Daisypath Anniversary tickers
明年9月中?
一直都擔心我地個mall opening會delay, 畢竟我很多人生計劃都跟它有關的呀!
今天好似聽到老細說擇左日, 明年9月中! (應該係) 希望係真的啦!!!
如果是明年9月, 那就跟我planning差不多了!
生活點滴 | Comments:0 | Trackbacks:0 | 2016/09/30(金)
Wallis' Birthday Dinner
是日老細出trip, 又可以hea hea地一早落樓下食個full breakfast, 之後才懶懶閒地做野.... 不過我今日都好productive架!!!

晚上約了eva一起吃wallis的birthday dinner~ dinner地點是TST的Jamie's Italian, 超近我公司, 落樓5分鐘就到, 勁正! haha! 我是第2個到呢! 她們都好早收工, 7pm就齊人了!!!
wallis剛從canada回來, 看她的照片真係好正呢!! 一世人真係點都要睇一次北極光呀! 好羨慕, 勁想睇呀~ 今晚除了birthday這主題外, wallis還派帖呢!! d wedding pic好韓呀! so nice! 轉眼就到了你的wedding day喇! so happy for u!! 恭喜曬你呀! >w< 大學時代的room mate和對面房, 我地3個都終於快要成功出嫁了!! yeah!!

wallis' bomb + hand letter!!! 恭喜曬你呀!

hong kong hot pizza, baked mushroom pie, rib eye steak, crab meat spahetti,

wallis, karen & eva~

終於記得在有食物門拍拍照~


畢竟我們3個都是人妻or人妻to be了~ 是晚的話題都是圍繞結婚、男人、同居、女人的年紀、生仔.... 好似好耐冇跟你地講過咁多girl talk了 >w< 好開心~ 期待10月時簡單的bridal shower + eva's bday呢... 說回wallis的wedding, 我和eva疑似仍是要做MC呢 *0* OMG!!! 其實我都好想輕輕鬆鬆咁在朋友的wedding上飲下酒relax下呢 *0* 不過你叫到, 冇辦法啦 >w<
之後是tiramisu的bday cake~ 不知道為什麼有orange favour! 不過我覺得很好, 幾fresh呢, haha! happy birthday to wallis again! wish u all the best! 一切順利呀!

happy birthday to Wallis~~

Happy birthday to our dearly bride-to-be~
食店: Jamie's Italian
地址: 尖沙咀廣東道17號海港城海洋中心4層412號舖
識飲識食 | Comments:0 | Trackbacks:0 | 2016/09/28(水)
探B + Rainbow's Birthday Dinner
angel 10月初預產, 本來約了上星期天吃rainbow生日飯, 希望angel不要太近生產期還要出來.... 不過rainbow上星期臨時有飛睇她的偶像Sammi, 所以就改到了今天再吃~
誰知道, angel肚中的小琪已經等唔切, 急不及待要出世了!!!! (可能想同auntie Rainbow say happy birthday =p) 星期二angel就whatsapp我們說今天應該不能來, 因為見紅入院準備生lu! 翌日小淇就出世了呢!!! 嘩, 真係幾突然! 畢竟早了三星期呢! 好彩BB都好足磅又好健康呢~
當初因為就angel家方便她出來, 所以dinner的地方選了在土瓜灣, angel昨天才出院, 剛好dinner地點又咁近, 所以我們就上去探B打擾了~~ 一去到, 小琪就已經訓緊, 基本上她今天都沒有睜開過雙眼呢, 哈哈哈! 小琪才出世第4日咋, 真係好少機會會見到抱到咁細個既BB呢!! BB都冇咩巢皮, 好令女~~ 恭喜曬Angel & Gabriel! 新手爸媽加油呀! 聽到angel既生產過程, 每次聽到d, 下腹都忍忍作痛呢 >.<
我們今天特別點, dinner前先齊人, 所以我們先吃生日蛋糕, 等小琪都可以同auntie rainbow一齊切蛋糕吹蠟燭! haha~ 吃得最多蛋糕的, 是小琪媽媽angel~ haha!! happy birthday to rainbow~ 希望下年快d到, 可以快新居入伙啦~

hello小琪Scarlett!! 只有4日大的初生B, 好少見呀!

