Daisypath Anniversary tickers
毋懼風雨
晚上雖然下雨了, 但仍再次走到金鐘街頭, Peace in admiralty! 謠言比現場更可怕, 香港人其實真係好冷靜、好和平! 大會亦常提醒不要被挑釁!! 大家不要自亂陣腳, 不要亂信謠言, use your brain to think! 繼續冷靜沈著應戰! 香港加油!
這晚比昨晚太大.... 現場繼續非常平靜, 警察也不多見, 大會毫政府總部近乎真空, 警察仍在那兒戒備... 不知政府在想什麼, 人家在暗, 我們在明.....
政府採取愛理不理、放任的態度又沒回應、民眾對立擴大, 再這樣下去, 大家的熱情也要退去... 現在最害怕的是面對著無動於衷的政府, 我們還可以做什麼? 我們表達了意願, but what's next???? 大家不要再自high, 再沈醉在過去幾日的悲壯記憶了, 我地要有策略同下一步呀! 否則一鼓作氣、再而衰、三而竭!
PS* 我唔係叫人去亂衝呀, 只係我真係唔知下一步應該點......
我只希望其實有人已經暗地裡、保密地策劃下一步行動!! God Bless Hong Kong!

9月30日晚的金鐘..... 塞滿了

Do you hear the people sing?

大家高呼著689下台

這夜, 金鐘仍是如此迷人

大家讓出緊急通道, 讓白車駛過
香港足跡 | Comments:0 | Trackbacks:0 | 2014/09/30(火)
團結呀, 香港人!
晚上回了家, 但之後忍不住出了金鐘, 先裝備好糧水就出發, 一路暢通.
金鐘人很多.... 畢竟昨晚出哂催涙彈, 出發前也有擔心, 不過今晚的金鐘卻異常平靜, 幾萬人中也見不到幾個警察, 有暴風雨來臨前夕的感覺… 人們只是和平站著…. 金鐘沒有傳聞中”亂”的地方~ 我們還見到黃之鋒回來, 大家都很情緒高漲….
金鐘的人很多, 大家亮起了手機的燈, 一片人海燈海, 這夜香港, 很美! 很感動! 我們只是愛香港, 愛香港這個家, 我們要的很簡單, 只是自由和公義!

今天的金鐘

689下台!

民主女神

大家都把手機的燈亮起

金鐘海富中心, 左邊是灣仔方向

中環方向

香港, 很美!


不過大家別鬆懈, 也不要把佔中當成嘉年華, 令本來中立的人反感~ 此外, 網絡上太多謠言, 也不要胡亂相信和發佈謠言了! 現階段大家不要自亂陣腳, 繼續時刻保持警惕, 要有包容的心, 不要被分化, 要有團結的人! 凡事都不只是二元對立的立場呀!
香港足跡 | Comments:2 | Trackbacks:0 | 2014/09/29(月)
香港加油!

9月28日所發生的事, 真係太震撼了!
昨天見到胡椒噴霧已經很憤怒! 今天還有催淚彈和橡膠子彈!?
我們是在經歷25年前的64屠城嗎?
我簡直不敢相信自己的眼睛, 不敢相信曾經有良知的警察會這樣做!!
這真的是我們的家 - 香港嗎?
究竟what the hell is going on?
在網絡上見到香港市民的自發行動, 很感動! 整晚都熱淚盈眶!
因為有你們, 我仍然見到希望!
香港人, 團結呀! 加油呀!
大家也要小心安全!
留得青山在, 哪怕冇柴燒!
生活點滴 | Comments:0 | Trackbacks:0 | 2014/09/28(日)
妹妹Bday Dinner buffet @ W Hotel
由元朗去九龍站, 只需半小時, 其實好快好方便.... 晚上去了W Hotel的Kitchen, 一家人食buffet, 是妹妹的生日飯~ 第一次黎W Hotel, 真係幾令, 型格酒店, i like~
酒店buffet都是那些大路野啦~ 一開始就是吃seafood, 勁食龍蝦、蟹、蝦、生蠔!! 生蠔差不多吃了一打, kaka! 單吃海鮮回本了嗎? =p 海鮮都是那樣啦, 不錯~ 不過蠔就只有一款, 但unlimited supply~
其他熟食也不少~ 不過我沒有吃很多, 一向吃buffet興趣也不大 =p 最開心的是有鵝肝! 正呀! 吃了3, 4件呢, 真罪惡! 但這兒的鵝肝沒yamm的好....

