Daisypath Anniversary tickers
長沙biz trip - Day 2
今天10:30am才出發, 所以可以訓到很晏才起床呢, 呵呵! 仲可以晏過平時番工 =p 9點多落去自己食左早餐先, 都是蛋呀ham呀腸咁~ 邊吃邊看"Slamdunk"~ 我已經看到第70幾集了~ 真係超快手呢! 一定可以在出發去江之島之前睇曬101集+劇場版啦, kakaka!!

今天的早餐~

今天主要是site visit, 不過今天下雨, 車有點塞, 我們逛了2個場~ 中午吃了lunch, 因為時間趕, 所以只在一間港式的餐廳快快手地lunch~ 不過我也點了個湘菜 - 辣椒肥腸~ 好多辣椒呢, 不過炒得好香好吃! 豬腸很香很肥、辣椒的味道也好正呢, 不過真的辣, 我飲了2杯西瓜汁才可以, haha! 其實我覺得湘菜幾好吃呀~ 雖然我不太能吃辣 =p
因為下午實在沒什麼事做, 所以在場內消磨了很多時間才去機場呢, 又吃了冰! 都係上次的"鮮芋仙"店好食d~

辣椒肥腸, 炒通菜, 西瓜汁
食店: 星薈港式餐廳
地址: 長沙市雨花區萬家麗路3段36號喜盈門范城3幢2樓


又吃芋圓和冰~
食店: 仙芋傳奇
地址: 長沙市雨花區萬家麗路喜盈門范城1樓2號電梯口


明明是7:15pm的飛機回港, 不過不到5pm就出發去機場了, 消磨一下時間, 又在機場吃了份三文治和柚子茶! 今天一整天都在吃, 汗!
然後就上機了~ 幸好沒有delay了! 回港的飛機有電視看, 我就看了些美食節目! 1.5小時不到就下機了, 好快呢!

在機場吃的三文治, 要RMB98, 好貴呀!!!

再見長沙, 相信好快又會再來了, 今年應該仲有機會的吧!?


回到hk已經9pm了.... airport express去青衣再的士回家, 有得claim真好呢~
海外工幹 | Comments:5 | Trackbacks:0 | 2014/10/31(金)
長沙biz trip - Day 1
星期四、五到長沙2D1N, 也好, 儲番800幾mileage, haha~ 一早8:50am的飛機, 一早6am就要起身了! 救命 >.< 今次上機要自己行樓梯, 平時去旅行影下相就覺得幾開心, 不過今次要自己拎埋行李行, 覺得好麻煩 =_=|||
不用1.5小時的航程就來到長沙了, 上個月才來過, 已經是我第3次到這個城市來了 *0*

不用1.5小時就飛到長沙了~

上個月來, 這兒還是夏天, 今天的長沙就只有15度了, 蠻冷的呢~ 而且還下雨, 真麻煩... 幸好我們有司機接送咋!
先去了一間咖啡廳吃個lunch~ 咖啡廳超大呢, 很有空間感! 裝修也很特別呢, 都是木制的裝潢, 有個大大的書架, 木椅、木枱等, 這咖啡廳是源自韓國的, 所以很有韓式那種很lifestyle的coffee shop的味道~ 很有特色~ 而且是沒什麼人的呢, 真的有令人relax的氣氛! 如果在hk有這些的coffee shop一定大排長龍! 像近來大熱的咖啡弄、茶木等, 人勁多又入座又有限時, 完全沒了那種令人悠然自得的感覺了, 很可惜... 根本是本末倒置呢!
食物方面主要是三文治、waffles、厚多士冰淇淋等為主~ 飲品就是咖啡啦~ 我點了carmel latte, 好飲! 不苦~ 不過好多cream, 哈! 食用就同同事share, 一個tuna三文治和火腿芝士panini, 好吃呢! 如果HK也多點這些舒服、又有feel、人又少的咖啡廳就好了!

