Daisypath Anniversary tickers
年初四煮飯仔....
年初四了, 今日本來約左朋友行山, 不過因為天氣唔好今朝臨時決定cancel.....
早上才決定canel, 之後立即再上床訓覺, haha!

最後一日假喇, 晚上本想打邊邊不過老公唔想, 只是簡單地煮下飯.... 白飯魚煎蛋、菜心炒臘肉、豬扒雞扒、松江純米吟釀🍶七點開飯! 白飯魚煎蛋好正, 今次d強夠燶好成功 =p

白飯魚煎蛋、菜心炒臘肉、豬扒雞扒

年初四.... 煮飯!
私房菜館 | Comments:0 | Trackbacks:0 | 2017/01/31(火)
❤️Happy Birthday to my Dearest Hubby @ 大年初三❤️
年初三, 今天是老公生日的大日子, 留在港過生日, 也沒有什麼特別的節目, 只是下午去了看電影... 我們好像很久沒一起看過電影了 =p 如今有了自己的家, 很多時候都很懶不想外出, 哈!

老公今年三十而立, 是個特別的日子呢! 加上又是假日, 真是很想好好地吃一餐豐富的! 一早想好要了找家酒店餐廳吃那些幾個courses的set menu~ 本來有想過去Ritz-Carton的天龍軒吃8個course的中菜, 不過老公之後又說想吃西餐, 所以short-list了Gaddi's, Caprice, Amber, Tosca和Petrus等, 都是有degustation menu的餐廳~ 我有事前上網一一看過menu, 其實價錢差不多, 有些是6、有些是8 courses~ 最後都是揀了在Landmark Mandarin Oriental的Amber~ 因為menu似乎最吸引, 而且我們都未去過置地文華東方這酒店呢 =p

Amber是家米芝蓮二星餐廳, 餐廳比想像中小, 裝潢是很modern的style~ 不錯! 不過枱同枱中間都算幾空曠很有空間感,幾有私密度~ 而且我們的table剛好是張圓大枱, 我們二人都可以坐sofa, 坐得好舒服! 而且waiters們的服務也很好呢! 也很有耐心幫我們拍照~ 照片難得地都拍得很不錯呢~ 冇震、夠sharp、又影到餐廳環境~
menu方面基本上不用想, 我就是為了這兒的degustation menu而來的呢 =p 在座的其他食客也是點這個set的呢~

Amber @ Landmark Mandarin Oriental Hotel

開了一個decanter的紅酒配美食, 好飲! 之後接著還有餐廳提供的complimentary甜酸苦辣幾個small bites以喚醒味蕾~


個degustation menu有9個courses, 未上第一個course就已經提供complimentary甜酸苦辣幾個small bites以喚醒味蕾~ 款款都好令呢!
吃了不少appetitzer, 之後終於上第一個course了! starter都有幾款, 碟碟都擺盤得好似art piece咁, 好正!!! 每一道菜一上枱我們都立即拍照, 很impressive的菜色呢! 我就是喜歡吃french cusine, 那些一上枱看不出是什麼食物來, 只覺得是件色彩藝術品~ 不只是味覺、還有視覺享受呢!
聽完waiter的介紹後一嚐, 每次都會有驚喜呢! 這些味道、食物的混搭都是廚師別出心裁的創作和研究, 很amazing! 雖然法國菜貴, 不過真是值得的! 人越大吃得越大, 感覺食物都是差不多烹調方式和味道, 真是很需要這些創新的料理來再次打開自己的味覺呢!
appetizer方面, 我覺得第1道的"ebisu oyster"、第2道的"wild buri"和第5道的"duck foie gras"都很有驚喜, 好好食!!! 真係好幸福呀!

上: 1st course - ebisu oyster (coagulated at 70c with sake leese lemon, granny smith & salicornia 日式酒糟'焗'法國生蠔配檸檬青蘋果啫哩及鹽角草)
食評: 這道很好吃! 隻蠔是熟的, 不過因為是慢煮所以texture仍是生的, 但味道完全沒腥味呢! 很cripsy, 配埋個青蘋果薄冰和咸咸的酒糟, 很refreshing!
下: 2nd course - wild buri (belly as a tartare, dorsal fillet sliced with celtus & heirloom turnips, dashi of the head, sudachi citrus & bannou negi infused extra virgin olive oil 野生片鰤魚蓋魚腩粒配蘿蔔佐昆布醋汁)
食評: 鰤魚片味道濃郁夠甘香, 配個海鮮汁簡直是神來之筆呢!

