Daisypath Anniversary tickers
加人工
年中爭取唔到再次升職, 爭取到salary review都係好事黎既.... 今日收到HR的信了, 加少少, 好過冇啦!
本來都唔expect既野, 真係冇得貪心..... 希望年尾真係可以升到, 同埋唔好咁多人一齊升啦!
我認! 我係想又要名又要利架喇! (即係咁講姐, 我都仲係個低層員工SO仔黎咋! 30歲人, 想做個AM唔係叫咩有野心啦下嘛)
生活點滴 | Comments:0 | Trackbacks:0 | 2016/06/28(火)
住近娘家的好處
新居和我的娘家很近 (跟他家也很近), 都是walking distance... 真係很有好處呢!

1. 上星期一下機, 立即打的回娘家先放低曬d污糟衫俾工人洗... 之後先行番自己屋企...
2. 剛巧早上媽媽在家, 她叫我拿成煲老火湯回家飲... 仲俾左唔少凍肉如牛扒、豚肉我放在雪櫃
3. 星期天回家dinner又是超方便, 順便又拿了一機衫回去洗、再把旅行時洗乾淨的衫拿回自己家
4. 媽媽又幫我買左唔少蔬菜果瓜和雞蛋俾我地放入雪櫃慢慢食

總結: 慳時間又慳錢~ kaka!!

PS* 我地平時有自己洗衫架, 只係番開娘家, 順個便姐 =P
生活點滴 | Comments:0 | Trackbacks:0 | 2016/06/27(月)
Our 1st House Warming gathering~
從歐洲回來之後, 未來一個月都會是我們house warming的gatherings了~ kaka! 打頭陣的是sally kwan & loretta~ 大家也攜眷出席! 順道也要謝謝victor上次在澳門那麼熱情的招待!

大家傍晚才上來, 不過我和ben二人在1pm左右就開始準備了! 先是1pm ocean three送貨來~ 之後我就準備定食物了! 焗雞、pasta、馬鈴薯燉肉..... 忙到黃昏左右大家都上到來了! 第一次有幾位朋友一起上來, 原來我們家都不算細呀! 6個人gathering都叫armarm好, kaka!! 張餐桌椅係去旅行前終於到, 本來買左2張椅的, 但最後竟然送左4張黎 *0* 我地琴日仲特登買左2張摺櫈呢! haha!
我們張bar枱有人稱讚, 我都好like呢張bar枱+ d吊杯呢! kekee! open kitchen也是非常好的選擇! 間屋感覺闊落大好多呢!!
7pm就食野先, 大家都餓了~ sally說要吃生蠔, 說她和victor每人要6隻, 所以我才order了2打 (老公話下次招呼朋友唔好再order生蠔, 佢開左2打蠔開到手都痺 XD)... 點知太多食唔曬... 最後仲有7隻, 我們用了蒜蓉來焗, 好食wor!! (梗係好食, 生蠔黎架 lol) 其他美食仲有三文魚刺身、赤貝刺身、生蝦、翡翠螺、涼菜等等~~ 大家都有讚口不絕呢!

2打生蠔! 辛苦了魏生!

生蝦、焗雞、馬鈴薯燉肉、翡翠螺、赤貝刺身、蕃茄甘筍萵筍涼伴

big feast!

食前自拍先~~ karen, loretta, kenny, victor, sally & ben~

kenny, loretta, sally k, victor, karen & ben~ thanks all for coming!


真係食到好飽好飽! 時間尚早, 我們還在一起睇波, kaka~ 我地3個女人仲落左樓下快手地買左d零食呢! 哈哈! 有男有女的gathering真不錯~ 因為男人有時真係好有用 XD 要多d攪呢!
謝謝大家的house warming gift~ 有2支champagne呢~ kaka!! 下次house warming gathering with friend可以飲 =p (雖然我們的house warming gatherings應該會收到好多酒 lol)
大家離開後還要洗碗 (係我洗! 因為魏生要睇波同做功課!)~ 招呼朋友上來真係好花錢和體力呢! haha!! 不過好客的我, 又唔係好介意既~~ i just simply like gatherings =p

今天收到的2支champagne~

家中酒的存貨 =p 有d唔捨得開住, 有d就要等對的人先飲得!

大爺睇波,本小姐洗碗


7月還有很多house warming gatherings!!! 下次我決定打邊邊! kekee!!
新居派對 | Comments:0 | Trackbacks:0 | 2016/06/25(土)
加人工?
話知昨天知道7月1日升唔到職, 今天又收到第一手消息說都有得加人工, 不過加薪幅度都係得好少, 應該是每年的salary review的range.... 唉.... 點都好過冇啦.... 希望係真的, 不想再盼望... 有期待只會失望而已....
生活點滴 | Comments:0 | Trackbacks:0 | 2016/06/24(金)
back to office....
番HK唔係問題, 番工先係大問題....
好好彩, 老細今日同聽日都唔係度, 都叫做可以放空一下...

