Daisypath Anniversary tickers
打邊爐with CUS~
上星期五即興約CUS今日dinner, 竟然都可以有5個人出席, 真不錯! haha! 我, Ingrid, eva poon, rainboe & philip, 既然有5個人, 打邊爐是個不錯的選擇吧 =p 我呢個攪手真係做得唔錯, 多謝大家俾面, 哈哈哈!
我們去左中環新開的"火鍋撚", 真係唔算貴, d火鍋料好新鮮好正~ 我地點了個鴛鴦鍋 - 酸菜白肉鍋 (酸菜白肉任食)+ 祖傳秘製麻辣鍋 (鴨血豆腐任食), 仲有手切牛 & 安格斯牛, 黃喉, 脆鯇魚腩, 響鈴, 黑柏葉, 好正呀! 呢d食物其實真係好適合配麻辣鍋! 我以前都唔食架, 係成日去大陸出trip先食多左, 其實真係幾過癮! 口味果然是會變的! 呢度只係欠左生啤, 杯guinness好淡又冇汽! 汗! 之後都飲番樽裝藍妹!
大家呢個組合都好耐冇聚過了! 恭喜rainbow轉左工強勢回歸! weekdays都可以出黎, hahaha! 自大學認識大家已10+年, 大家都相繼結婚、置業又做人父母了! 時間真係過得好快, 不過都係開心事來的, 恭喜恭喜! 星期一都可以有這麼愉快的gathering真開心, 如果今天是happy friday就好啦, 可以飲個痛快! 好吧! 等我下次再即興約下大家平日dinner, 出席率好像不錯呢, kekee!!

脆鯇魚腩, 牛脷, 葡萄火撚夜明珠, 桂花蚌, 黑柏葉, 薯粉, 皇帝菜, 手切肥牛, 白鱔片

極品安格斯肥牛, 田雞, 豬潤, 脆肉鯇片, 香蒜粒炸魚皮, 鮮牛黃喉, 金菇, 響鈴黑松露墨魚滑拼鮮瑤柱干貝滑,

philip, karen, eva poon, ingrid & rainbow~

仿古代酒器盛載的腐竹糖水沙冰,清熱解渴

Cheers~ weekday都能相聚真開心! 如果聽日係星期六就好!
食店: 火鍋撚
地址: 中環雲咸街46-48號雲明行3樓
識飲識食 | Comments:0 | Trackbacks:0 | 2017/07/31(月)
夏水禮
今日香港的溫度錄得新高, 我地就去左游水, 2017夏水禮, haha! 不過我地今次唔係去自己屋苑clubhouse, 而係去左99屋苑個clubhouse游~ 因為我自己個clubhouse要比錢, 99果度係free的呢~ haha! (自己屋苑都要二三十蚊架) 所以我地上左99屋企lunch之後就去左游水lu~ 游左個幾鐘, 再焗埋桑拿係幾爽既~ kekee!

2017夏水禮~

唔洗錢游水, haha!
生活點滴 | Comments:0 | Trackbacks:0 | 2017/07/30(日)
Jennifer's Birthday Dinner
旅行番黎完全冇點休息過, 連續2晚都出左街, 好累! 今日星期六一早就要去做facial, 做到訓著左, 汗!
之後回家休息下訓下, 好支力....

晚上去了上環吃Jennifer的生日飯, 去了我4月生日時才來過的"Trattoria Doppio Zero"~ 呢度d pasta出名丫嘛~ 大家要等我旅行完番黎先食, 久等了~ haha!
點了個2人餐再加了些東西, 個medium rare的Ribeye超好食! armarm好好嫩呀! 仲有舊牛骨髓呢, 好正! 好香牛味, yummy!!

affettati, prawn soup, tramezzino, alcoholic drinks~

potato cappelletti, prawn spaghettini, sea bass, grilled USDA Ribeye (medium rare勁tender好好食, 舊牛骨髓好加分!)


是晚的話題都是圍繞tammy結婚的事~ 雖然她不斷強調自己要一切從簡, 但仲有4個月咋, 我都替你緊張, haha!!
最後是birthday cake~ 吸取以往吃不完的經驗, 所以沒有再買bday cake了~ 不過一早叫了餐廳寫字~ Happy Birthday to Jennifer~ 由中四至今, 我地已經係第十幾年一齊慶祝生日了! 真係難得! 咁快又一年lu~ wish u all the best!
我地已經約定下個月的打邊爐聚會, 諗左一輪都係上我屋企, hahaha!! 好期待, 好想認識jelly的新朋友呢~ kekee!!

happy belated birthday to Jennifer

wish your dreams come true!!

Karen, Jennifer, Tammy & Jelly~

已經第15+年一起慶生了!!! 下個月再見!
食店: Trattoria Doppio Zero
地址: 上環文咸東街22號地下
識飲識食 | Comments:0 | Trackbacks:0 | 2017/07/29(土)
第一屆雀王爭霸戰
今日成team人都冇心工作, 因為我們晚上有team gathering, 都是老細攪的~ 老細早前心血來潮想打麻雀, 所以就攪左今晚呢個"雀王爭霸戰".....
大家6點即閃, 去了TST east開枱~ 今晚落場打的人有12位3枱, 每枱贏了的人 + 老細就進入final..... 為左隆重其事, 我地仲準備左冠亞季軍的獎杯獎牌, 秘書仲準備埋poster, 有曬參賽者個樣同名, 真係好認真架 =p

第一屆雀王爭霸戰

有曬冠亞季獎杯獎牌, 好認真! 哈哈!


我打牌一向麻麻, 唔叻, 而且都係同中學同學打多..... 都冇咩試過同其他人打.... 同枱的人都是抽籤的, 第一輪賽事我竟然做了大贏家, 自摸左2次, 食左幾鋪包括清一色, 嬴左成200幾蚊呀! 正! (3番起糊, 3番16蚊, 最大8番) 所以我順利入左決賽, 汗!
第一輪賽事之後就dinner啦, 都是普通的圍菜啦, 之後進入第二輪final, 打4圍, 我就輸得徹徹底底, 勁出沖, d人又自摸, 我就只係食左鋪3番咋, 最後輸左600蚊, 嗚.... 所以咁, 我就成了第4名, 冇獎杯拎lu....
老細攪過咁多次team function, 生日P, 唱K, 行山, 打麻雀, 今次都算最成功既一次, 起碼各自玩, 唔洗就住就住, 哈哈哈!
打完牌都12點幾, 回家都差不多1點了.... 我自旅行回來, 都未好好回氣呢, 好累呀!

今晚我地條team好齊人! 16人出席, 多過平時開會 XD

大家都好認真打牌....

今晚的冠亞季軍! 恭喜恭喜! 我是第4名, 冇獎! haha....
識飲識食 | Comments:2 | Trackbacks:0 | 2017/07/28(金)
Silver
近年Marco Polo Club改左制, 升級不再計次數而是計club points, 飛短途機要飛好多次才可以upgrade! 難左好多.... 像我來回飛長沙的話, 一年要飛15次才可以升級, 飛上海則有多一點club points......
要經過這一年瘋狂咁飛, 一個月飛1至2次 (有時仲要搭高鐵儲唔到), 我終於upgrade左做SILVER了! 真是得來不易! 有血有汗呢! 其實silver都冇咩特別, 只係可以上機先和入lounge, 也好吧... 畢竟flight delay的話入lounge都幾有用!

生活點滴 | Comments:0 | Trackbacks:0 | 2017/07/27(木)
Back from UK & France

11的英法之旅咁快就結束了~ 今次旅程玩得非常愉快! 在Manchester只留了三天,其中兩日的天氣都非常好,要知道在英國見到好天氣可不容易呢!
一向對Manchester都沒有期待的~ 只打算輕鬆地走走~ D1Manchester市內只去了球場, Manchester United因為冇book所以入唔到stadium, 於是我們就去了Manchester City的~ 我不是球迷所以都冇咩所謂~ 加上老公10年前已入過曼聯球場, 去曼城仲好啦 =p (10年前曼城唔勁, 哈) lunch去了Lobster & Burger! 終於食到喇! 龍蝦好好食, 一d都唔貴, 好正! 黃昏時就去老公表姐家食飯, 我第一次見咋! 很感謝表姐煮曬飯又俾xx我地熱情招待呢!
D2去了周邊的湖區Lake District National Park~ 風光明媚呢!很高興遇到好天氣~ 又有藍天又有涼風! 湖風山色好舒服, road trip真係正!
D3就是我們今趟旅行的最大意義, 去老公在University of Manchester MBA Graduation呢! 好高興可以在英國行畢業禮,真的跟香港嶺南大學完全不同呢! 氣氛好多了! 很慶幸有份出席, 恭喜曬老公, proud of u!
今次在英國沒有去其他地方, 一來早2年已第2次來UK, 我也沒什麼地方特別想去了, 還不如在法國多留幾天~ 我希望下次再來英國時, 還是跟Aberdeen之友一起再次回到Scotland吧! hehee!



