Daisypath Anniversary tickers
長沙Biz trip - Day 2
昨天都算過得舒舒服服, 今天就有3個meetings了, 第一個meeting在10am, 不算太早, 有時間, 都有15 mins在酒店食番個早餐先... 好彩有食咋, 估唔到今之晏晝冇時間食lunch呢, 慘....

today's breakfast.... 好彩有食, 今日冇時間食晏呀!

第2個meeting是見舊公司, 基本上就是我以前做既角色.... 不過已經不是我認識的舊老細和老外了, 這個BD部門, 大部分人也離開了... anyway, 舊老朋細不在了, 不用作為對家地被她欺壓也可能是件好事吧 lol 在工地逗留了個幾鐘, 好累... 幸好這2天長沙不是很熱呢!
見完呢個客都已經2pm了, 都冇咩時間食lunch, 下一個客是3pm....

4pm見完曬d客, 就跟同事們匯合一起打的去機場~ check in後就先去醫肚, 餓死了! 機場都冇咩選擇, 都係食"玉樓東"啦~ 幸好它的麵都幾好食! 水餃就一般啦, 奶奶整果d好食d既 =p

牛肉麵, 炸醬麵, 三鮮水餃
食店: 玉樓東
地址: 長沙黄花國際機場T2航站B1樓


今次好lucky, 飛機冇delay.... 9pm前已到HK, 比原定時間還早了呢, 感動! 回到家還不到10pm, 還好吧! (但點解長沙呢班機咁夜先飛架 >.<)
明天還要如常的番9am, 好累.... 真係好累... 仲要捱多2日先有假放呀 >.<
海外工幹 | Comments:0 | Trackbacks:0 | 2016/08/31(水)
長沙Biz trip - Day 1
又飛, 又係長沙, 今個月第3次了! 好可怕! 一個月去3次會唔會太頻密?! (雖然2日姐) 今次飛, 主要係為左星期三見舊公司這個客戶... 講真, 我今次真係唔係好想飛.... 星期五先講schedule俾我知, 唉.... 我都係琴日先confirm要去咋.....

今個月第3次去長沙喇... 唉...

今次仲同老細一齊飛, 同事們一行四人, 有車接, 好彩.... 一下車就跟老細去工地見客, 行左成個幾鐘 *0*
今日見完呢個客我已經free了, 其他同事有野做, 我就自己去食個lunch先~ 不想吃湘菜, 獨自去吃好味pasta... 都唔平, 飲埋野要成RMB 93架!

今次點個辣味汴鮮意粉 =p
食店: 簡樂PASTA
地址: 長沙五一廣場7UP購物美學中心L2樓


之後回hotel休息, 哈哈哈! 等埋同事開完會之後, 就3人一起去行下商場...
晚上回市中心dinner, 唔洗再食湘菜, 呵呵呵! 我們去了吃日式燒肉, 正呀! 3個人食都好, 可以order多d野~ 蟹子沙律, 羊架, 牛併盤, 豆腐, 羊腰, 牛舌, 芥末八爪魚.... 羊腰幾特別 >w< 仲飲左3 round asahi啤酒~ 係大陸食燒肉有樣野好, 就係可以用炭爐燒, 真係唔錯! 比電爐更有風味!
我們坐包廂房, min charge rmb150, 第一次order野食時都唔夠架, 係之後追加 + 點多2 round啤酒咋.... 好味! it's today's best moment! kekee!

今晚3個日食燒肉!!

蟹子沙律, 羊架, 牛併盤, 豆腐, 羊腰, 牛舌, 芥末八爪魚

Today's best moment! enjoy!
食店: 牛家酒場
地址: 長沙五一廣場7UP購物美學中心L3樓
海外工幹 | Comments:0 | Trackbacks:0 | 2016/08/30(火)
改行程.......
事緣我咪redeem左明年1/1 wedding anniversary trip直飛日本廣島, 打算去日本山陰山陽地區既,
今日收到marco polo club既電話, 話11月起CX會cut廣島航線, 真係超無奈.....
MP suggest我改飛福岡, 但要成3pm先到福岡, 去到廣島咪成6pm, 我成日唔洗玩啦
諗來諗去, 都係應該改飛關西機場, 凌晨機! 6am到關西, 照舊中午左右到廣島! 這樣時間應該受最少影響吧!
至於回程, 我應該由岡山附近走, 那回廣島或是關西都是差不多的車程和車費, 都冇咩影響既....
只是, 我無啦啦Day 1要俾多程車費, 由關西搭JR去廣島lor! (仲有時間呀! 凌晨機支力架!!!) 無奈...

