FC2ブログ
Daisypath Anniversary tickers
Lunch @ Al Molo~
早幾日老細話年尾升我, 都有少少surprise既, 畢竟我都算一年升一年, 而且而家都未到年中, 咁快通知真係有D快.... 再升就是manger了, 其實我幾care人工, 出面做manager人工一定更好, 真係好驚佢加得少少就要我做多多野... anyway, 仲有大半年, 遲d先算!

我們有個秘書快last day了, 我們同事請她食lunch~ 去了Al Molo, 原本lunch都幾抵食呢! 唔算貴呀! semi-buffet勁多選擇! 好多好多antipasto和dessert, 正呀! 食埋個main course真係好飽~ 今晚又唔洗dinner了!!!

勁多anitipasto選擇呀! 正!

entree我點了個risotto~ 好大碟!
食店: Al Molo Ristorante Italiano
地址: 尖沙咀廣東道17號海港城海運大廈G63


終於的起心肝redeem左明年1月2nd wedding anniversary去Bali的機票, 咁就換左60000mileage, 而家得番2萬幾咋~ 本來想去5日架咋, 點知回程的星期六已full左, 唯有去夠6日, 俾多晚酒店錢先走啦! 因為今次去6日 (上年去Koh Samui也是5日而已), 所以可能想plan住夠2間villa!
不過其實都唔係好得閒理佢, 我仲未攪掂英法個trip呀! 汗!
識飲識食 | Comments:0 | Trackbacks:0 | 2017/05/19(金)
happy hour
舊同事T今朝whatsapp我話今日下午係TST開會, 晚上約左一齊happy hour~ 6點幾即閃, 費是佢等咁耐嘛~
之後仲叫左其他同事一起來~ 哈~ 可惜同事K唔得閒啦.... 本來諗住8點幾走人, 點知大家飲飲下都食埋野先走~ 大家笑笑笑, so happy! T轉眼已經走左2個月lu, 真係好快, 真不捨得你呢~ 冇左你真係少左好多歡樂, 我都少左D有共鳴既時候, 唉..... 不過知道你而家工作都不錯, 也替你高興的! 記得幫我睇住有冇好路數呀, 這公司的福利也非常不錯呢!

我飲左4 round紅酒, 大家吃了platter和nachoes, 都幾抵~

成個月冇見舊同事T了....
食店: The Ashley Road Trading Company
地址: 尖沙咀亞士厘道15號地舖
識飲識食 | Comments:0 | Trackbacks:0 | 2017/05/18(木)
Happy Mother's Day
今日母親節, 冇出街食飯, 不過就招呼了父母和妹妹上我們家食餐便飯咋~ 媽媽話我成日煮野俾其他人食, 今晚我就煮個大餐給家人食啦~ 做下孝女, 哈哈!
今日我都一早去街市買餸架, 今晚整芝士焗大啡菇, 蕃茄蜆煲, 焗豬手 (奶奶係德國買的, 焗番煮就OK好方便, 不過好食呢!), 仲有第一次買牛腩, 蘿蔔炆牛腩1st try, 成功了, 很有成功感! 下次再試炆其他野~ keke!! 父母都係屋企拎左炆花膠冬菇和豬展煲雞湯黎~ 真係好多野食呀! Happy feast~ 大家都對我的廚藝滿意, 仲叫阿妹學下, hahaha!!

芝士焗大啡菇, 炆花膠冬菇, 蕃茄蜆煲, 焗豬手

清湯腩1st try - 蘿蔔炆牛腩, 成功了!

仲有媽媽係屋企拎黎既花膠豬展煲雞湯 (工人煲既) - 我們的母親節大餐~


母親節快樂! 大家都要身體健康啊!


今年特別D, 仲買左個蛋糕比媽媽, 她好像很surprise似的, hahaha!! Happy Mother's Day! Love u mom!