這次旅程, 南法普羅旺斯和蔚藍海岸才是我最期待的地方呢! 會選去南法一來對鄉下一點的地方有興趣, 二來是7月是薰衣草的季節嘛! 基本上在南法8天每天都是天氣超好的,陽光超級猛烈 (已比我想像中好, 沒希臘曬),天空超級藍的~ 不要以為我成日戴超和太陽帽係度扮曬野, 事實上真係非常有需要用的呢!! 另外, 南法d野食真係好食過英國好多 XD 唔似Paris的咁精緻, 因為地理關係吧, 食物份量不少, 像是意大利+地中海的味道! 正! (近年我真係想再去意大利)~ 南法的建築也因為歷史的原因, 有很多羅馬帝國的遺跡~ 原來除左薰衣草, 普羅旺斯的山城/ 石頭城和小鎮都一樣咁令, 很impressive呢! 我越大越唔鍾意去大城市,反而好鐘意去小鎮, 景色令好多呢!
普羅旺斯的山城小鎮非常漂亮,好鐘意!而蔚藍海岸的海岸線也非常漂亮, 這8天我見到很多喜出望外的風景呢! 好滿足!
老公一畢完業, 我們D4一早就飛去南法Avignon了,在教皇廣場下食牛肉他他飲著酒真係好正, 真正的在享受人生! D5立即出發去Valensole睇薰衣草, 可惜今年早左開花, 見到不多呢! 但這天也去了Sainte Croix de Verdon看聖十字湖和非常漂亮的星城小鎮Moustiers-Ste-Marie~ 有關十字軍東征的傳說, 太浪漫了吧!
D6先去了Fontaine-de-Vaucluse, 之後再到法國最漂亮的小鎮之一Gordes, 那舊城真的彷彿是個天空之城呢~ 好有feel! 最後黃昏時在Sault見到大大片紫色的薰衣草田, 夕陽陽光灑在花上,輝映出醉人既香檳色! 真係好令好令! 好感動! 此行的Mission completed了! thanks God!
D7去了Chateauneuf du Pape的酒莊品酒, 也去了OrangeArles參觀了不少羅馬帝國的遺跡、追尋梵高大師的足跡! D8在普羅旺斯最後的一天, 加插了漂亮的山城Les Beau-de-Provence, 然後到Marseilles竟然遇上了環法單車賽呢, haha! D9各蔚藍海岸出發了, 在Cannes梗係要行紅地毯啦! haha!! D10去了全世界第二小的國家Monaco~ 我終於來到了傳說中的蒙地卡羅了 (不是中國的別墅蒙地卡羅山莊啦, haha) 原來Monaco既風景係咁靚架,同南法既建築和風光完全不同,多左份奢華! 值得一遊呢! 我們也去了Monaco FC stadium行tour架, 因為老公鐘意, 哈! 來到D11已是最後一天了, 在Nice的海邊玩水玩浪, 好正! 原來Nice個海灘真係好長水色好令! 比我想像中好多得了呢~
我覺得南法真係好值得黎! 想我想像中還有趣! 而且我覺得不會危險, 這邊的法國人也沒有不友善呢! 不會不說英文! 跟奢華的PParis完全不同! 在這兒花上一個多星期, 成個人真係好relax呢!

其實去一轉歐洲都唔算洗好多錢姐, 今次我們預多了GBP和Euro, 用淨不少呢!! 因為其實都沒什麼錢要花吧 =p 這次老公開車開足11日. 辛苦曬了! 他說比以往累呢, 我就還好啦 =p
繼2014東歐、2015英荷、2016希瑞,今年2017我地又去左英法喇! 正如去年Honeymoon回來後說的, 2018年我也沒有plan去歐洲旅行, 要揀long-haul的, 我會先選擇New Zealand, Tasmania或USA吧! 除非又有什麼非去歐洲不可的理由啦! 如果下次再要plan去歐洲, 我會選擇的是冰島、意大利南部、克羅地亞+巴爾幹半島、北歐吧!
不過別想太多了, 我還是focus一下我還有2個星期就出發的台灣之旅吧~ hahaha!!!
環遊世界 | Comments:0 | Trackbacks:0 | 2017/07/26(水)
英國曼徹斯特畢業禮暨法國普羅旺斯蔚藍海岸之旅 - Day 6
今天是我這個行程中最期待的一天呢, 因為可以睇薰衣草, 因為可以去法國最美麗的小鎮Gordes~ 仲可以去好幾個旅遊書上不多介紹, 如樣是法國最美的小鎮之一的小鎮s~ 我最喜歡去這些歐洲小鎮的呢 >w< 今天9am出發, 之前擔心今天多雲沒藍天, 好彩今天都好好天呢, 陽光好猛烈, haha! perfect day for outing!
仍然是9am出發, 今天第一個景點是碧泉村-Fontaine-de-Vaucluse~ 由Avignon開車過去只是一小時的車程, 好近架咋~

好快就來到碧泉村了, 這兒是個很小的村落, 放下了車, 很了一小段路, 就見到了一個碧綠的泉水, 我們就知道來了到碧泉村了~綠色清澈的湖水和水底的水草連成一片, 今天天氣好, 陽光灑落在泉水上, 泉水不斷的閃爍著, 還可以見到水下的水草隨風在舞動呢~ 真的很清澈很美呢, 難怪這兒有法國/ 普羅旺斯的九寨溝的美譽~

Fontaine-de-Vaucluse碧泉村

真係水清見底的啊!!!! 好令~

泉水很清, 很綠~ 難怪人家說這兒是法國的九寨溝!!

天色很好, 把泉水都曬得碧綠色的


碧泉村的河流, 是由湧泉形成的小溪~ 降雨和融化的冰雪都匯集到碧泉村, 全球第五大的湧泉就是由這裡湧出地面~ 難得來到, 我們都沿著溪流的上游走, 行到泉頭去看看~
行了不一會, 就來到了一間很舊的造紙廠 (Monlin à Papier), 外面有一個大水車~ 是以前追紙的技術呢.... 入面展示著造紙的方式告和歷史~ 這兒從16世紀開始, 就生產各種花樣圖案的紙呢~ 而旁邊仍可以看到漂亮的溪流, 綠油油的很舒服很漂亮呢!!

慢慢的各上游行, 行往泉頭~

好漂亮, 綠油油的泉水~

造紙廠外的大水車~


逛了好一會兒, 總算是到爬到了較高處的泉水源頭了~ 如果水流大時, 可以在洞上看到清澈的泉水呢~ 我穿的鞋不方便, 沒有爬到泉口, 只在高處等老公爬下去~ 附近都是峭壁呢~ 不過今天水流不大, 只看到泉口的洞而已..... 河流的水就是從這個洞這個泉口流出的~ 不少人曾嘗試探測湧泉深度, 直到1985年, 才有艘無人駕駛的潛水艇測出了洞口的深度有315公尺呢....

清泉呀!

就係呢個洞, 這就是泉口了~

行番出小鎮~ 令!


這已是小鎮外面了~ 條橋好令呢!


在碧泉村留了一個多小時就走lu~ 今天還有很多行程, 還有很多地方要去呢..... 沿路見到不少薰衣草, 跟昨天的不同, 不是在路邊見到, 而家在山城往下看, 而見到的一片片花海, 好厲害好壯觀呢! 開住架車可以隨時停下拍照, 真係幾爽架!


見到山下一大片lavender, 好正!

環境真係真心正!


再開多大半小時車左右, 我們就來到了著名的塞農克聖母修道院Abbaye Notre-Dame de Senanque~ 那條山路也不好走呢..... 這個修道院只離Gordes 4公里, 很方便~ 建於15世紀, 這家修道院和意大利文藝復興時期的教堂相比, 完全呈簡約主義.... 不過這兒最有名的是外面的一片薰衣草花田, 紫色的花海和修道院是普羅旺斯的經典畫面, 常常都會見到這畫面在postcard中出現呢 =p 因此這修道院被公認為法國最美麗的修道院之一呢~

Abbaye Notre-Dame de Senanque

著名的塞農克聖母修道院!

