Daisypath Anniversary tickers
Ken's birthday dinner
dinner time約了aberdeen之友吃Ken的生日飯, 在諾士佛臺~ 有我, ben, ken, jacky, grace & yiu~ 我和ben要遲來, 來到時他們已經點了2碟snacks且吃完了, 哼哼! 不過有叫他們幫我們點了happy hour啦, 平好多嘛!
今晚吃土耳其菜, 不過這店的main dishes不多又不吸引, 我們主要都是點appetizer, 點了很多很多羊肉! 因為份量不多, 我們點了很多碟呢! 味道有d都幾特別, 唔錯既, 不過都是以肉為主.... 仲有人表演跳下舞呢, haha!

lamb spare ribs, pepper with minced lamb, turkish sausages, toothpick lamb, hummus with pita bread

squid rings, tagine with chicken, portobello with snail in curry, lamb pizza, doner kebab

karen, yiu, grace, jacky, ken & ben

自拍一張吧~~


是晚說起北上, 我和yiu係緊追問, ken招架不住好真係勁好笑, hahaha!!
今年的生日蛋糕是jacky負責買的,小小的朱古力味幾好食!happy birthday to Ken, wish u all the best!
今年我們當中有2人會結婚,應該都冇可能一齊去旅行了!我們幾時先再有機會一起travel一起回Aberdeen呢?

happy birthday to Ken!!

karen, yiu, grace, jacky, ken & ben
食店: 瑪哈巴 Merhaba
地址: 尖沙咀諾士佛臺12號耀邦大廈地下


下個月,終於到我和Yiu果round了,kaka
識飲識食 | Comments:0 | Trackbacks:0 | 2016/03/30(水)
手術
去年爸爸因為頸骨壓著神經所以在頸部做了個算是大型的手術... 這一年痺症是舒緩了一點, 不過因為已是長時間了, 所以還是會痺.... 為免情況惡化和影響日後行走, 所以決定再做手術, 今次要做腰.... 雖然手術比上次的小型也較低風險, 亦可做微創, 不過大家還是緊張啦....
中午推入手術室, 下午4點左右就推出手術室, 一切順利, 太好了! thanks god! 我提早下班去醫院, 來到時爸爸已經醒了! 比上次全身麻醉後更清醒, 氣息更好呢! 只是後腰仍有點痛吧... 醫生說明天或後天就可以出院了.... 感算放下心來....
希望這次之後, 不需再做手術, 爸爸的麻痺感能得以消除吧....

感謝上天讓爸爸過了一關, 希望家人們都身體健康吧...
生活點滴 | Comments:0 | Trackbacks:0 | 2016/03/30(水)
桃紅色的手甲

又是時間去做手甲了, 生日前嘛!! 繼續做SOFT GEL... 今次揀我最喜歡的桃紅色做主調, 很sharp~ 左右兩邊手各2隻手指是白色底, 1隻畫格仔, 另一隻則畫了車厘子!! 幾cute!! 成set都好襯, like!!
時裝美容 | Comments:0 | Trackbacks:0 | 2016/03/30(水)
復活節Hea遊澳門喪食住Wynn - Day 2~
今天繼續在澳門, 第二天的行程也沒什麼.... hea到1pm才check-out, 也等victor和sally接我們去食lunch~ hahaha!!! 真係好鬼正!
一整天都有車載, 真是太方便了~ Lunch我們去了營地街市, 沿路又經過了每次來澳門必定會經過的新馬路 =p

每次來澳門必定會經過的新馬路

我也是第一次去營地街市呢~ 吃的都是很地痞的食物, 不過都是大受歡迎的美食來的呢! 我們在超記買了紅燒乳豬+羊肉煲, 配上生菜, 雞腸和鴨紅... 點腐乳食係好正! 之後仲買左牛什和豬什飯.... 今餐真是牛、豬、雞、鴨什咩都有, 勁高脂和膽固醇呀!!!! 仲要配支大啤, 成件事真係好麻甩, hahaha!!! 不過有d朋友陪你一齊食, 都喜歡吃的, 真係好正架!! haha! 要知道, 我和sally都是很為食的 =p

營地街市熟食中心

超記的紅燒乳豬+羊肉煲, 還有生菜, 雞腸和鴨紅~ 好食wor!