Mann Coffee

幾米高的書架~

都是木製的裝潢~

傢俱很有feel~

木的氣息很重~

好喜歡這樣的店呢~

carmel latte, 三文治和panini

真舒服的咖啡廳~
食店: Mann Coffee
地址: 長沙市芙蓉區瀏陽河大道二段300号瀏陽河休閒風光帶B2-201


食完野就去酒店check-in了~ 上次也是住這兒的啦~ 因為下午要見2個客人, 所以趁有少少時間, 就在房間溫下書先, 畢竟待會兒也要幫手介紹呢 >.<

我們下塌的酒店~

見了2場客人, 要幫忙說說話, 好彩都總算完成了~ 不是很難, 但之前也擔心了近2星期呢 >.< 終於完成了, 鬆番曬了!

回酒店稍作休息, 然後就出去dinner了~ 去了大漁鐵板燒~ 其實我之前都在深圳吃過, 百多元RMB就任食, 不錯既~ 上次來長沙也有吃鐵板燒, 今次又吃, haha~ 晚上是跟同事和一個客人吃, 客人飲啤酒, 我也飲了, haha! 每人1.5支 =p 吃鐵板燒飲啤酒是最合適的吧! 然後我被只是第一次見面的客人看出我是很喜歡吃、對吃有要求的人 *0* 我的樣子大概實在太為食了, hahaha! 真說的, 出trip, 最高興就是可以周圍試吃了 >w<
大漁鐵板燒的食物都不錯的, 吃了很多肉! 牛、羊、魚、蝦、蠔、扇貝...... 牛肉真不錯呢, 最後來碗炒飯, 就是鐵板燒完美的終結, 好飽哦!

大漁鐵板燒

牛舌、啤酒、蝦、蠔、扇貝

牛、羊、鱈魚等

以炒飯作終結~
食店: 大漁鐵板燒
地址: 長沙市開福區中山路589號萬達廣場4樓4012-C4013a舖


回到酒店才8:30pm左右~ 時間還早嘛, 休息了一小時左右, 就在酒店房內做massage! 叫人上房按唔洗加錢, 當然叫人家上來啦~ 咁方便! 我都係第一次叫人家上房按咋, haha! 我做了1.5小時的推油~ 剛好呢個技師手勢又幾好wor~ 正呀! 不過在酒店按摩真不便宜, 個半小時要RMB350! 我平時在HK做2小時, 也是HKD$400多呢~
按完摩, 就立即睡了..... 這2天VPN連不到線, 在國內很多網頁都看不到了, 好無奈 >.<

酒店有massage中心, 正!!
海外工幹 | Comments:2 | Trackbacks:0 | 2014/10/30(木)
Wine @ home on Monday~
雖然只是星期一, 不過也約了sally kwan & loretta dinner (本來是約明天的, 但臨時改了今天), 剛好家裡沒人, 我就叫她們不如上來我家嘛, 反正自己買酒飲, 抵好多, haha!
7pm下班回家, sally也剛好在超市買完餸, 就一起回我家立即快快手煮~ dinner有mussels, 牛扒, 羊架和三色椒~ 都是很快手就可以煮好的東西~
loretta上到來時我們都很忙呢, haha! 煮左半小時就食得, 已經8點多了, 很餓呢 >.< home dinner, 一定要有酒的, sally也買了支紅酒, 味道不錯呢, 我可是好怕那些苦澀又酸的紅酒哦~ 星期一都有得飲, kakaka! mussels好好味呢, 不下忌廉的方法, 我下次也是試試呢~

mussels, 牛扒, 羊架和三色椒

快手的星期一dinner~

karen, loretta & sally kwan~

cheer~


Sally買了cake做dessert, 誰知Loretta上來時也買了呢!! 所以我們共有2個cakes *0* 好罪惡呢!
飮了酒當然是談東談西啦, 好快樂的詳談~ 情情愛愛的世界真是佷複雜, 很麻煩! 道理每人都懂, 不過心可不是容易控制的呢! 希望每位朋友都得到幸福~
另外我們又說起年齡了, 已經差不多是二字頭的尾聲, 老了, 仍不習慣呢, 仍覺得自己大學畢業沒多久, 只有25/ 6歲啊, 誰知三字頭真的快來了....

