Daisypath Anniversary tickers
廣州慶生日+買婚紗之旅 - Day 1~
雖然是星期六, 不過仍要一早起身, 9:24am的火車往廣州~ 一星期7日, 我番左大陸5日, 汗....
其實去年已去過廣州2D1N, 去了很多景點~ 不過今次是特意上來買婚紗的~ 目的唔同啦~ 上廣州只需2小時直通火車, 其實都好方便~

又去廣州了....

2小時的車程~


雖然今次main point是要到廣州的婚紗街, 不過都半算是他的生日trip, 所以我們都住好少少, book了在東站附近的Westin Hotel (上年easter來是住Hilton)~
我book的是最cheap的房間, 點知有得upgrade wor, 間房大好多, 呵呵! 比上次6人一起住的Hilton真係大好多呢~ kekee! 雖然只是睡一個晚上, 不過有得upgrade都好開心~ 哈!

今次住廣州Westin Hotel~

upgrade了大房~ kekee!


搭地鐵往上下九步行街和第十甫路搵野食, 上次也來過的~ 人很多呢~ 兩旁有不少小吃攤檔呢...

上下九步行街

步行街旁的第十甫路~


上次去了廣州酒家lunch, 今次本想去另一有名的陶陶居, 不過實在太多人等位, 所以就去了對面, 同樣幾出名、又是老字號的蓮香樓, 不知道跟HK的有沒有關係呢 =P
來廣州就是要喝茶, 自己泡~ 感覺不錯~ 飲了很多~ 這兒的蓮蓉包很出名, 又真係幾好食既~ 我平時可是對包點沒什麼興趣的 =P 還有2個小菜, 也好吃~

很多人的陶陶居

同是老字號的蓮香樓

來廣州一定要喝茶...

菜心, 豬肝燒賣, 蓮蓉包, 松花煮牛肉, 雲耳蒸鳥, 灌湯餃

終於食得啦~

廣州有很多老店呢~
食店: 蓮香樓
地址: 廣州荔灣區第十甫路67號


Lunch完, 也行了一行上下九步行街~ 他未來過嘛~ 我也跟不少銅像拍照, 雖然去年已一一拍過 XD 他對廣州的感覺不錯, 比深圳好好多~ 哈哈!

上下九步行街的銅像

再一次交下戲 =P


之後就打的, 去我們今次的主打的地 - 婚紗街 (江南大道 / 地鐵市二宮站)~ 一落車就見到很多來婚紗街的人都會住的天一酒店! 哈! 位置果然非常方便 =P
聽說這婚紗街的婚紗, 幾千一萬、幾百蚊的都有~ 當然質素參次, 亦是一分錢一分貨啦! 我目標是1000以下的, 600-800的就最好啦~ 要知道在HK, 租一條婚紗閒閒地都要過千, 去Scotland影要租成2個星期一定更貴, 點都係買化算d~
來之前, shirley已叫我主攻那些橫街~ 平嘛~
婚紗街真係好大, 我們行了4小時.... 我很有心水, 主打找low cut、心形胸、下面是蓬蓬的WG, 第一次試婚紗, 真是有點戰戰兢兢的, 畢竟我真的未試過穿這樣又low cut又曳地的禮服呢!!! 第一條試的RMB 480, 麻麻地, 胸口有D怪... 之後試穿第2條, 都OK~ 不過嫌下面D花太多, 所以沒揀.... 不過, 其實我著low cut都幾好睇呀, 唔係好肥姐 =p

之後也逛了很多店, 因為有心水款, 所以基本上都好快可以scan完一圈出來~ 之後再逛另一家店, 一共試了3條, 都是RMB 680的~ 第一條, 不太喜歡腰位~ 第二條都OK wor~~~~ 有曬我心見中想要的elements..... 我自己覺得都幾令呀! 最後一條其實也不錯, 上身都差不多, 只是下面的有多層layer的, 又ok wor, 之前還以為又肥又矮的我會著得唔好睇tim, 點知都不錯wor.... 不過最後, 我都係揀左第2條, 簡單d, plain d basic d的~ 不錯!
已買了一條WG, 好想再買多一條WG和EG, 不過今天行到天黑時都仍未有收穫呢..... 希望明天仲有收穫啦~ 最想搵多條完全唔同的WG!
(試了的婚紗, 另外開篇blog再post再談吧~)

第一次睇婚紗, 好新奇!