梓記牛什 (牛膀很入味! 還有牛舌呢!), 平記美食的干炒牛河和菜遠豬什飯

一枱美食, 勁高脂和膽固醇呀!!!! 好罪惡!

victor, sally kwan, karen & ben
食店: 營地街市熟食中心 (超記, 梓記牛什, 平記美食)
地址: 新馬路營地街市綜合大樓3樓


lunch完就同圍逛逛消化下啦~ 去了新馬路上的民政總署看看~ 次次經過新馬路都會miss out了它, 我都唔知那是個民政總署呢 =P 是Victor說才知道 =p 入面有個葡式小花園, 不過最特別的是有個圖書館呢, 像是英國古時那種, 即是happy potter library那種棕木, 上下層的.... 好正! 可惜不可以拍照呢....

民政總署

葡式小花園


之後再行上山, 去了崗頂前地一帶的澳門歷史城區, 先去了何東圖書館~ 第一次來, 這圖書館是歐陸風韻的建築, 仲有個小花園唸~ 樓高三层.... 最特別是進去之後就見到很現代化的新大樓, 是全澳門最大的公共圖書館! 澳門的保育真係做得好好呢! 又不會不淪不類!

何東圖書館

圖書館外還有個小花園


之後去了旁邊的聖奧斯定堂, 也是澳門歷史城區的部分~ 這只是所小小的教堂, 基本上都沒什麼特別~ haha!!

聖奧斯定堂

風格很澳門


最後去埋崗頂劇院 (伯多祿五世劇院)~ 它是中國第一所西式劇院呢! 入面有d似去左外國的opera house呢... 不錯! haha~ 這兒是葡萄牙人的大會堂和土生葡人聚會之地~ 除劇場外, 建築內還設有舞廳、閱書樓和桌球室等.... 呢度個secuirty guide好好人, 主動幫我地影相, haha!!

崗頂劇院

有d似去左外國的opera house...

victor, sally, karen & ben


之後同sally去左搵船飛, 她也是今晚走呢! 沒有一早買定飛呢!! 周圍都冇曬飛得11pm, 汗!! 前日一早話左佢知架啦!! 問左幾個蛇仔都冇... 最後再碼頭再睇, 竟然有加班船9:50pm!! 仲要係普通位唔係豪華位! 勁好彩!!! 早知我都即日買啦 >.< 我上網買的是7:35pm的豪華位呀 >.< 不過victor在我們買飛期間被警察抄牌, 冇左幾百蚊好慘... >.<
再去左氹仔轉番個圈.... 不過什麼都沒做沒買沒吃, haha!

去左氹仔轉番個圈....

都開始黃昏了, 我們再入黑沙海灘吃個dinner, 吃在澳門最後一餐! 去了海邊的串燒檔買串燒, 上次來澳門時, 也有來過這兒旁邊的法蘭度餐廳吃葡式乳豬, 也見到這些串燒檔, 都是用炭燒的, 勁大煙好可怕 *0* 不過又覺得咁大煙都仲咁多人應該幾正, haha!今次第一次試, 排隊都等左好耐, 要對住d煙咁耐真係好難頂, haha! 買完之後我們去了對面的公園食, 坐得舒舒服服咁食, 仲好似picnic咁好正, haha! 我們點了不少蔬菜tim, 不過都很油,,,, 味道當然是很惹味啦!

好大煙呀!

肥佬燒烤

燒雞翼, 我最鍾意食....