Love u Mom~

Happy Mother's Day~
節日慶祝 | Comments:0 | Trackbacks:0 | 2017/05/15(月)
The Cheesecake Factory
本來係想星期四五出trip, 咁就可以留多d時間係上海, delay都唔怕... 不過今日要同高層lunch, 我唯有改行程啦....
老細既老細話請我地食lunch, 所以要諗個唔好咁貴、咁好咁遠既地方, 剛好the cheesecake factory新開不久, 所以我就提議呢間, 十幾人食飯, 真係我suggest架, 哈哈! 可以試新野、唔洗錢, 最重要係唔洗等位嘛, 我地老細個老細wor, 梗係有位啦 =p
對於The Cheesecake Factory, 我聽就聽得多, 不過對於未去過美國既我黎講, 其實真係幾陌生! 最近距離接觸的一次, 是我幾年前去Dubai時見過, 不過那時候跟蜀去Dubai, 又點會去食呢d呀 =p

今次有得黎打卡真係好, haha! 因為網上comment麻麻, 而且公司不少人已受邀試過菜說麻麻, 所以我都冇咩expectation~ 我地成十幾人食飯, 吃左十幾個dish, salad, nachoes, pasta, entree, 每碟都好大份量! 我們都吃淨了不少要打包.... 不過真心d dishes真係好食wor! 真心有驚喜! 而且份量大, 一d都唔貴~ 好彩我地人多咋, 咩都食到少少真係好爽 =p
張枱好長, 都唔係好同高層傾到計, 所以可能自己顧自己咁食, 哈哈哈!
最後當然要點cheesecake啦, 因為知道件cake勁大件, 所以我們只點了5款 - original, lime, velvet, chocolate & caramel~ 除了original還不錯之外, 其他的都不好吃, 也太甜了吧 =__=||||| 我們在場沒有一個人讚好, 哈哈!
看來我們下次再來吃entree就好了, 我們還笑說不知這兒是否有Happy Hour呢, 哈哈哈!

The Cheesecake Factory!

求其影左面前少少野食, 係十幾人先試到咁多野咋~ d entree真心好食wor! surprise!

我地張枱好長, 哈哈! 好多老細的老細請客~

Cheesecakes, 真心唔好食..... 太甜了吧 =_=|||||
食店: The Cheesecake Factory
地址: 尖沙咀廣東道17號海港城港威商場地下G102號舖
識飲識食 | Comments:0 | Trackbacks:0 | 2017/05/12(金)
上海出差 - Day 2
很期得今天, 因為我有個secret agenda呢, 就是要去開業已一年的Shanghai Disneyland了! 本來諗住8am一開門就到啦, 但昨晚飲得有點多, 太累了, 起唔到身, 所以攪到8點先出門.... 好彩apartment有早餐食, 最主要都係食雞蛋和補充水份的西瓜, 食飽d, 今日係disney入面很可能冇時間食 =p

今天的早餐~ 主要是蛋, 西瓜和橙汁!

8點半左右打的到上海disneyland, 又塞車, 都要搭成大半個鐘呢!! 難得來一次上海, 其實我這次主要是見一個大客, 攪掂後時間都算鬆動, 把meeting調到Day 1, 今天排了晚一點的航班回HK, 不過又不敢選太晚的, 因為怕delay就大鑊了! 所以我今天只有半天的時間在樂園內, 但難得來一次, 也沒所謂啦, 門票才RMB 370, 不貴呢!
9點幾到達的士站, 行了很久才到門口呢! 仲要security check和入場, 都攪左成20分鐘! 終於來到了上海disneyland了!!!! yeah! 這是我繼香港和東京Disneyland之後, 第3個去的樂園~ 哈哈! 其實我很久沒有去過disneyland了, 上次已經係2011年去HK的呢! 那時候是Xmas去, 主打Toystory Land~ 之後HK也新增了不少設施我也沒再去過了, 實在不想付錢進Disney呢! 所以這次也是蠻期待的, 因為上海的大好多, 而且有多d未玩過既新野嘛!

