Daisypath Anniversary tickers
團年飯2017
2016年最後一天,今晚凌晨機飛關西,本來諗住輕輕鬆鬆咁過埋今日,點先中午都係要出去修眉,在去買下啲立雜野準備今晚出發,都好忙架。

番屋企再執下野準備出發,晚上先犀利呀,老公啲朋友約咗今晚食團年飯,地點就在旺角的泉章居, 見咁近我地都有出席, 我地8點食飯, 仲有5個鐘唔夠就飛喇, 真係超俾面囉...
是晚出席的有Beckate + 1, 野馬, 薯仔, Billy, 靚加我們二人共8個... 我地仲帶左紅酒和高樑黎飲, 不過我有控制住飲幾多啦... 今日有件事超好笑, billy真係.... hahaha!!
食到10:15pm我地先走人打的回家, 各位下年2017再見啦!

椒鹽鮮魷, 咕嚕肉, 西蘭花, 梅菜扣肉, 鹽焗雞

春卷+大腸, 紅燒豆腐, 炒芥蘭, 豉汁蒸大鱔, 蛇羹....

好多餸!!

今年一齊過Christmas Eve同除夕! 勁! 我真係好俾面出席! haha!
食店: 泉章居
地址: 旺角奶路臣街33號依利大廈2樓及地下E號舖


回家再沖番個涼, 11:45pm打的去機場...
我們要在日本過元旦了, 去過我們的第一個wedding anniversary! Happy new year all!!
識飲識食 | Comments:0 | Trackbacks:0 | 2016/12/31(土)
Goodbye 2016
轉眼已來到2016年最後一天了, 這一年, 說長不長、說短不短...
今年轉變很大, 在年初就率先成為人妻了, 從此又多了一個身份, 身邊永遠多了一個人
經過那麼多年的戀愛歷練, 也沒有什麼不習慣....
5月底時終於遷進了兩口子的新居, 生活才正式起了變化
夢寐以求的新居和二人世界, 隨之而來的是無數的家頭細務、house parties善後
生活似乎變得忙到不可開交
可以說是一啖沙糖一啖屎
同居已逾半年, 新生活總算settle down了....
活著活著就習慣了....

今年歲數也有所轉變了, 人就30而立, 我終於也30了...
過去10年實在活得夠快樂夠精彩!
終於不再覺得自己是小孩了, 對未來人生中另一個10年充滿著憧憬!

旅行方面, 年初去了蘇梅島mini-moon; 再來就是去自小已嚮往的蜜月勝地希臘和瑞士完夢
年尾再次的起心肝去了關西兵庫縣一人遊; 最後再來個bkk girl's trip, 總算是滿足了!

至於工作方面我覺得是有些突破的, 可以自己handle一些case,
然而工作真的很辛苦, 每日也攪盡腦汁也才到工...
托賴今年也升職了..... 雖然辛苦, 但總算是有些回報和肯定! 算是值得的吧!

2016年人生出現了不少變化, 雖然沒有什麼不好, 但感覺都幾辛苦, 尤其是下半年感覺工作不太順不太得心應手
雖然付出算是有回報的, 但也是辛苦命吧!
foresee不到2017年有多空閒, 但願工作能順風順水, 事半功倍吧!

2017年的目標.... 其實也沒什麼, 總之就是:
1. 早d收工
2. 減肥10lb
3. 唔好delay
4. 洗少d錢
5. 少d hangover <-- 唔係話飲少d, 係想酒量好d lol
6. 收下把口 <-- 呢個其實我唔係好想set做goal, 因為我都冇信心做到! 但有少少被迫 lol

PS* 我2017年沒計劃生B, 不用祝福我了!
生活點滴 | Comments:0 | Trackbacks:0 | 2016/12/31(土)
Jennifer & Chris' Wedding Banquet
2016年最後一日working day了! 完全冇心工作, 不過今個星期真係好忙, 因為同事K放假, 我好多野同佢夾, 次次佢放假我都好驚 >.<

終於收工了, 之後立即趕去飲Jennifer果餐, 在雅蘭中心的迎‧潮! 我要坐reception幫手呢! 6:30pm到剛好, 好彩冇遲到! 今天是jennifer & chris擺酒的大日子, 之前知道他們定了這一天, 我是立即改機票花了4000 mileage也在所不措要來呢! 我真是夠朋友很俾面! 其實他們不是在今天註冊, 是明天才去海外簽字, 在HK擺酒主要要for親戚, 但我都好想來呢! 今次都有成十幾圍架, 坐在reception幫手, 真係感受到有好多親戚, 哈哈哈!

reception....