D婚紗都差不多的, 眼花撩亂呀!

真係有好多Wedding gown & evening gown.... 質素參次....

左邊是我人生中第一條試著的婚紗~ haha~ 右邊的其實都ok, 不過嫌下面太多花, 所以都冇揀....
兩條都是RMB 480而已! 真係好平...... 當然, 一分錢一分貨~


由3點多行到7點多, 天都黑, 店也關了....只買得一條婚紗, 真係不是很滿足呢 >.< 希望明天還有大半天, 可以有更多收穫啦! 希望買多一條WG和一條EG啦!!
行得很累了, 就求其搵野食~ 又是中菜, 不過食物麻麻地..... 不好吃的....

燉湯, 雞, 魚, 蒸水蛋, 菜

回到酒店才9點多, 很早呢.... 今個星期, 訓左3晚酒店啊! 3間不同的酒店! haha

酒店房望到的夜景~
環遊世界 | Comments:2 | Trackbacks:0 | 2015/01/31(土)
Happy Birthday to my dearest YOU ^3^
5pm落機回到HK, 回到家已經6pm了.... hea了一會兒又要外出, 因為今天是他的生日呢, 幸好趕得及回來跟他dinner~
本來是book了北京道一號一間精緻的北京菜館dinner, 不過因為我們明天打算上廣州2D1N, 當慶祝他生日+買婚嫁野, 所以就諗住今日食平D, 求其食啦.... 近日大家都花費了很多呢....

dinner地方也是晚上才隨意揀的~ 就是很方便我們的Delaney's, 其實之前我也來過的, 我們二人也累, 也沒什麼胃口, 所以就不是點了很多東西.... 一個chicken fajitas一個seafood platter而已... 出trip吃得很多, 又少菜, 我肚子很漲呢.... 沒什麼胃口, 汗....

一個chicken fajitas一個seafood platter~ 還有apple & pear cider...

happy birthday to you~
食店: Delaney's Kowloon
地址: 尖沙咀北京道71-77 號誠信大廈地庫


今年時間實在不許可, 所以也沒有親自做蛋糕呢, 不好意思呢 >.< 已經好久沒試過不整了, 汗! 出外前先買了蛋糕, 因為只有2人, 所以只買了個很小的, 沒買whole cake啦~
生日嘛, 都一定要吹蠟燭的~ Happy Birthday to my dearest, 最後一個單身的生日了, 今年簡單地一起過, 明年結婚後、忙完, 一定要大肆慶祝呢, kekekee!
生日禮物有我在成都買的褸, 嘩哈哈~ arm曬啦 =p 下星期到他出trip, 可以大派用場了~ kekee!!

生日, 點都有蛋糕既~ 雖然小左d =p

Happy Birthday to my dearest~
戀愛記事 | Comments:2 | Trackbacks:0 | 2015/01/30(金)
重慶成都Biz Trip - Day 3~
今天一早10am就去見客, 一小時, 時間剛好~ 之後上了office跟同事say hi~ 然後連lunch都沒吃, 就去了shopping半小時~ 在這30分鐘, 我又破費了! 自己買了一件one piece一件褸, 也買了件樓給他, 畢竟今天是他的生日呢, haha! 國內其實有很多牌子香港都沒有, 不少同事在出trip時都會買東西呢, kakaka!! 出Trip都買到野, 真係好開心 >w<
買野買到時間很趕, 立即行回酒店拿行李, 然後就跳上的士直奔機場了....

滿載而歸.... so happy

2:10pm的飛機回hk~ 最後3pm才起飛, 在機上等了一會兒呢.... 回程是新機, 真好~ 睇下電視, 又訓下~ 好快就回到HK了~ 因為上機前已吃了東西, 所以在機上只吃生果和果汁~
5pm就回到hk了~ 本來不是很累的, 但坐了2個多小時, 人也累了~ 哈! 打的回家, 待會兒又要外出了!

