, 識team work你先襟撈架嘛呀!
做人最緊要係乜, 公關呀 =P
生活點滴 | Comments:0 | Trackbacks:0 | 2017/08/30(水)
Happy Hour @ 福祿壽
晚上約左ingrid和eva poon去左中環既bar飲野食飯, 間野叫Fu Lu Shou福祿壽, 係eva係IG見到呢間bar好得意, 就去下啦~ 呢間bar好多中國元素但又唔老土, 好chill架! 一入黎就見到3個福祿壽個門口, 天台bar的graffiti都是福祿壽和麻雀呢~ 仲有麻雀bar枱, 好正!
我一向都好少order cocktail, 不過呢度d cocktail好特別架! 為左隻萬壽無疆杯, 我點都要點番杯既! 哈哈! d cocktail仲有d係用中國d酒樽仔裝住架, 勁cute! d cocktail名都好得意, 例如typhoon no 8, yum cha... haha!
這兒是吃西式中菜, 唔係以為呢度d野唔好食, 食物d quality都好有水準呢! 是用心之作! 有驚喜! 值得一試啊!

一開lift門就見到呢3個福祿壽係門口....

麻雀bar枱, 福祿壽的 grafitti @ roof top~

幾年冇點過cocktail,但為隻無萬壽無疆杯,點都要點番杯cocktail, haha!!!

下round點番red wine..... eva poon要cosmopolitan

牛肉炒麵, 豬頸肉, 檸檬雞, 小食併盤

eva poon, karen & ingrid~

we are the 3 福祿壽? who are who?? hahaha!!!
食店: 福祿壽
地址: 中環蘇豪荷李活道31號7樓
識飲識食 | Comments:0 | Trackbacks:0 | 2017/08/29(火)
18禁薯片
早前日本有隻18禁薯片大熱, 有同事係日本買左番黎, 大家又可以一試...
咖哩味的薯片, 我食左一塊, 真係超辣lor, 辣到苦..... d同事食幾左幾塊, 個個標眼水面紅曬.... 我覺得味道麻麻, 後勁咁勁, 都唔知為乜... 真係買黎玩, 仲要咁鬼貴 =__=||||
生活點滴 | Comments:0 | Trackbacks:0 | 2017/08/28(月)
又8號.....
幾日前先掛完10號風球, 估唔到今日真係又掛上了8號呢!
好彩琴晚落超市入定少少貸, 今日先有野食咋.....
之前的鐘點不做了, 我家近一個月沒人打掃, 我真的受不了.... 今天新的鐘點開始上班, 好彩佢住附近, 唔受打風影響下午都有黎咋..... 呢個鐘點貴好多, 希望可以做得順順利利啦.....

最近私務又很忙, 很想補遊記但總是力不從心又成日分心, 做算成日在家仍然是常常看東看西呢.... 不過感覺這次關西有機會快手完成,畢竟日本遊記真的不難寫呢....
生活點滴 | Comments:0 | Trackbacks:0 | 2017/08/27(日)
S.H.E. - 天亮了