3rd course - kohlrabi (cooked in lime juice & manni olive oil, aka uni & schrenki caviar 青檸汁、橄欖慢煮大頭菜配以日本赤海膽及魚子醬)
食評: 這是Amber的signature dish, 赤海膽和魚子醬都好吃, 不過我對大菜頭麻麻, 如果可以換別的更好!

4th course - hokkaido diver scallop (seared with lime caviar, ‘umami’ sabayon, crispy ‘camargue’ red rice, dried seafood & salicornia 北海道香煎鮮干貝、海帶泡沫醬汁、紅米風乾海鮮脆片)
食評: 個汁、周邊的脆脆很咸香, 配埋肉質豐厚且鮮甜的帶子增加了多重口感, 如果帶子再嫩多一點會更好

5th course - duck foie gras (poached in mushroom tea with charred japanese shitake, pickled enoki & black garlic 水煮鴨肝配焦烤日本香菇、醃金菇、黑蒜及蘑菇茶)
食評: 個水煮鴨肝真係超級嫩骨, 但鴨肝味道仍然濃郁又有脆邊, 配上蘑菇清湯少了份油膩感! 大推!!

6th course - miyazaki wagyu beef (strip loin; barbecued with dulse & red cabbage slaw, horseradish & pepper berry emulsion 宮崎和牛配海帶、捲心菜、辣根及草莓醬汁)
食評: 主菜可選sea bass式宮崎和牛~ 不過我們都點了牛~ 哈! medium rare的宮崎和牛, 油脂充足很有牛香, 煎封了的邊位突顯了牛肉的焦香

好吃的和牛! yummy yummy

支red wine都唔錯!


吃完了6道咸食, 仲有cheese platter (我轉了個apple sorbet) 和2道dessert呢! 一向都不怎樣愛吃甜食, 不過總愛在dinner完點一下, 因為dessert才是一個完整dinner的perfect finishing呢 =p 2道dessert都不太甜, 可以解去之前7道菜的油膩感, 非常refreshing呢! 大讚!
之後還奉上coffee or tea~ 我們各自點了earl grey和jasmine tea去解膩.... 最後還有非常有誠意的petit four, 包括朱古力、鳥結糖、果tart、green apple sorbet.... 真是非常完美的一餐~ everything is so nice!

上: 7th course - french unpasteurized cheeses (matured by bernard antony 法國農夫芝士)
食評: 他點了cheese platter, 有我喜歡的臭芝士, goat cheese和blue cheese, 不過老公唔鍾意 lol
下: french apple sorbet with apple
食評: 怕點2個cheese太漏, 所以我轉了個apple sorbet~ 真是個正確的選擇! sorbet甜甜酸酸的可以解去芝士的膩

上: 8th course - tasmanian cherries (marinated with tirmut pepper, cherry meringue, sorbet of greek yogurt & hibiscus granite)
食評: d tasmanian cherries超甜呀! 很有果香~ 配埋d蛋白脆脆和cream, 很match味道不單調
下: 9th course - kacinkoa 85% chocolate (ganache, fisherman’s friend dust, peppermint & white chocolate sorbet 特濃朱古力配薄荷及白朱古力雪葩)
食評: 最後一道甜點有薄荷朱古力, 清清味蕾, 真是個perfect finishing =)

仲有很精緻的petite four和tea or tea..... 我們點了earl grey和jasmine tea去解膩


生日又點少得蛋糕呢! booking時餐廳早就問了是否有什麼慶祝, 說了老公生日後, 餐廳還會在最後上完petit four後奉上一個mini chocolate cake, 是一整個而非一件的呢! 上面還有happy birthday的朱古力生日牌~ 很精緻哦! waiter主動幫我們拍照, 也問我們蛋糕想即場食還是帶走, 因為太飽了, 我們決定外帶.... 即是這個mini cake我們只在餐廳拍拍照而已, 哈哈!
Happy 30th Birthday to my Dearest Hubby! 2017年是特別又重要的一年, 終於三十而立了 (你就好啦, 今年先30 lol) 很高興又榮幸在你1/3的人生中有我的存在~ 時間真的太快了呢!
30歲對男人也是別有意義的吧, 不再是男孩, 成家了, 希望你工作順利, 夢想成真! (對, 我知道你其中一個願望是令我每天快樂~~ add oil to provide me with unlimited love and money for travel, gourmet & shopping, hahaha lol)
Love, love and I love u, muah! love u till the world ends >3<

仲有個extra的birthday cake! complimentary的呢! 很精緻!