之前feel到老細今年中想升我職 (都係呢一個月先feel到), 雖然老細冇講明俾我知但我feel到估估下.... 不過今日小道消息收到風, 老細和VP批左, 但最後HR唔批.... 大公司真係好多制度! 唉.... 失望呢... 雖然我1/1才升完是有點快再升、且今年市道不佳, 但人有了expectation後就一定會失望.... 都做左咁多年野啦, 又減過title, 我又不比其他AM做得差, 我都想要番個AM title, 但更想要的是加人工呀.... 唉.... 又要再等半年了嗎!?
生活點滴 | Comments:2 | Trackbacks:0 | 2016/06/23(木)
♥ Back from Greece & Switzerland Honeymoon Trip ♥
為了等合適的季節, 結婚了5個月才去的honeymoon part 2~ 轉眼15日希臘瑞士之旅這麼快就完結了! 15日的旅程算是挺充裕, 真正可以放下香港的煩憂, 走時也感到滿足很圓滿無憾了!! (平時去日本7日果D真係唔夠喉, 反而5日蘇梅島hea trip又ok因為真係可以relax) 15日中, 基本上想去的想見的也完成了90%... 當然都有d野完成唔到, 不過我已經很好運, 亦心滿意足覺得很美滿了!

十多年來, 希臘都是my dream place for honeymoon! 自小喜歡希臘神話, 去到神話的地源地Athens感覺真係好有歷史感, 雅典真係充滿著很神秘的色彩; Santorini白色藍頂小屋一直都是我嚮往見到的, 現場見到那些像一粒粒骰子沿海而建的房子真的很美, 沒令人失望! 還有Mykonos的迷宮亦很特別! 希臘燦爛的陽光和熱情的人總是令人很high呢! thank you my hubby for making my dream comes true!


瑞士也是另一個我多年來很想踏足的地方! 所以特意把它留在honeymoon trip時才去! 雖然在瑞士8天幾乎天天也有下雨, 但我們亦很好運的, 在上鐡力士山、少女峰、馬特洪峰時都有藍天白雲! 能見度亦很不錯! 山上山下的天氣變化實在太大了! 山下晴朗山上亦有機會多雲白茫茫一片呢! 雖然在北海道和日本中部也曾見過亦上過雪山, 不過瑞士的雪山真係正好多, 畢竟綿延不斷的阿爾卑斯山脈真係好壯觀!! 相機完全拍不出那種宏偉感! 被那超廣闊的雪山360度包圍著, 你會感覺到人有幾渺小, D所謂惱真係無謂至極! 我亦忘不了登山時見到破雲而出的馬特洪峰那份震撼和感動!!
一直也很想在瑞士山區健行, 雪山、綠油油的草地、傳統木屋、羊羊..... 這些元素整合在一起才是我心目中最美的瑞士呢! 很幸運地, 在臨走前一走大放晴, 如願以償地來個五湖健行! 雖然辛苦不過一切都是值得的! 瑞士真係靚到癲呀了!


手信方面, 買的都是擺設和食物! 入了新居, 更是很有目標地買旅行的擺設呢! 但今次拎得最多回HK的是酒!! 除了hotel送的幾支wine和瑞士啤酒外, 我亦買了當地特別既酒, 如Santonrini Vinsanto甜酒、Greece ouzo、Swiss朱古力酒、Swiss Kirsch... 都是烈酒!! 放在家, 飲得又睇得! (PS* 瑞士的物價真係特別貴)

已是第4次去歐洲了, 這十年來走遍了歐洲十三個國家幾十個城市, 說真的, 歐洲很多地方都有點像, 看多了那些什麼教堂什麼皇宮什麼建築真的會麻木和審美疲勞! 但希臘和瑞士這2個國家都是很獨特的, 跟我之前去過的完全不同, 實在帶給我們很大的震撼! 我亦很慶幸這次honeymoon trip將這2個完全不同、又跟之前去過的歐洲地方完全不同的2個國家安排在一次trip這樣去~ 這樣更令我每天都期待呢 (像東歐雖然美, 但看那些建築連續十四日也會悶呢) 希臘和瑞士亦成為了其中兩個我最愛的地方!

連續3年都去了一趟歐洲! 下次歐洲的目標會是北歐、法國南部或意大利南部..... 不過目前還未有任何plan去歐洲! 因為明年的long haul我想抖抖去非歐洲地方如New Zealand呢, 哈哈 (如果可以的話)... 除非明年要去英國一轉陪老公MBA畢業啦 =p

人生唯一一次honeymoon trip終於完成了! 又完成了一個大project~ 仍在回味中! 今年還有一個已confirm的trip, 就是年尾去日本山陰山陽跨年慶祝our 1st wedding anniversary! 也是很期待呢~ 畢竟屆時已有2年沒去日本了 =p 人生有事情可以期待實在太充滿希望呢 =)
甜蜜糖月 | Comments:4 | Trackbacks:0 | 2016/06/22(水)
希臘瑞士Honeymoon蜜月之旅 - DAY 15
honeymoon最後一天了, 今天中午機就回HK了, 之前諗過一早都要去Zurich補景點, 不過昨晚太夜回來太累了, 所以訓到8:30am先起身, 起身身體有點酸痛呢.... 昨天行得太多路了吧....
10am出發去機場, 諗住早少少去機場睇下有冇機會最後衝刺, 係機場買番隻名錶啦, 可惜原來zurich機場咩都冇, 冇咩branded野, 好無奈.... 只係最後買左唔少chocolate & alcohol, 最後買左成150 CHF! haha! 好少係機場買咁多野呢...
CX的baggage allowance只有23kg (真係好少lor), 我們的luggage分別有成25kg & 26kg, 好彩冇事咋!