Rosians請得不多人, 除了有我們常聚會的jelly & tammy, 仲有N年冇見的Sally Ko和Florence! 真係有成10年冇見喇! hahaha~ 不過大家份人都好causal, 所以都有講有笑, 而且係fb都常常見到大家, 所以真係唔覺10年冇見呢 =p
wedding banquet其實好簡單, 因為fer說下年在沖繩才是正式的 =p 他們上午也沒什麼儀式, 也沒兄弟姊妹, 不過也穿了褂出外拍照~ 開席前新人穿著褂, 我地都有份可以跟穿褂的他們拍照, 真難得!

新人敬茶中!!

好少可可以著褂的新人影相~ 難得 =p

selfie也來一張 =p


很快就開席了, fer整晚只穿了一套evening gown, 因為她常常強調要一切從簡呢 =p 也沒穿婚紗, 因為她說要留待在沖繩才穿 =p 簡單的march-in, 沒有嚴肅的氣氛, 一切也很causal, 有很簡單的toasting和speech~ fer很震定, 似乎沒有緊張, 哈哈! chris好緊張, 好好笑 XD
因為新娘不用換衫, 所以她也四圍走, 可以跟guests們來個近距離接觸, 我們也能拍到不少照片呢, kekee!

新人上店~

Rosians們~ jelly, tammy, fer, karen & sally ko

在台下近距離接觸 =p

也有敬酒的環節

Florence, Jelly, Sally Ko, Fer, Chris, Karen & Tammy

恭喜曬jennifer & chris! 我們4個也來拍一張!

selfie time~

被捕捉到selfie的一刻, 好like呢張 =p


自form1認識至今, 已經17年了! 仲記得上science堂時jennifer喜歡玩我的頭髮... 之後到了f4, 5才熟絡, 那時候我們為了考CE, 每個星期都去新世紀溫書, 那年F5暑假, 我們去過石澳, 你們做pizza hut, 在文化中心影攪笑相, 去博物館.... 這麼多年了, 我們一起成長....
很高興呢幾年見到你同chris一齊, 個人都"婆仔"左養生左.... 恭喜曬當年被Mr. Wong點名叫Moongirl的jennifer今天也成為人妻了! so happy for u! wish u will live happily ever after with Chris!
2017年再見!

恭喜曬!
生活點滴 | Comments:0 | Trackbacks:0 | 2016/12/30(金)
Nail Polish for Japan & 2017
準備去旅行了, 又要去整指甲了! 今天趁著lunch time去整的, 攪到3pm才回到公司, 幸好老細今天下午放假 =p
今次整了紅粉的顏色~ 新年嘛 =p 深紅色我都好少整, nude nude地的pink也很可愛, 畫了些豹紋花紋, 又貼了金色的閃片~ 10隻手指成set好令呢, nice!
Nail for Japan trip & New Year!
時裝美容 | Comments:0 | Trackbacks:0 | 2016/12/30(金)
Family's團年飯~
上個星期做冬, 父母都上了大陸, 沒人在HK, 所以一直冇食團年飯! 一向是在女麻女麻生日飯當團年飯吃的, 不過今年家族的我去了旅行! 想抓緊2016的尾巴, 一家人約來約去就只剩下今天了~ 今天是平日, 也沒所謂.... 晚上收工就回家吃~ 因為是團年飯, 所以都幾好餸架, 有蟹、蝦、鱔等, 都是我們喜歡吃的... 仲開左支紅酒tim =p
2016快過去了, 希望2017年會更好吧! 各位親愛的家人, 下年再見了!!

有蟹、蝦、鱔、紅酒

團年飯好好餸~ cheers!

ready to say goodbye to 2016 and happy new year ahead!
娘家美食 | Comments:0 | Trackbacks:0 | 2016/12/28(水)
最後一日聖誕假!
4天的長假的最後一天了.....
今天也忙碌的, 為幾日後的日本山陰山陽之旅做準備!
跟他去了MK買衣身, 他買了很多!!
我嘛, 也買了不少....
之後他番回娘家拿gip...
而我就去了染髮做treatment.... 坐左2個鐘, 筋骨都硬了...
回到家已經晚上了...
日本那邊似乎都幾凍, 得3-12度左右, 我要多買些東西去禦寒!
另外仲要去修眉、整指甲、買電話卡、唱yen、print資料...
行程方面其實我都冇咩認真plan過.....
跟去年一樣, 年尾忙得不可開交 -__-||||

