FC2ブログ
Daisypath Anniversary tickers
Reenex膠原自生*第五回*
收工後上了Reenex做treatment, 因為過幾天要飛了, 今個星期六去不到, 不想等3個星期才再來呢..... 連續2天都過海了, 車費都幾甘呢 >.<
今天上去做CPS, 好快手~ 半個小時多D就攪掂了, 做完塊面真係白淨左好多~ 下次會做AUF+TRF, 好期待! 朋友說TRF扭緊膠原這個treatment最見效呢 =p
膠原自生 | Comments:0 | Trackbacks:0 | 2015/03/31(火)
Elyze機能再生*第四十五回*
老細不在公司, 感覺已提早放easter了~ 哈哈! 基本上可以準時收工! 收工後有時間, 就上Elyze做下treatment啦, 我都想可以瘦快d既~
今日去做, 後手臂和hip部分的accent ultra! 減脂呀! 之後再做埋u+b補番collegan做收緊... 我真係對自己身體各部分都唔滿意, 好想再瘦d呀 >.<

擊退脂肪 | Comments:0 | Trackbacks:0 | 2015/03/30(月)
褂皇之皇 @ 冠南華~
既然都決定左唔租潮褂, 都係時候要去番冠南華租番套傳統褂了! 因為他們成功租出褂後是會封褂的, 所以都是早去為妙~ 3月26日, 收工後就再次去了冠南華, 今次再來都預左租架喇! 上次只是係咁二地試了件大五福, 都幾好睇同slim~ 今次我就一心來想試褂皇! 楊千嬅果件好令~ 褂皇勁d特別d嘛少d嘛, 而且晚上敬酒已是一身紅, 所以早上來件金銀的也好! plan結婚後更覺得件褂實在太重要! 所以今日要再認真睇下自己hand唔handle到 試多幾件!

今次試了4件褂皇, 這件是銀底金龍金鳳.... d紋其實ok~ 金和銀的程度都在我的接受範圍內~ 不過銀底感覺很白, 麻麻地...... 冠南華d褂有很多碼數, 而且slim cut, 穿上身我覺得這slim! 這件是第6手, 價錢比之前試的中五福貴, 但都可接受~

銀底金龍金鳳

因為覺得銀底太白, 所以之後都是彩底的! 這是彩底彩龍彩鳳, 我對彩底很有expectation的呢! 因為楊千嬅那件都很彩! 這件著上身, 是幾特別而且少見, 但第一下已經覺得它太素色了, 很淺色~ 感覺很小家碧玉~ 如果多d金色出d會好好多! 而家好plain, 沒什麼喜慶的感覺! 爭左d!
這件是第3手, 價錢是$12800, 真係好貴! 如果真係好鍾意, 我都可能會租, 因為特別嘛, 而且千金難買心頭好! 不過, 它又不夠出.... (雖然我有想過戴左金器會唔會出番d呢?)

彩底彩龍彩鳳

這件仍是彩底, 沒金龍金鳳那麼金, 因為是彩鳳的~ 這件我都有考慮了好一會, 因為都幾彩, 不過最後放棄, 因為覺得d圖案有點怪, 尤其是鳳尾的部分, 一條條咁既....

彩底金龍彩鳳

最後, 我在掙扎之下, 揀了件密地彩底金龍金鳳!! 我覺得d金多左少少, 有d擔心戴埋金器會好金.... 不過其他褂皇都有缺點.... 暫時揀住它先啦! 上網睇, 原來這種以金銀線外和以七色彩線繡成魚鏻紋的褂, 叫褂皇之皇! 一聽個名已經好勁, 我覺得好襯我, 哈哈哈!
冠南華的褂, 現場睇其實真係好令, 尤其是褂皇, 真係好sharp! 好有霸氣! 試完之後唔想再揀番大五福! 哈哈! (雖然很多人都like有d紅底, 我都ok架, 不過都係決定揀套特別點的褂皇! 仲係褂皇之皇 XD)
我件彩底金龍金鳳, 是第6手的, 價錢都是貴, 但尚可接受啦...... 揀定了它, 冠南華就封褂, 在我出嫁前不再出租了或試穿以保持褂裙最佳狀態~ 所以其實真係貴得有道理既~ 下次開褂, 就是我出嫁之時了 (如果我的決定沒變的話 =P)

最後揀左呢件......

密地彩底金龍金鳳

封褂! 好架勢!