回hk了~

工作了5個月, 飛了4次, 好多wor..... 不過都是2-3日, ok既~ 可儲mileage和食野, 是最開心的, haha!
海外工幹 | Comments:0 | Trackbacks:0 | 2015/01/30(金)
重慶成都Biz Trip - Day 2~
今天10am才見客, 不過因為地方遠, 所以9am也要出門了... 來了個山卡啦的地方, 晨咁早, 又大霧, 又在個湖邊... 成個感覺好夢幻, 汗!
見客見了一個半小時, 在間環境優美的coffee shop, 好正~ 又大又relax! 這樣悠閒的才是coffee shop呀! 裝飾非常artistic, 香港那些大排長龍的dazzling cafe, 咖啡弄, 完全沒那種feel啦.... hk太小了, 人又多, 很難有relax的感覺....

coffee shop

shop design非常artistic

木製的傢俱, 很有feel~ 還有大大個書架~


見完客, 去番市中心, 再兜了個商場~ 時間很趕, 之後就拿行李出發去火車站了! 1:54pm的動車往成都! 就這樣, 我在重慶只勿勿地逗留了20小時! 除了吃了餐飯, 完全沒時間見到重慶的面貌呢, 可惜! 不過應該還有機會再來吧!
1:20pm才到火車站, 本想坐下來吃個quick lunch, 跟住指示牌來到"餐廳", 點知..... 那竟然是個counter而已!!! 只有"民工"般的火車便當.... 真係笑死我們了! hahaha! 那指示牌明明是很大個的呢, 汗!
今天的lunch竟然要吃這樣的便當, 好慘呀 >.< 而且不便宜, 要RMB 32的呢! 汗...

重慶北站~

以為有餐廳, 點知........................

上車了.... 出發!


來到成都, 4點多了! 第一次來, 也是第一次到四川省呢! 成都是熊貓之都, 可惜今次仍是沒很多時間, 不能好好發掘這城市呢!
打的去酒店放下行李, 今晚的酒店也不錯啦~ 真好~ 而且很方便, 行的商場都在旁邊, 不用搭車!

到成都了~

今晚的hotel~ 不錯~


放下行李之後就行商場了~ 先行公司那個, 很大, 累死了! 商場外有隻大熊貓, 已成了這兒的地標~ 不是全team同事都來過成都, 我真係幾好彩, 有這機會去呢!
行第一個場內了個多小時, 之後再去旁邊的又行了個多小時, 行到8點多才行完呢, 行到人也呆了! 不過我也買了點東西, HAHAHA!


場內有candy display

場外有大大隻熊貓

成都果然是熊貓之都啊

panda is so cute >w<

我店還了這個盛茶葉的東西 =P


9pm, 終於可以dinner了! 今天是最後一晚了, 所以我們二人要吃好d、吃多d! 當然是去吃成都菜, 點了不少呢! 睇見都好興奮! 出trip, 最開心的莫過於有得食了! 不過今次出trip, 吃的2晚dinner也不是太美味, 只是一貫水準, 沒什麼驚喜呢! 不過今次飲了熱啤, 也吃了個鍋, 也不錯啦 =p
點了那麼多, 埋單是RMB382~ 重慶成都的價格真是比上海便宜很多呢!

9pm, 終於有得食了~


醬香鯽魚, 功夫灌湯, 擔擔麵, 豆花, XO醬秋葵, 養身琥珀, 牛羊燙燙鍋, 熱喔煮啤

成枱食物, 好正呀!

