Daisypath Anniversary tickers
Ariel's Birthday Dinner + Ken's wedding invitation
Blue Monday.... 又是無窮無盡的meeting, 好累.... 好彩今日老細早走, 所以我都7點幾就鬆人!
晚上約了Aberdeen之友, 忙著攪結婚的Ken指明說想找weekday =p 因為weekend太多野要做了!! 而我們今天是為了慶祝ariel的生日, 再加Ken派帖呢!! 真係好多喜事, 哈哈! 今天都算幾齊人, 只欠已失蹤了一年那位....
餐廳上菜很快, grace最後到, 我們已經在吃了, 真不好意思 lol 大家才1個月左右沒見, 已有不少update了, 新婚生活、準備結婚、感情狀況..... 希望身邊每位朋友都過得快樂!

nachoes, frites, 鴨肝pasta, 豬手, parma ham platter

lamb rack, seafood paella, 辣肉腸意粉, parma ham pizza, carbonara

ariel, karen, ben, ken, jacky, yiu & grace

恭喜曬Ken派帖喇! 下個月見喇!!!


之後吃ariel既birthday cake~ Harlan's的美艷長腿~ (yiu買時佢話睇唔出係咩黎 lol) 哈哈! Happy birthday to ariel!! 由第一年在aberdeen起過生日, 今年已是第10年了!! time really passed!
仲有3個星期Ken就結婚了, 大家約好了去觀禮和去飲~ 中間gap那段時間就上我們家飲/ 休息, 哈哈哈!! good show =p
PS* we miss u....

Happy Birthday to Ariel~~

下個月見喇, love u all =p
食店: Espuma
地址: 尖沙咀厚福街8號H8 2樓


明明我今日唔係主角, 不過竟然都有禮物收! 是ariel & heyman送給我的house warming gift.... 是一對酒杯呢!! 應該是用來飲cocktail的吧!? kaka! many thanks!!!

yeah! 有禮收! thanks ariel & heyman!!
識飲識食 | Comments:0 | Trackbacks:0 | 2016/11/28(月)
Busy Sunday
中午一家人入左荃灣同女麻女麻飲茶.... 之後就去了妹妹在JCCAC的studio~ 佢搬左入去咁耐, 我都係第一次去咋 =p
就是她和男朋友的工作室啦~ 一個做graphic, 一個做金屬工藝飾品, 真係arm曬~ 妹妹搬了當年爺爺做印刷時所用的木櫃, 50多年的歷史, 爺爺以前是用來放印刷用的排版字粒、墨水等.... 這些我都仍有印象! 真係好懷念呢!
It has been 11 years already..... I can still remember your love and care since I was small!....
Grandpa, I'm stilling loving u and missing u.... wish u are now living happily in heaven....

JCCAC

文青feel的studio~

妹妹的工作室

妹妹的畫作....

當年爺爺用的木櫃


之後我們去了深水土步買聖誕樹, 買了棵4呎的! 不過未買燈飾和其他decor, 可能淘寶啦~
最後去了深水土步街市買埋餸先回家.... 其實深水土步都距離我們家很近, 搭巴士才20分鐘咋~

今晚二人打邊爐, 兩個人都買左幾款海鮮 (蝦、花甲、鱔, 蠔和蟹是家中有的)~ d肥牛都唔錯!
好鍾意打邊爐, 真滿足!

二人打邊爐
生活點滴 | Comments:0 | Trackbacks:0 | 2016/11/27(日)
超遲!!! 終於黎喇!
我period一向都算準時, 當然個個月都有幾日走盞, 但咁多年來個pattern都算幾正常丫... 今個月period卻遲遲不來, 當初cycle快到時我明明係d feel的! 但之後唔知點解冇左感覺!? 之後其實都冇咩諗啦, 剛好那陣子工作也有些事不順心, 心想應該是壓力大了影響左吧... 所以遲了一星期都冇咩為意....
等到遲了2星期的時候我真係覺得唔係好對路, 30年來都未試過遲咁多! 頓時心諗唔會有左卦!!! 越諗越驚, 個肚又好似擬住有d野咁..... 心諗如果有左點算!? (雖然理性覺得機會不大, 但真的太遲都未來了吧!)
星期四, 食左碗綠豆沙, 再買左支驗孕棒! 星期五早上驗左, 呼..... 冇事! 成個人放鬆曬!!! 不過我都唔敢太老定, 星期六早上再用第二個牌子再驗, 都冇事!! 呼.... 應該真係冇事喇下嘛!!! 終於鬆一口氣!
今天, "她"終於來了!!! 足足遲左20日! 佢遲到令我一度懷疑自己有左, 真係嚇X死! 一驗完就即黎, 我真係覺得大壓力這個原因是個合理懷疑呢!! 汗!!
PS* 我有理由懷疑我份工太大壓力/ 懷疑自己有左真係好柒!

