Daisypath Anniversary tickers
星期日番娘家食飯
第2日假, 下午去左睇等左好耐既<春嬌救志明>, 好開心!

晚上回娘家食飯, 成個月冇見過屋企人, 真不孝 =p 每次番屋企, 爸爸都準備酒, 佢話齊人開心下wor =p 今年爸爸送左份生日禮物俾我, 是條手鏈, 是碧璽來的呢 (我都未聽過 =p) 謝謝爸爸~ 爸爸同我介紹咩係碧璽, 我就叫佢考慮下年買鑽石耳環俾我 XD
父母黎緊6月真係退休了! 今次真係堅退lu, 賣左盤了! 工作了幾十年, 一下子停下來也不知道會做些什麼.... 希望他們的退休生活美滿啦, 我都有d擔心佢地呢....
生活點滴 | Comments:0 | Trackbacks:0 | 2017/04/30(日)
<春嬌救志明> (Love Off The Cuff)

導演: 彭浩翔
演員: 楊千嬅、余文樂

2010年,志明與春嬌在迷宮一般的香港後巷搭上。
2012年,二人在異地各自覓愛,最終選擇繼續相愛。
2017年,春嬌志明誓要來一場驚天動地的愛情,在驚濤駭浪中倆人如何自己感情自己救!
春嬌與志明一眨眼已步入 7 年之癢感情期限,能否跨得過去?不得而知。但過程中肯定要經歷無數喜怒離合,才能得到最後答案。


7年喇, 期待左好耐既志明春嬌系列第3輯! 其實我好鍾意第一、二輯的故事, 第一集曖昧地在煙霧中開始、第二集的分離然後發覺早已變成了對方, 不過今集我覺得內容有點鬆散, 主題不夠集中.... 其中幾場大龍鳳 (開場 & ET) 好似太造作, 唔夠自然流暢....
不過今集志明其實真係進步左好多, 不再是個長唔大的男孩, 一開場已經覺得佢長熟左好多, 跟春嬌媽相處好有心, 個人冇咁花花定左好多, 而且他主動對那個"契媽"所說的話真係好感動, 好成熟又有責任感! 真係令人很意外!
反而春嬌今集就多左好多野諗同埋猜疑, 原來一切來自些她小時候的陰影.... 雖然係好煩, 但女人就係煩, 我係女人, 我明!
說是春嬌打救了志明, 其實志明亦打救了春嬌, 把她從陰影拉出來吧... 最後那場戲, 雖然有點over, 不過再回到K房、回到cosplay, 真係憶起好多回憶! 我仍然相信志明愛春嬌如昔! 我有感動到...
我很喜歡志明和春嬌的故事, 沒有什麼驚天動地, 只是夠貼地、夠真實.... 每次亦能我review一下自己的感情!
劇集電影 | Comments:0 | Trackbacks:0 | 2017/04/30(日)
忘卻年齡的Happy Birthday *13* - 8th April TWINS~
五一假連放3日, 爽! 來到4月的尾聲了, 2017年最後一個生日飯局, 當然要約那個跟我同年同月同日生的4月8日的Twins - Shirley一起慶生啦! 還有Carman要幫我們慶祝!
媽媽的時間不易約, 下午去吃個high tea就最合適了! 這些才是人妻該做的活動, 哈哈哈! 本來我是suggest去Four Seasons的, 未去過嘛, 之後見Intercon那間日本餐廳Nobu原來有日式Tea Set, 上網睇個set好令好吸引呢! 所以就決定呢間! 其實想試Nobu的晚餐好耐架喇, 沒想到第一次來會是來吃Tea的, kaka!

