Daisypath Anniversary tickers
早退.....
琴晚又溝左酒, 頭好痛..... 個喉嚨唔舒服呀, 可能因為琴晚飲左酒, 講野又大聲啦, 又或者被老公傳染, 佢琴日都SL左2日.....
番到公司, 叫秘書book 11:30am睇醫生啦, 打算睇完就番公司架喇, 點知老細叫我唔好番, 休息下.... 咁吸引既offer, 我梗係遵命啦!

又睇醫生, 今個月第5次, 汗! 今次係喉嚨唔舒服.....

本來今晚約左fd係TST dinner, 不過因為朋友病了所以改期, 那就更好, 我回家之後不用再回TST了, 哈!
回到家樓下才12點幾, 見有時間就去salon剪頭髮, 之後去買餸~ 回到家也不到2點, 回到家, 休息下, 好爽!
老公今晚都早收工, 我地唔洗7pm就食得飯了, 節瓜咸蛋粉絲湯, 豉汁蒸黃立倉, 豆角炒蛋~ yummy! 晚上佢個fd野馬上左黎打機... 我都冇咩招呼佢, 好支力, 入房咁咁下手機就訓著左了....

星期五的晚餐, 今個星期煮左2次飯呀!
私房菜館 | Comments:0 | Trackbacks:0 | 2017/06/30(金)
又同同事聚會了~
晚上約左而家d同事 + 舊同事dinner, 本來齊人架, 但太早約, 所以結果有2位都出差了, 唔齊人.... 不過算啦, 4個人都照食冇問題~

本來book左打邊邊, 不過同事識人係K11擺pop-up store, 我地都去八下~ 原來係韓國有名的"百味堂", 主打自家農場的牛奶雪糕, 我揀左紅棗味的, 幾得意~ 雪糕牛奶味濃郁, 好吃! 仲有綠茶蛋糕俾我地試~ 正! 間pop-up store 1/7先開, 我地係VIP先入到黎架咋, kaka! 當然試食都唔洗錢哈, 哈哈哈!

百味堂既牛奶雪糕和綠茶蛋糕, 我地識人先入到黎咋 =p

Tim, Jennifer, Karen & Edith~
食店: 百味堂
地址: 尖沙咀河內道18號K11購物藝術館地下中庭


因為去左食雪糕, 所以book左果間打邊邊冇位了~ 吃完大大杯雪糕都已經飽飽地了, 我地就求其係附近入左間串燒店, 食串燒飲sake~ 不過呢間野有伏, 唔好食既.... d串燒燒得唔夠香, 好hea呀.... 真係好少可食身到d唔好食既串燒, 和民都好食過佢呀! 下次真係要信下OR的食評呢 >.<

真心, 呢間野有伏, 好難食!

d似燒得唔夠香, 好hea! 難怪冇人啦!
食店: 雞二郎 Torijiro
地址: 尖沙咀棉登徑13-15號棉登大廈地下A舖


下場去左附近的bar再飲下酒吹下水, 直入話題, 講左好多sex既野, 好好笑 XD 今次冇太夜走, 11:30pm左右就閃人了呢~ 打的回家, 好快到! 聽日仲要番工, 好支力!

下場, 我飲白酒~
識飲識食 | Comments:0 | Trackbacks:0 | 2017/06/29(木)
可能?
近來老公有一個機會, 可能有個在外國工作的機會
要去的地方算是吸引的、我現在的工作在時間安排上來說是剛剛好
如果有機會, 待遇又不太差的話, 我們也想嘗試一下
畢竟, 在外地生活也是一件挺令人嚮往的事
如今, 我們要放棄的也不算多, 我明年也想轉工
如果在外地生兒育女, 也似乎是件很不錯的事呢....
不過目前, 一切都是言之尚早.... 可能都係得個諗字, haha!
生活點滴 | Comments:0 | Trackbacks:0 | 2017/06/29(木)
Grace's Birthday Dinner
今日老細竟然SL, 真係好少可呢! 超爽! 全日罷工, 全日都做私人野, 爽呀! 我最主要都係plan下我個英法之旅既schedule啦, 計下時間搵下路線和景點咁! 仲有2個星期多d就出發了, 好快呢! 個人一冇咁忙時就終於識得期待下, 哈哈!

