Daisypath Anniversary tickers
長沙出差 - Day 2
琴晚成3點先訓, 好彩今日都可以訓到10am, 先進工地見客, 跟住同客食lunch~ 今日去吃海鮮, 呢間我之前都黎食過的, 不過今次豪少少! 有龍蝦刺身啊!!! 正! 真係好甜好正! 好少有機會可以吃呢! 仲有煎蠔, 海參湯, 蒸魚.... 4個人仲開左3支紅酒, lunch都飲到high high地, 汗!

蒸蠔, 海蜇頭, 多寶魚, 燒鵝~

海參湯, 南瓜, 蕃薯葉, 水芹菜...

龍蝦刺身啊!!! 正! 好正!
食店: 徐記海鮮
地址: 長沙湘江中路二段208號歐陸經典1樓


之後就出發去機場了, 本來7點多的航班, 一上機沒多久, 就說要delay到10點幾! shit! 我們要呆在機上那麼久嗎 >.< 之後好不容易等到10點, 機長竟然說還要delay到12:10am... OMG! delay了5小時呀!!!! 而且還是在機上等, 應該是我試過最久的delay了哦! 好1慘.... 落機已經差不多2am了....
回到HK, 本想打的立即回家, 點知的士站竟然大掛長龍!!! 真係前所未前, 今日HK機場究竟攪乜呀!!! (好像聽說很多航班都delay了!) 幸好同事H call到車咋, 先回我家再回她家.... 在青馬收費區竟然仲有少少塞車, 好可怕!
結果回到家, 差不多3點了, 沖埋涼成4點先訓得... 真係好鬼支力呀!!

飛機由7:15pm delay到10:10pm, 再delay到12:10am!!!!! OMG!!!

好不容易2am回到HK, 竟然冇的士大排長龍!
海外工幹 | Comments:0 | Trackbacks:0 | 2017/03/31(金)
長沙出差 - Day 1
又要出差, 呢個3月飛左2次喇, 厲害! 今次有4個同事一齊飛呢, 都唔係特登約定架, 我地都係分開見客~
回酒店之後就跟客人去lunch, 今天長沙下雨, 很煩! 我們上了岳麓山食lunch, 這兒是長沙的景點, 不過離市中心也很近~ 客人特意帶我上來吃lunch wor~ 可惜今日下雨, 看不到什麼景色...
食物方面不算很特別, 都是湘菜~ 有一些長沙的野菜, 第一次吃, 還有水煮河魚也不錯, 很嫩!

第一次上岳麓山~ 黎食lunch

菜式都是湘菜, 水煮河魚很嫩~ 還有不少長沙特色的蔬菜! 幾特別既~
食店: 步虛樓
地址: 長沙岳麓山風景區鳥語林旁


之後再了見了一個客, 晚上跟同事們去了吃麻辣火鍋~ 人多吃火鍋就最arm了! 係大陸吃麻辣火鍋真係好過癮, 平時係HK冇機會吃, 配麻辣火鍋最好的是鴨血和毛肚! 正! 香港完全吃不到!
跟同事們也說了很多, 什麼也有, 出差就是有這個好處, 多了很多時間跟同事相處, 說的話也多了很多呢....

dinner去左食潭王府火鍋

點了鴛鴦湯底, 一邊辣一邊不辣

最好吃的是鴨血和毛肚! 正! 香港吃不到!

同事們~ 人多吃火鍋就最好了!
食店: 潭王府火鍋
地址: 長沙坡子街19號


下場仲去左唱K.... 那K是第2次去, 在我們酒店後方, 很近! 其實大陸K都真係幾好架, 房大, 有燈光feel, 歌又齊! 而且又平呢... 真不錯! 多人來就最arm了!
我們由9點多唱到凌晨2點多....... 唱了很多很多, 有18瓶啤酒, 我們都飲得曬呢, haha! 回到酒店都差不多3am了, 好彩明早11:30am才去見客...

下場仲去左唱K.... 其實大陸K都幾好架, 房大, 有feel, 歌又齊!

由9點幾唱左2點幾...... 喉嚨都沙了.....
海外工幹 | Comments:0 | Trackbacks:0 | 2017/03/30(木)
Fly Again
老細呢幾日出差, 我地冇簧管, 朝朝食早餐食到10點先番上公司....
明天又飛了, 一個月2次, 真厲害! 過多2個星期又飛.... 希望我今年marco polo可以拎到silver啦! 哼哼!
生活點滴 | Comments:0 | Trackbacks:0 | 2017/03/29(水)
忘卻年齡的Happy Birthday *1* - Family
轉眼又到3月尾, 不再多久又到我的生日月了.... 去年30大壽, 很積極的邀約bday gathering攪呢攪路.... 不過今天已經30+1, 都沒什麼感覺了, 不再去在乎年紀去到幾多了, 哈哈!
今晚跟家人dinner, 就在家附近, 又是吃中菜... 爸爸還有生日禮物送我, 是條手鏈呢! 很surprise! 已經很多年沒送過我生日禮物呢! 上次可能已經是小孩的年代呢!
就這樣, 吃了我今年第一個birthday cake和生日飯~ thanks my family~ 今天也有跟家人討厭政治, 很慶幸父母都不是pro政府的人! 我還能跟爸爸討論民主派和自決人士的立場呢, 我們都是站在同一立場的, 很難得 =p