秋刀魚, 雞軟骨, 茄子, 尖椒

粟米, 雞翼, 青豆, 韭菜

好多野食


好似picnic咁好正
食店: 肥佬馳名燒烤
地址: 黑沙海灘黑沙海灘路邊檔


dinner完都6:30pm了~~ 是時候去碼頭了~ 我是乘7:35pm的船回TST.... 繼續是豪華位....
是次2D1N行程很豐富, 去了吃了很多新鮮的景點和食物! 非常滿足! 感覺自己好像會重幾磅似的, 汗!
今次其實真係好好玩, 好似同fd一起去旅行的, 特別開心! 真係好多謝sally & victor的招待呢!!! 遲d來我們新居house warming吧! HK見!

回程時見到Studio city正門的night view~ 係幾令既~ 有vegas的感覺!

還有巴黎人!

回hk了


Easter 4日假就這樣結束了!!! 好想快d到清明呢!! 還有我的30生日月, 開要展開了! 未來的日子還是很能人期待的!
環遊世界 | Comments:0 | Trackbacks:0 | 2016/03/28(月)
復活節Hea遊澳門喪食住Wynn - Day 1~
連續4天的Easter holiday沒有出國計劃, 也沒有什麼schedule, 所以就決定去澳門行番轉食下野啦~ 主要原因是他有免費酒店房可以拿到啦! 繼早2年住過2晚Banyan Tree之後, 今次會住永利Wynn! 雖然冇Banyan Tree咁正, 但試下未住過的酒店, 仲好啦!
我們坐11am的船出發, 飛是昨天才上網買的, 因為太遲買, 所以得番豪華位才有好時間, 要俾double價錢呢, 好慘呀 >.< 因為旨冇船, 所以也買定明天回HK的船飛, 不過時間麻麻地, 7:35pm太早了, 不過沒選擇, 算了.... 無啦啦俾多咁多錢買飛, 唯有安慰自己hotel免費啦, 嗚....
第一次坐豪華位, 只係d位闊左少少, 同埋有簡餐食.... 不過我才不想浪費quota呢! 我要留肚在澳門勁食架嘛!

easter過大海hea番轉....

第一次坐豪華位, 冇特別


一個小時左右就到澳門了, 好快! 勁方便! 一落船就有專車車我們去Wynn check-in先~ 之前仲以為係住Wynn, 點知原來可以住它們那更高級的Encore萬利呢! 正! 這大樓內的都是suite來的哦!
我們住的是Dulxe suite, 成1100呎架~ 平時都要成4千蚊一晚呢! 今次免費住真係好好彩, lucky! 房間也是很大很大呢, 一上到黎我立即說一班人開party一定好正, kakaka!! 落地玻璃還可以望到海和旅遊塔呢~~ 不錯! 不過這兒的裝修風格是奢華華麗一點的, 室內是紅紅金金的色調為主~ 有點土豪feel (不過就算人家Las Vegas的酒店也是這樣子的, haha) 我都係鍾意banyan tree那種modern舒服既感覺多d~ 哈哈!

今次住Wynn Encore Building, lobby都是紅紅金金的色調為主~ 有點土豪 lol


這個living room咁大, 開party一定好正

living room panoramic view~ 180度落地玻璃

living room & bathroom

suite房的景觀

落地玻璃真係好正!


這個easter holiday, 剛好sally kwan都在澳門~ 因為她男朋友victor是澳門人! 所以這2天我們也會4人一起飲飲食食, 我們也是昨天才決定一起玩, 本來只是打算晚上一起dinner的~ 點知昨晚sally說victor可以車我們一起兜兜, 我們當然也說好啦~ haha!! 唔洗用腦諗去邊度玩同食, 今次的行程去的地方基本上都是未去過的呢!! 仲有免費tour guide和司機, 超正呀!
1pm sally他們在酒店lobby等我們, 勁方便! 聽就聽了那麼多年, 我都係第一次見victor咋, 哈! sally基本上每個星期也來澳門, 而victor亦是土生土長的澳門人, 對澳門最熟悉的了!!

今次行程仲有免費tour guide和司機, 好正呀!