1:30pm的飛機, 準時起飛, byebye了switzerland! 這兒真是個現代塵世美的好地方! i will be back! 好圓滿的honeymoon! 希臘和瑞士都是dream place呢! 好開心一次過黎曬呢2個地方! 真係一個好好既旅程, 應該係我這30年來其中一個best trip! 多謝老公!
直航回HK只需12.5小時, 不太難過.... 近幾年都有飛長途機, 感覺已經習慣了, 完全沒有不適呢!

一早起身就,要出發去機場了....

byebye Switzerland

12.5小時直航回hk....


回到HK已是翌日的6:35am, 好少可咁早回到HK.... 有HK機場等了很久才等到行李! HK機場真的太慢了! 歐洲都比HK快好多呢!
直接打的回娘家, 把衣物全部放到娘家洗, 好爽! 之後再回我們的新居.... 其實都幾支力, 不過避免jetlag都係唔訓啦.... 訓下行李、手信..... 今次行程買左好多souvneir, 也買了很多酒, hahaha!!!
15天honeymoon之旅就這樣結束了.... 一切都很圓滿, 真係好正! 希望好快就可以再來歐洲旅行啦! 經過呢幾年, 我覺得我都係鍾意睇自然風景多過人文景觀呢!!

今次honeymoon買得最多的是酒! haha!!
甜蜜糖月 | Comments:0 | Trackbacks:0 | 2016/06/21(火)
希臘瑞士Honeymoon蜜月之旅 - DAY 14
今天是留在Zermatt最後一天了, 知道會有好天氣, 所以我地都一早6:30am就起物了, 先check out放下行李.... 吃完早餐就立即出發了!
今日天氣真係好好呢! 天勁藍! 人都開心d~ 在路上又見到一群黑面羊呢, 真係好得意呀!

breakfast time~

黑面羊close up, 真係好cute呢!


趁著好天氣, 立即又去搭覽車上山睇美景了! 這次我們打算上Matterhorn Glacier Paradise~ 今天天氣特好, 在等覽車的時候, 我們已經可以見到很完整的馬特洪峰! 是這樣多天以來見到最漂亮最沒遮擋的呢!!
我們乘最早的一班覽車, 8:30am的cable car上去觀景台, 我仲見到有指示牌話可以在山上滑雪去意大利的呢! 歐洲真係好鬼正!
我地搭纜車, 由Zermatt上Furi, Trockener Steg轉車, 景色真係好令呢! 仲令過係Mt. Titlis上山果次~ 天氣太好了, d景好sharp呢! 越上越高, 也見到更多雪地雪山呢, 我地仲見到一群瑞士的山羊呢! so surprised!

今日天氣勁好! 個天好令!

排隊等纜車時已經見到matterhorn的山頂呢!! 正呀!

等纜車... 指示話可以去意大利架! haha!

搭CABLE CAR上山了~

個景真係好令呀! 仲見到呢山羊呢!

上得高D, 就見到雪山了~ 真係好鬼正!

要轉大纜車先上到Matterhorn Glacier Paradise呢!


上到雪山一片白, 再次提醒, 真係一定要戴黑超呀! 標高3883公尺的Matterhorn Glacier Paradise終年積雪, 所以這兒盛夏也有長達20公里的滑雪道, 唔怪得D人可以滑去意大利啦, 真牛! Haha!
Matterhorn Glacier Paradise座落在小馬特洪峰 (Klein Matterhorn)的山頭, 不但是距離馬特洪峰最近的觀景台 (所以這兒望馬特洪峰是小小的), 也擁有全歐洲最高的高空纜車站呢~ 要觀馬特洪峰最佳時間的話是在早上呢, 這時候的空氣比較乾爽 , 能見度高, 山頂也沒有積雲~ 我們還能看到歐洲第一高峰 - 白朗峰Mont Blanc呢!!
不過其實個觀景台不是很大的, 我們也沒有逗留很久 =p 不過看了這360度的雪山景, 你真係可以感受到自己有幾渺小, 平時既煩惱簡直無謂至極! 你會覺得呢度同你平時上班下班係完全兩個唔同既世界.....

Matterhorn Glacier Paradise

見到一大片山脈

還能遠遠地看到歐洲第一高峰 - 白朗峰Mont Blanc

觀景台上有個十字架

叫遊人幫我們拍了不少合照~ kekee!

不同的角度看馬特洪峰

他又做出各種各樣的奇怪動作

係山頂飲啤酒, 哈哈哈! 啤酒是在hotel拎的!

今日真係好好天

真係好壯觀!

唔捨得走...

這是用來測風向的吧....

看起來小小的馬特洪峰


因為還想把握時間去其他地方, 所以也就沒在觀景台留了太多時間就走lu.... 11am左右閃人, 下山時見到的景色仍然漂亮!

等纜車落番山....

byebye小馬特洪峰

搭番纜車落山lu~

景色仍然很優美! 還見到一大片小黃花海!

落番Zermatt, 看馬特洪峰的山頂仍沒有雲呢!


時間尚早, 我們決定要來個健行之旅! 來瑞士健行是我這個trip的最大心願呀! 本來想去近近地, Furi附近的黑湖, 不過頭先在纜車上見過個湖不大, 所以還是決定去更困難的路線, 而又最具人氣的5-Seenweg五湖健行~ 於是我們又搭番琴日的sunnegga纜車上sunnegga~ 只係隔左一日姐, sunnegga今日既景色令左超多呀! 琴日白茫茫一影, 今日好sharp既藍天雪山, 好天氣真係好重要呢!!