晚上約了Aberdeen之友補祝Grace的生日呢, 除左失蹤已久的Bill外, 大家7人到齊, 真係好難得呢!! 因為要就Yiu去UK, Ken去德捷奧honeymoon, 所以dinner要揀到今個月尾, 哈! 今次dinner選址在MK, 在樓高25層的大廈, 在MK真係好少有呢 =P
餐廳有點像bar, 都幾多人, 好彩我地有book枱~ 食物ok啦, 在MK區算便宜, 味道也可以.... 我們聊了很多旅行的話題, 當然還有新鮮熱辣的消息, 就是Ariel快要當媽媽了! 想不到當年那個像是小妹妹的Ariel第一個當媽媽 (雖然都似係佢第一個 lol) 真替你高興~ 說真的, 真想不到身邊不少朋友都挺快就"做人"成功呢!! 真開心 =)
我們的話題, 也少不了圍繞在湊小朋友和婆媳糾紛, 呢d真係百說不厭, 哈哈哈哈哈!!

好少係MK見到夜景呢!

Mussels with fries, Ravioli, mushroom risotto, fried squid, carbonara

spring chicken, 雞軟骨, 豬鞍, BBQ ribs


話題也包括Grace的"P牌", 真係好好笑, haha!!! 大家都怕了吧 XD 最後當然還有生日蛋糕~ Happy belated Birthday to Grace!! wish u all the best!!
我們的鹿兒島之旅呀! 唔齊人都要去! 哼! 希望8月之後有消息啦!!
明天還要上班, 大家沒有太晚就回去了呢, 加上還有孕婦在呢 =p 真期待日後我們Aberdeen buddies有下一代的降臨呢 =p

Happy belated Birthday to Grace!! all the best!!

Ben, Yiu, Jacky, Ariel, Ken, Grace & Karen~

What a good NEWS! 期待new comer到來我們這一個group呢 =)
食店: Sky726
地址: 旺角彌敦道724-726號25樓
識飲識食 | Comments:0 | Trackbacks:0 | 2017/06/28(水)
Sick Leave
琴日簡直係20小時都攡係張床度, 勁訓呀! 今日感冒仲未清, 又有blessing, 所以決定SL一日, 正呀!
今個6月睇第4次醫生, 汗! 公司的panel doctor真係好唔掂, 汗! 希望今日睇呢個可以收緊鼻水啦!

又睇醫生了...

在家hea hea hea, 休息下.... 收到之前online shopping既收獲了~ 除左衫, 仲有個24cm的LC煲, romarin rosemary的顏色, 都幾令架! 之前上網特價買的, 都幾抵架! 我已經有4個LC煲了, 買埋呢個唔買喇! 收手! 哼哼! (雖然我都仲好想要個粉紅色的)
今日唔洗番工, 我都有落街買餸煮飯架~ 芝士焗西蘭花, 蕃茄炒蛋, 麻婆豆腐..... 少肉多菜! yummy!

24cm的LC!

our Monday dinner~
生活點滴 | Comments:5 | Trackbacks:0 | 2017/06/26(月)
打邊爐+溝酒之home gathering~
又一個星期六, facial完之後去街市買餸, 我自己一個人去買左幾百蚊海鮮同肉呀! 十幾袋野, 好重呀!! 之後老公都有幫手去樓下買菜既....