第一站先去醫肚先~ 我們去了"新龍記"食lunch~ 我都係第一次聽呢間! 這兒最出名的就是蟹黃撈麵和花雕雞撈麵! 蟹黃是我很喜歡的食物呢!! 好期待! 我也喜歡這些竹昇麵! 我們點了蟹黃撈麵、花雕雞撈麵、墨魚餅和南乳雞翼! 蟹黃好足料呢, like! 不過更叫人驚嘆的是花雕雞撈麵!! 它是用烏雞煮的呢, 花雕的味道很濃, 又很入味, 好正! 真是好介紹呢! yeah! 食得很滿足!

澳門新龍記~ 好懷舊的冰室感覺

墨魚餅, 南乳雞翼, 蝦干魚蓉粥

蟹黃撈麵、花雕雞撈麵! 好足料!

yummy lunch~

ben, victor, sally & karen~
食店: 澳門新龍記
地址: 澳門新橋(三盞燈/白鴿巢)沙梨頭南街29號地下E舖


之後我們就開車入路環了~ 我是第一次來路環呢! 聽就聽得多了, 不過對這區實在很陌生亦不熟悉~ 因為交通不便, 地理位置較為偏遠, 所以觀光客也較少! (雖然也有很多, 汗) 由於路環大部分地還沒開發, 因此還被被譽為澳門最後的後花園... 路環原昆一個獨立島嶼, 在路氹填海區以南的部分~ 因為填海的關係, 現已和氹仔連成一體了~
路環風景不錯, 幾悠閒~ 有點像HK的大澳, 也有不少水上高腳屋~ 哈! 這兒亦有不少葡式建築~ 更有澳門feel, 像是聖方濟各堂和圖書館等~ 都幾令架~ 加上今天天氣好, 感覺很不錯呢! 還可以望到對面岸的珠海橫琴區, 那區是珠海大力發展的區域呢.....

葡式的建築

這是個圖書館

路環市區的小廣場~ 聖方濟各堂是這兒的signature

好像歐洲的小廣場

聖方濟各堂

教堂小小的, 有中西合壁的感覺

有點像歐洲的小廣場~


這兒也有名物, 就是安德魯餅店的萄撻了! 雖然現在威尼斯人也有分店, 不過還是總店更吸引吧! 之前謝霆鋒的"十二道鋒味"也曾在此拍攝呢! 這兒的人龍真不少, 在我們身後的阿姐說她特登搭左百幾蚊的士來買萄撻呢, 哈! 萄撻十蚊個, 剛出爐的很香呢! 雖然我對萄撻一般, 不過這兒的的確好吃~ 蛋香皮酥!! 我們還買了yogurt飲~

安德魯餅店

澳門最出名的葡撻
食店: 安德魯餅店 Lord Stow's Bakery
地址: 路環市區市中心撻沙街1號地下


買完萄撻, 我們就行回車那邊, 一邊望著海和橫琴一邊吃, 真relax~~ 今天天氣真好, 個天好藍! 感覺特別舒服呢!

沿著海岸行


就在海邊吃萄撻~


之後我們去了路環碼頭~ 這是以前居民往來澳門半島和氹仔的主要交通工具! 這個碼頭很舊, 有點像tvb的民初劇中走佬時的碼頭~ 哈哈! 幾有特意呀! 這兒也看到很多高腳屋, 很有特色~ 真的蠻像大澳呢~ 哈!