再次搭纜車上sunnegga!


OMG! 同一個地方, 個景同琴日完全唔同

真係好令呢! 天清氣朗! 個景好令呢!


在Sunnegga再轉空中纜車, 只需5分鐘就可以上到Blauherd了~ 琴日天氣唔好, 我地都冇花錢再上黎.... 一出站, 嘩, 景色真係好令呢! 天清氣朗, 真是旅行最重要的元素呢! 有時天氣好, 個天都未必清架嘛, 而且仲有雲.... 今天天氣真係perfect, 行山一流呀!
在Blauherd站外面不斷拍照, 也遇到了HK人, 一家四口來行山真開心! 那爸爸幫我們拍了很多好照片呢, 包括The Best photo of this trip! 又雪山又綠色的草真係好正!

再轉纜車上Blauherd, 見到琴日果個Leisee...

痴線的, 個景會唔會太令!!!!!! 真係好感動!

Best photo of this trip! 超喜歡! 人的動作, 背景和成個畫面既顏色都好令呢!

好令好令~

未出發行山時, 已經見到有很多指示牌


Sunnegga至Blauherd間有許多條有趣的健行路線, 我們選了的是5-Seenweg五湖健行, 因為我很想見見馬特洪峰在湖面的倒影呢 =p
因為沿路景色太令, 我們用了很多很多時間拍照! 平時在HK, 每次行山我也會找些景觀好的路線, 係瑞士山區既行山路線實在太令了! 簡直冇得輸呢! 令到癲呀!

我們的5-Seenweg五湖健行路線

我們行山時就是見到這樣的美景!

一開始路是平的, 不過也有小石....

之後也有一些難行一點的路....


我們約在1pm開始行吧, 由Blauherd向下步行約20分鐘就可以到達第一個湖 - Stellisee了! 這個湖也是五湖中最有名最多人來的一個, 因為這兒可以拍到馬特洪峰在湖面的倒影呢! 是攝影愛好者最愛的角度, 也是很多postcard所出現的畫面呢... 不過我們來到湖時, 有一點風, 湖面不夠平靜, 所以看不到倒影呢... 有點小可惜! 幸好眼前的風景夠吸引, 所以我們也沒覺得有什麼遺憾 =p

這是第一個湖Stellisee

的確是可以拍到雪山的倒影呢.....

不過我們來到時有風, 拍不到馬特洪峰的倒影, 有點小可惜....

雪山和湖的景色真係一絕!


自己set機拍照, haha!

有拍到一點點倒影的哦, 很美!


除了OMG之外真係令到唔知講咩好.....


沿路既景色真係超令! 三十年黎都未見過! 真係覺得好正好正! 我們花了很多時間拍照才去到第2個湖, 導致了之後有驚險的事情發生呢!

在這樣的山間hiking, 太牛了吧!

真係好屈機!

hello Mt Matterhorn! love u so so so much!


影左好多相, 唔捨得行.....

沿路既景色真係超令! 幾十年黎都未見過!


花了不少時間才來到第2個湖 - Grindijisee~ 這個湖雖然不大, 不過我們卻在此見到了馬特洪峰的倒影呢! 雖然個倒影冇之前個Stellisee拍到的咁大, 不過同樣漂亮吸引呢! 加埋湖前一排排的樹, 風景如畫呢! 原來除左草之外, 湖和樹也是雪山的絕配呢! 隨便拍一拍也拍到了超美的postcard景色! 真係好感動! 在這兒也逗留了蠻長時間, 唔捨得走呀!

第二個湖 - Grindijisee

雪山和樹的倒影, 超令!

終於見識到馬特洪峰的倒影呢

真係好令.....

set機自己拍的 =p

馬特洪峰配上樹又是另一個感覺!

原來除左草之外, 湖和樹也是雪山的絕配呢

隨便拍一拍也拍到了超美的景色


之後再去第三個湖 - Grunsee, 這是最不吸引的一個湖, 湖很小, 沒什麼特別的, 好像普通的一潭水 XD 我們都是隨便拍拍照就走了.....

繼續上路找第三個湖

第三個湖 - Grunsee

這是最不吸引的一個湖, 沒什麼特別


由第3個湖行去第4個湖時的路段, 不再見到馬特洪峰了.... 少左d雪山, 多左D石和山照, 有另一種美態~ 路勢都難行d, 有d陡峭的石坡, 我都要慢慢行架... 不過都唔係好難既... 但沿路其實遊人唔係好多, 感覺都幾舒服, 唔似HK, 連行山也迫人! 我們還在路上近距離見到山羊呢!!!

好廣闊的視野

好多石景..... 同之前段路唔同~

我們在路上近距離見到山羊呢!!!


行左好耐先到第4個湖 - Moosjiesee呢! 好支力呀! 這是個人工的儲水湖, 顏色特別漂亮呢! 像是個翡翠的綠色呢, 很特別! 瑞士好像有不少儲水湖呢....

第4個湖 - Moosjiesee

這是個人工的儲水湖, 顏色特別漂亮呢!