Happy Birthday to my Dearest Hubby


A remarkable year for hubby in 2017~ i love u till the world ends, muah >3<
食店: Amber
地址: 中環皇后大道中15號置地文華東方酒店7樓


這餐birthday dinner很貴呢! 是這麼多年來我們 (我也是) 吃過最貴的一餐! 不過整體感覺都很不錯, 是個很好的experience, 都值得一試的! 我們吃了2個半小時 =p
加上我們每年的wedding anniversary都會外遊 (我自己妄想而已 lol), 如今一起住也少了出街食飯, 所以就只有大家的birthday才有機會食餐好的~ 一年1, 2次, 無所謂啦 lol 同埋好快就到我生日架喇, 我下次要試其他正野丫, 想去Caprice或Gaddi's哦, kaka!!
吃過好幾間餐廳的tasting menu, 我覺得Hugo's的食物、環境、服務和價錢都很值得一試 (不過menu好像是6 courses, 平d都正常既), 另外最impressive的是第一次食的liberty private works, 雖然坐得唔太舒服不過性價比高呢 (可惜間餐廳執左lu, 冇得再去了)....

父母今晚去西班牙+葡萄牙旅行11日! 我都想去呢.... 希望他們在歐洲可以買個袋俾我, kakaka!!
戀愛記事 | Comments:0 | Trackbacks:0 | 2017/01/30(月)
<十個拆彈的少年> (Land of Mine)

導演: 馬田贊夫列
演員: 米基布科斯格、羅蘭慕拿、祖爾巴斯曼、路易斯荷夫曼

1945年二次大戰結束,丹麥即以其人之道向德國報復。先鋒隊上尉伊賓(米基布科斯格 飾)派遣中士卡爾 (羅蘭慕拿 飾),迫令一班受訓不足的德國少年戰俘執行儼如送死的「自願性任務」—拆地雷。這班少年憧憬戰後重建新家園,迎接美好的將來,但首先要活著回家。地雷無情,隨時一觸即爆,然而人非草木,爆炸聲逐漸喚醒了卡爾的良心… 改篇自真實歷史,本片榮獲東京國際電影節「最佳男主角」、鹿特丹電影節及六個電影節的「最受觀眾歡迎獎」,以及美國國家評論學會「最佳外語片」。


新年流流本來都唔想睇呢D咁洋蔥既戰爭片, 不過壽星仔想睇嘛, 一定奉陪到底的 =P
關於二戰的電影很多, 大部分主流的都是在說戰敗的Nazist有多殘酷.... 中學時讀history也因為教科書和老師的偏側, 也沒多想什麼, 總是覺得以英美為首的Allies power是忠的、以德國納粹為首的Axis Power就是"奸"的.... 到了大學時認真看gundam seed才反思和明白戰爭的禍害!
這電影以丹麥這國土來做主軸的確比較少有! 戰爭從來不只是傷及一方的的人民,事實上所有交戰國包括戰敗的德國軍民皆深受其苦呢! 好喜歡電影講述在戰爭中表現大愛的丹麥軍官, 就算是不同種族, 也能體會到那些德國少年戰俘也只是個無辜的小孩... 我相信, 人類本來就不應該分種族、宗教、性別、信仰、性取向、地位地互相尊重的! 去除偏見, 這個世界將會變得更美好! 慶幸這個電影有個好的結局, 讓我們不會在新年流流感到太悲哀~
劇集電影 | Comments:0 | Trackbacks:0 | 2017/01/30(月)
🐔 雞年大年初二 🐔
一向年初二都是在娘家等媽媽那邊的親戚上來團拜~ 不過他們都是一班長輩上來打麻雀, 而我2個年紀相若的表妹不是年年來, 就算來都是晚上, 我細好多年的表弟妹又在英國讀書中, 所以平時年初二都係拜完年就番上房hea =p
今年, 我也是5pm左右才回娘家, 可以訓到黃朝八晏好爽! 剛好大舅父 (他們不打麻雀) 一家也是剛上來~ 我都係志在上黎拜個年, 派下利是俾我d表弟妹~ 今年大表弟在英國大學畢業回HK做placement一年, 之後再回UK讀master, 所以今個CNY剛好在HK呢, 好少可 lol
因為晚上要回奶奶家dinner, 所以我地都係坐左個幾鐘就走人了~ 吃了些糕點、同老表們玩了大富翁、飲左d紅酒... 等埋姨長和細舅父上來影埋大合照~ 我仲有得逗利是呢, kaka! 祝大家新年快樂, 恭喜恭喜!