轉眼又到2016年最後幾日喇.....
番多3日工就見到曙了, 希望時間過得快一點!
生活點滴 | Comments:0 | Trackbacks:0 | 2016/12/27(火)
小嘉 & 小透's Birthday Dinner @ Boxing Day~
Boxing Day, 晚上約了小嘉, 小透, Ketu和Anmary的生日飯.... 可惜Anmary臨時有事來不到, 希望她一切順利啦....
我們去了西營盤dinner, 打算去個特別點的地方, 其實這兒都有很多特色的餐廳, 西營盤通了MTR後, 來這兒也很方便呢
今次我們食korean food~ 不過今日因為放假, 餐廳竟然很多東西都沒有! 汗! 連bartender也休息了, 汗! 幸好我們都點到菜, 而且都好食! 都有少少驚喜 =p
我們都在即時才寫bday card, 哈哈! 話題主要是圍繞工作, 都是ketu啦, 新工作當然有新體會~ 我嘛, 一向也不太多講工作, 最多講2句唔講detail~ 也沒什麼好呻, 日日都同同事呻架啦 =p 仲有就係講番一年前我結婚既某d事, 一估就估中邊個真係好笑既 =p

U-Hang

slow cook pork belly, 海鮮煎餅, 炒粉絲, 韓式炸雞, 海鮮烏冬

ketu, 小豬, 小透 & 小嘉~

selfie~


birthday cake又是在Vive Cake Boutique order的~ 其實我一早已想好了它, 不過今天才即日打去睇下有咩現成cake同埋order~ ketu說有時間所以就由她負責去拿 =p 呢個係christmas edition的"Frosty"~ tiffany blue的顏色好令呢! 我在網上見到已經覺得好似frozen, 哈哈! 不過可惜運送途中好多脆脆都溶溶地, 否則一定更美! 因為是早上order的, 所以bday tag是寫好, 本想過下午打去叫店delete Anmary個名的, 不過想想下還是算了吧, 就寓意Anmary與我們同在吧 =p
今年的生日禮物, well.... 大家各自買, 我們只是"折現" =_=||||| 真的..... 明年一於取消吧! 請食飯和cake就好了, 感覺更有心吧 =p
Happy Birthday to 小嘉 & 小透~ 同樣的祝福說話已說了好幾年, 希望早日成真吧~ all the best =p

Happy Birthday to 小嘉 & 小透~

wish your dreams come true~, all the best!
食店: U-Hang
地址: 西環西營盤高街58-60號恆陞大樓6-6A號地舖
識飲識食 | Comments:0 | Trackbacks:0 | 2016/12/26(月)
Hangover Christmas 2016!
hangover又嘔, 好辛苦.....好攰既Christmas.... (不過算啦, 我舊年忙住攪wedding, 連christmas都冇點過過)
今日訓左大半日,執屋半日,而老公就打左一日機....
今晚我地要食清淡d! 重點是豆腐和豆苗,不過都忍唔住手蒸左臘腸潤腸... d臘腸潤腸是同事俾的, 加拿大出品, 佢地話好出名既 =p 我好鍾意食豆苗, 是我最喜歡吃的菜! 上湯炒已經好好味! 屋企樓下賣25蚊斤, 比MK街市平好多!

上湯炒豆苗, 清蒸豆腐豆卜, 臘腸潤腸

our christmas night meal

Merry Christmas~~~
節日慶祝 | Comments:0 | Trackbacks:0 | 2016/12/25(日)
*Christmas Eve home party*
琴晚都飲得唔少, 好彩都算早訓冇咩事... 今朝一早老公仲要去番工, 而我起身無耐就去買餸同準備今晚的食物了... 今晚主打其實係生蠔, 揾到間係屋企附近既生蠔店有免費開蠔服務, 自己去take away好方便! 好過平時果D送貨上門但要自己開, 有碎始終唔好食, 而且成日都唔夠凍.... 今晚7個人, 買左差不多3打~ 好壯觀~ kaka!
食物方面我都係煮左幾樣, 冇咩新意, 蘑菇湯, 焗雞, 炆豬軟骨, 沙律, 露筍煙肉卷, 仲有係公司hamper拎番黎既鵝肝醬..... 算係咁啦 =P

今日平安夜, 今年同佢D fd過~ 我地2公婆, 薯仔, 肥蔡 + 1, beckate + 1.... 以前總覺得平安夜要2個人的浪漫, 不過近年都覺得都係呢d攜眷出席既活動更好, 有男有女一齊過一齊玩開心d嘛 =p
Christmas Eve大日子wor, 梗係要開champagne啦~ kakaka!!! Veuve Clicquot黎架! 之前house warming有人送的, 好飲! 今日d菜式都幾受歡迎, 基本上都清得曬, haha! 最受好評的是蘑菇湯, 好彩冇被老點煮南瓜湯, 哈哈哈 XD
我地飲住酒, 講住D唔係度既人的"壞話", 真係好好笑! 老公好多朋友都真係好7好攪笑 XD 雖然佢都係成日被人笑果D, hahaha lol 而且我發現我跟他們幾個都有d common fd (都係中同是他們的小學同學啦), 都有d八卦野八下 lol

Christmas Eve big FEAST! 亮點是生蠔, 哈哈!!

平安夜開champagne! 正野!

肥蔡, fiona, winnie, beckate, 薯仔, Karen & Ben!

