Daisypath Anniversary tickers
拎左wedding rings了~
其實van cleef通知左我好耐可以去拎對婚戒了, 不過懶懶閒拖到今日才去拎, 汗! 買的時候說那隻extra的perlee ring要等幾個月從法國運過來先有貨, 點知一個月唔洗就有了, lucky! (雖然我沒打算在wedding day那天用它)
本來之前有諗過要改size, 因為都有少少鬆, 不過最後都係唔決定唔改喇, 驚緊d有機會會唧肉呢.... 最後, 就這樣提取了3隻盛子走! 這些branded戒子的手工真係好好, 戴得好舒服! 我都係鍾意呢d流線型、又滑身的design多d =p
不過失望的是, Van Cleef竟然沒有可以放一對對戒在一起的戒子盒呢! 盒子都是只能放一隻的, 實在太可惡了! 早前來買時已問過sales, 說想要對戒盒, 不過人家卻說它們沒再出對禮盒呢, 以前用光了之後法國也沒再出的, 真的太過份了 >.< 人家cartier的對戒盒可是很漂亮的呢! 而且其實本人不是太喜歡綠色, 除非了tiffany blue那隻啦 =p (算了, 戒指盒其實是沒用的, 哼哼)
花嫁分享 | Comments:0 | Trackbacks:0 | 2015/11/29(日)
Beauty Day
一早8點幾就要起身, 先上PP Elyze吸cool, 再去Reenex做CPS + aramis..... 之後食d野就再去Elyze做circulation和u+b....

下午去了salon做treatment..... 我個頭真係好ugly! 仲有一個月就big day了, 而家做定treatment差不多, 最後幾天才去染髮呢~

今天一整天都是關於beauty的工作, 很忙!
生活點滴 | Comments:0 | Trackbacks:0 | 2015/11/28(土)
Rundown update @ Shirley's home
本來約左MC Sally去睇MC裙, 不過最後有D變數所以都係之後先算~ 今天happy friday沒什麼做, 昨天shirley又說她落單沒事做, 所以今天又上了她家! 順便update埋個rundown嘛 =p 而家住得咁近, 真係好方便呢! 加上攪結婚d野, 真係一星期見成一次或以上, 哈哈!
今次由我買餸上她家, 都是在taste買些現成的東西再淥個菜心, 好快食得....
食完仲hea左好耐先開工~ 其實主要都係shirley執, 哈哈哈! 認真工作的女人都好吸引架 XD 最後我都凌晨2點幾先走人, 好彩人地老公仲未番, 哈哈! 明天我又要超早起呢 >.<

Dinner有鴨胸, 豬手, 菜心, 刺身, 雞湯~ 食得曬架!

每個星期也一見, 哈哈!


晚上收到decor公司的revised layout... 今次大致上都ok冇咩要大執.... 只係可能要加多d野... 雖然趕, 不過我總算可以在deadline前攪掂d野 =p
生活點滴 | Comments:0 | Trackbacks:0 | 2015/11/27(金)
車花、姊妹手花、兄弟襟花& bowtie
收工後跟Shirley去了金都,雖然仲有不少東西未買,不過今日先focus on姊妹手花,因為Shirley是用家啦,所以就派她來做代表睇款.... 其實要襯番姊妹裙的顏色, 所以選擇其實都唔係好多.... 睇曬幾間, 揀好了, 再買埋兄弟的襟花.... done!
另外仲揀埋車花, 因為我不喜歡放公仔在花車上, 所以車花是首選! 同樣的, 選擇都不是很多啦~ 哈哈!
最後買埋兄弟用的bowtie, 又KO了不少items~ 哈哈!