本來我們怕吃不完, 所以打算點2人份算了, 不過原來這兒來幾人就要點幾人份的, 所以我們只點個3人份! 我果份仲有杯champagne架! 一上枱的先是乾冰, 好華麗! 之後陸續放其他high set上枱, 嘩, 成個presentation勁令呀!! 第一次吃這種日式的tea, 好似懷石料理咁又有少少fushion, 超正! 唔係平時那種3層架~ 這是我食過咁多次tea最令最吸引既一次! haha! 而且食物都好特別, 都是日式的煮法和味道, 唔係淨係得三文治和cakes, 咸點和甜點都好吃! 咸點都算多, arm我! 另外呢度的飲品唔些coffee or tea, 仲有特色的抹茶飲品, 好正呢! 我highly recommend來這兒tea呢 (我地set野有3份, 所以夠多夠睇頭, 2人份的冇咁浮跨放足三層 =p)
Carman安排了生日牌和蠟燭給我和Shirley, 好令呀! 我們又一年一起許願了, happy birthday my TWINS!
三個人妻聚在一起, 談了很多做人老婆、做人媳婦的話呢! 也聽了shirley當了媽媽後夫婦、婆媳關係的轉變, 多謝你行左第一步, 比我同carman借鏡, 日後我地識執生的了 XD

紅豆黑蜜抹茶, 牛奶抹茶! 呢度可以揀特色的抹茶飲品, 好正呀!

一出先的先是乾冰! 出曬煙咁好正呀!!

上曬枱, 呢個Japanese tea set真係超令呀!!!! 我地3個見到都嘩嘩聲!

滋味 (咸點): 龍蝦脆米餅, 鴨肝慕絲包, 海老茶碗蒸, 鰻魚昆布茶果凍, 帝王蟹蕎麥麵沙律 (d咸點好好食)

甘味 (甜點) - 上: 焙茶紅豆蛋卷, 草莓櫻花脆餅, 藍莓馬卡龍, 紫米椰子慕絲杯 (雖然我like咸點多d, 不過d甜點都好睇好食)
甘味 (甜點) - 下: 濃香咖啡鬆餅 (比平時的scone更得我歡心!)

加埋d鬆餅, 勁豐富! 好似懷石料理咁! 我們這兒有3 sets! 所以畫面好豐富! 成個tea既presentation好令呀!!!! 心心眼!

個生日牌都寫得好令好有美感!!

認識左十幾年, 我們今年又一起慶生了! Happy Birthday to u Shirley! this year is special, 因為你已當媽媽了!

我們都要跟這"座"high tea set單獨合照, kekee!!

Carman, Shirley & Karen~ 今餐要多謝曬Carman!! 讓你破費了呢!

我仲有杯champagne飲架! 好正!!
食店: NOBU InterContinental Hong Kong
地址: 尖沙咀梳士巴利道18號香港洲際酒店2樓


在Nobu坐到6點幾先走人~ 跟shirley一起回去, 之後上了她家探baby Karina! 今日好齊人, 有shirley的99, 仲有阿哥和女朋友, 最後老公都番埋黎, 好熱鬧 XD
一個月冇見, bb已經2個半月大了, 比上次見大左好多呢! 而且表情和動作都多左好多, 得意左好多呢~ keke!! 其實我呢2次都抱佢抱得唔錯架

2個半月大的baby Karina~ 表情同動作都多左好多呢!

1個月冇見, bb你大左好多呀!
節日慶祝 | Comments:0 | Trackbacks:0 | 2017/04/29(土)
忘卻年齡的Happy Birthday *12* - Rosians III
已經4月尾喇, 我仲有生日飯未食呢! 今日約左Jelly, Jennifer & Tammy~ 往年我地都比較早食架, 不過jelly早排去了西藏2星期, 所以本來我們約了上星期的, 但我臨時要出差, 所以再改期至今天了!
今年我揀左間吃蒸氣石鍋的, 主打我最喜歡的海鮮! 之前吃過一次蒸氣石鍋覺得不錯, 便想再吃一次! 這兒可自選幾款海鮮, 肉和蔬菜甚至飲品都可以任點, 都算幾抵架~ 我們7點半食, 坐坐下都full house呢! 不過吃蒸氣石鍋真係有點趕, 我們常叫服務員慢慢蒸, 哈哈!
一坐低先問jelly的西藏之旅的趣事, 真係聽得好有趣呢!! haha! 廁所事宜邊食邊說好像真的不太合適 =p 還有是上到珠峰大本營實在太厲害了呢! 好羨慕! 不知我有生之年有沒有機會去一次西藏呢!?