第一次飲熱啤~

和同事二人一起吃那麼多~ HAHA
食店: 三號院
地址: 成都市春熙路紅星路三段一號國際金融中心L616


Dinner到10點多, 談到人家打烊才走人~ 行回對面的酒店, 然後一起在酒店按摩~ 好爽呀! 按了2小時, 行了那麼久按腳就最爽了! 按身時我還睡著了呢, haha~ 按到12點多才上房訓呢....

massage~ 好舒服!
海外工幹 | Comments:0 | Trackbacks:0 | 2015/01/29(木)
重慶成都Biz Trip - Day 1~
才2個星期, 我又出trip了!! 可以俾我揀去不去, 我一向唔抗拒出trip, 而且地方是我未去過的重慶和成都, 我心底是想去的! (而且今個星期大家都出trip, office人少, 可有機會很忙和常被點呢!) 唯一concern是他星期五生日, 雖然本已沒打算在正日做些什麼, 但仍怕飛機delay不能一起dinner~ 不過預定星期五是4:20pm下機, 應該沒問題吧....

早上如常上班, 第一次拖住個gip番工咋! 汗!
1:45pm的飛機去重慶, 11am才從公司打的出發~ 到達機場時間尚早, 跟同事先在pizza express吃個lunch先, 同事也是愛酒之人, 一人一杯白酒, 未出發先飲, 正丫!
飛機沒delay, 2個多小時就到重慶了, 我在飛機上有休息, 睡著了~

去重慶! 未出發先飲!

來到重慶已經4點多了, 出機場就有司機接我們到酒店, 真爽~ 在酒店check in, 已經5點多了, 酒店不錯wor, 好大, 有酒落地玻璃和大浴缸, 正~
放下行李在酒店後就要立即再出發了! 天色已黑, 雖然今天不用見客, 但我們仍要去逛商場呢! 也有司機接送, 太好了!

酒店很不錯呢~

6pm才到第一個商場, 行了一小時, 腿也軟了! 然後7點半再到第2個, 又行... 雖然今天不用見客, 不過真的比見客還累呢.....
8點多才dinner, 跟另一部門的香港同事一起吃, 人家隔個星期來重慶, 是地膽呢~
第一次來重慶, 自是吃重慶菜, 當然是辣的啦~ 很多菜都有辣椒, 連那涼拌黑木耳也是辣的, 辣死我了... 最好吃的是辣爆腰肝, 酸菜魚也好吃, 咸旦黃鋦鍋巴幾特別既, 因為好辣, 所以飲了2支大啤! 同事點的那個盆栽酸奶真是笑死人了, hahaha!!
但總括而言這餐沒想中好吃, 不過這餐我manager埋單, 呵呵呵~

餐廳的環境

蝦餃, 冷麵雞, 辣爆腰肝, 巧手黑木耳, 拍黃瓜, 孜然烤龍骨

酸菜魚, 盆栽酸奶, 啤酒, 肉末粉絲煲, 咸旦黃焗鍋巴, 油蜜菜
食店: 順風123•coco
地址: 重慶江北區龍湖北城天街新館4L


Dinner完還有下埸, 三人一起行去coffee bar吹水, 沿路見到不少特色bar, 幾得意wor~ 我們去的coffee bar有人現場唱歌的呢~ haha~ 我們三人開了一支白酒, 同事埋單, 我又在呃飲呃食了呢, hahaha!!

可愛的coffee bar

有人唱live

三人開了一支white wine~
食店: 蝴蝶夢音樂餐廳
地址: 重慶江北城天街46號九街高屋西區中國銀行2樓


回到酒店已經11點多了~ 雖然今天沒做什麼, 但又飛又行, 也很累了呢 >.<
海外工幹 | Comments:0 | Trackbacks:0 | 2015/01/28(水)
Kelly's belated birthday dinner~
今日忙到呢, 好多野做, 做到停不了手呢.... 明天就要飛了, 好多野要執呢, 幸好仍然7點幾就走得人了~ 明天下午機, 早上還要如常回公司呢, 汗!
晚上約了Kelly & shirley飯聚, 吃kelly月初的belated birthday dinner~ 三人去了棉登徑的Dabyida, 食物麻麻地, 冷氣很涼, 菜很快就冷了....
跟kelly已很久很久不見了, 已想不起上次見面是什麼時候, 更好久沒試過3人聚了...... 然後跟shirley說了很多很多wedding的事呢! 還有3個多月就到她的big day了, 真期待呢!! 已經七七八八了, 期待你的bridemaids & groomsmen開會和bridal shower呢! kekee!!