簡氏家族~ 祝大家新年快樂! 雞年行大運!

我果輩d表s在玩monopoly! 我唔想玩但都要幫手做銀行....

終於齊人! 今年都算幾多人, 成16個呀! 尚欠2個還在英國讀書的表弟妹....


之後上了奶奶吃dinner, 北京人團年都是吃餃子~ 今天包的是韮菜餃, 仲有清蒸桂花魚、皮蛋、涼伴菠菜, 三個人吃那麼多, 好飽好飽呢! 一家人團圓是最緊要的, 希望大家都身體健康!
今天是老公舊曆生日! (對, 他是初二出生的), 所以也買了個蛋糕幫他慶生~ happy birthday to hubby! 今天先簡單的慶祝, 明天我們二人再去吃大餐~ kekee!

韮菜餃、清蒸桂花魚、皮蛋、涼伴菠菜

年初二晚吃這些~

跟奶奶吃開年飯 =p

今日係老公舊曆生日哦~~~

happy birthday hubby! love u~


dinner完我們還外出了, 去了深水埗通州街, 睇報導那兒有些熟食攤檔, 打算去趁下墟啦~ 剛好肥蔡同女朋友都有興趣就一起去啦... 點知d攤檔完全冇料到, 都唔係木頭車黎既, 我真係咩都買唔落手! 結果我們幾個什麼都沒買沒吃, 好無奈 =__=||| 好彩我地過來都算很近姐.... 哼哼! 不過肥蔡他們二人成了今年第一個收到我們利是的朋友呢! 都叫做有收穫丫! 哼哼!!

大家都中伏了! d攤檔一d都唔吸引!

咩都冇買過! 不過肥蔡都叫做有得逗利是丫!
節日慶祝 | Comments:0 | Trackbacks:0 | 2017/01/29(日)
🐓 雞年大年初一 🐓
轉眼又一年了, 雞年大年初一 祝大家新年快樂, 恭喜發財, 大吉大利, 身體健康, 出入平安, 心想事成, 鶴立雞群! 恭喜恭喜! 希望雞年會是個新開始有一番新氣象 =)

今個新年是我搬離了娘家的第一年~ 幸好跟娘家也很近, 其實也沒什麼不習慣, 只是一入門時大部分親戚都到了, 以往到是我迎接他們的.... 同埋今年家中有不少新買的新年裝飾, 我有點陌生, 哈 (父親初三晚上就去旅行, 我打算之後拎少少裝飾番自己屋企擺, 哈哈哈!)

每年必備的蘭花~ 仲有唔少揮春~ 那對獅子和雞公仔是新買的~

我們一上到去, 基本些都開飯了~ 2點才開飯, 也餓了! 食物都是那些, 豬手、髮菜蠔豉、西芹、臘味、蝦、海參、湯...... 今年lunch有17個人食, 所以一枱都是食物, 很壯觀 =p 大家都要拍照!
女麻女麻去年身體麻麻, 不過今年有改善呢! 今天都很精神! 比去年行得更好~ 好開心 =)

豬手、髮菜蠔豉、西芹、臘味、蝦、海參.....

成枱食物真係好正好壯觀

動手起筷了!

今年lunch 17個人食飯~ 祝大家新年快樂!

女麻女麻今天很精神很健康 =)


lunch完之後就開枱打麻雀了.... 老公今年去左鄧腳, 不過好可惜佢一開始嬴但最後輸!!! 我仲諗住嬴左既俾我架嘛 XD 冇辦法, 當交學費啦 lol
之後我山就派利是了, 第二年派利是了~ 都係派俾我妹妹和6個堂妹表妹啦~ 數量唔多既 =p 爸爸這邊的親戚已不再派利是給我了, 只收到女麻女麻和父母三封而已....
dinner很晚才吃, 中間tea time吃糕點, 蘿蔔糕、芋頭糕、年糕、馬碲糕、桂花糕樣樣齊....

老公要湊腳, 可惜冇得羸 >.<

派利是比妹妹

派利是比堂妹和表妹... 爸爸這邊的親戚其實我都係派俾呢幾個而已!