去年才開幕的Shanghai Disneyland! 我來了! 我人生中第三個踏足的Disneyland, 都是亞洲的, 哈哈哈!

這次其實我是自己一個人來的, 不過我真係唔介意~ 都唔係好貴, 入黎玩少少野影下相已經好滿足了!
一入到park, 首先是米奇大街Mickey Avenue, 其實跟美國小鎮大街大同小異啦, 都是以美國為主題, 區內有多間以迪士尼各時期歷史為主題的商店和餐廳~ 我時間不多, 所以一入到黎就先衝入店買個番頭cool, 因為想一陣影相有feel d~ 揀左陣, 好快都係揀左個Minnie Mouse的, 還要是最original的版本冇咩特別, 不過勝在夠sharp和有代表性啦~ 多謝RMB 90~ 這也是我在上海Disneyland唯一買的東西, 哈哈! (飲品除外)

同HK Disneyland差不多的入口, 不過大d~

米奇大街Mickey Avenue


買完頭cool, 我就立即行到去disneyland最signature的castle, castle是在樂園中央, 在奇想花園(Gardens of Imagination)內, 這個castle叫奇幻童話城堡Enchanted Storybook Castle, 跟傳統的睡公主/ 灰姑娘城堡不同, 上海這個castle是原創的, 集合了幾個公主城堡的元素, 也加入了中國的元素, 就是城堡的尖頂的頂端是朵金色的中国國花牡丹~ 另一個矮一點我金色尖頂就是代表了上海的白玉蘭, 還有象征着迪士尼各位公主的皇冠~
個castle咁大真係好正好正呀! HK果個真係好feel! 太矮了吧! 不過我都係覺得disney world/ 東京disneyland尖尖長長的灰姑娘城堡更漂亮!!
在castle前拍了不少照片, 都是找陌生人幫我拍的~

奇幻童話城堡Enchanted Storybook Castle!

Disneyland的siganture, 大過HK果個好多呀!!!

個castle好有氣勢呀!

好正好正, 好有disneyland feel呀!!!


影完castle之後我就立即先行去"寶藏灣"(Treasure Cove)了! 因為這兒今天要維修, 12pm就關閉呢! 這個zone是上海獨有的全新區域, 以Pirates of the Caribbean的海盜為主題~ 很幾個pirates的遊樂景點,也有一齣以Jack Sparrow為主角的show, 不過因為我冇時間, 所以完全冇係這個tresaure cove排隊玩過什麼.... 來這兒都係志在影下相, 影下d海盜船 =p 係呢個zone, 我諗起自己係disneyland打工時曾經扮過海盜, 那時就是pirates of the caribbean上映期呢, 還有pirates mickey的, disney入面所有staff都叫cast member, 大家都係演藝人員, 哈哈! 轉眼已經10年前lu....

「寶藏灣」(Treasure Cove)

海和海盜船是這兒的主打

海盜船都唔錯, 幾有feel

叫工作人員幫我拍的 =p

有氣勢的海盜船!

有加勒比海的感覺嗎? kaka!!


disney很大, 比HK的大很多! 我見很多地方都要1個小時以上才可以玩到! 今天好好天, 照曬呀! 我行左一陣已經出曬汗, 知道10:45am有show睇, 就打算先坐下來涼涼休息下吧~ 這個是Frozon show, 場地都幾大, 好似仲大過HK的golden mickey~ 這個venue叫林間劇場:「冰雪奇緣:歡唱盛會」("Frozen: A Sing-Along Celebration" at Evergreen Playhouse), 等左15分鐘就開始lu~
一開始先是Anna, 之後一齊唱下歌咁, 冇咩故事性.... 最後出場的當然是最受歡迎的冰雪女王Elsa啦~ d小朋友癲曬, haha! 唱的當然是let it go! 模擬動畫入面的場景, 仲有飄雪和投影, 係幾正既~ 不過呢個Elsa好粗壯, 而且"白髮"的真人版真係唔令, 汗!
值得一提的是, show入面唱既都係普通話版, let it go變成了"隨他吧"!!! 好好笑, hahaha!!