最著名的是外面的一片薰衣草花田

被公認為法國最美麗的修道院之一呢


雖然這兒的薰衣草花田不是很大, 不過這場景實在很是classic~ 又修道院又lavender呢~ 好正! 我們來時正值正午, 超曬呀! 不過的確片花田唔係好大既, 同埋可能我們來晚了, 薰衣草唔算好紫呢..... 如果早多2星期黎該更令~ 其實abbey真係好出名, 超多人黎呀, 車龍好長, 汗!
其實修道院唔係好大, 所以我們都沒有付錢進去, haha! 只在外面拍拍照就算了 =p

雖然薰衣草花田唔算好多好大

不過這個畫面真係好classic呢! 紫色的花海和修道院

這是常常在Provence見到的經典畫面呢!

可能我們來晚了, 薰衣草唔算好紫呢....


之後開車去Gordes, 只是10分鐘左右~ 這個小鎮也是我很期待的, 因為老被喻為法國最美麗的小鎮呢! 也有天空之城的美譽~ 在網上看過它的照片都覺得好正呢~ Gordes是個山城, 小鎮依山而建, 我們要開車上山, 兜了很多圈才到達小鎮的中心呢.... 在車上開著, 本來只看到很多樹和一些城的影子, 但突然經過了一個空曠的位置, 天空之城突然出現了一下在眼前, 成個山城, 勁令呀!

還未有時間停下欣賞這山城, 我們先把車停下, 食番個lunch先~ 都是隨意找的餐廳, 不過環境真係好正呢~ 又是alfresco dining,
今日個lunch很豐富, 我地每人兩個courses, 我的是前菜魚、主菜牛, 老公的則是前菜生牛肉、主菜魚~ 都好好食呢! 我真係好鍾意食法國菜呀 >w< 仲可以飲住杯白酒, 真係好正好high! 美酒佳餚! 我真係好適合在歐洲吃喝玩樂啊!

隨意找了這家餐廳食lunch~

我的是前菜魚、主菜牛, 老公的則是前菜生牛肉、主菜魚

美酒佳餚! 好正呀!

selfie一張, 享受人生!


然後在小鎮逛逛啦, Gordes呢個小鎮真係有令, d建築雖然好簡單但都好令, 不是似童話世界, 而是真的很南法feel呢, 跟paris完全不同~ 門前又有好多陽傘、花、畫等等, 好colorful, Gordes城內大大小小的建築物都是以石頭堆疊而成~ 簡樸優雅~ 成個感覺好悠閒好relax好渡假呢, like!

Gordes小鎮

真係好南法feel~

身後是我們剛才lunch的店~

好好太陽, 成個城都好令好令~


Gordes的意思是"懸空的村子", 所以Gordes有天空之城的美譽~ 我們終於可以去Gordes最有人氣最出名的展望台參觀了Gordes的全景, 這兒是欣賞Gordes最美的角度, 這裡可以眺望Gordes的全景, 浮在空中的天空之城就在眼前! 在網上看過Gordes的照片, 我一直都非常想來呢! "Gordes小鎮沿山而建, 繞著山邊盤旋而上的道路與櫛比鱗次的石灰岩的屋子, 很是一幅和諧的景象~ 路過的人帶來不少驚喜!
建於16 世紀的Gordes小鎮, 被選為法國最美麗的村子之一~ 這座古城曾吸引很多藝術家在此停留, 這兒亦是英國小說家Peter Mayle筆下"A Year in Provence"的原型所在~ 這部小說後來更被改拍成荷里活電影"A Good Year" (美好的一年) 呢~ 電影就是在這兒取景~ (雖然我沒有看過lol) 這兒的風景真的很漂亮, 去過世界上那麼多地方旅遊, 都從沒見過這樣的風景呢~ 真係好impressive~ 我很喜歡這樣站遠一點, 腑覽成個城或小鎮的景觀呢~ love!

嘩, 真係好令! 感覺真係好似天空之城呢!

這個是必到的影相位!

來zoom近一點點吧~

我超級喜歡這個景點呢!

一定要來一張單人照

來自拍一下吧~

one of the most beautiful cities in France!!!

這個位置更開揚, 拍照更佳!

我們來selfie一張吧~

陽光照猛烈, 好曬呀!!!

byebye Gordes!!!


離開Gordes, 再開車去另一小鎮Roussillon紅土城-魯西隆~ 這個地方旅遊書沒有介紹, 是我在網上找的, 因為距離近, 所以通常跟Gordes和薰衣草, 很多local tour都會來這兒呢~ 在普羅旺斯的Luberon山區, 隱藏著很多充滿魅力的小鎮,
Roussillon因盛產赭土而聞名, 整座山城都是赭紅色的建築~ 所以又名紅土城, 也是普羅旺斯非常著名的山城小鎮..... 我們先從外面遠觀, 跟Gordes不同, 這兒是一片的紅呢, 雖然這兒沒Gordes漂亮, 不過被紅色所包圍的古城, 好特別! 又是一個漂亮的山城! Provence的山城真係好正~

Roussillon紅土城-魯西隆

這樣的畫面真係好少見.....

Roussillon城上還有些薰衣草, 多特別~



Roussillon的紅色赭土大峭壁


還有些時間, 我們在Roussillon小鎮逛一下~ 壯麗的紅色山崖與赭石採石場而聞名於世~ 這裡的建築物都使用了當地的紅土為建築材料, 並以紅土提煉出來的顏料彩繪建築物, 構成一幅幅迷人漂亮的彩畫..... 小鎮很漂亮, 很有藝術氣息~ 小店賣的商品精緻, 油畫、薰衣草、香料, 成個feel勁正又好香呢...... 好喜歡穿插在這樣的小巷中~
我們剛來Roussillon時天氣不好, 天有點陰想下雨, 好彩最後都係出番太陽呢....

很有藝術氣息的Roussillon

好喜歡穿插在這樣的小巷中

磚牆都是紅色的~

店面都有很多藝術品

一片紅, 多特別....

byebye Roussillon!


離開Roussillon, 已經黃昏時間了.... 我們開車去Sault village尋找一下薰衣草.... Sault是除了Valloensole之外另一個看薰衣草的熱點, 雖然佔地沒Valloensole集中, 不過也有另一種美! 開了車不一會, 我們已能找到一片薰衣草田, 我們又下車拍照了呢, kekee!

又見到一片薰衣草田

我像稻草人嗎? haha!

我喜歡這張~

雖然不算很多薰衣草, 不過這畫面仍然很好看!

一片紫~

自拍一下聞薰衣草的樣子是常識吧~

走進薰衣草花田中~

來個close up特寫吧 >w<

iphone影既冇咁sharp =p

呢幅都唔錯, 我都鍾意呢係花海中既感覺 =p

陽光開始消失了.....


之後終於再車進了Sault小鎮, 不過鎮上原來是那麼小的, 沒什麼好逛, 不過我都在鎮上買左少少souvnier呢~ 哈!
最特別的反而是在個展望台, 真係見到一片片既薰衣草田~ 這是Sault最signature的景色~ 還可以俯瞰周遭的橄欖園及葡萄園景色呢~ 真不錯!

Sault的展望台

一片片既薰衣草田, 仲有好多草地相間

展望台旁有介紹.....

陽光又出番黎既?

去Sault小鎮買左少少手信....

好漂亮的薰衣草田

Sault的薰衣草比較矮..... 比較深色

黃昏時候還有很多陽光呢....

就這樣把車泊在路邊......


本來打算回Avignon的了, 不過回程時又經過曾經經過過的薰衣草花海, 這個時候花海已經沒什麼人了, 我們二人可以獨佔海花拍照呢, 超正! 更重要的是, 這時正值黃昏時候, 夕陽陽光灑在花田上, 輝映出醉人既香檳紫色! 真係好令好令! 好感動! 我們在這兒玩了大半個鐘! 好開心~ 這旅程中, 這一輯的薰衣草照片是最漂亮的~ 2017 summer揀來南法就是為了這個畫面! 此行的Mission completed了! thanks God! 好感恩!

又回到這一片薰衣草田

OMG, 超正呀! 超大片薰衣田呀!


好紫, 好正!

人在花海中有多渺小呢....

好紫, 好令!

超鍾意個身後個花海呢~ 好紫!

love this photo too~

陽陽光灑在花上,輝映出醉人既香檳色! 超正!

來個合照, 2017 summer揀來南法就是為了這個畫面!

我們set機自拍~ 拍得多好呢, background好正呀!

自拍下.....

來一個吻吧 >3< 此行已mission completed了!

夕陽無限好, byebye Sault!