又係呢頂草帽, 好得意呀! haha~

每人半隻乳鴿 + 一盅燉湯! 我們都揀姬崧茸燉螺肉湯

生猛龍蝦 (每人半隻, 都唔錯丫), 貝殼盛盆

北韓鮮鮑魚 (好食呀!!! 大大隻), 蘇格蘭蟶子皇 (都好食)

美國桶蠔, 生劏龍躉件

蟲草花清遠雞、自製鮮牛丸、手剁鮮蝦丸、手打梅菜豬肉丸、家鄉釀豆卜、手切和牛粒、手切和牛肉 (d自家丸好吃wor, 都有d驚喜)

蔬菜, 馬拉糕, 最後的粥精華!


吃埋個粥之後真係好飽, 之後仲有birthday cake食呢! 哈哈! 是Zoe的蛋糕呢, 記得6年前我的生日飯, 我們4個也一起去過cwb那家Zoe cafe吃蛋糕吹蠟燭呢! 轉眼就已6年了呢! 好快呀! thank you girls, 認識左十幾年的朋友們 =p (jelly小四認識, 20年喇!!!)
約左下星期去行山 (如果好天的話), 希望去得成啦! 另外我收到了2017年中算是我其中最開心的一個消息!! so happy for u Jelly!

birthday cakes from Zoe! 上次食, 2011年, 6年前了!!!!!

許今年第12次許願喇, 仲有生日歌聽 =p

tammy, karen, jennifer, jelly =)
食店: 潮福蒸氣石鍋
地址: 尖沙咀厚福街5-6號多富閣1樓


老公的MBA終於出了成績! pass with merit! 那我們可以準備放心買機票, summer又再去英法了! 哈哈哈!
節日慶祝 | Comments:0 | Trackbacks:0 | 2017/04/28(金)
臨時飯局, 又係舊同事啊!
今午時臨時有約, 又是舊同事Tim, 佢Quit左一個月, 我已經見左佢2次lu =p 佢黎開呢頭, 等我地收工HH再食飯~ 今日冇老細係度, 我仲早左走, 哈!
因為臨時約, 所以唔太齊人, 可惜K唔得啦.... 今晚得我同秘書E, 加埋另一個舊同事J咋, 2舊對2現同事, 哈哈! 幾個月冇見J, 又有不少新status呢! 恭喜!
同T都冇咩好update, 主要八下J和E, 同埋我地又係度笑笑笑 =P 我地條team有個秘書resign了, 不知其他同事又有什麼想法了, 少了秘書, 我地都好鬼麻煩架....

完全唔記得自己飲左幾多杯, 應該at least有5, 6杯....

今個月的gatherings充斥著好多舊同事 =p
食店: The Ashley Road Trading Company
地址: 尖沙咀亞士厘道15號地舖


之後同T下場, 十幾日冇見咋, 又傾左好多野! 有D野第一次聽, 嘩哈哈! 好爆! 祝你好運~ 希望佢新工順利, 第時有好路數帶埋我走! 攪笑地, 繼上次飲酒後我地係度爭論H&M定C&A好D, 我地今晚又係度鬧交喇 (爭論姐 =p), R埋D無聊野, 我仲要嬲到立即whatsapp K希望得到支持, 真係short Q左 =P
飲到點幾鐘先走人, 好眼訓..... 明天大鑊了!
識飲識食 | Comments:0 | Trackbacks:0 | 2017/04/26(水)
Happy Hour
收工臨時有約去happy hour, 咁早收工真係好開心~ 近近地就去three on canton~ 飲左6 round呀! 2杯prosecco 4杯white wine~ 呵呵呵! 仲點左3個snacks~ 簡簡單單吃一點都幾好~ 最重要係有人請, 話慶祝我生日wor~ haha! 張單都唔平架 =p
吹水時知道了一個蠻意外的消息, 幾震驚呢 =p
識飲識食 | Comments:0 | Trackbacks:0 | 2017/04/24(月)
House Warming @ Sai Kung
今朝一張開眼, 完全唔記得自己係長沙, 哈! 今天一早就要見客, 好鬼支力又眼訓, 唉!
見到客我就趕著走了, 今晚有約, 為左attend到今晚的gathering, 我特登早d走, 改搭3個幾鐘的高鐵到深圳, 係車度係咁訓, 訓到都好既~
5點幾去到深圳, 再搭地鐵去關口, 回到HK已經6點幾了!