冰雪奇緣:歡唱盛會

首跟Anna和其他角色唱下歌 (其實我冇睇過Frozen, 唔知d角色叫咩名 =p)

Elsa出場了!

中文版Let it go, 幾好笑, haha!!!


睇完show後就搵野玩喇~ 上海disney很大, 很多地方都要大排長龍, 我都有用disney個app睇下d排隊情況~ 好多都要排個幾鐘呀! 我時間不多, 主打玩d快+HK冇既野~
立即去了魔境夢遊迷宮(Alice in Wonderland Maze), 是以Alice in the wonderland為主題的迷宮, 其實都係志在係入面影下相, D display好令d~ 仲有個紅心女皇的花園~ 令! 其實alice in the wonderland的場景真係好fantasy好令呢~~~ like!!

魔境夢遊迷宮(Alice in Wonderland Maze)

連d樹都咁得意~ >w<

紅皇后御花園

紅人女皇的頭像~~

女皇的寶座, 超正呀!!

好夢幻好fantasy的環境!

最後來到瘋帽子的茶會~

d display會唔會太令呀!!


maze後, 繼續留在fantasy land搵野玩~ 我都係最like fantasy land, 夠夢幻嘛~ 見到"晶彩奇航"(Voyage to the Crystal Grotto)只係排半個鐘左右, 尚好啦~ 本來都唔知玩d咩, 都係到船先知~ 哈哈!
其實就係坐船仔睇下d disney character~ 唔係刺激野, 不過有d音樂效果, 坐下休息下都好既~ haha!

晶彩奇航(Voyage to the Crystal Grotto), 搭船仔~

首先見到大熱的beauty & the beast =p

阿拉丁, Mickey mouse~

花木蘭! 仲有我好鍾意的長髮公主和小魚仙!!!

在河上看castle =)


之後再去了玩小飛俠天空奇遇(Peter Pan's Flight), 因為個幾鐘前拎左fast pass所以唔係排左好耐咋~ 呢個attraction我11年前都同小透係東京disneyland玩過架, 再去一次, 仍被第一幕吸引住~ 像是在隻飛船上, 望下去都是個很漂亮的夜景~ 不過因為也不是第一次見啦, 始終都冇第一次咁surprise既, haha~

小飛俠天空奇遇(Peter Pan's Flight)

玩完peter pan出黎就見到belle!! 冇咩人排隊呢, 梗係要同佢合照啦~ 仲係著私服的belle~ 哈! 排排belle大熱啦, 我上個月先睇完你套戲勛咋! hahaha!! 我仲同belle用英文交談架, haha!!

Hello Belle! 上個月睇左你套戲啦~ kaka!

之後就離開了fatansy land, 去了全球所有的迪士尼樂園都擁有以太空為主題的「明日世界」 Tomorrow Land~, 入到黎真係成個feel唔同曬, 好似去左第2個世界咁呢! 真係有d唔適應..... 這個tomorrow land比hk的大好多呢, 好寬敞! 真係好似去左第2個樂園咁~
我先拿了fast pass, 之後就排噴氣背包飛行器(Jet Packs), 都排左半小時架... 都係坐上去升高降或轉轉轉果d, 不過都幾過癮既, 而且佢夠高, 可以見到整個disneyland呢~ 好大~ 幾正! haha!

每個disney必有的Tomorrow Land~

噴氣背包飛行器(Jet Packs), 都幾好玩wor =p


上海迪士尼樂園的明日世界沒有Space Mountain, 取而代之的是以"創:光速戰記"(Tron)為主題的全新半室內騎行過山 - 創極速光輪(Tron Lightcycle Power Run), 拎左fast pass, 排左20分鐘左右就玩得喇~
坐過山車前人人都要先放東西入locker呢~ 這過山車一半室內, 一半室外! 室內的也有點像space mountain, 有點科幻的投特效果呢! 之後又有一段是在室外的, 勁!! 最正的是這過山車不是一般的坐著玩的, 而是像駕電單車一樣, 像是爬著咁玩的呢, 冇野cool得好緊咁, 真係好刺激呀!!! 我都係第一次試咋!! 玩完真係超興奮!! 超爽超滿足呢! >w< 來上海disney必試呀!