有我喜歡的鮑魚仔, 桶蠔, 乳鴿, 片皮鴨~

我今年第一個birthday cake....

photos with family~

雖然是有點早的family birthday dinner~ haha!
食店: 皇庭匯
地址: 大角咀海富苑海富商場1樓106號舖
節日慶祝 | Comments:0 | Trackbacks:0 | 2017/03/26(日)
High Tea @ Home with Rosians
本來一早約左Rosians今天去行山的, 不過睇天氣報告今天可能會落雨, 所以都係決定cancel, 本來有想過改去pincic, 但最後都係決定上我家high tea! 哈!
今天只有4個人, 我, ida, sally & tammy.... 我只善用了家中的食杉, 煮了芝士焗菇、腸仔和雞翼, 其他食物都是叫她們買上來的, 像壽司, ham & melon和sparkling wine等.... 一上到來差不多就能開餐了~ 又擺到成枱都係野, 配合埋d花花碗琉碟碟, 勁令呀! 吃得好飽好飽! 說著summer去旅行的事, 希望我們齊人去得成啦.....
今天是HK選特首的日子, 不過我們只能邊HIGH TEA邊看電視食花生, 事不關己似的..... 香港真係好可悲, 難得那麼多人想移民! 如果將來能走的, 我也想跟小孩一齊走呀!


desserts, 芝士焗菇, 腸仔, 雞翼, 壽司, ham & melon

high tea at home~

Tammy, sally, ida & karen~

selfie time~
新居派對 | Comments:0 | Trackbacks:0 | 2017/03/26(日)
Jacky & Ken's Birthday @ Ken's Home~
本來2月約左Aberdeen之友吃jacky的生日飯, 不過佢自己唔得閒, 所以要拖到3月, 所以要同ken的bday一齊攪 =p
等左咁耐, 終於都可以去ken屋企house warming lu.... ken的新居在屯門, 搭西鐵冇得坐, 真係好支力! 以前番嶺南時, 搭西鐵有得坐, 都唔覺得搭西鐵入屯門咁遠咁難頂 (西鐵最快, 又唔想搭巴士, 超憎屯門公路), 下了車要行一陣子才到ken的家, 本應行10分鐘左右, 但google map帶我行了差不多20分鐘, 汗!
第一次上ken & edith的新居, 個廳好大呢, 一d都唔迫, 好羨慕哦! 今晚由edith下廚, 第一次試呢! kaka! 好吃! 我們全清了呢, 份量剛剛好 (我覺得我平時宴客真係次次都煮得太多 =p) 等我下次都試下整焗豬扒飯!

焗豬扒飯, 南瓜煙肉意粉, 菠菜雞卷, 可樂雞翼, 炒菇

辛苦曬edith下廚

karen, yiu, ben, jacky, ken & edith~

今晚飲呢d, 啤酒, 紅酒, XO!

selfie~


明天就是行政長官的選舉日, 雖然我們都冇票, 不過我們都在熱烈討論著! 這陣子我們也常常會談及政治呢 =p 仲有jacky的剖白... 好少可聽到呢 =p
最後還有bday cake時間~ happy birthday to Ken & Jacky! all the best! 希望我們今年可以順利去到鹿兒島旅行啦! 4個就4個, 唔緊行! 夠人就成行! go go go....!!!!

happy birthday to jacky & ken~

我們aberdeen之友~

希望我地今年可以去到旅行啦!


12點仲要搭番西鐵回家.... 屯門真係好遠....... 感覺仲煩過馬灣 lol
生活點滴 | Comments:0 | Trackbacks:0 | 2017/03/25(土)
Hello Baby Karina!
又一個happy friday了~ 今晚約了carman上shirley家, 坐了月一個月, shirley終於可以出關, 我們終於可以見到baby Karina.....
我們上到去, BB還在睡, 小小的手腳很可愛呢, 真係好似爸爸呢!!! cute! kaka! 之後就bump奶吃奶, 然後我們才吃dinner~ 幸好有工人煮, 就算是簡直的一餐也沒所謂啦~
第一次, 身邊其中一個最fd的姊妹到, 由少女時代一起長大, 到一起步入人妻行列, 如今shirley率先成為媽媽了! 真替你高興! 看著shirley這新手媽媽有點生手又有點習慣似的抱BB, 真是很有新鮮感呢 =P 再聽她說生產過程、這個月的湊b經驗, 真是很難想像.... 要懷孕、生b、湊b都不是一件易事, 想到要go through這樣的process真係覺得好煩呀! haha! 如果我仲後生, 我真係好想往後再多推幾年呢!
初生b基本上不是睡就是吃, 我也有幸可以抱到小馬騮呢 (她爸爸的花名是馬騮!), haha! 在我手上, bb都有停哭過一陣子架, kaka! 希望bb快高長大, 我們很快又會再見了吧 =p