差不多9pm先回程, 由Sault回Avignon要差不多2個半小時呢.... 累..... 晚上沒dinner, 我們回到Avignon周邊才在burger king吃少少野, 老公由在Manchester時已經好想食了, haha! 我只點了個fish burger他就點了一個set, 這樣就15.8 euro了..... 不過真心, 外國的burger king真係幾好食好有quality呢!
回到酒店已經11pm多了..... 呼, 好好休息吧! 行程還有一半呢, kekee!

今晚食Burger King~ 好食wor!
環遊世界 | Comments:2 | Trackbacks:0 | 2017/07/20(木)
英國曼徹斯特畢業禮暨法國普羅旺斯蔚藍海岸之旅 - Day 5
今天開始去普羅旺斯的郊區地方, 尋找薰衣草的蹤影了, 也是我這次去南法最大的心願~ 9am才開車出發, 可以訓到差不多8am, 真係好幸福! 去南法旅行, 真係仲訓得夠過自由行去日本, haha!
今天會去Valensole瓦倫索勒, 距離Avignon車程2小時, 要行d收費既highway, 都開得好輕鬆既..... 我們沒吃早餐, 沿路才在PAUL買番件pastry食下.... 頂一頂肚啦~
2個小時的車程, 不算很長, 今天天氣沒昨天的好, 有些雲呢! 加上知道Valensole其實是6月底7月初開始開花, 如今已經7月中了, 所以都有d擔心.... 不過沿路見到一大影片向日葵田呢, 好漂亮啊! 可惜在highway上不能下車拍照....

中途站, 去PAUL買番個pastry做早餐

沿路見到一大影片向日葵呢~


2個小時後, 11am左右我們終於來到Valensole了~ 因為這兒有太多蕉衣草原, 所以一早上網找了座標, 也看了哪條公路, 哪兒有最多lavender就去哪~ (基本上網說走D6和D15公路都能見到好多薰衣草) 好快我們就來到一大片薰衣草原呢, 已經有不少人在拍照了~ 真係一望無際架, 不過有d收左割lu~ 而且沒有平時睇相既咁紫, 還見到很多下面綠色草草的部分呢! 大概是因為這時Valensole的薰衣草已經是季尾了.... Valensole薰衣草的開花季是六月尾七月初左右, 今天已是7月19日了, 算是水尾了吧, 來之前都預左, 不過要就老公MBA的畢業時間, 沒辦法啦.....
雖然說薰衣草沒postacard般的紫, 不過其實仍然是很紫的啦, 而且真係好大片好一望無際的啊! 我們走進薰衣草花田中拍照 =p 在花田上的遊人不少, 也不把大家攝進照片中也是一門學問呢~

在南法見到的第一塊薰衣草田, 好壯觀!

薰衣草沿著高原而種, 好喜歡這個弧度呢, 像種到上天似的呢!

雖然有些已經收割了, 不過仍然還有很多很多呢!

這樣拍, 就會見到在花田也是有很多遊人的 =p

真係好多薰衣草呀, 好正! 這是我來南法的最大原因!

好喜歡這個弧度呢, 薰衣草沿著高原一直伸展....


走進花田中拍照真係好正, 不過要走入去都唔易架, d草勁高, 而且仲有好多蜜蜂同飛蟲, 不過為左影令相, 冇計啦~ 我們就把車放在路邊, 拎埋腳架落花田影, 真不錯, kaka! 成大片紫色花海真係好壯觀呢~ like!
Valensole是薰衣草發源地, 也是世界上最大片薰衣草的種植地! 每年summer都吸引世界各地大批遊客來欣賞花海~ 從十九世紀開始, Valensole就開始種植熏衣草, 產量在世界上獨一無二, 比澳洲和北海道大超過多, 據說可滿足全世界80%的需求量! 這兒供應著全世界對薰衣草需求量的四分之三以上呢! 很多旅行團都不會去Valensole而只去近一點的Sault, 自由行的我們就決定2邊都去, kaka! 雖然我不怎麼喜歡薰衣草的味道, 不過還是很開心很興奮見到薰衣草花海呢, haha!

走進薰衣草田中~

找人幫我們拍個合照~

走進花海, 我覺得自己很像稻草人, hahaha!


close up好正呀!!!! 置身於花海之中! 我來之前已想像好的照片, haha!

另一邊的薰衣草田, 咁樣睇落會綠d....

真係好廣闊呀! 一望無際呢~

雖然我不怎麼喜歡薰衣草的味道, 不過還是很開心見到薰衣草花海, haha!


拍過照片, 我們就繼續趕路了~ 我們開車去下一個景點Lake of Sainte-Croix聖十字湖, 沿路經過了一個小鎮, 有d市集, 我地決定停下來, 行下食個lunch先再繼續上路.....
隨意地找了家有餐廳坐了在outdoor seating~ 望住大街上的人來人往, 好relax~ 就算是這樣的一個南法小鎮, d建築都好有feel呢~ 其實我喜歡這樣的歐洲旅行多過去景點, haha! summer來歐洲真係有好多時間可以好relax好enjoy呢! 今餐我食pasta, 老公食steak~ 大家都要飲啤酒降降溫 =p

市集都是賣lavender相關既物品~

細小不知名既南法小鎮都咁令~

我地搵左間有outdoor seating既餐廳食lunch~

我食pasta, 老公食steak~ 大家都要飲啤酒 =p

咁既環境食lunch好有feel!


lunch完再次出發, 由Valensole開車去聖十字湖Lake of Sainte-Croix~ 聖十字湖是個非常大的湖泊, 看到湖的地方非常多~ 我們主要停在一個叫Sainte-Croix-du-Verdon的地方, Valensole開車過去才30分鐘左右~ 沿路的風光都不錯呢~
PS* Valensole其實是個州來的, 地方很大~ 我也不具體知道我們去了哪, 因為我們主要都是開車在D6, D15公路上找花田的 =p

沿路在車上看到的風光~

很多薰衣草田都已被收割了.....


開車的時候, 突然又見到一大片薰衣草原, 雖然沒有剛才的那麼大, 那麼廣闊, 地勢沒那麼斜比較平坦, 不過這兒感覺更紫呢~ 而且沒什麼遊人, 都是開車經過的人把車停下, 下去拍照了~ (剛才去的是大熱景點, 還有旅遊巴會去的呢!) 我們也再度下車, 拍拍照嘛~ hehe! 也拍到不少好照片呢~ 滿足!

又有一大片薰衣草原~

真的好美啊!!

這兒的地勢比較平坦


置身花海中~

一大片紫呢~

我真係好似稻草人, hahahahaha!!

近距離看, 那些薰衣草是一支支豎起的呢 =p

也來selfie一番吧~

真係唔捨得走, 希望明天可以見到更多呢


不一會我們就見到Lake of Sainte-Croix聖十字湖了, 在山路上已經可以腑覽見到那湖的身影了~ 這兒旅遊書沒介紹的呢, 都是我自己上網找的路線 (南法旅遊書的介紹實在太少了), 我是故意找些近Valensole看完花之後可以去的地方啦~ 之前對這兒沒什麼expectation, 不過在高處望下去, 原來個湖係咁令架~ 淺藍色的湖水, 好正啊!
聖十字湖是一個人工湖, 是一個巨大的水庫~ 從Verdon Gorge (歐洲第一大峽谷)流入, 河水使聖十字湖呈蔚藍色~ 這兒是法國人喜愛渡假的地方呢~

Lake of Sainte-Croix聖十字湖

把車停在路邊拍拍照

我們就是在這些山路上開車, 小鎮的風景也很漂亮呢!

岸邊是淺藍色的呢, 好像沙灘似的~ 令啊!

小鎮上的建築, 好令呢!

非常喜歡這樣lavender紫的木窗呢! 好南法!

都是一些lavender的商品

看到湖上有很多人在玩船上活動~

在湖邊向上望, 睇番個山城, 令吧!


聖十字湖的湖水是拿來水力發電使用的~ 每年夏天, 都會湧入許多遊客從事各種水上活動, 也有許多玩飛行傘的呢~ 我們也走到了湖旁看看, 散散步~ 睇住d人玩水上活動真係幾爽, 我對架家庭裝的水上單車特別有興趣, 仲有sir滑梯架~ 仲要係咁熱既天氣之下.... 可惜我地冇帶泳裝~ 落唔到水啦, 只在岸邊踢下水而已 =p

落到湖邊了~

我好欣賞身後呢架野, 好多人玩架!