創極速光輪(Tron Lightcycle Power Run)

室內有d似space mountain~

這是室外的部分~ 正!


係space mountain玩完已經不早了, 我又要行番去fantasy land那邊了~ 經過了castle的底部~ castle入面好令呢, 有曬水晶燈, 好高好令~ 唔似HK果個, 入面咩都冇得睇 + 勁矮 =_=||||
這個castle入可以比人上去參觀架, 不過可惜大排長龍, 我又冇咩時間, 所以唯有放棄了....

castle~ 好令!

castle入面好令架~~~~ 真係好似城堡咁, 唔似HK果個, 入面咩都冇得睇!!!!

有幾幅公主的mosiac畫像~ frozen, 長髮公主, 青蛙王子等


之後經過漫威英雄總部(Marvel Universe), 入去八卦下有d咩, 原來係一d marvel heroes既display, 也有真人給拍照! 剛好見到captain america, 只係排幾分鐘所以我都排下影下, 雖然我對captain麻麻, haha! marvel入面我都係鍾意iron man啦 =p

漫威英雄總部(Marvel Universe)

Captain America! 第一次見~ 哈哈!!


行番去Mickey Avenue見到donald duck和chip & dale在耍太極~ (唐氏太極 lol) 著曬中國衫, 幾得意既~~ 走時donald duck仲好得意咁同人say goodbye, 所以我一直都話, donald duck真係disney入面一個好可愛既角色呢 >w<

音悅園:唐氏太極(Tai Chi with Character at Melody Garden)

Donald Duck和Chip & Dale耍太極~ haha!!

Donald Duck真係好得意!


行行下, 竟然見到Duffy! 嘩! 我第一次見佢咋! 好開心! 這隻原是Toyko Disneysea的吉祥物近年也衝出了世界, 很受歡迎呢! 我都覺得佢幾得意架!! 好彩唔長龍, 我都仲有時間同佢影番幅合照, kaka!! 好似仲有Shelliemay架, 不過我今日見唔到....

第一次見到Duffy咋!!! 好得意!!

好似仲有Shelliemay架, 不過我今日見唔到....


然後又經過左「探險島」(Adventure Isle), 像是adventure land的區域吧~ 不過時間有限, 冇機會入下去.... 只可以係外面影張相....

冇入過去的「探險島」(Adventure Isle)!

最後要再跟castle合照, 發現了Mr. Walt Disney和Mickey Mouse的銅像, castle就背景! 好正! 好like! 我覺得好似美國disneyland呀!哈哈哈!

Walt Disney和Mickey Mouse的銅像~ Thank you for creating a dream land for us!

左邊張相好正! 我覺得好似美國咁, haha!

「米奇大街」(Mickey Avenue)~ 好多Frozen既商品~ 哈哈


真係諗住走人架喇, 係Mickey Avenue見到高飛都冇理, 因為我唔鍾意佢, haha! 但臨走前見到minnie, 雖然唔係特別鍾意, 但都同你影番張相啦, 雖然人人都話你姣, 不過我對仍都冇反感, 我仍然支持你買左你既耳仔頭cool 因為你永遠都係咁sharp, 如你的波點紅裙一樣, 哈哈哈!!!

Minnie Mouse~ 雖然人人都話你姣, 不過我都係揀左買你既頭cool同你影埋相先走~ 哈哈!

