Daisypath Anniversary tickers
<29+1>

導演: 彭秀慧
演員: 周秀娜、鄭欣宜、楊尚斌、蔡瀚億

“三十而立”對很多女性來說好像是人生中的一道關卡,她們一邊承受自身逐漸逝去的青春與活力,一邊面臨肩上所承擔著的責任帶來的壓力、苦惱、困惑及挫折。故事從兩個70後香港女生的個體角度,講述她們被時間即將推到三十歲門檻上的遭遇和心境。

林若君,香港都市白領中眾多精明幹練、獨立自強女性的一個縮影。即將步入三十歲的她開始面臨來自工作、家庭、感情等各方面的跌宕起伏和力不從心:

黃天樂,另一個在香港這個繁華的城市中豪不起眼的平凡女生,每天經歷著瑣碎的小事,而她也是即將步入三十歲的女生。母親已故去,孤身一人的黃天樂有著樂天派的性格,在一家唱片店做銷售員,收入不高,沒有合適的結婚對像,於理想與現實中掙扎的她並沒有自暴自棄,決定去自己嚮往已久的“日落巴黎”旅行。

在友人介紹下,林若君搬進了黃天樂的家暫住,發現這個女生與自己是同齡人。兩個人的故事穿插在一起,機緣巧合的交集中又產生了一些故事……


29+1, 真係好適合我呢d輕熟女既年齡既女人睇, 30而立, 在人生上真係有好多轉變 - 工作了9年總算是有些小成績但壓力大了 (絕對不是什麼工作有成, 只是不再是junior的post)、家人步入晚年, 身體和退休的問題、愛情進入新階段、身邊的朋友有著同或不同步的話題............ 電戲中真係有好多野幾有共鳴....
選角方面, 其實周秀娜真係做得幾好, 一向都覺得她做戲唔錯, 唔係花瓶~ 我也一向很欣賞她敢言的性格.... 正如電影中的林若君, 其實好charm! 至於鄭欣宜... er... 真係爭好遠, 好造作, 唔襯套戲呢, 找她真的有點浪費了角色....
總括而言, 這電影是好看的, 好適合30左右的人看! 結局有d surprise, 睇完都覺得幾開心~ 毋懼三十! 30才是人生的另一開始! 我懷念著我的20s, 也在享受著我的30s! 活在當下, 人生沒什麼好怕的 =)
劇集電影 | Comments:0 | Trackbacks:0 | 2017/05/30(火)
與楠楠BB食lunch@端午節
端午節, 約左少萍同楠楠BB食lunch~ 仲有Ingrid, eva poon & eva woo~ 有了BB的人, 通常都要約lunch了, 湊著BB可不輕鬆呢!
2個月左右冇見楠楠, 雖然外形上唔係變左好多, 不過真係識左做好多動作呢, 仲識好幾個簡單的發音, 真係好叻女呢! 10個月大喇, 幾個歲數的BB開始好玩, 因為有互動嘛~ keke!! 隨著身邊多左BB, 我同BB玩已經叻左D的了, 哈哈! 雖然Eva poon話我同BB講野把聲好似平時飲醉酒咁, 哈哈哈哈哈!
少萍已經定了請工人, 還有2個月才來~ 自己一個人應付了一年, 終於有人幫下手, 真係好喇! 我真係想像唔到冇手幫手會點呢....
話題總是環繞著生B, 我還好, 也有想聽取的部分, 熟習下、了解下, arm架喇 =p

明太子意粉, 蟹肉沙律, 蜆肉意大利粉, 西班牙海鮮飯, parma ham pizza

Hello楠楠BB~~

抱到楠楠, 冇喊, haha!! yeah!

楠楠BB, 少萍, Karen, Eva woo, ingrid, eva poon
食店: GOCHISO
地址: 尖沙咀河內道18號K11購物藝術館2樓219-220舖


lunch完之後, 少萍和eva woo要先走了.... 我和ingrid & eva poon早幾日已經買左飛睇戲, 未夠鐘就再去左bricklane住番陣飲番杯野~ 仲食左個好罪惡既nachoes呢, 汗! 今晚唔洗食飯了.....