聽日先得閒打去MP轉, 希望R到佢賠番D mileage俾我! 妖!
生活點滴 | Comments:0 | Trackbacks:0 | 2016/08/29(月)
Our Saturday Meals
過去2個月基本上星期六都有朋友上來house warming, 我相信我屋企而家應該都好hot了~ 哈哈! house warming應該都七七八八了 (雖然還有零星幾個的gathering在9月和10月進行, 有上朋友也是首次上來的)
今個星期終於樂得清閒, 冇朋友上黎了! 哈哈哈! 星期六早上, 仲有時間10點幾煮個早餐呢~ kaka! 腸仔蛋、火腿麵! 好豐富! 真係好賢淑 =p

our late breakfast this morning~

下午他出去工作了一會, 我就自己去了elyze, 黃昏回到家繼續煮飯~ 家中有很多食物儲備!! 只叫他去街市買條䱽魚就成了! 28蚊條新鮮黃立䱽, 好抵! 我都係第一次蒸魚咋, 想蒸好耐, 平日放工邊有時間去街市買魚丫.... 自己整蒸蓉豆豉醬, 再淋上滾油同生蔥就ok~ 平時見阿媽蒸魚蒸得多, easy job啦 =p
另外仲有厚肉帶骨豬扒, 我最like的節瓜咸蛋粉絲湯..... 兩餸一湯冇難度啦! 下次朋友上黎, 一於試下整中菜~ 哈! (其實平日成日煮)

豉汁蒸黃立䱽, 豬扒, 節瓜咸蛋粉絲湯

兩餸一湯冇難度啦!


其實以前未嫁時我都已經好鍾意煮野食, 而家有左自己屋企之後有成大個廚房俾我玩, 真係好開心 =p
私房菜館 | Comments:2 | Trackbacks:0 | 2016/08/27(土)
Dinner with colleagues
一早約了位個舊同事今日dinner, 應該算是派帖的... 但早幾日whatsapp說到有變化... 我們幾個照舊出來dinner, 去了北角街市, 5個人說說工作, 公司的gossip... 又不知飲了幾多啤酒..... 由不high到high, 好易架咋, 況且跟熟絡投契的同事, 有共嗚, 是多麼快樂的事! 謝! 就是"投契"一詞, 太合用了! 在工作上私事上找到"投契"的人, 真係好幸福! 工作上的苦中一點甜! 大家熟到有2個男人話我係"八婆, 但個人唔係mean心地唔係差", "塊面成日好X", haha! 好好笑!
人生真是很多事情都始終不及呢! 聽到都心up.... 不過這絕對是個正確的抉擇, 好勇敢.... so sorry to hear that! hope all goes well...

醉乳鴿, 腎皮, 雞肝....

豉汁蒸鱔, 涼瓜炒牛肉, 椒鹽豆腐, 風沙雞, 荷葉飯

I miss u JM.... 還是跟你們最arm傾!
食店: 東寶小館
地址: 北角渣華道99號渣華道市政大廈2樓


PS* 我想講, 我呢一年發夢見到我親愛既同事好多次! 應該是次數最多!
識飲識食 | Comments:0 | Trackbacks:0 | 2016/08/25(木)
慶功Free Dinner with colleagues
近排我地條team都開始陸陸逐逐地簽到deal了, 歷時漫漫既傾deal過程終於都有收穫了 >w< 今日有manager請食dinner, 說要慰勞一下幫佢手既爪牙wor! 我地當然非常歡迎啦, free dinner wor, 仲有我最喜歡既海鮮wor~ 呵呵呵!
又去了我們去了很多次的金山, 呢度真係抵, 7個人, 埋單才2000零蚊出頭! 我地食埋鮑魚, 蟶子, 奄仔蟹, 桶蠔和蜆wor....
仲飲左好多好多啤酒, 主要都係我同另外2位相熟既同事飲, 飲到好鬼high..... 講野勁大聲, 仲拍枱, 仲為左d勁無聊既野而爭論 (邊人個brand d野好著d, 汗), 其他人以為我地鬧交, 哈哈哈.... 係真係fd先會咁講野咋, 而且, 我地都係講野大聲d姐, 冇惡意架 =p

今日開chamagne, 仲有窩貼鮮蝦小棠菜, 炸大腸, 焗魚腸, 雲英雞

大蟶子, 奄仔蟹, 清蒸鮑魚仔, 豉椒炒蜆, 椒鹽白飯魚, 通菜, 砵酒焗蠔

my dearly colleagues~ love u all!
食店: 金山海鮮酒家
地址: 油麻地吳松街62-68號地下
識飲識食 | Comments:0 | Trackbacks:0 | 2016/08/22(月)
關西一人遊,go go go!
還有4個多月, 要等到1月才可以去下個旅行, 我真係捱唔到呀! 勁心動想自己一個去! 昨天跟他們說到日本, 真係好吸引! 好想去!
心動不如行動....
30歲, Let me do something crazy again this year! 這可能是我最後一次, 無包袱地自己一個出遊了!
關西一人遊,go go go!!!
(機票是換的, 有mileage就是任性 =p 只付了496蚊機場稅而已~ kekee!)


