Daisypath Anniversary tickers
一個人都愛煮
今天老公不在家, 得我自己一人在都要自己煮2餐! lunch想食魚, 就蒸左條細細地的, 同炒左細細碟豆角肉碎....
仲煲左老火湯 - 節瓜眉豆豬展雞腳湯... 我真係好鍾意飲湯! 煲左一大煲, 下午去了musee脫毛, 差不多做曬全身lu.... 不過都仲有排做, 可能要做多大半年先清得曬, 哈!
晚上回家再飲湯, 仲有紅豆水, 好多湯水飲 =p

蒸魚, 豆角炒肉碎

今日好想飲湯....

節瓜眉豆豬展雞腳湯
私房菜館 | Comments:0 | Trackbacks:0 | 2016/10/30(日)
KETU's birthday dinner~
本來約了KETU正日生日一起去ocean park, 不過她有更重要的偶像活動, 所以才改了今天晚上dinner, 地點是她選的park lane hotel的roof top bar SKYE~ 新開的, 報導上是介紹可以看到香港夜景, 不過今天下雨了, 我們完全沒有外出去看過一眼, 汗!
餐廳挺有格調的, 我們很少可去這類型的餐廳dinner, haha~ 因為她們四人都各有人不吃牛、羊、魚, 所以基本上menu上都沒什麼好選 -__-|||| (其實餐廳menu都唔算少野食既, 西餐都差不多) 所以很快就點好了菜~ 其實埋單時比我想像中便宜一點, 我還以為會更貴的, 可能是多人夾錢吧 =p 雖然不算便宜, 不過我覺得很值得, 因為食物quality都算幾好, 而且有d驚喜唔係一般的菜式, 加上有埋凍湯, petite 4, 同埋服務都唔錯! 個waitress很親切有禮 (我好少讚呢樣野架 =p)

凍湯, cocotails & drinks, d麵包好吃~ 還有謝謝小嘉的手信!

scallops (份量都算幾大), lobsters, asparagus risotto, 豬腩肉, duck breast, oysters

小嘉, ketu, anmary, 小豬 & 小透~


說到去年今日, 是我們出發去布吉的日子呢! 這樣快又一年了, 不知道還有沒有下一次呢! 因為餐廳要切餅費, 加上今年的禮物out-bud也沒打算買個令蛋糕, 所以就直接在餐廳order了~ 樣子比不少外面買的更好 (at least比美心/ 東海堂那些好吧 lol) 小透大讚d字好令呢~ 哈哈!
Happy birthday to KETU~ 恭喜你轉到新工, 而且係你想轉了很久的行業! 加油地大展拳腳呢!!
之後anmary說起她的話題來了, 真係好玄, 有恐怖的、有神奇的.... 一開始聽果個經歷實在太可怕了, 真係驚... 汗! 之後的雖然不可怕, 不過就是冥冥中就是有主宰吧!! 我也要學習如何做一個更好更完美的人!
因為聽完呢d玄事有點怕, 而且都夜媽媽了, 所以叫了老公來接我, 只是落樓下接我而已 lol

happy birthday to ketu!!! 祝你有一個new start!!!



也來selfie一張!
食店: SKYE
地址: 銅鑼灣告士打道310號柏寧酒店27樓
識飲識食 | Comments:0 | Trackbacks:0 | 2016/10/29(土)
今日lunch食齋
經常大魚大肉,老公今日話要食齋....
所以就煮了泡菜炒大豆芽,蒸豆腐豆卜,娃娃菜 (加幾粒食淨既魚皮餃)
蒸豆腐好好吃, 想煮好久了! 落滾油是重點! 而d大豆芽炒得好好, 好爽口! 我好鍾意食!