食左個好Heavy既nachoes! 我好鍾意果d牛油果醬呢!!!
食店: BRICK LANE
地址: 尖沙咀棉登徑17-23號地下


6pm去了langham place睇<29+1>, 雖然我們三個都已不再是29+1了! 哈哈哈.... 上次我地一齊睇戲, 是大學時代嗎? kekee!

不是29+1的ingrid, karen & eva poon~
識飲識食 | Comments:0 | Trackbacks:0 | 2017/05/30(火)
妹記Dinner + 下場~
勁唔想番工, 不過番一日放一日, 心情都好少少.... 完全冇mood做野, 不過都做左唔少野架....
6點幾就走人了, 又約左同事們dinner, 仲有Tim, 本來佢地約左打牌 (我冇份), 但其中一個同事放飛機黎唔到, 所以改食dinner了~ 同Tim會唔會見得太密呢.... dinner仲多過做同事時, haha!
平平地, 簡簡單單地去了金妹記~~ 好油膩好罪惡呢.... 哈哈! 豬肺湯好正呢~

薯仔牛柳粒, 煎蠔餅, 豉椒炒蜆, 豬肺湯, 炸大腸, 腐乳通菜, 咕嚕肉

會唔會見得太密呢.... 哈哈!
食店: 金妹記大排檔
地址: 尖沙咀金巴利道45-47號金巴利廣場地庫


之後去了下場, 4個人 開左2支白酒, 仲有小食... 傾到凌晨1點幾先走人.... 邊間話同事之間冇交心朋友丫, 除左中學同大學外, 呢9年工作生涯我都認識左唔少交到心的同事變朋友呢~ 感恩!

再黎下場..... 開左2支白酒, 仲有小食...
識飲識食 | Comments:0 | Trackbacks:0 | 2017/05/29(月)
Isaac's Birthday Dinner
今晚有約, 約左angel & rainbow食isaac的生日飯, 去左黃埔, 第一次搭地鐵去, 非常方便~ 去的是九重鮮, 之前angel生日我地都有去過大坑的分店架~ 九層既海鮮塔, 之前食過味精其實不錯, 不過食得好趕~ 5分鐘要食一層, 不過我覺得好次好好多wor, 我食得好快手, haha! 基本上d食物都唔會點老丫, 不錯不錯~ 仲有時間影相, 跟2年前一樣, 吃得最慢的是rainbow, 個碗堆左好多野食, 哈哈哈!
最後一層是人蔘雞湯, 海鮮汁的精華都滴落在湯裡, 好正好鮮甜! 以為食唔曬, 點知最後都叫做清曬, 好勁呀!
其實海鮮塔真係唔錯, 不過個九層塔太高, 我地傾計有d困難, 哈哈哈!

九重鮮, 九層既海鮮塔, 我地又黎喇!!!

象拔蚌 (正!), 蟶子 (正!), 魚蛋花膠串 (花膠好大舊, 正!), 海蝦

廣島蠔, 蔬菜併盤, 花甲, 龍躉

鮑魚, 牛脷, 南瓜, 蕃薯, 人蔘雞湯 (精華, 好甜好正呀!)


說了很多關於拍拖, BB, 收樓, 工作的話題~ 估唔到Angel都咁"勇"咁大投資呢, haha! 父母都很偉大和訓身呢 =p
清曬個海鮮塔之後仲要吃birthday cake~ 是我在Muji cafe買的幾件cake~ 這幾次都只是買幾件cake不想買whole cake, 怕太大吃不完呢 =p Happy Birthday to Isaac~ wish u all the best =)