天黑終究會天亮喔
活著就是有希望

天亮了 天亮了 地球又轉一圈了
世界還活生生地存在著
還活著 沒想到我還活著

穿越一場海嘯 甚麼滋味 我終於親身體會
天崩地裂 精疲力竭 靈魂不在身體裡面
然而萬歲萬歲 終於和你有個了結

你一邊 我一邊 我們的世界最好别再重叠
也別再回想那個太長太長的昨天
太多愛 太多淚 別再這樣浪費

天亮了 天亮了 地球又轉一圈了
既然 我還幸運地活著
當然要 全力以赴去快樂

天亮了 天亮了 世界還是好好的
什麼 痛都是很渺小的
看太陽 不是又升起來了

結束一段感情 當然不像 搬個家那麼方便
太多細節 太多碎片 堆在回憶那間房間
但是忍耐一點 不去碰它就不危險

你沒變 我沒變 我們到最後才弄懂這一點
人活著不就爲了實現一個個心願
好可惜 我和你 許了不同的願

天亮了 天亮了 地球又轉一圈了
既然 我還幸運地活著
當然要 全力以赴去快樂

天亮了 天亮了 世界還是好好的
什麼 痛都是很渺小的
看太陽 不是又升起來了

我的心是我的 不會再給你了
我是我自己的 我很快樂

天亮了 天亮了 地球又轉一圈了
既然 我還幸運地活著
當然要 全力以赴去快樂

天亮了 天亮了 世界還是好好的
什麼 痛都是很渺小的
看太陽 不是又升起來了
音樂分享 | Comments:0 | Trackbacks:0 | 2017/08/26(土)
Rosians的攜眷Hot Pot Dinner~
今日老細放假, 又可以輕輕鬆鬆咁過一個Happy friday, 真係爽!
晚上約左Rosians上來我家打邊爐, 約左好耐終於成事! haha! 人多真係唔易約呢~ 我琴晚收工已經買好曬菜煲埋個湯底喇! 早幾日仲買定4打啤酒雪定tim~ 好彩今日我都早收工咋! 我們分工合作, jelly & jennifer早收工的, 分別去唔同既街市買餸, 上到我家都係7pm咋, 8pm就準備好曬d野齊人食得喇....
今晚真係勁多好野食, 好多令野都係jennifer係九龍城街市買架, 好似沙黃豬潤, 手切肥肉, 有骨魚皮, 蝦滑墨魚滑, 黑柏葉.... ben都話jennifer識食, 次次買d野都係係出名既店買的~ haha!! 今次jelly負責買海鮮, 桶蠔, 貴妃蚌, 鱔, 鮑魚仔, 海蝦和脆肉鯇都好好食! 好滿足! yummy!

肥牛, 桶蠔, 鱔, 鮑魚仔, 沙黃豬潤都好好食呢!!! D蝦勁大隻, 好奢侈 XD

好多野食, 真係好正呀!!!!


今晚大家都攜眷出席, 所以有8個人呢, 所有有新面孔新認識! 我屋企唔大, 8人打邊爐都係armarm好咋, haha!
自我拍拖起這9年半日子中, 我第一次攜眷出席的就是在這班Rosians面前了, 因為我們好多年前開始, 就唔止會出黎出飯咁簡單! 這些年, 我們幾個有男有女間唔中會食下飯, 行下山, 露下營, 秋冬都是活動的旺季! 不過時間正好錯開了, 我們從未試過8個人一起集合的時候! 等左10幾年, 我們終於可以集齊4對人一起出現了! 真係好開心好感動, 別具意義呢! 很鄧大家高興呢! 希望各位姊妹們都得到幸福 :)

jennifer, chris, ricky, jelly, tammy, jennifer, roger, karen & ben
新居派對 | Comments:0 | Trackbacks:0 | 2017/08/25(金)
♥希臘瑞士Honeymoon蜜月之旅遊記♥
DAY 1 - 香港, London Heathrow Airport, 希臘Greece, 雅典Athens, Athens Venizelos Airport, 國會大廈Parliament Building, 利卡維多斯山Lykavittos Hill (1/7)
由HK飛London, London飛Athens共用了18小時呢 今天景點不多, 只去了國會大廈看換兵 然後就上山Lykavittos Hill了! 在山頂上可以進到在另一山頭上的衛城~ 好正呢 dinner也在山上吃, 很抵食好滿足 今天已折騰久了, 好早點回酒店休息呢

DAY 2 - 雅典Athens, 衛城Acropolis, 新衛城博物館New Acropolis Museum, 古市集Ancient Agora, 哈德良拱門Hadian's Arch, Temple of Olmpian Zeus奧林匹克宙斯神殿, The Panathenaic Stadium雅典競技場 (29/7)
一早就去了衛城參觀 巴特農神殿真係正, 好有古文明的氣息! 之後去了新衛城博物館 lunch後再去了古市集, dinner完之後再去埋哈德良拱門, 奧林匹克宙斯神殿和雅典競技場到此一遊 總算把雅典市最basic的景點都逛過一遍了

DAY 3 - Santorini聖托里尼, Vedema Resort, Fira費拉, Old Port舊碼頭, Nea Kameni火山島, Palea Kameni海中溫泉, Donkey Ride, Sunset@Fira (29/8)
一早機由Athens飛去Santorini my dream place for honeymoon 搭車去市中心Fira, 終於見到那些沿山而建的白色屋子, 好令 搭纜車去了old port, 參加tour到Nea Kameni火山島 和Palea Kameni溫泉, 景色好美! 回碼頭騎驢仔回市中心 很刺激 回酒店前在餐廳欣賞了Fira的日落 和夜景 好滿足!