Say hello to Auntie Karen (已經毫不抗拒, yes, i am auntie karen~ haha)

isaac, angel, 小琪, rainbow & karen

happy birthday to rainbow

小琪趕住出閘要同auntie rainbow慶祝生日呢, kaka


dinner的餐廳是走路只有5分鐘的"蘇三茶室", 主打吃私房的慢煮料理, 都幾特別架! 餐廳幾有古舊情懷, 不像是吃這些新派菜的餐廳裝潢呢, haha! 我們所以食物都是預先order的~ 海鮮湯煮蜆 & 椰青蟹湯都好出色, 好特別! 呢度d食物都幾有特別, 都是自創的, 值得一試呢~ 這兒還有不少菜色選擇, 像slow cook chicken & fish都好出名~ 可以encore再來試試~ haha!
又再次驚覺, 我們都年過三十了, 時間真的走得太快了吧.... 三十了, 人生還有什麼achievement嗎? 人老了, 家人也老了.... 這也是很自然的事, 再不捨也不能改變什麼..... 還有, 人說話還是不要把後門封了, 人的想法還是會隨著年歲而改變的呢~ kakaka!!
dinner完同isaac一齊打的回來, 才10分鐘, 40幾蚊而已... 好抵! 太方便太吸引了!

蘇三茶室

腐乳多士, 低溫豬手沙律, 椰青蟹湯 (好清甜! 好好飲)

海鮮湯煮蜆 (勁多蜆, 又係超甜, 又有酒味, 好正), 雜菌焗薯批, 黑糯米酒千層肉

karen, rainbow & isaac
食店: 蘇三茶室
地址: 土瓜灣美善同道1號美嘉大廈地下10號舖


呢一兩年身邊唔少朋友都做左/就黎做媽媽.... 我今年已經探左4個B喇!
加上轉字頭,今年已經由姐姐變左做姨姨, 真係覺得時間實在過得太快,青春不再lu.... 好似啱啱先醒覺自己其實畢業已久、啱啱先投入去人妻階段, 身邊既人就已經走快我對個身位咁~
冇辦法,人地步伐我就跟唔上架喇,我都想像唔到而且要我做人阿媽既生活會係點..... 我而家話要做人阿媽都嚇親你地啦~ 等我吃喝玩樂多2年先啦, 哈哈哈 =p 我仲有好多野未做, 仲有好多地方未去架!
I'm still enjoying my current life so much (well, except my annoying work, sometimes la lol)
識飲識食 | Comments:0 | Trackbacks:0 | 2016/09/25(日)
2016大閘蟹初嘗味
一早去左PP做機, 之後出左荃灣拎野, 順手買左好多野, 衫、食物同kitchen ware, 其實荃灣都幾好行丫 =p 因為拎得太多野, 所以要打的回家.... 好累!

回到家已經4pm, 差不多又是時間準備晚餐了! 早秋過後就是吃大閘蟹的季節了, 雖然仲未係最當造的時候, 不過我今天已急不及待地想要吃了! 大閘蟹是他在九龍城買的, 太湖的蟹, 3.5兩, 80蚊隻, 不算便宜啊~ 買左2隻貴的, 一隻平d的, 識食既, 大閘蟹梗係食公架啦! 貴d既太湖蟹真係好食d架! 未算爆羔, 不過d羔真係好rich好甘呢! 好like! 連d蟹肉都好食, 果然一分錢一分貨! 仲買左花雕酒用來配蟹食, haha!
我已經在積極地約緊唔同朋友們在10月11月食大閘蟹了! 如果可以去一轉上海就好啦!

太湖出品的大閘蟹! 2016 1st try!

未算爆羔, 不過d羔真係好rich好甘呢! 正!!!