像個沙灘似的~

好多遊客在湖上玩水上活動

炎炎夏日, 我都想跳落水呀 =p


沒有在湖邊停留太久, 我們又再出發去, 去今天最後一個景點 - Moustiers Sainte-Marie~ 是法國最美麗的小鎮之一呢~ 開車過去也不久, 不用一個小時, 沿路的景色很是不錯, 又見到很多薰衣草田了呢~

成片都是薰衣草田~

不過開始收割lu....


Moustiers Sainte-Marie是法國著名的陶瓷小鎮, 其陶瓷製作始於公元五世紀~ 最初是修道士們建成的~ 鎮上到處是賣陶瓷品的小店呢~ 這個小鎮, 旅遊書上仍然沒有介紹的, 也是我在網路上找來的.... 真係唔搵過都唔知有這個小鎮呢! 它在Valensole東邊, 開車不算遠, 很多local tour都安排一日遊呢~
Moustiers Sainte-Marie海拔700米, 被譽為法國最美的村莊之一! 這小鎮有沿山而建的古堡、古老的教堂、清澈的噴泉、橙紅色屋頂建築群、漫山綠樹, 無論是還觀還是置身其中, 這小鎮仍是那麼美呢! 整個小鎮卻像是童話故事般可愛!! 真係好有驚喜呢, 好令! 不過與其說童話, 我覺得說像電影中、故事書中的歐洲場景更貼切呢~ 而且這兒遊人不算多, 好喜歡小鎮這份寧靜呢~

快要來到了~ 從山上望下去

很colorful很漂亮的建築!

歐洲的小巷也很漂亮

穿梭在小鎮的大街小巷中, 也很寫意呢

普通街邊都令成咁呀!

很陡峭的山形呢, 不過置身小鎮中咁睇都好令呢!

又山又有建議, 好正!

商店都很有歐洲小店的氣息~

我嘛, 買postcard, 買酒, 買magnet吧~


Moustiers Sainte-Marie除了是個陶瓷小鎮、山城, 另外仲有個特別的名字 - 星城聖瑪莉~ 小鎮裡, 在陡峭的山壁間掛著一顆閃亮著的星星, 是這兒的signature呢! 這顆星星有個浪漫的故事...... 傳說在十字軍東征時, 有一位騎士被俘虜了,許願如果獲救就要回故鄉的峽谷間掛上金色的星星....
我們在鎮上仰望峭壁懸崖與星星, 很是浪漫~ 這顆星星不算小, 在地上也見到呢~ 我拍了很多張照片, haha!

見到天空中有一點金嗎?

zoom近一點, 真的見到那顆星星的形狀哦


在鎮上仰望峭壁懸崖與星星

拍人的時候, 都能把星星攝入鏡而且看得清呢

這個小鎮真係好令呢, 簡直是個hidden gem!


小鎮不大, 我們很快就逛完了, 很滿足.... 我們打算吃口個early dinner回Avignon了, 畢竟開車回去也需2小時, 這時黃昏6點多, dinner最好了~
我們找了一家餐廳, 就坐在花園吃的, 餐廳像個世外桃源似的呢! 真係好鬼正~ 我們還坐在懸崖邊, 看著風景、感受著陽光, 真係好正呀! 我真係好鍾意歐洲既環境呀! 雖然我不是個慢活的人, 不過在歐洲進餐時, 我每次都能好好享受吃飯的時光呢, 吃著pasra, snails, shrimps, 飲著白酒, 我覺得自己真的太適合在歐洲生活/ 旅行了! 環境和酒都是精髓呀! heaven for me!
每次去歐洲, 我都會問老公如果移民來歐洲咁點, hahaha! 可惜, 以我們的profession根本不能移民, 只可以靠投資了, 而這些費用也太高了, 只是白想.... >.<

餐廳環境令到咁, 真係好屈機呀!

snail, pasta, shrimp, salad, wine.... 口味太合我了! 我覺得我是熟於歐洲的!

好味呀!


係咁令既環境dinner, 真係令人好陶醉!

要走了! 呢個小鎮真係好得呀! 超like!


dinner至8pm左右就要閃人了, 要開車2小時才能回到Avignon呢..... 幸好summer的歐洲晚天黑, 開車時也像白天一樣! 沿路見到一大片向日葵花田.... 真是超大一片呢, 當然立即拍照啦! 雖然這時天色已暗, 不過還是能拍出這片一望無際的花海, 有夠誇張的! d向日葵有我成個人咁高架, kaka! 不知道明天白天還有沒有機會見到呢?

沿路經過向日葵花海

天黑了, 向日葵的頭也低下來了 =p

雖然天已黑了, 不過仍要走進花田裡拍照!

我像稻草人嗎??? hahaha!

呢片花海真係好誇張呀! 好鬼正!

見到d花, 好感動!

如果是白天有陽光, 一定更美呢!

ready to go, byebye! 希望明天可以再見到啦!


拍照又花了些時間, 最後花了2個半小時才回到Avignon酒店~ 今天開車開了不少路, 回去前入油入了20 euro.... 回到酒店已經11pm了, 走了一整天, 好累呢!
明天會再去Avignon的周邊, 再去尋找薰衣草, 還有我很期待的山城、天空之城Gordes呢! 還是早點睡吧!
環遊世界 | Comments:0 | Trackbacks:0 | 2017/07/19(水)
英國曼徹斯特畢業禮暨法國普羅旺斯蔚藍海岸之旅 - Day 4
一早5:15am就起床了, 因為要去還車, 還要一早由Manchester飛到南法的Avignon呢! 好期待!
先把車開回green motion, 因為車有點花, 所以要傾賠償的問題呢.... 好彩預多左少少時間.... 2處花了, 主要是在很窄的停車場"high花"的, 罰左成400 pounds呀, 慘.... 老公非常心痛, 立即打去問保險, 好彩我地左旅遊保險, 媽媽幫我們買的唔係最cheap既plan有得保, 咁都好d, 只係回到HK要claim保險就覺得好麻煩呢 >.< (後記: 回HK後攪左成3個月, 終於full claim到!)

還車, 架車花左, 罰左成400 pounds, 汗!

7am左右來到Manchester Airport, Manchester飛Avignon沒有direct flight, 要先去英國南部的城市修咸頓Southampton, 再轉飛去Avignon.... 飛的是廉航flybe.... 8:35am的飛機, 沒有delay.... 一見到架飛機, 嘩! 我第一次搭邏旋槳飛機哦! 汗! 真係有d驚 *0* 好彩一切順利.... 而且機程短, 才1小時, 都坐得好輕鬆既.... 不過時間咁早, 我都係訓.... haha!

Manchester Airport Terminal 3

第一站, 先飛到Southampton再轉機!

第一次搭邏旋槳飛機呀!!!! 有D驚, HAHA!


9:35am來到修咸頓Southampton.... 當初看Southampton這個地方, 真不知道是什麼地方....哈哈! 但一聽中文"修咸頓"就知道了, 因為那球隊太有名了, haha! 雖然我唔睇波, 不過我都聽過架 =p 基本上在修咸頓等轉機都係一小時左右的gap, 都冇咩野做, 只係買左少少野食.... 之後好快就再次上機喇.... 10:35的飛機飛往南法Avignon..... 沒有delay~ 繼續搭著另一架邏旋槳飛機~ 2個多小時的機程, 都係訓啦 =p

好快就來到英國南部的Southampton

好快又再轉飛Avignon了~


法國比英國快一小時, 1:40pm左右, 我們就來到法國南部的城市Avignon了!! 過完海關的時候, 那人員沒有在我的passport蓋章, 我仲心諗係咪UK入France仲係EU所以唔洗啦 (但據我以往既經理, UK同歐洲地方應該都要stamp架嘛), 帶住忐忑既心情過了海關, 問番老公先知原來他剛剛有stamp呢! 汗! 我立即走番去個counter同個人員講, 佢仲hehehaha咁話係咩冇stamp咩, 汗..... 好彩我留意下咋, 唔係出法國境時就麻煩了.... 汗!! (個海關其實好hea, avignon個機場亦都好細好簡陋, 所以成件事好casual)
好快地拎到行李了, 次次去歐洲都好擔心d行李, 總算安心了, 呼..... 冇左個gip, 我都唔知點樣日日fashion show, haha!
Avignon機場好細, 好快就見到Sixt租車公司, 好快就拎左車喇, 我地會在法國開足8日車~ kekee! 呢架車細好多, 冇咁長身, 不過馬力都好夠, 仲好呀! 大車好難揸.....

今次在Sixt租車, 8日, Avignon租, Nice還, 自動波要成6千幾蚊呀!