DAY 4 - Santorini聖托里尼, Oia伊亞, Oia Mare Villas, Byzantine Castle Ruins, Sunset@Oia (21/9)
今天要往我最期待的Oia出發了 入住洞穴屋suite 白色的希臘式裝潢, 是我夢寐以求的呢 之後在Oia漫無目的地逛, 景色超漂亮, 比Fira更美呢 終於見到postcard中的畫面, 還有藍圓頂的白色教堂 好感動! 真的不枉此生了! dinner完之後再去 Byzantine Castle Ruins看世界上最美的日落

DAY 5 - Santorini聖托里尼, Kamari Beach, Red Beach紅沙灘, Oia, Sunset@Oia (30/9)
今天仍在Santorini活動, 早上先去了個黑色的石灘Kamari Beach, 之後再去Red Beach 原本是沒什麼expectation的, 不過卻很有surprise呢, 好美! 晚餐在海邊吃我最愛的海鮮 之後趕回Oia再看世界上最美的日落 今晚沒雲, 夕陽比昨天美得多了! 無憾了! 然後再去酒吧睇歐國杯

DAY 6 - Mykonos米科諾斯島, Grace Mykonos Hotel, Agios Stefano Beach (16/10)
今天要離開Santorini向另一希臘小島Mykonos進發了 搭中午的船 到達Mykonos時已經晚了, 今天沒什麼行程, 只在酒店check-in, 酒店也是白色的希臘style也很美 之後到附近的Agios Stefano Beach逛逛, 再來個early dinner 晚上回酒店享用免費cocktail和小食

DAY 7 - Mykonos米科諾斯島, Hora荷拉, Town迷宮, Little Venice小威尼斯, 5 Windmills五個風車, Paradise Beach天堂海灘, Paraga Beach (3/11)
今天先去了市中心Town迷宮, 藍白相間的屋子很美 之後到小威尼斯和最出名的五個風車 再去遠d既Paradise Beach和Paraga Beach 晚餐回市中心吃意大利菜~ 今天是在希臘的最後一天了, 不捨 不過仍懷著期特的心明天向瑞士出發

DAY 8 - Switzerland瑞士, Zurich蘇黎世, FIFA World Football Museum, Bahnhofstrasse班赫夫購物大道, Lindenhof林登霍夫山丘 (20/11)
一早就要離開希臘了 雖不捨, 但去瑞士很興奮呢! Zurich就是個大城市 今天天氣麻麻 先去了他很有興趣的FIFA World Football Museum 他難得地很興奮呢! 之後再上了林登霍夫山丘, 景色好美 晚餐吃不到瑞士芝士火鍋, 不過也吃了瑞士菜! 價格真的比希臘貴很多呢

DAY 9 - Engelberg, Mount Titlis鐵力士山, Luzern琉森, Vierwaldstattersee琉森湖, Kapellbrucke卡貝爾木橋, Zurich蘇黎世 (24/1)
今天向雪山出發了 雖然一早天色一般, 不過來到Engelberg時已見到藍天白雲呢 終於上到有名的鐵力士山, 好壯觀的雪山脈 配合埋好天氣景色真係一絕! 好感動呢 回到Luzern坐了觀光船遊湖 之後沿著卡貝爾木橋一直行到對面岸, 晚餐吃瑞士芝士火鍋! 正呀

DAY 10 - Interlaken因特拉肯, Grindelwald格林德瓦 (20/2)
今天天氣很差 雖來到Interlaken但我們決定不上First展望台了, 真係好失落! 只吃了Raclette烤芝士和買了軍刀! 很早就回去了, 也決定改一下我們行程, 隨機應變

DAY 11 - Zermatt策馬特, Gornergrat葛內拉特, Mt. Matterhorn馬特洪峰, Roterndoen-Riffelsee健行, Matterhorn Museum馬特洪峰博物館, Interlaken因特拉肯 (29/3)
跟隨著好天氣, 一早大長征地去了Zermatt, 登上Gornergrat成功看到了三角形的馬特洪峰 好感動! 天色很好呢 之後在Roterndoen-Riffelsee健行, 很amazing的雪山景! 非常滿足 回Zermatt買手信, 晚餐吃了瑞士特色的炸肉火鍋 很特別! 很晚才回到Interlaken, 累了!