今晚佢d fd又上左黎打邊邊~ 食野既都有成8位架~ 我, ben, joe, bun x 2, beckate x 2, 著仔~~ 差不多齊人等到9點先食得呢! 其實我都幾鍾意自己係屋企打邊邊架, d鱔、花甲、肥牛真係好正架! 真係不枉我咁辛苦去街市買餸呢....
食得七七八八, 等埋armarm落機係台灣趕番黎既野馬、同埋肥蔡, 就終於可以開champagne了! moet黎架, kaka!!! 香檳當然要等新祈哥開啦~ 結婚當日真係失禮曬lu XD

終於可以多人係屋企打邊爐了~ YEAH!

等到11點先齊曬人~ 哈哈!

等肥蔡黎到先開champagne~ moet黎架!

野馬armarm係台灣買既Whiskey, 仲有薯仔提供既日本whiskey 17年竹鶴!!

having fun~


我間兩房既屋塞得入成10個人真係好厲害呀! haha! 之後大家開whiskey飲, 包括野馬armarm係台灣買既Whiskey, 仲有薯仔提供既日本whiskey 17年竹鶴!! 正呀! 我好似都係第一次飲17年竹鶴架咋~ yeah!
beckate明年到沖繩結婚, 希望我們真係可以一齊去沖繩出席啦, 真係諗下都覺得好興奮呢!!! 大家又可以飲飲飲 XD
之後玩啤派, 賭錢的射龍門! 玩到好勁呀, 好high! 玩$真係刺殺好多呀, 仲可以幫補大家的dinner數, haha!! 最後再飲飲飲, 大家凌晨時份陸逐散band, 最遲走的野馬, 成6am天光先走人啊!! hahaha!! 明天又肯定是全日補眠的一天呢!

聚賭中!! 射龍門好玩呀!!!

其實今日都幾齊人架~
新居派對 | Comments:0 | Trackbacks:0 | 2017/06/24(土)
Open Oyster
鼻水仲未收, 好煩呀!! 收工後跟同事去左食蠔, 好彩唔洗開會咋!! 等到6點先等到老細話唔開會, 好彩好彩!
又去左之前去開TST east果間蠔吧~ 一黎到先開番打生蠔啦, 再黎round 2, 最好食都係Gillardeau和gold regal! 食左好多生蠔, 好爽呀! yummy! 生蠔都係出去食夠冰夠凍先好食!
之後仲要點d熱食, mussels, risotto, ham & melon~ 仲叫左2個dessert, 好多野食, 好癲!
開左3支白酒, 飲到wing wing地咁番屋企, 雖然唔係好好夜走, 但都好支力呀! 聽日仲要番工呀, 好想射波 >.<

食左2 round共2打生蠔! 好爽呀!

mussels, risotto, ham & melon~ 仲叫左2個dessert, 好癲!
食店: Open Oyster
地址: 尖沙咀麼地道75號南洋中心地下56號舖
識飲識食 | Comments:0 | Trackbacks:0 | 2017/06/22(木)
長沙出差 - Day 2
一早就要入site, 9點半呀, 勁早! 平時起碼約10點先見人架嘛.... 好支力, 入site都入左差不多2個鐘....

之後又約客食lunch啦, 又去左白果園! 今個trip去左2次喇! 不過唔係食琴日果間, 食"31號公館", 其實我之前都來過2, 3次了~ 都是吃湘菜, 不過這兒的食物清淡點, 都唔錯! 雖然仲病病地, 不過我仲有脾面飲紅酒架~ 唔係飲左好多姐....

桂魚肥, 觀音鴨, 清炒藕尖, 炒辣椒

黃鱔, 燉湯, 百合百花蝦滑, 臭豆腐, 糖油粑粑
食店: 白果园31號公館
地址: 長沙人民西路白果园巷31号


lunch完才3pm, 仲有少少時間, 就同同事們去左massage, 按番1.5小時, 時間armarm好可以出發去機場了!
今晚班機冇delay, 唔洗9點就land左喇,好彩呢! 上星期有同事delay到凌晨1點先飛到呢!