又要搭高鐵落黎, 3個半鐘呀!!!

在福田口岸直接打的到舊同事家, 今晚是Victoria的house warming gathering, 我特登由長沙趕落黎, 搭車搭足5個幾鐘, 真係好俾面呀! 記得上次去bbq時, 我也是從長沙趕落黎的, 太有心了~ 哈哈!
我是第一個到的, 其他舊同事仲未到, 我就先行參觀新居和同Baby V玩~ 新屋有3層, 勁大呀! 正! 半年冇見Baby v, 大左好多呢, 又識行~ 好玩 =p 其實我最鍾意表情多多的小朋友, 對比大眼令女bb, 我更喜歡活潑鬼馬的~ 哈哈!
待了大半小時, 大家終於都到了~ 本來我們今天上天台bbq架, 不過下雨, 所以d食物改曬煎或放入oven grill, 哈哈哈! 不過d蝦、蠔、蜆都好吃!
識左呢D舊同事9年, 由成班少女, 到而家成班阿姨, 真係時光飛逝!!

Hello again Baby V~~ 半年冇見, 長大了很多了, 識行了!

由成班少女, 到而家成班阿姨, 真係時光飛逝!!

原本BBQ的食物, 全部改曬grill or fry! haha! 主要都是加garlic, 都好味既~ 我都係like海鮮, 大蝦、蠔同蜆都好食!


dinner完落左樓下basement吹水飲野, 好八卦! 成班八婆 lol 雖然女人真係超級麻煩的生物, 不過都好彩在第一份工識到的女人都算係咁, 麻煩就麻煩, 不過算係咁啦 =p
吹水吹到4點先走人, 好眼訓呢!

識左有9年的同事.... 在場其實得番6個係度做, 其中一個仲要新黎既~

之後落basement吹水飲野到凌晨4點幾, 好chill啊!!
生活點滴 | Comments:0 | Trackbacks:0 | 2017/04/21(金)
長沙出差 - Day 1
又要飛喇, 今個月第二次呀! 汗! 超眼訓... 本來下星期都有機會要飛, 好彩應該唔洗咋, 呼....
今次5個同事一齊飛, 冇古怪人, 加上我見果2個客都幾熟, 所以好輕鬆! 而且我們今日幾個同意仲有特別行程呢, 很興奮!
到酒店後, 有些同事都準備去prepare開會了, 得番我同同事H一齊lunch, 不想再吃湘菜, 所以揀食pasta~ 唔食咁飽, 因為今朝好早要食飯 =p
這家pasta好久沒來了, 好吃! pasta真是al dente的, 不過真係唔平, 一份要成RMB 78架!!

好吃的pasta, 不過好貴!! 這可是長沙呢!
食店: 簡樂PASTA
地址: 長沙五一廣場7UP購物學中心内L2樓電梯口


lunch完, 我就獨自去見客了... 都攪左個幾鐘架! 跟住就跟其他同事集合, 去我們今日的特別行程!! 就是要上我們project office building的頂層呢! 本來以為可以坐籠lift的出塔頂, 不過今日風大, 沒有開.... 我們要坐室內的, haha! 也好, 安全點~
我們這個tower是全市最高、也是全省最高的呢!! 450多米!! (HK最高的ICC是490米) 上到去好大風呀! 同埋上面個平台好大, 冇咩危險既~ 同事仲特登帶了個可以影360度的cam, 我們就在這個96樓上不斷拍照! 好鬼正~ haha! 不過今天天氣麻麻地, 冇陽光又多雲, 景觀唔夠清~ 我決定下次要等好天時再上黎呢~ kekee!

在T1 96樓看長沙~

標高436.3米! 介紹就介紹得多, 我們終於上到黎喇, yeah!!

在96樓自拍! so exciting!!! 好興奮!

360度的cam好正呀! 影左好多攪笑相!

另一個mode, 圓滾滾的~ 好可愛!!