俾左錢了


同場加映, CNY前來試的大五福! 上次就是因為試了它, 而放棄租潮褂了! 其實呢件都幾唔錯既~

CNY前來試的大五福

他還未租馬褂, 所以之後仍會再來冠南華~ 我也不知知道會否換款呢, 哈! 之後上網睇, 香港島也有分店, 可能我要再去望望有冇其他款先得, 哈哈!
不過大婚當日應該點都係著褂皇架喇, 頭應該用番紅花吧!? 鞋則可能要買對金鞋了....
花嫁分享 | Comments:6 | Trackbacks:0 | 2015/03/30(月)
最後的二字頭&單身的お誕生日*第2擊* - Dinner with Family~
晚上跟家人們吃生日飯, 本來想去帝京軒架, 不過見到東海有promotion平好多, 所以都係去左東海.... 食物, 都是那些啦, 鮑魚、海參、花甲、竹笙等, 普通的中菜~
爸爸是晚不斷說話, 可能飲左啤酒啦, 汗.... 問下父母我結婚要換幾套衫, 我媽話佢都要開始減肥 =p 我阿姨就而家開始留定長髮wor XD

鮑魚和蒸魚都好吃...

dinner完還有蛋糕, 本來想試東海堂的蜜瓜or西瓜味 (PS* 朋友唔洗買俾的試, 哈) 不過夜了冇曬貨~ 最後揀左芒果味的~ 我今日件衫隻色跟個蛋糕很襯 XD 父母都問我今年生日有咩感覺, 其實真係冇咩wor, 反而下年生日應該感覺會大d, 講真, 我期待下年生日多d, 哈哈哈!
除了蛋糕, 還有壽桃包! 真係呢, 食得邊樣呢 =p 好飽呀!!

my second birthday cake this year

又蛋糕又壽桃包, 食得邊樣呢!?

一家四口

一家五口

仲有10日, 又大一歲了!
食店: 東海酒家
地址: 大角咀海輝道11號奧海城1期1樓101號舖


媽媽都話我瘦左wor, 面尖左同個hip細左 =p
節日慶祝 | Comments:4 | Trackbacks:0 | 2015/03/29(日)
Big Day Wedding Gown trial @ Run for the Dream
尋找big day wedding gown的第二站, 就在3月24日去了有朋友介紹的run for the dream~ 這次陪我去的是小嘉和ketu, 店其實幾方便去既, 係店的logo實在太小不好找, 過左都唔知 =p
我有朋友都confirm左呢度租WG, 不過我上網睇過D款, 都比較簡約少D details, 我自己是想找花一點的, 所以其實不太有expectation, 只係想來試試designer brands的WG啦~

miss左幾轉先搵到間店 =p

我們都說ketu適合著絹質的WG, 不過她本人說不喜歡, 且看將來她選的會是什麼 =P Run for the dream的WG有D都幾舊, 尤其是我們見到小嘉當年那件婚紗, 很黃的! 好明顯就是舊了的, 汗.... 色差很大呢!
這兒的好處是可以有半小時任試! 我也把握時間, 找了6條來試! so far款式上有幾條其實都唔錯既, 不過還是有些地方覺得不滿意, 也沒有覺得好吸引的地方.... 我想要low cut、上身多一點點bling、下身是紗的大拖尾.... 首選是ball shape啦, 但魚尾好像也真的不錯.... 且看我最後究竟會揀1定2件WG啦!

第1條試的, 有少少粉紅色, 下擺幾令~ 是我想追求的~ 都著得幾瘦~ (咁我真係唔係好肥姐), 而且仲未fit身可以再緊d~ 不過唔鍾意上身的物料, d圖案好似一pat野咁... 最奇怪是手臂上那2條東西, 真係唔多like....

下身幾好, 不過上身不好看

之後試了2條背心款的, 其實我都試過好多條背心款的, 從來都冇一條好看 & fit size! 可能我是因為我身型問題, 上身太短了~ 看來之後都不用花時間再試了...

這2件背心款當然out啦~

這條其實幾令架, 是so far試過最好看的~ 合身, 唔肥, 下擺都美~ 不過這條好像有點甜美的感覺! 尤其是那條ribbon belt... 我想我應該不是走甜美路線的人呢... 而且, 穿上這件感覺年輕了.... 哈! 總之, 我覺得這件是好看的, 側身和背面都好看~ 不過正面就是沒有我的感覺我的味道! 似乎跟我的個性不是很合~

側身最好看, d紗同個尾好令~

然後這條, 其實也不錯, 下擺也好看~ 不過我不喜歡上身一pat野咁, 還有胸形也怪怪的... 另外這條因為size的問題, 好鬆lor, cup位完全離罩, 腰位應該可以減少2, 3吋! 真係超肥, 完全影響效果! 汗! 試WG就是這樣要合眼緣, 雖然size有得改, 但一試上身覺得唔ok真係好難攪呢...