由英國轉來到法國, 總有一點點陌生.... 畢竟已不再是見慣的英文.... 加上來的是南法, 始終有點擔心治安啦..... 不過另一方面又很興奮, 畢竟我們已經有10年冇黎過法國了! 當年來法國只去了Paris 4日, 所以法國比起英、意、德、西班牙等幾個西歐國家, 是我們逗留得最少又explore得最少的地方呢! 今次主打普羅旺斯和蔚藍海岸8日, 都叫可以去曬想去的地方 =p
Avignon城市不算大, 由機場開車到酒店才30分鐘, 好近啦~ 我們的hotel不在city center, 不過也是在周邊啦, 有車其實都好方便.....這酒店都算幾闊落, 像apartment似的~ 不錯~ 不過不是什麼豪華的地方就是了......

Aparthotel Adagio access Avignon~ 住3個晚上~

在hotel放下東西就立即動身外出了~ 由酒店開車去city center才15 mins~ 我們停車的地方像是shopping mall似的, 外面的建築卻十分中世紀, 真係新舊的差異很大呢~
Avignon是普羅旺斯最熱鬧的城市之一, 也是歐洲的藝術文化重鎮~ 由酒店開車過去, 最先見到的就是那長達5公里的古城牆, 已經覺得成個城市好中世紀既感覺, 跟其他西歐大城市完全唔同呢....
來到Avignon, 已經差不多3pm了, 立即在Place du Palais教皇廣場搵番間餐廳食番個lunch先啦~ 求其搵左間餐廳, 在歐洲最鍾意坐outdoor seating坐在太陽傘下, 就算是夏天, 只要有太陽傘都好涼快呢! 在法國的第一餐, 我點了個steak tartarte, 老公就點了個parma ham pasta, portion真不小呢! 跟精緻的paris完全不同 =p steak tartate好好食呀!! 來法國食這個真係好arm, 而且天氣咁熱, 吃凍的生牛肉又酸酸地咁, 真係好開胃! 再來一人一杯red wine, 在太陽傘下梳乎著, 望著個教皇宮, 真係好爽! 想起去年我們在Athens也是這樣在衛城下吃著飲著呢! 人生理應如何過活的呢! heaven! 又再令我找到了努力賺錢的理由了!

對住個Place du Palais教皇廣場食lunch, 超正!

我食steak tartare, 老公食parma ham pasta

係歐洲, 最鍾意坐outdoor seating太陽傘下食野飲酒!

品味人生, 真係超正呀!


lunch完就立即正式展開我們的Avignon的探索之旅了~ 首個景點就是在教皇廣場旁邊的Palais des Papes教皇宮~ 一從car park上來就見到它了~ 教皇宮座立在Avignon古城的頂端~ 就像個中世紀的城堡~ 14世紀時, 教皇Clement V因為派系鬥爭而出走羅馬梵諦岡, 選定Avignon為駐地, 直至1377年教皇才遷回梵諦岡, 然而卻因有些主教不服, 仍在Avignon推舉出"反教皇", 並繼續行使教皇職權..... 曆屆教皇和反教皇將原有主教的府邸改建成這個教皇宮, 儼如皇宮的氣派呢~ 當年還有重兵駐守架! 教皇宮在1995年時已被列為世界文化遺產之一~

Palais des Papes教皇宮, 好有中世紀feel~

見証曾有2位教皇歷史.....

這個Palais des Papes教皇宮是Avignon其中一個最大最知名的建築、景點~

天氣好好, 好正呀!


我們付了11 euro入場參觀~ 占地1萬5千尺的教皇宮好有氣勢, 灰白色的建築很有中世紀的感覺, 唔會好浮誇~ 教皇宮比想像中小, 當年的教皇宮極度奢華, 不過在法國大革命時, 內部擺設幾乎被洗劫一空, 所以今天已見不到昔日的奢華了, 不過從寬闊, 挑高的會議廳和精緻的教皇臥室的天花板, 仍依稀可以想像到當年這兒的冠蓋雲集~
教皇宮共有10座塔樓, 穿過了中庭 (cour d' honneur), 這兒還分東北的舊宮 (palais vieux) 和西南部的新宮 (palais neuf), 舊宮是本篤十二世 (benoit XII) 所建, 繼立的Clement VI就立即擴建自己的寢宮, 即是新宮了~

走進教皇宮了~

好有中世紀feel... 好LIKE呢D建築

幾有feel, 好似harry potter中的campus corridor~ haha!

雖然是皇宮, 不過真係有d似學校, haha!


基本上教皇宮內的奢侈品都已被搶光了, 所以建築內感覺反而幾樸實呢~ 我們有經過教皇寢宮, 這間房最大的特色是全部繪製花鳥野獸的裝飾, 金碧輝煌的~ 雖然如今已空無一物, 但在中世紀時, 都是放滿了奢華的物品呢~ 另外還有地下珠寶室, 大金庫等, 不過如今都是空空如也了..... 而宴會廳則掛著18世紀的掛毯, 這地方也是樞機主教集會推選教皇的地方呢.... 而要說宮裡最美麗的房間, 就肯定是克雷蒙六世的書房了, 那兒有狩獵圖和鑲崁的art piece呢~

這個有點像chapel~

像個廣場的地方

好喜歡這些迥廊....


好快就出番外面了~

對教皇宮感覺還是很陌生, haha!!


離開教皇宮, 就各Avignon另一個大景點 - 聖貝內澤橋進發了~ 沿路又經過番教皇廣場, 這是前往聖貝內澤橋的主要道路嘛..... 廣場上有很多人在攪行為藝術和表演, 老公話好似旺角街頭, haha! 我地都有睇左一陣架 lol
聖貝內澤橋在Avignon的城牆外, Avignon這城市也真有趣, 市中心的中心其實就是在城牆內的, 都是觀光景點~ 車基本上也不能駛進去~ 長5公里的城牆建於14世紀教皇統治時期, 共有39座瞭望台和13座城門, 是現存少數保存完善的中世紀防禦城牆, 並列為世界遺產之一呢~ 城牆外則是隆河Le Rhone~

經過教皇廣場通往聖貝內澤橋

Avignon的小巷.... 好有小城feel~

在城牆外的聖貝內澤橋~

城牆外是馬路~ 聖貝內澤橋就在身後呢~


很快就來到了隆河Le Rhone上的那座聖貝內澤橋 (Le Pont Saint-Benezet)~ 我們買教皇宮的套票所以可以上去參觀~ 這斷橋也是Avignon的地標呢~ 這座橋連接Avignon和左岸的Villeneuve-lès-Avignon~ 建於12世紀, 原來的長度為約900米, 但因經常遭受洪水而倒塌, 已經過多次重建..... 幾個世紀以來, 由於橋拱倒塌, 變得越來越危險, 被搖搖晃晃的木橋取代....
直到17世紀年特大洪水後, 這座橋的大部分被沖毀不再使用..... 此後它被廢棄沒人修復..... 倖存的橋拱也陸續倒塌或被拆除, 最初的22個橋拱今日只有4座保存下來...... 18世紀時, 在一側橋頭上還新建了一座小堂呢~

Le Pont Saint-Benezet聖貝內澤橋

走在橋上, 身後的就是城牆了~

聖貝內澤橋

隆河Le Rhone

差不多在橋底的位置


我們差不多走了在聖貝內澤橋最出的地方, 這兒的風景真係好正呀! 只係企高少少姐, 就已經可以望到成個Avignon市既景色喇~ 主要都係望番城牆內的舊城區~ 來南法前, 除了對薰衣草外, 我簡直對南法和Avignon完全沒有認識, 連Avignon是個古城也不知道呢~ 哈哈! 所以來到橋上, 回頭見看老城區的城牆、教堂、教皇宮, 再加埋D山景, 真係好令哦!!! 好古城好正呀! 跟paris奢華的氣氛完全唔同呢~ 好喜歡這些古城山城, 很有歷史感呢~ 加上今天天氣超好, 在藍天下的南法真係好正令人好開心 >w<
我們坐了在斷橋上好一陣子, 感受著陽光、涼風、欣賞著周圍的風景, 很舒服很relax.... 原來擴闊的視野真係令人很舒暢呢.....

在聖貝內澤橋上看老城區

還見到高高的聖母院呢~

原來呢度既景色係咁令架, 好意外!


天氣超好, 陽光好正! 要戴番副超哦!

這樣的景色真的很美哦!!!

