FC2ブログ
Daisypath Anniversary tickers
又去探B喇~
琴晚差不多通宵, 雖然冇hangover不過訓得唔好, 8am左右就醒左, 斷斷續續地訓到12pm... 都好似訓得唔夠咁....
黃昏時份跟朋友A去了朋友T家探BB女, 朋友T住得我好近, 好方便 =P 我都已經到了這個一年探幾次朋友B既年紀了, 哈哈.... BB女focus才3個月大咋... 又是飲人奶的B, 人奶媽媽真辛苦, 不過朋友T都好快上曬手, 湊落好輕鬆又好熟練, 湊慣小朋友既真係唔同D.... 如果係我, 我到時一定"呢咁hea", 哈哈!

Hello baby Foucs!

已經到了這個一年探幾次朋友B既年紀了....

給BB既見面禮

終於抱到BB, 不過佢都係係度喊同訓....


dinner又要朋友T出手, 佢呢D先係煮食達人呀! 手勢好好! 輕輕鬆鬆就煮到... 真係個煮婦能力! 我都好想可以咁入得廚房呀!! 我都要努力d! 是日晚餐有慢煮豉油雞, 蕃茄海鮮鍋和娃娃菜.....~ 隻雞勁滑又入味, slow cook真係唔同d! 我都想買番支slow cook果部既呀!! 仲有個蕃茄海鮮鍋, 有蝦, 蜆, 蟶子同粉絲! 咩調味同水都唔洗落, 就咁一鑊熟就得, 個湯勁真係好吸引!! 勁易、又睇得又食得! 正! 攪到我都鑄鐵鍋呀!!! 鎖水一流!! Staub或Le Creuset當然都是選擇啦!!! 基本上我都打算買架喇, 只係諗下係邊度買最抵 =p 希望唔洗等到去日本買啦~
辛苦曬朋友T, 多謝你熱情既招待.... 下次去我家試下我D手勢啦~ kaka!!

用Staub煲煮既蕃茄海鮮鍋, 好正! 好睇又好食!

慢煮豉油雞 (超嫩, 好好食! 我都好想買番個慢煮器呀!), 菜... 今晚飲梅酒!

真心好好食! 勁!

仲有飯後果! 菠蘿雪芭
生活點滴 | Comments:0 | Trackbacks:0 | 2016/07/31(日)
Our 7th House Warming with my Girls~
成個月前已經約了幾個女人今天聚會, 原來係諗住出去dinner的, 但大家一直都未有idea, 昨天嘗試book過一定餐廳不過full了, 之後也不了了之, 但我說提議說一起上來我家hea食吧 (也是昨晚才suggest的), 一係打邊爐一係買外賣 (其實我好想打邊爐)... 因為事出突然所以我也沒準備什麼菜式, 只是order了壽司, 又買左d即食既食物...

小嘉和小透6pm左右到, 先參觀了一下我家, 大家吹下水.... anmary和ketu 7pm左右到, 我就去準備埋d食物.... 老公今天都係7點幾先番, 幫手拎壽司, thanks so much! 除了sushi, 買的還有手撕雞、小龍蝦沙律、炸物.... 而我煮的就有馬鈴薯燉肉, 鯪魚肉豆卜, 牛柳粒.... 還有他媽媽包的餃子.... 6個人, 今次食物份量唔算多, 都叫清曬! 唔洗我同ben未來一個星期繼續食 XD

沙律, 壽司, 馬鈴薯燉肉, 手包餃子

牛柳粒, 手撕雞, 鯪魚肉豆卜

今次食物份量都算預得唔錯!

KETU, 小透, 小嘉, Anmary, 小豬~

自拍一張, 加埋我老公....