仲有dessert! 2大個cake呢, 好過份, haha!

這個星期應該過得很快吧, 過幾日又要飛了! (雖然只是2D1N的biz trip) 其實我真係有好多私人野要做要plan架! 好煩呀!
娘家派對 | Comments:0 | Trackbacks:0 | 2014/10/27(月)
Sports HD DV~

話說而家好興Gopro, 我都有興趣玩下~ 加上睇左"十二道鋒味", 謝霆鋒成日拎住部gopro拍野~ 好多出街的鏡頭都是gopro之作, 我都睇到心郁郁好想玩~ 不過因為gopro主要for sports拍攝, 而且要幾千蚊一部, 而我只係打算出街玩下影下, 所以好浪費呢~ 不過他說有部大陸版的Sports HD DV~ 才RMB400左右, 他勁說是差不多的東西, 所以他就買了給我, kaka!!

其實RMB400幾真係好抵! 有曬waterproof case同埋好多配件! 有得拍照和拍video, 仲係HD拍攝..... 幾百蚊, 真係好抵玩~ 打算帶埋佢去東京, 好方便, 多個角度拍攝嘛~ 哈哈!
我覺得呢部野, 去海灘、玩過山車、單車、潛水 (可以落到30米)等都真係好正呢.... 不過我仲未研究點用, HAHA! 但操作看似是很簡單的, 反而是要想想如何扣左身上拍攝呢!

另外上星期說想買番本東京旅遊書, 但他幾年前去東京時都買過本閃令令呢! 雖然是12-13年版, 不過OK啦~ 反正我只要是看新宿的介紹 (主要是食物tim) 這樣又可以慳番100蚊了! 呵呵!
購物禮物 | Comments:0 | Trackbacks:0 | 2014/10/25(土)
他的homemade dinner~
晚上他在家下廚, 好厲害, 不是簡單西餐~ 有意粉、法式蘑菇燉雞、三文魚餅、南瓜湯~ 好勁呀! 我最欣賞那個三文魚餅, 要拆骨起肉才可以呢, 我自己一向唔like整呢d麻煩野的, kaka! 有個懂下廚的男朋友真好 >3< 最正係他煮他洗, 我勁梳乎, kakaka!! 煮了3小時, 洗了個多小時, 今天真係辛苦曬了~
dinner時, 我們二人一起看SLAMDUNK~ 他也是fans呢, 動畫和漫畫也看過, 我反而冇睇過漫畫, 哈哈! 好難得他比我更記得d畫動劇情的, haha!! 我已經睇到50集了! 好快手呢, kaka!!
出發去江之島之前一定睇得曬, 希望仲有時間煲埋漫畫啦 =p

意粉、法式蘑菇燉雞、三文魚餅、南瓜湯

nice meal~
生活點滴 | Comments:2 | Trackbacks:0 | 2014/10/25(土)
TGIF*
辛苦一週終於完結了~ 終於到了TGIF~ kaka! 前幾日話要去飲酒, 所以就立即約了幾位CUS之友飲飲飲~ 不過大家的時間唔太arm, 我和angel收工後去了德興任食打邊邊, isaac之後join~ 好飽呀!
然後10點幾11點等埋rainbow出來, 就去了上次shangri-la樓下的bar飲野~ 好彩有位姐~ 4個人開左支白酒, 不斷說說說~ 有"解密"事件! 真係要俾人鬧爆呀!!! hahaha!! 仲有"靈異"事件, 真係好可怕呢 >.< 我竟然被話有女人味, 嘩哈哈! 然後有人立即反對, 笑死, 哈哈! 話我只係豪邁和有義意wor, hahaha!!
然後我的是晚金句: 「如果我係男人我都會鍾意番我自己」! hahaha! 自己都唔鍾意自己, 點會有人鍾意呀 XD

開番支白酒先...