其實行到第4個湖的時候, 我個心都有少少驚, 去到Sunnegga時我們還能乘最後一班纜車回Zermatt嗎? 一邊check著google map路線的最晚一班車, 個心就更覺緊張.... 不過我都已經豁出去, 可以點姐, 最多都係再行多幾個落Zermatt姐... 汗!
當然我也有再加快腳步, 奈何行去第5個湖的路雖然不是很遠, 約1公里的山路, 不過卻高低起伏, 要不斷上上落落咁"爬山"呢! 勁辛苦, 汗!
歷時漫漫, 我們終於去到了第5個, 最後一個湖Leisee了!!! 真係好開心... 我們已經行了好幾小時山了.... .... 昨天也有見到這個Leisee的呢, Leisee是很熱門的景點, 因為距離Sunnegga只需10分鐘路程咋~ 又有湖光山色, 湖旁還有不少黑面的山羊呢, 我都係鍾遂黑面綿羊多d, 哈哈! 可惜我們趕時間趕車, 沒時間多留呢.....

行左一大斷辛苦路才去到第5個湖!

第5個湖 - Leisee

終於回到了Leisee - Sunnegga了!

其實Leisee都好令架!

仲有d黑面既山羊在湖邊呢....


好不容易回到了Sunnegga纜車站, 發現最後一班纜車在17:20已經開走了! 而我們到達纜車站的時間是17:37!!!! 今次PK了! 點算呀??? 我們plan今天晚上搭車回Zurich架, 明天中午就飛機番HK架喇! 如果由Sunnegga行番落Zermatt, 要成個幾鐘架... 如果成8pm先回到Zermatt, 都唔sure今晚仲有冇車可以番到Zurich... 再加上我地由Blauherd行這5湖健行已經行左4個幾鐘喇, 再行個幾鐘真係會支力.... 在場也有另一對couple跟我們的遭遇差不多....
正當我做定最壞打算, 今晚要stuck在Zermatt, 明早再一早回Zurich的時候, 站內的員工說可以跟他們一起跟他們乘車下山, 那是他們下班點Zermatt的"最後一班車"! 這不是offical的車啦... 真係是staff專用的! 發車時間是17:50左右! 我地真係超lucky呀! 唔洗自己行番落山.... 呼....... 今次真係有驚無險!

終於回到Sunnegga纜車站!

last tram is 17:20, 而我們到達時間是17:37!!!! 點算!!!

好好彩跟到d員工落山, 真係好好彩!


只需3分鐘就落番Zermatt了, 呼..... 回到Zermatt 6pm了.... check好了火車時間, 7點多的火車回Zurich, 去hotel拎行李前, 我地仲有少少時間行去超市買d野做dinner既....
7:13pm上車回Visp了, 要轉幾次車才到Zurich呢! 先由Zermatt往Visp, 再由Visp往Bern, 由於班車delay左11 mins, 我在Bern catch唔到9:32pm的火車, 最後等左半個鐘, 先上到10:02pm的火車由Bern回Zurich呢! 回到Zurich已經11pm了.... 再搭車回酒店, 已經11:30pm了, 拎住咁多行李真係支力呢, 好累... 明天要走了, 好唔捨得瑞士呢....

番hotel拎行李

在Zermatt車站等開車

byebye Zermatt! my favorite place in Switzerland!

8點幾仍是天亮的

11pm先回到Zurich啊!!!!


總結 - Zermatt是我最喜歡的瑞士小鎮, 我真是超like馬特洪峰呀! 獨突的三角造型真係好令! 在山間健生的今天是我整個行程中最開心興奮的一天! 難怪那麼多人都說它比少女峰更值得去.....
我心得是, 去瑞士看雪山, 一定要預多1, 2日時間鬆動d, 去追隨好天氣呀! 說真的, 遇上天氣不好的, 就別強求上山了 (我也放棄了沒去First, 也沒有去瑞士首都Bern) 畢竟上一次山要幾百一千港元, 上到去無野睇就真係無謂了! 而且要緊貼各雪山的網頁呢, 有即時的webcam直播, 見到山上有好天氣才上山, 太有用了! (山上山下可以是折然不同的兩個世界啊!)
我相信, 我還是回再來Zermatt的!! 這兒還有很多好健行路線要好好發掘呢!
甜蜜糖月 | Comments:0 | Trackbacks:0 | 2016/06/20(月)
希臘瑞士Honeymoon蜜月之旅 - DAY 13
第一天在這酒店吃早餐, 款式都唔少架, 有cheese, ham & cheese, 吃得飽飽呢!
今日天氣唔多好呀, 本來想去健山, 揀一條可以近距離見到Mt. Matterhorn的健行路段, 不過天氣麻麻, 就揀條易d行hea d架啦....

our breakfast buffet~

主要都係食芝士, 火腿和蛋~

<早上再看我們的酒店~

好喜歡這些瑞士小屋呢~

沿路行去搭覽車

風景好令呢~ 其實天氣也沒有那麼差, 只是見不到山頂


由酒店行不多久就到了Sunnegga Express車站~ 我地打算上sunnegga行下睇下啦~ 這一段覽車中間沒有中繼站, 由Zermatt開到Sunnegga. 全程在隧道內行駛的傾斜式索道列車~ Swiss Pass 50% off~ 這列車站與列車感覺都蠻舊的, 是瑞士第一條全程隧道的地下索道列車, 自1980年開始營運! 由Zermatt(海拔1,620m)至Sunnegga(海拔2,288m), 3三分鐘到達了....