泡菜炒大豆芽,蒸豆腐豆卜,娃娃菜

齋,全部都係齋 (95%都係齋啦!) 好難得架!
私房菜館 | Comments:0 | Trackbacks:0 | 2016/10/29(土)
好久不見的dinner~
昨晚才在長沙回來,好彩夠訓姐~ 今天晚上約了Ingrid, Eva poon & Philip dinner, 有over一年冇見過lu... Eva poon說要吃日本菜,便選了元氣一杯,很久沒吃過了~ 我們忍不住也點了很多,食物都好吃~ 開左2支720ml的sake, 還有free送給我們的燒酌,.... 點了很多佐酒小食, 那個吞拿魚漬芝士, 芥末章魚送酒的確一流... 食左超多野, 如今既我已經肥到一個點, 不能再接受了! 我會好好減肥!
唔經唔覺, 畢業8年了, 雖然身份邊少大學同學都說如果當初不是入嶺南, 人生可能會有令一番光景, 但我就從來沒有遺憾過自己入了嶺南! 我覺得入到uni入到嶺南也是我人生第一個大轉變, 很珍惜很懷念那段時光~ 而我也很滿足於我讀書時和畢業後的生活~ (當然, 如果有得揀, 我都會入更好的大學啦 =p) 番工生活太苦~ 晚上能跟朋友飲下酒食下飯調劑下生活的確是件樂事!
只是以後有酒的飯局真係唔想再約weekday呀..... 第二日番工實在太辛苦了!

軟殼蟹, 壽司併盤, 吞拿魚漬芝士, 芥末章魚, 炒麵, 雞軟骨

鰻魚卷, 吞拿魚腩卷, 明太子, 串燒, 鰻魚玉子, 清酒煮蜆

好多sake同燒酌

long time no see~ we are CUS
食店: 元氣一杯
地址: 尖沙咀彌敦道132號美麗華商場食四方4樓4E號舖
識飲識食 | Comments:0 | Trackbacks:0 | 2016/10/27(木)
奶奶的手信
奶奶之前去左德國成個月,探移左民去果邊既姨生女(即係Ben表姐)~ armarm番香港,過兩日又去北京也,退休後成日飛機真係好令人羨慕~
奶奶在德國買了很多手信給我們,主要是很多ham & salami~ 真係勁多!他很喜歡~ 仲有白酒和買俾我既Swarovski,真有心呢!我啲禮仲多過佢個仔, haha~ thank you so much >w<

奶奶買的手信... 有德國酒

仲有swarovski, 同埋好多好多ham & salami!!
購物禮物 | Comments:0 | Trackbacks:0 | 2016/10/27(木)
長沙出差 - Day 2
我琴日都好早訓了, 11pm就睡了, 很累嘛.... 今天的客人不多, 所以訓晏d~ 好正! 之後第一次入工地影下相.... 見下個客前自己一個去工地附近吃個lunch先~ 好像有一陣子沒吃過湘菜了~ 不錯~ 不過一個人不能吃太多, 太飽了! 我也吃剩不少...

肉丸湯, 皮蛋茄子, 芋頭排骨
食店: 炊烟食代
地址: 長沙東牌樓街58號五一華府1樓


之後入左工地2次, 都是做technical的東西, 好慘 >.< 4:30pm匯合同事們一起打的去機場, 好攰, 在的士訓著了....
check in後去了吃個early dinner, 因為機上冇得食.... 都是中菜, 呢間第一次吃, 味道一般, 份量很小, 每個人都食左一舊水呀! 好貴!!

排骨麵, 臭豆腐, 娃娃菜

牛肉餃, 蒸魚, 排骨湯, 梅菜扣肉


7:15pm的飛機, 冇delay真係太好了! 個幾鐘的機程不斷聊天笑笑笑, 連電視都冇睇, 哈! (記得去年飛大連, 我地吹水吹到比人罵 XD) 八卦下人工, 同埋估下今年年尾條team升咩人, 哈哈哈!
9pm前落機, 機鐵再轉的士回家也不到10pm, 算是很早了~

沒有delay, 太開心了!

影呢張相係想比我地秘書睇 XD
海外工幹 | Comments:0 | Trackbacks:0 | 2016/10/26(水)
長沙出差 - Day 1
原來我都成個月冇飛長沙了呢.... 一個月都總要飛一次既... 所以也安排了這次行程, 見下自己d客, 今次同行仲有2個同事, 雖然係分開見客, 但起碼都冇咁悶先啦~
其實呢條team都幾有自由度, 起碼想出trip時, 自己都可以安排, 哪怕我的title只是個小員工....

成個月冇去過長沙lu....