5日關西行程初步構思:
Day 1: 京都 (凌晨機去)
Day 2: 神戶 + 有馬溫泉
Day 3: 姬路 + 城崎溫泉
Day 4: 和歌山?????
Day 5: 京都 (黃昏機走)
在fb說起, 先記得我有個日本朋友住大阪, 哈! 可以搵佢一齊食餐飯吹下水, 都好wor =p
今次個膽應該都係兵庫縣拖京都啦.... 應該會skip大阪既, 除非係day 4晚番大阪啦, 近關西機場d嘛.... 其實我主要想去更鄉下既地方! 我想去秘景d同冷門d既景點!! 有冇好介紹....??? 和歌山 & 姬路其實就冇咩興趣, 不過如果冇其他更好選擇都可以一去既....
生活點滴 | Comments:0 | Trackbacks:0 | 2016/08/21(日)
探B @少萍's home~
昨晚夜訓, 今天一早又要外出了 >.< 好累呀! 今天還要大長征, 入屯門呢!
今天要去屯門, 去少萍家探B, 她的BB女愷楠出世一個月了~ 上次來了我家打邊邊house warming之後, BB就出世了! 還早了2星期呢 *0* 當初我多怕她在我家生呢, HAHA! 結果比預產期早了2星期出世了....
今天跟inrgid, eva woo, eva poon, pinki一起上去~ 一個月的初生BB, 真係特別乖呢, kekee! 大家都有抱BB, eva poon抱得特別攪笑, 將BB抱到四腳朝天的, 哈哈!
想不到朋友堆中, CUS是第一堆行B的朋友, 第一個是Cindy, 第二個是少萍! 而angel的寶寶也快出世了.... 今年尾明年又有不少朋友plan住生仔, 我地真係大個喇! 大家都好快地進入了一個新的階段! 人生太奧妙了!

Hello baby愷楠

say hello to auntie Karen

hello mommy & all aunties~ eva poon真係抱得好攪笑 XD

karen, siuping, ingrid, eva poon, eva woo, pinki


打擾了少萍3個鐘左右, 我們就先行告退了.... 我們幾個去了食tea, 成日都冇食過野呀, 好餓! 去了萬芳冰室, 懷舊feel的茶餐廳... 我食左炸雞脾同紅豆冰呀, 超大隻雞脾! 好罪惡! 今晚唔洗dinner了!!

萬芳冰室, 懷舊feel

我食生炸雞脾和紅豆冰! 隻雞脾勁大隻呀!
食店: 萬芳冰室
地址: 屯門新墟屯門鄉事會路
生活點滴 | Comments:0 | Trackbacks:0 | 2016/08/21(日)
打邊爐with his兄弟
中午又去了街市買餸, 我一個人拎住勁多野lor! 仲要行行下落大雨, 好無奈呀.... 回到家仲要準備處理食物! 好累!
晚上他的兄弟們上來打邊爐, 今次人不多, 就3個男人上來, 薯仔, beckate & billy.... total 5個人~ 不過我都準備了很豐富的食物, 都買左好多海鮮架! 花甲、蝦、鱔、鮑魚仔、日本蠔..... 正呀! 好開心可以打邊爐, 等左好耐了 >w< 不過食物實在太多了, 看來我們又要用一個星期來吃掉那些食物了! 汗!

今晚唔記得影相, 得呢張食物相! 汗!

是晚有李宗偉大戰諶龍, 李宗偉輸左真係令人好心痛呢 >.<
晚上跟他們說起日本, 真係好正好正, 好想去呀!! 令我對一人之旅更是心動想去呢!
明明只打算飲啤酒, 最後又開左2, 3支白酒, 汗! 飲到好鬼high呀.... 講野講得太大聲, 喉嚨都唔太舒服呢 >.<
新居派對 | Comments:0 | Trackbacks:0 | 2016/08/20(土)
My Le Creuset
話說之前好想買個鑄鐵鍋, 因為好想整無水蒸海鮮! 其實我對Le Cresuet沒有什麼fancy, 我也有想過買stuab架! 不過之前見LC HK online shop 50% off, 仲有free delivery, 雖然唔夠外國平, 不過都唔係好貴丫, 就這樣... 買了!
鍋的話我一早心想是買26 or 24cm.... 咁先夠我用架嘛! 沒有特別色, 就選了紅色, 也不錯! 另外仲買左3件accessories! 分別是個oval形的焗盤 (24cm, 200幾蚊, 抵啦!), silicon Spoon (百幾蚊姐, 好方便煮野), 仲有個powder pink既bowl...

LC既包裝又真係幾令既

買左4個items: 26cm既french oven, 24cm oval dish, silicon spoon, powder pink bowl
私房菜館 | Comments:0 | Trackbacks:0 | 2016/08/20(土)