帶子risotto, rib eye steak, 黑松露蘑菇湯, 自家制ravioli, seabass

杯左2杯white wine XD
食店: Dabyida Restaurant and Bar
地址: 尖沙咀棉登徑5-6號鋪地下


dinner完去了甜品工房~ 不用怎樣等位, 不錯.... 之後又說到shirley的新居, 真係好正呀!! 我仲未開始睇樓呢, 唔知點攪 >.<

dinner完要吃dessert

karen, shirley & kelly~ 好久沒試過3人聚了!
食店: 甜品工房
地址: 尖沙咀厚福街12-12A號地下
識飲識食 | Comments:2 | Trackbacks:0 | 2015/01/27(火)
嫲嫲大壽~
今晚嫲嫲大壽~ 家人們又擺了2圍跟嫲嫲賀壽~ 今年特別點, 也帶他一起出席了~ 畢竟明年我們都要結婚了, 總不能讓他太遲才露面吧 =p 嫲嫲見到他, 心情彷彿也很不錯 (雖然她長期都是個很隨和很快樂的老人 =p)
正式通知親戚們我下年要結婚了~ 他們問我要金還是錢, 我當然是說錢, 哈哈哈! 很重要的呢, 我已經很over budget了哦.... 我成了吳氏中這一輩最快跑出的人, 大家都未經歷過, 感覺幾新鮮呢 XD
嫲嫲今年已85+歲 (具體連她本人都不確定 =p), 身體仍不錯~ 希望她繼續身體健康, 幸福快樂~ 生日快樂呀!

嫲嫲生日快樂

嫲嫲和我倆姊妹

嫲嫲和我們一家四口

他今年第一次正席了 =P

吳氏大家族~

都是吃這些東西啦~
食店: 明星海鮮酒家
地址: 荃灣石圍角邨石圍角商場二樓426號


黎緊呢個星期, 又好忙了! 一星期七日, 我有五日都會上大陸呢 *0*
識飲識食 | Comments:2 | Trackbacks:0 | 2015/01/25(日)
Ben's Birthday Dinner with Aberdeen Buddies~
晚上約了Aberdeen之友吃Ben的生日飯~ 踏入1月, 未來的2、3、4、5、6月都有人生日呢, 我們將會連續幾個月都見面~ haha (7-10月就少見了~ haha)
今晚跟ben, grace, jacky, ken & yiu大家一起去吃韓燒~ 一吃韓燒, 就想起早2年大家一起去濟洲時吃黑毛豬燒肉的情境! 真係好正呀! 希望明天大家可以一齊再去旅行啦! Tasmania就沒那麼快了, 那日本OK嗎? 又可以自駕遊呀! hahaha!! 諗起都覺得好正! 如果去得成, no paid leave我都奉陪到底啊!
因為明天ben, grace & ken都要一早去跑馬拉松, 所以我們今天約很早呢, kaka! 有韓燒和燒鍋~ 豬併盤、牛併盤、牛腸鍋~ 食物真不錯呢~ yummy! 韓燒仲有專人燒埋, 好方便~ d肉配埋蒜頭食, 正~
食韓燒, 點少得韓啤和米酒! 侍應教我們把韓啤和米酒撈埋一齊飲 *0* 真係孤陋寡聞, 第一次試呢! 又幾好飲wor~ 想起在濟洲時, 只有我和bill對飲, 如果可以6人一起飲, 勁開心, kakaka!!
希望summer我們可來個pool party啦~ 好好好好期待呀! 6月我們要去aberdeen了, 到時一定要買d手信比同是在aberdeen相識的大家 =p (dont expect too much XD)

很長的煙囪! 抽氣一定好厲害!

食韓燒、飲韓啤!

豬併盤、牛併盤、牛腸鍋~

燒肉中

燒牛舌...