因為酒店只提供3小時的TESLA作花車, 而我big day那天根本不夠用! 加鐘要800蚊/小時, 太貴了! 所以既然係咁, 本來有想過book部london taxi 3小時仲抵! 起碼令d影相好睇d! 不過始終都係要轉花車 (我唔會唔用酒店架Tesla囉!), 所以都係算數吧啦... 不夠用的時間, 轉兄弟的車做花車算了! 今天知道有個兄弟可能會揸屋企架Benz來, 咁都唔錯丫 =p
花嫁分享 | Comments:2 | Trackbacks:0 | 2015/11/26(木)
Get Ready for my BOMB!
雖然我很多事都behind schedule, 不過終於在過好大禮之後的今天收到帖了! 帖是decor公司design的, 其實也沒什麼特別~ 我是找e-print自己印的, 又快起貨又平, 5個working days就好到, good! 連做印刷的爸爸都說平呢 =p
帖、信封、invitation、封帖的東西都收到了, 不過還欠利是封.... 這陣子要好好整合d帖, 下週開始可以派了! Everybody, Get Ready for my BOMB
花嫁分享 | Comments:0 | Trackbacks:0 | 2015/11/25(水)
過大禮
之前搵司傅擇日時, 就已有過大禮, 安床, 上頭, 出門等等的吉時~ 今天就是過大禮的日子了~ 我基本上咩都冇理, 全部都是ben攪的, 我父母之後也幫手買下野~ 因為傳統上女方要迥避, 加上今日是星期一, 我今日照常番工, haha!
吉時是11am-1pm, 我拿了一大堆東西上我家, 什麼也是成雙成對的..... 本來呢件事諗住順下意頭就算, 最後攪攪下, 越買越多, 汗 =__=||| 因為是平日, 又勁多野拎, 所以叫了妹妹的男友幫ben去拿東西, 哈!
本想簡簡單單的, 最後很多親友都上了我家湊熱鬧呢! 女麻女麻就一定到啦, 還有大姨細姨他們.... 都成10個人架~ 有氣勢!
因為我不在現場, 所以我在公司時已叫他們多拍一些照片給我看 =P 最後男家又要拎走一半東西, 其實都幾勞民傷財 XD

過大禮的一堆東西!

一籃子的東西, 椰子是最signature的

海味6款

嫁女餅, 龍鳳餅

生果籃

包羅萬有利是

蓮藕, 洋酒

our family with grandma

with男家代表 =p

女麻女麻好高興

一班親戚上來, 好熱鬧...


晚上父母邀請了親戚食飯, 其實是上星期才臨時約的, 因為聽了人家說才知道要.... 本來都唔預計很多人到, 但最後竟然也有2圍呢! 來了一半的親戚, 真是受寵若驚 (媽媽那邊的親戚仲要到齊).... 畢竟今天是平日, 又沒很多時間邀請呢....
我是收工才來的, 一開始我是什麼expectation也沒有的, 完全覺得這餐飯可有可無! 加上我真係好忙好累呢... 但知道咁大班親戚出席, 其實我真係好感動, 不忍住的話也會哭出來呢... 他們都很替我高興, 不斷恭喜恭喜, 也可能因為我是父母雙方親戚, 我這輩第一個結婚的, 他們也特別高興..... 女麻女麻說她很高興......
因為我是爸爸家第一個吳姓的孫、媽媽家我則是第一個外孫, 所以由細到大我都很得到親戚們的愛戴, 女麻女麻和姑媽在我小時候都曾經湊過我, 無論是華叔、大姑姐、大姨和細姨都常常帶我出去玩.... 二十多年過後, 他們仍記得嘉詠小時候有多麼energetic、如何傻更更地踢狗、在女麻女麻剪頭髮後不認得她來.... 如今近三十的我, 仍然是個快樂的女生, 跟我的成長背景有很大的關係, 因為我從小開始, 每天都沐浴在愛之中....
對於結婚, 我不一定要求擺酒, 沒有也罷.... 我不想的, 任何人也不能迫我, 我一向也是按自己喜歡而去做的.... 雖然擺酒也不為任何人, 但第一次, 我覺得自己結婚擺酒令大家也高興, 真是件很對的事呢....

爸爸那邊的親戚

大家都要跟我拍照 =p

女麻女麻說她很高興

媽媽家一圍

爸爸家一圍

食完飯仲要影 =p


I'm so touched and blessed to have so many beloved families and relatives besides me during the past 2x years... thanks all of u for giving me millions of love since I'm still a small kid. Love is always around ❤ I know I am always lucky and I'm so thankful to have all of u in my life
花嫁分享 | Comments:3 | Trackbacks:0 | 2015/11/23(月)
Big Day Rundown~
總算完成左個rundown 1st draft, 雖然一定算有好多野改, 不過都頂住先啦 =p
剩下的一個月, 會focus on material checklist, guest list... 仲有好多野要買要揀.... 同埋踏入12月要開始派帖了 (雖然我的帖還未ready, 汗)
另外還有我的decoration呢, 仲未confirm好layout啊....
很忙的最後一個月, 我打算28-31/12請假, 那我25/12-1/1就可以連放8日了, 應該可以幫鬆少少卦.... 朋友可以的話, 也可以請假幫忙啊 =p (幸好婚前一天1/1是假期, 應該都有人幫到人都好d =p)
花嫁分享 | Comments:3 | Trackbacks:0 | 2015/11/22(日)
MiniMoon @ Koh Samui~
由中學時開始, 已經把希望列為我honeymoon的地點~ 因為希臘沒直機, 所以很多人都經較近的意大利或英國飛去兼一起遊, 但由於我已去過UK & Italy, 所以一早已想好要找另一個HK有直航機到 + 自己未去過的歐洲國家飛, 心水的地方一直都是瑞士! 現在我的想法也不會變, 我們的honeymoon就是要去Switzerland + Greece 2星期啦!
因為我們的婚期是在1月, 但這並不是遊希臘的好時間! 冬天的希臘會停船的呢, 什麼也沒有, 去也沒意思! 所以一直想著還是等5月才去好了!