一班女人聚在一起當然是說男人啦~ ben也有加入意見, 幾好笑! 可惜做唔到野, 冇貨介紹唔到, 哼哼! 我們說起了他的兄弟, 我一直覺得人地都係好仔, 所以唔應該"害人", 哈哈 XD 他為自己的兄弟辯護真係好好笑 XD
之後移師了去sofa繼續吹水, ben自動自覺的去了洗碗, 我老公真係好 >w< (男人同小朋友都唔讚得 lol) anamry還有下場, 小嘉不太舒服, 她們11pm就先行離開了.... 臨走前一人一張polariod~ 有人揸機真好 =p anmary話要一個月上黎一次, 我真係嚇親 XD

臨走前一人一張polariod, 有人揸機真好! =p

多謝ketu在沖繩買俾我既泡盛~ 又有特別酒儲了!


跟ketu & 小透一直吹水到5pm... 說男人, 說香港, 說將來, 說工作, 說金錢..... 雖然飲了4支酒, 不過因為話題認真, 大定也大發偉論, 所以我也是一點醉意也沒有! 哈哈! 不過真的眼訓了 XD
新居派對 | Comments:0 | Trackbacks:0 | 2016/07/30(土)
<寒戰2> (Cold War 2)

導演: 梁樂民, 陸劍青
演員: 郭富城, 梁家輝, 彭于晏, 楊采妮, 李治廷

勇奪2012年香港華語電影票房冠軍、橫掃金像獎9項大獎 ─《寒戰》,今年暑假載譽歸來! 原班人馬以超過3年時間打磨劇本,今次更獲得超級巨星周潤發加盟,配上劇力萬鈞的情節,誓將掀起另一熱潮。上集《寒戰》謎團重重,香港面臨空前危機,警隊每個人都可能是內鬼,而《寒戰2》將會直擊謎底,揭露幕後黑手。郭富城、梁家輝、周潤發三大影帝演技交鋒,戲焰逼人;加上楊采妮、文詠珊等氣質女演員,還有彭于晏、李治廷,楊祐寧等新生代型男隆重加盟,超班陣容為《寒戰2》打造香港最強戲勢。今年7月8日,《寒戰2》強戰回歸!


寒戰1不是在戲院看的, 所以印象都唔係太深... 不過記得上次的"戰場"都只是focus在警隊.... 而今次的舞台拉得更遠, 成個HK政府啊! 真係好陰謀論, 好politics.... 但其實又真係好寫實.... 好似現在的HK..... 造王者, 都幾sad呢.... 如今的香港警隊, 的確令人很失望呢!
發哥同梁家輝的演技真係冇得彈, 很有戲, 而郭富城明顯唔係果皮, 爭好遠! 成日係度chok =_=||| 連彭于晏都比他好呢!
劇集電影 | Comments:0 | Trackbacks:0 | 2016/07/29(金)
Lunch食得招積, 去紅磡!
同事T有車, 之前lunch去過深水步吃豬潤麵, 今日有可以有個long lunch, 就一起去了紅磡吃時新漢堡包! 仲可以順便捉下pokemon呢! hahaha!
好耐冇去過紅磡, 以前番工時成日係度食平野, 雖然唔係懷念, 但都係一個好好既經驗丫 =p
黎時新, 識食梗係要食雙層芝士蛋漢堡啦! 好耐冇食過lu, 仲有炸脾同薯條! 好懷舊! 香港style既食店係應該多多保留既!
lunch完, 快樂左個幾鐘, 下午番公司捱埋果半日啦~

久違了的時新快餐店

識食梗係要食雙層芝士蛋漢堡啦! 仲有炸脾同薯條
識飲識食 | Comments:0 | Trackbacks:0 | 2016/07/29(金)
Free Lunch @ China Tang
今日VP請食lunch, 去了唐人館, HC新開的, 第一次去~ 有free lunch食貴野wor, 梗係開心啦! 今次2 team人一齊食, 成3圍.... 隔黎team走左唔少人, 穩定下軍心, 請食飯都好正常既.... 好彩我地team都算有先天優勢, 都叫易d.... 而家個市唔好, 做leasing都真係唔易! 而且開場前真係好辛苦! 不過再忍下啦, 忍多一年咋!
說回食物, d點心都真係好食wor! 先來一個燉湯, 很濃很正! 還有那個蟹肉餃, 啖啖蟹肉好正! 最後那個芋蓉燉奶很impressive! 芋蓉很綿密呢! perfect ending! kekee!