呢件size好大..... 條腰好似粗左3吋咁...

最後試左條魚尾.... 好窄, 好緊! 上身的人實在太瘦了! 神奇的是我竟然都zip-up到! 靚剪裁的WG真係唔同D! 不過拉上拉鍊後, 我真係呼吸困難呢, 汗!
這條mermaid款都有驚喜呢, 穿出S型身型~ 由於本人其實是比大家記憶中的我已瘦了很多, 所以我都幾like顯示身型的~ mermaid就是最好的選擇~ 這條mermaid個shape和個尾都令~ 不過如果揀, 我會揀有多d bling的, 這條只有花紋, 不夠好~ 但總括, 這條個shape是不錯的~ 而且可能滲出多d我既味道....

最後有驚喜... 魚尾係有味道D.... 側身同背面都好令

6條試曬... 都冇一款覺得好合心意~ 不過如果要揀, 我應該會揀最後那條魚尾..... 應該是最impressive的, 睇相最令就是ribbon belt那條~ 你們又覺得邊條最好呢?
花嫁分享 | Comments:2 | Trackbacks:0 | 2015/03/29(日)
証婚場地 @ Clubhouse
本來已book了九龍塘伊甸園的glass chapel下午時段做証婚場地, 不過早前報紙報導了那兒和My Garden的玻璃屋都是僭建的, My Garden仲已經有order係身.... 我打電話去問過伊甸園glass chapel, 佢地話可以gurantee 16年1月2日之前都唔會拆, 有written letter, 同埋如果真係拆會賠錢 (應該啦)... 負責人話如果仲擔心, 可以在4月30日前退款.... 其實我就真係擔心架, 畢竟被報導了, 仲有成9個月wor, 點知會發生咩事....
所以我都諗定alternatives, 講真, 真係唔易搵, 其實我最想要有戶外同埋chapel的感覺 (所以先揀glass chapel啦), 一係就酒店啦, 不過酒店實在太貴了, 又要放棄....
最後的idea是在他家的clubhouse book個event hall, 他的clubhouse都令既, 新嘛, 都有酒店feel~ 一早想過big day當日可以入去拍下照, 亦有d室外景影到泳池既....
大果個event hall一租租2個鐘, 我就prefer 1pm-3pm.... 價錢都唔貴既, 應該都坐到80人, 好高樓底, 個場都長, march-in時應該都幾好卦~ 而且有一邊是落地玻璃, 白天應該幾光猛幾通透既 (當日去拍照時是晚上, 所以黑d) 如果在clubhouse註冊, 還有一個好處是非常方便啦, 又近我家、又近W hotel, 3點幾已經可以到w hotel再外拍了.... 雖然我唔係非常喜歡clubhouse這樣的宮廷feel, 不過w hotel已是hip hotel, 註冊時有另一個feel都ok既... 畢竟位置和各方面的setting都不錯! 我要想想在event hall做d咩decoration啦.....

clubhouse的library area.... 影相唔錯...

clubhouse的大樓梯, 其實幾似酒店既....

應該會book這個大event hall做証婚場地~ 都放到80張椅子既...

白天再去拍的, 感覺冇咁土豪, 都ok既


而家安排緊伊甸園glass chapel退款, 又問緊clubhouse d detail... 等收到錢之後就正式book吧...
在clubhouse book場、book律師、再做埋decoration, 價錢應該都比glass chapel比少少既....
花嫁分享 | Comments:3 | Trackbacks:0 | 2015/03/29(日)
Ken's Birthday Dinner @ Billidart
琴晚飲左酒, 今日真係超級眼訓呀 >.< 晚上去灣仔跟吃ken的生日飯~ 到了我灣仔我才去搵cake shop, 行了很久, 才在Ginger Bakery買了個cake, 然後再行上餐廳, 好遠架~
今晚bill臨時來不到, 卻換了grace臨時來到~ 哈哈! 所以都是6個人 =p 這家bar ken之前來的, 真的是bar, 有桌球臺、飛標同Beer Pong等~ 而且人不多, 幾好架!!
我們來到時仍是happy hour時段, buy 1 get 1 free~ 我今天不再想飲啤酒了! 所以就點了apple cider~ 哈哈! 2大杯, 都好抵飲 =p
來bar都是要吃些煎炸食物的啦~ fish & chips, 豬手, nachoes, 雞搥, 都幾好食既~ 咁樣大啖大啖飲先arm feel架嘛 =p 正好電視在播rugby sevens, 男生們都有看! 哈!
jacky在我們盤問之下, 終於有好消息透露了! 恭喜曬你脫離單身之列! 等左咁多年終於等到, so happy for u~ (雖然我們似剝花生觀眾多d XD) 都話男人越大越有機會架啦! kaka!!