DAY 12 - Interlaken因特拉肯, Jungfraujoch少女峰, Top of Europe, Zermatt策馬特 (9/7)
最後一日留在少女峰地區了, 好彩地在天氣還可以的時候上到雪山 我們終於來到了Top of Europe喇! 雖然能見度不是最好的, 不過也心滿意足了 在山上玩雪兜, 好刺激 下山時已經下雨了 山上的天氣真是瞬間萬變呢! 晚上回Zermatt了, 都沒有正式dinner呢

DAY 13 - Zermatt策馬特, Sunnegga采爾馬特, 土撥鼠步道Murmelweg健行, Walliser Schwarznasenschaf黑面羊 (17/8)
因為天氣麻麻多雲 所以只上了Sunnegga找了條輕鬆點的土撥鼠步道健行 行錯了幾次路才找到對的呢! 沿途都有發現土撥鼠的蹤影呢 在山頭上見到大群黑面羊, 很可愛呢 晚上海頓地道的瑞士dinner, 滿足!

DAY 14 - Zermatt策馬特, Matterhorn Glacier Paradise馬特洪峰冰河天堂, Blauherd布勞赫特, 5-Seenweg五湖健行, Zurich蘇黎世 (25/8)
今天超好天呀 一早去了Matterhorn Glacier Paradise看雪山群, 好清! 之後去了Blauherd五湖健行了4小時! 景色真係令到癲! 見到超完美的無雲的馬得洪峰 也見到雪山在湖中的倒映, 這趟旅程無憾了 有驚無險地很晚才回到Zurich呢

DAY 15 - Zurich蘇黎世, 香港 (25/8)
最後一天, 沒什麼行程就直接去機場了 可惜買不到名錶啦! 12.5小時直航回HK, 很圓滿的Honeymoon, 很難忘的旅程

用了一年兩個月, 終於完成左15日的honeymoon之旅! 雖然我仲有好多爛尾既旅記, 不過因為這是honeymoon, 因為希臘瑞士實在太正, 所以其實我從來都沒想過放棄的~ kekee! 完成了, 很感動! haha!
歐洲旅記十幾日真係好難寫呀! 我仲要咁長氣又鍾意post勁多相.... next target我會補番2016年10月既"關西獨遊"遊記~ 只有5天, 應該易寫d卦..... 希望3個月內可以完成, haha! 敬請期待呢!
甜蜜糖月 | Comments:0 | Trackbacks:0 | 2017/08/25(金)
金鴨咸蛋魚皮
繼續咸蛋魚皮大熱, 上星期試左同事S買的"IRVINS"牌, 今天就試同事V買的"金鴨"牌~ yeah! d同事真係識分享 =p
呢隻個咸蛋味濃d呢, 不過魚皮味冇咁出.... 其實2隻牌子都好食, 我好似prefer呢隻多d呢... kekee!
生活點滴 | Comments:0 | Trackbacks:0 | 2017/08/24(木)
10號波
由琴日開始同同事講, 到晚上都叫"坐定粒六"....
今天一早醒來見到T8, 好安心繼續訓....
之後還掛了好幾小時的T10, 真係好大風呢~ 我都有D擔心自己間屋....
無啦啦多左一日假, 好relax! 今個星期真係好易過~
不過今次個風真係好勁, 造成唔少破壞! 希望大家都平安吧!

人既思想可以轉得好快, 而我做事就是要快、狠、準!
想做的事就去做, 想多無益!
最討厭自尋煩惱, 有煩惱也會盡快解決和做決定~
哪怕做的決定最後未必覺得最滿意也罷, 只要後果是自己能承受的, 就沒什麼好擔心啦~
子非魚, 你又怎麼知道我很快所做出的決定不是經過深思熟慮的呢?
(說穿了, 就是典型的白羊性格, 無耐性又心急而已 lol)
生活點滴 | Comments:0 | Trackbacks:0 | 2017/08/23(水)