Happy Birthday to Isaac~~

Rainbow, Angel, Karen & Isaac~
食店: 九重鮮
地址: 紅磡黃埔花園11期地下G26號
識飲識食 | Comments:0 | Trackbacks:0 | 2017/05/28(日)
蒸鯪魚肉釀豆腐
星期六的晚餐, 煮了馬鈴薯燉肉, 蒸鯪魚肉釀豆腐~ 馬鈴薯燉肉整過幾次啦, 因為想清雪櫃裡的薯仔和甘筍, 所以今日再整~ 今次整得非常成功呢! 落左唔少清酒和味琳, 煮20分鐘已經非常入味! 好正!
早2個星期, 媽媽俾左盒百福豆腐我, 今日就買左d鯪魚肉同豆腐一齊蒸~ 基本上是完全沒有難度的菜色~ 簡單健康! 好吃!

馬鈴薯燉肉, 蒸鯪魚肉釀豆腐

Saturday Dinner~ cheers!!
私房菜館 | Comments:0 | Trackbacks:0 | 2017/05/27(土)
Happy Hour
今日老細出差, 本來都可以食個早餐, 不過無啦啦10am要開會, 冇得落去食呢, 嗚....
成日都冇心機做野, 好想hea~ 大家都係冇心機做野~ 臨收工前仲開左支白酒TGI Thursday tim~ 哈哈! 飲到開開心心armarm 6點鐘, 即慶叫大家落樓下three on canton happy hour! 都有6位同事去到架, hahaha!!
由6pm飲到11pm, 我飲左3 round (HH buy 1 get 1 free嘛)~ 講左好多野, 大家都辛苦了! 人的際遇各有不同, 我地team的各位, 大家要加油呀!

臨收工前係公司開左支白酒, TGI Thursday~ kekee!!

Happy hour with colleague with 6pm to 11:30pm!!!
食店: Three on Canton
地址: 尖沙咀廣東道13號海港城港威酒店3樓
識飲識食 | Comments:0 | Trackbacks:0 | 2017/05/26(金)
長沙出差 - Day 2
今日11am先見第一個客, KO左之後就約第二個客食lunch~ 又去了白果園, 古色古鄉的環境, 每一間都是包廂, 係幾正既~
今次又點了不少新的食物, d野點得唔錯, 算清淡唔多辣野~ 有我鍾意既鱔, 仲有我指明要既臭豆腐, 之前黎食過覺得覺得好好食, 今次都冇令人失望呢~ 當然唔少得仲有紅酒 =p

白果園31號公館

古色古鄉的環境

有黃鱔煲, 蝦, 湯

仲有好吃的長沙臭豆腐!
食店: 白果園31號公館
地址: 長沙人民西路白果園31號


lunch完再見第3個客, 之後諗住走人出發去機場啦, 點知收到msg話delay!!! 好無奈.... 又唔想咁早去機場hea, 就再次跟同事一起上了塔一的頂層, 都係影下相啦~ 可惜今日天氣都係唔夠好, 冇藍天, 唉! 我下次要等好天時再來呀!

我又來了!

來到機場, 本來7:15pm的飛機最後delay了2個多小時, 算是可以接受的了! 聽說HK今天黑雨, 機場跑道又出現狀況令很多航班又delay又cancel, 我11pm落到機已經算了很好彩的了吧?
回到家已12pm, 好累! 每次出差delay完回到家, 我都會覺得自己好慘! 咁辛苦為咩呢... 唉, 都係講下! 明早9點公司見!

delay 2個多小時, 算是好彩了
海外工幹 | Comments:0 | Trackbacks:0 | 2017/05/24(水)
長沙出差 - Day 1
又係時間飛了! 又是長沙, 真係好miss上次上海呀! 今次自己一個人, 完完全全的一個人! 都冇所謂啦, 自己去, 同客食飯, 慳番都好既~ 哈!

又黎到長沙, 見到我地個site對面, "文化長沙 與您湘會", 哈哈! 好好笑!

lunch先去了看新開的地下街, 之後同左長沙local同事食, 去左好方便既胡桃里, 係我地個site隔黎, 方便嘛! 我地都點左唔少野, 不過主要都是素食, 只得鴨舌是肉, 都算是很清淡的了, 哈哈! 這餐local同事埋單, 哈哈!