今次來去勿勿幾時小時, 連parade都睇唔到就要走了呀 >.< (weekend有2場parade, 12:30pm和4pm, 今天只有一場在4pm), 我3點幾就走人了呢.... 可惜....
整體而言上海disneyland真心幾好玩, 又夠大, 真係值得一來! 人是多, 不過東京和HK也多呀, 也許沒有太多分別吧... 人的質素我覺得還好啦, 當然不可跟HK和日本相比, 不過也許因為我沒什麼expectation, 所以也沒差, 起碼也沒什麼人插隊吧...
雖然這次是我一個人來, 不過我仍然覺得是值得的, 畢竟只付了RMB 370進來, 還可以吧... 我只在園內買了個頭cool和幾支野飲, 沒有花很多錢....

byebye Shanghai Disneyland!!! i will be back!

3點幾, 拎番行李之後再打的到浦東機場~ 17:40pm的飛機 (唔敢book太夜, 驚delay呀), 食番少少野先, 成日係disney都冇食過野... 係上海番黎, 竟然冇咩delay, 真係好好彩!! 6點幾就起飛了!!
在機上睇左"小男人周記3", 一般姐... 不過娜姐做戲其實真係唔錯....
8點幾落機, 唔洗10點就回到家, 算很lucky了~~ 明天還要上班呢....

上機前食番D野先, 呢間餃子我7, 8年前食到而家!

delay得45分鐘, 好好彩! 上海wor!
海外工幹 | Comments:0 | Trackbacks:0 | 2017/05/11(木)
上海出差 - Day 1
等左成年半, 我終於又再有機會去上海出差了, yeah! 上次來上海已經是去年1月跟已走了的舊同事T一起來的了, 如今他人都走了2個月了....
成日出差長沙真係悶呀! 今次雖然係我自己一個人飛上海, 不過我就非常期待, 因為我幫自己排了很多schedule呢, kekee!!

早上10點機飛上海左虹橋, 終於唔係0850唔係長沙, 好感動! HAHA! 2個多小時才到上海, 終於有飛機餐食! 在機上看了"七月與安生", 幾好睇wor~ 都有d驚喜呢!

終於可以再到上海了, yeah!

12點幾落機, 係上海有司機車, 直接回公司的service apartment, 正! 今次唔係住大房, 只係1人房, 不過仍然係超大, 一個廳一個睡房一個大廁所和櫥房, 勁大, 好舒服! 絕對係舒服過住酒店! 好開心又來到上海了~

今次住的公司service apartment~

房間看出去的景觀~ 仲望到東方明珠塔架~


係apartment整理左一陣就要立即出去見客了, 好彩都有司機車~ 去了浦東的上海環球金融中心, 是世界第7高樓, 曾是上海最高的大廈~ 我都係第一次來咋 =p
開左會左個幾鐘, 這個客人係我今次來上海的最大目的! 好希望可能完成到呢個deal!
之後在浦東新區行行, 好久好久沒來過了, 上海感覺發達了很多很多!

上海環球金融中心, 頭先就係係呢度開會~ 右邊的是上海最高樓 - 上海中心

Hello Shanghai! 好久不見!


之後我就回到淮海路, 有點餓, 距離下一個約會仍有不少時間, 在apartment附近的Hermes Maison飲左杯野~ 以前呢間Maison仲有野食架, 原來已經冇左lu, 可惜....
我在Herme入面忘憂左成個鐘, 好relax幾爽~

在Hermes Maison像左壺Earl Grey~ 不錯!

今晚約左個舊同事V係外灘dinner, 本來想打車去, 點知等左一陣都打唔到車, 仲要係放工時間, 我唯有開住地圖咁行半個鐘啦, 由天光行到天黑, 哈! 好彩基本上都只係一條直路, 不難走的~

好耐冇來過外灘了!!!! 我行左半個鐘先到, 汗!