由Zermatt出發, 有很多條鐵道上唔同既山呢

Sunnegga Express

3三分鐘到達了Sunnegga

今日好多雲, 雪山都望唔清

一邊好多雲

另一邊都仲見到藍天既


今日山景唔太清, 我們就決定行土撥鼠步道~ 搵下土撥鼠既蹤影! 11am出發~ 呢度d標示似乎不太清楚, 我地一開始行錯路, 條路越行越奇怪, 超斜呀! 之後再行番轉頭, 路是可以行番落zermatt, 不過咩景都冇, 我覺得我地都係行錯路呢..... 所以再次行番轉頭, 汗!

出發去健行了~

超斜的山路, 汗!

咩景都冇....

條路好似怪怪地咁既

D雲勁多勁近呀

行行下要飲下啤酒, 係酒店拎的

再次回到起點

這是sunnegga下的Leisee湖, 如果好天, 呢個位望到成個mt matterhorn架~

再出發...


1pm先再次出發, 今次終於行得arm, 一開始就見到瑞士小木屋, 一大片小黃花, 大草地, 雪山景.... 呢d先係我心目中既瑞士呢! 瑞士對我黎講唔係淨係得雪山架! 如果今天天氣好d, 景色一定更好! 雖然已來了瑞士好幾天, 但我仍未厭倦! 在瑞士山中, 我覺得自己好似飄零燕中的凱迪呢, hahaha!!
而我們也在路上發現了土撥鼠的蹤跡呢! 佢地成日都會躲在洞穴中, 又爬得快, 要發現可不客易呢, lucky! 我們見到的, 疑似是一家三口的土撥鼠家庭呢, haha! 好彩影得切相咋~

再出發

景色好遼闊!

d小木屋再配埋綠油油既草地, 好正!

好經典的瑞士景色~

夏天好多呢d黃色小花~

有山有草

真係成個山頭都係黃色小花!

好令! 如果有藍天就好啦

飄零燕中的凱迪和彼得? hahaha!

好大片草地勁令

都望到少少雪山既....

沿著呢條好清楚既路行

今次唔會get close喇卦

黃色小花是這樣子的.....

發現了3隻土撥鼠呢!


行左4個鐘, 終於行畢了全程, 好累! 累不是累在於這條步道, 只是我們一開始走錯了幾條路呢, 真是笨! >.<
雖然天色唔夠好, 不過呢個路線都唔錯, 好易行.... 但是天氣麻麻, 很多時候雲層都離我們很近呢!

有勁多條健行路線, d牌勁多!


後面白茫茫一片......

行落山了....


一大片樹林

又開番支啤酒飲先~

火車軌道~ 我想起了台灣十分, 哈哈哈!

Zermatt小鎮的木屋仔

終於行到落山了!


落到地面, 個天色好似好好多咁既, 都有少少藍天, 反而山上有不少雲.... 回到Zermatt, 天氣更是很不錯呢, 有點風和日麗呢.... 果然, 山上山下是2個世界既....
慢慢行番去市中心, 大概才5點多呢.... 去了轉超市掃一些貨品~

真係好似飄零燕的heidi..... 哈哈

在草堆裡有不少鮮花~


這時天色好像好了點?

下了山反而見到藍天

Zermatt的天氣也太好了吧! 天好藍!

到超市買一些貨~


在超市買完野, 諗住先回酒店放下東西, 很重嘛.... 我們的酒店又接近, 冇所謂啦~ 在路上, 在其中一處山頭見到有很多隻Walliser Schwarznasenschaf黑面羊呢! 來瑞士之前我已經很想見到牠們的了!!! 這黑面羊是Zermatt的一種家養綿羊品種.... 面部、耳和四肢都是黑色, 毛是白色的~ 樣子看來很笨, 看不到眼睛, 但我覺得好可愛呢!
牠們頸上排了羊鈴, 我還跟牠們近距離接觸呢!!! 其實羊羊很膽小, 牠也很怕我們呢, haha!! 不過牠們有角, 我也怕牠們會攻擊我, 所以都有d驚, haha! 而且我們擋住了牠們回家的去路呢, haha! 見到了羊羊, 真係超開心興奮! 好滿足!

一大群Walliser Schwarznasenschaf黑面羊

因為牠們是黑面的, 所以感覺好似冇樣咁, haha!


真係好大群羊架! 近距離接觸成功! haha!

仲拍埋video呢~~~ 真係好多黑面羊架! 仲向我地衝埋黎, 汗!


行程快到尾聲了, 已是在Zermatt最後一晚, 明晚回Zurich應該都冇咩時間proper dinner, 所以今晚要食得豐富d! 在Zermatt一家餐廳坐了下來, 一口氣點了3個dishes, 牛仔肝; 蕃茄芝士火鍋, 芝士通粉, 都是一些令人很罪惡的食物呢! 我最喜歡那個牛仔肝, 瑞士菜必點, 也只在瑞士才有那麼多機會吃到呢....!!! 好香濃, 好好味呢~~ 埋單都要99 CHF架.....

牛仔肝; 蕃茄芝士火鍋, 芝士通粉

個牛仔肝好正!

our last proper dinner in Switerland!