第一次用驗孕棒!! 買左2支, 好鬼貴!!!!
生活點滴 | Comments:0 | Trackbacks:0 | 2016/11/27(日)
Nail Polish for Bangkok
今日都幾忙.... 先去了整頭髮, 我已經受夠了我那亂七八糟的髮型了! 忍左好耐, 旅行前去整就arm了! 下個月要再去染多次!!

之後再去了整指甲, 因為是去曼谷這樣的夏天地方, 所以我都係揀番d summer d既color tone~ 今次揀左像是tiffany blue的綠色~ 畫了2隻指甲有ribbon和點點的, 個ribbon有些christmas的感覺 =p 另外也襯了一隻白色的, 上面再畫幾何圖形~ 幾fresh~~
不過今次呢隻甲應該都唔會玩好耐, 一個月左右啦.... 因為去日本前我會再做呢! (不過其他都差不多, 因為平時我太唔錫身, 通常一個月都開始甩的了, 加上指甲太長也很麻煩)
時裝美容 | Comments:0 | Trackbacks:0 | 2016/11/26(土)
Home Gathering with人妻s~
一早就約了2位人妻今晚dinner, 最後都係上左我屋企.... 我都準備了成日, 買餸煮飯, 唔會比平時番工輕鬆! 我對d fd真係好!!
今晚既menu我都係呢2日先諗好, 其實我工作真係好忙, 不過份人實在太貪玩! 就係放工後既活動俾到我很大的動力和支柱, 成日諗住番多幾日工就有得去玩.... 對, 我就是這樣支撐著的 XD

她們8點前上到黎, 我都剛剛準備好食物了, 呼...... 頭盤是忌廉蘑菇湯, 第一次用上星期新買果個blender, 很有菇味很甜很rich! 正! 另外仲有白汁蘑菇雞扒、同埋第一次整既炆豬軟骨, 用左南瓜、蕃茄、西芹、蘿蔔、茄膏來炆, 個汁好正! 下次有時間d肉醃耐d會更好! 最後仲有今天才想到要做的韓式炒粉絲! 我覺得呢個非常成功! 有菠菜、冬菇、牛肉碎、甘荀、蛋皮、洋蔥..... 備料都攪左好耐架!! 個sauce仲係我自己調tim (當然有睇食譜), 醬油、麻油、糖、胡椒粉、水、味琳 (呢個我自己覺得arm味所以加的), 總之成個粉絲抄得好成功, 正!

忌廉蘑菇湯, 第一次用個blender同埋呢對LC花花碗 =P

白汁蘑菇雞, 炆豬軟骨

韓式炒粉絲!

好正! 不過d份量煮得太多了!!! 食淨一半 lol (留番聽日比老公食)

shirley, carman & karen~~ shirley個肚好大呀!

人妻selfie~


dinner完都已經好飽好飽, 之後仲有3件在muji買的cheesecakes呢...... 飽!
之後去sofa坐, 我摸著shirley個肚, 嘩, 我感受到BB在踢我呢! 有共鳴!! 好難得呀! (對我來說 lol) BB仲有3個月就出世了, 好快! 懷孕過程真係好快, 轉眼就過lu, 都好明白果種唔捨得既矛盾心態 =p 而carman竟然話佢驚, 唔敢摸個肚, 好好笑!
大家也有說到移民的問題, 身邊不少在港的朋友都有歐美加等地的citizenship... 有資格走的人真好, 起碼都算是有多個保障..... 二十年後的香港wor, 我就真係冇咩信心.... 有得揀都總好過冇得揀......
也有說到adopt的問題, 我就真係完全冇考慮過.... 我不是個喜歡小朋友的人, 雖然想要有自己的, 不過如果個天唔俾我, 我也應該不會強求吧... 反正, 兩個人也能活得很愉快, 而且成個人可以輕鬆好多呢....