近月卻有個新念頭, 新婚應該是最甜蜜的時候! 忙完wedding day應該要好好relax一下! 所以我們還是應該在結完婚就立即去個pre-honeymoon的呢! 值得的! 哈哈! 因為是pre的, 所以也想便宜一點, 不用想行程, 很hea的地方就最合適了! 所以陽光海灘、住villa就是我的心水! 峇里、馬爾代夫、長灘島、蘇梅島都有考慮過! 但Bali聽同事說很悶而且酒店貴、馬爾代夫雖然仲有機票換但酒店勁貴、長灘島在菲律賓始終感覺麻麻加上酒店唔夠正....
其實我第一個想的是泰國蘇梅島, 不過因為只有曼谷airlines有direct flight所以遲遲未買票, 因為我實在很想慳一點用mileage換機票呢! 而且蘇梅的機票要3千多一點也不便宜! 直到前2日, 同事才告訴我他明年的蘇梅機票也是用mileage redeem的, 我才知道原來CX跟那班flight是code sharing的, 只是網上的system不可以換, 要打上center才可以!
今天終於攪定了, 用了60000 mileage, 再加了780蚊for 2既tax, 就換到了去蘇梅的機票了, 好抵! haha! 我們剩下的mileage仲夠半年後再換歐洲呢 =p

雖然還未訂酒店, 不過已經很興奮了! haha! 6-10 Jan~ our minimoon~ gogogo!

(其實我有d慶幸唔洗立即去希臘, 因為真係冇可能在咁忙的時候plan行程呢! 去陽光海灘relax真係好正! 而且機票幾乎不用錢 =p)
花嫁分享 | Comments:2 | Trackbacks:0 | 2015/11/21(土)
星期六上午仲要番工!
琴晚3:30am先訓, 今朝一醒來已經7:42am! OMG, 大鑊了! 我今朝8am要回公司呢! 因為8:30am在marco polo hotel有個breakfast meeting啊!!!!
"幸好"我昨晚倒頭大睡沒卸妝, 我才得以用番琴日個妝, 極速地換衫出門! 也幸好樓下剛好有的士, 星期六早上不塞車, 回公司不用10 mins車程, 我在8:05am已回到公司了, 呼.... (其實今天GM不在, 只有2個M回來跟客人見面, 約8am也是預早了的時間)
8:30am開會, 客人在馬來西亞來的, 也很causal, 他們也有人hangover, hahaha! 一切順利, 幸好沒什麼問題....
開完會才10點多, 回公司放下東西, 2個M就走了~ 而我嘛, 既然回來了, 就做下野啦, 反正好多野要清 (雖然我今天真的很糟糕)
雖然今天OT了, 不過都有番半日補假既... 都值得既, 算啦!

下午2pm去了Foi Wedding, 想試下的evening gown, 我仲未有條好心水的紅色敬酒晚裝呀! 點算呀 >.< 今天的仍然試唔arm呢... 嗚....

回到家3點多, 好累! 我睡了一整天呢, 汗
生活點滴 | Comments:0 | Trackbacks:0 | 2015/11/21(土)
Happy Friday
本來晚上約了shirley去金都買野, 不過elyze臨時有位可以吸cool, 可以6pm收工即閃去左PP, 放了shirley飛機! 不過我都在立即做完機之後就飛奔上她家!
上到她家已經差不多9pm了! 食物和酒已經準備好, 真係好感動呀 >w< 開動前還要跟rosy decor講電話, 好忙好忙! 有人話攪結婚會令你睇清楚你既朋友, 其實到目前為止其實都冇咩人令人失望, 不過令人感到窩心的就好多, love u all*
就這樣, 又飲了酒, 越講越high~ 又攪下個grown up video, 最後我待至凌晨3點多才走人, 醉醉地, 人家老公都睡了, 汗! 又打擾了, 真係唔好意思呢 >.<
我聽朝一早仲有番工的呢! 今次大獲了!! 汗!

dinner只有pizza, 刺身和酒.... 我應該飲左一支...

many thanks for my dearly friend~

生活點滴 | Comments:0 | Trackbacks:0 | 2015/11/20(金)