仲買左花雕酒同埋大閘蟹剪刀和匙跟~


大閘蟹又點會食得飽丫! 而且他對大閘蟹亦麻麻~ 所以梗係有煮其他野食啦! 今天主打是紅燒肉, 第一次整咋! 我覺得好成功呀! d五花腩燜到淋曬, d汁又夠立立令, 好正! 整紅燒肉係因為這是老公的最愛菜色之一, 真係為你而煮架! 好彩成功 (不過下次可以落少d豉油)
另外仲有鹽燒牛舌、蕃茄薯仔湯... 其實我都係第一次煲蕃茄薯仔湯~ 哈哈! LC煲煲湯好似真係入味D, 好鎖水原汁原味d..... d蕃茄味好濃郁! 我好心郁想買多個22 or 24cm的鑄下鍋呢~ kaka!

紅燒肉~ 大成功! 真係立立令架!
仲有鹽燒牛舌、蕃茄薯仔湯~ LC煲煲湯好似真係入味D, 好鎖水原汁原味d..... d蕃茄味好濃郁!

tonight's menu: 紅燒肉、鹽燒牛舌、蕃茄薯仔湯
私房菜館 | Comments:0 | Trackbacks:0 | 2016/09/24(土)
地獄一週
嘩, 今個星期終於over了! 呢個星期好地獄, 我有2晚都9pm先收工, 其餘都要7點幾
尤其我都快放假去旅行了, 要快點清曬手頭上的工作呢...
一番到屋企就訓, 幾日都係起身番工、放工訓覺.... 冇曬私人生活, 癲架....
終於要到weekend, 可以去玩番2日喇.... go go go....
生活點滴 | Comments:0 | Trackbacks:0 | 2016/09/23(金)
最後一日假了
可能琴日打邊爐太熱氣, 今日一起身已經覺得牙肉有少少發炎, 成塊左邊面都有d痛, 眨眼、耳、喉嚨、吞口水都有d痛, 總之就成日都唔多舒服咁....
今天是中秋節假期最後一天了, 嗚.... 本來有想過去sogo shopping, 不過太懶加上唔太舒服都唔想出去, 或者等thankful week才去更著數吧?
不過今日我都有煮飯架, 真係好鍾意煮野食, 我發現我都係鍾意煮中菜多d, 西餐來來去去都係咁, 冇咩特別..... 今日煮多d, 三餸一湯...... 麻婆豆腐,蝦仁炒蛋,炒油麥菜,冬瓜咸蛋粉絲湯, 第一次整麻婆豆腐, 我覺得好成功丫! 他非常喜歡, 吃了2大碗飯! 今天我也幫我個26cm的Le Creuset開煲了, 用了來煲湯, 真係幾好用wor, 勁鎖水, 好大煲湯呢! 而且感覺真係甜d....

三餸一湯, happy cooking~

麻婆豆腐,蝦仁炒蛋,炒油麥菜,冬瓜咸蛋粉絲湯


另外我也買了生熟薏米來煲檸檬薏米水, 煮左成大煲, 當水飲都好.... 去濕排毒, 希望有幫助啦! 之後想煲下紅豆水....

薏米水
私房菜館 | Comments:2 | Trackbacks:0 | 2016/09/18(日)
打邊爐with his盟友
今朝一早就起身, 中午去了elyze做機..... 之後回MK街市買餸, 本來是打算2人打邊邊的, 不過臨時他說他d friend也上來一起打邊爐, 其實重點是食完飯打機 =_=|||| 他最近非常沉迷, 他的盟友大部分也是他的兄弟 -__-|||| 我都唔知為打機同佢嗌左幾次交.... (PS* 其實我真係唔介意佢打機, 不過唔好打到10問9唔應唔理我lor)
5個人打邊爐, 正.... 想打左好耐喇~ 都買左唔少海鮮架, 有蠔、花甲、鱔、蝦, 仲有好多肥牛, d貴肥牛真係好食d架!! 正! 湯底是自己煲的蕃茄薯仔湯, 正!
打邊爐, 又點少得啤酒呢.... 呢幾個兄弟係第一次上黎, 仲送左2支白酒俾我地呢, kaka! thanks!