乾杯!!!! CHEERS!!

jacky, karen & ben; grace, ken & yiu

grace, ken, yiu, jacky, karen & ben
食店: 南대門
地址: 尖沙咀金巴利道65-67號太平洋大廈地舖


本來想在餐廳吃bday cake的, 不過被人家趕走了呢, 因為外面還有人等位, 汗! 因為不想吃得太趕, 我們就去了尖東的百週年公園~ 我們還在7仔拿了叉呢 XD (不過火機是買的, haha!)
蛋糕不是我做的, 是買的朱古力鮮果黑森林, 我覺得ok, 不太甜又不濃朱古力味~ 不過他卻更喜歡傳統的黑森林呢 =p
Happy Birthday to Ben, my fiance~~ wish u all the best~ 下星期生日再好好慶祝吧 =p

happy birthday to Ben

ken, grace, ben, karen, yiu & jacky~
識飲識食 | Comments:0 | Trackbacks:0 | 2015/01/24(土)
Elyze機能再生*第三十六回*
星期六又去Elyze做treatment了~ 先做inbody, 體重比前幾日輕了1.2kg (2.64lb), 純脂肪也輕了0.2kg (.044lb), 其實沒什感覺, 才幾天, 這是真的嗎?! 汗!
so far做了機一個多月, 吸了5格cool, 體重輕了0.6kg (1.32lb), 不過純脂肪暫時的變化不大.... cool sculpting的效果是在做後的2-3個月才最明顯~ 雖然目前體重還未大跌, 不過我的確感受到我某些部分是薄了~ 希望快d可以瘦下來啦! 戒口, 我暫時還未, 都係過埋個CNY先....
今天繼續吸cool, 做左後腰的部分~ 今次吸的冇上次右腰的咁痛呢.... 後腰的call機肉、hip都是我最頭痛的部分! 希望這些脂肪都可以快快消失啦!

今次做左後腰的部分

做完, 一如以往, 紅曬....


下星期要飛, weekend又要去廣州, 又要停一個星期才可再做cool了.... 下次應該是做肚子了吧~
做曬d cool sculpting, 可能要再加多幾次accet ultra, 重點減下d頑固的脂肪了! 5月影HK Pre-wedding, 6月去英國影! 仲有d時間吧! 加油減肥!
擊退脂肪 | Comments:0 | Trackbacks:0 | 2015/01/24(土)
<親愛的,原來是你> (Love, Rosie)

導演 : 基斯頓迪他
演員 : 莉莉歌蓮絲、森加芬

《親愛的,原來是你》(Love, Rosie)改編自全球破億經典愛情電影《留給最愛的情書》(PS, I Love You)原著小說作家Cecelia Ahern另一幽默感人作品《Where Rainbows End》。由基斯頓迪他(Christian Ditter)執導,《魔鏡•魔鏡:白雪公主決戰黑心皇后》莉莉歌蓮絲(Lily Collins)及《飢餓遊戲》系列森加芬(Sam Claflin)主演。故事講述青梅竹馬的二人,一同成長面對大世界,一直處於「友達以上,戀人未滿」的狀態,卻各自遇到戀愛上的酸甜苦辣,直到最後發現,最愛的原來就是對方。二人首次合作即默契十足,火花閃耀大銀幕。為今個聖誕,帶來最觸動人心、最浪漫感人的愛情喜劇。


很久沒看過這類輕鬆的愛情小品了, 青梅竹馬、友達以上戀人未滿的情節是我喜歡的~ 不過男女主角的往事好像描寫得不夠仔細...
一直有感覺, 卻一次次錯過了身邊的"最愛", 很可惜~ 電影有點不現實, 但無妨吧, 我們也想要一個好結果~ 願所有人都可以勇敢去愛~
Lily Collins很美~ 有氣質~ 演技也不錯~ 由18歲演到30歲都很ok呢!! 戲路有點像Anne Hathaway (二十多歲的時候啦) 男主角也不錯~ 俊男美女的組合, 真養眼 =)
劇集電影 | Comments:0 | Trackbacks:0 | 2015/01/20(火)