我很喜歡遠望一座城呢~

好近距離看城牆~

落番橋, 在城牆附近看聖貝內澤橋


下一站回到城牆內, 行去Cathedrale Norte-Dame des Doms聖母院, 不過我們來到時已經黃昏, 早已關門了, 所以不能進去參觀.... 聖母院就在教皇宮旁邊, 沿著右邊的斜坡往上走就到了~ 聖母院經過三個階段的擴建, 才有了今天的規模~ 聳立在屋頂、金光閃閃的聖母像是聖母院最大的特色~ 不過我還是喜歡在聖母院外, 俯瞰教皇廣場的風光~ 睇住廣場上的人活動, 放著空~ 舒服!

Cathedrale Norte-Dame des Doms聖母院

聳立在屋頂、金光閃閃的聖母像是它最大的特色

在聖母院外腑視教皇廣場~

看著廣場上人來人往.....

夏天的南法好熱好曬, 要係街邊買番杯smoothie飲下!


在聖母院逗留了一陣子, 再往山坡上走, 就來到Rocher des Dom岩石公園這個秘密花園了~ 這個公園可以在不同的角度欣賞聖貝內澤橋和隆河Le Rhone的風景, 可以把兩者都同時映入眼簾呢~ 很完整地見到那座斷橋呢.... 幾乎可以360度看到整個Avignon的風貌, 很迷人的景色哦~ 有不少avignon的居民都會來散散步呢~

往山坡上走, 就來到岩石公園Rocher des Dom了~

這兒都能望到隆河Le Rhone呢~

好清楚地見到聖貝內澤橋, 真係斷橋黎架~


花了大半天的時間, 總算把Avignon要逛的最知名的景點都逛過了.... 其實Avignon是個藝術之都, 有很多museums, 夏天的Avignon藝術節更是全球知名的festival, 不過我們只有這一天在Avignon, 實在不夠時間好好explore啦~ 不過走在街上, 真係見到好多表演者呢, 好有氣氛, 都幾得意....
我們在鐘樓廣場和共和國路一帶逛逛, 這兒是Avignon最熱鬧的地方, 都是條主要大街啦, 路上兩邊有很多商店, coffee shop和食肆等....

共和國路Rue de la Republique, Avignon最繁華的街道

還有旋轉木馬呢~


本來都唔係好肚餓, 畢竟成4pm先食完lunch, 不過走在街上, 食到2旁有唔少食肆, d人在outdoor地方吃著mussels, 好似幾唔錯又幾吸引, 我地都受到誘惑, 求其搵間餐廳入去食下野, 不過就此中伏了 *0*
我們點了mussels、魚、fish soup, 不過冇樣野好食! d mussels唔鮮味, 又細隻, 感覺好hea! 我絕對煮得比佢好食呢! 仲記得早2年係荷蘭海邊吃的mussels真是驚為天人, 好懷念呀! 埋單24 euro, 好彩都唔係貴, 否則可要心痛死了..... 我好少可係旅行食野中伏架嘛, 簡直浪費我quota! 哼哼!

our dinner tonight, mussels & fish, 一d都唔好食 >.<

dinner完, 終於都天黑了, 不過仲未黑得曬 =p


dinner完9點幾, 天終於都開始黑了, 不過仲未黑得曬 =p summer去歐洲真係好正, 我好鍾意夏天日長夜短, 天氣又好既歐洲哦! 來南法真係一絕~
我們去超市買了些食物和水, 明天的早餐, 放在車上和酒店~ 去攞車前在教皇廣場前影下夜景, 影下教皇廣場和聖母院啦~ 畢竟轉眼已經是在Avignon市上最後一晚了~ haha~

晚上的教皇宮~

這是聖母院~

這相機拍出來的夜景還不錯啊~

只有這晚可以在Avignon拍夜景了, 好好把握時間


10pm左右閃人, 拿車, 開15分鐘車回酒店, 終於回到去了.... 今天一大早起床, 又轉了機, 又行了那麼多路, 真的累壞了!
明天終於去Avignon的近郊出發, 有機會可以見到薰衣草了! 知道Valensole比較早開花, 明天大概不能見到一大片鮮紫色, 不過也沒關係, 先去看看吧! good night!

去carpark攞車, 好新式, 跟外面中世紀的建築完全不同 =p
環遊世界 | Comments:0 | Trackbacks:0 | 2017/07/18(火)
英國曼徹斯特畢業禮暨法國普羅旺斯蔚藍海岸之旅 - Day 3
今天就是老公行畢業典禮的日子, 典禮在下午才舉行, 我們一早起身就先開車去市上的一家花店買紮花, 畢業禮拍照又點少得鮮花呢..... 這店是我在網上找的, 去到花店才知道沒有現成的花束賣, 於是我們告訴了店員budget, 想要的花的顏色, 等一個小時就可以回來取貨了.... 因為Manchester的校徽是紫和黃色的, 所以老公也選了這個顏色, 這束那麼有品味的花才35 pounds, 我覺得好抵呢! 香港這種style的花都好貴架!

UK的花店好令~ 老公揀果紮花是左下那紫+黃色的~

在等花的期間, 本來我地想去Manchester市中心果個摩天輪, 都算之係Manchester地標之一既~ 不過我地開車兜左好一陣都子都搵唔到合停又兜唔到入去, 咁就算啦, 放棄.... 在市中心的Albert Square行下~ 最重要是想去Primark逛逛~ 當年在aberdeen買得最多的就是Primark了~ 那時買了不少衣服和鞋子呢 lol 這次也進去, 不過我只買了一副超, 做了C9的我, 還是對家品比較有興趣 =P 反而老公就買了好幾個items呢~ 都是便宜貨啦 =p

我們的早餐, 都是在便利店買的減價貨~

square有queen victoria的銅像~

Primark, 可惜我收穫不多


市中心其實都沒什麼好逛, 我們早了約了表姐在university of manchester見面, 參觀一下她工作的地方~ 今天是graduation的日子, 所以car park都很滿了! 兜左幾個圈先有位呢....
表姐之前也在uni of manchester讀master, 之後一直留了在uni裡做researcher, 如今已是這兒bio的research fellow了! 有自己的team幫他做research, 是正式的工作呀! 她拿了學校的fund, 就可以自行分配請人、做research、申請做research的醫療物資, 真的好厲害呀! 她帶我們在她的faculty、工作的地方參觀, 仲可以入埋laboratory參觀呢, 真係好少有咁既機會呢~
PS* 老公的MBA是在business school, 表姐的faculty is Science, 所以雖然在同一校舍但不同building啦~

University of Manchester~

表姐做野個lab, 她是bio的research fellow呢!

這是表姐的辦公室

表姐在這兒還有一塊"田", 可以自己種野呢!!!! 好正!


MBA畢業禮在4點多才舉行, 畢業袍也是2點多才有得借~ 所以我們中午先跟表姐去食Lunch, 近近地, 表姐帶左我地去uni對面的"永興隆", 那兒有一家中式的supermarket, 樓上有一家中式的酒樓~ 記得當年在aberdeen那有這樣的地方呢~ 相信中式超市應該會遍佈整全球有華人的地方吧 =p
"永興隆"這中式酒樓, 格局跟HK的酒樓基本上也是無異的~ waiters也是HK是, 我們由廣東話下菜, 很有親切感, HAHA! 這兒粵、京、滬、川菜都有, 厲害! 我們點了好幾個小菜, 味道也不錯~ 3個人埋單都要66 POUNDS架, 感覺在歐洲吃中菜特別不化算 =P

lunch我們去了"永興隆", 學校對面的中菜館

吃的都是中菜! 粵、京、滬、川, 什麼都有, haha!

這兒的佈置也跟香港的酒店沒分別 =p


lunch完就去其中一橦building借畢業袍了~ 人家的畢業袍真漂亮, 比我們當年在LU的漂亮精緻多了..... Campus入面人頭湧湧, 這幾天都是輪住undergrad和post grad的畢業禮呢~ 原來campus內都有鮮花和汽球賣~ 早知今朝唔洗特登去搵花買啦 =p 外國既畢業禮真係熱鬧過HK好多, pro好多, formal好多 =p (well, HK其他uni我唔知啦, 不過LU真係好細冇咩feel =p)
老公借完袍之後仲要排隊影和買畢業相, 勁多人.... 家屬也可以拍照的, 不過我沒興趣一起拍再買, 就老公單人影更好吧 =p 這時候老公已開始遇到不少MBA同學了, 有些我在上次遊船河也見過的~

原來campus內都有鮮花和汽球賣~ 早知今朝唔洗特登買 =p

老公借完畢竟袍, 再排隊影畢業相中~


拍完official照片, 我們3個就出了University of Manchester的正門拍照~ 老公只係讀這uni的MBA, 只在HK和上海center上過course, 我們都是第一次來啦~ 之前我也不知道uni of manchester勁唔勁啦, 但之後才知道它是全球頭50名Uni, 歷年最高世界排名26~ 始建於1824年, 也是英國最大的單一校址的大學..... 雖然我們香港HKU和CU的排名在全球來說很不錯, 但對於我這個在嶺南大學畢業的學生, 對於這麼高排名、歷史那麼悠久的大學, 已經很厲害啦! (就算exchange時, University of Aberdeen也只是全球排名100左右, 沒有多厲害, 不過Uni of Aberdeen的歷史更久, 於1495年創校, 是蘇格蘭四大古老大學之一!) 而且post graduate的話, Manchester的business school在全球排名更是前的.....
外國的校舍真的很漂亮! 更嶺南完全不同~ 在這樣的Campus入面讀書真是很有feel呢!!! (不過我還是覺得uni of aberdeen的campus更漂亮! 完全像個古堡一樣!!!!)