終於可以打邊爐.....

除左啤酒, 都仲有開左2支酒架....


打完邊邊大家仲一齊睇左2套戲 =p 佢地12點先開始打機呢....
新居派對 | Comments:0 | Trackbacks:0 | 2016/09/17(土)
中秋節翌日~
連放3日lu, yeah!! 我成個星期都唔夠訓: 星期一出trip、星期二晚trip番黎去左食飯、星期三晚同同事食飯又飲、星期四玩到凌晨..... 今日終於可以補眠了, 呼...... 今日訓左成十幾個鐘呀! 放假訓得王朝八晏是常識吧, 也是種幸福呢...

今日好鬼懶, 成日hea在家, 本來想煮好d既, 不過都係太懶, 過2日先啦 =p 幸好雪櫃有stock up, 晚上簡單的滾菜湯、煎牛扒 (令扒黎架)、雞軟骨, 簡簡單單又一餐lu~
私房菜館 | Comments:0 | Trackbacks:0 | 2016/09/16(金)
中秋節快樂!
今個星期番2日就放3日了.... 今日完全冇mood做野... 曾幻想公司可以有早放, 但最後還是沒有.... 呢間公司真係好鬼cheap, 好灰呀! 最後, 連一分鐘都冇得早放, diu.... 唯有自行6pm sharp即閃!
收工先回家hea番陣, 之後就去了荃灣跟女麻女麻和親戚們做節食飯~ 明明book了8pm枱, 還是要等才有位呢! 吃到10:30pm才散席....

之後我要趕回家呢, 因為約了Rosians們上我家, 一來算是house warming, 二來中秋節嘛, 一如以往的, 我們在各自跟家人dinner後都會gathering的, 那麼多年來, 我們都是去海心公園的, 不過由去年開始已經沒去了, 改去了我家~ (因為海心公園很早關門 + ida已搬離土瓜灣了)
大家差不多12點才上來, 一起看看電視"創世紀" (我仲記得d劇情, haha), 吃吃零食, 吹下水.... 舊年我都仲有買下燈籠, 不過今年冇買呢... 舊既燈籠都在娘家, 所以我今年係完全冇玩過燈籠和蠟燭! 哈! 月餅也是在今天才吃的 =p
betty說今年不移民了, 連新工都已經找到了... 真是... 是我們傻, 都被"騙"了幾年還相信, 真是白痴 =__=|||| 還有各人的update啦~~
今日我其實真係幾支力, 成個星期都冇覺好訓... 所以大家都係stay到3am左右就走人了~ 下次上黎食dinner, 整餐好既比你地食啦 =p

betty, sally, ida, tammy, janet & karen

happy mid-autumn festival啊!

snacks & mooncakes (from bread talk)

自拍先~

又有sogo coupon做house warming gift~ thx all! 我已經有成5000幾蚊喇!
節日慶祝 | Comments:0 | Trackbacks:0 | 2016/09/15(木)
Dinner with colleagues
剛出trip回來, telecon左成日, 今日又夜收工.... 好累! 今個星期番2日就放3日了, 不過還是很難捱呢!
晚上很多同事都未走, 即慶地dinner, 7個人一起去吃泰國菜, 這家我們lunch有吃過覺得很不錯~ 有d同事是新加入的, 聽下D新人講野, haha~ 有男有女講下是非、抒緩下工作的壓力, 最開心了 XD happy wednesday~
走時仲有同事車我回家, 太好了 =p

泰式拼盤, 薄餅, 串燒, 炒蜆, 蠔仔蛋

生菜包, 通菜, 炒河, 炒飯, 咖哩雞

又紅又白, cheers! happy wednesday!
食店: 泰斗
地址: 尖沙咀海防道38-40號中達大廈4樓全層
識飲識食 | Comments:0 | Trackbacks:0 | 2016/09/14(水)