間bar有桌球臺、飛標同Beer Pong等, 好有feel架

fish & chips, salmon pasta, 鴨胸pizza, 豬手

雞搥, 雞翼薯條, 豬肉腸, carbonara, nachoes with cheese

jacky, karen & grace~ ken, yiu & ben~

食前記得大合照先 =p

grace, karen, jacky, ken, yiu & ben


因為yiu今晚仲要番night shift, 所以我們就早d吃birthday cake! 蛋糕是brownie cheesecake呢~ happy birthday to ken~ 今年跳字頭了, 人生新一頁! 雖然他說沒什麼感覺, 哈哈! 可能男人的感覺會少d? =p
2016、2017年? 有機會去到我們心儀的Tasmania嗎? 多謝ken說要把這地方留給我們~ hehee!

happy birthday to Ken~

ken, yiu, ben, jacky, karen & grace~


yiu走後我們就去玩飛標! 5蚊一個player玩一局真係好抵, 我們也玩了好幾局 =p 我也很久沒玩了, 最勁的當然是ken =p 而grace成標成日out, 好攪笑 XD jacky都唔錯, 曾經一round連中3個bull呢, 好勁! 而我的成績都真係幾唔錯架! 我們玩701 game, 我都係仲爭40分之嘛~ 成了冠軍!!!! 哈哈! 有次仲係最後一局來了幾個double和一個triple 20, 真係冇得輸! 嘩哈哈! 好開心~ 當然, 我都有中左幾次bull架~ wahahahaha!

好耐冇掟過飛標了~

我們都不是專業的 =p

jacky, karen, ken & grace

jacky, karen, ben, ken & grace

jacky一round連中三個bull, 好amazing!

我是這局的winner! 爭40分咋! 嘩哈哈! 而且我都有中過bull架! keke
食店: Billidart Restaurant & Bar
地址: 灣仔杜老誌道6號群策大廈7樓&8樓全層


4月, 我和YIU生日, 即日已約好大家再入馬灣海鮮BBQ! 諗起都正啊! 期待~
識飲識食 | Comments:10 | Trackbacks:0 | 2015/03/28(土)
Elyze機能再生*第四十四回*
昨晚打完邊邊, 吃了那麼多, 一早預左會肥左重左啦.... 上到elyze做inbody, 體重是重了0.5kg (1.1磅), 不過, 我的純脂肪竟然減了0.2kg (0.44磅) 呢!! 真係很surprise哦 *0* 我重了的, 都是多了在肌肉和水份方面~ 不知道這跟肌肉有什麼關係, 我只知道我是瘦了, 哈哈! 而體重加了我就覺得是因為period的關係, 哈哈! 講真, 我個hip位又真係薄左少少既, 不過距離要有perfect身材穿mermaid款的wedding gowns仍有漫漫長路呢....
今天繼續吸cool, 今次做左邊腰側的位置~ 呢個位我都幾憎, 好多肥肉呢! 做這位置的cool sculpting唔太舒服! 因為是坐著的呢....
之後就做RF和u+b, collegian主要做個hip同大腿, 可以妖緊番個hip呢, 咁樣都可以幼d架!


最後倒數..... HK pre weding仲有個半月、英國pre wedding還有2,5個月!! 加油呀!
擊退脂肪 | Comments:4 | Trackbacks:0 | 2015/03/28(土)
Farewell Dinner @ 淘園
在這公司已做了7個月, 部門已走了1個同事+3個同事resign, 汗! 人事問題係有d麻煩, 不過都有好人既, 畢竟好多時大家會一起出差, 其實都熟架~
今天晚上共6位同事就跟同事J farewell, 去了佐敦打邊邊, 正! 先來個蕃茄大眼雞鍋, 還有很多肥牛, 牛舌, 豬肺, 豬紅, 桶蠔, 鵝腸, 墨魚滑蝦滑, 還來了一隻墨魚刺身! 正! 魷魚的鬚拿了去用椒鹽炒! 打邊邊當然要有啤酒啦~ 是晚好像飲了一打asahi大啤, 仲要得4個人飲, 哈!
飲左酒, 當然要盡訴心中情啦, 真係好正, 我是節目主持人, kakaka!!! 對不起, 我的樣子就是天生比較寸 lol