一落機去完酒店, 就立即出去見客了, lunch有人請, 不過是吃牛扒, 有點快餐的感覺, 不好吃的... 哈! 不過唔洗錢就算啦 =p

lunch吃牛扒, 仲有薯條, 雞翼等 =p
食店: 豪客来牛排
地址: 長沙五一東路525號


之後再見了2個客人, 今次schedule不是太tight, 所以有時間在dinner前先去做1個月鐘massgae, 好爽呀!!! 本仲想買件褸, 不過唔夠錢, d小商場又唔收外卡, 就算啦! 反正也不是便宜貨, 哼哼!
dinner匯合2位同事一起吃, 又去了吃燒肉, 同事T說常常跟我吃燒肉, 由大連、上海和長沙都有食過燒肉, hahaha! 呢間店係酒店附近, 食過2次了~ 不錯的! 用炭爐燒的~ 這兒的羊腰很好吃! 我們都encore了~~ 仲有牛舌都好吃呢!

今晚食燒肉, 呢間店伙酒店附近, 食過2次了~

肉併盤, 金菇豚肉卷, 牛小腸, 牛舌

牛肉炒飯, 台灣腸, 炒烏冬, 羊腰, 芥末八爪魚, 豬五花

當然仲有啤酒~ Today's best moment! enjoy!
食店: 牛家酒場
地址: 長沙五一廣場7UP購物美學中心L3樓
海外工幹 | Comments:0 | Trackbacks:0 | 2016/10/25(火)
十月之星生日飯
今晚跟親戚dinner, 因為有十月之星生日, 包括大舅父、老豆和大姨3個... 咁多年黎, 好似都係第一次同親戚食生日飯... 唔知點解今年會有, 哈!
大姨話好俾面我, 我結婚張大合照佢話掛左係屋企 *0* 仲有, 我那個細我7, 8年, 係英國讀書既表弟第一次帶埋女朋友出席親戚飯局.... 真係大家都長大了!!
生活點滴 | Comments:0 | Trackbacks:0 | 2016/10/23(日)
Hot Pot with Aberdeen buddies~
一早約左今日入馬灣BBQ, 點知琴日8號波, 所以早幾日都決定cancel改期, 改上黎我屋企打邊爐wor... 其實我真係好想BBQ, 等左好耐! 馬灣係我地既後樂園.... 唯有等下個月再燒啦! (之後先知道原來今日都幾好天 -__-||| 其實可以照BBQ, 不過算啦, 怕熱!)

做完facial之後就去街市買餸, 老公去左做job, 我叫左jacky陪我去街市幫我拎野! 一個人拎咁多野, 勁重! 好彩有jacky! 我仲係fb正面地讚佢, 要知道我平時好少讃你! 唔講衰野取笑你已經好俾面!!! 嘩哈哈!! (yiu話jacky難得地俾我貼堂, 貼堂呢個term真係好中好得, 哈哈哈!)
一齊行番屋企, jacky坐下休息而我就要準備d處理d食物了!! 之後yiu都上左黎then老公都回家了, 準備好d食物, 但要等埋ken收工上黎先食得... 好肚餓....

呢3個男人等食中....

餓到個肚都有d痛.... ken終於上黎喇!! 一坐底即刻set機影相相機食先.... 是晚湯底是我自己滾既蕃茄薯仔冬瓜湯, 食物都係果d啦, 海鮮有花甲、桶蠔、鮑魚仔、鱔、蝦.... d桶蠔真係好正!!! 勁大隻勁肥美! 今日都買左唔少丸, 但竟然食得曬, 好勁, 唔洗再比老公話我, 好難得! 而且今日都冇咩野食剩, 只係剩左半盒魚皮餃咋, 好勁! 全靠有ken在~ 哈哈! dinner時飲kirin和sparkling wine, 之後是moscato, 越大越唔like moscato, 太甜了.... 飲有汽既, prosecco應該係best choice (價錢平, 沒比champagne差, champagne太貴了唔值)
下個就到ken結婚啦~ 他今日單拖出席, 我地問左佢好多野, 嘩哈哈! 之前幾次成都是攜眷出席, 今次終於可以暢所欲言+暢飲了, 嘩哈哈....!!!! 我地好明顯係益友啦!!! kakaka!