好不容易終於來到外灘5號的Atto Primo~ V已經來到了~ 我們應該有差不多2年了吧~~ 不過我們如今工作上仍有不少contact, 所以其實都冇咩陌生!
V是我第一份工時認識的上海舊同事! 我那時在HK頭3年除了阿姐之外, 根本沒有其他工作伙伴! 根本沒人會明白我, 說出來也無謂, 我不是個喜歡跟莫名的人吐苦水的人! V是我工作了一年多才轉過來我們部門的同事, 雖然在上海, 想當年我們如何的互相勉勵、如何的一起面對"困境"! 是個很緊密的戰友!
回想起頭一年做第一份工, 壓力真係好大, 咩都唔識, 咩system都冇, 工作上既野又唔識又冇人教亦唔識問, 真忘記自己是怎樣撐過來的! 不過我是非常感恩能做到那份工, 沒有昨天的我就沒有今天的我, 很高興過去曾經歷了那些!
我這次說想在環境好的地方dinner, 要看到浦東夜景, V就帶我來這兒了, 我們坐在窗旁, 望坐上海夜景真係好鬼正呀!!! 我們談了不少, 畢竟我們是從少女時代認識, 人家如今已是個3歲女兒的媽媽了呢~
埋單1000人仔左右, 支酒都4xx, 性價比好高呢! 多謝V請客, kekee!! 9年了! 上海變左唔少, 我地都係! 唔知我下份工仲洗唔洗飛大陸, 但我相信N年後諗番呢9年係大陸做野既點滴一定覺得好懷念! 正如我每次諗番起10年前傻更更既自己, 真係覺得life is so amazing!

外灘5號的Atto Primo~

我們坐在窗邊, 這個view太好了吧!!! 好正呀!

藏紅花牛骨髓risotto (好特別! 牛骨髓好香!), mixed meat platter (有齊雞牛豬羊和腸, 好飽食唔曬!)

今次可以黎上海出差真係好開心!

好耐冇見的舊同事V!

So happy to be in SH again to meet old friend!!
食店: Atto Primo
地址: 上海外灘5號廣東路20號2樓


Dinner完我們就行去茂悦酒店打算去bar飲野, 沿路散散步, 經過著外灘, 見到d景色真係正~ 難得上海今日好好天呢! 個天超清一點霧也沒有! 我扮著遊客咁影左好多相, haha! 其實上海夜景同HK都幾似, 哈哈! 我也幾年冇來過外灘了, 比之前多左幾橦signature的高樓呢....!!

好久沒見的外灘~ 好令! 點解HK唔保留呢D呢...

上海浦東的夜景, 除左明珠塔而家仲多好幾橦摩天大樓

其實真係好似HK尖沙咀, 哈哈!

外白渡橋, 說是條名橋

話情深深雨濛濛曾係呢條橋取景wor *0*


我和V 10pm左右終於去到外灘茂悦大酒店32樓的"非常時髦酒吧", 呢個bar都幾出名架, 因為可以飽覽上海夜景, 聽講"小時代"都曾在此取景~ 哈! 這兒天台的景色真的很不錯呢! 來bar的人要最低消費RMB 100, 包一杯飲品, 都幾抵丫 =P
早2日才知道好友Ingrid原來也剛好來了上海出差! 知道後我就立即約她在上海見面, 因為她也要工作的, 所以晚上落bar是個很好的機會! 雖然我地平時成日見, 真係冇諗過有一日會係上海同你在出差中見面, 超難得, 當然要見啦! haha!! 介紹了ingrid和V互相認識, 我們都是用普通話交談的, 我覺得這2年我的普通話真係進步左好多呀!

非常時髦酒吧

我們座位望到的景色!

好清晰的上海夜景!

樓上是露天BAR~

仲有個浸腳的水池 =p

真係超開心可以係上海見到ingrid, 唔係自己比錢去旅行wor lol

又係飲紅酒, 費是溝啦!

ingrid和我, 好似去緊旅行咁, haha!!