路環碼頭

好似tvb民初劇中場景

還有高腳屋


路環以往漁業為主, 在荔枝碗馬路就有幾家已經荒廢了的船廠~ 是以前建造和維修木製的漁船的地方, 我都是第一次參觀這些船廠而已, 真的眼界大開~ 幾得意丫! 船廠是完全沒有燈光的,單靠自然光的反射~ 很有feel~ 見到這景色, 真係好似拍緊tvb d警匪片最後大戰or坐大飛走佬咁, haha! 像什麼"飛虎"和"巨輪"那些什麼槍擊戰.... 聽說香港有幾套電影也是在這兒取景的...
victor不斷像tour guide的介紹著澳門, 說了很多以前澳門的事~ 我們有什麼不知道的也問他!! haha! 從未像這次這麼深入了解過澳門呢 =p

荔枝碗馬路的船廠

自然光的反射, 更突顯出船廠的荒廢感

真係好似拍警匪片的槍擊戰場景~


拍照效果也不錯哦


船廠街的盡頭處是一家名叫漢記的茶餐廳, 這兒最出名的就是它的手打咖啡了~ 其實我們4人都對coffee沒什麼興趣! haha~ 不過聽說這兒的每一杯咖啡, 都被人手拌轉過400回, 飲落去真係好smooth既~ 另外我們還點了辣魚多, 其實都是用葡國的罐頭魚而已... 這兒雖偏遠, 不過真係好多人慕名而來呢.... 我們還要排隊才有位呢!!

在船廠街盡頭的漢記咖啡... 很多人慕名而來

最出名的是它的手打咖啡~ 我們還點了辣魚多
食店: 漢記咖啡
地址: 路環市區荔枝碗路


下一站本想去熊貓館看熊貓, 不過我們來到已經5pm, 熊貓館已經關門了, 可惜! 聽說這兒比ocean park更近距離地看熊貓呢!

可惜看不到熊貓呢....

只見到不少猴子和鴕鳥....


最後一站是在路氹的studio city新濠影滙(, 它是最新開的casino, 新濠天地第二期項目, 去年10月才開幕的呢! 我還真是不知道新開了個casino呢, haha! studio city最signature的是那個的8字形的摩天輪, 不過似乎沒什麼景觀好看的, 哈! 這兒還有駐場表演The House of Magic....
studio city是以荷里活作為主題的resort, 商場內很有美國和hollywood的感覺~ 都幾特別幾得意既.... 我們都有逛了一圈~ 我們都對casino沒興趣, 都沒有賭番兩手 =p 只是來拍拍照而已 =p
話說回來, 路氹的發現真係好快, 不久的將來又有很多new projects呢, 像巴黎人, MGM, 上葡京, 路易十三等...... 都會在未來幾年建成呢!

studio city

我們在側面進, 所以沒什麼氣勢的, HAHA

很有美國的感覺

我覺得很有broadway feel

好像走到了美國街頭呢

有theme的環境是比較特別的


在studio city轉了一圈後, 就再去百老匯大街轉了一圈... 去年我曾來macau出trip一天也曾去過一次, 不過那時食店還未開的, 如今都開滿食店了... 很多都是澳門老店的分店, 不過我還是覺得要去總店才正宗啦!

百老匯大街的食肆

dinner time, 在macau當然是吃葡國菜啦! 總覺得至少要有一餐食葡國菜先算係去過澳門~ haha! sally介紹了陸軍俱樂部~ 這兒在1870年曷本為私人會所, 後為推廣葡國傳統文化, 不過餐廳卻對公眾開放, 但要注意衣著, 拖鞋短褲免問, 哈! 但入面可不是那些很fine dining的地方呢 =p 這建築物也是殖民時代的! 真美! 每次來澳門也覺得人家的保育做很好好呢! 餐廳內部以紅白為主, 有種歐陸情懷呢~ 環境一流呀!

澳門陸軍俱樂部

很有歐陸情懷呢

餐廳內部以紅白為主


4個人dinner的好處就是可以多點一些食物! 不過我們點得不算太多, 畢竟今天已吃了很多餐了, haha! 像suckling pig、葡式海鮮飯是我必點的, 但那道莞茜豬耳沙律簡直驚為天人!!! 好好食呀! 豬耳很稔很多膠質很sticky, 而中間的軟骨脆卜卜, 那莞茜簡直是神來一筆, 勁好食呀!! 另外炸馬介休球也好吃, 馬介休份量很多! 反而最不好吃的是非洲雞.... 汁料好像不應是這種味的...
我們還點了支葡國red wine, 在澳門飲酒好平, 真係好羨慕呢!! 4個人一起飲, so happy! cheers & happy meal!