唐人館private room!

食物好吃呀! 尤其是燉湯, 蟹肉餃, 芋蓉燉奶
食店: 唐人館
地址: 尖沙咀廣東道17號海港城港威商場4樓4101號舖


下午又要開team meeting, 有同事明天生日, 所以要切蛋糕! 而家我地條team加埋d秘書s有成17人, 真係好多呢!! (唔計老細13個leasing staff) 8月又會多來一個leasing staff.... 想當初最少人時, 唔計老細我地得4個leasing staff咋! 如今雖然人多了, 但說真的, schedule tight了, 也沒輕鬆多少....

難得full team齊人!
識飲識食 | Comments:0 | Trackbacks:0 | 2016/07/28(木)
Pokemon GO!
全城熱話, 我都等左好耐~ HK版pokemon終於出爐~ kaka! 今天都只是在家附近玩, 都收伏左廿款小精靈丫~ 唔錯~ 有其中2隻都進化左了~ 哈哈! 追得最多的是波音蝠呢 =p 收藏中最鍾意既係粉紅色既波波球! kekee!
第一隻收伏的是小火龍, 一開始亂click的.... 好後悔, 早知唔好咁心急, 一開始hea多陣等pikachu出場啦 >.< 都唔知要搵幾耐先搵到佢lu....

最開心係捉到粉紅色既波波球

一日內被收伏既小精靈
電動電玩 | Comments:0 | Trackbacks:0 | 2016/07/25(月)
山長水遠入Car Lai新居House Warming~
一早約了shirley今天一起去carman新居參觀.... 琴晚6am先訓, 好hangover好辛苦 >.< 幸好今天下午先跟shirley一起在奧運出發, 都有番少少精力, 不過都仲係好累呀, 今天狀態的確很麻麻 >.<
carman新居在康城, 嘩, 大鄉里既我都係第一次去! 哈哈!! 雖然由我們家去康城都只係一個鐘, 不過感覺真係好遠! 轉左好多次車呢 *0* 幸好carman住的那橦樓勁近MTR呢!

一上到去, 當然立即參觀啦! 一開始我們還說個廳不算太大, 之後一開房門, 我同shirley都立即"嘩"一聲! 3房單位真係勁大呀!! 700呎實用真係好吸引! 真係好羨慕呀!!! (雖然我真係唔會考慮住咁遠 lol) 我地都要為換三房而努力呀!! (雖然點都要5年後了吧 =p) 早2日shirley上我家時, 我地仲係度研究第時點放BB床點拆書房 lol

3房單位真係好大!

dinner我們點外賣, 等左個鐘先有得食... 汗! 不過我今日狀態真係唔好, 都冇咩胃口.... 3個人妻, 仲有d咩講丫, 都係講老公、新居同埋生仔!!! 夠喇... 呢幾日都講生仔, 同埋今年真係好多朋友都開始有B, 感覺真係好近lu =_=||| 不過我既目標都好清晰, 2017年尾先會諗先會考慮! 一黎我仲好爛玩、二黎我事業上都有追求! 俾左2年我啦~ 年齡既野, 冇得驚亦放棄唔到 lol

salmon salad, baked potato skin, Hawaiian pizza, pasta

今日冇飲酒... 冇電....

shirley, carman & karen~


一早已經打算搭的士回家!! 雖然一小時不算遠, 不過實在不想轉幾次車才回到家! 加上有shirley一齊share的士錢嘛~ so正! kekee!!
$120由日出康城回到家, 2個人share, very ok la~ kekee!!
生活點滴 | Comments:0 | Trackbacks:0 | 2016/07/24(日)
Our 6th House Warming with his兄弟~
繼續星期六的house warming, 今次終於唔係我d friend, 而係老公d兄弟, 有d仲帶埋bb、老婆同女朋友黎... 最後有成9個大人+ 1個BB!! 都唔少人呀!
我一早就去MK街市買定D野, 又order曬野d生冷野.... 等到晚上d人黎時都攪掂好曬了~ d人黎到先開蠔, 雖然得10幾隻, 不過都開左好耐, 汗! 他們還買了很多零食生果上黎, 係勁多.... 汗!
今次我又試下整新野: 炆左2個鐘既韓式牛肋條、白汁雞皇、芫茜凍鮑魚.... 不錯不錯! 下次再house warming都唔知整咩好 XD
食飯前, 相機食先 =P 飲酒的人不多, 得4, 5個.... 其實我都係同呢d兄弟見過幾次面, 都係到big day果d先記得曬人地d名, 真係失禮曬 XD