已經有一陣子沒打邊邊lu, 手切肥牛好正

墨魚刺身好正! 桶蠔都好好味
食店: 淘園火鍋館
地址: 佐敦偉晴街46-52號聯美中心地下


打邊邊至人家打烊! 同事K明天要行山所以先走, 之後5人再去了吃糖水, 有人請客, 呵呵! 最後談到2am人家打烊才走人呢! 幸好我打的回家也非常快 =p

多謝有人請吃糖水
識飲識食 | Comments:0 | Trackbacks:0 | 2015/03/27(金)
最後的二字頭&單身的お誕生日*第1擊* - Dinner with Sally @ Lawry's~
3月尾喇, 我仲有2個星期就生日了! 今天開始吃我第一餐的生日飯!! 先拔頭籌的, 是今晚跟Sally Kwan到Lawry's The Prime Rib dinner~ 這間餐廳我都想試很久了的呢! 終於又找到機會了!
很典型的美國餐廳, 就像Ruth’s Chris那種美國扒房, 環境靜靜地啦~ 人不多, 每枱都有一個waiter負責的~ 不過我們不是很好彩, 因為我成日都聽唔到個waiter說什麼 =p

終於黎到試Lawry's The Prime Rib*

來Lawry’s, 當然要試這兒最有名的Prime Rib啦! 吃牛扒當然要配紅酒, 二人點了支Lawry’s自家出品的house wine~ 先來客prawn cocktail~ 點Prime Rib包埋份salad的, waiter在我們桌前用個大鐵兜調配沙律, 然後自動幫我們分成2份, salad的份量真不少呢! 吃沙律的碟和叉子都是雪凍了的, 真細心 =p

來一支紅酒~

在我們桌前調配沙律, 還有Salad & prawn cocktail~

Cheers~~~


然後主菜終於來了! 就這兒的signature dish – Prime Rib, 廚師和waiter推著一大架銀色不鏽鋼餐車推至我們的餐桌旁, 很有氣勢! 我們點了10oz的Lawry’s cut, 很厚身, 有成2cm呢! 廚師現場即切割的~ 我們要5成熟的Medium rare, 廚師幫我們把Prime Rib一開二分碟上, 再配上很rich的Creamed corn, spinach和Yorkshire pudding~ 還有琥珀色的gravy肉汁, 很美! 成個dish感覺很traditional很吸引! 因為prime rib是用焗爐焗熟整舊肉的, 所以肉質真的很嫩呢! 不過肉味就不是很濃郁~ 香港除了buffet之外其實都沒很多地方可吃到Prime Rib, 所以今次都是個幾特別的experience呢~ Prime rib明明是英國菜式, 不過卻在這傳統美國餐廳出名, 都幾得意丫 =p (仲有Yorkshire pudding明明很British的啦~)
另外還點了一個main dish – seared Grouper~ 魚肉好味呀! 真係好飽呀~

架銀色不鏽鋼餐車很有氣勢呀!

Lawry’s Prime Rib – Lawry’s cut (這是一半份量)

還有Yorkshire pudding和seared Grouper

Such a nice meal~


凡是birthday和anniversary的客人在Lawry’s dinner的, 都有免費蛋糕送呢, 呵呵呵! 是strawberry cake來的, 味道可不錯的哦~ 而且還有polaroid送呢, kekee! Cake上寫著Happy Birthday to Karen的哦~ 見到今年我的第一個生日蛋糕, 終於有d生日feel呢, 哈哈哈! 我今年仍是二字頭架, 其實都冇咩感覺, 反而覺得明年跳字好像更重要、更值得慶祝呢, kakaka!!
許願時, 要想一會兒才想到許什麼好呢, 哈哈! 希望dream comes true啦!

My first birthday cake in 2015

好快又大一歲了!

想了一會兒才想好應該許什麼生日願意 =p

Karen & Sally Kwan~ 謝謝你又陪伴我過生日呢~ >w<
食店: Lawry's The Prime Rib
地址: 金鐘夏愨道10號和記大廈2樓201號舖


埋單, 好貴呀! 多謝朋友請客!! 雖然明年是人生新一頁, 不過下年要食平d了~ 哈哈哈! =p
唔洗俾錢的我, 還有得儲mileage呢! 2蚊一分呀! 好正~ 嘩哈哈! Thanks Sally Kwan so so so much >w<
節日慶祝 | Comments:0 | Trackbacks:0 | 2015/03/25(水)