easter bread, 莞茜豬耳沙律, 炸馬介休球伴眉豆沙律

葡式海鮮飯, 非洲雞, 葡式烤乳豬伴薯片

yummy food

仲開左支葡國紅酒~

ben, victor, sally & karen~~

焦糖菠蘿伴椰子雪糕, 茉莉焦糖布甸...
食店: 澳門陸軍俱樂部 Clube Militar de Macau
地址: 新口岸南灣街975號


dinner得飽飽的, 真係要行下消化下! 在新馬路和福隆新街兜下圈.... 晚上的新馬路仍然熱鬧, 原來福隆新街以前是妓院~ 哈! 我們在這兒也找到很多"巨輪"的蹤影呢!

每次來澳門也會經過的新馬路

福隆新街

這兒以前是妓院 =p


最後我們還要吃宵夜, 說起很想吃牛雜呢!! 本想去的今天竟然沒開門 (澳門人真係唔休做架), victor不斷車來車去的繼續找, 終於找到一家不錯呢, 這兒是吃清湯牛雜的! 我們4人share了一碗, 味道不錯呢!! 我最喜歡牛肺牛膀和牛腸, 不過因為是清湯的關係, 所以沒有放牛腸呢, 可惜! 晚上吃那麼罪惡的東西, 太可惡了.....

清湯牛雜! MOP50!
食店: 清湯牛雜皇
地址: 新橋(三盞燈/白鴿巢)嘉野度將軍街4號地下


Victor車我們回酒店已經11點多了, 今日真係辛苦曬sally & victor!!!! 明天繼續吧 =p
環遊世界 | Comments:0 | Trackbacks:0 | 2016/03/27(日)
復活節第一天大長征
舊年Easter去廈門, 見到fb勁多人去旅行已經非常不是味兒, 決定今年easter一定要去外遊! 點解....... 我今年easter仲係要留係HK過的呢... 唉.... 唔理呀! 我年尾要去日本呀! 哼哼哼!
今天easter第一天, 好忙, 借了爸爸的車周圍去! 中午先去了土瓜灣找tammy借polaroid~ 之後在附近就求其搵左間野食點心, 好平, 2個人埋單才百幾蚊.... 食物都唔錯, 不過Tammy說她自己都未去過, haha!!

是日遊車河..... 又再大長征

7個點心, 才百幾蚊埋單, 好抵!
食店: 嘉豐點心專門店


之後番觀塘studio走番轉, 再去沙田睇傢俬, 今天target是看餐桌椅.... 我們的dining room不大, 不想買那麼大的桌子呢! target size是120x80cm左右~ 但在那麼大的傢俬城中, 我們竟然只看中了一set款式arm又within budget的table set! 汗!! 好失望呢!
最後決定再去九龍灣Star Hall睇.... 再看中了另一set... 今天心水的target只有2 set呢, 汗! 真係唔知可以再去邊睇傢俱了! 各位有介紹嗎?
不過我們是打算bar枱裝好後才買dining table... 所以而家都是先看看而已... 今天的收穫, 只是在star hall的開倉買左件salad既褸, 可以去瑞士上雪山時穿, 哈!
dinner也在star hall吃~ 簡簡單單的, 他點pizza我點lobster, 唔貴wor~ 老公話我個樣超為食,好似要4隻手2個口咁㖔噬隻龍蝦! 汗!