University of Manchester

行遠d影下個campus遠景

大學正門對住條馬路 XD

恭喜老公MBA畢業呀!

真心的, so proud of u!

我們和表姐也來合照~


影完學校外面就入裡面拍照~ 裡面比外面更漂亮呢~ 很喜歡那橦被藤長滿的building, 成橦變左綠色, 好正! University of Aberdeen都有這樣的building (New King's) 都是長滿藤的呢, 有時又會被修剪下~ 好歐式, 好詩情畫意呢! 不過Aberdeen Uni和Manchester Uni的campus其實真係好唔同 =p
Manchester很少有藍天的日子 (表姐都係咁講架), 今天真係好好天, 萬里無雲天勁藍, 拍照特別好看! 老公你真係好好彩呀! 有好天氣賀你畢業~ haha!

入uni入面睇睇影下相先~

好like這樣被藤長滿的建築!

拎住紮花影畢業相先有feel架~ 好正!

係外國畢業真係好正~ 地方好大好空曠! 校舍又漂亮!

campus內其他building~~ 跟scotland完全不同~

借左老公同學個smiley畢業汽球拍照~ 本來我都想買個的 lol


老公陸逐遇到他的MBA同學, 他認識的主要都是HK人啦, 大家都由HK飛過來行畢業禮, 真係好正~ 都有D係歐洲人同埋其他亞洲人啦~ (因為他認識的, 都係有來過HK or 上海上堂的學生嘛)
他們人也不少, 一行人浩浩蕩蕩的去了uni門口拍照~ 真係好鬼正! 我嘛, 就幫他拍照囉.....

老公的MBA同學~

好大班同學, 好正!

畢業相梗係要一班同學影架啦!

我很努力的幫老公拍照!


之後去了Manchester Museum, 還有老公入讀的Manchester Business School的building拍照~ 他第一次來覺得好得意~ haha! business school的建築好modern很鄗型, 其實沒什麼特別~ 我都係鍾意d舊建築多呢~

這是Manchester Museum~

Manchester Business School

campus的範圍好大架~


影相影得七七八八~ 時間也差不多到MBA graduates了~ 他們4:45pm才到呢~ 我地都準備入行畢業禮的禮堂 - Whitworth Hall了~ 不過表姐就不去觀禮, 要回去工作了~ 臨走前我們都來個大big hug, 不知道什麼時間也不知道在哪地再見了, 謝謝你這幾天在Manchester的招待呢!
畢業生和觀禮的人是分開坐和入口的, 所以我都係自己入去Whitworth Hall自己坐~ Whitworth Hall是個很漂亮的禮堂~ 好鍾意d水間吊燈和啡色的木呢~ 好grand呢! 好似harry potter中的學校禮堂呢!!! 好英式好正呀! 當年我地係LU畢業, 完全唔係呢個feel呢....

拿著入場卷和場刊入場~

Whitworth Hall @ University of Manchester

好漂亮的禮堂呀! 好鍾意d水間吊燈和啡色的木呢~

好似Harry Potter中的場景呢!


好快就有主禮嘉賓一大班人進場了~ 著曬gown好有氣勢哦~ MBA的大人物辭, 之後就逐個逐名咁讀畢業生的名字..... 好彩有場刊, 有曬d順序, 又是按aphapetical order來唸, 我才有放空的機會haha~ 等了不多久, 終於到我老公喇!!! 先是聽到他的名字, 我當然是立即ready拎起相機拍照! 好忙, 又影相又影片, 又用手機又用單反, 仲要自己坐, 忙死了! 老公上台, 鞠躬, 握手, 拎cert, 成個過程十幾秒左右, haha! 辛苦左2年讀這個mba, 搭19個鐘機來Manchester, 就是為了這一刻呢!! 恭喜曬老公MBA畢業! i'm so proud of u~

主禮嘉賓進場了~~ 有氣勢!

其實我也不太知道那些人是誰 XD

很隆重的場面呢 >w<

致辭, 逐個逐個讀畢業生的名字

wow~ 到我老公喇!!!

上台, 鞠躬, 握手~ 成個過程好快啦 =p

好快咁拎完畢業証書就下台了' =p

主禮嘉賓離場了~~ the ceremony ends~


ceremony完, 就要出番hall了~ 在campus匯合番老公, 他和同學們再拍拍照~ 也有他final project的team mates~ 我也很替他高興呢! 一大班同學一齊影相一齊grad真係好開心~ 仲有一起拋畢業四方帽呀! 真係好青春! 當年我bachaelor degree畢業時, 也有跟我的CUS一起拋帽呢, 真係好懷念呢!
雖然懷念畢業的時光, 不過我完全沒有打算過要再讀個master! 因為我真係唔鍾意讀書, haha! 反正我工作得好好的, 真的沒這樣的興趣 =p

畢業拋四方帽是指定動作吧!

最上果張是老公和他的teammates~ 一齊做final project~

都有d外國人同學呢~ 一齊畢業好開心~

我都戴番頂帽影番張~ haha! 不過我係唔會再讀master架 XD


影完相, 我們去了買souvenir~ 話曬都係呢間學校畢業, 點都想買番少少SOUNVEIR既~ 哈哈! 我們最感興趣的是Uni of Manchester的Molopoly!!! 那些地方都是學校內的building呢~ 好得意.... 不過因為我們對uni其實不是很熟悉, 又冇係度上過堂, 所以都係放棄.... 如果Aberdeen都有出呢d就好啦!
最後老公買左件tee~ 是即場燙的~ 揀自己的學科, 個模係有曬2017年MBA畢業生的名字, 真不錯~ 很特別的souvenir呢~ haha~

準備離開University of Manchester了......

souvenir~ 老公買左呢件tee~ 有畢graduates d名架~ 都幾特別呢~


我們在uni待到6點多, 之後開車回hotel梳洗, 老公仲即時換左果件紫色的uni tee~ 好合適~ kaka!\
晚上老公的MBA同學book左地方gathering, 慶祝大家MBA畢業~ 很多同學也是攜眷出席呢~ 也有些人帶了父母一起來~ HAHA! book的餐廳是間english pub, 我們包左半人個場, 有獨立的area~ 環境真不錯呢! 不過間餐廳叫The Wharf.... 我真不知道做如何感想, 汗!
在manchester生活的那華人, 一早book了這場地, 也準備了不少sparkling比大家飲~ 正呀! 個host一開始仲做toasting~ 恭喜大家畢業~ 真係感覺很外國呢 =p

今晚gathering的地方 - The Wharf

非常english style的pub~

好like呢張長bar枱和酒櫃~

一開始先飲幾支sparkling~ 正呀!

我地包左個area~~ 地方幾private真不錯呢!


大家分開左3, 4張大枱dinner~ 大家說著聊著~ 我們同枱還有一個同學的爸爸, 是個台灣人呢~ 他說著以前在做航空公司的事, 真係好攪笑~ he's so funny! 我們談著兩岸的問題, 好有心的交流~ 很愉快呢~ kekee!
食物我們各自點的~ 我點的是duck breast~ 好好吃呢~ 有驚喜! 好少可吃到覺得不錯的english food呢~ haha!

d食物幾好食wor! 我點了的是duck breast~ yummy!

我和老公也要來一張啦~

老公的MBA同學~ 恭喜曬大家畢業哦~

今次我都有得入鏡, haha!


我們明天一早機, 所以11點多就先閃人了! 有機會在香港再見! 再次恭喜大家MBA畢業~ 尤其是我老公, i am so proud of you~
last day in Manchester, last day in UK.... 沒有什麼不捨~ 明天一早機飛法部南部普羅旺斯的城市Avignon~ 好期待呢! 我們的旅程真正開始 >w<
環遊世界 | Comments:0 | Trackbacks:0 | 2017/07/17(月)