雞軟骨, 生蠔, 白汁雞皇, 拍青瓜, 芫茜凍鮑魚, 韓式牛肋條

仲有荔枝煎鴨胸, ham, pasta......

真係幾多野食... 大家唔洗擔心, 上親黎既我都一定唔會餓親你

阿寶, bb, 阿寶老婆, 薯仔, 肥蔡, joe, ben, winnie, beckate, karen

cheers....


食完飯, 班男人係度同BB玩, 好攪笑.... 我一向男性朋友都唔算多 (大學後出黎做野已經好好), 更加少一大班男仔出黎, 真係好少見D 30歲既男人會同BB咁玩, 真係好攪笑 XD 我作為一個女人, 對BB都只係"玩2下"的, HAHA!
今晚仲當場派埋D "thank you for being my groomsmen" postcards比d兄弟! 真係好sweet! haha!! 果晚辛苦曬大家喇 =p

好受歡迎既BB.... 男人都鍾意同BB玩!?

強行親吻 XD

過門都係客.... 幫手洗碗真係唔好意思!


有bb既11點幾就走人, 之後淨番薯仔同joe這2個飲酒人士.... 留到度晨6點 *0* 不斷吹水 (主要係我同佢地吹, 唔係我老公lor).... 盡訴心中情... 好好笑! 講左好多次咩佢地識左十幾年, 雖然男人老狗講呢d肉麻野聽到我覺得好好笑, 不過又真係好sweet既.... 仲有星座, 日劇, 理想, 人生嚮往, 生仔, speed dating, Mr. Children..... joe話同我相逢恨晚wor!! hahaha! 因為我可以同佢講到佢最鍾意既orange days日劇 XD 呢套我都有d拋諸左腦後lu, 明明當年睇完覺得好正, 好憧憬大學既生活 (2004年既, 我仲係中學) 是生活把我當初的悸動都沖淡了嗎?
雖然我都醉醉地, 有d野講左都唔記得 XD 大家下次再黎過啦~ 下次黎打邊爐應該都唔錯 =P

西瓜做宵夜....

好orange days lol

盡訴心中情地9 up.... 相逢恨晚 XD
新居派對 | Comments:0 | Trackbacks:0 | 2016/07/23(土)
lemon-flavoured Tiger Radler
上星期係fb見tiger beer出左隻新既檸檬味, 仲話會係hk做roadshow俾市民免費試飲, 我仲係度諗會唔會tst有得試飲呢~ 點知lunch時真係見到tiger在海防道擺booth呢! 哈哈!
剛好lunch我們就去了ashley road, lunch前lunch後都拎左杯黎飲~ 哈哈!! 不過得2% alcohol.... 冇料到, 似lemonade多d wor!
生活點滴 | Comments:0 | Trackbacks:0 | 2016/07/21(木)
early causal dinner
又是馬拉松式的team meeting, 好累! 7點收到, 回到家7:30pm.... 今晚叫了shirley上我家dinner~ 3個餸, 煮左三個餸就食得, 都算好快手啦~ 之後我仲要自己洗碗, 真係好服務!
dinner完睇電視, 真係relax.... 朋友住得近真係太開心 =p 話題繼續環繞工作, 二人生活, 生仔! how can u imagine me to be a mom!???? 諗起都驚呀!!!

咸蛋蒸肉餅, 煎釀三寶, 娃娃菜~

shirley & karen!
新居派對 | Comments:0 | Trackbacks:0 | 2016/07/20(水)