TGIF! yeah!!

CUS三美女 XD

isaac, angel, rainbow & isaac~
食店: Tapas Bar
地址: 尖沙咀麼地道64號九龍香格里拉大酒店大堂
識飲識食 | Comments:0 | Trackbacks:0 | 2014/10/24(金)
Dinner with Car Lai~
今個星期工作都忙呢, 雖然不是夜收工, 但番工時間很intense, 好累呢....

晚上約了carman Lai dinner, 真係好久沒見了! 有1, 2年了吧!? 上星期我們在fb說話, 然後就立即約了今晚噢~
Car lai算是我小三時剛入st rose的第一個朋友, 因為我們是同校車的, 哈哈! 然後中學時又玩在一起 =p 雖然巳很久沒見, 不過仍是完全沒有陌生的呢~ 成晚都說過不停~ kaka! 因為我們有共同話題呢 =p 先說東歐, 然後再說大家的update~ so happ >w< 我真是好容易成為朋友傾訴的對像吧 XD
我們今晚吃日本菜, 來到才知道原來以前曾來lunch過呢, haha! 食物不便宜、偏貴, 不過好吃呢, 都是日本的貨色, 那碟刺身好好吃, 那件toro超讚啊!!! 希望12月去日本都可以吃到這樣的貨色 >w< 今晚終於飲到酒了! sake和啤酒~ yeah! so happy~ 真愉快的一晚 =)

終於有酒飲~

這個刺身併盤好得呀, toro好正 >w<

滑蛋黑豚, 河豚干, 燒銀鱈魚, 宮崎雞~

karen & car lai~
食店: 銀座大倉日本料理
地址: 尖沙咀漆咸道南107-109 中晶金融中心1樓


其實我人緣都幾好丫, 跟很多不同的rosians都仍有contact, haha!!
識飲識食 | Comments:0 | Trackbacks:0 | 2014/10/23(木)
十二道鋒味

王菲和謝霆鋒世紀復合, 網上見人家說在霆鋒的節目"十二道鋒味"趙薇那集有透露出一點點蛛絲馬跡, 我就八卦看看啦~ 反正就當它是個綜藝節目來看~ haha!
12集的節目, 有強勁的嘉賓陣容 (趙薇、阿sa、張家輝、謝賢、eason、容祖兒)、旅遊的美景、訪談、美食、烹調...... 其實都幾arm我呀, 因為我愛吃愛玩嘛! hahaha!!
趙薇、阿sa、張家輝、謝賢那幾集都幾好睇, 而且取景是在法國、西班牙、澳洲、瑞士、內蒙古等地, d景真係勁令呀! 好似睇緊旅遊特輯咁呢, 正呀!! 我都好有去個遠遠的、陌生的國度旅行呢!
睇黎謝霆鋒煮野食牌真係唔錯, 真係識煮而且都有要求~ 那廚房decorate得就像外國節目那樣, 好pro~ 不過d植入廣告真係好勁, haha!!

不過霆鋒真係超chok呀! 訪問、煮食時都超chok, 果然是演藝界最chok的人呢, hahaha XD 成個節目成日比位佢chok, 又播佢d歌, 又有好多close up, 深情對話.... 就好像是謝霆鋒的真人show一樣, kaka!!
劇集電影 | Comments:5 | Trackbacks:0 | 2014/10/21(火)
我個心已經飛左去日本了...
前天已confirm了到東京機票, 但我個心已飛左去日本了.... 這陣子不斷在找資料....
上網search過, 因為12月的輕井澤已經凍了, 有些店會關門, 所以就放棄了~ 其實也沒什麼可惜, 因為本來已不覺得輕井澤吸引~ 哈哈! 如果有紅葉睇就另計啦 =p 不去輕井澤, 本來諗住改去伊豆箱根3日2夜, 不過又怕太趕! 所以最後還是決定找天去近近地的川越~ 可以著和服嘛 =p
因為last day是星期日, 是築地的休日呢 *0* 所以應該不去了! 本來有d失望架, 不過卻發現11月下旬至12月中旬明治神宮外苑應該有銀杏祭, 那銀杏大道勁漂亮, 一於就last day去啦!! 築地的壽司, 改在其他地方吃囉, 差不多姐, kaka!