蘿蔔糕、芋頭糕、年糕、馬碲糕、桂花糕樣樣齊


晚上姑媽一家和妹妹男友都上來了~ dinner time在9點多10點, 年年都係咁夜先有得食~ 今日成日已經食左好多野喇, dinner都仍然豐盛! 呢幾年, dinner都有生蠔和刺身等, 大家都吃得開心, 哈哈! 表妹之前話成日最期待就係呢一餐 XD 唔該曬姑媽年年都開生蠔切三文魚~
開飯前當然要影下相曬下冷啦! 吳氏大家族人才濟濟咁多人 =P 每年都一家要來張大合照呀! 祝大家新年快樂! 身體健康, 雞年行大運! 一家人齊整整~~~

帶子刺身, 生蠔, 羊架, 蘿蔔魚蛋, 牡丹蝦刺身,三文魚刺身

Dinner time張枱都係好長好多野食架!!!

開飯前先黎影全家幅 =p

女麻女麻和一家四口~ 喜氣洋洋的獅子~

吳氏大家族~~ 今年繼續人才濟濟 =p

祝大家新年快樂! 身體健康, 雞年行大運! 一家人齊整整!
節日慶祝 | Comments:0 | Trackbacks:0 | 2017/01/28(土)
年三十 - 父母妹妹奶奶團年飯~
今年公司有得收早半日簡直係奇蹟! 今日當然仍然係冇做過野啦, hea左半日, 終於收爐喇!! 各位同事, 雞年見! (PS* 老細下星期仲未番工, 即係下星期我地番工冇壓力! 日日落樓下食早餐早D收工都得! yeah!)
收工後去了街市買少少餸, 今晚跟家人團年嘛... 之後就回家執下間屋, 訓番個晏覺~ 哈!

上年團年飯我們夫婦兩家人出街食, 今年我們已搬進了新居, 所以奶奶就提議去我們家.... 因為我要上班, 所以都沒有準備很多食物, 我只是負責蒸條魚、抄豆苗和煎牛仔骨而已! 我父母就幫了三文魚和蝦刺身、螺和燒鴨 (我地鍾意食鴨多過雞 XD) 奶奶就最用心, 包了餃子、煲了海底椰花膠螺肉煲瘦肉, 仲準備了蓮藕和萵荀兩款涼菜呢!!!
今晚6個人, 10個餸1個湯, 真係好勁! 不過因為唔係好多肉, 所以都唔係食淨好多~ good! 未來幾日應該都唔會開伙呢 =p 團年飯咁高興既日子梗係要飲d酒, 開左支係日本買既sparkling sake, 仲有紅酒~
年三十, 一家人齊齊整整食團年飯, 最梗要大家團團圓圓~ 身體健康, 雞年行大運 =)

蝦刺身, 三文魚刺身, 抄豆苗, 燒鴨, 煎牛仔骨

蒸蘇鼠斑, 餃子, 涼伴蓮藕, 涼伴萵荀, 螺

10個餸1個湯的團年飯!

咁高興既日子梗伙要飲番2杯~

最緊要一家人團團圓圓! 大家身體健康!

奶奶要自拍俾北京既親戚睇 =p
節日慶祝 | Comments:0 | Trackbacks:0 | 2017/01/27(金)
年廿九 - our home is ready!
年廿九, 老細今日放完假番公司了, 冇得再遲到早退食早餐了... 幸好今日大家的holiday mood都超濃, 都沒什麼工作! 我仲係度執枱掉垃圾左幾個鐘, 哈!
另外今天收到好消息, 明天年三十公司放半晝呀! 嘩哈哈! 呢間公司真係好少咁有人性架! 好難得! 舊年2016, 我地完全冇一日有得早放lor! 汗!