今次冇delay, 非常難得!
海外工幹 | Comments:0 | Trackbacks:0 | 2017/06/21(水)
‪<神奇女俠> (Wonder Woman)

導演: Patty Jenkins
演員: 基斯派恩、歌妮尼辛、羅冰活麗、大衛杜里斯、丹尼侯斯頓、伊蓮娜安娜、艾文布萊納、薩伊德塔格馬奧

神奇女俠成為超級英雄之前,是英勇善戰的亞馬遜公主戴安娜。她一直在隱世的荒島生活,直到一個美國空軍機師因墜機,意外闖入她們的領域,告訴她們外面的世界烽煙四起, 戴安娜決定離家,平息所有戰爭。她與這位機師並肩作戰,終結一切戰爭。她將會發現自己的潛能和早已注定的命運。


呢套好似係我第一套睇既DC既movie? 套戲冇想像中咁好睇.... 中段有d悶, 文戲太長了? 故事也沒有什麼特別.... 最後那場2個神打鬥的場面也太hea太兒戲了吧, 有點失望....
而且我個人真係唔太like wonder woman果套outfit, haha!! 會唔會太leung呢 =p 不過個女主角係唔錯既, 有幾味angelina jolie的味道~ haha!
劇集電影 | Comments:0 | Trackbacks:0 | 2017/06/20(火)
長沙出差 - Day 1
又飛喇, 我又去長沙了~ 今次3個同事一齊飛~
原本8:45am的飛機delay左一個鐘, 仲要一早就收到msg就話delay一個鐘, 可以訓多一個鐘先出門, 真係好! 如果呢班機一直都fix在9:45am先出發就好啦! 爭一個鐘爭好遠呀! 我D感冒仲未清, 起飛時耳朵很塞都真係唔係幾舒服, 真係有D驚, 汗....

來到長沙市中心已經差不多1pm了~ 各自去見客~ 我就同客食飯啦~ 又去左白果園, 今次去左另一間私人會館"錦源公館"~ 細過平時果間少少~ 不過環境都仍然唔錯~ 在古建築入面食野特別有feel!
個客知我病, 所以今日食得清淡d~ 除左小龍蝦之後仲有好多蔬菜.... 仲有鴨湯, 不錯不錯! 其實出差最開心就係可以食免費晚餐了!

又來到白果園了~ 古色古鄉的包廂~

個客知我病, 所以今日食得清淡d~ 除左小龍蝦之後仲有好多蔬菜....
食店: 錦源公館
地址: 長沙人民西路白果园巷8號


lunch完就再見今個trip既重點客人, 又入左工地, 希望成事啦! 我都好想成到個deal呀!

見完客, 休息左陣就同同事們去左dinner~ 今次胡椒豬肚雞打邊邊~ 好多陣胡椒味, 雖然是其他同事介紹的, 不過我地覺得個湯麻麻地..... 都冇點好多野打邊邊` 各而另外點左個排骨煲仔飯, 好食呢! 飯粒粒分明, 我食左2碗呀! yummy!

胡椒豬肚雞打邊邊~ 冇點好多菜, 個煲仔飯好好食! yummy!!
食店: 正浩豬肚雞
地址: 長沙黄興北路68號近基督教堂


食完飯時間尚早, 我地決定去睇戲~ 9:30pm在酒店附近的cinema睇"wonder woman" 3D, 本來上星期係HK已經想睇, 不過無啦啦我病了所以放棄..... 我地買左平飛, 買埋3D眼鏡, 才RMB 35咋! 太平了吧! 雖然個theatre入面有d熱, 不過真係好抵睇!
未開場前去左食芋圓, 不過唔夠平時食開果間咁好食呢! 睇完戲都12點了! 好彩入番酒店好近, 我明早又要見客呢!

食番碗芋圓等9點半開場~
食店: 師兄芋圓
地址: 長沙坡子街216號悦方IDMAL負一層南廣場NB1-2
海外工幹 | Comments:0 | Trackbacks:0 | 2017/06/20(火)