回到酒店房, 竟然還清晰地看到Matterhorn的山頂! 前2天跟Matterhorn近距離接觸時都沒有完完整整地見到山頂呢, 總是有一點雲擋著.... 而且如今太陽要下山了, 正好夕陽的餘輝灑了在山頂上, 帶點金黃色呢~ 好漂亮呢!

回酒店房清晰地看到Matterhorn的山頂!

還有夕陽的餘輝灑了在山頂上呢! 所以山頂是金黃色的~
甜蜜糖月 | Comments:0 | Trackbacks:0 | 2016/06/19(日)
希臘瑞士Honeymoon蜜月之旅 - DAY 12
今天一早6:15am就起身喇! 7:30am出門, 先在酒店放下行李, 因為今晚要去Zermatt住了.... 今天天氣好多了, 雖然都有唔少雲都緦算見到唔少藍天~ 在balcony見到的景色已跟昨天完全唔同~ 令好多! 希望待會兒上少女峰可以見到好的景觀啦....

好天氣的Interlaken, 比昨天景色好多了!

8:05am出發上少女峰了, 路途可不近呢..... 首先要從interlaken ost塔火車到Lauterbrunnen (前日經左Grindlewald, 今日特登行LB)之後再轉登山纜車到Kleine Scheidegg, 然後要再轉少女峰登山纜車呢!
在去Kleine Scheidegg的那架車的玻璃窗超大, 望出窗外就是那些超壯觀的少女峰山脈呢! 距離超近的, 都幾震撼架! 而且唔係好似前日係Gornergrat咁遠咁多雪~ 而且唔係只得一座, 係山脈似的~ 加上今日的天氣都算唔錯, 真係好正! 坐架登山覽車都望住呢d咁令既景, 會唔會太屈機呀!! >w<

先塔火車到Kleine Scheidegg

車箱中的玻璃窗勁大呀!!

OMG! 見到少女峰山脈了!! 好令呀!!!!! 很近距離見到, 超壯觀!

這是Wengen


來到Kleine Scheidegg, 然後要再轉少女峰登山纜車呢! 少女峰登山纜車都幾貴架, 成CHF 200, 有swiss travel pass有75折但都係貴啦, 所以我覺得在瑞士真係要多留幾天, 因為如果唔好彩遇著唔好既天氣, 都唔知上唔上山好! 一場黎到但上雪山真係好無謂, 但如果天氣唔好, 俾咁多錢白上雪山咩都睇唔到真係好無奈好肉赤架嘛! (好似我咁, 都臨時改左行程就天氣) 預留多1, 2天, 鬆動d臨時改行程都feasible丫嘛 =p
全長12公里的少女峰鐵道, 可以克服陡峭的山勢, 途中有10分里都是穿越高山岩層! 厲害! 亦因為這樣, 風景反而沒有前段好看, 因為都是在山洞中的.... 這鐵道可是花了16年時間建成的呢....
終於上到了少女峰站, 標高3454米的車站, 是歐洲最高的火車站, 所以有Top of Europe之稱呢!!

準備出發!

中途經過的Eigergletscher站

少女峰鐵道列車!

3454m, Jungfraujoch - Top of Europe!!!!!


來到少女峰, 我當然是先到plateau參觀啦.... 不過今日天氣真係麻麻地, 雖然有藍天有陽光不過卻雲多, 除了雪和雪山之外也見到不多, 能見度不高, 見不到什麼阿爾卑斯山山脈, 比起前天上Gornergrat時真係差天共地呢....
我們在plateau的雪地上玩了一會, 雪地上有瑞士國旗呀!!! 是大部分遊客都會拍照的地方~ 不過突然又吹來了一大片雲影響視野, 我們都沒有待很久呢....

在少女峰觀景台見到的景色

感覺像普通的雪山

能見度不高呢....

如果能見度高, 景色一定更漂亮!

只見到身後的白雪, 什麼都見不清

瑞士國旗呀!!!

突然又有一陣雲經過.... 後面突然白茫茫一片


之後入左indoor, 為了慶祝少女峰鐵路100周年而建的"Alpine Sensation", 長250米的隧道, 入面有個大大的水晶球像是瑞士的miniature, 我都想帶個番屋企呀 =p tunnel內還有不少少女峰的資料介紹呢..... 也有個冰宮ice palace, 是一個在冰河下方30米的天地, 入面有不少冰雕~
最後在Top of Europe寄了postcards給朋友們, 很特別吧 =p

Alpine Sensation

很漂亮的水晶球

在top of europe寄的postcard, 夠有意義了吧!

We are at the TOP OF EUROPE!!!

見到個TOP OF EUROPE已經好興奮!


之後再到觀景台參觀, 那兒有個圓形的屋企, 像是個天文台似的~ 不過少女峰的觀景台很小, 人又多, 很迫.... 我覺得不如馬特洪峰吸引.....
而且今天天氣真的麻麻, 很多雲, 我們都看不到什麼, 我連少女峰、僧侶峰和艾格峰都分不清, 不知眼前的是什麼山 =p

雖然一片白很美, 但雲也太多了吧~

觀景台上有個圓頂像是天文台的建築

上雪山必備的太陽眼鏡!!!!