今年第一年係新居過農曆新年! 所以我都有少少準備, 買下年花、揮春等decorate一下! 年花係花墟買左盆蘭呢! 細細盆都唔錯! 雖然冇以前娘家買的咁大棵, 不過我的都有6支花架! 可以擺成2個月wor, 抵過擺插係水的鮮花! 揮春都係以卡通的為主, 冇咩特別搵, 係日本城求其見到咩就買咩, 都冇咩選擇 =p 不過屋企大門出面仲未有找到合適的呢! 每年都冇咩興趣行年宵, 今年也不例外 =p
糖果年貨方便, 更是什麼也沒買! 本來有想過買個全盒的, 不過都冇咩心水而且覺得阻地方, 最後都冇買~ 好彩我家有個high tea stand, 用來放糖果都唔錯! 幾令呀! 糖果等都是去年旅行時在日本買的和菓子和瑞士買的朱古力~ 哈哈哈!
今天也已入好曬d利是lu, 今年唱左3000蚊, 應該夠派喇卦!? 仍然沒有需要和意欲買任何利是封, 結婚時的Karen & Ben利是封仲有唔少淨, 今年應該可以用曬lu~~ 同埋好好彩咁多年來, 我打工既公司都有利是封拎唔洗錢, 而且都算幾令幾特別同埋能夠代表自己 =p 今年用曬d K&B, 希望往後我都繼續唔洗花錢買利是封啦!!!

這2組揮春大個d的, 是mickey mouse和minions的~

家中的揮春

今年的年花是一盆蘭花! 可以放到2個月左右~

冇買全盒, 用high tea stand來裝糖果也不錯!

入好曬d利是lu~~~
節日慶祝 | Comments:0 | Trackbacks:0 | 2017/01/26(木)
Jelly's Birthday Dinner
老細仍在放假中, 我們仍是每朝食早餐一個鐘, M記、大家樂、北海道日日輪住食! 好正!
晚上有約, 1月真係好多好多朋友生日呀! 今次是Jelly的生日飯, 我們去了灣仔的蘇浙滙, 近年我們吃生日飯都總是選中菜呢, 而且是4個都是, 哈! 這兒食物真是不錯, 那隻最貴的醉羔蟹真係好吸引! 紅燒肉都算是肥而不膩呢!
是晚的話題主要是關於jennifer的新婚(!?)生活, 不過其實也沒什麼轉變的, haha~ 還有就是tammy的wedding攪成點啦, 好似問左成年都冇update, kakaka!!

素鵝, 古法煙燻蛋, 龍井河蝦仁, 脆鱔

醉羔蟹, 紅燒肉, 紅燒魚

jennifer, jelly, tammy & karen~


講番d兄弟姊妹, 好的真係可遇不可求..... 好彩我果班兄弟都受到多位好友的高度讚賞, haha!
今晚也有birthday cake的~ happy birthday to Jelly! 識左廿幾年, 也忘記了一起慶祝生日過多少年頭了! 希望好快你就可以遇到你既壯男啦~ hahaha! 下星期新年一起去行山再見!

happy birthday to Jelly

wish u all the best and dream comes true!
食店: 蘇浙滙
地址: 灣仔港灣道30號新鴻基中心地下G3–4舖
識飲識食 | Comments:0 | Trackbacks:0 | 2017/01/24(火)
奶奶生日飯@鏞記
奶奶前幾日生日, 我在長沙出差, 所以她的生日飯在今天才吃~ 奶幻說想去鏞記, 我們都未試過, 也好啦! 雖然很多人都說又貴味道又一段, 但總算是香港名物, 總要一試的!
這兒的燒鵝, 我就覺得一般啦, 沒什麼特別... 我覺得太瘦, 深井的裕記更惹味! 反而其他小菜都有少少特別, 很少機會才吃到的禮雲子, 配琵琶蝦很咸鮮, 是我覺得最好吃的一道菜~
奶奶生日, 我都有買份生日禮物, 是SKII的神仙水, 原來係咁貴的 lol 希望她喜歡吧~ 祝奶奶生日快樂~ 身體健康!

酸薑皮蛋, 燒鵝例牌, 禮雲子琵琶蝦, 金鑲豆腐配泡菜味芽菜, 楊州炒飯, 叉燒

大家都係第一次去鏞記咋 =p

奶奶生日快樂~ 身體健康!
食店: 鏞記酒家
地址: 中環威靈頓街32-40號
識飲識食 | Comments:0 | Trackbacks:0 | 2017/01/22(日)
Shirley's BABY SHOWER~
好姊妹Shirley還有不到一個月就生了! 由知道那刻到現在, 時間真係過得好快好快! 比攪結婚快幾倍! Shirley是我閨蜜中頭2位出嫁的人, 如今, 她搶先地成為了我好姊妹中No.1第一位生B的人了呢! 哈哈! 第一次有如此親密的好友生B, 我也份外興奮、雀躍、緊張、感動!