第一次去W Hotel~

海鮮counter永遠都是最受歡迎的!

其他的食物

食左兩大碟海鮮, 正!

我吃的.... 好飽呀!


吃了很多東西, 好飽呀! 席間不斷用手機看新聞, 沒辦法, 太震撼了! 連父母也看也加把嘴! 幸好他們不是會阻撓的人...
HSBC卡有8折, 真心, 唔貴..... 比Yamm起碼平150蚊以上! 酒店buffet來說, 真係算抵tim! 不過, 埋單的人是我, 大出血 T^T 早2日仲諗住今個月可以儲番多少少錢啦, 點知琴日佩左con, 今天請食飯, 又洗左幾千蚊了, 唉 >.<

父母、我和妹妹~

一家四口~
食店: Kitchen
地址: 尖沙咀柯士甸道西1號香港W酒店6樓
識飲識食 | Comments:0 | Trackbacks:0 | 2014/09/28(日)
探B @ Bonbon家
呢2日好忙! 2日出左9篇blog呀! 好癲呀!
下午去了bonbon家探B, 有我, 小嘉, 小透, KETU和Pegpeg一家四口.... 上到bonbon家4點左右~ 先看B, 阿B已有個花名"豐哥", 好正, 哈哈! 豐哥好似雲生呢, 真係好多頭髮, kaka!
豐哥訓得好lum, 大家就先埋位食下薑醋~ 說真的, 我已經10幾年沒吃過薑醋了! 上次吃、已經是十幾年前我表妹出世的時候了! 哈! 那時候年紀還小, 真的不喜歡吃! 哈! 如今也不是特別喜歡, 不過今天還未吃過東西, 所以也吃了3件豬腳, 哈哈!
大家說說生B的陣痛和開才的可怕經歷、生B後大了一個碼..... 媽媽們真偉大呢~

Hello豐哥!

今天的女子組, 但Hector也要來攝鏡 XD

十幾年冇食過的薑醋!


之後豐哥醒了, 剛睡醒有點扭~ hayley和hector也要拍BB, 好攪笑 =P 我晚上有下場, 也差不多是時候走了~ 臨走前BB的狀態仍是一般, 冇抱過豐哥, 只跟bonbon一家三口拍個照就走了~ 哈! 下次再見豐哥時, 屆時應該已經大了很多呢! see u soon~

豐哥睡醒了~

bonbon一家三口~
生活點滴 | Comments:0 | Trackbacks:0 | 2014/09/28(日)
支持學生

一早睇新聞, 好震撼!!
一幕幕好似當年64的場面
冇諗過香港咁快會變成咁, 好可怕!
不過, 在大是大非的環境下, 網上仍流傳著各種令人感動的故事
香港人要團結, 加油!
I'm always proud to be a HongKonger!
生活點滴 | Comments:0 | Trackbacks:0 | 2014/09/27(土)
SailorMoon Crystal - ACT 6 タキシード仮面 Tuxedo Mask

這集其實在上星期六9月20日當日一出就立即看了, 不過近日實在太忙, 太多blog追所以打唔切, 拖左一星期先打得感想....

等呢集都等左好耐喇! 未來呢3,, 4集都好正! 講阿兔、阿衛、Venus出場、倩尼迪公主出場! 看漫畫時, 已經覺得這幾話是18期漫畫中最romantic的, 比之後阿衛被洗腦、二人一起打敗貝爾女王更好看!!!
漫畫中的阿衛一開始並沒有任何力量 (但明明可以跳來跳去), 禮服幪面俠是他自己扮的 (舊動畫他可以用玫瑰花變芯的, HAHAHA) 所以要搵d tricky既方法去尋找銀水晶, 引起了一些騷動....