目前暫定行程如下:
Day 1 - 6am到成田機場 -> 川越一日遊 -> 晚上去tokyo tree
Day 2 - 鐮倉+江之島一日遊 -> 晚上去tokyo tower(看時間吧)
Day 3 - 箱根 -> 大涌谷 -> one piece船 -> 晚上住溫泉酒店
Day 4 - 箱根 -> 強羅 -> 小王子博物館 -> 湯本手信街-> 傍晚回到東京
Day 5 - 明治神宮外苑銀杏大道 -> 下午機回香港
完全冇shopping時間, 哈! 另外我好憎成田機場, 洗唔洗咁遠呀!

準備工作:
1. 已電了負離子剪了髮, 下個月再染吧!
2. 買衫...
3. 為了準備去江之島, 我打算重看80集的"男兒當入樽"! 目前只看了2集! 哈哈!
4. 買部大陸版的Gopro
5. 日日睇住2014紅葉前線, 準備隨時改行程
6. 買番本東京旅遊書慢慢研究

PS* 我呢2個星期好似輕左, 得番100磅既 *0*
生活點滴 | Comments:12 | Trackbacks:0 | 2014/10/19(日)
SailorMoon Crystal - ACT 8 美奈子 Sailor V

今集Venus出場真係好有氣質呀! 比舊作更有氣質! 連配音都好好wor, 真係想像不到之後的美奈子會變得幾咁低B, 哈哈 XD 不過亞提密斯的配音聽落真係好唔慣呢, 好man呀 =P
其實找Venus來扮公主呢個plot真係好無聊! 如果扮多幾集都ok的, 不過只扮了一集, 下集真正的Princess Serenity就出出場了, 無啦啦扮一集only真係好無謂, 汗!
Moon的頭飾又改變了, 其實又係好無謂, 是要每2集就改變一下嗎? 哈哈!

比起漫畫, 美奈子有幾幕都是新加的, 如artemis叫美奈子不要孤軍作戰, 美奈子說那是她的使命, 還有是阿兔覺得美奈子在隱瞞什麼似的.... 其實動畫加少少野, 我覺得幾好呀!

今集的重點, 應該是Moon主動kiss禮服幪面俠吧! 當年看漫畫, 已經覺得這一幕幾奇怪, 點解moon會在那個時候, 無啦啦把自己的初吻(她自己以為的)獻上呢!? 汗.... 仲要kiss完就走, 留底那個很"乙女"的禮服幪面俠在掩嘴"回味" XD 真係幾攪笑, haha!
然後其實我都唔係好明, 點解戰士們可以在東京鐵塔跳來跳去的呢!? 是有什麼神力嗎? XD (btw, 在SM中東京鐵塔實在出得太多次了, 我今次去東京都係應該要抽時間"朝聖"的, 哈哈!)

最後, 禮服幪面俠為了救Moon而擋下了古舒特的攻擊! 下集, Princess Serenity終於醒覺出場了!! 呵呵..... 又好期待了呢.....


btw, 據說sailormoon crystal有26集... 究竟它是會有埋R版嗎!??? 看情況應該會吧!?? (雖然我不太喜歡R, 我不喜歡chibiusa啊....) 其實好希望新動畫可以做埋去stars.... 畢竟舊作中, stars那輯真是太不知作謂了, 好白痴 >.<

月の光は愛のメッセージ

PS* 我想翻看一次Sailor V漫畫呀... 不過果3本漫畫搵唔番... 唔知去左邊呀, 汗.... >.<
動漫狂熱 | Comments:2 | Trackbacks:0 | 2014/10/18(土)