今天我們幫Shirley攪了個Baby Shower, organizer當然就是她的twins姊姊Connie啦 =p 出席的大部分都是Shirley wedding時的bridesmaids, 就是2年前Shirley's Hen Night時差不多的人腳, 全女班啦! St. Rose的本來也邀了幾個, 但因為種種原因最後只有我而已, 也沒關係啦~今次的目的是shower the mom-to-be + welcome the baby嘛, 當然要來些溫馨點的活動啦! 哈! Hen Night是在晚上clubbing, Baby Shower的地點則是在下午時段, 在某屋苑的clubhouse舉行個溫馨的party =p 才2年不到, 轉變真大呢 XD
我今次有早一點的去幫手decorate架, 都係主要係吹波、縛波那些啦 =p 另外也order了icing cake + cupcakes, 真的好可愛呢! 做得好detail! 大家都狂拍照 =p it's a baby GIRL, 所以decorate的主題是粉紅色 :)

好多汽球~ 透明那個大mom-to-be balloon好圓好令呢!


decorate完成! 還有一旁的禮物~

還有奶咀汽球~ cute cute!

icing cake + cupcake好令呢!!!!!! 而且完全沒有損壞!

枱上還有很多心心的紙碎 =p

個icing cake真係做得好detail呢!!! 大家都愛不釋手不捨得吃!

還有cupcakes! 每個都不同的好可愛呢!

shirley老公有黎幫手, 攪掂之後他就走了, haha!


源自美國的Baby Shower, 一大環節就是要公佈baby的性別, 有些遊戲什麼的, 不過如今應該很少人會在baby shower時才公佈性別吧 =p 而我們也一切從簡沒什麼agenda, 只有photo-taking, cake-eating和送禮的環節~ 都係志在影下相, 吹下水, 讓大肚的shirley生b前放鬆一下, 祝上我們的祝福給mom-to-be和baby Karina~
大家也餓了, 有那麼多蛋糕, 一開始當然是先吃cupcakes, 因為那大cake大家不捨得切不捨得吃 =p

shower the pretty mom-to-be with all of our blessings

好多balloons畫面夠豐富 =p

pretty mom =p 如果我大肚時都有咁瘦就好了 =p

個cake真係好令, 因為baby Karina是雞B, 所以雞仔也是這蛋糕的主題之一 =P

好可愛的cupcakes~ 我們先吃它 lol


之後就是送禮的時候~ 最欣賞的是一首用K-A-R-I-N-A開首起作的poem~ 好有心思 =p 而我嘛, 個人就是不實用, 常常看到BB的衣物都會想買, 不過BB初真係免了, 在Ralph Lauren買了張被仔 (其實我已經第三次送被仔俾人), 有媽媽真係request架 =p 另外見到個口水肩好可愛, 有花邊的呢, 忍不住手都買了, kaka!! hope shirley & baby Karina都喜歡啦~

my gift - a blanket & a 口水肩~ 有花邊的好令 >w<

presenting the gift to mom-to-be and baby =p

拆禮物中~


最後終於都要切蛋糕了! 真係忍不下心切它呢! 實在做得太仔細太detail了 =p cute!
之後一班女人係度圍住談媽媽經和一些女人的話題, 真是男人不宜的, 幸好最後都沒有邀男人出席 lol 其實真係好攪笑.... 想到不久前才是bride-to-be學做人妻, 那麼快就變成mom-to-be學做媽媽了! 時間實在過得太快了吧.... 不過也真的很高興好友可以得到她想到的幸福呢!

始終都係要切蛋糕了!!

期待baby Karina的到來! 母女平安呀!


記得當年Shirley engaged時, 她whatsapp告訴我時我正在越南旅行中.... 她比我早大半年結婚, 這2, 3年, 攪結婚、攪新居我們都有緊密的聯繫~ 總算是共同走過人生的新一頁.... 如今她就率先生B去, 再次踏入另一人生新階段了! 這個步伐我目前跟不上了, 哈哈哈! 等我呀, 希望過2, 3我有幸生B時, 你也同時懷上第二胎啦, 哈哈哈! 跟朋友一起懷孕的感覺應該很安慰吧 >w<
還有不到一個月就可以見到baby Karina來到這世界了! 我也開始緊張了! 祝母女平安, 一切順利 =) Really glad to go through your different stages in life, my dear 8th April baby =)

look forward to seeing baby Karina very soon!!
生活點滴 | Comments:0 | Trackbacks:0 | 2017/01/22(日)