禮服幪面俠在街上見阿兔暈了然後抱著她真係幾好笑, 說真的, 如果唔係對SM 20年的情意結、如果我是new watcher, 我一定勁吵不合理的劇情, 哈哈哈! 而且他由一開始知道阿兔就是sailormoon, 而阿兔不知道他的身份又真係幾無稽, haha! (可能我真係老喇, 冇曬童心啦~ haha)
最後, 他竟然抱了暈左的阿兔回家, 真是... 咩劇情黎架, hahaha!! 好似好成人情節wor XD 以前小學沒那麼多機會看到談戀愛的情節, 所以SM中阿兔和阿衛的戀愛情節是令我有fancy的呢, kaka!!
下集, 地場衛! 超期待呀!! 終於知道彼此身份~ 好sweet好浪漫架 XD

btw, d網友吐嘈真係好好笑呀 XD 不斷有人說tuxedo mask是變態 XD

月の光は愛のメッセージ
動漫狂熱 | Comments:0 | Trackbacks:0 | 2014/09/27(土)
<移動迷宮> (The Maze Runner)

導演: 韋斯保
演員: 戴倫奧拜恩, 卡雅史葛拉迪奧

在末日國度裡,喪失記憶的湯瑪士(戴倫奧拜恩)與數十少年困在一座精心設計的殺人迷宮當中,他只有加入團隊成為「跑者」(runner),才能姑且令自己暫時生存下來,並解開浪接浪的可懼謎團,揭開箇中驚人秘密,砌低幕後黑手!


完全冇睇過簡介就入戲院睇, 完全唔知套戲講咩的.... 一開始就好緊張刺殺, 好多謎底.... 個maze真係好變態, 班被困既人做到個maze既model都好變態, 太勁了... 不過個maze入面一開始真係有怪獸出現, 我覺得幾攪笑, 哈哈!
最後結局我覺得弱左d, 好似奇奇怪怪咁既....... 洗唔洗攪咁多大龍鳳, 汗!

電影是小說改篇, 仲有2-3集.... 聽說主角們又會去下一個被困被監視的地方呢, 人沒自由, 真係好慘呀... 如果是你, 選擇冒死一試找出路、還是一成不變求安穩呢?
劇集電影 | Comments:0 | Trackbacks:0 | 2014/09/26(金)
長沙武漢Biz Trip - Day 3~
今天可以10am先出發, 正呀! haha~ 早上又是行商場, 大陸的商場真係好大呀!!

行到12點, 要吃lunch了! 又去了一間吃湖北菜的菜館! 來中國, 我蠻喜歡吃中國菜的呢~ 如果去吃西餐我會覺得簡直是浪費quota XD
這個trip的最後一餐了! 繼續吃得豐富一點.... 點了不少菜, 不過都冇咩肉, 都係蔬菜和白肉~ 魚仍然好吃呢! 但最好吃的是那個炆冬菇! 那些菇細細朵的, 不過非常香非常入味! 好正!
最後一餐, 繼續飲啤酒~ 出trip也能這樣, 真不錯呢! kakaka!!
btw, 這公司出trip有300蚊/天的meal allowance, 第一天唔計, 即係我今次去3日得600蚊, 不過我這次吃了5餐, 應該都冇咩so的了, 哈哈! (前前公司也好像是$300/day meal allowance, 不過是實報實銷的)

蓮藕魚, 清沙小白菜, 炆冬菇, 冰震小黃瓜, 腰花喬麥麵
食店: 漢口人家
地址: 武漢市江漢區解放大道628號K11新食藝2樓


lunch完, 就打的回hotel拿行李, 再打的去機場了~ 我們的航班4:10pm才開出! 未到2pm就到機場了! 太早了吧, 汗! 幸好我有ipad, 打下機lor~
在大陸搭飛機, 真係好驚delay! 好彩今次冇事咋!!! 因為KA今日冇合適的時間番, 所以今次飛的是深圳航空, 即係要飛番深圳呀, 嗚.... 飛行時間不用2小時, 我在機上都有睡一睡~ 回到深圳已經6pm了....

武漢機場

搭的是深圳航空

好少見有這麼厚的雲層呢!