胡桃里音樂酒館

豆腐, 鴨舌, 木耳, 餃子, 蒜蓉蒸秋葵
食店: 胡桃里音樂酒館
地址: 長沙解放西路262號


之後去左見客, 然後再見另一個客, 是個餐飲客, 他載了我到他的餐廳參觀, 這兒也是一家酒吧... 老闆們以前都是做音樂的, 參加過HK和台灣的歌唱比賽.... 其中一老闆, 硬是要我試試他的手勢, 煮了很多很多.... 才三個人呢! 又龍蝦又豬扒牛扒! 我自己一個人食左成隻龍蝦呢! 仲開左2支紅酒.... 見客就是有這種好處呢!

環境不錯的bar~ 本來仲未開門架~

戰斧牛排, Tuna Salad, Lobster, 西班牙黑猪排
食店: 樂活iLOHAS
地址: 長沙瀏陽河大道與荷花東路交匯處婚慶文化園B2


見客見到成7pm, 像到醉醉地咁回太平老街dinner, 今晚約左幾個lcoal technical的同事dinner~ 他們要吃粵菜, haha! 因為其中2人也是由HK過來長沙station的...
我們是under同一個老細的, 所以都有好多野可以share, 其中一個老大係公司都做左好幾年, 是由另一team調過來長沙team的, 所以都有唔少野分享呢, kekee! 呢餐當然又唔係我埋單, 多謝請客, kekee!

在太平老街的香港菜, 原址是太平粮倉

炸豬手, 蒸魚, 莧菜, 冰震咕嚕肉, 貴妃雞
食店: 鴻哥名厨
地址: 長沙太平街97-101號
海外工幹 | Comments:0 | Trackbacks:0 | 2017/05/23(火)
爸爸的印刷廠@東莞
星期日, 下午都係要番大陸..... 今次要去的是東莞, 因為爸爸的印刷廠快要易手了, 所以趁印刷廠還在的時候來最後一次的拜訪, 奶奶和老公也一起上去了, 其實我都係第一次去, 以前來過舊廠, 這間大D既新印刷廠雖然都做左十幾年, 不過我從來都沒來過, 哈! 反而妹妹都有去過一次, 說出來也不好意思 =P
由羅湖坐車去爸爸的印刷廠, 才45分鐘, 很近.... 很快就來到了, 今天星期日, 沒工人上班, 我們只是來看看~ 間印刷廠都有成3000平米架... 雖然比以廿年前在葵涌的印刷廠大好多, 不過係大陸黎講, 只係很小型的工廠....
以前在葵涌, 工廠只有印刷機和切紙機, 如今, 廠大了很大, 機器也多了很多呢, 仲有啤機, 啤膠, 加工紙等一些簡單的加工機器......

爸爸的印刷廠

廿年, 連招牌也甩色了, 哈!

間印刷廠都有成3000平米架...

這些都是啤盒的機器

摺紙機.... 以前呢d要人手摺

爸爸都唔係好識用部摺紙機 =p


之後就去參觀印刷機, 最大果部機, 好長好型仔, 仲記得係爸爸十幾年去德國買的, 海德堡是果個牌子, 是個5色印刷機, 哈哈! 我都識少少架~ 呢部已經係比較新, 以前係葵涌都唔係用呢部機的...
用左十幾年, 係時候賣喇..... 這次上來, 我都有幫爸爸多影幾張照片.... 而家部機都幾電子化, 爸爸都唔係好識用, 平是都是工人控制的 =p

印刷機

海德堡5色印刷機 =p

呢部機係幾型

ready to say goodbye!


不過令我最懷念最不捨的, 不是那部大的印刷機, 而是那部很舊, 有成廿幾年歷史的單色印刷機呢, 當年爺爺十幾年前在世時, 也有在爸爸葵涌廠用過呢.... 真係好懷念, 彷彿今天也見到了爺爺的身影!
呢部野都有野廿年歷史, 以前細個係工廠用過的, 開關還是手動的呢! 它動起來的聲音真係好親切呀!