勁為食樣....
食店: Griller Spot
地址: 九龍灣展貿徑1號國際展貿中心E-MAX 4樓421至425號舖
節日慶祝 | Comments:0 | Trackbacks:0 | 2016/03/25(金)
裝修進度....
呢幾日在裝櫥櫃、廁所櫃、tv櫃和bar枱上的吊櫃..... 明天會來度石, 要再等7-10日才可以KO曬成set櫥櫃呢, 真係等左好鬼耐喇! 之後先可以裝bar枱.... 我們所有野都分開做, 自己搵唔同contractor, 所以工程真係好得慢呢.. 汗...
另外, 今日終於都收到上星期在深圳買的東西, 包括燈、窗簾、水龍頭等等, 不過要攪好曬成個屋企d野先慢慢安裝吧.... 睇怕3月內D野都應該未攪得掂了....


TV櫃.... 沒什麼特別的~ 枱面會是黑玻璃~

櫥櫃都安裝得七七八八, 明天會來度枱面石....

bar枱上有灰色的吊櫃... 也用來修好kitchen的假天花~

廁所的櫃也裝好了~ 只欠枱面石....

書房也已安裝好玻璃趟門 (看得到嗎? haha)
新居佈置 | Comments:0 | Trackbacks:0 | 2016/03/21(月)
星期天在家打邊爐
星期日可以成日係屋企hea, 真係好奢侈 =p 難得地唔洗去睇傢俬, haha~ 晚上家人買餸回家打邊爐, 真係好爽! 仲同老公和老豆飲左好多啤酒tim, kaka!!
娘家美食 | Comments:0 | Trackbacks:0 | 2016/03/20(日)
Loretta's Birthday Dinner~
終於TGI Friday了! yeah! 今個星期都唔算難捱既, 哈! 收工後約了sally kwan & loretta吃loretta的生日飯~ kaka! 好似好耐都冇約會了, 哈哈! 我們去了九如坊, 我由中環行過去, 行了很久很久呢! 汗!
這次又是吃西餐, 坐下來立即點食物 + 開紅酒~ 不過這兒食物選擇可不多呢, 也沒什麼很impressive的菜式~ 但那個鹽焗馬友是挺不錯的~ 很嫩很juicy~ yummy!
又一個Rosian要結婚了 (不是在座的人)~ 真係恭喜曬呢 >w< 是她們的共同朋友, 所以我也有八卦一下~ 哈哈! 我們說起了健康舞, 還有銀行的桃色緋聞!! sally實在演繹得太攪笑了, 笑得我和loretta人仰馬翻.... 哈哈哈! 人大了, 新陳代謝就慢了, 這是今天大家一說再說的話題! 真的要好好控制體重呢! 還有就是皮膚實在是太差了, 驚 >.<

餐廳的環境

baby squids scramle egg, catch of the day, charcuterie platter, lobster pasta

karen, loretta & sally~


今年是大家的big birthday, 蛋糕和蠟燭是必備的! 我們點了個banana crumble和bluecheese gelato~ 碟上還寫著Loretta Happy Birthday的~ 不錯! 不過我們都覺得那個bluecheese gelato更突出! 我們都愛bluecheese呢, kekee!
Happy Birthday to Loretta~ 沒什麼好怕的~ 將來人生一定更美好 =P

dessert是banana crumble & blue cheese gelato! 我們都很喜歡blue cheese呢~ kekee!

Happy Birthday to Loretta~ 沒什麼好懼怕的啦 =p
食店: Le Port Parfumé
地址: 中環九如坊6-10號C舖


過2個星期就食我果餐喇~ kaka!
識飲識食 | Comments:0 | Trackbacks:0 | 2016/03/18(金)
安裝櫥櫃
今天開始裝櫥櫃和廁所櫃了! 本來說是上午就來裝, 但最後竟然在下午4pm才到! 真離譜! 晚上收工去看, 還見到司傅在裝櫥櫃中.... 希望明天可以攪掂啦! 而家間屋亂得一塌糊塗呢! 冇位放東西呀! 汗!
暫時看櫥櫃, 感覺都ok, 我們的門板都是紅色的, 而石的台面則是白色的.... 希望這2天會安裝好櫥櫃啦! 台面石還要多等10天才有呢!
新居佈置 | Comments:0 | Trackbacks:0 | 2016/03/17(木)