上到塔頂, 好開心~ 大家都好exciting~ haha! 之後我們就來個early dinner了~ 5個人dinner, 當然又是去打邊邊, 不過今次係來自重慶的串串火鍋, 食物很多都是一串串的, 我們好像共吃了200多串呢~ 當然也有些是一盤盤的~ 其實在長沙吃過好幾次麻辣火鍋, 不過我還是覺得之前在成都吃到的最好!

第一次食這種串串火鍋, 幾得意既....
食店: 大斌家串串火鍋
地址: 長沙蔡鍔南路77号印象天心一樓12鋪


dinner完時間尚早, 我們去了對面的古街 - 縣正街~ 我都係第一次聽第一次黎咋, 仲以為自己好熟長沙, haha!
條街都幾得意既, 都是古建築, 有不少文青有品味的小店, 也有很多食肆, 不過不是很commercial, 也不是有很多人, 感覺幾relax呢!

縣正街, 也是條古街呢

今次出差好似同同事去旅行咁, haha!!


我地搵左間bar坐, 飲下啤酒吹下水, 玩下啤派, 21點、潛烏龜、射龍門!! 都係唔洗用腦的! 我地有玩錢架, 我覺越來越黑仔, 射龍門勁輸, 輸左成2舊水 =__=||||| 雖然其實大家d錢最後都係拎出黎比酒錢.... 之後仲玩truth (冇or dare, 因為真係想講truth only lol) 成晚最high點.... hahaha!!! 不過都冇咩意外野聽到番黎, everything as expected =p
吹到成點幾2點先番酒店, 我聽朝10點要見客架 @@

去左間坐左幾個鐘.....

同同事玩左成晚啤派.... haha!
食店: New Beer牛啤精酿啤酒屋
地址: 長沙白沙井都正街13號
海外工幹 | Comments:0 | Trackbacks:0 | 2017/04/20(木)
Ready to Fly again!!!
今個星期番2日工而已, 明天又要飛2天了!
其實今次唔係好想飛, 我上星期先係長沙番黎咋 >.<
而且我本來星期四五都約左人架, 而家攪到我星期四的飯局要改期、好彩星期五我可以高鐵番黎join到咋! 唉!
開心咁諗, 今個星期已d過lor... 應該係....

呢2日都好夜先訓, 因為幫放工後仲去左老公個studio幫手! 難得好個大單, 要交成900件貨! 今日我都留到10點幾呀! 聽日仲要6點起身飛架! so sleepy!
生活點滴 | Comments:0 | Trackbacks:0 | 2017/04/19(水)
忘卻年齡的Happy Birthday *11* - Uni Room & Hall mate
轉眼又到了Easter的最後一日假了, 勁快! 聽日完全唔想番工呀, 唉!
來慶祝easter最後一日假, 又要跟朋友去吃我的生日飯去~ 已經是第11餐了, 哈哈! 今天約的是eva & wallis~ 大學的roommate/ hallmate/ 同系庄員 =p
今次找了家很有懷舊風的cafe - 老二花廳, 在唐樓的cafe, 上網見到這兒的裝潢很好得意, 牆上塗鴉, 四格瓷磚地板, 還有很多古老的擺設, 很有舊香港特色~ 正!
沒想到這兒的食物都好吃呢, 幾有水準, 而且份量大, 在cafe來說實在難得! 而且價錢也合理呢!
我們3位人妻說著老公的事, 工作的事, 生活的事.... 係HK地生活真係唔容易! 大家都要加油呀! 不過她們二人將來都可以跟老公回美國或西班牙, 多個選擇真好呢!
認識了12年的大學朋友, 又再一次跟我慶生! thank you both! love* 雖然我的生日已過了一星期, 不過還有好幾頓生日飯呢~ kekee!!

在唐樓中的cafe~ 好可愛!

很有懷舊feel!! 仲有卡通金仔的畫像 =p

仲有個陽台位~ 幾舒服!

餐包的drinks, salad and soup~ 我飲的是hazunut chocolate! yummy!

黑松露海蝦意大利飯, 海鮮帶子扁意粉, 蜜糖雞翼, 挪威三文魚柳

繼續happy birthday to me =p


eva, karen & wallis~ thanks girls!
食店: 老二花廳
地址: 旺角山東街80-82號1樓
節日慶祝 | Comments:0 | Trackbacks:0 | 2017/04/17(月)