其實我都好like打邊爐!

yiu, ben, jacky, ken & karen~

餓死人喇, 終於食得!

selfie一張! 係wor, 原來今日全男班 =p

大機也來selfie一張 =p


Dinner完之後終於有sake飲, yiu買左支純米吟釀上黎, 我都飲左唔少~ 之後再開左我在京都宇治買既綠茶sake~ 一人一shot飲下試下啦~ haha~ 不過我都係嫌太甜同埋少酒味.... 我地就企係bar枱度飲, 好鬼正! 有冇少少酒吧feel, hahaha!!
其實我地真係益友, 成group人講野最大聲果個都係身為女人既我, 失禮啦~ 哈哈哈!!!! 大家已經講定, 12月去飲ken果餐時, 中場休息去我地屋企休息下先, 哈哈哈!!!

sake time~

好like我地張bar枱!
新居派對 | Comments:0 | Trackbacks:0 | 2016/10/22(土)
Home Gathering under Typhoon 8
海馬來襲成功,得到了一個whole day的風假,so happy!!! Yeah!! 真係非常難得!有信念真係好重要!
今日本來一早約左sally kwan & Loretta dinner, 但八號風球她們就説改為上黎我屋企煮野食,咁唔緊要啦... 但sally竟然話要焗蛋糕 (利申,我一向唔like食甜點)!!! 我屋企乜工具都冇,本來都諗住唔鬼理佢,但佢好似好想整.... 咁本小姐唯有係八號風球下冒住生命危險行番娘家拎啲整蛋糕既工具!
岀面橫風橫雨,原來個風真係好勁,我差d被吹走!我對d friend真係好好...... (之後回程發現原來可以經屋苑停車場行入商場, 完全indoor唔洗濕身 -_-||||)

她們4點幾就上到黎喇, 仲未落8號波! 大家都係東涌沿線, 上黎好方便! 我地琴晚已經係超市買了野食, 諗定menu今日整架喇! 其實本來話今日個chef係sally, 她有在泰國買的冬陰功湯包和Phad Thai包, 她主要負責呢2樣野, 而我都無啦啦整左個BBQ ribs, mussels和金菇肥牛卷.... 我覺得今晚個phad Thai真係亮點, 好好食wor!! sally真係快炒架! 勁! 個BBQ ribs都係第一次整, 其實都好食! 如果有時間醃耐d應該會更好! sally比我更重視食物既presentation, 哈哈! 佢要度有伴碟 lol 所以d相影出黎好令~ 為食既人, 都係鍾意煮野食既 =p

BBQ ribs, 金菇肥牛卷, roasted asparagus, phad Thai, 冬陰功, mussels~

四個人, 食物armarm好, 不算太多!

loretta, sally kwan, karen & ben

今晚飲紅酒, cheers!

來自拍一張~


sally和ben是小學同學, 他們說要攪小學gathering, 哈哈, 好攪笑 XD dinner完之後lorettasally就開始焗蛋糕了, 她說以前在英國成日焗, 唔洗量份量, 完全應感覺, 勁! haha! 今日她焗的是french almond lemon cake... 6吋細細個, 4個人share, 伴埋雪糕都好arm呀! 而且d檸檬味很重, 感覺很fresh不會膩.... 為左decor個cake, sally仲買左成大包糖霜上黎我屋企, 真係好認真 XD 雖然我唔like食dessert, 不過飯後一兩啖係幾好既 =p
sally & loretta已買了機票12月去bangkok, 我一聽真係好心動, 因為我都成10年冇去過了+近年真係好想去bkk! 我諗左幾個鐘, 都即時出埋機票了~ 嘩哈哈! 成件事真係好ad hoc! airasia機票才1000蚊, 好抵~ sally好熟bkk, 打算咩都交比佢, 我連個腦都唔帶喇, 我淨係指明要spa, sky restaurant和thai food就夠了! 2016標尾trip, 星期一番公司就請假 XD

chef sally's french almond lemon cake!


12月一齊去bangkok, 哈哈哈! go go go!
新居派對 | Comments:0 | Trackbacks:0 | 2016/10/21(金)