我迫佢地戴xmas decor XD 好彩佢地都好受樂~ kaka!

selfie time! Merry Christmas all!!!


唔係好多人飲酒, 不過今晚都開左4, 5支... 仲要係champagne x 1, 白酒 x 1, 紅酒 x 2, 梅酒 x 1..... 溝到死左, 好快已經好high....
之後拎左舊呢排好興既"pieface showdown"黎玩, 係我係公司交換禮物抽番黎的, 好多人覺得係好野想問我借lor, 汗! 不過我地冇用cream架, 用左雪糕, kakaka!! high high地, 玩幾次係幾好玩既 XD 哈哈哈! 不過我都冇咩信心會輸到, 我唔鍾意做D會輸既事, haha!
之後我都八卦吹水係咁問人野 lol 大家都玩到幾夜先走, 凌晨1, 2點, 好鬼支力.... 明天注定要hangover了! 汗!
Merry Christmas and Happy New Year all!

好好笑, 薯仔完勝!

我梗係都唔會嬴....

老公輸左... haha!!

呢個時候已經飲到非常high!!!! Merry Xmas again!
節日慶祝 | Comments:0 | Trackbacks:0 | 2016/12/24(土)
收信 + Xmas Gathering with CUS LCC!
今日最期待就是收HR封信了! 年年都係平安夜派信的呢! (今天雖不是平安夜但應該會提前派啦) 舊年係lunch前派, 今年等左勁耐都未有信收, 完全冇心機做野呀! 中間仲有傳過今日冇信收lor, 真係嚇死人喇!! 最後4點幾, 終於等到了! 大家都等到頸都長! 我地條team今年升6個 (其中有3個年中升唔到, 包括我) 講真, 其實我都叫一早知有咩個會升架喇 =p 都知自己今次應該90% OK, 我最concern都係加幾多人工同埋bonus姐! 加人工so so啦, 加得10%, 都叫預左...... 好彩(!?)年中升唔到時都加左5%, 所以今年都叫算係咁, 即係全年加左15%.... 而bonus呢, 同舊年一樣都係3.5個月!! 嘩哈哈! 真係好大舊錢好開心! 不過我appraisal今年明明升左一個grade, 但個bonus都係同舊年一樣, 証明bonus個pool真係少左.... 來年經濟應該真係so so.... 希望下年bonus起碼都可以keep住有3.5個月or above啦!
而我個title, 由2013年做Senior officer, 2014底年入這公司變番做officer, 2016升做Senior officer, 2017年終於升做assistant manager, 今次真係開心, 因為用左3年幾既時間, 我終於有進步了! 雖然AM只是很底grade, 雖然上面還有6個managers, 不過一步步爬番上去既感覺真係好滿足!
收工即閃跟同事去了happy hour, 有同事升做Manager了, 真係恭喜曬! 琴日我地已經講定如果她真係升就要請happy hour, 哈哈! 我地team終於有番個女manager了, 呵呵呵! happy for u too~
雖然晚上約了fd dinner, 不過飲左2 round已經好鬼high.... 最後坐左差不多2小時才走人呢! kaka!! xmas後公司見!

終於收到信, yeah!!!

Happy hour with colleagues

我地4個都入圍升到, 哈哈哈!! 可惜同事K要趕飛機來不到!


晚上約了CUS Christmas gathering~ 攪手當然又是一如以往既本小姐我啦!! 我一向都有少少號召力的 lol 今出席既有8位, 我, angel, eva poon, kenus, ingrid, isaac, philip, salome.... 都算踴躍的了 =p
琴晚先book既位, 打左好幾間都冇位, 最後都book左打邊爐, 竟然有位! 哈哈! 因為我HH飲遲左, 所以最遲到, 唔好意思 lol 一黎到就剛剛好食得, 都唔錯啦 =p 呢間幾年前食過, 食物ok啦, 都係果d~ 牛牛和鱔都好吃, yummy!
自year 1開始, LCC (Lonely Christmas Club) 成立! 縱使如今大家都不再是過lonely christmas, 我們今年已經是第11年一起過了聖誕了~ 還記得我們的火焰雞, 中秋燒天台, K房嘔, 一齊做paper, yr1平安夜亂行TST, 大家一起成長, 一住住hall, 一起畢業.... 這11年來發生了不少事, 走來不易! 很高興大家仍然一起成長, 走到了今天! 祝大家Merry Christmas and Happy New Year! CNY後再見! 等收利是啦 =P

今晚同CUS Xmas Gathering打邊爐!

isaac, kenus, karen, philip, angel, salome, ingrid, eva poon

selfie time~~~~ Merry Christmas all!
食店: 聚手工火鍋
地址: 尖沙咀金巴利道45至47號金巴利廣場1樓
識飲識食 | Comments:0 | Trackbacks:0 | 2016/12/23(金)