出面天氣麻麻, 我地先去食個lunch, 今天都沒吃過什麼呢, 餓了哦.... 也沒什麼lunch的選擇, 我們點了2個pasta + 1支啤酒, 這樣的lunch已經要CHF 45了, 瑞士的物價真是價.... 但談不上天價既....
我們坐在玻璃窗旁, 對住美景lunch總算是令人心曠神宜~

很簡單普通的2個PASTA + 啤酒已經要CHF 45了....

Our lunch @ Top of Europe


本來打算如果天氣沒什麼好轉, 我們都打算下山了, 因為要看的都看了呢... 不過突然發現外面的雲散去了不少, 清左好多呢, 我地都立即再出去plateau少少~ 外面好好陽光, 好曬呀!
這時候, 我地終於可以看得清楚已被列入世界自然遺產的阿雷霆冰河 (Aletschgletscher)~ 都是旁邊的外國人告訴我們的 =p 在這兒, 天氣好的時候甚至能眺望到法國、德國和意大利呢! 雖然今日個天都未係好清, 但我們都總算心滿意足了....

太陽藍天又出來了! 再出過去plateau~

要拉住繩先行到上去架....

個天清左好多, 能見度高左唔少呢!

d雲散左, 真係比頭先見到的景色令好多好多呢! lucky!

阿雷霆冰河 (Aletschgletscher)

雖然都未係好清, 但總算心滿意足了....

真係好曬好曬....


雖然個天係清左, 不過能見度都仲未好好, 但眼前總算見到一連串的山脈, 但我們好像還是看不到少女峰, 因為雲多呢.... 3大名峰少女峰、僧侶峰和艾格峰仍然是分不清, 聽其他外國遊客說, 我們眼前的好像是艾格峰 =P
在有藍天的時候, 我們再次去到瑞士國旗下拍照! 成個感覺好瑞士呀! 正! 我地仲識左對年紀相約既香港人, 人家那對couple可是來switzerland 16天呢! 我們大家互相拍照~ 仲add埋fb tim~ haha~ 他們說之前在Titlis上什麼都看不到, 人家說如今少女峰的天氣可以說好了~ 起碼都見到雪山呢~ 其實我地都真係算好彩喇, 去的雪山Titlis, Mattherhorn和少女峰都清楚見到景觀~
我們擺左好多怪pose拍照, 哈哈! 真是thanks so much =p

看到一些藍天了....

身後的疑似是艾格峰....

只看到一點點, 另一邊仍然是雲

在擺著各種奇怪的pose~

身後的是阿雷霆冰河 (Aletschgletscher)

是艾格峰嗎? =p

國旗 + 雪山呀! This is Switzerland!!

Plateau上的人也不少呢....

雲又開始回來了.....

陽光超越猛烈, 記得戴帽和黑超!


本來3點幾打算走人的了, 不過發現"Snow Fun"因為天氣ok所以又開了呢~ 所以都去看看~ 原來那兒可以玩幾個雪上game, 我們都付了CHF 20去任玩, 我主要都係玩雪兜啦, 都幾斜又長呀, 好exciting架! sir來sir去好幾次, 仲有電動梯拉我們上番上, 唔洗自己行番上去好正!
之後天色越來越差, 不是下雨下雪, 而是突然間勁大霧呢..... 什麼view都看不到, 汗! 頭先明明還是風光明媚的呢, "snow fun"要暫時close了! 山上的天氣果然是瞬息萬變呢! 幸好我地都玩左3, 4次sir來sir去, 都夠皮了! 我們真是lucky!

在雪地上健行.....

慢慢行~~~ 好正!

明明仲係好好天架.....

呢個雪兜好好玩呀!!! exciting!

有自動梯拉我們上去~ 正!

突然間勁大霧 *0*


玩完之後, 我有少少頭痛! 是高原反應嗎? 驚! 好彩我們都是時候要走了~ 本來plan 2-3點走, 最後4:30pm先走人呢!
我們今晚要回Zermatt, it's a long run home.... 下到山的時候下雨呢, 都唔細tim呀, 下山的時候已經看不到很美的景色了, 我們真係好好彩呀!
7pm回到Interlaken, 他還要衝番酒店拎行李呢! 好彩佢行得快, 7:25pm已經回到來.... 本來想早d回到interlaken shopping, 點知太遲回來買唔到souvneir, 好彩在車站的便利店買到d擺設咋! 順便也買了些三文治上車食.... 50% off的食物, CHF 3 & CHF 2.5 respectively! 抵!

要走了, byebye少女峰!

趕8pm的火車回Zermatt....

our very causal dinner tonight!


8pm的火車回Zermatt, 要轉車, 途經Spiez again~ 來到Zermatt已經10:15pm很晚了! Zermatt不容許車輛駛入, 我們call酒店, 他們有electric car來接我們, 免費的..... 其實酒店很近, 只需車行1分鐘就到了, haha!!

又來到Zermatt了! 老公拎住2個行李, 好英!

我們會在Zermatt stay 2個晚上.... 酒店房不小, 房內有free的mini bar, 好多啤酒汽水, 正呀! 而且可以望到mt. matterhorn的呢... 不過今天來到zermatt已經入黑了, 什麼都看不到呢.... 今天也累了, 沖完涼要快d訓呢....

我們下塌的酒店

將會在這兒住2晚呢~

free mini-bar, 正呀!!!!


明天天氣好像很麻麻, 希望有希跡啦! 我好想好想去健行呀!!!
甜蜜糖月 | Comments:0 | Trackbacks:0 | 2016/06/18(土)