深圳機場我以前都來過幾次, 其實都沒什麼, 不過這次來的是新機場~ 很大! 在深圳搭直通車回旺角, 之後再打的回家~ 回到家已經8:45pm呢....
已經一年沒去過大陸biz trip了, 其實都沒什麼不習慣, 都是這樣啦~ 不過間唔中飛下, 真係幾好的, 雖然累, 不過行行下, 睇下野, 其實都係開心事~ 不過我相信, 未來我都唔會勁飛既姐, 一年這次應該都幾有趣吧 =)
海外工幹 | Comments:0 | Trackbacks:0 | 2014/09/25(木)
長沙武漢Biz Trip - Day 2~
琴晚幾好訓丫, 今天9:15am在酒店lobby集合, 今早要見客, 客人安排了車接我們, 去了烈士公園... meeting完之後就回酒店, 再搭地鐵去高鐵站了~

長沙的1.5日遊已經完結了~ 中午就坐高鐵去武漢! 去到先買飛, 搵左好耐先攪得掂, 上車前先吃個lunch, 快快手就去了KFC, 好貴呀! 要RMB 42!! 汗!
我們乘1:13pm的高鐵, 這是武廣線, 由廣州去武漢終點站~ 這武廣線其實我以前都搭過一小段, 不過那時是由廣州去韶關而已.... 由長沙去武漢, 1.5小時左右~ 在高鐵上可以好好休息一下了...

RMB 42的KFC, 好貴呀!

1:13pm的高鐵列車往武漢

沿路的景色


來到武漢3pm左右, 我們打的去酒店~ 武漢是湖北省省會, 這城市、這個省我都是第一次來呢! 真好, 又可以去多過地方, 集郵成功了 XD 這份工, 應該只會飛長沙、大連、武漢... 前2個我早已去過, 唯一是武漢是新地點~
因為公司的關係, 所以book的酒店是Marco Polo Hotel! 正呀! 嘩哈哈!! 5星級酒店果然唔同d =p 房超大呢!! 睡房已經很大, 另外沖涼的地方又是超大的! 勁正! 而且房間很香 >w<

Marco Polo Wuhan


忍不住要拍全景 XD

床舖很舒服~

浴室也很大


稍事休息之後, 4pm就出發去行做市場考察了! 去了很遠的一個地方, 那兒有條很浮誇的步行街, 有西班牙區、意大利區、德國區! 所有建築都是仿照外國的設計, 仲有一些九唔搭八的東西, 真係好強國的感覺! 其實幾好笑, 好似去左果d咩"華僑城"之類的主題樂園呢 XD 這個地方超級大!!!! 行得很累呢! 汗!!

這是西班牙區的建築

西班牙廣場 XD

這是意大利區的教堂

連教堂內部都有裝修

這是德國區

不知為什麼最後有條暴龍, 九唔搭八 XD


然後再去其他商場行, 再去了另一條步行街"漢街"~ 這兒沒那麼浮誇, 冇咁雜, 感覺良好D~ 哈哈! 兩旁的建築有些是外國的, 中間又有些中國古時的東西, 不錯, 這兒的感覺比較raw~ 不過地方又是很大呢! 汗!

漢街

bar在一些西方建築內

入口有漢街的牌坊 =p


最後行到8:30pm先有dinner! 找了一間中餐廳! 我們二人又點了很多很多食物呢! 我們都是吃貨, hahaha!! 難得出trip一次嘛, 當然要食盡佢! 有人陪真係好~ AM也是喜歡吃內臟的人, 什麼奇奇怪怪的東西都吃, 好難得呢 XD
餐廳勁多選擇! 很多武漢當地特色菜! 我好喜歡這類型的中國餐廳! 在中國吃多了, 這些餐廳通常也好吃! 點了勁多東西, 有個地道很的武昌蒸魚很好吃! 在HK不太喜歡河魚, 不過這魚很嫩很鮮很滑呢! 好正! 本來想點鴨血雞雜, 但竟然售罄了!!! 改吃了豬大腸, 也不錯呢, 很肥美! 還有武漢的干麵, yummy!!!!! 本以為湖北菜會像湖南菜一樣都很辣, 不過不會呢, 這兒的食物沒那麼辣~ 也好~ 哈! 伴隨著我們的, 還有2大支啤酒啦! 真係好爽呀!

雪花啤酒, 醬鴨, 燉湯, 涼拌木耳

武昌蒸魚, 干麵, 上湯娃娃菜, 辣炒豬大腸
食店: 俏立方餐廳
地址: 武漢市武昌區楚河漢街15號


好累!!! 回到酒店又是10點多了! 昨天和今日各行了12公里的路呢!! 腿真的很酸呀!
海外工幹 | Comments:0 | Trackbacks:0 | 2014/09/24(水)