呢部都係海德堡, 70年代的, 當年買已經是二手

呢個樣真係好old school

開關還是手動的! 真係古董

呢部都係舊野, 用左廿年

幫爸爸留倩影!

就係呢d聲, 好懷念! 以前細個上工廠成日聽!


另外仲有切紙機, 我細個成日玩果d氣墊珠珠架! 呢部切紙機同細印刷機陪左我地廿年,由葵涌廠搬到上東莞! 好懐念!

呢部切紙機都有廿年架喇 =p

呢部已經係我印象中新d既切紙機, 以前係香港廠見過


工廠還有2樓, 上面都有d機器, 主要都係痴腸既器材, 仲有office啦, office個佈局同HK廠好似~ 以前細個成日係媽媽office玩, 等佢地收工, 見住媽媽聽電話....
仲有見到唔少養大我地既森林家族既紙品, 家中生意好起來, 就是因為這個森林家族呢!

仲有唔少機器

office

養大我地既森林家族

仲有曬菲林房、用核痴膠的機器


這幾年, 在大陸開廠成本已高了很多, 加上印刷行業早已式微, 印刷廠要經營都不是件易事, 所以父母早有放盤之意.... 如今找到了買家, 拎番舊錢, 都是件好事吧! 加上父母已60多歲, 這時候退下來享受人生也是很正常的事~ 工作和經濟上我也沒有什麼口擔心, 只是就怕他們退休後沒事做也不知道要幹麼.... 不過工廠還有很多手尾, 起碼要半年吧.... 之後他們應該會打算幫人接下單, 搵d細藝寄託下....
爺爺以前是做印刷的, 1, 2歲俾女麻女麻湊時, 就是住在爺爺女麻女麻深水埗的前舖後居, 那時候已在印刷機在舖頭... 之後爸爸自己開廠, 也是做印刷, 先在葵芳、之後在葵涌, 最後到東莞..... 以前細個和妹妹常常去工廠, 尤其是小學summer的時候, 由沒有電腦到有電腦年代, 中學summer仲試過番office幫下手, 所以對好多機器其實都好熟悉.... 以前小學, 爺爺女麻女麻都會係度做野、有時女麻女麻會拜神所以有雞食、有老鼠籠、見住華叔祥叔在幫手、細個下午覺訓係紙皮上、幫女麻女麻"執薄"、星期日都要番工廠、係工廠踩單車跳繩..... 真係有好多好多回憶.... 呢廿幾三十年, 印刷機養大了我和妹妹, Glad to see all of u again before byebye! thank you for raising me up! 仲要多謝我爸爸, i'm always proud of u!

有相有真相! 廿幾年前與爺爺和海德堡單色印刷機影既相!! i miss u!
環遊世界 | Comments:0 | Trackbacks:0 | 2017/05/21(日)
Saturday homemade dinner
呢排星期六都幾得閒, weekend總有起碼一天可以係屋企煮野飯! 做完facial就去街市買餸煮飯, 我都幾like呢d生活! 有了自己的家, 真係好鍾意窩在家, 哈哈! (當然, 我都冇少出到街丫 =p)

今晚煮枸杞豬潤瘦肉湯,蝦乾節瓜粉絲,蒸細鱗魚~ 一見到枸杞即刻忍唔到手, 少見嘛! 好鍾意枸杞果陣甘甜味! 今次碟節瓜粉絲煮得勁好食! 吸曬d雞湯好入味好甜, 食到停唔到口! 仲有第一次食細鱗 (以前屋企唔會買呢種魚), d肉幾紮實, 都唔錯~ 多d食魚都好, 健康d嘛 =p

枸杞豬潤瘦肉湯,蝦乾節瓜粉絲,蒸細鱗魚

Saturday dinner~ 煮少d紅肉!
私房菜館 | Comments:0 | Trackbacks:0 | 2017/05/20(土)