仲宥muji的cheesecakes!
新居派對 | Comments:0 | Trackbacks:0 | 2016/11/25(金)
長沙出差 - Day 2
今天一早9:30am就要見客, 勁攰! 個頭勁暈咁見客.... 今日長沙仲要得1度, 超級凍! 仲好大風, 吹到頭都暈, 真係仲凍過瑞士, 汗! 我地仲要落工地地庫呢, 真係好辛苦!

星期三班回香港既機, 冬天仲要8:10先起飛 (之前是7:15pm)... 大家都勁攰, 一起飛即訓!
不過今日走都好值得紀念, 因為今次有成6個同事一齊走呢!!! 其中一個年資耐d既同事仲係長駐長沙的, 好難得先有機會一齊飛! 紀念時刻梗係要影番張相啦, kakaka!


回到港已經10點, 番到屋企11pm... 超攰, 沖埋涼11:30pm即訓了!
海外工幹 | Comments:0 | Trackbacks:0 | 2016/11/23(水)
長沙出差 - Day 1
琴晚9點幾先收工, 訓唔夠6個鐘就要飛喇, 好支力! 今天又飛喇!! 一個月一次, 希望12月飛多次就收爐啦!
今次4個同事一齊飛, 機會難得, 所以要係gate度影番幅相紀念 XD 難得大家肯配合 lol 明天走時仲有6個同事一齊走人tim呢!

今次4個一齊飛, 好正! 難得大家肯配合 lol

長沙呢2日好凍, 今日得5-6度左右, 聽日仲凍呢... 番到酒店pack下野, 就立即趕時間在meeting前一起大伙兒去食個lunch... 好難得咁多的人嘛 =p
多人食下湘菜都唔錯~ 我都好耐冇正正式式食番餐湘菜lu..... 這間第一次黎, 都唔錯, 款式都算多.... 仲有片皮鴨食的呢!

片皮鴨, 涼拌木耳, 冬瓜湯, 涼拌豬耳

紅薯粉, 花椰菜, 辣牛什, 五花肉
食店: 湘爵士
地址: 長沙黄興中路27號王府井百貨7樓


之後我們就各自各meeting啦, 我也第一次上到我們的local office =p 今天黃昏又多位同事自己坐火車上來了, 真係辛苦!
晚上咁鬼凍, 我們就4個人去左打邊爐~ 今次食四川的麻辣火鍋.... 早2年我在成都第一次試食麻辣火鍋, 真係好好食! 呢家我們第一次吃, 都不錯既.... 不過都係成都個湯底正d, 呢度的不算太辣... 食麻辣火鍋最正既, 梗係食鴨血啦, 超match超好食! 不過呢度d牛肉唔好食, 可惜!

四川的麻辣火鍋, 牛舌和鴨血都好食!!

腰花都好食, 不過牛肉真係麻麻, 太瘦了!

仲有羊肉, 鴨腸, 黑柏葉都好味!

咁凍既天氣下打邊爐真係好正
食店: 味蜀吾老火鍋
地址: 長沙五一大道景江東方大厦二樓


dinner完10pm左右, 我們仲有下場, 搵埋要跟客食飯的同事T, 一起吃了酒店附近的卡啦OK唱K!!! hahaha!! 因為機會難得, 好少可有成5個同事一齊出差, 仲要冇怪人/ 乞人憎既人在 lol 真係可一不可再~ 而且我都係第一次同最要好果2位同事一齊出差咋, so happy =p 都唔知仲有冇下次!
大陸的K房好浮誇! 哈! 好閃! 不過歌是很齊全的! 厲害! 因為飲左酒, 所以大家都high (不過都好眼訓)... 我今日狀態都算唔錯! 今次唱k好玩過上次team K好多! 果次冇酒飲, 仲要老細係度, 悶爆.... 真係唔好再攪喇 XD

大陸的K房

我第一次係大陸唱K, 有5個同事一齊黎, 仲要冇怪人, 真係好難得 XD

我地3個都係第一次一齊出差咋!!!!