BB小小的小手小腳很可愛!

hello baby Karina!!

bb飲完奶到我地開飯~

終於抱到小馬騮喇, kaka!!

bb你真係好似爸爸呀 =p
生活點滴 | Comments:0 | Trackbacks:0 | 2017/03/24(金)
Loretta's Birthday Dinner~
Blue Monday, 約了sally kwan和loretta吃loretta的生日飯~ 3月底生日的她也是白羊哦~ 我們這陣子都是約在星期一, 因為有super mondays的offer嘛, 買1送1的main course好抵!
這晚Loretta想吃中東菜, 最主要是想吃個希臘dish - moussaka! 所以我們今晚去了soho吃希臘菜~ 點了支紅酒, 還有4個main dishes, 唔知點解好肚餓, d菜一上黎時, 我地3個好似餓鬼咁, haha! d中東菜都唔錯呀~
講左唔少結婚同屋企既野, 攪結婚真係好麻煩, 我都唔想經歷多一次了 =p
dessert方面我們點了3個 - tiramisu, baklava & galaktoboureko~ d名好難讀, kaka! Happy Birthday to Loretta~ wish u all the best >w<

moussaka, lamb shank, quail pistachio, chicken kebab

happy birthday to Loretta

Karen, Loretta, Sally~
食店: Olive, Greek & Middle Eastern
地址: 中環蘇豪區伊利近街32號地下
識飲識食 | Comments:0 | Trackbacks:0 | 2017/03/20(月)
Hello Baby Jiyeon~
上個月閃閃星約CNY Gathering時, 我臨時要出差所以join不到, 所以早2個星期便獨自再相約果子見見面, 本來是說到她家探BB的, 不過她說未上過來我家想來看看, 我當然說她啦~ 我們家那麼近, 很方便....
早上果子帶著11個月大的baby Jiyeon小智妍一早就上來我家~ bb很活潑呢, bb女非常可愛, 水汪汪的眼睛和漲卜卜的面珠很cute呢! 我和果子在談著, bb呀、樓呀、工作呀、老公呀..... BB女自己在玩, 真係乖乖女呢~ 見到小智妍, 我都好似覺得都係生女好D, 哈哈!
同小智妍玩friend左, 所以我可以抱到佢合照, yeah! 呵呵! 我伸個頭埋去佢仲主動kiss我哦~ kekee! so sweet!
本來約今天時果子還未說要搬的, 不過她2個星期後左右就要搬離開奧海了... 想來我們在奧海見面的機會會大大減少呢!! 下次再見小智妍的時候, 她應該又會長大不少呢....

Hello baby Jiyeon智妍!

BB女好靚女, 好活躍!

friend左先可以抱到小智妍位照咋, kaka!
新居派對 | Comments:0 | Trackbacks:0 | 2017/03/19(日)
五個女人的飯局 @ My Home~
昨晚成4點先訓, 又飲左酒... 好彩都冇咩醉冇hangover咋! 之前都有d驚琴晚會飲到大曬! 今日訓到中午, 之後去了街市, 好似完全冇唔舒服, 好彩好彩!

晚上約了小嘉, 小透, ketu & anmary, 都有一陣子沒有5個女人的gathering了~ 上次是去年的3人生日飯嗎!? =p 上次見面說要到我家, 因為諗住可以坐耐得d同埋自在一點嘛~
這個group入面, 戒食既人越來越多! 牛、魚、羊都有人不吃 (以前一個唔食一樣都算, 而家差不多係每樣食物都各有2人唔食 =_=|||) 所以平時出去食野通常都只能選雞、豬、pasta等, 非常局限.... 我買左壽司, 再整左少少野啦, 忌廉蘑菇湯、白汁薯仔燉雞肉、蕃茄粉絲蜆煲、沙律、雞軟骨、芝士焗大啡菇.... 唔好以為好多野食, 最後都係食淨左幾件壽司同埋少少雞咋 (預左, 炆野通常鍾意整一大煲起碼食2日).... 份量都算唔錯吧!

壽司、忌廉蘑菇湯、白汁薯仔燉雞肉、蕃茄粉絲蜆煲、沙律、雞軟骨、芝士焗大啡菇、parma ham

都好多野食架~

anmary, ketu、小透、小嘉、小豬~


老公番黎仲幫我地影過~ 呢張令d, d食物影得多d =p


是晚話題都是關於保險、動畫和tvb劇集~ 最後還一起看了妙手仁心才離開! 呢套真係好經典, 我細個時都好鍾意架!
下次好快又見面, 因為我就黎生日了, 哈哈哈!
新居派對 | Comments:4 | Trackbacks:0 | 2017/03/18(土)