今次出差非常滿足, 好開心!
食店: 非常時髦酒吧
地址: 上海黄浦路199號上海外灘茂悦大酒店西樓32樓


我地坐到12點才打的走人~ 今次來上海真係好開心, 好似旅行咁! 超正呢! 如果平時出差唔係淨係飛長沙就好啦 =P
海外工幹 | Comments:0 | Trackbacks:0 | 2017/05/10(水)
終於買左英法機票了!
Yeah! 等左幾個月, 終於買左7月去英法機票了! yeah! 7月英法go go go
之前睇去10日, 搭AirFrance成over 10k, 昨天俾我search到Qatar去11日, 機票平好多呢! 今天終於買了! 結果而家去11日, 3日Manchester 8日南法, 仲正啦! 預多日係普羅旺斯, 誓要在好天氣時睇到薰衣草原!!!
繼14年東歐、15年英國荷蘭、16年希臘瑞士, 我地兩公婆將會連續4年都去歐洲呢, 好正呢~ kakaka!! (講真, 如果唔係要去Manchester, 今年long haul我想去New Zealand/ Fiji/ Turkey等non-Europe的地方多d)

吸取左今次太遲book換唔到機票的教訓, 我決定都係早日換左我們2週年的annivesary trip的機票! 因為今年無啦啦要去轉英法要洗一大筆, 今次anniversary trip應該都係簡簡單單平平地hea下算.... 暫時目標是去Bali住villa relax下....

明天又飛了, 今次終於可以脫離長沙去上海, 好開心! 呵呵呵! 一來可以食好野當遊行、二來可以儲mileage都多d, 哈哈哈!
生活點滴 | Comments:0 | Trackbacks:0 | 2017/05/09(火)
新回鄉証
張回鄉証6月到期, 今日下午去左換新証..... 終於拎得lu....
呢十年, 呢張回鄉証帶我去過深圳、廣州、珠海、長隆、中山、韶關、南寧、三亞、長沙、武漢、福州、廈門、上海、蘇州、杭州、南京、無鍚、北京、成都、重慶、瀋陽、大連、哈爾濱......
大迎8分都係出差既地方! 好遣憾係冇機會去埋烏魯木齊、丹東和長春!
不過我估未來十年, 我應該唔需要好似過去十年咁去咁多次大陸卦? 哈哈!
生活點滴 | Comments:0 | Trackbacks:0 | 2017/05/08(月)
與嫲嫲預祝母親節~
一如以往, 母親節前夕, 親戚們總要一聚同嫲嫲慶祝母親節, 今晚又係親戚兩圍食飯lu~ 大家又係度話當年, 講父母那輩小時候的事、講我這一輩的趣事, 人人有份....
他們又提起我細個踢狗、剪頭髮喊、仲記得我2歲去飲時著乜、去飲去澳門踎塔、唔驚曱甴、甩鞋執番、唔認得剪完頭髮的嫲嫲....
我知,我由細到大都係焦點一向都好受歡迎好受寵, 所以被提到的頻率非常高 XD
今天見到嫲嫲很精神! 希望您身體健康呢! I love u~ Happy Mother's Day! 今天, 我又想起了去了天國的爺爺! 已經十多年了, 我仍很想你呢.....
節日慶祝 | Comments:0 | Trackbacks:0 | 2017/05/07(日)
二人在家打邊爐~
琴日同同事傾開, 被挑起左係屋企打邊爐條癮... 今天下午回到家, 都特登再出去買餸, 同老公二人在家打邊爐!
唔算買左好多野, 半磅肥牛、半條鱔、墨魚滑、蝦滑、響鈴、菠菜、蕃茄薯仔, 仲有屋企有的廣島蠔和松葉蟹腳.... 正呀! 好耐都冇係屋企打過邊爐了, 好滿足呢!
PS* 我地有食淨架! 留番明天lunch再吃!


之後一起看"志明與春嬌"和"春嬌與志明"....我地而家先知道部電視原來可以share手機screen, 用黎睇movie真不錯呢~ haha (雖然畫質不是高清版)
私房菜館 | Comments:0 | Trackbacks:0 | 2017/05/06(土)