聽朝9:30am開會, 大獲了!
海外工幹 | Comments:0 | Trackbacks:0 | 2016/11/22(火)
美少女戦士Sailormoon 20周年記念Book
早排見到sailormoon出左本"20周年記念Book" (20周年活動都攪左幾年, 明明今年都唔止20年啦! 25年都有了!!!) 在yesasia order了, 300幾蚊都唔係貴丫....
入面內容有今年在東京舉行的sailormoon展、周邊玩具商品、sailormoon crystal新版動畫、舞台劇等... 不過我最鍾意既都係1992-1997動畫的介紹~ 有集數同埋人物介紹, 不錯~ 仲有壞人的介紹, 哈!
不過本書都係日文, 其實我都睇唔明既 =p 都係志在買睇擺同埋睇下圖而已, 哈哈!

Sailormoon 20周年記念Book

sailormoon展

sailormoon和venus的介紹

仲有5輯的大壞人介紹

sailormoon crystal介紹
書籍介紹 | Comments:0 | Trackbacks:0 | 2016/11/21(月)
汁燒牛仔骨
本來今晚約左朋友食生日飯, 不過朋友囡囡病了, 所以她出唔到黎要改期lu... 當了媽媽, 世界就是會圍著小朋友在轉呢... 雖然如今的我很難接受, 但相信我日後都會這樣的....

gathering cancel了也沒什麼, 星期天在家執屋打掃下 (其實主要係老公做), 我就諗下今晚煮乜餸, 為食豬! (其實除左食, 我都真係好鍾意煮)
冰箱仲有d牛仔骨, 就煮埋佢啦.... 其實我都係第一次煮咋! 醃完之後煎, 個汁都係自己調的, 豉油、味琳、米酒、黑椒、蠔油、粟粉.... 好好食wor! 老公都勁like! 大成功, 哈哈! 另外仲煮左冬瓜咸蛋粉絲湯 + 豆角炒蛋.... 好味!

汁燒牛仔骨, 冬瓜咸蛋粉絲湯, 豆角炒蛋

Mr & Mrs Ngai's sunday dinner~


好認真咁諗緊17年尾/ 18年頭去邊.... 因為都要plan定換機票啦嘛.....
我自己係考慮緊紐西蘭、冰島、北歐、蘇格蘭....
魏生話想去斐濟 (但佢唔知果度有d乜wor)....
不過呢d地方好似搵多d腳好d....
私房菜館 | Comments:0 | Trackbacks:0 | 2016/11/20(日)
到奶奶家午餐 + sogo感謝節
星期六仍是要一早早起, 當然是去PP做機啦.... 之後回家再去奶奶家食lunch.... 奶奶之前去了德國1個月, 之後再回了北京2星期, 所以都好耐冇見lu... 奶奶在德國買了很多腸/ salami給我們, 然後在北京又買了不少食物, 都是ben喜歡的~ 哈哈!
今日主要食炸醬麵, ben好鍾意食, 醬是ben的姨媽在北京炸的, 是家的味道~ 哈! 不過我對炸醬麵麻麻, 所以奶奶也包了餃子給我, 今次是豬肉蘿蔔餃~ d蘿蔔爽爽地, 好食wor! 都有d驚喜~ 我都係鍾意食餃子多d, kaka!
奶奶說CNY不用番北京, 佢話冬天太凍冇咩好番 =P 不過明年點都要番一次, 可能easter吧.... 反正連放4日, 慳番唔洗拎假....

豬肉蘿蔔餃, 好食!

炸醬麵

炸醬麵, 餃子, 仲有涼伴青瓜


之後去了sogo, 感謝節嘛, 不過真係好多人... 汗! 幸好cosmetic樓上冇咁多人姐! 我手上的sogo coupon, 善款數字已高達6500蚊!! 真係多謝曬各位善長人翁 =p
今天的target基本上都買了, 買了個simmons的枕頭, 床單被笠, blender..... 才用了2500蚊而已... 呵呵! 其實仲想買部32"的TV放係房, 同埋要買番張厚被for冬天的來臨, 之後可能要再來一遍呢!

sogo coupon已高達6500蚊

好多人呀!

今天的收穫: 枕頭, 床單被笠, blender....
生活點滴 | Comments:0 | Trackbacks:0 | 2016/11/19(土)